Si të arrini deri te gjumi?

[AuGuSt_]

Shumica e grave vuajnë nga pagjumësia në një periudhë të jetës së tyre. Për fat të mirë, pos marrjes së pilulave për gjumë, ekzistojnë shumë mënyra që mundësojnë gjumin më të lehtë. Ja ku janë disa prej tyre.

Njihni burimet e stresit. Shkruajini në letër listën e gjërave që duhet t’i kryeni, në vend që t’iu pështillen vazhdimisht nëpër kokë kur të niseni për të fjetur. Kjo do t’ju ndihmojë të relaksoheni dhe të pushoni.

Ushtroni rregullisht. Ndoshta do të jetë vështirë, por ngritja e nivelit të aktiviteteve gjatë mbrëmjes, edhe pse veçmë jeni të lodhur, sigurisht do t’ju ndihmojë që të flini më shpejt kur të shkoni në krevat.

Evitoni marrjen e kafeinës në orët e pasditës. Keni kujdes edhe nga pijet e gazuara dhe çajrat, të cilat shpesh përmbajnë kafeinë.

Shkoni në krevat atëherë kur jeni të lodhur. Mos kaloni kohën duke ia hapur sytë tavanit dhe duke menduar për atë se duhet të flini. Ngrihuni, bëni diçka që ju relakson në dhomën tjetër, e më pastaj kthehuni në krevat kur të jeni të gatshëm për të fjetur.

Mësoni teknikat e relaksimit, para së gjithash teknikat e frymëmarrjes së drejtë. Paramendoni që jeni në vendin tuaj të preferuar, lironi muskujt, “skanoni” trupin tuaj nga maja e flokëve deri tek gishtat e këmbëve

Mbani rutinën. Ndryshimi i ritmit të fjetjes, dhe kjo kryesisht gjatë vikendit, mund të shprehet papërshtatshëm në ditët e punës.

Kini vëmendjen edhe tek melatonina. Ky hormon është ndihma e natyrshme e gjumit. Ai veçanërisht mirë ndikon tek ata të cilët kanë problem të mbesin në gjumë, edhe pse shumë shpejt i merr gjumi. Doza e preferuar është 0.3 miligramë për natë.

Flisni me doktorin tuaj për pagjumësinë nëse ajo zgjat për ndonjë periudhë më të gjatë kohore.