Sa kushton jeta e shqiptarit?

[pryll]

Mu më vje me qesh me kta që merren me titullin. Si menoni ju sa rreshta duhet të jenë shkrimet në pc që të lexohen.

Po me nodh kjo tjetra, me hap i temë pa titull, ça do bojn robt? Me siguri do kena dhe vetëvrajse. Forumisti internetaxhi do ndodhet para dukurisë të rrallë të mungesës së titullit. Do i shemet bota e tij e brendshme dhe perceptimi i të jashtmes. Do të dojë të përgjigjet, po s'do përgjigjet dot. Si menoni sa kilogërdec do e ketë shpërthimin masi t'i bymehet përgjigja në tru?

[Dajti]

...edhe une ashtu mendoj se eshte shteti qe ja ul ose ja ngre vlerat nenshtetasve te tij..

[SaS]

jeta e shqiptarit vlen sa nje e pellitur e gomarit !!!

[Duaje Siveten]

TemA

Letër e dëshpëruar për zonjën Topalli

Nga Mero Baze

E di që adresa e saktë e kësaj letre nuk jeni ju, por jam i detyruar të ndjek protokollin e atyre që janë ngarkuar prej shumicës të flasin në emër të Kodit të Vdekjes.

Ka ndodhur një tragjedi e re. Së paku 5 vetë mungojnë nga lista e njerëzve që hipën në një varkë fatkeqe për të kaluar liqenin e Butrintit dhe për të vazhduar rrugën për në Greqi.

Nuk të fajësoj dot për postbllokun e policisë që i trembi dhe i detyroi të kalonin në liqen, pasi ata po bënin thjesht detyrën. Bënë sa mundën dhe besoj se nuk kishin më shumë mundësi se aq.

Nuk të fajësoj dot për peshkatarët, sepse dhe ata bënë sa mundën. Nuk të fajësoj dot as ty, madje as kryeministrin pse ishit në Shqipëri dhe nuk bëtë dot gjë, se nuk kishit çfarë të bënit.

Nuk ju fajësoj dot as pse nuk keni shkuar për ngushëllime, se është moment delikat emocional dhe politik dhe e di që nuk keni kurajë ta përballoni.

Nuk ju fajësoj dot as për policinë, pasi realisht ka pasur disa suksese policore, pavarësisht se ai spoti nuk është bërë për ato, por për t’iu dhënë ca pará klientëve mediatikë të kryeministrit që prodhojnë reklama të neveritshme dhe profesionalisht, jo vetëm politikisht. Qytetarët binden më shumë për mirësinë e policisë nga kontakti me të në rrugë sesa nga spoti juaj i frikshëm.

Nuk ju akuzoj dot as për faktin që nuk shkuat dot te familja e nënës së mbytur me foshnjën e saj tremuajshe, ngaqë kohët e fundit keni ndërmarrë një fushatë për t’u mbështetur më shumë te gratë në politikë.

Nuk ju fajësoj dot pse nuk iu përgjigjeni ashpër kritikave të opozitës për këtë rast, pasi e di që do të kujtojnë vizitën tënde në Vlorë, më 10 janar 2004, një ditë pas tragjedisë së ngjashme, kur fajësove kryeministrin Fatos Nano dhe ministrin Pandeli Majko për papërgjegjshmëri politike dhe përgjegjësi për vdekjen. Ata e paguan shtrenjtë atë.

Nuk të vë faj pse nuk iu mbyll gojën këtyre të rinjve të G99 që fajësojnë qeverinë, pasi bashkë me ta në janar të 2004 shkove ndeze qiri para Kryeministrisë për t’ia lënë vdekjen në derë kryeministrit. Nuk të fajësoj dot pse nuk flet dot për Kodin e Vdekjes, siç fole në rastin e Kosta Trebickës, pasi do të kujtojnë që 9 janarin ia bëre spot elektoral Fatos Nanos.

Nuk të fajësoj dot pse ke votuar për moratoriumin për skafet, pasi e di që nuk ishte një vendim i juaji, por një urdhër mekanik nga fqinjët perëndimorë që nuk besonin tek aftësia jonë si shtet normal, që do ta bënte më të mirë jetën e shqiptarëve këtu.

Pra, kam shumë arsye që të më dukesh e pafajshme në gjithë këtë histori. Kam plot arsye të besoj se je prekur si nënë, si politikane dhe ligjvënësja kryesore e Shqipërisë. Kam plot arsye të besoj se tragjedi si kjo të bëjnë të pafuqishëm si politikan, pasi të zhveshin lakuriq, si një të vdekur të pafuqishëm para futjes në arkivol, ku nuk ke çfarë thua asgjë. Nuk thua dot kemi rritje ekonomike dyshifrore, nuk thua dot kemi ulur papunësinë, nuk thua dot kemi ngjallur shpresën, nuk thua dot ato që thua nëpër mitingje, se ia kemi kaluar dhe Gjermanisë nga ritmi i rritjes ekonomike, nuk thua dot asgjë nga ato që nuk i dëgjon njeri kur i thua.

Nuk i thua dot, se tragjedia është një shuplakë ndaj gjithë gënjeshtrave që thuhen për të gënjyer njëri- tjetrin.

Ata që vdiqën nuk kanë më nevojë për asgjë, as për shpresë, as për gënjeshtra, as për të vërteta. Ata kanë nevojë për respekt, së paku për ikjen e tyre.

Nuk po them që i vrave ti. Nuk them dot që ishte aksident. Nuk them dot që i vrau policia. Nuk them dot që i vrau opozita. Nuk them dot që i vrau qeveria. Por e them me plot gojën se ua bëmë të padurueshme jetën në këtë vend dhe ata ikën në botën tjetër.

Dil kërkoju falje në emër të përgjegjësisë që shumica në pushtet ka për qytetarët e saj dhe humbjen e shpresës në vend!

Dil kërkoju falje shpirtrave të tyre të trazuar që u mbytën në një kanal nga paniku i ikjes prej këtij vendi!

Nuk po të them, po s’iu kërkove falje, jep dorëheqje, se nuk ka më rëndësi. Të vdekurit janë në paqen e tyre, por ju duhet të qetësoni të gjallët, ata që vdekjes dinë t’ia ruajnë nderin dhe t’ia marrin hakun.

[Brari]

merua sigurisht qe duke u lidhur b.ith e breke e hapur me mafien do benj perpara ne biznese.. e sidomos kur dhe de jure do jene ne pushtet shefat e meros.. ruco dadet valentinë e kur do hyj si ne shpi te vet ne zyrat e kryeministrit edvin rama e te ministrave te tije mimkordhelet erion veliajt e brace klosat e do ec pa frike udheve te atdheut pa ju trembur siri se shefa e drejtora policie do jene gjolek arapet e bandave kanibale..
eshte nje mrekulli te jesh njeri i besuar i mafies..
hapu deren te mirave..
jo 2 e 3 vila do kete merua ne golem por me dyzina nga prishja me pd-ne e nga ndreqja e pipzave me mafien..
mirpo nje gje e humbi i ngrati..
faqen e bardhe nuk e ka me..
nejse..

pra duke u bere sherbetor i edvin ruco braces ai e humbi kredibilitetin te shkruaje per ceshtje humane..
le te vazhdoje punen tani si kurdises gerdecesh per llogari te mafies..

le te dalim tek buthrotusi.. pra tek tragjedia ne liqenin e midhjeve..

po qysh vete ki milet e fut femijen ne varka te qelbura..
nuk kishin degjuar keta te mjere per farken.. per prespen per poradecin e otranton..
femijen kur ta beç mos prit te ta mnbroje berisha a pandushi metua apo nanua.. nga dallget e birat e varkes.. o shqiptar..
mos shko aty ku 99, 9999 %.. eshte me sigurte vdekja se jeta..

me ato mijra euro qe pagani trafikantet me mire ushqeni femijet 2 vjet rresht me pak fasule qumesht e zarzavate.. o milet..

jo vetem trafikantet por dhe familjaret e prinderit ( sikurse ky i jati femijes) e te tjere duhen arrestuar e denuar si vdekje-ndjelles-sjelles te femijve te pafajshem.. qofshin te tyre a te botes..

miljona euro dallers franga marka fituan skafistet gomistet e varkaret me te mjeret kosovare qe te perzene nga arkani ja msyne shqiperise e meqe shqiperia nuk u pelqeu vane ne breg det tek mafia skafiste qe ti cojne matan detit..
por ata nuk e kishin idene se ctmerr e ctragjedi sjell gomonja skafi etj.. ata kujtonin se italia ishte nje vrap pele ..nje berdaf der ne baro otranto-brindiz .. dhe u falet kjo mos dije e injorance.. qe e paguan shtrenjte nje pjes.. duke shkuar ne fund te detit..
po lushnjaro myzeqaret tashme i dine historite..ku i con mushka..

tash smund te fajesosh me qeveritaret pse ti kokbosh con gruan katundare qe ska bere kurr not.. qe con femijen 3 muajsh qe te ka falur zoti.. me duart e tua drejt vdekjes..

,,

[saura]

Mu më vje me qesh me kta që merren me titullin. Si menoni ju sa rreshta duhet të jenë shkrimet në pc që të lexohen.

Po me nodh kjo tjetra, me hap i temë pa titull, ça do bojn robt? Me siguri do kena dhe vetëvrajse. Forumisti internetaxhi do ndodhet para dukurisë të rrallë të mungesës së titullit. Do i shemet bota e tij e brendshme dhe perceptimi i të jashtmes. Do të dojë të përgjigjet, po s'do përgjigjet dot. Si menoni sa kilogërdec do e ketë shpërthimin masi t'i bymehet përgjigja në tru?

perkthim te lutem(ne razumijem)

[Linda5]

saura cdo me thon (ne razumijen) mi

[drague]

Do te thote: nuk kuptoj; arabisht edhe polonisht

[Linda5]

Faleminderit drague per perkthimin
Mir qe ju kemi ju qe dini shum gjuh te huja.. se do vdisja injorante ...hhahahaahh

[saura]

Faleminderit drague per perkthimin
Mir qe ju kemi ju qe dini shum gjuh te huja.. se do vdisja injorante ...hhahahaahh

Me sakte eshte Serbo-Kroatisht.me duket se vajza eshte me orghine sllave ,seç ka shkruajtur nje shprehje tek maska e saj,kjo shpjegon dhe pa diturin per te shprehur mire ne shqip.Ame kuptoveeeeeeeee mi krushke.