Berisha: Iki nga politika, nëse humbas zgjedhjet në 2009

[RaPSouL]

Kryeministri është pyetur dje nga një panel analistesh për çështjet me delikate politike


Pse i miratuat me kaq nxitim ndryshimet dhe pse nuk i hidhni në popull këto ndryshime për t'i legjitimuar dhe të shuani zërat?

Ky ndryshim erdhi për shkak të NATO-s dhe vetë NATO-s, sepse NATO është një projekt të cilin qytetarët e thjeshtë shqiptarë e perceptojnë më shumë se çdo projekt tjetër të vendit të tyre. 4 muaj më parë u shpall se do të angazhoheni në çdo reformë dhe u fillua me ligjin e drejtësisë.

Pse me dy aktorë?

Sepse dy aktorët përfaqësojnë mbi 60 % të qytetarëve shqiptare dhe përbëjnë konsensusin më të gjerë të mundshëm. Që ti bëje partitë e vogla të gjitha në mbështetje të kësaj, ishte e pamundur. Ne ishim të përgatitur edhe për mazhoritar, por kërkuam me insistim për proporcional rajonal... Ne nuk mund të pranonim me Dushkun dhe zotimin për ta hequr Dushkun e kishte edhe Rama

Pse nuk i çoni në referendum?

E para vetë Kushtetuta parashikon se kur ajo do të kalojë në popull. Në rast se është për mënyrën se si kemi vepruar ne, nuk mund të kalojë në popull, por nëse do të mblidhen firmat atëherë le të bëhet. Por referendumi kushtetues është i vetmi që nuk ka pasur vlerësim ndërkombëtar. Unë pata ndershmërinë që të pranoja humbjen dhe unë e kam pranuar humbjen e Kushtetutës në atë kohë

Ju keni deklaruar për president të zgjedhur nga populli pse nuk i qëndruat asaj?

Unë e kam kërkuar një gjë të tillë vjet, por unë Sali Berisha kur jam zgjedhur President Republike, kam pasur një shumicë që nuk ndodh më, dhe kemi bërë ligjin për zgjedhjen e presidentit me të cilin u zgjodh edhe presidenti Meidani që mori më shumë se 71 vota dhe ai kishte një figurë të vetën, edhe ai ishte sekretar i PS-së. Në maj-prill kur unë thashë president nga populli, Blushi tha se nuk e pranojmë sepse kur ne kërkuam zgjedhjen nga populli, Berisha ka kundërshtuar edhe është e vërtetë që kam kundërshtuar. Nëse opozita do të pranonte ne do të ishim dakord. Opozita kundërshtonte sepse në një Republikë parlamentare presidenti duhet të zgjidhet nga Parlamenti.

Pakënaqësitë e Topit ndaj Kushtetutës a e kanë thyer marrëdhëniet tuaj me Topin?

Aspak. Sepse unë një armë kam ndershmërinë dhe sinqeritetin. Unë u thashë deputetëve se nëse Sali Berisha e realizon është për presidentin nga populli. Por nga komunikimi që kishim e dija që opozita ishte kundër…

Keni pasur komunikim me Ramën?

Sigurisht që për këto punë kemi pasur komunikim me Ramën sepse këto punë kërkojnë komunikime… Por të vazhdojmë me tej. Unë thashë në grup që nëse ju bindni PS, 54 votat e PD-së i keni. Unë nuk mund të pranoja që të shkoja në votim me Ilir Metën dhe Skënder Gjinushin. Këtë se pranoja sepse kjo do të thotë të fusja thikën, kjo nuk është marrëveshje dhe nuk është e ndershme. Marrëdhëniet e mia me presidentin të garantoj që janë shumë të mira dhe presidenti nuk ka asnjë dyshim se unë isha për presidentin nga populli, por me 3/5 unë nuk mund të isha dakord, sepse vendi rrezikon.

Pse reagoi në atë mënyrë Topi?

Tek firma pati një keqkuptim por gjithçka është kthjelluar. Bashkëpunimi është i pacenueshëm

A keni komunikuar me Topin në atë periudhë?

Pasi jam kthyer nga Anglia jo më parë. Sepse nuk kishte kristalizim të ideve.

Mos deshët të harrohej Gërdeci dhe bëtë këto ndryshime?

Ndryshimet kanë nisur që katër muaj më parë dhe është vazhdim i një procesi të nisur katër muaj më parë që nuk mund ta pengonte askush sepse ishte një kërkesë e NATO-s. Gërdecin unë nuk e harroj deri në momentin e fundit edhe mbrëmë unë kam bërë një mbledhje për Gërdecin.

Kemi 3 të prangosur për Gërdecin dhe 8 të arrestuar për vjedhjen e 24 gëzhojave. Një kryebashkiak i Jugut sillet në mënyrën më të çuditshme dhe ju nuk e kërkoni shkarkimin e Bollanos. Ndërkohë kemi edhe një Drejtor Tatimesh që ka një problem shumë të madh dhe ju nuk e shkarkoni...?

Unë jam kryeministër dhe më takon që të garantoj qytetarët, se qeveria do të bëjë çdo përpjekje për një hetim të plotë të procesit të ngjarjes së Gërdecit. Unë nuk mund të heq sigurinë që kam tek prokuroria dhe janë shumë prokurorë që po hetojnë për këtë çështje. Të jeni i bindur se përgjegjësia do të shkoje deri atje ku shkon dhe do të ketë mbështetje e plotë të kryeministrit aq sa i takon.

A duhej edhe dorëheqja juaj veç Mediut?

Nëse unë do të kisha pasur dijeni mbi bazën e ligjeve dhe nëse ligjet nuk më përjashtonin mua nga ky problem, nëse shërbimet e vendit do të kishin sjellë tek unë rrezikun natyrisht që unë do të kisha dhënë dorëheqjen.

Z.Kryeministër një kryetar bashkie në Jug të vendit vazhdon në vijimësi të sfidojë shtetin dhe shqiptarët, duke iniciuar incidente. Ku është forca e shtetit?

Këtu ka një gjë. Nëse ti del dhe thua se e ndjen veten kanadez unë çfarë do të them ty. Dhe ata dalin e thonë se janë grek fund e krye. Unë s'kam çti bëj. Emrat i ndryshojnë vëllezërit dhe motrat tanë të cilët e bëjnë këtë për të siguruar jetën e tyre në Greqi. Të them unë ty pse në SHBA Xhemali quhet Xhim.

Z.Berisha ndryshe nga qeveria socialiste ju keni lejuar që në këtë zonë të hapen shkollat greke e shumë favore të tjera për këtë popullsi, duke prekur shpesh herë ndërgjegjen e shqiptarëve..

Shkollat private unë nuk mund të ndaloj të hapen Ligji nuk mund të ketë dy standarde.

Pse nuk shkoni ju në Çamëri? Vendi që ju e konsideroni të lirë vazhdon të mbajë në fuqi ligjin e luftës....

Mos abuzoni me ligjin e Luftës. Ligjin e luftës e ka hequr regjimi i mëparshëm komunist dhe presidenti i asaj kohe në Greqi.

Do ta shkarkoni Bollanon?

Nuk më është bërë asnjë kërkesë për shkarkimin e Bollanos nga autoritetet vendore rajonale.

Kam një merak demokratik. Në rast se do të humbisni zgjedhjet në vitin 2009 do të jepni dorëheqjen? Së pari të garantoj se kam vendosmëri absolute që të respektoj çdo verdikt të qytetarëve shqiptar. Kjo është jashtë çdo lloj diskutimi. Ditën që ata të rrëzojnë me votën e tyre Sali Berishën, unë pa asnjë diskutim që nuk do të kem më veprimtari të organizuar politike, do të mbetem një fans i politikës, por do të riorganizoj jetën time në një mënyrë tjetër. Por ky është problem i zgjedhësve.


Burimi i Lajmit!

[Snickers]

Berisha duhet te iki qe tani.Dhe ne 2009 normale qe do i humbi zgjedhjet

[Duaje Siveten]

ja edhe nje deklarate kallpe, e stilit evaziv ... genjeshtra e radhes e salise, ne daç me osa pa brire:

... Ditën që ata të rrëzojnë me votën e tyre Sali Berishën, unë pa asnjë diskutim që nuk do të kem më veprimtari të organizuar politike ...

mbajeni mend se si do ta justifikoje kete genjeshter me nje genjeshter tjeter te ulet e pa princip ...

sali berisha ka dhene nje kontribut te pashoq ne pasurimin e fjalorit mashtrues politik bizantino-komunist shqiptar, banal e te ndyre deklarativ, ka paraqitur nje standard ala-lumpen te ulet moral, i pa-pershtatshem deri i kundert me proceset demokratizuese te vendit.

[strange]

Berisha duhet te iki qe tani.Dhe ne 2009 normale qe do i humbi zgjedhjet

o i mjer, po te ike berisha kend do beni kryeminister ?
o i mjer, thuaj shyqyr zotit qe ki kto se ata socialistat grek jan.
po ski faj ti jo, se ju keni qef ata qe vjedhin met modhe si puna nanos, qe me paret e shqiptarve ben fabrik helikopterash, ajt ajt se jeni msu mju shkel juve, ky spaku e shtini shqiperin ne nato, cfar ka ber fatos nanos deri ne sot? aq do beje edhe edi rama. te mjerit ju, qe sdini, edhe smosoni.

[Kobra7417]

o i mjer, po te ike berisha kend do beni kryeminister ?
o i mjer, thuaj shyqyr zotit qe ki kto se ata socialistat grek jan.
po ski faj ti jo, se ju keni qef ata qe vjedhin met modhe si puna nanos, qe me paret e shqiptarve ben fabrik helikopterash, ajt ajt se jeni msu mju shkel juve, ky spaku e shtini shqiperin ne nato, cfar ka ber fatos nanos deri ne sot? aq do beje edhe edi rama. te mjerit ju, qe sdini, edhe smosoni.

e para punes askujt nga politikaneve sja mban ti dali kunder greqise e ti thot nje fjale kunder , dhe mu ky me duket me shum pro grek se socialistet per faktin se e hengri nje her nga greket kur i doli kunder kur ishte president ...... dhe dyshtetesin ky e lejoi .

Tani ajo qe do i humbi zgjedhjet dihet duke pare qe nga 2005 shum premtime si ka mbajtur . psh : referendumin ne vlore

Nga ana e situates ekonomike :

tjeter eshte qe nuk nderhyri ne krizen e cmimeve te bukes dhe prap nuk po nderhyn per krizen e cmimeve .

subvencionet shteterore per bujqesine nuk i kalojne 20 $ per familje , dhe un mendoj personalisht se do ishte me mir te rriteshin subvencionet per arsyet vijuese :

1. Ulja e cmimeve ne tregun e ushqimeve

2. Permiresimi i bilancit tregtar ( mqs shqiperia importon nje sasi te konsiderueshme produktesh ushqimore )

Nje pike tjeter nga ana ekonomike psh nuk arriti te thyj monopolin grek ne telekomunikacion

asnje investim per burime te reja energjetike
Kto ishin vetem disa nga pikat se jan shum

Pastaj edhe ne orientimet ekonomike - politike ben ca gafa . psh :

se shpejti pritet te privatizohet ARMO dhe gjthm e me shum po del qe kandidatja eshte MOL kompania hungareze e naftes ku paketen kryesore e ka Yukos qe eshte nje nga tre kompanit shteterore ruse te naftes. te shpresojme qe mos te privatizohet nga MOL per me teper qe do privatizohet 80%

Prishja e kontrates me Genaral Motors per trenin elektrik .


Sa per NATO-n nuk ishte Berisha ai qe e futi . Te kujtojme ngjarjet para Nato-s

Ne fillim u kerkun reforma ne shum fusha ku me kryesore ishte ne fushen e zgjedhjeve dhe e drejtesise dhe u kerkuan rezultate ne luften kunder korrupsionit .

pastaj u kerku realizimi i vetem dy reformave si ajo ne drejtesi dhe reformes zgjedhore para samitit . as kjo nuk u realizua se reforma zgjedhore u realizu mbas samitit dhe ajo ne drejtesi s eshte ber akoma .
prandaj ktu eshte shum e qarte qe ishin SH.B.A. qe na futen ne NATO dhe jo qe ne e merituam .

Dhe ne fund nga ana politike . Shtrengimi i dores me Nanon mbasi e kishte ber baronin e mafias dhe kur tha qe ato kan qen vetem per fushate .

2. nje deklarate ne fillim te krizes energjitike te genc rulit qe tha : u mesut keq me drita ju .

Pra sipas mendimit tim sic shqiptaret votun berishen si te keqen me te vogel per te hequr nanon njelloj do votojn ramen si te keqen me te vogel per te hequr berishen .

[ErionB]

Tani ajo qe do i humbi zgjedhjet dihet duke pare qe nga 2005 shum premtime si ka mbajtur . psh : referendumin ne vlore

.

Per shembull, populli i Vlores nuk ja dha voten Partise Demokratike ne 2005, por ja dha Socialisteve. Keshtu qe PD nuk i detyrohet asgje vlonjateve. Nese ata me te vertete kerkonin referandum, voten duhet tja jepnin dikujt qe ua premtonte, dhe jo kundershtarit.

Rritja e cmimeve ka ardhur si pasoje e rritjeve globale dhe persa kohe qe fshatari shqiptare nuk e punon token e tije me shprese se te toka e tije do ndertohet autostrade dhe do e shesi metrin katror me 100 Euro, do te vazhdojme ti vuajne keto pasoja (vetem be nje udhetim ne Shqiperi dhe do shohish se sa me shume i largohesh Tiranes aq me shume parcela te punuara sheh, sa me afer, aq me shume toke te djerrur).

Investimet ne energji? Ndoshta ke qene ne gjume gjate kesaj kohe, por nese ben nje kerkim ne google do te shohesh se brenda ketyre tre viteve kane filluar procedurat per tu dhene me koncension 10 hidrocentrale dhe projekte per ndertim TECesh. Tani pse ne Shqiptaret jemi ambjentalista (me katolike se Papa) dhe nuk duam qe zhvillimin ta paguajme me njefare cmimi te arsyeshem ne natyre, kete nuk mund ta zgjidhe asnjeri pervecse Zotit qe duhet te beje nje nderhyrje kirurgjikale ne trurin tone. Per me teper, te siguroj qe investimet ne energji i japin rrezultatet ne nje hark kohor deri ne 20 vjet, dhe jo brenda dites.

Ruli eshte ministri i pare qe e ka thene te verteten te cilen te gjithe u turren per ta mbytur, se nuk i pelqeu asnjerit. Tha qe deri ne vitin 2020 do te jemi te varur per energji.

the truth hurts

ARMO do te privatizohet. Ruset kane aksione ne te gjithe Europen Perendimore ndersa ne nuk mund ta lejojme dicka te tille. Apo edhe nje here si ne komunizem.

Kapitalizmin do e ndertojme me forcat tona!!!

Nejse, ne shqiptaret vazhdojme me filozofine qe nese nuk e ben shqiperine partia qe mbeshtes une, me mire te digjet...

[Salaadin]

nvestimet ne energji? Ndoshta ke qene ne gjume gjate kesaj kohe, por nese ben nje kerkim ne google do te shohesh se brenda ketyre tre viteve kane filluar procedurat per tu dhene me koncension 10 hidrocentrale dhe projekte per ndertim TECesh. Tani pse ne Shqiptaret jemi ambjentalista (me katolike se Papa) dhe nuk duam qe zhvillimin ta paguajme me njefare cmimi te arsyeshem ne natyre, kete nuk mund ta zgjidhe asnjeri pervecse Zotit qe duhet te beje nje nderhyrje kirurgjikale ne trurin tone. Per me teper, te siguroj qe investimet ne energji i japin rrezultatet ne nje hark kohor deri ne 20 vjet, dhe jo brenda dites.

Nqs s'gabohem ka qene mesim ne gjeografi qe jemi vendi i dyte ne Europe pas Suedise per pasuri hidrike.Mjaftojne hidrocentrale neper perrenj per te ushqyer fshatra te ter me investime te uleta dhe me efekt minimal mbi natyren,jo te ndertojme Tece qymyri per token e djerrur te grekut.

Sala eshte krimbi i politikes shqiptare,me te ne krye,e me Sali Lushen me shoke neper Shqiperi s'do shohim hajer as une as ti.

[Duaje Siveten]

Panorama, 26 April 2008

Kërkohen edhe kryetarë të Bashkive,
që deklarojnë se nuk janë grekë

Nga Besi BEKTESHI

Sinqeriteti i Kryeministrit të Shqipërisë dhe Kryetarit të PDSH-së ka qenë në performancën më të lartë, kur në një studio televizive praktikisht pranoi jo thjesht mungesën e demokracisë në partinë e tij, por edhe zgjatjen e këtij mentaliteti në të gjithë politikbërjen shqiptare. Praktikisht, zoti Berisha deklaroi se asnjë deputet nuk del pa kryetarin e partisë dhe vulën e tij, nuk del në të gjitha sistemet dhe se kjo tashmë dihet.

Berisha kësaj radhe shikimin dhe mentalitetin tonë të prapambetur, ruralizmin politik të bashkuar me bolshevizëm të pa zakontë të zgjatur në kohë, e legalizoi dhe me sa duket tashmë që “ai ka marrë ftesën për NATO” dhe kur bota perëndimore nuk e ka shumë mendjen te demokracia e brendshme dhe sidomos te partitë shqiptare, ka vendosur që këtë koncept ta vendosë në një piedestal të lartë.

Berisha ka një të vërtetë brenda megjithëse nuk ka asnjë lloj të drejte. Berisha ka të vërtetë, sepse jo vetëm ai në politikën shqiptare, por edhe kryetarë të partive të tjera çdo deputet e vendosin vetë dhe e largojnë vetë. E propozojnë vetë ose ju a propozojnë dhe ai e pranon kur merr vesh se filani apo filanka do ta ndjekin dhe nuk do ti luajnë nga istikami i tij. Nuk është vetëm Berisha që ka këtë lloj mentaliteti te ne. Janë edhe të tjerë, por Berisha është më tipiku dhe më i vendosuri për të mos krijuar frymën e një demokracie të zbatuar në partitë politike shqiptare. Nuk ka për të pasur kurrë opozitë ky vend, kur partitë e të gjithë spektrit të saj nuk kanë dhe nuk respektojnë mendimin kundër apo alternativ brenda llojit, dhe sidomos në krijimin e maxhorancave dhe minorancave në parti. Sot, praktikisht edhe pse po pranohemi në NATO dhe pse negociojmë me BE-në dhe pse kemi mbi 18-të vite që rropatemi të kemi demokraci, ne nuk konceptojmë akoma dhe për më tepër pranojmë se teorikisht as që mund ta kemi atë.

Berisha në dy probleme me analistët e famshëm të gazetarit po të famshëm televiziv, po tenton të formojë konceptin e tij dhe po ushtron presion mediatik të pandershëm me bindjet e tij tashmë të shprehura lirshëm anti-demokraci. Berisha e para thotë se “nuk ka kryetar partie që nuk cakton deputetët dhe këtë e dinë të gjithë” dhe kur vjen puna te Bollano deklaron se “çfarë të bëj unë kur një shqiptar deklaron se jam grek dhe se kështu bëjnë edhe shqiptarët e tjerë që ndërrojnë kombësi që duan të jetojnë apo të kenë një vizë etj, etj. Pse thotë Berisha nuk e bëjnë këtë gjë edhe nga populli?

Berisha tashti po fut si të pranueshëm konceptin e mungesës së madhe të demokracisë në parti dhe të kombëtares në kolonat e shtetit shqiptar. Këtë e bën me një qetësi dhe bindje apostolike dhe nuk ruhet as për formë. Kjo është e tepërt dhe besoj se do të ketë edhe pasoja të mëtejshme.

E para, demokracitë e partive në botën perëndimore nuk mund të pranojnë një kryetar partie kaq të ngjitur ndaj lartësive të kultit të individit dhe të fuqive post diktatoriale, që çdo kandidat dhe çdo deputet e nxjerr ai. Cila parti e djathtë e Gjermanisë, Francës dhe Italisë nuk ka rregulla loje që fuqinë e kryetarit të partisë të mos e kontrollojë deri në këtë pikë? Apo ne duhet të jemi shembulli që “ndriçon” në këtë drejtim. Si ka mundësi edhe në të majtën evropiane të mos ketë sisteme kontrolli të fuqisë së kryetarit dhe të vendosjes edhe jashtë vullnetit personal të tij të përfaqësuesve të popullit. Në qoftë se do të kishte qenë kështu, atëherë edhe bota e qytetëruar do të kishte idiotizmat tona në qeverisje dhe në pushtetet e kryetarëve të partive që nesër bëhen kryeministra.

Kur trajton partinë kështu një kryetar, imagjinohet lehtë se si trajton qeverinë kur bëhet kryeministër. Kjo nuk do shumë fakte, sepse shikohet qartë te ne. Por na duhet të pranojmë edhe diktatorshipe bolshevike në qeverisje dhe ato antikombëtare në rrafshin lokal dhe kjo shtrohet si linjë veprimi edhe nga kryeministri. E para se kështu është pranuar nga zotëria numër një i politikës shqiptare dhe e dyta, sepse kjo gjë ju ka pëlqyer edhe atyre në opozitë, sepse përndryshe do ta kishin pikasur dhe kundërshtuar. Tanimë Berisha është i sigurt akoma më shumë, sepse po shikon se edhe në PS-në e sotme i njëjti koncept ekziston dhe tanimë ai është i kënaqur sepse “Berishizmi” ka zënë rrënjë edhe te PS-ja dhe kjo është dyfish fitore e tij. Në këtë rast, Kryeministri i Shqipërisë dhe kreu i PD-së këtë gjë edhe pse me nota folklorike kërkon që ta instalojë ashtu sikundër në bashkëpunim me Ramën ka instaluar në kushtetutë hegjemonit e kryetarëve edhe në kod zgjedhur dhe nene kushtetuese, pro liderëve partiakë të dy partive të mëdha. Natyrisht Berisha ia ka lejuar këtë faj si të tjerëve dhe vetes me konceptin e popullit të tij.

Kur ai deklaron se një kryetar Bashkie i cili greqizohet vetë dhe kërkon të greqizojë edhe lagjen, pastaj rrethin dhe krahinën dhe se “kryeministri nuk ka se çfarë ti bëjë”, sepse edhe njerëzit poshtë apo populli i tij kështu vepron, nuk kryen asgjë tjetër përveç se arrin të komunikojë me logjikën e atij që tashmë pragmatizmin anti-shtet dhe anti-komb, e rrit deri në institucion. Natyrisht kjo gjë nuk pranohet dhe nuk mund të përdoret në botën e qytetëruar, sepse nuk mund dhe nuk ja lejojnë vetes njerëzit e modelit të kësaj bote që të dorëzohen përballë këtyre lëtyrave ideore që derivojnë nga “internacionalizmi” i dikurshëm dhe nga “gabelizmi politik” që në vend që të ndërtojë shtëpi guri me themele të rregullta, pranon të jetojë në plastmase dhe rrogoz antikombëtarë nga që kështu ka një lloj mentaliteti në popull. Pra më detyron edhe mua, apo dhe qindra mijëra të tjerëve, të cilët kanë një bazament njerëzor dhe origjinë qytetare të nënshtrohen në saj të mentalitetit idiot dhe nënshtrues të një pjese të vogël që pranojnë mungesën e demokracisë në parti dhe mungesën e atdhedashurisë në qeverisje.

Për këtë gjë them se do të ketë pasoja kjo punë e “paqme” që lideri demokrat po tenton të fusë në gjakun edhe të brezit që ka lindur mbas 97-tës dhe që armën e di se është pjesë përbërëse e lumturisë. Sepse ka qenë kjo politikë kryetarësh që kanë caktuar gjithçka në parti dhe kryeministra të tillë, sepse ka kryetarë bashkie i cili do që komuniteti që drejton të konsiderohet në një kombësi tjetër që janë faktor që shpërndau edhe armët, rrëzoi shtetin dhe shkatërroi financat dhe për më tepër krijoi brezin e ri që armën e di për gjë të mirë. Jemi shumë të sëmurë dhe kjo sëmundje vjen më shumë nga lart se sa nga poshtë dhe jo në “NATO” të futemi, por edhe në BE apo edhe sikur të bëhemi superfuqi ekonomike këto parime janë kundër pikërisht këtyre organizmave dhe kundër demokracisë. Kur këto koncepte janë në lartësi të tilla, patjetër që duhet të presim gjithçka dhe kjo gjithçka përmbledh shumë ndodhi.

Mbase edhe 30-të vite do t’i kalojmë kështu të çakërdisur dhe të luajtur nga mënd, por së paku ta dimë se në krye të një turme të tillë është një person apo dy persona dhe ajo që mund të thuhet është se njerëz të “luajtur nga trutë” vetëm nga dy soj kryetarësh mund të drejtohen. E para nga po të tillë, por në gradë akoma më shumë, ose e dyta nga të zgjuar që popullin kështu e duan, sepse ndryshe nuk prosperojnë dot.

Varianti i tretë është se poshtë liderëve të tillë, njerëzit janë normalë, por që në normalitetin e tyre nuk arrijnë të ndryshojnë anormalen që i drejton dhe i përfaqëson, apo më mirë që po i keqtrajton. Por ka edhe një variant tjetër që në fakt do të na afronte më botën e qytetëruar. Varianti i personit që dritaret e shtëpisë edhe të gjyshit njeriu i ri si kryeministër apo kryetar Bashkie i ka pasur që të lejonin të futej dielli brenda.

Ky variant është që populli të shpallë tender me një përmbajtje të tillë: “Kërkohen kryetarë partie që nuk i caktojnë të gjithë deputetët” dhe poshtë saj “kërkohen kryetarë Bashkie që nuk deklarojnë se janë grekë”. Nuk duhet harruar edhe rroga. Kushedi ndoshta paraqiten të tillë. Ndoshta edhe me origjinë nga krahinat e NATO-s dhe nga BE-ja. Atëherë ndoshta shpëtojmë.

[Kobra7417]

Per shembull, populli i Vlores nuk ja dha voten Partise Demokratike ne 2005, por ja dha Socialisteve. Keshtu qe PD nuk i detyrohet asgje vlonjateve. Nese ata me te vertete kerkonin referandum, voten duhet tja jepnin dikujt qe ua premtonte, dhe jo kundershtarit.

Rritja e cmimeve ka ardhur si pasoje e rritjeve globale dhe persa kohe qe fshatari shqiptare nuk e punon token e tije me shprese se te toka e tije do ndertohet autostrade dhe do e shesi metrin katror me 100 Euro, do te vazhdojme ti vuajne keto pasoja (vetem be nje udhetim ne Shqiperi dhe do shohish se sa me shume i largohesh Tiranes aq me shume parcela te punuara sheh, sa me afer, aq me shume toke te djerrur).

Investimet ne energji? Ndoshta ke qene ne gjume gjate kesaj kohe, por nese ben nje kerkim ne google do te shohesh se brenda ketyre tre viteve kane filluar procedurat per tu dhene me koncension 10 hidrocentrale dhe projekte per ndertim TECesh. Tani pse ne Shqiptaret jemi ambjentalista (me katolike se Papa) dhe nuk duam qe zhvillimin ta paguajme me njefare cmimi te arsyeshem ne natyre, kete nuk mund ta zgjidhe asnjeri pervecse Zotit qe duhet te beje nje nderhyrje kirurgjikale ne trurin tone. Per me teper, te siguroj qe investimet ne energji i japin rrezultatet ne nje hark kohor deri ne 20 vjet, dhe jo brenda dites.

Ruli eshte ministri i pare qe e ka thene te verteten te cilen te gjithe u turren per ta mbytur, se nuk i pelqeu asnjerit. Tha qe deri ne vitin 2020 do te jemi te varur per energji.

the truth hurts

ARMO do te privatizohet. Ruset kane aksione ne te gjithe Europen Perendimore ndersa ne nuk mund ta lejojme dicka te tille. Apo edhe nje here si ne komunizem.

Kapitalizmin do e ndertojme me forcat tona!!!

Nejse, ne shqiptaret vazhdojme me filozofine qe nese nuk e ben shqiperine partia qe mbeshtes une, me mire te digjet...

Flm qe me informove se se dija qe duhet te qeverises vetem ne ato zona ku fiton dmth qeveria kujdeset vetem per 60% te popullsis sa inkurajuuuusee............

tjetra se cmimet rriten ne tregun global ok po edhe qe te rrish te shofesh sa bukur rriten , se me buken ashtu ben ne mos gabohem . Maqedonia psh aktivizoj rezervat e saj per te ulur cmimin . te shpresojme se do marrin me shum masa per rritjen e tere cmimeve .
Un jam i mendimit qe prandaj i duhet kushtuar shuum vemendje bujqesise ne vend duke e nxitur me subvencione dhe kredi me terma te buta , sepse nqs do te kishim bujqesi te zhvilluar sdo te vareshim nga importi dhe sdo ti ndienim pasojat ne tregun global. 10 Milion dollar kan qene subvencionet per bujqesine ose 25 dollar per ferme dhe un nuk po flas per te tilla subvencione simbolike .

Investimet ne energji po te shofesh strategjin kombetare nuk eshte planifikuar te ndertohen vepra energjitike me buxhetin e shtetit pra gjith kto qe thua ti qe kan nisur procedurat disa nga ato i kan nisur procedurat qe ne fillim te viteve 90 . Pra nisja e procedurave nuk do te thote ndonje gje dhe pastaj kto i ndertojne te tjeret dhe do jene prone e te tjereve pra ti do te dueht tia blesh atyre energjin , e vetmja gje pozitive eshte punesimi i banoreve ne zonen ku do behen ato qeraja e tokes ku ndertohet dhe pastaj taksat .( por ne te tilla raste sic u be marrveshja me ASG Power qe per 3 vitet e para sdo paguante taksa dhe kjo behet per te terhequr investime )

Sa per privatizimin e para e punes dihet qe Rusia do te te ket mundesi shantazhi dmth jo direkt rusia se nuk jemi kaq te rendesishem po nepermjet saj Serbia dhe mqs Ruset ne Ballkan shquhen per marrdheniet shum te mira me 4 vende dhe ne s hym te kto vende rumani bullgari serbi dhe greqi , kjo eshte arsye-ja pse . dhe europa perendimore per vete do te shkeputet nga varesia ruse . dhe un s thash qe mos ta privatizojme ARMO thjesht qe qeveria te jet e kujdesshme se mund ti vuajme pasojat me vone se dihet qe kush ka gazin dhe naften ajo ka pushtet te madh ekonomik dhe politik .

Doja te merrja edhe shembullin e kompanise kandaze te naftes qe operon ne shqiperi pjesen me te madhe ajo e eksporton nderkohe ne importojme nafte dhe kemi cmimin me te larte te naftes ne europe dhe tregu jon i karburanteve njeh rritje vetem dhe jo ulje.

Nuk e di a eshte e mundur po qe kushdo qe ta privatizonte ta detyroje nepermjet kontrates qe te pakten 60% te prodhimit te ishte e detyruar ne tregun vendas . Kshu mund te ulen pak cmimet e karburanteve ne shqiperi po se di nga ana ligjore .

Sa per situaten energjitike tani mu kujtua e mban mend cfar tha ne pogradec para rreth nej viti ne pogradec berisha per dritat kur pogradeci kishte kufizime kolosale ........?

[Duaje Siveten]

nga qe nuk ka ndonje ngjarje tjeter aktualisht per te larguar vemendjen nga roli i tij ne masakren shume-paleshe e Gerdecit, kryeministri "udhezon" kuvendin per te diskutuar hapjen e dosjeve ...

njekohesisht ushtron shantazh ndaj te inkriminuarve qe te rrine urte, te mos "krekosen", por te rrijne urte, se ndryshe ... saliu iu hap letrat ...