Shekulli Sht, 05 Pri 2008 08:17:00
Vlorë, bastiset zyra lokale e Partisë Socialiste
A. Peçi
Gjatë natës është hyrë me forcë në godinë dhe janë vjedhur kompjuteri së bashku me të gjitha dokumentet e partisë
Vjedhjeve të shumta të ndodhura së fundmi në Vlorë, nuk i ka shpëtuar dhe selia rozë në qytet. Pasi statistikat shënojnë shifra të konsiderueshme vjedhjesh nëpër banesa, lokale e automjete, grabitja e fundit ka ndodhur gjatë orëve të natës, pikërisht në ambientet ku ndodhet selia Socialiste e bashkisë Vlorë, pranë zonës së tregut të orizit. Mendohet se grabitja ka ndodhur gjatë orëve të natës, ku persona të paidentifikuar kanë mundur të shqyejnë një nga zgavrat e dritareve të zonës nga mbrapa hyrjes së selisë dhe duke u futur më pas brendësi të zyrave. Pasi kanë shqyer dhe të gjitha bravat e dyerve të zyrave të PS-së grabitësit kanë hyrë dhe në zyrën e kryetarit tëkësaj partie për bashkinë e Vlorës, Eltar Deda dhe aty kanë grabitur disa materiale.
Përfaqësuesit e PS-së pohuan se u janë grabitur një kompjuter si dhe disa shkresa dhe teserat e anëtarësimit në PS, por grabitësit kanë lënë pa marrë një fotokopje-faks-telefon, e cila ndodhej në zyrën e Dedës. Më pas në zyrat e FRESH-it, si dhe në atë të financës është bërë grabitja e të gjitha shkresave të PS-së që ndodheshin në tavolina, rafte apo sirtarë të zyrave. Grabitësit kanë shqyer dhe kasafortën por kur e kanë hapur atë janë befasuar se përveç disa mandat arkëtimeve në kasafortë s'kishte asgjë tjetër. Policia ka shkuar në vendngjarje ka bërë të mundur marrjen e gjurmëve të gishtërinjve për identifikuar më pas hajdutët. Ende nuk ka të dhëna mbi autorin e mundshëm të kësaj grabitjeje që sipas të gjitha gjasave ka qenë më tepër tendecioze pasi kompjuteri kishte të gjitha dokumentacionet e kësaj partie, dhe njëkohësisht vjedhja e të gjitha shkresave të tjera në seli hedh këtë dyshim.
Përgjigju Duke Cituar
Postuar më parë nga Jack Watson
Krijoni Kontakt