ILDKP Laskaj - Fshehja e Pasurive të Politikanëve

[Duaje Siveten]

Sot, 07 April 2008

Shefja e ILDKP Laskaj,
kasaforta e fshehjes së pasurive të politikanëve

Nga Milton NUSHI

Inspektorati i Lartë i Deklarimit dhe Kontrollit të Pasurive është kthyer në një institucion inventarizues, ku punonjësit e saj me në krye zonjën Laskaj, ka kohë që merren vetëm me statistika dhe nuk kryejnë detyrën për të cilën është krijuar, për të kontrolluar dhe vënë para drejtësisë zyrtarët e korruptuar. Nuk po e kuptojmë çfarë detyre ka zonja Laskaj, përveçse të na thotë se gjysmat e politikanëve dhe zyrtarëve të lartë nuk kanë deklaruar pasuritë e tyre?

U bë një kohë e gjatë që politikanët tanë akuzojnë njëri tjetrin, por jo vetëm ata, por dhe kancelaritë e huaja,se korrupsioni në Shqipëri vazhdon të jetë në nivele të frikshme. Përditë dëgjojmë përzierje të politikanëve nga të dyja kahet e politikës me klane mafioze, të cilët vjedhin dhe shpërdorojnë në mënyrë konstante pasuritë e shqiptarëve. Çdo zyrtar i lartë i shtetit në formularët e deklarimit të pasurive i jep të drejtën zonjës Laskaj të kontrollojë çdo qindarkë të pasurisë së tij, por ende kjo zonjë e nderuar nuk na ka bërë me dije asnjë politikan të pasuruar padrejtësisht dhe ta vërë atë para drejtësisë.

Shqiptarët i kanë sytë në ballë dhe e shikojnë jetën luksoze të politikanëve të tyre, të cilët pa iu dridhur qerpiku nga kontrollet rutinë të Inspektoratit, vazhdojnë të rrisin pasuritë pa iu futur gjemb në këmbë. Në deklaratën e saj para dy ditëve, zonja Laskaj vlerësoi bashkëpunimin e saj me mediat për përcjelljen e kujtesave të herëpashershme që ka bërë ILDKP për zyrtarët që të përmbushin në afat detyrimin ligjor. Pra sipas zonjës Laskaj, mediat e kanë për detyrë vetëm të kujtojnë zyrtarët që të mos vonohen për ti dorëzuar ato letra bakalli asaj, në mënyrë që ajo të dalë më pas dhe të thotë se e ka kryer më së miri detyrën që i është ngarkuar. Media, bashkëpunimin më të cilën kjo zonjë e lavdëron kaq shumë duhet të kryejë një sërë formalitetesh dhe të paguajë një mal me lekë për fletushkat pa vlerë të saj.

Pse nuk i bën publike pasuritë e politikanëve në faqet e internetit kjo zonjë, në mënyrë që çdo qytetar i këtij vendi të shikojë me sytë e tij se si zyrtarët e zgjedhur dhe të paguar prej tyre fusin pa pikën e turpit duart në xhepat e tyre? Cilin politikan apo zyrtar të lartë ka denoncuar në prokurori që nga koha që është krijuar ky institucion zonja Laskaj? Në deklaratën e saj, kjo zonjë na bëri me dije se vitin e kaluar ky institucion ka aplikuar kontrollin e plotë, si një nga fazat më të rëndësishme të hetimit administrativ, për 650 subjekte. Pra deri këtu përfundon detyra e këtij institucioni totalisht inekzistent.

Ky institucion dhe kur vihet në lëvizje mbas korrupsionit të zyrtarëve të denoncuar në media, vrapon ti mbulojë ata duke kërkuar gjoja dorëheqje të tyre për shkak të konfliktit të interesit pa i hyrë në thelb çështjes dhe të denoncojë publikisht dhe përpara organit të akuzës pasuritë e paligjshme të tyre. Ky institucion është kthyer në një institucion bunker dhe çdo veprim i zonjës Laskaj është jo transparent, pasi nën justifikimin e ruajtjes së jetës private i kryen veprimet e saj në fshehtësi të plotë.

Zonja Laskaj harron se zyrtarët shtetërorë apo politikanët, të cilët pranojnë të paguhen nga ne, duhet ti tregojnë xhepat e tyre jo vetëm për të por dhe për kontribuuesit e të tyre . Nuk ka se si të mos kujtojmë daljen e saj në parlament, në situatën e krijuar nga tragjedia e Gërdecit, duke mbajtur fjalime pa vlerë, që të bën të mendosh se ajo jeton në një vend tjetër dhe për të nuk ka ndodhur asgjë. Në gjuhën e popullit, të na falë lexuesi për etikën, do ta komentonim fshati digjet dhe “gruaja e ndershme” krihet.

A e ndjen ndopak veten përgjegjëse kjo zonjë për inkompetencën e saj për zbulimin dhe vënien para përgjegjësisë të zyrtarëve të përzierë në aferat mafioze të kontrabandës së armëve të cilat sollën si pasojë dhe tragjedinë e Gërdecit? Si ka mundësi që mbas shpërthimit të skandalit të trafikut të armëve, na dalin zyrtarë, subjekte të ILKDP, me prona marramendëse të cilat nuk e kanë shqetësuar aspak atë që ti verifikonte? Me sa duket ky institucion është krijuar vetëm për të mbuluar vjedhjet dhe korrupsionin duke shpenzuar më kotë taksat e shqiptarëve për rrogat e majme të tyre.

Ajo që të bën përshtypje është se edhe mbas ardhjes në pushtet të PD, e cila moto të saj kishte tolerancën zero korrupsionit, ILDKP është i vetmi institucion që nuk u reformua në mënyrë që të hynte në shinat për të cilin ishte krijuar. Me sa duket zonja Laskaj është bërë një lojtare e aftë për të krijuar dosje vetëm për përdorim vetjak, për favoret që politika nga frika e tyre i jep pa kursim asaj. Zonja Laskaj dhe institucioni i saj është përgjegjës për këtë korrupsion galopant që ka përfshirë zyrtarët dhe politikanët shqiptarë.

Vetëm një reformim rrënjësor dhe largimi i menjëhershëm i saj nga drejtimi i tij mund ti hapë rrugë pastrimit të politikës dhe administratës shqiptare nga individët e korruptuar, të cilët duhet të përballen pa humbur kohë me drejtësinë.

[Duaje Siveten]

Sot, 11 Prill, 2008

Fatmira Laskaj rrjet nepotik, përfitime, fshehje pasurie dhe efektive me gradë Nënkolonele

Kryeinspektorja e verifikimit të pasurive të zyratrëve dhe politikanëve, zonja Fatmira Laskaj e ka futur procesin e këtij verifikimi në cikël të mbyllur, duke e bllokuar me manovra të ndryshme, nëpërmjet të cilave, deri tani përveç ndodnjë rasti të porositur politik për interesa sulmesh private e administrative, nuk ka publikuar asnjë diosje reale të pasurive që kanë njerëzit me pushtet politik e shtetëror.

Zonja Laskaj doli edhe së fundi në parlament, ku “lexoi” një leksion se si duhet zbatuar ligji për deklarimin dhe verifikimin e pasurive,por edhe pse ishte thirrur për të raportuar konkretisht me emra dhe fakte për pasuritë e tyre. Mirëpo, këtë shefja e dosjeve të pasurive të shefave të saj, të cilët vazhdojnë ta mbajnë në krye të këtij komisioni, nuk ka folur dhe nuk mund të flas konkretisht edhe pse ka deklarime të jo reale të cilat dihen që janë të tilla, por që zonja laskaj nuk i verifikon dhe nuk i denoncon konkretisht, por vetëm me “parulla” dhe me paralajmërime për gjobitje.

Dihet që njerëzit e politikës e të pushtetit kanë pasuri të shumta, por nuk publikohen nga ky inspektoriatit. Dhe as ka për ta bërë këtë verifikim. Pse? Sepse brenda listës së mosdeklarimit dhe mosverifikimit të pasurive është edhe vetë zonja Laskaj e cila edhe ajo nën shembullin e shefave të saj të qeverisë, të parlamentit dhe politikës, ka pariqitur një copë letër dekalrimi të pasurive, por rezulton edhe kjo e “varfër” dhe me “pak të ardhura”.

Ne dipsonojmë një dosje reale të pasurive të zonjës Laskaj dhe sot po nisim publikimin e saj, ashtu siç kemi publikuar edhe pasuritë e shumë shtetarëve e politikanëve, duke bërë kështu atë punë, që sipas ligjit, duhet të bënte dhe duhet të bëjë zonja Fatmira Laskaj. Po e nisim me një denoncim për të vazhduar me disa publikime të bëra në gazetat që janë pjesë e pushtetit të Berishës:

Kur specialistët shkojnë të kontrollojnë deklaratën e pasurisë të një ministri, apo deputeti, që ka probleme me pasuritë e padeklaruara e të vëna me abuzime, pra që pasuritë e tyre nuk justifikohen me të ardhurat ligjore perosnale e të familjes, atëhere shefja merr vendim dhe pastaj kërkon t’i çojnë mendim me shkrim. Pas deklaratës së lëshuar nga specialistët e kontrollit, ajo telefon “viktimën“ politikan, apo zyrtar. E fton në zyrën e saj, i tregon deklaratën për efekt presioni dhe kështu nis e bënë pazar, i cili konfirmohet edhe nga mbyllja e mos hapja e shumë deklarimeve të pasurive të pushtetarëve dhe politikanëve shqiptarë. Në fund, punonjësi ka hartuar deklaratën verifikuese “udhëzohet“ të firmos mbylljen për mungesë “dokumentacionesh reale“.

Në funksion të kësaj loje të mosdeklarimit dhe mos verifikimit të të pasurive të zyrtarëve, zonja Laskaj, si “sepcialiste” me përvojë në këtë fushë, ka organziuar procedura abuzive antiligjore dhe këtë nuk e ka bërë pa qëllim, mbasi ligjin e ka mbi tavolinë dhe për zbatimin e tij del e flet shpesh, sikur e shkelin vetëm ata që kontrollohen e jo kjo që kontrollon. Në fakt të dy palët janë “ortakë” në këtë Pazar dhe veprojnë në mirëkuptim të plotë.

Po flasim konkretisht:

Në praktikën e veprimtarisë së saj në procesin e deklarim-verifikimit të pasurive, janë shkelur kërkesat e nenit 21 të ligjit 9049, për deklarimin e pasurive, mbasi janë kërkuar të dhëna, përveç bashkëshortit dhe famijëve në moshë madhore edhe pjesëtarëve të tjerë të familjes, që ka në përbërjen familjare subjekti deklarues. Janë shkelur kërkesat e nenit 34 të ligjit 9049, për deklarimin e pasurive, mbasi janë dhënë deklarata komplete, për publikim në media dhe jo të dhënat e përfituara nga ajo. Janë shkelur kërkesat e nenit 40 të ligjit 9049, për deklarimin e pasurive dhe të Kodit të Procedurave administrative, mbasi të gjithë vendimet e gjobave, për dorëzim të deklaratave me vonesë, janë të pashoqëruara me procesverbale.

Janë shkelur kërkesat e nenit 17 të ligjit 9049 për dekl. pasurive dhe të kodit të procedurave administrative, mbasi të gjithë subjektet që kanë kaluar në kontroll të plotë duke iu kërkuar të dhëna për ta 20-25 insitucioneve, nuk iu është bërë më përpara njoftim për fillimin e hetimit administrative. Fatmira Laskaj, ka qenë në mospërputhje me detyrën që ushtron sepse bie ndesh me nenin 13 të ligjit nr 9049, datë 10.04.2003, mbasi që nga viti 1992 e deri në fund të vitit 2005, zonja Laskaj figuron si oficere me gradën “Nënkolonele“ në organikën e administartive të Ministrisë së Mbrojtjes, madje pas datës 10.07.2003, kur është emëruar në detyrën që mban edhe sot është furnizuar me uniformë dhe materiale personale nga Ministria e Mbrojtjes.

Fatmira Laskaj nuk mund të verifikoj dhe publikojë pasuritë e zyrtarëve të shtetit e të politikës, mbasi është e bllokuar nga disa lidhje familajre me postet e tyre. E gjendur në konflikt të hapur interesash personale me detyrën që ushtron, duke shpërfillur nenin 14 të ligjit 9049 për deklarimin e pasurive, ajo ka shkelur ligjin, mbasi ka patur të punësuar në administratën e saj nusen e djalit, Ida Vodica, në funksionin e sekretares për Marrëdhëniet me Jashtë dhe Publikun, për periudhën nëntor 2003-qershor 2005. Ndërsa tani, ajo është me të njëjtën detyrë pranë Gjytakës së Lartë, me të cilën ka kryer të gjitha udhëtimet jashtë shtetit me financat e institucionit. Bashkëshorti i saj, Gjergj Laska, vazhdon të jetë drejtor Personeli në Entin Kombëtar të Banesave në Tiranë dhe njëkohësisht, kryetar i Inspektoratit të Ulët, për deklarimin e Pasurisë pranë këtij insitutcioni, i cili shpërblehet për këtë detyrë të dytë, me 15% shtesë mbi pagë. Gjithashtu, ka qenë pjesëtar i gjysmës së udhëtimeve jashtë shtetit në ekipet e Inspektoriatit të Lartë, ku kryetare është gruaja e tij.

Nga kontrolli i ushtruar nga Kontrolli i Lartë i Shtetit në mars-prill 2006 për aktivitetin ekonomik e financiar të periudhës 2003-2005 është konstatuar një shkelje financiare prej 12 m ilionë lekë, pëfituar nga firma që ka fituar dhe zbatuar tenderin për (ri)ndërtimin e ndërtesës së Institucionit. Ka mashtruar me dokumentet zyrtare, duke përpiluar dokumente fiktive, mbasi udhëtimin turistik, të kryer nga data 29.04.2004 deri më 02.05.2004 në Tunizi, udhëtim i dokumentuar me urdhër si “shërbim pune për insitucionin“, duke shkaktuar një dëm prej 2000 euro, veprim i zbuluar nga Kontrolli i Shtetit. Ka mashtruar me dokumente zyrtare, duke përpiluar dokumente fiktive, me qëllim përfitimi, mbasi në muajin shtator 2003, ka futur në borderon e pagesave të punonjësve të këtij insitucioni, personin Maringlen Kadilli, i cili rezulton të jetë djali i motrës së saj, person ky që nuk ka qenë asnjë ditë në marrëdhënie pune në këtë institucion. Për këtë person, për këtë periudhë është mbajtur tatim mbi pagë dhe janë derdhur edhe kontribute për sigurimet shoqërore e shëndetësore në Tiranë!

Zonja Laskaj është zgjedhur dhe vazhdon të mbajë funksionin e Inspektoratit të Përgjitshëm, në kundërshtim me nenin 12 të ligjit 9049, për deklarimin e pasurive, mbasi nuk ka ardhur nga profesioni i juristit, por nga ai i gjyqtarit. Në qëndrimin e saj zyrtar, rezulton, se janë shkelur kërkesat e nenit 24 të ligjit 9049, për deklarimin e pasurive, mbasi deklaratat e pasurisë, janë pranuar të pashoqëruara me dokumenta justifikuese ligjore.

Të gjithë denoncimet që mbajnë firmën dhe vulën e saj dhe të dërguar në institucione janë në periudhën 2004-2006, janë përpiluar me mangësi qëllimisht dhe “janë rrëzuar për mungesë provash e faktesh“, siç është rasti i ish-kryetarit të tatim-taksave të Bulqizës, ish drejtorit të drejtorisë së Përgjithëshme të Patentave të Markave në Tiranë, zotit Spartak Bozo.

Deklaratat e pasurisë, të cilësuara si dokumenta zyrtare, sipas nenit 38 të ligjit për deklarimin e pasurisë, me formën e organizimit e të qarkullimit të këtij dokumentacioni nga personi direkt në Inspektoratin e Lartë është plotësisht i manipulueshëm, mbasi një kopje e deklaratës nuk arshivohet në insitucionin ku është zyrtar personi që bënë deklarimin, madje duke u dorëzuar i pavulosur dhe i paprotokolluar.

Këto janë disa nga provat e veprimtarisë së kësaj zyrtareje që thuhet se merret me verifikimin e pasurive. Nëse nuk i mjaftojnë këto prova, atëherë kemi të tjera, të cilat mund t’ia vëmë në dispozicion, duke bërë atë detyrë që ajo duhet ta bëjë edhe për vete.

[Duaje Siveten]

Sot, 12 Prill 2008

Fatmira Laskaj, rezulton e “varfër” dhe e “pakorruptuar”, ashtu si kryeministri Berisha

Ndërsa dje publikuam me detaje dhe në mbështetje të ligjit, disa nga abuzimet që ka bërë zonja Fatmira Laskaj gjatë ushtrimit të detyrës si kryeinspektore e deklarimit dhe verifikimit të pasurive të zyratërve dhe politikanëve, sot po publikojmë dosjen e saj, pra atë informacion dhe vetdekalrim që kryekontrollorja e të tjerëve ka deklaruar për pasuritë e saj familjarisht.

Sipas pasurive të (vetë)deklaruara, zonja Fatmira Laskaj, rezulton të mos ketë pasuri të dyshimta, madje as pasuri, që të akuzohet për azbuime dhe përfitime të paligjshme, gjatë kohës kur ka patur funksionin si gjyqtare ushtarake, ku ishte e graduar si oficere me gardën “Nënkolonele” dhe që deri kohët e fundit, sipas librit të magazinave, megjithëse në datën 10.07.2003 është emëruar kryeinspektore e verifikimit të pasurive, ka vijuar të uniformë dhe pajisje të të tjera nga ministria e Mbrojtjes, sikur të ishte akoma në funksionin si oficere ushtrie. Por kjo nuk ka ndonjë rëndësi, sepse, ushtria shqiptare ka shkrirë e ka falur tanke e raketa e jo më ca “lecka” e ca palë këpucë, apo ca qese me qumësht pluhur e me konserva mish elefanti.

Skandali që i duhet bërë i ditur opinionit shqiptar ka lidhje me qëndrimet e saj abuzive në këtë funksion, duke mos kryer detyrën e ngarkuar nga Kushtetuta dhe nga ligjet e aktet normative për të zbardhur vjedhjet dhe përfitimet e paligjshme të poltikanëve e zyratrëve të lartë shtetëror. Për më tepër, skandali i saj thellohet me mos deklarimin e plotë dhe të sinqertë të pasurive që disponon ajo familjarisht. Skandali qëndron gjithashtu, në faktin që ajo ka vënë pasuri të patundshme dhe ka krijuar pika biznesi, duke siguruara të ardhura financiare nga burime abuzive, të cilat sipas “kodit” të saj të (mos)verifikimit cilësohen të dyshimta. Në fakt, këto nuk janë të dyshimta, por të konfirmuara, si burime abuzive. Mirëpo, zonja Laskaj, nuk mund të deklarojë ato që ka përfituar me të gjithë rrugët dhe mundësitë që i ka krijuar pushteti. Ndaj dhe harton dhe publikon e arkivon deklarata si gjithë të tjerët që ajo kontrollon, duke fshehur pasuritë. Siç e kemi thënë, gazeta e sotme pranë qeverisë kanë publikuar një seri skandalesh dhe pasurish abuzive të siguruara prej saj, të cilat nuk janë bërë publike zyrtarisht, por vetëm në faqe t e shtypit.

Le të flasim përsëri konkretisht, se cilat janë pasuritë dhe abuzimet e fshehura të kryeinspektores Laskaj, të padeklaruara e të fshehura po prej zyrtares Fatmira Laskaj. Deklarata e pasurisë e zonjës Fatmira Laskaj dhe e bashkëshortit të saj, zotit Gjergj Laskaj, deklaruar në datën. 25.03.2004 është tepër skandaloze dhe kjo argumentohet me faktet e mëposhtëme. Ajo ka deklaruar: Apartament banimi me sipërfaqe 86 metër katrorë, privatizuar në vitin 1993, në shumën 20. 000 lekë, me vend-ndodhje në qëndër të Tranës, lëshuar me qera për llogari të Bankës Ndërkombëtare Tregtare, me vlerë 500$ në muaj, pjesa që zotëron 100 %. Zonja Laskaj, ka apartament banimi, me sipërfaqe 115 m2, plus garazh dhe ambient tarracë, blerë në shumën 280. 000 lekë në qëndër të Tiranës, pjesa që zotëron 100%. Zonja Laskaj, ka apartament banimi me sipërfaqe 90 m2, blerë me vlerën 3.5 milion lekë nga Enti Kombëtar i Banesave Tiranë, apartament ky, që ndodhet në lagjen “Apollonia” në Plazh Durrës. Pjesa që ajo zotëron është në masën e plotë 100%.

Në periudhën qershor-shtator 2005, kur ka qënë fushata e zgjedhjeve të përgjithëshme parlamentare, në tarracën e ndërtesës 115 m2, ku ajo banon aktualisht, në mënyrë të paligjshme ka ndërtuar një ndërtesë më konstruksione metalike, me sipërfaqe afro 200 m2. Të ardhurat financiare të zonjës Laskaj, të siguruara nga paga janë në masën 1.160.000 lekë. Paga e bashkëshortit të saj Gjergj Laskaj është 60.000 lekë. Paga e djalit të saj është në vlerën 30.000 lekë, siguruar nga profesioni i lirë, por që nuk ka asnjë deklari nëse ai e ka të regjistruar biznesin në zyrën e tatim-taksave.

Vlen të përmëndet gjithashtu, se në bazë të përbërjes familjare dhe sipërfaqeve të banimit të lartpërmendura, rezulton që për çdo pjestar të ketë sipërfaqe banimi nga 122.7 m2 secili. Edhe marrdhëniet e krijuara me pronarin që i ka shitur shtëpinë prej 115 m2, plus garazh dhe sipërfaqen tarracë për shumën 280.000 lekë, mund të jenë marrdhënie konflikti interesash, përfituar gjatë periduhës së punës kur ka qënë gjyqtare. Gjergj Laskaj, bashkëshorti i zonjës Laskaj, në deklaratën e tij, ka deklaruar depozitë bankare prej 404 827 lekë, 7044 $, pagën e tij, të bashkëshortes dhe të djalit, si dhe një autoveturë, të blerë në shumën 225. 775 mijë lekë. Zonja Laskaj, ka hequr nga trungu familjar vajzën e saj, të quajtur Migena Laskaj dhe që bashkëjeton me ta, ndoshta me qëllim fshehje të pasurive të luajtshme e të paluajtshme. Gjatë periudhës dhjetor 2003 - qershor 2006, ka qënë më shërbim në këto shtete: Itali, Maqedoni, Bullgari, Gjermani, Tunizi, Amerikë, Rusi, Angli, Kosovë, Autrali, Greqi, Mal i Zi. Sipas “kalendarit” kohor të këtyre udhëtimeve, rezulton se afërsisht, zonja Laskaj, në çdo dy muaj ka qënë jashtë shtetit, ku pjesën më të madhe ka patur bashkëudhëtare “zyrtare” nusen e djalit të saj, zonjën Ida Vodica dhe në një pjesë ka pasur udhëtues zyrtar edhe bashkëshortin e saj. Janë shkelur rëndë, kërkesat e nenit 26 të ligjit 9049, mbasi ka mbajtur pa e kaluar në kontroll të plotë, nga muaji korrik 2004 deri në janar 2006, deklaratën e pasurisë të subjektit Artan Gjermeni.

Janë shkelur rëndë, kërkesat e nenit 26 të ligjit 9049, për deklarimin e pasurive, mbasi nuk u janë kërkuar të dhëna, për subjektet që kanë kaluar në kontroll të plotë të shoqërive huamarrëse si: VEFA, SILVA, KAMBERI, XHAFERRI, POPULLI etj, shoqërive ËESTER ËNION e MONEY GRAM që zhvillojnë aktivitetin e tyre të transfertave e transaksioneve financiare si dhe të Agjensisë së Trajtimit të Kredive, e cila thithi kreditë e tërhequra e të paarkëtuara nga Banka Kombëtare Tregtare dhe nga Banka Bujqësore. Në arkivën e administratës së Kuvendit të Shqipërisë, ka dosje të shumta me materiale problematike, në adresë të zonjës Laskaj për veprimtari abuzive në detyrat zyrtare. Flitet se zonja Laskaj, ka marrë pjesë në një konkurrim për në administratën e Kuvendit të Shqipërisë, përpara se të emërohej në funksionin që ka sot dhe nuk është kualifikuar.

Fatmira Laskaj mashtrim me biletat e udhëtimit në Tunizi.
Fatmira Laskaj pushon nga puna 50% të stafit për të qëndruar vetë.
Fatmira Laskaj kërkon dorëheqjen e drejtuesve të kabinetit Sokol Lamaj e Remzi Kruja.
A është hipotekuar shtesa e Fatmira Laskës.
Fatmira Laskaj urdhëron pastrimin e dosjeve nga inspektorati.
Morali i kryekontrollores Laskaj dhe detyrimi i PS.
Skandali i Fatmira Laskaj, ka mashtruar Ambasadën Angleze.
Laskaj 400.000$ për viaxhot e saj nga SHBA në Australi.
Fatmira Laskaj në konflikt interesi, deri në 2005 nomeklaturë e Ministrisë së Mbrojtjes.

Burri i Ermelinda Meksit, në një vit shton 130 mijë $. Këtë deklaratë Fatmira Laskaj e ka mbajtur për një vit në sirtar dhe ditën që është botuar ky artikull ka miratuar raportin e kontrollit të bërë nga inspektori i lartë që në vitin 2004 të cilin e ndëshkoj duke e ulur në detyrë se nuk i pëlqente raporti i kryer nga ai.