Ferit RAMADANI : KURORA E TUTANKAMONËVE

[gjakushi]

MakoRajhu vepron!



KURORA E TUTANKAMONËVE



Shkruan: Ferit RAMADANI

Kërçovë, 16. 04. 2008



Ka pushtuar gjithë hapësirën për të krijuar forcën e MakoRajhut!

Ashtu e kërkojnë standardet dhe pozitat e funksionimit sipas planprogrameve të fushatës zgjedhore, që ua sfidonin për mirëqenie qytetarëve, duke rrahur gjoksin rreth një muaj përpara sa të rrëmbenin mandatet e pushtimit! Dhe krijuan pushtet . Rajh që vijon botëkuptimin, të dëshmohet absurdi!

Absurdi i atyre përkrahësve që shkuan deri në vetëflijim , t’u ndihmojnë të vijnë në krye udhëheqësit, për premtimet se do të bëhet mirë! Të vijnë në krye udhëheqës dinjitozë , e të tillë, të mbesin pa u ngrysur për kërkesat e çështjes kombëtare ! Jo si ata përpara, që ulën armët majëmaleve, për marrëveshje të Shën Stefanit në Ohër, e pastaj, u kapërdisën me kamxhik për të ashtuquajturin integrim, dhe me kallashnikovë, mbushën kutitë e votimin për Brankon ! Jo! Shqiptarët, pritën të vinin në krye udhëheqës për të qeverisur sipas programit që krijonte mundësinë e të shprehurit i pavarur, kundrejt një zallahie integriste që na fuste në humbellë…Çfarë ëndërrimi i këndshëm që përfundoj qysh ditën e hipjes mbi shalën e harlisur të MakoRajhut hunguritës për shtypje e mjerim, me thapathupjet e Nikollës!

[gjakushi]

***

Ranë kalorësit e parë! Shyqyr! Do të kalërojnë mbi shalën e harlisur të MakoRajhut ata që dijnë ta bëjnë zap harlisjen e tij !, mendoj mileti. Duartrokiti dhe u gëzua. U gëzua për plejadën e rishtakëve, që do t’ia nxierrin gjoksin para, të keqes shekullore, dhe, kombit do t’ia hapë horizontin e zhvillimit ! Do t’ia krijojë rrethanat e pajtimit për unitet !

Çfarë zhgjëndërre! Çfarë makthi! Si u katandisën shpresat e sëmbarës askush s’e di. Vetëm Shehirat e bakshish Kohës ala VmroVremes, që mbushin faqet e saj - bëjnë Rubaira ! Të tjerit, pengohen, censurohen të heshtin ! Diçka në grykë u lidhet, dhe atë ose ta bëjnë me leje ose ta përshtasin për qejfet e zagarëve që nuhasin për t’iu turr viktimës e ta shndërrojnë në lepur !

Veçmas prej kësaj, sahanlëpirësit rendin e rendin të marrin një kulltuk MakoRajhu! Dhe përditë u japin nga një kafshore ! Janë dorëdhanë ! Pastaj, qysh se në kusinë e Makorajhut lëpihet mellasi ! Le të shkëlqejnë edhe ata ! Prandaj, denbabaden e kanë luajtur atë rol prej servili, ashtu siç i ka dashur dhe i ka kultivuar pushteti ! Edhe Makorajhu i tillë është!

Deri dje, soji i servilëve, çka s’bënë duke shërbyer në kazanin e hashasë udbeske ! Edhe kodiku i kishave di e jo i UDB-ës, ku turren me dëshirë ata të rrethit të ngushtë të Liderit! Edhe sot, të tillë servilat, bëjnë lepe-peqe! Por nga kënde të tjera futen ! Nga muftinitë si muderrizë ! Janë kunguar e spërkatur me ajazmën e hashasë dhe Rajhut ia bëjnë aminin! Si haxhi-efendi-mufti Lati, ai hoxha i dosjeve, për shumë vëllezër që kaluan burgjeve të Idrizovës, Gradishkës e GoliOtokut! Ai hoxha mufti që la pa sigurim hoxhallarët dhe në vend të tyre bëri sigurimin e popave të Ilisë, sipas marrëveshjes me gospodin Stefanin! Poashtu si muderrizi, edhe KaraAhmeti! Ai gjykatësi i gjithë proceseve të të burgosurve shqiptarë! Ai numri dy i gjithë kasabasë për marrje ryshfet e për dallavere në Gjykatën ku diktonte krimi! Dhe gradohen! Natyrisht!

U falen mëkatet që bënë në kohën e murtajës së kuqe të titizmit!

U falen dallaveret dhe korrupcionet e kohës së Qikllopit Gligor !

U falen malverzimet integriste !

Dhe për to, gradohen, në kohën e internacionalintegrizmit vojvodist! Dhe, rigradohen në MakoRajhun e Thapathup Nikollës, me bekimin e Lider Vojvodës! Sepse ata dijnë të shërbejnë mirë!

Përshtaten! Përpunohen! Lakohen. Zhbirohen…!

Ashtu edhe "stuhisë malore " të nëntorit i duartrokasin sikur ajo do t’ua sjellë lulet e bukura të pranverës ! Ashtu duartrokitën dhe krijuan traditë për duartrokitje sa herë MakoRajhu krijoj procese sistematike të krimit!

Po! Latushat dhe Kara Afmetushat, si AfërditëYlber LilëPushtat, u ndihmuan të dalin ngadhnjimtarë! Edhe në kohën e "aferës së armëve" ishin ata që u ranë në erë dhe i mblodhën dosjet. Se, natën i shisnin armët, e ditën, turreshin jepnin informata te sveti Ilija…!

[gjakushi]

***

Megjithatë ajo kohë shkoj! Kurrë mos u riktheftë ! Ndërsa kjo që erdhi , me rikuperimin në Rajh, qysh në hapin e parë hapi buçetën e stërmbushur dhe shpërndau dhuratat si sheqerkat që derdhin vjehrrat mbi koçinë e nuseve, për turlifarë procesesh! Edhe për fishkëllimat e studentve ndaj sfiduesit të prerjes së kthetrave të shqiponjës, kur mori pjesë në përvjetorin e Universitetit Tragjik të Tetovës, shpërndau dhurata që thyen nofulla e brirë të rinjsh ! Sa efektive ! Jo si ato të kohës së Antonios nga Dvorci , që me barbi Gordanën i shpërblyen me dhuratën vdekje gjashtë vëllezër të gjakut ! I gradoj me gradat e lulegjakut brodecasit e malësisë së Sharrit plak! Dhe u bëri selam të gjithë shqiptarëve, se kjo mund t’u ndodhë të gjithëve :

Ashtu si qiklopi Gligor kur vrau Bit Pazarin!

Ashtu si Cërvenkoja ,që vrau Gostivarin!

Ashtu si Car Borisi që u bë ushtarak dhe harroi votat që ia dhan shqiptarët për carevinën , ndërsa ai për shpërblim, i shndërroj në shkrum e hi . Pastaj, befas i ra mallkimi dhe e theu kaptinën…! Tym e hi s’i mbeti !

Prandaj, MakoRajhu nuk vepron ndryshe ! Ai i ka në amzën e tij instalimet e çiftave, sojeve, llojeve me shekuj! Dhe, askush nuk e fajson për këtë? As nuk e mallkon, se kushedi çfarë mallkimi mund ta zejë ?! E mbesim pa të! Dhe pa argatët e tij si muderriz Lati e, Kara Ameti ! E tashti: Laneti! Ibreti! Kok Shkreti…u rrasen për argatëri !

E kush do të na i jepte gjithë këto farë dhuratash kur ne shqiptarët shtohemi shpejt. Shtohemi dhe përditë egërsohemi, në vend që të zbutemi ! Prandaj, edhe MakoRajhu , që të na shpërblejë sa ma shpejt, përditë ka yshtur e po ysht argatët e skandallodonisë që, ta bindet Junani dhe të pranojë me kompromis se ky emër I skandaleve i shkon përshtati këtij vendi.

Shqiptarët qyshkur janë regjur me dhurata të tilla. Sado t’i kenë përmasat e së keqes, ata i durojnë . Se me halle kanë lindur dhe të tillë do të vdesin ! Ata me qetësinë dhe lumturinë nuk janë të mësuar. Se sa për stuhitë e rrufeshme të MakoRajhut, qysh kur nxierrin kokën nga mitra e nënës bëhen imunë !

[gjakushi]

***

Të tillë qenkan edhe brodecasit !

Ata që bënë mëkat duke strehuar "grupet e kriminelëve " që ikën nga pallat-zëndanet e Idrizovës dhe të Dubravës të krijuara enkas nga YugoRajhu, për jetën e lumtur të shqiptarëve!

Prandaj, gjithë kjo rrëmujë! Gjithë ky kungim për të kryer inkuizicionin në Brodec! Atje ku kishin gjetur skutat të shpëtonin kokën shqiptarët e ngratë. Por, MakoRajhu ngadhnjeu! I vrau me marrëveshje ! Dhe i quajti kriminelë ! Si dikur Bajram Currin në Shpellën e Dragobisë! Si Luigj Gurakuqin! Si Jusuf Gërvallën! Si Avni Elmazin! Si Beqir Limanin…

Dhe, se mbylli me aq. U kthye i dalldisur për të festuar fitoren me këngët për brat Luben që, shndërroj në zi gjithë nënat e motrat shqiptare! Këngë për rikthimin e tij në MakoRajh ! Se i tillë është! Dhe përkujdeset për të vetit ashtu siç ndau mjete nga buxheti i mbledhur i shqiptarëve ta nxierr brat Luben nga Haga! Të dalë ai e të jetojë i lirë pa i rënë një qime nga koka. Ndërsa Xhaviti, Visari,,,, çka ? Janë kriminelë ! Qysh kur kanë lindur shqiptarë! Prandaj u turr MakoRajhu drejt Brodecit . Dhe ia doli ! I vrau! I plagosi dhe i burgosi të tjerit se i kanë ndihmuar! U kanë bërë konak! U kanë dhënë drekë e darkë nga copa e ndarë e sofrës së barkcullakëve të malësisë !

Për këtë bëhet gjithë kjo zallahi. Në dirigjimin e star Lubishës mbahet tragjedikomedia në Parlament. Në rolin kryesor ZëvendësRajhu. Ai që për shumçka duhej të ishte i trishtuar. Por jo! Ai është ngadhnjimtarë! E ka fituar betejën ! Gjashtë të vrarit kanë pasur plan organizimi. Flet edhe dosja për ta!... Mileti duhet ta dijë !

Ndaj, MakoRajhu patjetër të veprojë në drejtim të gjetjes së grupeve të tjera që egzistojnë. Se Buçkoja me shokë blenin e shisnin tanke dhe armatime, por ato, s’janë gjë! Edhe sa e sa të tjera si TMRO e MAAKat! Për ta ka arsye. Shqiptarëve nuk u lejohet…!

MakoRajhu vepron! I ka aktivizuar gjithë faktorët për t’i krijuar mundësitë e shtypjes deri në shfarosje të të gjitha grupeve kriminale! Të shqiptarëve ! Shkrimtarët ! Profesorët ! Gazetarët! Studentët që fishkëllojnë! Ata që kundërshtojnë! Të gjithë: Gaditu…!

Vetëm atëherë shqiptarët do të përjetojnë lumturinë ! Për qetësinë e përjetëshme pa frymëmarrje! Vetën në heshtjen e thellë të përkuljes deri në themrën e Thapathup MakoRajhut! Sepse, vetëm atëherë argatëve të tij, do t’u përkulen me përzemërsi: servilat, debilat, katilat, kopilat…! Ndërsa, kurorës së tutankamonëve, do t’u shtohen surratet, në suitën e të cilve, përgjithmon do të ndodhen edhe haxhi-efendi-mufti Latë për salavate, e padyshim edhe kara Ahmet gjykatësi për ligjshmëri … duke u ushqyer me bereqetet e zek-kumit…!

[gjakushi]

***

Kohë ndryshimesh ! Lideri sfidon! Lideri Kërkon gjashtë pika! Ta fshijë njëherë e përgjithmonë çështjen shqiptare nga rendi i ditës! E me të të mbesë legjendë e integrizmit që e luftoj me platformë partiake, por, për t'ia siguruar prapanicës së servilëve të çiftit të Zizes kolltukun detyrohet të bëhet fleksibil. Dhe atë e dëshmon me vizitën në Zabel të Zajazit! Turren dhe i dalin para Zizet mashkuj që kthejnë prapanicën t'u hipë kushdo që e fiton pushtetin. Apo, ia kthejnë shpejt e shpej shpinën secili që nuk është në pushtet.

Lideri buzëqesh në Zabel! I mjeri u buzëqesh po atyre që nuk lanë pushtet e lider që nuk e pritën! Soji i tillë që nga koha e sërbit të vjetër presin e përcjellin në zabel zvarranikë të hakërritur të pushteteve!

Fushata zgjedhore flilloj! Përballë saj Lideri dhe në shoqërimin e Zizeve mashkuj, që nuk lan gjë pa bërë në dam të çështjes shqiptare hallakatet në pafundësinë e mjerimit! Dhe, në fillim qershor, defilimi do të bëhet me fitoren pa mos mundur t'ua bllokoj kush pushtetin se strukturat e një kurore të Tutankoamonëve do të kalitet me Zizet që shkëlqejnë si ndrikulla !

[feneri]

Të rreshtuarit pas atyre që kanë pushtet tani më dihen. Udbashët, oficerët rezervë, servilët, dhe gjithë spijunët ishin bërë bashkë në Zabel të Zajazit të presin Vojvodën!

[bili99]

Të rreshtuarit pas atyre që kanë pushtet tani më dihen. Udbashët, oficerët rezervë, servilët, dhe gjithë spijunët ishin bërë bashkë në Zabel të Zajazit të presin Vojvodën!

U ka mbet ilet tradhetia por prape nuk dihet kah duhet ta kethejne keta se nuk dihet kush fiton,me rendesi eshte te rrine gati .
Mjere prapanica e atyre qe kethehet ndaj atyre qe marrin pushtetin, besoj se e kuptoni psene....
Cdo here eshte dikush ne pushtet ,dmth prapanica e ketyre prostitutave servile e kupton me mire nderrimin e pushtetit.

[ThE_DaRk_NiGhT]

U ka mbet ilet tradhetia por prape nuk dihet kah duhet ta kethejne keta se nuk dihet kush fiton,me rendesi eshte te rrine gati .
Mjere prapanica e atyre qe kethehet ndaj atyre qe marrin pushtetin, besoj se e kuptoni psene....
Cdo here eshte dikush ne pushtet ,dmth prapanica e ketyre prostitutave servile e kupton me mire nderrimin e pushtetit.

Te njejtin mmendim me ty kam

[jay-jay]

E te mjere e te mjre [se e lexuat vetem fundim?apo ajo deri ne fund nuk ju pelqeu se e ka shkruar nje Kercovar?beheni te realte please....bili99 tregohu ketu...

[bili99]

jay-jay,
Si do ti une te tregohem?,ka nje kategori njerezish qe jane nga natyra servila dhe gjithmone adaptohen me ata qe jane ne pushtet .
Per kete kategori flas une ketu qe e pashe se shkruhet me lart,dmth nje kategori qe eshte prezente ne cdo krahine, ne cdo shtet dhe cdo kombesi.I ka ne Tetove,Struge ...Kumanove...Shkup.....pra i kemi edhe ne ne Kercove(qe po te fitoj BDI me beso per 2 muaj konvertohen keta, apo PPD etj...ne kategorine e tille njerezore ka edhe hallexhinj per te ruajtur nje pozite ..por shumica jane me ilet te vjeter,si i thone fjales kur e ben nje veprimtari rregullisht...e perserit...e perserit...te behet pjese karakteri pra ne rastin konkret = servilizmi keshtu lind))
E them edhe njehere ai qe do t'ia ketheje atij qe eshte ne pushtet duhet ta mbaj kethyer gjithmone,sepse cdohere dikush eshte ne pushtet.
Mendoj se eshte me e ndershme te kete nje konstrukt kombetar dhe politik njeriu dhe tu permbahet parimeve themelore,ndersa finesat mund te pershtaten ne cdo shoqeri dhe sistem por,jo edhe veteqenja(personaliteti te kaloje ne multipersonalitet-kameleon).
Me beso se nuk vlejne keta per asnje subjekt politik,as per vete kombin sepse po te kethehet Serbia(kjo une besoj se kurre nuk do te ndodhe) por le te themi sikur te kethehet, keta burra edhe shajkacat dhe bajonetat gati i kan ne bodrum.