Reagimet e para pas "zgjedhjeve" në Iliridë/Fyrom në shumë media janë trajtuar mvarësisht nga interesi momental apo nga raporti i forcave politike me ndikim në media.Sidoqoft disa media shprehën brengosje dhe keqardhje për mënyrën e votimeve dhe ngjarjet rreth votimeve...Po cka thonë analistët e pavarur?Ja cka thot Mehdi Hyseni:
INJORANCA “PEDANTERIKE” POLITIKE ËSHTË ARMIKU NR.2 I SHQIPTARËVE DHE I SHQIPËRISË ETNIKE!
Written by Prof.Dr. Mehdi HYSENI
Monday, 02 June 2008
NËNVIZIM ME SHKAS!
*** Qysh para tetë vitesh(2001) kam paralajmëruar se, po qe se nuk vjen në shprehje federalizimi i “Maqedonisë”, lufta do të jetë e pashmangshme. Edhe sot, vetëm ky opcion mund ta shpëtojë shpërthimin e një lufte të re ndëretnike në “Maqedoni”, pavarësisht nga fitorja momentale e PDSH-së së Menduh Thaçit në zgjedhjet e fundit(qershor 2008).
*** Federalizimi i “Maqedonisë” është opcion politiko-juridik dhe kushtetues shumë i qëlluar, por problemi është se, si të jetësohet ai në praktikë, kur as politika zyrtare sllavomaqedone e as ajo shqiptare (veç BDK-së së Hysni Shaqirit) nuk duan të pranojnë një opcion të tillë të pranueshëm politik për zgjidhjen konfliktit ndëretnik shqiptaro-sllavomaqedon me mjete demokratike dhe paqësore. Fatkeqësisht, injorimi dhe vakuumi i një opcioni të tillë federal me qëllim të arritjes së kompromisit politik historik, pa dyshim, do të shpie në një konflikt të ri ndëretnik në “Maqedoni”.
* * *
Ka ardhur koha që të ndahet “shapi prej sheqerit” si thotë populli. Mjaft më me recidiva të nacionalromantizmit djathtist primordial dhe me injorancën diletantiste pretemduese të “shoshitjes” së çështjes së pazgjidhur kombëtare shqiptare në Ballkan. Kjo formë “trajtuese” jo që është e gabuar, dhe e papranuar metodoligjikisht, por edhe është e dëmshme për interesin e përgjithshëm kombëtar shqiptar ngase krijon nebuloza dhe mjegulla të panevojshme në opinion publik.
Me “trajtesa” boshe, eurforike dhe ekzagjeruese (pa të dhëna dhe pa fakte burimore të argumentuara shkencërisht) pa asnjë kriter profesional, nuk mund t’iu zhvishet maska historike, politike, diplomatike, juridike dhe kushtetuese padrejtësive dhe e gabimeve, të bëra në adresë të shkolonizimit, të pavarësimit dhe të ribashkimit të shqiptarëve dhe të Shqipërisë Etnike në Ballkan.
Në këtë vështrim, edhe problemi ekzistues, dhe shumë i nxehtë i shqiptarëve në Iliridë, nuk mund të zgjidhet me “trajtesa” dhe, me çasje utopike injorante, se “federalizimi i Maqedonisë është ide e dëmshme”?!
Ky “konstatim” s’ka “lidhje familiare” me nocionin e politikës, as të diplomacisë e as të drejtësisë, vetëm se është një “atraksion bombastik” i kapshëm për “shportat mediale të pavarura” të privatnikëve entuziastë të internetit, pa asnjë domethënie të qëndureshme profesionale mbi bazën politike a juridike, asgjë më shumë.
Edhe pse sot një numër i madh i “masmediave të pavarura” kanë nevojë të madhe për “zhanrin” e shkrimeve të tilla, pa asnjë vlerë etike dhe profesionale as shkencore, masmediat (qoftë elektornike dhe ato joelektronike), që janë në fokus të trajtimit konstruktiv dhe profesional të çështjes kombëtare shqiptare, duhet t’i hudhin në shporta të mbeturinave të gjitha ato shkrime, të shkruara jashtë normës etike, profesionale qoftë gazetareske, qoftë publicistike, qoftë shkencore, sepse ato janë ndotësit më të rrezkishëm të kontaminimit toksikologjik të ambientit të së vërtetës historike, politike, juridike dhe diplomatike të çështjes madhore shqiptare në Ballkan.
As kombi shqiptar e as Shqipëria Etnike nuk kanë kurrfarë nevoje as interesi, që asnjë aspekt i tyre mbi bazën historike, politike, kushtetuese, diplomatike dhe shkencore, të “shoshitet” nga diletantët dhe “badihavxhinjtë” e kafeneve dhe të “firmave” të ndryshme të biznesit mikst serbo-shqiptar(1989-2008), sepse ata “zgjidhjen” e problemeve ekzistuese shqiptare, e shohin vetëm në “filxhanat e kafesë” dhe në “retrovizorët “ e taksive, të kombibusëve, të autobusëve dhe të aeroplanëve të tyre “diplomatikë” dhe “politikë”, në stilin e “pazarit ditor” kah t’ua “rrokë më shumë”, sepse nuk kanë kohë për shfletuar libra as dokumente, që kanë të bèjnë me zgjidhjen e çështjes kombëtare shqiptare në kontekstin e realiteteve të reja politiko-shtetërore dhe territoriale, të krijuara në Ballkan dhe në Evropën Juglindore (1990-2008).
Ndaj, ndryshe nga një “zhavorr vërshues” i tillë (pa kurrfarë cenzure profesionale, jo cenzurë politike as borgjeze as sociokomuniste) si në masmediat elektronike, ashtu edhe në ato të shkruara profesionale kombëtare, duhet të gjejnë vend të merituar shkrimet profesionale :komentet, analizat, publicistika etj.,të profilizuara, të brumosura me komponentin historik kombëtar dhe botëror, me komponentin etik, me komponentin epistemiologjik, dhe me komponentin e filozofisë politike etj., , të shqyrtuara në frymën e mendimit dhe të kritikës analitike nga ana e kuadrove të kualifikuara akademike kompetentente (jo taksistët, burekxhinjtë, llustraxhinjtë, specaxhinjtë, furraxhinjtë, gjellëbërsit, kundraxhinjtë...etj.), që garantojnë nxjerrjen e përfundimit të drejtë, objektiv, racional dhe të justifikueshëm të temave të parashtruara për shqyrtim (qoftë planin kombëtar, qoftë në atë ndërkombëtar), që u referohen problemeve akute të shqiptarëve në Ballkan, e jo kursesi shkrimet “universale profesionale” për t’i plotësuar boshllëqet e shoqërisë konsumatore të pazarit ditor politik dhe tregtar, të cilat, fatkeqësisht qe më se dy dekada ndodhen në “plan të parë” të masmediave të ndryshme private, thënçin të “pavarura” sipas interesave të ndryshme partiake,.tregtare, profitabile dhe karrieriste politike etj.
Krijoni Kontakt