Boks: Kreshnik Qato, kampion i botës në versionin WBF

[goldian]

Kush e jep live boksin Kreshnik Qato kundra Liggieri .......eh kjo pik e zez bohet dhe ne Gjermani neshja ,dhe nuk e jep asnji stacion live

mduket se e ka pas dsf mram
a thu e jep ritransmetim

[Linda5]

mduket se e ka pas dsf mram
a thu e jep ritransmetim

E dha mor goldi ...po vetem 3 raundet e fundit ,se dhan komplet ndeshjen ...por fitoi me pik Qato,se hudhi dot K.O

[toni007]

Boks Kreshnik Qato do të kthehet në Shqipëri për të mbrojtur titullin e kampionit të botës në peshat super të mesme në versionin WBF. Boksieri i mirënjohur shqiptar pritet të hipë në ring, përpara tifozëve në kryeqytet, më 24 prill. Kundërshtari i 31-vjeçarit pritet të jetë serbi Goran Knezheviq: Gogi siç njihet ndryshe boksieri nga shteti ballkanas ka fituar 17 ndeshje si profesionist, humbur në dy raste, ndërsa në një përballje është ndarë në barazim. Dueli në Tiranë ende nuk është konfirmuar nga promotori i Qatos, Ylli Ndroqi, njëkohësisht edhe president i Federatës Shqiptare të Boksit Profesionist, i cili kishte parashikuar që sfida e ardhshme e kampionit kuqezi të zhvillohej në muajin qershor. Përballja ndërmjet boksierit shqiptar dhe atij serb ishte parashikuar në tetor të vitit 2009, por në atë periudhë Knezheviq u tërhoq me justifikimin se po kalonte në gjendje gripale, e cila nuk e lejonte të ishte në maksimumin e formës. Me dështimin e këtij dueli, Qato u ndesh me italianin Fabio Lixheri, të cilin e mposhti me pikë pas 12 raundeve të zhvilluar në “Anhalt Arena” në Desau të Gjermanisë. Menaxheri i boksierit serb, Olaf Shrëder, deklaroi: “Gogi e meriton një shans për të luftuar për titullin. Ndoshta do të kërkojmë përcaktimin e një tjetër date që ai të ndeshet me Qaton, por nuk përjashtohet që të zgjedhim një tjetër rrugë”. Deri më tani, durrsaku, i cili jeton dhe stërvitet në Britaninë e Madhe, e ka mbrojtur tri herë titullin e kampionit në WBF (Federatës Botërore të Boksit). #

[Albo]

Nishani dekoron Qaton, ‘Mjeshtër i Madh’

TIRANE- Presidenti i Republikës, Bujar Nishani ka dekoruar kampionin shqiptar të boksit për peshat super të mesme në Federatën IBC, Kreshnik Qato, me Urdhrin “Mjeshtër i Madh”.

“Për talentin dhe kontributin e çmuar që ka dhënë dhe jep për të mbajtur lart jehonën e sportit shqiptar kudo në botë”, shkruhej ne motivacionin e urdherit te dhene nga kreu i shtetit.



Në ceremoninë e dekorimit ishin të pranishëm Ministri i Turizmit, Kulturës, Rinisë dhe Sporteve, familjarë të boksierit Qato, miq, drejtues të Federatës Shqiptare të Boksit, personalitete nga fusha e sportit dhe e kulturës.

“Është shumë e pakët sot të flasësh, dhe të dedikosh vlerësimin për kontributin e qindra njerëzve të tillë, sepse në këtë kontribut është shtrirë gjithë jeta e tyre. Mjaft prej këtyre ikonave të sportit sot nuk janë më midis nesh, por ajo që është shumë e rëndësishme, është se emri dhe vepra e tyre kujtohet gjithmonë. Prandaj, unë do të dëshiroja që t’ju ftoja të gjithë së bashku, që nderimin që i bëjmë Kreshnikut ta konsiderojmë dhe si një kujtim dhe nderim të të gjithë atyre sportistëve, të cilët tërë jetën e tyre, pasionin dhe angazhimin e tyre individual, njerëzor, familjar, por dhe dhuntinë që patën, e ofruan për konsolidimin e kulturës së kombit dhe vendit e tyre”, tha Nishani.

Kreu i Shtetit konfirmoi se krahas detyrave të tjera kushtetuese, do të ketë gjithmonë si prioritet, promovimin dhe përçimin e vlerave kulturore dhe kontributit të shquar të sportistëve ndër vite.

Pas leximit të dekretit presidencial, boksieri Kreshnik Qato i shprehu mirënjohjen e tij Presidentit Nishani me këto fjalë: “Është një kënaqësi që nuk besoj se do të më vijë ndonjëherë dhe gjej rastin t’ju falenderoj, që keni organizuar së pari një takim special posaçërisht vetëm për mua”.

Panorama

[Albo]

[Anesti_55]

Kreshniku eshte nje djale i zgjuar. Ai e kuptoi kapitalizmin dhe mundesite qe ai te jep per te ndertuar te ardhmen me mundesite qe ti ke. Shqiprtaret trokiten te fundit ne dyert e kapitalizmit dhe kerkojne te futen si shkencetare, juriste per te perfituar nga mashtrimet dhe ligesite, ja futur te behen te gjithe politikane , pasi semundjen ja la drakula me e eger ne bote Enver Hoxha, por dhe prinderit dragoj qe i ngjasojne atij dhe frymezojne femijet e tuyre. Sot te rinjte e pa afte i ke te rreshtuar si militante partiak ku per perfitime lejne nderin ne duart e politikaneve te ndyre.
Shqiptare behuni sportiste te te gjitha spektreve, behuni gjimnaste e atlete, behuni cikliste, behuni boksiere si loje e tradites se trimave, behuni futbolliste por me perkushtim kur te pregatiteni gjate gjithe dites dhe jo te bridhni neper klubet e nates dhe ne mngjes te beni stervitje. Sporti ju pastron mushkerite, ju ben me te fore , ju largon nga veste e keqia , larg duhanit dhe alkoolit, ju ben te famshem dhe te pasur. Kjo varet vetem nga deshira dhe vullneti juaj. Me vej keq qe shoh te rinje qe enden rrugave si parazite dhe te pamundur per te ndeertuar familje. Pa asnje prespektive. Ju bej thirrje mos e vrtni femijerine me lojra koti dhe rinine me parazitizma. Po kush ka mundesi mund te behet she psecialist i fushave profesionale, behet teknike dhe e nderton thjeshte e me ndere jeten e tij. Kush kerkon te zhvillohet ne pregatitje fizike kryesisht per box, une ju jap ndihmen konkrete. Ju jap gratis ne Durres nje lokal mes bulevardit, behuni nje grup te rinjsh blini veglat dhe krijoni klubin tuaj. Keshtu behet sporti , keshtu ndertohet e ardhmja. beni nje liste emrash femrash dhe meshkujsh dhe hidhni idene e investimit per veglat te cilat te gjithe bashke mund ti blejme lire.