Fushata zgjedhore 2009

[juanito02]

Partia Shpresa Demokrate + USA = Shpetimi i shqiptareve.

O petrit se jam kurioz per kete parti. Po ska bere dalje ne publik, kush jane mendjet e kesaj partie ca programi ka, a ka sigurimsa brenda apo jo brenda.
Se diku ke thene qe ne Shtator fillon rrokada dhe kjo parti paska ne krah Ameriken.
Berihaj po te jete ashtu
Se dikush duhet ta permbyse katovicen si ne ide edhe ekonomikisht.

[oliinter]

Sa shpejt qe vijn zgjedhjet mer mana. BOBOBO kush degjon politikanet tani duke genjyer perdite. Poshte mediat qe i transmetojn

hec aty na mbyten komunistat

[RaPSouL]

"Zgjedhjet e 2009, me karta identiteti"

TIRANE - Zgjedhjet e vitit 2009, do te behen me kartat e identifikimit. Ne kete menyre dje, Ministria e Brendshme i eshte kunderpergjigjur akuzave te Partise Socialiste ne lidhje me procesin e prodhimit te kartave te identitetit. Sipas Fatmir Konjas, zedhnesit te ministrise, "akuzat e PS, jane krejt te paarsyeshme dhe spekulative". Sipas tij, "Partia Socialiste duhet t'u shpjegoje shqiptareve perse nuk i prodhoi kartat gjate tete viteve te qeverisjes se saj dhe me pas, duhet me se paku te shprehe vleresimin per kete qeveri qe po i prodhon brenda mandatit te saj te pare". Ai ne fjalen e tij, duke rrezuar pretendimet e socialisteve deklaron se, PS tu shpjegoje shqiptareve perse e akuzoi kete qeveri per nje kohe te gjate se do te deshtonte ne prodhimin e kartave te identitetit. Ai shtoi, se Partia Socialiste eshte terhequr nga akuzat e renda qe i adresoi kompanise koncesionare franceze Sagem ne bashkepunim me Fondin Amerikan -Shqiptar te Zhvillimit, ne menyre krejt te pabaze. Sipas tij, ministria ne menyre te perseritur dhe te qarte, i ka vene ne dispozicion opozites dhe Partise Socialiste te gjithe informacionin e kerkuar.

Pas firmosjes se kontrates, brenda afro pese muajsh, i tere sistemi i aplikimit dhe prodhimit do te jete i gatshem te filloje shperndarjen e kartave te identitetit. Do te jene instaluar te gjitha stacionet e aplikimit, do te jete instaluar dhe testuar qendra e personalizimit qe do te prodhoje karta, e nderkohe do te jene trajnuar te gjithe personat pergjegjes per aplikimin. Qendra do te jete e gatshme ne fillimin e vitit 2009, me nje kapacitet prodhimi prej 15 mije karta ne dite apo 450 mije karta ne muaj, ky sistem do te jete i afte t'i pergjigjet dinamikes se aplikimeve te qytetareve te cilet do te kene ne dispozicion 350 zyra te perhershme dhe 100 zyra te levizshme. Te gjitha parashikimet jane bere ne marreveshje te perbashket me koncesionarin. "Duke pasur parasysh numrin e votuesve ne Shqiperi, do te jete plotesisht e mundshme pajisja e tyre me karta identiteti deri ne zgjedhjet e ardhshme parlamentare", thane burimet zyrtare te Ministrise se Brendshme. Nga ana tjeter ministria po pergatit nje sere aktesh nenligjore per miratim ne Keshillin e Ministrave qe do te nxisin procesin e pajisjes se qytetareve me karta. Kontrata eshte derguar ne parlament dhe te gjithe deputetet e kane ne dispozicion per ta vleresuar.

Nishani: Ne shtator do jemi gati

Shqiptaret do te kene regjistrin elektronik te shtetasve, karta identiteti dhe pasaporta biometrike brenda shtatorit te vitit 2008. Kjo eshte konfirmuar nga ministri i Brendshem, Bujar Nishani, gjate nje raporti qe ai paraqiti para Komisionit parlamentar te Integrimit. Ministri i Brendshem shprehu angazhimin e qeverise per permbushjen ne kohe te projektit per pajisjen e qytetareve shqiptare me dokumente, sipas standardeve me te mira.


K.J

[RaPSouL]

SHBA-të, të shqetësuara mbi mundësinë e manipulimit të zgjedhjeve të 2009-s



Shtetet e Bashkuara të Amerikës janë shumë të shqetësuara lidhur me revanshin institucional të shumicës, ndërsa duket se qeveria shqiptare nuk jep dot asnjë garanci për zgjedhjet e ardhshme. Gazeta “Albania” ka mundur të kontaktojë disa gazetarë shqiptarë, që dy ditë më parë kanë takuar zyrtarin e lartë amerikan, i cili në takim ka shprehur shqetësime serioze për disa çështje kyçe. Natyrisht që çështja më imediate lidhet me mungesën e garancive nga qeveria shqiptare për zgjedhjet e vitit 2009, ndërsa acarimi i marrëdhënieve të saj me OSBE-në përbën një moment shumë delikat dhe të dyshimtë për diplomatin e lartë amerikan në Tiranë. Gjatë takimit me gazetarët, diplomati amerikan ka lënë të kuptohet se qeveria shqiptare jo vetëm i ka ftohur marrëdhëniet me OSBE-në, por ajo duket se po ndërmerr veprime për shmangien e monitoruesve të OSBE-së gjatë zgjedhjeve të ardhshme dhe për largimin e këtij misioni nga vendi. “Përse duhen larguar monitoruesit e procesit zgjedhor në një vit elektoral nga Shqipëria? Kjo është një pyetje që ngre dyshime të vjetra për qeverinë aktuale”, -mësohet të jetë shprehur diplomati amerikan.
Horror
Ndërsa çështja e zgjedhjeve është ajo më e ngutshmja, një tjetër problem themelor në lidhje me qeverinë shqiptare është vërejtur në sistemin e drejtësisë. Në bazë të deklarimeve të diplomatit amerikan, në epiqendër të këtij problemi është çështja e Gërdecit. “Albania” mësoi se pas letrës që kryeparlamentarja Topalli i shkroi kryeprokurores Ina Rama dhe pas qëndrimit të Ambasadës mbi këtë çështje u krijua një klimë shumë e vështirë. Sikurse e do procedura, Ambasada ia ka kaluar Departamentit të Shtetit korrespondencën e saj me Topallin si dhe korrespondencën e kryeparlamentares me kryeprokuroren. “Ata as e imagjinonin se një kryetare parlamenti mund t’i kishte dërguar një letër të tillë kryeprokurores së vendit. Ajo ishte një letër horror”, - mësohet të ketë thënë zyrtari i lartë i Ambasadës Amerikane në takimin me gazetarët dy ditë më parë.
Drejtësia
Një problem shumë shqetësues për zyrtarin amerikan paraqet dhe përgatitja e terrenit për dobësimin e kompetencave të Prokurorisë apo dhe për kontrollin mbi të. Sipas diplomatit amerikan në Tiranë, ”Ambasada po ndjek me shumë vëmendje ecurinë e projektligjit, ndërsa ka një mungesë arrogante transparence nga ana e Ministrisë së Drejtësisë lidhur me pika shumë jetike për pavarësinë dhe integritetin e këtij institucioni”. Qëndrimi i maxhorancës dhe sidomos i Ekzekutivit ndaj institucioneve të drejtësisë po shihet nga Ambasada Amerikane si një “frymë e errët”, që cenon direkt dhe zbardhjen e ngjarjes së Gërdecit, ku sipas diplomatit amerikan, “Shtetet e Bashkuara janë shumë të interesuara për zbardhjen deri në fund të saj, pavarësisht se deri sa larg do të shkojë përgjegjësia apo niveli i personave të implikuar”. Një moment po aq i rëndësishëm lidhet me “dritëhijet” e ratifikimit të marrëveshjes të pranimit të Shqipërisë në NATO. Sipas diplomatit, ”Shtetet e Bashkuara kanë një presion gjithnjë e në rritje nga shumë shtete lidhur me garancitë e Shqipërisë, sidomos pas performancës negative të kryeministrit në Kuvend ndaj deputetit Balla”.


Albania

[RaPSouL]

Kryeministri: Zgjedhjet e reja, në qershor të vitit 2009

Berisha bën bilancin e punës 7-mujore: Ja defektet e mia

Vetëm 10 muaj na ndajnë nga zgjedhjet e përgjithshme parlamentare. Kryeministri Berisha, pas 120 minutash konferencë, ka njoftuar opinionin publik, opozitën dhe të gjitha partitë parlamentare që të bëhen gati pasi zgjedhjet e ardhshme do të bëhen në muajin qershor. "Zgjedhjet e reja do të bëhen në qershor. Mund të shtyheshin në korrik, por kemi vendosur që t‘i bëjmë në qershor", u shpreh Berisha. Duke bërë bilancin e punës 7-mujore të këtij viti, kreu i qeverisë, së bashku me këshilltarët e tij, të privuar nga pushimet verore, ka renditur realizimet e qeverisë në këto 7 muaj, por u ka paraprirë edhe objektivave të qeverisë në 10 muajt në vazhdim.

Zgjedhjet në qershor

Nis kështu ligjshëm fushata e zgjedhjeve parlamentare të vitit 2009. Surpriza e parë, e zbuluar nga goja e Kryeministrit, është fakti se zgjedhjet do të mbahen në muajin qershor. Partia Demokratike shumë shpejt do të zbardhë edhe programin e saj të ri, në të cilin do të bazohet fushata e zgjedhjeve të 2009. "Në shtator do të nisë edhe puna më e fuqishme për vitin e fundit të mandatit", është shprehur Berisha. Qershori i vitit të ardhshëm do të jetë muaj elektoral në Shqipëri. "Në javët që vijnë do më duhet të takohem me ju për 3-vjetorin, se ai takim do më shërbejë mua para zgjedhjeve të qershorit, sepse ato atëherë do të jenë. Do t‘i avancojmë, qeveria ime nuk i shtyn zgjedhjet, i avancon", u shpreh Berisha me entuziazmin e nisjes së fushatës nga selia e Kryeministrisë.

Bashkëpunimi me partitë

"Mbetem i hapur të diskutoj për bashkim, federatë apo konfederatë. Unë kam një bashkëpunim të mirë me aleatët. Cila formulë do të jetë më e përshtatshme për ata, atë do të bëj edhe unë", tha Berisha. Nën moton "Shqipëria po ndryshon", Kryeministri pranoi se do të jetë i gatshëm për çdo lloj bashkëpunimi me partitë politike për të siguruar një mandat të dytë qeverisës. Plani i demokratëve është rikthimi i të larguarve nga PD-ja gjatë këtyre viteve. Ndonëse pakënaqësitë brenda Partisë Demokratike janë shtuar ndjeshëm, ajo që mban kyçur gojën e deputetëve të pakënaqur janë zgjedhjet e ardhshme parlamentare.

Kodi i ri Elektoral

Qeveria vlerëson bashkëpunimin e opozitës për periudhën e parë të këtij viti dhe e fton atë të vazhdojë bashkëpunimin në çështje të tjera të rëndësishme siç është reforma zgjedhore dhe ajo në drejtësi. Kodi i ri Elektoral, sipas Kryeministrit, do të përcaktohet në muajin shtator dhe së bashku me ndihmën e opozitës do të përcaktohen edhe sanksione ligjore për personat që nuk votojnë me kartën e identitetit. Në vjeshtë, politika do të mbulohet nga një debat i ashpër, ku në thelb ka përcaktimin e reformës zgjedhore, çka do të detyrojë edhe partitë e vogla të mos kushtëzojnë numrat pas 2009 në Kuvend. Deri në këto momente, në gjirin e PD-së është hedhur ideja për bashkimin e së djathtës dhe krijimin e një konfederate. Të gjitha këto çështje priten të diskutohen më parë në Kryesinë e PD-së dhe më pas të nisë shqyrtimi i tyre.

Kartat e identitetit

Kryeministri premton se kartat e identitetit dhe pasaportat biometrike do të ndahen brenda afatit. Sipas shefit të qeverisë, kontrata përcakton se ato do të bëhen në kohën e duhur. "Një problem mbetet me ata persona që nuk votojnë, por këtë gjë do ta diskutojmë me opozitën. Gjykoj se me opozitën duhet të bëjmë një sanksion. Ju garantoj që ata persona që do të votojnë do ta kenë në xhep letërnjoftimin", tha Berisha. Një kartë identiteti do të kushtojë njëmijë lekë të reja, ndërsa pasaporta biometrike do të ketë të njëjtin çmim me pasaportat aktuale.

Federata, opsion i hapur

Nën moton elektorale "Shqipëria po ndryshon", PD-ja po përgatitet për fushatën zgjedhore. Ajo nisi me përurimin e rrugëve nëpër rrethet e Shqipërisë, vijoi me shpalljen e logos së fushatës nga Kryeministri Berisha dhe do të vijojë në shtator me aleancat e djathta për zgjedhjet. Federata e djathtë është lënë një mundësi e hapur për Kryeministrin Berisha. Synimi i tij është që të rikthejë në gjirin e PD-së figura dhe emra që kanë vite që janë larguar nga Partia Demokratike. Rikthimi i Genc Rulit dhe Gramoz Pashkos, krijimi i KOP-it, solli ndryshimin në Partinë Demokratike dhe i siguroi asaj rikthimin në pushtet pas 8 vitesh të vështira në opozitë.

Qeveria rregullon marrëdhëniet me ndërkombëtarët. Pasaportat dhe kartat e identitetit do të bëhen para zgjedhjeve


Berisha: Diplomatët e huaj e duan Shqipërinë


Kryeministri ngroh marrëdhëniet me ndërkombëtarët. Pas deklaratave të përsëritura në emër të të ashtuquajturit nga ana e qeverisë si diplomatit anonim, këtë herë Berisha ndryshon kurs, duke thënë se asnjë diplomat nuk i ka bërë të tilla deklarata. "Nuk ekziston asnjë deklaratë e ndonjë diplomati që qeveria po pengon hetimin e Gërdecit. Qeveria ka dhënë të gjithë ndihmën që duhet të jepte në këtë proces", u shpreh Berisha. Kryeministri theksoi se Shqipëria mori besimin e vendeve anëtare të NATO-s për t‘u pranuar në aleancën euroatlantike. Progresi i Shqipërisë në këtë fushë nuk ka më kthim mbrapa, sepse, sipas kreut të Ekzekutivit, qeveria do të bëjë gjithçka për të siguruar anëtarësimin e plotë në NATO. Përfaqësuesit e OSBE-së vetëm disa ditë më parë, përsëritën kërkesën për qeverinë për të mbyllur sistemin e adresave, për të dorëzuar kartat e identitetit dhe pasaportat biometrike përpara zgjedhjeve parlamentare, të cilat tingëlluan disi dyshuese nëse qeveria do të mund t‘i përmbushë këto afate. Në përgjigje të kësaj, Kryeministri Berisha u shpreh se lidhur me sistemin e adresave, "unë jam optimist se ne do të kemi sistemin më të mirë të adresave që kemi pasur ndonjëherë". "Optimizmin tim e bazoj në ekipet që angazhoj, në hartën dixhitale centimetrike që ne disponojmë, në projektin e përgatitur nga OSBE-ja dhe fondet e mobilizuara për këtë qëllim. Për sa i përket letërnjoftimeve dhe pasaportave biometrike, kontrata e përcakton qartë detyrimin e kompanisë për t‘i prodhuar në kohën e duhur, para zgjedhjeve", tha Berisha. Por mes premtimit se në fillim të vitit 2009 do të ndahen kartat e reja të identitetit dhe pasaportat biometrike, Kryeministri ndeshet me dilemën e problemeve. "Një problem mbetet i hapur dhe këtë do ta diskutojmë me opozitën. Ai i qytetarëve që nuk votojnë. Ka një grup njerëzish që nuk votojnë, por unë mendoj se së bashku me opozitën mund të përcaktojmë një sanksion ligjor për këtë rast, kurse për ata që duan të votojnë, i siguroj se do t‘i kenë gati këto dokumente", u shpreh ai. Duke vlerësuar punën dhe rolin e kompanisë që po përgatit kartat e reja, Berisha veçoi se "në raste të tjera, kjo kompani në një periudhë kohore gjashtëjavore ose dymujore ka dorëzuar miliona karta".

Marrëdhëniet me prokurorinë

Marrëdhëniet e ftohta mes prokurorisë dhe qeverisë duket se kanë qenë një shkak kryesor për ekspozimin në publik të këtyre deklaratave. Prokurorja e Përgjithshme, Ina Rama, kërkoi me ngulm imunitetin e ish-ministrit Mediu, ndërkohë që Kuvendi e mori shumë lehtë këtë çështje. Raportimi i prokurores për punën e prokurorisë në Kuvend, dhe largimi nga salla i deputetëve demokratë ishte një tjetër veprim se qeveria ishte në krahun e kundërt të organit të akuzës. E.A





"Gërdeci"


"Nuk po pengojmë hetimet"


Duke folur për tragjedinë e Gërdecit, Kryeministri Berisha kundërshtoi të gjitha zërat që thonë se qeveria nuk po pengon hetimin e kësaj ngjarjeje dhe i cilësoi si trillime pretendimet e kundërta. "Qeveria shqiptare është institucioni më i interesuar në zbardhjen e aksidentit të 15 marsit në Gërdec".

Sipas Berishës, qeveria ka dhënë të gjithë ndihmën me masat administrative të marra ndaj të gjithë personave, potencialisht ose të lidhur direkt me këtë ngjarje. "Ajo u ka kërkuar vendeve mike për të kontribuar në zbardhjen e së vërtetës në këtë hetim. Por, qeveria nuk heton, ajo vetëm këtë mund të bëjë. Ata që mendojnë se ne po pengojmë hetimin, vetëm trillojnë, e them këtë me përgjegjësi të plotë. Nëse ka institucion të interesuar në zbardhjen e së vërtetës, kjo është qeveria shqiptare. Ne bëmë të gjithë ndërhyrjen energjike, por hetimin nuk e ka në dorë qeveria", u shpreh Berisha duke kërkuar shfajësim.


Shqip

[maxhuni]

Sa Shume qe Merresh me Plotike dhe ti mer Rapsoul


Mduket Qe ke Qef me u Bo Deputet e ???

[Brari]

sot dolli te bej fushat dhe diana culi..
i qau hallin popullit se skan uj dhe drita..

votoni tha per ne.. jo per berishen..

ska turp..

akoma nuk merr mundimin me i then..me falni.. familjareve te poeteve te pushkatuar.. te cileve u a kendoj mire me komentet e saja zhdanoviste enveriste..

pra enveristet duan vote vitin tjeter..

e cdin ata te bejne..

???

[highlander...]

O brar, ne fushate ishte edhe Brace Morri sot. Kishte marre gazeten e Mero Bazes per te sulmuar Berishen!

Opozite e degraduar, shikoni cilet jane zeri i saj: Brace morri, qe pervecse te bertase dhe te beje rolin e rrugacit, nuk ben gje tjeter dhe qe te mos i hame hakun, me raste i ka sherbyer bandes se Aldo Bares , Diana Culi qe me analizat qe ju ka bere krijimeve letrare te dy poeteve, i ka cuar drejt pushkatimit, dhe nja dy anonime te tjere qe i nxjerr Rama per te kundershtuar qeverine.

Berisha flet me shifra per te ardhurat nga tatimet dhe doganat, qe jane shume here me te medha se ne kohen e socialisteve, Berisha flet me shifra per rritjen e pensioneve dhe te rrogave te buxhetoreve, Berisha flet dhe permend emrat e rrugeve dhe autostradave qe po ndertohen ne Shqiperi, Berisha tregon numrin e bizneseve te reja qe hapen dhe rregjistrohen ne organet tatimore, Berisha flet per ujesjellesat qe jane ndertuar dhe po ndertohen... Berisha flet per anetaresimin ne Nato, ndersa opozita e Rames si argumentet me te medha te saj, ka pacavuren e Meros.

Opozite pa alternativa dhe krejtesisht diletante ne kundershtimin ndaj qeverise.

[Brari]

po c'ndoidhi me meron e bazes qe iku nga udh e perendise e po futet ne stanin e gjolek malo ruc altin edvinave..?

e mendoja te pa blere-shem ate..

se ku lexova se e shoqja eshte dicka aty ne keshill bashkiak.. e kandiduar dhe e votuar nga pd-istet.. mirpo ka mundesi qe mjeshtri edvin do ti kete tundur ndonje llokme te madhe para hundes..

babezia per parane po i prish njerzit..

un do gezonem tahmam.. me berishen kur te shoh ne shqiperi kompani daneze gjermano suedeze.. etj.. qe te fillojne te ndertojne rruge e hekurudha e tjera objekte..

sdi pse nuk levrin andej.. berisha me te tijte..

beteja me e madhe per berishen.. eshte ceshtja e prones..

cdo shqiptar duhet te ket nje pron..

jo disa ti ken te gjitha e ca asgje..

opozita ka alternativ o hig.. nuku eshte pa alternativ..
ka rikthimin ne pushtet me te gjitha fuqite.. e vazhdimin e te vjedhurit te ketij populli e vendi..

eshte alternativ shum terheqse sepse i bashkon e i mban grusht celiku hajduterine e kanibalet..

prandaj berisha duhet ti kundervihet kesaj kucedre me nick opozite.. me nje kunder-alternative qe te bej te interesuar njerzit atdhetare e te ndershem.. te jene me berishen dhe ne te ardhmen..

cdo puthje me edvinet.. i largon berishianet nga berisha..

fuqizimi i edvinit me polici ndertimore ishte nje gafe..
financimi i edvinit me para kuvajtesh e kinash te cilat i terheq saliu.. eshte nje gaf..

ska mirkuptim me krokodilet..

atyre i duhet treguar grushti..

[Duaje Siveten]

deri nashi kemi nje lider historik te se majtes, te cilin e emeroi shoki ramiz, dhe e konfirmoi shoki sali ...

deri nashi kemi te djathten puniste te emeruar nga shoki ramiz, por ende nuk kemi nje lider historik te se djathtes ...

asnjeriu nuk ia nxe goja fjalet se filani eshte lideri historik i se djathtes ...

nje nga arsyet mund te jete se e djathta eshte plot me komunista e sigurimsa ashtu si e majta ...

nje arsye tjeter mund te jete se partia demokratike ka ne krye nje komunist-nomenklaturist ...

tjeter arsye mund te jete se menyrat dhe metodat e drejtimit jane ende bolshevike ...

...

mbase kjo fushata '09 do ti reguloje keto gjera ...