Berisha favorizon kazinote

[BARAT]

Berisha, thirrje bizneseve të kazinove për investime në Shqipëri


Friday, 07 March 2008 gazeta sot

Po japim lajmet!
“Kryeministri Berisha, priti përfaqësuesit e grupit “Casinos Austria International”, lider në Industrinë botërore të kazinove dhe lojërave të fatit. Përfaqësuesit e “Casinos Austria International”, paraqitën interes për të shtrirë bisnesin e tyre edhe në Shqipëri. Ky grup me aktivitet kazinotë, operon në 36 vende të botës dhe është partner me “Qendrën e Llotarisë Kombëtare në Austri”. Kryeministri Berisha, mirëpriti interesin e tyre, për të investuar në Shqipëri dhe i garantoi, se projekti i tyre do të vlerësohet, bazuar në ligjet në fuqi”.

Ky është lajmi zyrtar, i cili është përcjellë për mediat, si një arritje e qeverisë shqiptare dhe konkretisht e (ish)kryeministrit shqiptar anti-kazino, Sali Berisha, i cili kur ishte në opozitë, ka mallkuar me rrënjë e me themel hapjen e kazinove në Shqipëri, duke i cilësuar si zhvatëse të shqiptarëve të varfër dhe si burim krimi në familje. Mirëpo, pas ardhjes në pushtet, kryeministri Berisha u tjetërsua në “bekues” të hapur dhe mbështetës i kazinosë në qendër të Tiranës dhe nxitës i kazinove edhe deri në Has e Leksovik, duke e quajtur “biznes të pastër dhe zhvillim ekonomik të vendit” (ashtu si lekët e piramidave në dhjetor 1996). Ne nuk e dimë, nëse qëndrimi i tij pro kazinove, kishte lidhje me parullën elektorale të vitit 2005 “Koha për ndryshim”, por dimë faktin, që djali i tij, në kohën kur Berisha e drodhi edhe me me kazinotë, djali i tij rezultoi të ishte dhe të jetë aksioner në kazinonë në qendër të Tiranës, për të cilën Berisha, sot kryeminisitër, zhvilloi një seancë parlamentare interpelance kundër tyre.
Pritja që Berisha, u rezervoi bosëve të firmës “Casinos Austria International”, nuk është gjë tjetër, veçse dëshmi i interesit dhe predispozitës, që kryeministri shqiptar i “duarve të pastra” ka për kazinotë pas ardhjes në pushtet. Madje, së bashku me beniaminin e tij, ministrinë e ekonomisë, Genc Ruli, ka bërë edhe një ligj të votuar ditën në qeveri dhe të ndryshuar natën në parlament. Disa ditë më parë, gazeta “SOT” publikoi skandalin me këtë ligj për lojërat e fatit. Ky ndryshim skandaloz i projektligjit, u bë për të favorizuar monopolin e lirë e të plotë mbi lojërat e fatit dhe konkretisht, mbi kazinotë, të cilat dhe në Shqipëri, konsiderohen dhe janë ekzkluzivitet i njerëzve me pushtet e me pozicione të larta në politikë.
Konkretisht, këshilli i Ministrave të Republikës së Shqipërisë, me Vendimin nr.194, datë 28.03.2007, i propozon Kuvendit të Shqipërisë, pra legjislativit, të bëhen ndryshime në ligjin për lojërat e fatit në Shqipëri. Sipas këtij propozimi, në mbështetje të nenit 81, pika 1 dhe të nenit 100 të Kushtetutës, qeveria “Berisha”, i kërkon parlamentit, të bëhen disa shtesa në Ligjin Nr. 8701, datë 1.12.2000 “Për lojërat e fatit, kazinotë dhe hipodromet, të ndryshuar”. Ky vendim është firmosur nga kryeministri Sali Berisha dhe ka hyrë në fuqi menjëherë, pra që kur është firmosur. Poshtë firmës së kryeministrit është dhe firma e ministrit të Ekonomisë, Tregëtisë dhe Energjetikës, Genc Ruli, si ministër përgjegjës, për zbatimin e tij. Ministri Ruli, në projektin “Ruli-Kazino”, të paraqitur në parlament dhe që është bërë ligj, i ka shtuar nenit 2 edhe pikën 3.
Ky interes direkt i Berishës për kazinotë duket se nuk ka lidhje me zhvillimin e ekonomisë kombëtare, por me fuqizimin e ekonomisë dhe financave të tij private e të klikës që ka rrotull. Ai takoi bosët e firmës me shtrirje botërore “Casinos Austria International”. mirë bëri. Por nuk po vepron mirë, që nuk takon biznese të huaja e vendase të cilat duan të investojnë në prodhimin kombëtar, madje duke mos u kthyer as përgjgije megjithëse pengohen prej dy e tre vjetësh nga ministrat e tij. Ndërsa kur është fjala për takime kazinosh, ai anulon edhe axhedën më të rëndësishme të veprimtarisë së tij ditore. Madje, u garanton boësve të këtij aktiviteti të “mallkuar” prej tij edhe siguri e mbështetje me të gjtihë kushtet, se ligjin e ka bërë vetë, siç i ka interesuar, deri edhe me falsifikim, për të nxjerr jashtë aktivitetit lojërat e fatit brenda gjashtë muajve(afati ka skaduar), duke favorizuar vetëm kazinotë, për të cilat tashmë është i predispozuar për t’i instaluar plotësisht në Shqipëri. .

Ja falsifikimi i ligjit

Pika 3, shtuar në nenin 2:
3. Në fund të pikës 4 shtohet një paragraf me këtë përmbajtje:
“Nuk konsiderohen lojëra elektronike me fitim në çast, makinat elektronike apo kompjuterat elektronikë, të cilët kanë më shumë se një pozicion loje. Lojëra elektronike me fitim në çast sipas këtij ligji, konsiderohen vetëm makinat e tipit sllot.
Personat të cilët kanë instaluar makina elektronike, apo kompjutera elektronikë, të cilët nuk konsiderohen si të tillë nga paragrafi i mësipërm, detyrohen t’i heqin ato brenda 6 muajve nga hyrja në fuqi e këtij ligji”.

[Hyj-Njeriu]

Po i kazinove sikur ishte Nanoja,po ky cne i shkalloi damari ne pleqeri ketij te shkretit...kazino,femra e droge

Na duhen kazinote ne fakt,se shqiptaret vdesin te lene leket neper llotari te ndryshme,pse te mos i lene ne kazino e ti fuse ne xhep pronari i huaj i kazinose? Me duket mese logjike ....

[BARAT]

Po i kazinove sikur ishte Nanoja,po ky cne i shkalloi damari ne pleqeri ketij te shkretit...kazino,femra e droge

Na duhen kazinote ne fakt,se shqiptaret vdesin te lene leket neper llotari te ndryshme,pse te mos i lene ne kazino e ti fuse ne xhep pronari i huaj i kazinose? Me duket mese logjike ....

Ishalla nuk fillon te merret edhe me faemra

[Hyj-Njeriu]

Mu kujtua kenga e 'sales' tek portokallia qe sapo pashe.. 'moj dashnore' -

http://it.youtube.com/watch?v=06i0n8...eature=related

[Duaje Siveten]

Gazeta Sot 06 April 2008

Ja shkeljet e Ministrit Bode për të dhunuar gazetën “SOT”

E nderuar zonja Prokurore e Përgjithshme!

Në respekt të detyrës Tuaj, si garante e drejtësisë në këtë vend, që fatkeqësisht deri sot që po Ju drejtohemi, nuk ka asnjë nuancë drejtësie nga pushteti politik dhe administrativ shqiptar, kemi detyrimin t’ju bëjmë prezent një qëndrim skandaloz, që nuk po mbahet nga ndonjë brigadier foragjereje në ish-kooperativat bujqësore, por nga Ministri i Financave, i nxitur prej një kryeministri të dhunshëm, me emrin Sali Berisha, të cilët së bashku, janë pozicionuar prej kohësh kundër veprimtarisë së lirë të gazetës “SOT”.

Pushteti aktual, i drejtuar nga njeriu i penalizuar Berisha (jo vetëm për Gërdecin), si politikisht dhe administrativisht, ka vendosur të bllokojë gazetën “SOT”. Shkak nuk është numri i të punësuarve në gazetë siç justifikojnë ata këtë sulm të pacipë, caktuar arbitrarisht nga Ministri i Financave, zoti Ridvan Bode, por qëndrimi i gazetës “SOT” e cila ka publikuar dhe vazhdon të publikojë pa asnjë tërheqje, të gjithë krimet, dështimet, abuzimet dhe aferat korruptive të drejtuesve të pushtetit aktual, të drejtuar nga Sali Berisha, në të gjithë nivelet dhe jo vetëm nga ky.

Gazeta “SOT”, për shkak të qëndrimit të saj të pavarur e të papajtueshëm me të keqen që po servirin pushtetet në Shqipëri, 10 ditë më parë është kontrolluar përsëri dhunshëm, në mënyrë të qëllimshme dhe anti-ligjore, prej tatimorëve të Tiranës, të cilët dukeshin se kishin marrë një urdhër verbal, për t’iu vërsulur kësaj gazete, me qëllim bllokimin e saj. Në funksion të mbylljes së gazetës “SOT”, afro 20 ditë më parë, ka dalë Urdhri i Ministrit të Financave Ridvan Bode (Berisha), me Nr. 18, datë 17/08. Pas kontrollit tatimor, “kalecët” e të cilit erdhën në redaksi më shpejt se sa shkoi zjarrfikësja kur ra zjarr në Gërdec, kërkuan zbatimin e urdhrit politik të ministrit Bode, ministrit të financa-piramidave shqiptare. Ne kërkuam, por nuk na dhanë shpjegime për daljen dhe zbatimin e këtij urdhri absurd, të hartuar në zyrën e Berishës, me përmbajtje po sipas dëshirës së Berishës dhe klanit të tij.

Zonjë prokurore!

Ky urdhër është një shkelje e rëndë e Kushtetutës, për më tepër është shqetësuese, kur këtë shkelje të rëndë e bënë kreu i qeverisë Sali Berisha. Ne kërkojmë nga ana Juaj, si personaliteti më i lartë i autoritetit të Akuzës Shqiptare, të konsideroni “Vepër të dukshme penale” urdhrin e ministrit Bode, i cili e ka nxjerrë këtë urdhër abuziv, duke synuar të mbyll vetëm gazetën “SOT”, shkrimet e të cilës i kanë prishur “gjumin” shefit të tij, Sali Berishës. Ne kemi motivimin tonë të plotë juridik, për të bërë këtë kërkesë të drejtë ligjore, drejtuar institucionit Tuaj, si kryeprokurore, sepse gjendemi jo vetëm përballë cenimit të së drejtës për të ushtruar fjalën e lirë, por dhe përballë precedentit të përsëritur nga i njëjti individ dhe nga i njëjti pushtet, i drejtuar prej Sali Berishës, që ka treguar se edhe gjatë viteve 1992-1997, por dhe gjatë këtij mandati, po qeveris me dhunim të shtypit të lirë, duke synuar ta bllokojë e ta shkatërrojë me metoda fiskale të pamotivuara, për të mos publikuar të vërtetën, qëndrim i cili në rastin konkret edhe të të këtyre viteve, ka si “vulë” dështimin e pushtetit të Berishës. Ne e konsiderojmë në kundërshtim me Kushtetutën urdhrin me të cilin, ministri i Financave Ridvan Bode, në zbatim të synimeve të antiligjore të kryeministrit Sali Berisha, po vepron për mbylljen e gazetës “SOT”, mbasi konstatojmë:

Së pari: Urdhri i Ministrit të Financave, me Nr. 18 dhe me datë 17.01.08 është një akt normativ i nxjerrë në kundërshtim me Kushtetutën. Urdhri në pjesën hyrëse të tij i referohet informacioneve dhe sugjerimeve, por në asnjë rast nuk ka një referencë në një kat tjetër normativ me fuqi më të lartë që të detyrojë organin administrativ, ministrin e Financave të nxjerrë një akt normativ të tillë. Në asnjë rast, sugjerimet apo informacionet nuk përbëjnë shkak të ligjshëm për nxjerrjen e një akti normativ. Urdhri në pjesën hyrëse i referohet vetëm nenit 102/4 të Kushtetutës së Republikës së Shqipërisë. Kjo dispozitë parashikon sa me poshtë:
Ministri, brenda drejtimeve kryesore të politikës së përgjithshme shtetërore, drejton nën përgjegjësinë e tij veprimtarinë që ka në kompetencë. Ministri, në zbatim të kompetencave të tij, nxjerr urdhra dhe udhëzime. Sipas dispozitës së mësipërme është parashikuar, se çfarë aktesh normative ka të drejtë të nxjerrë një ministër dhe sipas saj, parashikohet e drejta e nxjerrjes së urdhrave dhe udhëzimeve, në zbatim të kompetencave të tij.

Sikur kjo dispozitë, të ishte e vetme në Kushtetutë, për sa i përket nxjerrjes së urdhrave nga ministrat, “Urdhëri Bode anti-media” konsiderohej nga pikëpamja formalo-jurdike si rregull, por Kushtetuta e Republikës së Shqipërisë, përsa i përket akteve normative, ku në to përfshihen dhe Urdhrat apo Udhëzimet e Ministrave, ka edhe dispozita të tjera. Kështu, në Pjesën e Shtatë të saj, në Kreun I, neni 116, paragrafi i tretë, në grupin e akteve normative, përfshin edhe këtë të drejtë:

Aktet normative të ministrave dhe të organeve drejtuese të institucioneve të tjera qendrore, kanë fuqi në të gjithë territorin e Republikës së Shqipërisë, brenda sferës së juridiksionit të tyre. Duke e parë në këtë kontekst të Kushtetutës, Urdhri i nxjerrë, si pasojë e së drejtës së dhënë ministrit nga neni 102, paragrafi 4 i Kushtetutës është një akt normativ. Duke e marrë si një akt normativ Urdhrin me Numër 18, datë 17.01.08, ai në kuptim të paragrafit 3, të nenit 116 të Kushtetutës është i detyruar të respektojë dhe dispozitat e tjera Kushtetuese kur del ky akt normativ. Bazë, për të nxjerrë akte normative me nënligjore është neni 118 i Kushtetutës së Republikës së Shqipërisë. Sipas këtij neni, parashikohet se:

1. Aktet nënligjore nxirren në bazë dhe për zbatim të ligjeve nga organet e parashikuara në Kushtetutë.
2. Ligji duhet të autorizojë nxjerrjen e akteve nënligjore, të përcaktojë organin kompetent, çështjet që duhen rregulluar, si dhe parimet në bazë të të cilave nxirren këto akte.
3. Organi i autorizuar me ligj për të nxjerrë akte nënligjore, siç specifikohet në paragrafin 2 të këtij neni, nuk mund t'ia delegojë kompetencën e tij një organi tjetër.

Është ky neni, i cili në paragrafin nr. 1 të tij, parashikon se aktet nënligjore, ku si të cilat përfshihen edhe ato të dala në përputhje me paragrafin 3 të nenit 116 të Kushtetutës, duhet të nxirren në bazë dhe për zbatim të ligjeve. Sipas këtij parashikimi, duhet që edhe Urdhri i Ministrit të Financave me Nr. 18, datë 17.01.08, të kishte dalë në bazë dhe për zbatim të ligjit dhe jo të rekomandimeve, apo informacioneve, ashtu sikurse shprehet dhe vetë Urdhri, në pjesën hyrëse të tij. Një gjë e tillë e bën këtë Urdhër, të jetë në kundërshtim me Kushtetutën, dhe konkretisht, me paragrafin e cituar më sipër. Gjithashtu, Urdhri është në shkelje flagrante me paragrafin 2, të nenit 118 të Kushtetutës së Republikës së Shqipërisë. Sipas këtij paragrafi është ligji, i vetmi akt normativ i cili autorizon nxjerrjen e akteve nënligjore, çka në rastin konkret, mungon. Gjithashtu është po ligji, i cili përcakton organin i cili duhet të nxjerrë aktin, çështjet të cilat duhet të rregullojë ky akt si dhe parimet, në bazë të cilave duhet nxjerrë akti normativ.
Sipas kësaj dispozite, Urdhri i Ministrit të Financave me Nr. 18, datë 17/08, në pjesën hyrëse të tij, duhet të kishte përveçse Dispozitës së Përgjithshme Kushtetuese, nenit 102/4, nen i cili përcakton formën dhe emërtimin e akteve normative që nxjerrin Ministrat, dispozitën konkrete të ndonjë ligji, që të autorizonte Ministrin e Financave për të bërë këto veprime:

1. Të nxirrte një akt normativ;
2. Të përcaktonte çështjet që ai do të rregullonte, nëpërmjet këtij akti normativ
3. Të jepte parimet, në bazë të të cilave do të nxirrej ky akt.

Akti normativ, pra Urdhëri 18, datë 17/08, i Ministrit të Financave, nuk ka asnjë referim nga sa kërkohet detyrimisht nga neni 118 i Kushtetutës, ç’ka e bën këtë akt, të jetë hapatazi dhe në shkelje flagrante të Kushtetutës.

Së dyti: Urdhërit të Ministrit të Financave, me Nr. 18, datë 17.01.08 i mungon një nga elementët thelbësor të tij, për të prodhuar efekte juridike, kundrejt personave të cilëve ai ju drejtohet. Në të dy format juridike të konsiderimit të këtij akti, si në formën e një akti administrativ, ashtu edhe të një akti normativ, ky akt është në kundërshtim të hapur dhe flagrant, si me Kushteutën, Kodin e Procedurave Administrative, ashtu dhe me Konventën Europiane të të të Drejtave të Njeriut.

a. Po e konsiderojmë Urdhërin e Ministrit të Financave, si një akt administrativ, në kuptim të nenit 105 të Kodit të Procedurave Administrative. Sipas këtij Kodi, në nenin 114, paragrafi 3 i tij, parashikohet se, kur akti administrativ është i detyrueshëm të botohet, ai bëhet në Fletore Zyrtare brenda 30 ditëve nga miratimi i tij. Përsa i përket këtij Urdhëri edhe sikurse e parashtruam më lart, një gjë e tillë mungon. Kjo do të thotë, që ky akt akoma nuk ka filluar të prodhoj efekte kundrejt të tretëve, apo të jemi më të saktë, kundrejt personave të cilëve, ai ju drejtohet. Për shkak të mosbotimit, ky akt konsiderohet sikur nuk ekziston, pasi personat të cilëve ai ju drejtohet, nuk kanë marrë dijeni për të dhe për rrjedhojë nuk kanë përse të detyrohen me zbatimin e tij.

b. Po e konsiderojmë Urdhrin e sipërcituar të Ministrit të Financave, si një akt normativ, në kuptim të nenit 116, paragrafi 3 i Kushtetutës. Përsëri ky akt është i pavlefshëm pasi ai nuk është botuar në Fletore Zyrtare. Sipas nenit 117, paragarfi 1 i Kushtetutës është sanksionuar se: Ligjet, aktet normative të Këshillit të Ministrave, të institucioneve të tjera qëndrore marrin fuqi juridike vetëm pasi botohen në Fletoren Zyrtare.”

c. Sipas dispozitës së mësipërme që ky Urdhër i Ministrit të Financave duhet të jetë detyrimisht i botuar në Fletoren Zyrtare, gjë e cila nuk është realizuar, dhe për rrjedhojë ai nuk ka fuqi juridike.

Po kështu edhe vetë teksti i aktit të sipërcituar nuk parashikon se kur ai do të hyjë në fuqi.

Së treti: Edhe sa më sipër të qëndronin, përsëri procesverbalet e mbajtura nga inspektori i tatimeve që u “desantua” në zyrat e gazetës “SOT”, Ilia Fara, janë të pasakta. Kështu ai i referohet në Procesverbalin e tij nr. 3 , datë 02.04.,2008, periudhës nga 1 Janari 2008. Një gjë e tillë është e pabazuar. Urdhri i Ministrit të Financave Nr. 1, datë 17.01.2008, nuk mund të ketë fuqi prapavepruese duke përfshirë dhe periudhën para datës së miratimit të tij, ç’ka e bën procesverbalin të pambështetur në ligj de madje abuziv.

[juanito02]

po kazino e baste ka Shqiperia tani se ska lene ne kembe pune tjeter Saliu

[malo666]

po te isha une do i beja monopole te shtetin, meqe kane ndermend ta vjedhin popullin te pakten keto pare te riciklohen, ne rruge e spitale, e jo te perfundojne ne xhepat e cifuteve.

[KOKASHTA]

Tamam e ka bere. Ne fakt edhe kazinote duheshin favorizuar se sfitojn hic leke. Po cu duhen me kazinote shqiptareve se boll kane.
Vetem ne Librazhd ka nja 7-8 kazino. Kuptohet qe jo te medha...por me nja 10 kompjutera nga 1 rulete i kane...edhe prap se prap plot rrijne dhe lek te madh korrin. Paskan patur lek te madh shqiptaret vallai.

[rotullusi]

Po normlae , eka ne gjak sali dinosauri vjeljen e para te popullit , por me te vetmin ndryshim nga piramidad , kte radhe do tjua mari me menyre demokratike , pasi nuk ka me shance te qe te organizoj dot piramidad prap......Prandaj dhe kur u permend ne parlament rasti i kazinove qe kishte te bente djali i vet , u be si bishe , se iu preken interesat .......

[RedDardan]

Tamam e ka bere. Ne fakt edhe kazinote duheshin favorizuar se sfitojn hic leke. Po cu duhen me kazinote shqiptareve se boll kane.
Vetem ne Librazhd ka nja 7-8 kazino. Kuptohet qe jo te medha...por me nja 10 kompjutera nga 1 rulete i kane...edhe prap se prap plot rrijne dhe lek te madh korrin. Paskan patur lek te madh shqiptaret vallai.

Librazhdi ka 7-8 kazino ?!...

un jam nè Bari(mendoj qè èshtè nja 7-8 herè mè e madhe se Librazhdi) dhe ka vetèm nje bingo te hapur kohèt e fundit...kazino nuk kam degjuar asnjehere...

tè mjerèt ne edhe ato pak lek do ti bèjmè siç thotè populli rrush e kumblla