Vrasje e rende ne Gjilan

[Mbreti_ILI]

Vrasje e rëndë në Gjilan


Gjilan, 21 prill 2008 / 10:44:03 (InfoSot)

Përmes një komunikate për opinion policia e Gjilanit ka njoftuar të ketë arrestuar tre persona të dyshuar se janë përfshirë me rrëmbimin dhe pastaj vrasjen të A. B., 29 vjeçar, trupi i pajetë i të cilit është gjetur dje nga policia, i varrosur në afërsi të lumit, në oborrin e të dyshuarit të parë, B. H., 31 vjeçar.

Policia dje ka arrestuar edhe dy persona si të dyshuar për këtë rast, 33 dhe 49 vjeçar. Të tre të arrestuarit janë intervistuar dhe ndalur në mbajtje për 72 orë, thuhet në komunikatën e policisë.

Lidhur me rastin policia e Gjilanit ka sqaruar se me 17 prill në Stacionin policorë në Gjilan, një shtetas kosovarë që punon në rrugë si këmbyes i valutave, ka raportuar se i ka dhënë kolegut të tij një shumë të konsiderueshme të hollash - në valutë euro - me qëllim që ai t'i këmbejë në franga zvicerane. Sipas tij, kolegu, gjithashtu shqiptar shtetas kosovarë, të njëjtën ditë ka shkuar të takohet me një person tek shtëpia e shëndetit në Gjilan me qëllim të këmbimit të devizave duke parkuar veturën e tij në auto parkingun e shtëpisë së shëndetit.

Që nga ky moment i njëjti nuk është kthyer prapa, nuk është parë nga kolegët e as nga familjarët, derisa vetura e tij ka mbetur e parkuar në auto parkingun e shtëpisë së shëndetit.

Njësiti i hetimeve të Krimit, e ka marr me shumë seriozitet këtë rast pasi që hetimet në vazhdim kanë dhënë indikacione të dyshimit të rrëmbimit të personit të raportuar si i zhdukur.

Kështu të nesërmen, me 18 prill, një i dyshuar shqiptar shtetas kosovarë, 31 vjeçar, është arrestuar si i dyshuar të jetë i përfshirë në rastin tani më të kualifikuar -Rrëmbim i Personit . I dyshuari është intervistuar në prani të avokatit mbrojtës dhe me vendim të prokurorit është ndal në mbajtje për 72 orë.

Në vazhdim të kërkimit të personit të rrëmbyer, dje /20.04.08/ në orët e hershme, është bastisur shtëpia dhe objektet përcjellëse të të dyshuarit në fshatin Uglarë të Gjilanit dhe me këtë rast janë gjetur dhe konfiskuar: një pushkë gjuetie me 49 fishekë, 6 fishekë të kalibrit 7.62 milimetra dhe një fishek i kalibrit 9 milimetra.

Më pastaj janë arrestuar dhe dy persona gjithashtu shqiptar shtetas kosovar, 33 dhe 49 vjeçar, të dyshuar të jenë të përfshirë në këtë rast. Ata janë intervistuar dhe ndalur në mbajtje për 72 orë.

Më pastaj, në saje të deklaratave të mbledhura dhe dëshmive të gjetura, hetuesit kanë kontrolluar oborrin e shtëpisë së të dyshuarit të parë B. H. 31 vjeçar, kështu që më 20.04.08 ora 14:15, në afërsi të lumit, kanë gjetur të varrosur trupin e pa jetë e A. B. 29 vjeçar në të cilin vëreheshin gjurmë të armës së zjarrit. Sipas hetimeve të deritashme tanishme kjo vrasje e rëndë është kryer me armë gjuetie, e pastaj viktima është varrosur. Trupi i pajetë është dërguar për obduksion në Institutin Mjeko-Ligjor në Prishtinë. Motivi i kësaj vrasje të rëndë po hetohet nga njësiti përkatës, thuhet në kumtesën për opinion, të lëshuar nga Zyra për informim publik SHPK - Gjilan.

[gjilan55]

eshte e turpshme dhe e dhimbshme ajo qe ka ndodh.

[xani1]

Vrasje e turpshme. Vrasje në pabesi. Gjyqi duhet ta thotë fjalën e vet e t`ia shqiptojë dënimin më të rëndë, kurse dënimi tjetër do ta godasë prej Zotit dhe kurrë ditë të bardhë nuk ka me pa ajo shtëpi. Turp. A vritet njeriu për një grusht para.

[alda09]

Kafsheri,kanibalizem. Drejtesia te hap mire syte e veshet.

[AnGeL_DeViL]

Boo ca spo na shohin syte