Begzat Rrahmani : Coptim Nate

[gjakushi]

FATI…


Dikund nëpër valët
e detit të turbulluar
thonë ndodhet fati im.
Për atje rrugë s’ ka
por rrallë nëpër terr
vizullon një rreze drite
nga lart vjen e fundoset
si meteor në detin pa fund.
Mua valët më përplasin
nëpër shkëmbinjtë e shkyer
e një zë përsëritet pa ndal:
- VAZHDO…

[gjakushi]

DAMAR JETE
- J . G –

E fortë ishte qafa
për peshën e trupit
por pesha e trupit
tmerronte armikun.
Për rehatinë e vet
ai zgjodhi plumbat
për qetsimin e poetit
ajo rrëke gjaku
u bë damar jete.

[gjakushi]

AUREOLA E LAVDISË
-Safet Belulit -

Burgu pret të dënuarin
nga i dënuari për të dënuar
pinjollin e trungut sa vet toka
nga trungu i vetmuar dhe parrënjë
me re breshëre e bubullima rrufeshë
toka se duron at trung qelbësirë
e përmbys edhe burgun me terrin e madh
lindin lastarë bashkë me aurorën e mëngjesit
për tu dalë Zot-
si shqiponjat krahëhapur në lartësi…
17 . korrik .2003
Zhubrinë

[gjakushi]

SHI PIKËLLIMI


Mjekrra u rrit
flokët u zbardhën
dhëmbët ranë
buka iku nga sofra
lugët u bënë plumba
motin e kapi
-SHI PIKËLLIMI-
palaçot llomotitnin
për varrin e vjetër
të lules eliksir
që ktheu shqiponjën
në kupën qiellore.

[gjakushi]

KINI KUJDES


Korbat në besë
deshën t’ ia thyejnë
krahët shqiponjës
kurrë të mos fluturojë
në trollin e vet.
Zgjodhën kohë të pa kohë
dhimbja të jetë më e madhe
e bota mos ta hetojë fare.
Shqiponja fluturon
bota hapi sytë e lexoi
mallkimin e Zotit:
“Siç jeni të pa besë,
ashtu keni edhe ngjyrën”
-JU SHQIPONJA KINI KUJDES-.

[gjakushi]

FORTËSIA


Nata rëndon
sa fundi i detit
mbi shtratin tim
plaga varr i hapur
nga torturat çnjerzore
dhe lotët gjak qyqesh.
Trupin e tharë
por me zemër fortësi guri
dhe shpresë meteori.

[gjakushi]

QENTË E BALLKANIT


Rruga gjarpëruese
plot ferra e molla ujku
gurët dhe kryqet të rrëzuar
nëpër tokën e groposur
shëmton varrezat e Çukës
ku me shekuj bënë roje
rrapi plak ,por krenar.
Historinë e shkruar
ua lexon çangu tingëllues
nëpër afreskat e Onufrit
ku qentë e Ballkanit
e ndiqnin për zhdukje.
Ai qetë nën hijen e Rrapit
vulosi vjetërsinë e vet.

[xheladin]

I nderuari zotëri Begzat RRahmani - "Gjakushi", me ëndje i lexova poezi që ke postuar në këtë forum. Më pëlqyen dhe të dëshiroj që frymëzimi të mos humbas kurrë. Ja këtu po e postoj edhe një pozi timen.

HESHTJA NA MBYTË

Ndjenjat tona flenë
Mbi ëndrrat e trëndafilave
Të kuqë e të kaltërtë

Vetëm në ëndrrat
Jeta është e bukur
E ëndrrat na mashtrojnë
Shumë lehtë...

Kundër hajnisë
Të flasim s’guxojmë
Gjuhën na këpusin
Të bërtasim s’guxojmë
Gabzherrin na nxjerrin...

Shpirti na është bërë
Pus i boshatisur
E heshtja na mbytë...

[gjakushi]

Zotëri Begzat - "Gjakushi", i lexova poezitë tua, por nuk do të lëshohem në vështrim të hollësishëm, (këtË do të bëjnë recensentët e tu në mementin e botimit të librit tëndë), por unë do të përpiqem të jap një mendim të përgjithshëm për shkrimet e tua - përpjekja jote është shumë seroze, tematikat janë të një kohe jo të largët (pra ende atraktive për nënqiellin tonë), ke gjuhë të pasur dhe shumë shpeshë edhe figura e krahasime mjaftë të qëlluara.

Unë çka të propozojë?

Po, kam edhe një propozim, që me siguri do ta kishte thënë edhe z. Doçi, vendi ynë ka shumë bukuri, jeta pos dhembes e shpesh edhe dëshprimit (në raste konkrete plotësisht normale), ka edhe shumë gëzime, dashuri... zgjëroje horizontin, shtrije rrjetën në këto tema dhe me siguri do t'i "kapish# poezitë e bukura.

Me respekt, Agim METBALA

Zoteri Agim, te falnderoj per te gjitha dhe besoj se ne te ardhmen do te plotesoj ato qe i propozuat ! Me respekt !

[Agim Metbala]

"Gjakush", ka disa ditë që nuk je paraqitur në Forum - e kuptoj secilin se pos shkrimeve, ka edhe shumë e shuë punë të tjera, ngarkesa të panumërta... por unë në një mënyrë të ftoj të paraqitesh më shpeshë, ke çka t'u ofrosh adhuruesve të poezisë.

Përshëndetje të sinqerta.

Agim METBALA