Mendime nga Nezir Myrta

[ZANOR]

Nezir Myrta / TASH PO VËJ PIKËPYETJE




Albin Kurti është i mirë, vetsakrifikohet për vetëvendosje politike, ende pa u angazhuar politikisht, por vetëm përmes një levizjeje LV, përderisa mundohet për popullin, çlirimin nga zgjedha e robërisë dhe çlirimin nga shtypja e padrejtësitë, mund të thot dikush: po çfarë padrejtësie ka tash kosova, u çlirua, u bë shtet - po ai vepron ashtu sikurse nuk u bë shtet i pavarur. Për çfarë tjetër: pakënaqësia që populli nuk mundet për ta realizuar të drejtën e vetëvendosjes së popullit, që të ketë një pavarësi të vërtetë absolute. Po ku ka pavarësi absolute një popull posa u çlirua, nën protektorat ndërkombëtar, kur krejt pak popuj sot kanë pavarësi absolute, vetëm kush është mik e gjak i një fuqie politike bëtërore, apo vetëm një popull i madh - e kur merret Kosova 2 milion banorë, e me dy-tri Kosova tjera ende nën pushtim absolut - çfarë pavarësie absolute mund të ketë. Dihet nga Levizja përmes vetëvendosjes. Po atë vetëvendosje, kush e bën. E bën një popull i fuqishëm. A e pranojnë fuqitë atë vetëvendosje. Jo! Sepse nuk i besojnë, sepse vetëvendosje është: 1. të bëhesh shtet absolut i pavarur, pa protektorat ndërkombëtar, se nuk po vepron drejtë, 2. mund të vetëvendosesh t'i bashkosh krejt tokat shqiptare nën sllavët, 3. mund të vetëvendosesh për ribashkim me shtetin amë. Tash në bazë të cilit plan vetëvendoset? Dihet platforma e vetëvendosjes.

Asnjë popull nuk është i knaqur me qeverinë e tij aktuale, asnjë! Thot dikush, po Shqipëria sa kohë pas shpalljes së pavarësië mbeti peng politik edhe gjatë atij pengimi politik, iu shkëputen dhunshem edhe disa pjesë, që kishte përpara. Mbeti se koha ishte e atillë, Luftërat Ballkanike, e luftëpaslufte, me qeveri të përkohëshme, qeveri të Revolicionit të Qershorit 1924, qeveri legaliste zogiste, e deri pas LDB...

Lëvizja Vetëvendosje, është faktori i tretë i forcave... çfare, politike jo, me pozitë as opozitë politike, por pas pozitës e opozitës. Pyetja madhore: pse nuk integrohet në politikë. Sepse nuk i përshtatet, as asaj as faktorëve tjerë politik shqiptar, as atyre ndërkombëtarë. E çfarë po bëjmë? Kërkojmë vetëvendosje!

A bëhet ajo Vetëvendosje ndonjëherë. Kur fuqia kombëtare vetëvendosë, për ribashkim, e çlirim të të gjitha trojeve tona. Po Kosova a vetëvendosë ndonjëherë. Çka të vetëvendosi: 1,2,a 3. Njëherë as 1 as 2 as 3, deri pas skadimit të afatit protektorativ. Sa zgjatë. Zoti e di... A mund të merr Albin kurti pasaportë politike nga superfuqitë botërore SHBA, që të jetë një lider politik, që LV të shëndrrohet në një parti politike të vërtetë? Kjo është pikëpyetja. As I.Rugova as H.Thaçi, pa një vizë, pasaportë të tillë politike, nuk do kishin arrijtë kurrë, në udhëheqje presidenciale as qeveritare në Kosovë! Kjo gjë duhet të dihet kjartë, vetëm rropatet, topitet, vet ndjenja e Lëvizjes Vetëvendosje! Ka disa rrathë koncentrik politik, të kalohen, deri tek qëllimi i caktuar! Më 1998 kishim vetëm një rreth koncentrik: shpërthimi mbi shtetterrorin serv, përmes luftës së armatosur.

Albin Kurti u burgos në Nish, u lirua nga burgu, u arrestua disaherë nga UNMIK-u, disaherë, e derisot edhe në kufirin maqedon. Pse. Sepse nuk iu shkon përshtati politikisht atyre shkuarja e tij në Shkup dhe duan investigim politik (në emër të atij kalimtar), të dinë çdogjë lidhur me veprimtarinë e tij me shqiptarët atje...Atyre iu intereson mosdestabilizimi i shtetit maqedon, e neve na intereson lidhja me vllazërit tanë atje... Andej bëhet zhurmë se nuk është diçka në rregull, këndej bëhet zhurmë se pse arrestohet një lider i një Levizjeje...dhe vie fitimi në pikë politike. po kur do angazhohet Albini në politikë. Zoti e di...

Një gjë unë dyshoj: secili arrestim ka prapavijen e tij. Duket sikur të gjithë njerëzit pas arrestimeve e burgime, ndryshojnë edhe pas hypjes në fuqi - ndryshojnë, nuk mbeten poata që ishin përpara, nuk munden t'i plotësojnë kërkesat e popullit e premtimet e tyre. Pse? Tash po vëj pikëpyetjen. Duket sikur diçka po ngjet me ta, po ndodh diç e papritur, që nuk e besoj se nuk ndërmarrin methoda ndër ma të ndryshmet akute, politike e tjera, përmes methodave 'bindëse' strategjike e psikologjike, apo përmes paritjes psiko-fizike medicinale, që ta ndryshojnë mendimin e të arrestuarit lider a person politik disi në nivel. Diçka po ndodh, e çfarë - mbetet për hulumtim. Sikur nuk janë më ata persona e personalitete, që ishin vetiu përpara. Duket se kanë ndryshuar, në atdhe e tretdhe, sepse forcat armike veprojnë gjithkah e gjithkund ku iu pin ujë edhe për ne shqiptarët, nuk është aq fiktive e prefekte asnjë methodë e tillë, kur na vetiu iu ndihmojmë armiqve të çdo lloji e ngjyre politike, duke injoruar intelektualin tonë, duke e përbuzur, duke e xhelozuar, duke e edhe sulmuar e shkatrruar me methodat, deri tek ato ma primitive, e ma të ulëtat, e ma të paparashikuarat - që as aemiku, as vet dreqi (nëse ekziston), nuk din ashtu aq keq e fortë! Pse? Sepse jemi e zeza e vetes dhe e mira e botës dembabadem: qep botën, e vet rri shkyer, zhele e të copëtuar (si terziu, rrobaqepësi). Derisa ta keshë iri personin e gjakut e gjuhës sate, shqiptarin e një krahine tjetër të atdheut tënd, shqiptarin e një ane të horizontit të atdheut tënd - ti kurrë mos mendo në progres as dritë lirie! U morem vesh!

Albin Kurti vetsakrifikohet për vetëvendosje politike, përmes Lëvizjes Vetëvendosje, me pretendim në të Drejten Ndërkombëtare për Vetëvendosjen e Popujve! Vetsakrifikohet për vetëvendosje politike, pa u angazhuar në politikë! Sepse ende nuk janë kushtet e tij e të Lëvizjes për një angazhim politik, si forcë e dytë a e tretë politike... Tash diçka duhet të bëjë Albini, diçka të ndërmerr politikisht, apo të mbetet ende nën formën juridike të vetëvendosjes së popujve, apo vetëm të mbetet si një Lëvizje popullore, ashtu sikur LPK dikur, por në formë tjetër kohore e politike, brënda atdheut, si formë e lirë e kërkeses për një vetëvendosje... Drita e tunelit është larg ende...! Qëllimi: vijimi kështu si është dhe eventualisht tjetërsimi i formes së lëvizjes, në një ma të fortë shumëpërfshirëse apo gjithpërfshirëse kombëtare...

Pikëpyetja: pse sot Albin Kurti nuk angazhohet në politikë dhe të pregatitet për zgjedhjet e ardhme 2011? Nëse vërtet ka diç gjenerator forcash reale, patjetër duhet renditur si forcë politike, në të kundërten - amulli e stërkeqje e forcave të rinisë shqiptare studentore dhe popullore, sepse të gjithë popullit ia mka andja të ketë vetëvendosje, bile vonë është shumë edhe vetiu rrin anash, e ma shum bëhet sehir nga shpati e bregu, se sa kyçje reale brënda forcës lëvizëse vetëvendosëse - sepse don ta realizojë pa sakrifica, pa vështirësi, me mjete diplomatike e politike, përmes integrimit europian, përmes të gatshmes! E të gatshme nuk ka!
Disi duhet të lidhet njeriu. Duhet lidhur për një hu, apo për një qëllim! Kujt i fola?

(06 Mai, 09) Për Shëngjergj
__________________

[ZANOR]

Nezir Myrta / SHQIPJA TË MBANË SHQIPTAR





Unë kam një tjetër lloj apeli, për të gjithë shqiptarët në botë, që edhe janë asimiluar e flasin gjuhë tjetër të vendit ku jetojnë, me atë mençuri mqë mendojnë se posedojnë, kur ndjehen shqiptar - ta rimësojnë Shqipen, e mos të ndjehen inferiorë, të largët përnga gjuha e gjaku, as përnga dituria e kultura, sepse ashtu na duhen, i thrret Shqipja - të jemi afër njeritjetrit dhe të flasim shqip kur takohemi edhe të veprojmë shqip, sikur një vllazëri e tërë shqiptare në botë!


Shqipja të mbanë shqiptar!


Është paksa e dhëmbshme dhe ndoshta dikujt mund të ia vret syrin e mendjes edhe vet zemren e shpirtin, pse unë them kështu e shprehem paksa vrazhdë, por nga dhëmbja e vet shpirtit tim flas kështu, sepse më dhëmb çështja e vllait tim kudo botës, që asimilohet e tjetërsohet për shkak të kushteve ekzistenciale, jetës - por duhet qendruar fortë dhe përderisa shqiptari i sotëm ka fuqi gjenetike, të mësojë mijëra gjuhë të botës dhe të bëhet një poliglot, njohës e disa gjuhëve - pse shqiptari ynë, anipse i asimiluar e flet gjuhë tjetër zyrtarisht e detyrimisht për shkaqe jetese - pse mos ta rimësojë Shqipen tonë të bukur - gjuhë time dhe të tij, kur mund të shprehet se ka gjak shqiptari dhe me ndien veten shqiptar!

Nuk duhet njeriu i sotëm shqiptar, të diktohet nga kushtet e jetës dhe politikat e kohës, kur mendon se në damarë të tij rrjedhë gjak shqiptari - mos të iritohet, as dëshprohet, as të ketë as fijen e pesimizmit, pse shqioptarët në Ballkan janë të ndarë dhunshëm politikisht të copëtuar dhe pse shqiptarët sikur nuk kanë një unitet të duhur si vllai me vllanë, as pse kemi kushte nën nivel jetese, ndoshta e pandoshta shumë më ultë jetojnë shumë shqiptarë në trojet e tyre - se sa shumë shqiptarë sot në tretdheun botëror, as mos të hezitojnë shqiptarët që sot nuk flasin Shqipen e ndjehen shqiptarë - të ofrojnë shpirtin e zemren kah atdheu i tyre i lashtë - anipse kanë edhe mjerim të skajshëm edhe disa lumturi e ekzistencë të lumtur jasht trollit shqiptar, në vende të ndryshme të botës!

Shqiptarët në Turqi shembull, dihet se ndjejnë gjakun e tyre shqiptar, dihet se janë shkrirë e asimiluar disa gjenerata tona atje, po a ka mundësi të lidhemi me gjuhën shqipe, të ndjehemi realisht shqiptar dhe mos të humbasim ma shumë se sa kemi humbur... Nuk është turp as keqardhje, kur shqiptari me nënshtetësi tjetër, e kupton se duket e ndjehet i largët nga gjuha e gjiu shqiptar - ta rikthejë vetveten në një kohë shumë të shkurtër, përmes rimësimit apo rinjohjes së Shqipes! Mund të thotë dikush: po ja që rimësova Shqipen, flas shqip, mendoj shqip, jetoj shqip - por çka matutje, kur unë me sa breza jetoj në këtë a atë vend tjetër dhe jam adaptuar e përkushtuar këtij vendi, sepse e ndjej si vendin tim, apo thejshtë - e kam vendin tim, të lindjes: Stamboll e Kairo, Teheran e deri në Pekin, Tripoli e deri në Afrikë Jugore, Azi, Europë e Amerikë, Alaska e Australi e Zelandë të re - pothuaj në gjithë botën?
Mund të thot shqiptari i sotëm i asimiluar në gjuhë tjetër - çfarë pastaj...?

Po, sepse nëse ndjehesh shqiptar, kur takohesh me shqiptarë - fol shqip, shkruaj shqip, këndo shqip, qesh shqip, qaj shqip, dashuro shqip e vdis shqip shqiptar - mundësisht në trollin shqiptar!


GJUHA SHQIPE TË MBANË SHQIPTAR!


Marrim shembull, koloninë shqiptare në Turqi, por ky shembull le të jetë shembull për gjithë shqiptarët në botë!


Është e tmerrshme, kur vllazërit tanë flasin gjuhë të huaj edhe me neve konkretisht! Kur sot kanë mundësi të rimësojnë Shqipen dhe të kthehen në gjiun e Shqipes!

Dikush mund të pyet sot, pse shqiptarët në Turqi nuk mbajnë plisa të bardhë... po shqiptarët askund në botë nuk mbajnë plis të bardhë, vetëm ndonjë rrallë dikund... pse a u dashka tash krejt kah janë shqiptarët të mbajnë plisa të bardhë?!

Kryesorja është se sa e mbajnë gjallë gjuhën e flasin shqip, se për tjerat është lehtë...

Shqiptarët në Turqi, janë kolonia që ndihet ma e dhimbshmja, ma e përsekutuara, ma e pa të drejta ma themeloret, sepse ka dy arsye:


1. U zbatua plani serv, i Qubrilloviqit, Grashaninit, Andriqit etj., që me mjeshtri politike ta dëbojë krejt popullaten shqiptare nga trojet e tyre, në brëndësi të shtetit të sotëm serv, nga Topliku e Abllaniku e deri tek Nishi, duke zhvilluar shfarosje shqiptare në emër të fesë, gjoja ata janë turq, ashtu sikur mendonin disa gjyshër tanë, kur i pyetnin - çka je: turk elhamdylilah turk je a - ik në Turqi dhe sot trevat ma të bukura të Servisë, janë serv, që ishin krejt treva shqiptare, deri në luftërat në Toplik e Abllanik (1874-76), Nishi (Naissa), Krushevci (Dardha), Pozharevci (Zharra), Kurshumlia (Gurshumi), Leskovci (Leskoviku), Morava (Marga), Kopaoniku (Kreshtabardha) etj... që krejt territori i sotëm serv ishte territor shqiptar, me popullësi të pastër dardhane, që flisnin shqip (skypas). Kur thoshte shqiptari atje: A folim skypas? Atë vetëm vdekja, se nuk nënshtrohej për të gjallë!

2. Vetmohimi i kombësisë shqiptare, nga vet shqiptarët e kohës, që fenë e mbanin si komb, sepse sikur të thoshin e deklaroheshin të gjithë shqiptarët e atëherëshëm SHQIPTAR, e jo turkelhamdylilah, sot do të ishin aty dhe jo të shpërngulur dhunëshëm deri në vitet 50-ta të shek. 20., duke mohuar atdheun e tyre, për shkak të fesë, që iu konvenoi shtetit serv e ish-jugosllav, duke u shfarosur me dhunë mbi 350 mijë shqiptarë të atëhershëm, që sot mund të ishim mbi 10 milion vetëm jasht Shqipërisë politike - vetëm në territorin e sotëm Servi - Kosovë!

Sot sipas statistikave, vetëm në Stamboll ka mbi 5 milion shqiptarë, që dhunshëm nga politika turke, u regjistruan atje si turq dhe sot pas disa gjeneratave, as që flasin shqip, por turqisht dhe disa vetëm e njohin vetveten si shqiptarë dhe shumë kanë poste më të larta në ministritë turke, deri tek ato shtetërore, si përsona të fuqishëm politik. Por, kur shumica u asimiluan me hatër e me zor, deri në shkretëtirat e Anadollit e gjetiu Turqisë... mund të themi se sot ka pak shqiptarë atje, si koloni, anipse sot janë themeluar disa shoqata shqiptare, që ndihen shpirtërisht shqiptarë, por flasin gjuhën turke!

Sa do të ishte mrekullia vet, sikur të ktheheshin të gjithë ata pasardhës të shqiptarëve të hershëm të shpërngulur atje - të ktheheshin në trojet e tyre, bile në Kosovë sot!

Kolonitë shqiptare në Turqi e Greqi, janë ma të dhimbshmet, pa asnjë të drejtë themelore shqiptare!

***
Sot, ka edhe asi shqiptarësh bashibuzukësh pikërisht nga trevat tona shqiptare, që fenë e qesin para kombit, thuase Zoti nuk ia paska dhënë njeriut sëpari: mendjen, gjuhën, të folurit, e pastaj besimin!

(08. mai, 09)