Denohet Sulmi Tatimor ndaj Gazetes Sot

[Duaje Siveten]

Sot, 06 April 2008

Karamelo: Sulmi tatimor ndaj gazetës “Sot”, ndesh me kërkesat e ftesës së NATO

Në fjalën e përcjellë nga Partia Lëvizja për të Drejtat e Liritë e Njeriut, thuhet se anëtarët e saj dënojnë presionet dhe dhunën financiare, që behet ndaj gazetës “Sot” dhe e konsiderojnë atë si dhunë e presion për të mbytur fjalën e lirë dhe dëlirësinë e saj.

“Mbi të gjitha, ky është një veprim, i cili bie ndesh me atë që kërkon ftesa e shumëpritur e NATO-s”, u shpreh kryetari i LDLNJ-së, duke shtuar se sipas tij, “ndaj duhet që, jo vetëm të anulohet gjoba, por të vihen para përgjegjësisë ata, të cilët guxojnë të bëjnë veprime të tilla, të ulëta e të paskrupullta ndaj shtypit të lirë”.

Partia Lëvizja për të Drejtat e Liritë e Njeriut (LDLNJ), gjatë prononcimit për gazetën “Sot”, përshëndeti marrjen e ftesës nga Shqipëria për në aleancën më të fuqishme ushtarake të gjitha kohërave në rang botëror, që mban emrin NATO. Kreu i kësaj partie, zoti Ligoraq Karamelo, u shpreh se, ai dhe partia e kryesuar prej tij, e çmojnë këtë eveniment të shumëpritur nga të gjithë, si një arritje kulmore të politikës dhe të të gjithë institucioneve të shtetit shqiptar.

“Realizimi i aspiratës euroatlantike ishte, përveçse dëshirë, edhe detyrim, ndaj gjithë atyre individëve e brezave të tërë në historinë kohore të Shqipërisë, të cilët ëndërruan e luftuan për një shoqëri demokratike, me liri e të drejta të barabarta”, deklaroi Karamelo. Sipas kreut të LDLNJ, marrja e ftesës për anëtarësim hap një kapitull të ri në jetën shoqërore e politike të vendit, e cila ka nevojë të çlirohet nga mbeturinat e dogmës totalitare, nga grindjet e nga konfuzioni partiak si edhe për kryerjen e reformave konkrete dhe jo për fjalë e premtime boshe.

Karamelo vuri në dukje që, sipas tij, “sidomos në fushën e lirive e të të drejtave të njeriut, në përgjithësi dhe të minoriteteve në veçanti, kjo ftesë kërkon angazhim e veprime serioze nga të gjithë, duke përfshirë këtu partitë politike, institucionet shtetërore, politike e të pavarura, OJQ-të si edhe nga e gjithë shoqëria, sepse gjendja dhe niveli i tyre aktual është ende larg standardeve euroatlantike, të cilat ne duam të implementojmë”.

[Cimo]

Edhe nje term i'u shtua politikes shqiptare: SULM TATIMOR., what the **** is this ?

[Duaje Siveten]

Gazeta Sot 06 April 2008

Paranoja e Berishës ndaj gazetës “SOT”,
grahma e fundit e karrierës së tij politike

Nga Arjan PRODANI

U bë një kohë e gjatë, që gazeta “SOT” është shndërruar në target të qeverisjes së Sali Berishës. Komunisti Sali Berisha, i bindur në idealin e tij, ka vendosur të çojë deri në fund qëllimin e tij të nxjerrjes jashtë loje të gazetës, të cilën në kohën kur ishte në opozitë e kishte faksimilen prove në çdo seancë parlamentare, në luftën kundër korrupsionit të qeverisjes “Nano”.

I bindur, se me këtë gazetë nuk ka për të pasur ndonjëherë rrugë të mesme kompromisi, Sali Berisha ka vendosur të çojë deri në fund, qëllimin e tij malinj, për të nxjerrë jashtë loje me dhunë dhe represion, këtë gazetë që e ka demaskuar para opinionit shqiptar. Në të vërtetë, këto gjashtë vjet të debutimit të gazetës “SOT”, në tregun mediatik shqiptar kanë qenë vite të përpjekjeve të një tribune të pavarur, në një treg me një konkurrencë të pandershme, në një treg të ashpër, ku politika ndikon në mënyrë të jashtëzakonshme në prishjen e balancave dhe raporteve .

Gazeta “SOT”, në kushtet e një diskriminimi total dhe agresivitetit të papërmbajtur të “makinës kriminale shtetërore”, ka mundur të shndërrohet nga një kaike në mes të këtij oqeani të tmerrshëm e të trazuar politik, në një transoqeanik, që i prish rehatinë dhe qetësinë politikës kriminale që po masakron të ardhmen, ëndrrat dhe shpresat e shqiptarëve.

Gazeta “SOT” diti të shndërrohet në tribunë të mendimit ndryshe midis opinionit mediokër dhe statik, kjo gazetë, diti të thyejë tabutë e një opinioni të përpunuar më së miri në “kuzhinën” politike shqiptare. Kjo gazetë, duke qenë unike në llojin e vet, ka qenë një nga kontribuueset më të rralla në tregun mediatik, përsa i përket denoncimit të aferave të pista qeveritare, duke demaskuar në thuajse gjashtë vjet, qindra skandale të qeverisjeve, administratës dhe zyrtarëve të korruptuar. Kjo gazetë, në kushtet e sabotimit të përhershëm, si nga pozita dhe nga opozita, ka qenë në gjendje të lundrojë me siguri, në parashikimet e saj politike, duke sjellë opinionin ndryshe përpara shqiptarëve. Gazeta “SOT” ka sjellë në faqet e saj, mendimin e palëkundur dhe pakompromis të njerëzve të pavarur, të njerëzve që mendojnë ndryshe nga politika shqiptare, nga mendimi mediokër i saj dhe larg standardeve që ajo ka vendosur për përfaqësimin e mediave.

E ndodhur midis kasandrave dhe berishëve, midis narcistëve dhe ramistëve, gazeta “SOT” është tamponuar nga këto grupime, për t’u bërë kurbani i radhës, ose më mirë “Gërdeci delijorgjian”. Lakuriqësia e Ramës dhe inkriminimi i Berishës, kanë përmbledhur energjitë për të kryer ekzekutimin e gazetës “SOT”, pasi asnjë nga palët nuk është e sigurt në gjetjen e një kompromisi në vijën e saj editoriale, për ç’ka përbën një rrezik iminent në zgjedhjet e ardhshme elektorale të vitit 2009
Duke qenë modest në gjykimin dhe parashikimin tim, mendoj se dyshja Rama-Berisha, kanë gjetur njeriun e gabuar për ta kryqëzuar. Përsa i përket Berishës, në një shkrim timin të para disa ditëve, kam dhënë mendimin për të. Ai është njeriu, që në mënyrën më kriminale sabotoi demokracinë shqiptare, duke e drejtuar qëllimisht në mënyrë të gabuar politikën e Partisë Demokratike, duke mashtruar idealistët dhe njerëzit që menduan, se me rrëzimin e komunizmit, Shqipëria do të shndërrohej në një vend demokratik me shtet ligjor. Sali Berisha ka qenë, është dhe do të mbetet “kali i trojës” i komunistëve në demokracinë e brishtë shqiptare.

Sot, Partia Demokratike është një “formulë” e Katovicës, ku spiunët dhe njerëzit e sigurimit kanë uzurpuar postet kyçe në parti dhe qeveri. Sali Berisha, në mënyrë të qëllimshme tradhtoi shtresat që e përkrahën që në ditët e para të qeverisjes të tij.

- Ai i rrahu dhe dhunoi të persekutuarit politikë, duke u dhënë në vend të kompensimit, ca copa letrash pa vlerë, që nuk i hyn në punë kërkujt.

- Shtresën e pronarëve, Sali Berisha e dhunoi në mënyrë skandaloze, duke shpikur dhe zbatuar ligjin skandaloz agraro komunist 7501.

Kjo shtresë, ka ngelur me tapi nëpër duar duke i tallur me komisione hije, të cilat janë kthyer në shërbim të të birit për aferat e tij. Sali Berisha, në mënyrë të qëllimshme përbuzi dhe masakroi këto dy shtresa, duke treguar se qëllimi i tij i vërtetë është zbatimi i “Katovicës”, të dhënë me urdhër nga njeriu që e komandoi në krye të Partisë Demokratike.

Nëse Berisha, deri në vitin 1997 ruajti të paprekur virtytin e të qenit “njeri i ndershëm”, mesa duket, këtë radhë kjo kartë i është djegur dhe ky nuk është “kontribut” i gazetës “SOT”, por i babëzisë së tij.

Mundet, që tashmë plaku Sali, nuk kontrollon dot më “djajtë” e vegjël të shtëpisë të tij, të cilët kanë dorë, thuajse në mënyrë çudibërëse në çdo aferë apo institucion lekëbërës.

Personi i dytë, që mendoj se është njeriu më i interesuar për mbylljen e gazetës “SOT” është Edi Rama. Ky njeri, nuk mund t’i falë kësaj gazete, ekspozimin lakuriq të fotove të tij të bëra në brigjet e Francës.

Në mënyrë permanente, gazeta “SOT” ka stigmatizuar mënyrën thuajse kriminale që Edi Rama i ka bërë shkatërrimit të Partisë Socialiste, duke e kthyer këtë parti në një institucion bashkiak. Mënyra se si Edi Rama, ka operuar me bashkinë e Tiranës dhe me fondet e saj, kanë qenë qendra e denoncimeve të drejta të gazetës “SOT”.

Personalisht, mendoj se deri tani, Edi Rama nuk ka qenë në gjendje të ngrihet në rolin e liderit në këtë parti. Ai, në mënyrë abuzive ka qenë pjesë e lojërave meskine, ku pazaret e fundit me Sali Berishën e kanë kthyer në vegël të bindur të tij. Përveç suksesit që solli shkëlqimi i fasadave, që ngjyrosi në vitet e para të qenies në krye të Bashkisë të Tiranës, këto vlera ju zbehën, së bashku me zgjyrosjen e këtyre fasadave.

Pra, siç e thashë më sipër, interesi i dy personazheve kryesore të politikës shqiptare është që gazeta “SOT” të mbyllet. Tashmë llogaritë janë bërë nga komunisti Sali dhe djali i përkëdhelur i Kristaqit.

Kamikazët janë në dyert e gazetës dhe kanë bërë gati “mandatin” me 30 milionë lekë gjobë ndaj gazetës “SOT”. E them dhe njëherë: 16 vitet internim në kohën e Enverit, më kanë mësuar shumë. Nëse do e mbyllin gazetën “SOT”, një tjetër “SOT” do të dalë në treg, mbase jo me 24 faqe, por do të dalë.

Gazeta “SOT” është një uragan që nuk mund të ndalet. Ajo do të vazhdojë të jetë denoncuese e politikës kriminale, që lindi nga krimi shtetëror i Enver Hoxhës. Më vjen keq me miopinë e Berishës dhe më pak të Ramës.

Fatkeqësia e Berishës është, se nuk po lë mundësi rikuperimi për të ardhmen e fëmijëve të tij. Jetëgjatësia e tij politike, nuk mund të arrijë kurrë atë të Enver Hoxhës.

Unë, kur pashë të vdekur diktatorin Enver Hoxha dhe kur pashë fëmijët e tij që cilësoheshin si njerëz me damkën “fëmijët e diktatorit”, nuk e vë kurrë në dyshim, që do ta shikoj në këto pozita edhe Sali Berishën.

Mendoj, se Sali Berisha duhet të heqë dorë nga kjo lloj qeverisje skandaloze, në mënyrë që demokracia shqiptare të mos të penalizohet nga një votë plebishitare në vitin 2009.

[Brari]

Në mënyrë permanente, gazeta “SOT” ka stigmatizuar mënyrën thuajse kriminale që Edi Rama i ka bërë shkatërrimit të Partisë Socialiste, duke e kthyer këtë parti në një institucion bashkiak....


shkruan mes tjerash aty lart ki prodani i sot-it..
qenka ne hall prodani qe edvini ka shkaterruar ps-ne..
mirpo.. sic tregon vet prodani paska qenur 16 vjet i internuar.. ne vitet e ppsh-se.. e besoj e di mire prodani qe internuesit e tij qe nga ai "xhemali" e deri tek dulla militojne ne ps te edvinit..
pse kaq merak ka prod-ani se mos nuku e kan te forte partine "xhemalet" e enverit qe sot i udheheq edvinua..?

cudi.. se nje ish i internuar nuk e ka merak ps-ne fare bile do te donte ta shihte ne hale nje ore e me pare..

hajde ish me bisht hajde..

[Duaje Siveten]

Gazeta Tema

Po, kryeministri ka blerë një botues gazete!

Nga Mero Baze

Zoti kryeredaktor i gazetës “Albania”!

Lexova me shumë interes dokumentet që botuat në gazetën tuaj ditën e djeshme dhe u trondita realisht. Ndjehem mirë që një gazetë më në fund po arrin të gërmojë në zemër të një plage mbi dhjetëvjeçare që lidhet me korrupsionin e medias në Shqipëri dhe mënyrën sesi gjithë kryeministrat, përfshi dhe Sali Berishën, përpiqen t’i korruptojnë ato, edhe pse e di që në këtë rast më shumë sesa nga ky motiv, ju jeni nisur nga fakti se mes faksimileve që keni botuar, është një emër i ngjashëm me atë të vëllait tim thuajse të varfër, që nuk jeton në Tiranë.

Tani më duhet të të jap disa shpjegime, më shumë për respekt të lexuesve dhe miqve të mi, të tronditur nga ato që keni botuar. E vetmja koincidencë me të vërtetën në ato që keni shkruar është se unë kam një vëlla që quhet Astrit Baze.

Gjithë të tjerat besoj me shumë dhimbje që janë të vërteta, por jo të vërteta që kanë lidhje me mua. Nga verifikimet e mia të menjëhershme ditën e djeshme në Gjykatën e Tiranës dhe në Qendrën e Regjistrimit të Bizneseve, më rezulton se ka vërtet një shoqëri me emrin “Erjoni” sh.p.k., me pronar Irfan Hysenbelliun, e cila ka filluar aktivitetin që në janar të vitit 1995 dhe vazhdon akoma, herë duke ndërruar aksionerë e herë duke ndërruar emër.

Vendimi i Këshillit të Ministrave favorizon pikërisht këtë botues gazete që quhet Irfan Hysenbelliu, një biznesmen i njohur shqiptar, i afërt me ish- kryeministrin, Ilir Meta, botues i gazetës “Panorama” dhe siç shihet, dhe i privilegjuar i kryeministrit, Sali Berisha. Për këtë po ju dërgoj dhe faksimilet që vërtetojnë pronarin e kësaj kompanie. Administratori i tij, Astrit Baze, nuk është vëllai im. Im vëlla jeton në Golem, në Kavajë dhe mban frymën e familjen, duke shitur në një kioskë të vogël që shkojnë t’ia prishin njerëzit e pushtetit, sa herë mërziten prej meje. Nuk ka jetuar ndonjëherë në Tiranë dhe vjen shumë rrallë këtu. Nuk e njeh as Irfanin dhe nuk e di ku bie kjo uzina që thuajse ia paska falur Berisha botuesit të gazetës “Panorama”. Njeh nga ekrani vetëm Sali Berishën, se voton për të.

Ky është sqarimi i parë dhe më i rëndësishëm, pasi ka të bëjë me përgënjeshtrimin e faktit që Sali Berisha ma ka bërë mua këtë nder. Jo! Sali Berisha ia ka bërë këtë nder, natyrisht shumë të madh, një botuesi tjetër, që në rastin konkret quhet Irfan Hysenbelliu. Nuk kam ndonjë koment tjetër për botuesin në fjalë dhe as për gazetën e tij, pasi ajo gazetë përgjithësisht ruan një etikë në komunikimin me publikun. Njëherë e ka shkelur vetëm për të më fyer mua personalisht dhe familjarisht, kur më sulmonte dhe kryeministri në gazetën e tij dhe që rezulton të jetë periudha kur ka nisur procedura e kësaj dhurate të madhe prej qeverisë.

Po ashtu, kujtoj se më ka mbetur si shije e keqe që, ndërsa gjithë media gërmonte për historinë e Gërdecit, kjo gazetë përpiqej të nxirrte të pafajshëm ministrin Mediu dhe kryeministrin, duke iua veshur përgjegjësinë ushtarakëve të shkretë që nuk i ka pyetur njeri. E përmend këtë, thjesht për t’ju kujtuar se s’kam asnjë afërsi me atë gazetë. Kjo histori e dhimbshme që keni botuar, dëshmon faktin se Sali Berisha po vazhdon një traditë të shëmtuar të blerjes së shtypit, të nisur nga Ilir Meta dhe Edi Rama në vitin 2000. Bilé dhe më keq. Tani po rible gazetat e tyre.

Nuk dua t’jua kujtoj për hakmarrje, por historia e gazetës “Albania” ka një detaj të tillë të rëndësishëm në periudhën kur ishte kryeministër Ilir Meta, duke u favorizuar me një truall dhe leje ndërtimi që i kanë dhënë sot komoditetin për t’u botuar e qetë dhe për të hetuar korrupsionin e Sali Berishës. Faktet që ju rendisni më poshtë dhe botuesit e tjerë që përfitojnë prej zotit Berisha, është e drejtë e opinionit t’i vlerësojë se cilët janë e çfarë bëjnë. Di po ashtu që Sali Berisha të njëjtin nder ia ka bërë pak muaj më parë një tjetër pronari të gazetës “Albania”, duke i falur tokë në sheshin “Skënderbej”, me një vendim të ngjashëm me fermanet e Sulltan Mehmetit II, që bënte pronar me plaçkë lufte çdo luftëtar të tij.

Unë nuk kam asnjë veprimtari biznesi që të më jetë mundësuar ndonjë ndihmë apo mbështetje prej Sali Berishës, përveç përfoljeve të tij të turpshme e të vazhdueshme, se ia sulmoj ministrat hajdutë, se kam interesa personale. Aq banal është bërë në këtë histori, sa është gati të thotë se unë kam shkuar dhe kam ndezur barutin në Gërdec vetëm që t’i prishja punë djalit të tij dhe Fatmir Mediut, të cilët ishin kthyer në “rreshterë” të Delijorgjit.

Së dyti, dua që ky rast të vazhdojë të hetohet, jo më si një problem që lidhet me një botues gazete, por si një shkas për të hetuar lidhjet e botuesve shqiptarë me pushtetin dhe përfitimet e paligjshme prej tyre. Do të ishte në nderin tonë si gazetarë, që ashtu sikundër hetojmë për tenderat publikë që përfitojnë kompanitë e biznesit, të hetojmë dhe për tenderat që qeveria iu jep njerëzve të medias, lehtësitë që ata kanë për të përfituar prona dhe tendera me prokurim të drejpërdrejtë, si dhe rolin e tyre shpesh si sekserë në gjithë këto histori. Kjo qeveri ka mjaft raste të qarta ku favorizon në mënyrë të hapur dhe brutale media të forta vizive dhe të shtypit të shkruar në Shqipëri dhe iu turret pa mëshirë disa mediave, të cilat nuk kanë mundësi të rezistojnë përballë gjobave apo sekuestrove, të cilat nuk janë të dëgjueshme ndaj qeverisë. Madje, ka raste dhe më të turpshme për qeverinë, siç ishte tullumbacja për gjobat ndaj “Top Channel” dhe mediave afër saj dhe pastaj mosmbyllja e raportit jashtë gjithë afateve ligjore, çka vë pikëpyetje të mëdha ndaj qeverisë dhe transparencës së saj.

Shihet qartë, se qeveria thjesht ka dashur t’i terrorizojë këtë media dhe jo të mbledhë taksa prej saj.

Së fundi, do të desha që kur komentoni raportet e mia me kryeministrin, nuk keni nevojë të bëheni paranojak, por mund t’iu referoheni fakteve. E di se ata që kanë çuar këtë vendim qeverie në gazetën tuaj punojnë në zyra të qeverisë dhe mund të jenë bërë vërtet xhelozë se mos Sali Berisha më ka falur një uzinë ditët që shkruhej për ngjarjet e Gërdecit për të më mbyllur gojën. Por unë nuk kam patur probleme me Sali Berishën vetëm muajt e fundit, kur kisha konstatuar se në Gërdec po bëhej kërdia me miliona që fitoheshin brenda muajit dhe pastroheshin prej Delijorgjit përmes rrjetit të fonderive shqiptare dhe tregtisë së fishekëve.

Unë me Sali Berishën kam patur konflikt publik që në muajt e parë të qeverisjes së tij, kur ai filloi ta konceptonte luftën kundër korrupsionit si propagandë dhe njerëzit e korruptuar i ngjiste në pushtet, me shpresën se ashtu i kishte nën kontroll, siç ka pas bërë mandatin e parë me bashkëpunëtorët e Sigurimit të Shtetit. Qëndrimet e mia janë publike në mënyrë të vazhdueshme, të botuara në shtypin shqiptar, të shprehura në debate televizive dhe të gjitha kanë pasur një bosht, falsitetin e Berishës në luftën kundër korrupsionit dhe dorëzimin e tij para këtij fenomeni, derisa humbi integritetin e qeverisjes.

Ai është tashmë thjesht një peng i bosëve të mafias në vend, i emërimeve familjare dhe rrjetit nepotik që ka krijuar, i cili, për hir të së vërtetës, nuk është se e pyet shumë. Ai nuk është më një lider që mund të shpëtojë diçka në këtë vend, por është një i njeri i pafuqishëm dhe i dorëzuar, që duhet shpëtuar nga mbytja përfundimtare. Ai ka një bilanc tragjik me historinë e tij personale në luftën kundër korrupsionit, pasi nga rënia e shtetit më 9 mars 1997, e cila kishte zanafillë korrupsionin ekonomik dhe politik, kishte vetëm një viktimë, kurse nga dorëzimi i tij para mafias së Fatmir Mediut dhe të afërmve të tij ka 26 viktima dhe 300 të lënduar.

Asnjë kryeministër në botë nuk ka ndonjë bilanc më tragjik nga korrupsioni sesa ky dhe askush nuk mund të mbahet mend më gjatë në historinë botërore si kryeministër i korruptuar sesa ai që ka trimëruar mafiozët të vjedhin edhe duke vrarë. Unë nuk kam qenë kurrë në asnjë moment gjatë mandatit të tij qeverisës i pajtuar me këtë strategji që ndiqte, duke bërë luftë kundër korrupsionit me pranga policësh mbi mësues apo roje nafte dhe duke lejuar masakra korruptive, siç janë dhjetëra tendera që komandohen nga familjarë të tij, misione të dyshimta bamirëse, privilegje për njerëz që i bëjnë fresk etj.

Qëndrimi im kritik ndaj tij nuk lidhet as me ngjarje të fundit dhe as me konflikte personale. Duke qenë një mbrojtës i tij i palëkundur në opozitë, unë e kam patur të lehtë të bëja atë që bëjnë familjarët e tij, shumica në mërgim në atë kohë, madje dhe ish-kundërshtarë të tij, që ju kthyen në familjarë më pas, por nuk e bëra këtë gjë me vetëdije. Shita biznesin tim, lava borxhet që kisha krijuar për të ndihmuar Sali Berishën dhe tani jam i qetë në shtëpinë time me fëmijët e mi. Nuk u pajtova për asnjë ditë me mënyrën si qeverisi, me stilin e tij formal për të vënë kukulla në vend të profesionistëve, për të vënë refugjatë në vend të figurave me karrierë politike dhe për të injoruar çdo vlerë politike të krijuar në ish-opozitën e tij, në emër të mosmirënjohjes. Dhe jam shumë më i qetë kështu. Nuk më dalin në gjumë natën fëmijët e Gërdecit të pjekur të gjallë, duke parë “Bang-Bang”, edhe pse jam shokuar nga vdekja e tyre. Ndjej dhimbje po ashtu, kur shikoj hipokrizinë, me të cilën trajtohet fatkeqësia e tyre dhe tallja me dhurimin e librave apo internetit për fëmijë, që vetë ua ke marrë prindërit nga grykësia për të vjedhur.

Fyhem nga shtirja për shtetin ligjor dhe politikat fiskale, kur disa fëmijëve që ua ke vrarë dy prindërit në Gërdec, nuk iu jepen lekët e varrimit, se e kanë faturën nga lokali i fshatit pa TVSH, ndërkohë që atyre ua mori jetën një mafioz, i cili nuk paguante asnjë taksë në shtet për sigurinë e tyre, vetëm pse kishte krahë të ngrohta në qeveri. Kjo është distanca ime reale me Sali Berishën dhe ajo buron nga dorëzimi i tij para ofertës së mafias dhe korrupsionit në vend. Rasti që ju kini publikuar, është dërguar ndoshta nga këshilltarë idiotë të kryeministrit që nuk dinë kurrë ç’bën shefi i tyre dhe që mendojnë se kanë zbuluar një armik që do ta gëzojnë, është po ashtu një ilustrim i kësaj që them, për kapjen e shtetit nga mafia dhe kthimin e kryeministrit në një “rreshter” të saj.

Me shpresë se do ta botoni këtë reagim, për të më bindur se nuk ju ka nxitur kryeministri të botoni një spekulim të tillë.

Me respekt

Mero Baze

[Duaje Siveten]

Sot, 20 Prill, 2008

Tv Klan, ose spot publicitar për sponsorin tonë Berisha

Nga Kastriot Myftaraj

Edicionin e lajmeve në Tv Klan folësja Fioralba Shehu, mund ta fillojë fare mirë edhe me fjalët: Dhe tani po japim një spot publicitar për sponsorin tonë Berisha! Siç po shkojnë punët, shumë shpejt edicionin e lajmeve në Tv Klan nuk do ta shikojë kush veç militantit të stazhionuar berishian dhe të shpërblyer me post, Flamur Shehut. E njëjta gjë mund të thuhet edhe për emisionet e tjera kryesore të Tv Klan si “Opinion”, “Opinion+”, “Zonë e ndaluar” e ndonjë tjetër. Për të tjerat Berishës nuk i bëhet vonë, Tv Klan mund të transmetojë ç’ të dojë.

Edicioni i lajmeve në Tv Klan është shndërruar në buletinin e përditshëm të Ministrisë berishiane të së Vërtetës: Pas pak do të japim edicionin e lajmeve në Tv Klan ku në lajmet kryesore do të ndiqni: Kryeministri Berisha... Tani po kalojmë në pak minuta publicitet: Ç’ lumturi të shkosh tek Qendra Tregtare Uuuuu... Njoftim i Ministrisë së Financave. Në Shqipëri thuhet se ka pensionistë që nuk u dalin paratë dhe marrin bukë me lista. Vetë e kanë fajin. Pse shkojnë në dyqanin e lagjes dhe nuk shkojnë në Qendrën Tregtare Uuuuuuuuu, ku çmimet janë shumë të lira dhe për ku ka dhe autobusa falas.

Tv Klan është shndërruar në Ministrinë e së Vërtetës e qeverisë “Berisha”, po të përdor një koncept të romanit të George “Orwell”, “1984”. Ministri i së Vërtetës i qeverisë “Berisha”, pronari i Tv Klan, Aleksandër Frangaj. Por, drejtuesi i vërtetë i kësaj ministrie, është “sekretari i përgjithshëm”, Blendi Fevziu, teknokrati i Ministrisë berishiane të së Vërtetës. Ministria e së Vërtetës e qeverisë “Berisha” ka për detyrë t’ i përcjellë opinionit të vërtetat qeveritare, për të cilat televizioni publik nuk mund të shërbejë, për shkak të reputacionit të vet si zëdhënës zyrtar i qeverisë.

Aq shumë është berishizuar Tv Klan, saqë ish-drejtorit të informacionit, Armand Shkullakut i hoqën vërejtje bosët Frangaj dhe Fevziu se, kur jepej horoskopi në Tv Klan, shenja e Peshores, që është edhe shenja e Berishës, shpesh kishte parashikime problematike, që në ndonjë rast mund të interpretoheshin edhe sikur Berisha do të jepte dorëheqjen. Tashmë që ka shkuar Andi Bejtja, duket se kjo anomali është rregulluar.

Ministria e së Vërtetës-Tv Klan ka dhe buletine speciale si emisionet “Opinion” i klonuar me “Opinion+”, sipas parimit: “Gënje dy herë të besojnë një herë”. Të dashur teleshikues, në pjesën e dytë të emisionit “Opinion” do të paraqitet një e vërtetë ndryshe për ngjarjen e Gërdecit. Dhe tani kalojmë në pak minuta publicitet: Ç’ lumturi të shkosh tek Qendra tregtare Uuuuuu... Për gënjeshtra të rafinuara që i përgatit Fevziu, është “Zonë e ndaluar” e Bushatit.

Në fakt i gjithë Tv Klan është zonë e ndaluar për të vërtetën. Kur situata bëhet e vështirë, si pas Gërdecit, dhe Fevziu e ka të vështirë të bëjë detyrën, ja ku del në skenë Alketa që sjell melodramën “Gërdeci”, sipas skenarit të Ministrisë të së Vërtetës, duke zgjedhuar mediatikisht foljen “mallëngjej” në kohën e tashme: Unë mallëngjehem! Ti mallëngjehesh! Ai/ajo mallëngjehen! Ne mallëngjehemi!(Stop: kalojmë në publicitet: ç’ lumturi të shkosh tek Qendra Tregtare Uuuuu.....

Sikur viktimat e Gërdecit të kishin dëgjuar Tv Klan do të ishin gjallë sot), Ju mallëngjeheni! Ata/ato mallëngjehen! (Publicitet) Por dreqi e mori, Fevziu dhe kryeministri qeshin! Mos e nxirrni blof Alketën! Tv Klan, duke kryer funksionin e Ministrisë të së Vërtetës, është shndërruar praktikisht në ministrinë që u kushton më shtrenjtë shqiptarëve në qeverinë në “dietë” të Berishës. Kjo për faktin se si shpërblim për rolin që bëjnë, klani që drejton Tv Klan, shpërblehet me gjithfarë përfitimesh abuzive, duke u bërë sekser tenderash dhe të drejte të evazionit fiskal, si dhe emërimesh në poste fitimprurëse në administratë. Frangaj dhe Fevziu i kanë mbushur mendjen Berishës se “Me ne gënjehen të gjithë!”

Pas ngjarjes së Gërdecit në horoskopin e Tv Klan, shenja e Peshores, që është dhe shenja e Berishës, ka të dhëna shumë më optimiste se më parë. Për të kujdeset vetë Fevziu, si astrolog amator, se Juela Meçani i ka thënë që doktori e dëgjon horoskopin në Tv Klan. Madje një ditë doktorin mezi e kthyen nga rruga se donte të shkonte në Qendrën Tregtare Uuuuuu, në kohën që do të fillonte mbledhja e qeverisë.