"Unë - Udha jote, Ti - Qumështi im..."

[feneri]

. . .

Ia preva gjelbërimit, kokën,
.............me një të rënë të kosës.
Përulur gjer në amëshim…
E, nëse nesër,
......mbarsur me klorofil,
.............nuk gdhihem degë
……………............…në qiellin tënd.
Do pjell errësirash
Yllin e mëngjesit…
Pikuar,
mbi gurët
e varrit
tim…

Vargjet që bulojnë dhe shpërndajnë krizantema, janë pranverë e blertë e nivelit poetik! Sado të shkurtëra horizontalisht, janë të thella vertikalisht. Vlojnë dhe ndezin mendjen medituese të atyre që e kuptojnë arkitekturën moderne të ngritjes! Sukses Suzana Zisi!

[M_u_Z_a]

M u Z a

Ju lexova me endje. Me befason mendimi juaj poetik. Une desha te te vij pas per keto ndjesi qe keni ju ne poezine e brishte.

Dashurija nuk e di a kalon nëper stinë
sepse shpirti asht si mendja e budallajt
herë vjeshtë, herë dimer e herë suferinë
madje ngjan me foshnjet qe lagin shpergajt...

por dashurija tek vargu yt Suzanë
merr tjeter forcë, madje dhe brishtesi
ajo asht e madhe...sa nje oqean
dhe mban brenda saj nje Golfstrim te ri...

Te falenderoj per vleresimin Agim!
Te falenderoj gjithashtu edhe per poezine...!
Ndihem "e bukur" ne vargjet e tua...

SUZAN! I lexova poezit e tua dhe po hedh edhe unë firmën time, si vizitor në librine përshtypjeve.Frymëzimin që ke gdhënde me kujdes,si ai skulptori statujën e mermertë që të shkëlqejë.Ke shum poezi me ndienja,shlodhëse,për ne që jemi mësuar të "ushqehemi me to",por mos ju largo rimës në disa raste.Nuk dyshoj se më kupton.Po të përshëndes me një poezi:

Ali Baba, te falenderoj per vleresimin!
Flm edhe per keshillen! Une shkruaj pergjithesisht varg te lire dhe i qendroj besnike aktit te krijimit...

Vargjet që bulojnë dhe shpërndajnë krizantema, janë pranverë e blertë e nivelit poetik! Sado të shkurtëra horizontalisht, janë të thella vertikalisht. Vlojnë dhe ndezin mendjen medituese të atyre që e kuptojnë arkitekturën moderne të ngritjes! Sukses Suzana Zisi!

Te falenderoj per vleresimin Fener!
Ndihem mire qe e ke kapur thelbin e poezise qe ke cituar!
Edhe pse ne pamje te pare tingellon si "renie".

[M_u_Z_a]

Agim, Ali Baba, Feneri, ju pershendes me kete poezi:


KATARSIS



U ktheva në foshnjërinë e botës sonë.
Femrat e pyllit, ua blatuan foshnjat perëndive.
U shenjtëruam ne.
Gjyshet, u qëndisën rrobat nipërve me kuaj ere,
mbetën pa atdhe…
Meshkujt, u vunë zgjedhën grave dhe i dërguan në arë.
Zoti,
shkruajti në librin e shenjtë se duhej vënë pak drejtësi…
Djalli,
i shtrirë mbi re, dërgoi shi.
Ne,
si gaforret,
të larë nga mëkatet,

Rendim në Ardhmëri…!

[Agim Doçi]

M u Z a

Tjetër fill mbas kesaj tuajes.

U mbylla në kater muret e vetmisë
madje edhe perdet e trishtimit
i rrëxova
në dritaret xhamethyer.
Asgjë nuk mendoja...
përveç miqve
që dergjeshin në banesën e fundit
dhe ASAJ që e deshta
po, po e deshta ndrysh
nga të gjithë njerzit
dhe sot aq shumë më mungon
ASAJ që rrinte aq hijshëm
pranë meje
dhe sot në varreza
përjetsisht e vetme
më nuk ankon...
Shpirti i SAJ ka vajtur atje lart
dhe ndofta kuvendon
me Perëndinë!
Unë rri në odën e heshtjes
rrëzuar mbi vetminë...

[M_u_Z_a]

Shume e bukur poezia.
Te falenderoj qe e solle ketu Agim!


http://www.youtube.com/watch?v=jn8XfKnDPlg





Eh...



Eh,
ato ditë-net në ferr.
Kërkuam njëri-tjetrin mes pyllit të pafund të epsheve.
U përgjakëm, në ferrat e thonjve të kalbur,
në majat e kamave që hijet kishin nxjerrë.
Më zgjate dorën-cung të prerë.
Të zgjata buzët-gjak.
Puthja, iku fluturoi si erë.
Rende ti,
e kape diku.
Më le pa buzë, pa gjinj.
Veshje princeshe, thure me linjat e mia.
Gjakun, ua servire gjarpërinjve.
Hormonet, i rrëmbeu stuhia.
Krahët ia fale një pulëbardhe,
Këmbët,
një prostitute të lodhur nga jeta.
Orgazmat, jehona që ulërijnë shekujve.
Unë,
e shpërndarë si fara e djallit,
Prehje në krahët e tua gjeta.
U struka aty e dehur nga era jote.
Lëngu yt, etje më dha...
Ti, je Zoti që më mban në jetë.
Unë, Sirena që, për dashurinë, fal gjithçka...

.

.

.

[eldushka]

Mund te na risjellesh poezine e babait ketu? Eshte super e preferuara ime.
Te pershendes e perqafoj Su!

[RaPSouL]

Pergezimet e mia M u Z a vertet poezit teper te bukura.


Vetem vazhdoni....

[M_u_Z_a]

Mund te na risjellesh poezine e babait ketu? Eshte super e preferuara ime.
Te pershendes e perqafoj Su!

Rapsoul, Eldushe, ju falenderoj qe humbisni kohe ketu!
Sinqerisht pa ju dhe te gjithe ata qe lexojne ketu, nuk do kish vlere asnje varg imi.


Ju pershendes te dyve me poezine per babain:


NDJEMË…FALMË…PËRQAFOMË…



Unë,
nuk të nderova me timin emër.
Është mbytur në lotin e fjalës,
“poetja jote brilante”, e fëmijërisë sime të vogël.
Thinjat t’i shtova baba,
gabime bëra sa desha.
Me rrudhat e tua shtrirë dashurisë,
.....................................qava e qesha…


Ndjemë baba!
Nuk dita të jem “pasqyra jote e madhe”,
....................shkëputur prej qiellit “sa një gogël”.
Falje, nuk kërkova kur “gënjeshtrat”,
si qilim,
mbi besimin tënd i shtrova.
Kur vuajtjen dhe lodhjen tënde,
gotave të konjakut i harrova.


Sot,
kur netët e mia,
gdhihen mbi fytyrën e bijës sime të njomë,
kujtoj dridhjet e tëndes zemër.
E di mirë baba,
ti, kurrë nuk më ke mohuar,
e asnjëherë turpëruar prej timit emër…


Edhe pse rinisë tënde, pleqëri “çmenduria” ime i dha,
Ndjemë!
........Falmë!
.............Përqafomë…!

Unë të dua baba…

[M_u_Z_a]

Ndjese qe poezine "Eh..." e kam sjelle dy here!

[Ali Baba Tepele]

shiko vidio