Skandali i Burgut te Burrelit

[Duaje Siveten]

Vetem nje pyetje kam per sa me poshte:

kush i vuri keta funksionare ne krye te ketij burgu?

============== =============

Korrieri 07 April, 2008

Skandali i burgut të Burrelit

Pas arratisjes se dy te denuarve, vale arrestimesh ne radhet e personelit te burgut te sigurise se larte. Arrestohet drejtori. Zbardhet plani i arratisjes se 80 te burgosurve te tjere

BURREL - Nuk kaloi në heshtje arratisja e dy të dënuarve nga Burgu i Sigurisë së Lartë Burrel, pasi dje Prokuroria e Rrethit Mat lëshoi disa urdhërarreste, duke përfshirë këtu edhe prangat për drejtorin e këtij burgu dhe tre zyrtarë të tjerë të lartë. Mësohet se u arrestuan Eduart Brahilika, drejtori i burgut Burrel, për akuzën e “fshehjes së krimit” dhe “shpërdorim detyre”, shefi i policisë, Thanas Ymeri, shefat e regjimit të brendshëm, Kadri Domi e Luan Hysa, oficeri i rojës, Kujtim Laçi, punonjësit e policisë: Fatmir Domi, Fiqiri Ceni, Edvin Heta dhe Ardian Ruka, të cilët akuzohen për “shpërdorim detyre”. Po kështu, janë pezulluar nga puna oficeri i policisë së rendit, Kelmend Gjara dhe punonjësi i policisë, roje në godinën e Komisariatit të Matit, Sul Stafa. Burime të sigurta pranë Prokurorisë së Rrethit Mat sqaruan dje për “Korrierin”, se do të ketë të tjera arrestime, pasi vepra e kryer është mjaft e rëndë, ndërsa bëhet me dije se në Burgun e Sigurisë së Lartë Burrel ishte përgatitur arratisja e më shumë se 80 të dënuarve me dënime mjaft të rënda, të dënuar përjetësisht, si dhe disa me më shumë se 20 vjet heqje lirie.

Në lidhje me akuzën e “shpërdorimit të detyrës” ndaj drejtorit Brahilika, mësohet se ajo është ngritur pasi Drejtoria e Përgjithshme e Burgjeve kishte urdhëruar ngritjen e një vendroje, pikërisht në vendin e largimit të dënuarve Preng Lleshi e Fran Marashi. Megjithëse urdhri është dhënë tri javë më parë, atëherë kur Brahilika mori detyrën e drejtorit, ai nuk ishte zbatuar për arsye që ende nuk bëhen publike. Ndërkohë, akuza e dytë, ajo për “fshehje të krimit”, lidhet me faktin se 4-5 orë para arratisjes së dy të dënuarve, drejtoria e burgut është vënë në dijeni për prerjen e telave të dritares, ku vuanin dënimin Lleshi e Marashi. Mirëpo pa u njoftuar fare organi i prokurorisë, që është urdhëruar të mbulojë edhe ngjarjet në burgun e Burrelit, është kryer saldimi i telave të prerë. “Duhej me çdo kusht të lajmërohej prokuroria e rrethit për thyerjen e bërë dhe saldimin e kryer. Në këtë rast, drejtori i burgut, Eduart Brahilika ka shkelur ligjin, duke fshehur krimin e kryer”, sqaruan prokurorët e çështjes. Abuzimi me dy të dënuarit është thelluar akoma më tej. Preng Lleshi e Fran Marashi janë nxjerrë nga dhoma ku ishin përgatitur të arratiseshin dhe janë izoluar në një qeli tjetër, e cila sipas prokurorisë, ishte shumë më pak e sigurt nga qelia e mëparshme. Edhe në këtë vend izolimi, dy të arratisurit kanë arritur të presin kangjellat. Mendohet se është përdorur fije sharre ose diamanti, ndërsa gardianët i kanë parë, por nuk kanë treguar gjë, mendohet kundrejt ryshfetit. Pas arrestimit të drejtorit të burgut, prokurorët e çështjes kanë faktuar se shefat e regjimit të brendshëm, Kadri Domi e Luan Hysa, nuk kanë zbatuar rregullat e normat e burgjeve, por kanë toleruar herë pas here. Ata kanë qenë të informuar se disa dritare të këtij burgu janë sharruar dhe këtë fakt nuk e kanë bërë të ditur për drejtuesit e burgut dhe prokurorinë e rrethit. Oficeri roje dhe punonjësit e regjimit të brendshëm, Fatmir Domi, Fiqiri Ceni, Edvin Heta dhe Ardian Ruka janë bashkuar në qelitë e Komisariatit të Policisë me Preng Lleshin e Fran Marashin, sepse nuk kanë zbatuar rregulloren e sigurisë së brendshme dhe nuk kanë njoftuar në kohë autoritetet për arratisjen e dy të dënuarve. Dje pasdite është ndaluar shefi i policisë së burgut, Thanas Ymeri, për “shpërdorim detyre” dhe “fshehje të krimit”. Edhe ky zyrtar policie e ka ditur se disa nga telat e dritareve të qelive të burgut ishin sharruar disa ditë më parë dhe ky fakt nuk e ka shqetësuar atë. Ndërkohë, pezullimi nga puna i dy punonjësve të policisë së Burrelit duket, sipas burimeve të gazetës, paradoksal. Kelmend Gjoka, shef i informacionit dhe Sul Stafa, roje pranë godinës së policisë, fillimisht janë arrestuar dhe më pastaj janë pezulluar nga puna, me pretekstin se ata nuk duhet të kishin lejuar gazetarët të filmonin dhe intervistonin dy të arratisurit. Mbrëmë, për të dyshuar është thërritur edhe ish-drejtori i burgut, Shyqyri Dushku, i cili akuzohet për shpërdorim detyre dhe lidhje me të dënuarit. “Vetëm brenda një dite kemi gjetur 8 celularë në qeli”, thanë burime pranë Prokurorisë së Matit. Ai do të hetohet për akumulimin e shumë problemeve në këtë institucion të rëndësishëm”.

Plani “i hershëm” i arratisjes së 80 të burgosurve

Pas një pune të gjatë të grupit hetimor dhe SHKB-së së burgjeve, është zbardhur gati e gjithë skema e arratisjes. Dy të larguarit për pak kohë nga ky burg i një sigurie të veçantë janë shprehur se arratisja ishte sajuar afro 2 muaj më parë. Ishte menduar jo vetëm largimi nga qelitë i dyshes së njohur, por sipas grupit hetimor ishte përgatitur largimi nga ky burg i afro 80 dënuarve të seksionit B, të dënuar mjaft të rrezikshëm. Më shumë se gjysma e këtij kontingjenti janë të dënuar me burgim të përjetshëm dhe pjesa tjetër me më shumë se 20 vjet.

[Zarathustra.]

Depot e armeve shperthejne, te burgosurit arratisen, cmimet jane tre-fishuar, vendi i zhytur ne krize energjitike, balanca e pushteteve eshte thuajse zhdukur, - kur them une qe ky eshte shtet rrumpalle s'me besoni ..... xhahil ti xhahil kush t'vuni, i thone kesaj.

[Brari]

zarush..

nuku po shoh se jini pa drita..
ja fute kot per krizen energjitike..

po dhe ne u trefishofshin cmimet.. juve nuku ndjeni gje.. sepse i kini aq te trasha kuletat sa ska rritje cmimi tu a holloje ..
familja rucoiste nukku pyet per cmime.. se ajo i ngre cmimet vete..se ajo e shet mallin..
demokratet jan bleres.. rucoistet shites..
ben estrad erion bracja me tranguj ne parlament.. po mileti e njeh at legen..

[Duaje Siveten]

Shekulli, 08 Pri 2008

GërdecBURGU në tentativë

Nga Kujtim Dashi

Duke qenë se nuk kam mundur të shpreh publikisht hidhërimin tim të thellë, së pari dua t'iu shpreh ngushëllimet e mia më të sinqerta të gjithë atyre që humbën të dashurit e tyre në tragjedinë ende të përmasueme të Gërdecit, si dhe solidaritetin tim me ato qindra e mijëra njerëz që shteti i tyre ua ç'bëri brenda disa sekondash jetën që kishin ndërtuar, duke i nxjerrë çipllak në shi dhe, së dyti, t'u kërkoj ndjesë që mbi fatkeqësinë e tyre me emrin Gërdec, po pranë vendos ngjarjen e këtyre ditëve, tentativën e arratisjes nga burgu i (pa)sigurisë së lartë të Burrelit.

Menjëherë, kur dora-dorës po zbulohej ajo ç'ka kishte ndodhur në Gërdec, një tmerr i madh zuri mbarë popullin për "Gërdecët" e tjerë që mund të shpërthenin afër vatrave të tyre. Dhe, çfarë u tha e u pa nëpër mediat elektronike, ishte dhe është vërtet për të vënë duart në kokë. Mijëra e mijëra tonelata municione, që veç kurrfarë sigurie nuk mund të jepnin. Ndërkohë që, si zakonisht, njerëzit i drejtoheshin Zotit (jo të shtëpisë, d.m.th Kryeministrit të papërgjegjshëm, që lëshon deklarata aq qesim sa të duket se edhe një jabanxhi i gjendur tranzit do të kishte informacion më të saktë) për t'i shpëtuar nga ndonjë mënxyrë e tillë, një GërdecBURG po përgatitej.

Ata, elementët kriminalë me rrezikshmëri ekstreme shoqërore, e kishin parë se si e sa poshtë kishte rënë shteti i tyre (disa syresh ishin protagonistë të 1997-ës), njëherë që i ndodhi ajo tragjedi Së dyti, panë donkishotizmin etatist për ta fshehur të vërtetën, për ta minimizuar atë, për të nxjerrë në pah më shumë përpjekjet për eliminimin e pasojave, sesa përgjegjësitë. Së treti, panë nivelin e lartë dhe përfshirjen kapilare në korrupsion të "yjeve" dhe "yllëzave" të Qeverisë së Shërbimit dhe Shërbesës me shumë "yje". Dhe, qenë treguar "të paduruar", s'kishin pritur sa Berisha, i cili po e mban si burrë premtimin e dhënë këtu e 11 vjet më parë që "do t'ua ngrij buzëqeshjen në buzë" (d.m.th popullit të vet) të ndërmerrte ato, reformat e thella për sigurinë, po ia banë shshshshsh me sharrë dhe, për pak e çanë ferrën jo veç një Fran e një Preng, po plot 75 të tillë.

Ajo që ka pikuar nga informacioni i deritanishëm për hetimin e këtij GërdecBURGU në tentativë, është plotësisht e mjaftueshme, për t'u rënë fort kambanave të alarmit, për të marrë e shtrënguar fort frenat e shtetit e për të lënë mënjanë lodrat zhurmuese të marrjes së ftesës për NATO. Papërgjegjshmëria e QShSh-së tashmë është e njohur, po kjo nuk mund t'ia lehtësojë kurrsesi misionin e opozitës, e cila t'i bëjë edhe rrugëtimet eksploruese allagandiste nëpër atdhe, po të ngulet mirë për të bërë luftën politike në institucione, para së gjithash për të parandaluar tragjedi të tjera, mbase akoma më të mëdha. Përfytyrojeni të nderuar lexues, se çfarë mund të kishte ndodhur në këtë vend (tashmë në paradhomën e NATO-s) të rraskapitur, sikur pas mbarimit të punës "me sharrë e metal" mbi hekurat e mitit të sigurisë së lartë të Burrelit, nën hundët e policisë e të një drejtori të burgut (sipas shtypit, jashtë profilit e me probleme serioze me drejtësinë?!) të kishin "fituar lirinë" 75 të dënuar të përjetshëm apo me mbi 20 vjet burg, ku jashtë telave rrethuese i prisnin "një park" me makina të porositura me celularë e nën "shurdhërinë" e gardianëve për t'i dërguar në destinacionet e tyre vështirë të kthyeshme më.

Mos vallë Berisha me të tijtë paskëtaj, kur t'i niste me urgjencë "heronjtë", kur të vinte në rrezik jetën e tyre e të mijëra e mijëra qytetarëve për t'i rifutur brenda hekurave të dënuarit me burgim të përjetshëm, do t'i rishfaqej shansi që të mbinte sërish nëpër ekranet e televizioneve, në konferenca të shtypit, para dhe pas buke, për të na dëshmuar "forcën" e shtetit e, pse jo, ta kthente këtë edhe në një fitore të Qeverisë Demokratike?!

Nga moria e fakteve e të dhënave të deritashme për GërdecBURGUN në tentativë nuk mund të lë pa nënvizuar se krerët e burgut kishin zbuluar tentativën, por nuk kishin njoftuar askënd për ngjarjen e ndodhur, as prokurorinë, as eprorët në Drejtorinë e Përgjithshme të Burgjeve. Askënd?! Ah, po kanë salduar hekurat. Për besë, u duhet ditur "për nder" Fran Marashit e Preng Lleshit (të burgosur, se në liri mund të ketë me dhjetëra që mbajnë këto emra e mbiemra) që u treguan këmbënguljes dhe nxorën jashtë telave këtë qamet, që desh zezoi sërish jetën shqiptare (kur kemi hyrë në paradhomën e NATO-s dhe gjëmon e gjëmon e do të gjëmojë ende lodra e Berishës).

Teksa shkruaj këtë më bie ndërmend këtë çast një episod i një shokut tim polic (besoj se do ta kenë kthyer në "gjeometër" të Lezhës, si autorin e këtyre radhëve në kryeqytet). 14 ditë qëndroi në një zonë rreth 3-4 km larg qytetit të Lezhës në krye të detyrës, për të kapur një keqbërës dhe s'erdhi asnjë sekondë në shtëpi, kur lëngonte e ëma.

Në mbyllje të këtij shënimi, do të drejtoja një thirrje si qytetar, të përshtatur nga manifesti i famshëm komunist: amatorë në punë të shtetit, lini mejhanet rreth dikastereve (për të cilat do të bëjmë fjalë së shpejti), institucioneve etj., etj., dhe kthehuni aq kohë sa iu ka mbetur deri në rotacionin normal të pushtetit dhe vihuni në krye të punëve për të cilën keni kërkuar e marrë (siç) votën e popullit se Gërdeci dhe GërdecBURGU në tentativë nuk njohin as krah të majtë e as të djathtë, ata marrin mbarë, kur ua lini kaq "mbarë" ju…

[serxho]

Nje pyetje kish une nqs keni mundesi per tu pergjigjur...
Si ka mundesi qe drejtori dhe shefat e medhenje dolen te palagur nga kjo ngjarej dhe madje po kerkojne edhe demshperblime nga 3-5 mij euro sepse jane denuar padrejtesisht .nga 14 punonjes mos gabofsha, vetem 2 vete dolen fajtor per kete ngjarje,mos valle i gjith burgu i Burrelit mbahej vetem nga 2 gardian,e kete te tjeret e merrnin diten e punes pa bere asgje.
Ndersa njerit prej gardianeve i eshte nderruar pozicionin e punes menjeher pas shqytimit te ngjarjes.

[benseven11]

Cila eshte historia e ketyre,Fran Marashit e Preng Lleshit?
Perse jane denuar?Me cfare jane marre para se te burgoseshin?