Enigmat

[projekti21_dk]

Të dashur gjëzëtarë, të dashur pjesëmarrës në ”sofrën” e Agim Metbalës, dita shtyu ditën, faqja faqen, kështu arritëm te data 9 nëntor 2008 ( filluar më 30.3.2008. I pari u paraqit "mondishalli, më 22.06.2008, 18:31 ), arritëm te faqja 200, arritëm te postimi 3981, ku sipas propozimit të shefit edhe shpallej e mbyllur kjo temë. Ishte një nga ”sofrat” më të vizituara në Forum - 30.178 vizitorë.

Ndonëse në këtë Forum kam hyrë papandehur, rastisi të vizitoj këtë faqe dhe - mbeta! Me këtë rast falënderoj nga zemra kolegun tonë, gjëzëtarin e dëgjuar, Riza Bërbatovcin, i cili më njoftoi se Agim Metbala ka hapur në Forum një temë ”Enigmat”, në të cilat po prezanton ”anagrame”. Ani se jam i përbetuar që aty ku u thohet gjëzave enigma dhe ndërrimorit anagram mos të botoj, megjithatë respekti për Agimin dhe vullneti i mirë juaji për këtë lloj gjëze e mbi të gjitha dëshira ime dhe dashuria që kam për ndërrimorët - më bëri të lëkundem. Agim ka qenë ndër të parët që ka bërë ndërrimorë më kualitativë në Kosovë. E them edhe këtë se ndërrimorin e parë e kam parë në „Filiza“ dhe që atëherë më ka mbetur në shpirt ndërrimori. Ndoshta pse më pëlqejnë ”tërsëlleqet” – ndërrimori është një çik i tillë.

Jam plotësisht i bindur që ndonjëherë kam qenë i vrazhdë me ju, ndoshta kam bërë edhe ndërhyrje të paarsyeshme, mirëpo nuk mund të qëndroja indiferet kur shihja që disa prej jush po bënin vërtet ndërrimorë shumë cilësorë, por u mungonte ana teknike. Besoj ta keni hetuar, se gjithë ndërrimorët që kam sjellë para jush i kam bërë me përkushtimin më të madh, dhe besoj të keni parë në gjithë postimet e mia, ndoshta në 1-2 ndërrimorë mund të kenë dalë me difekt. Këtë e kam bërë që të jepja shembull personal që edhe ju të ishit të saktë dhe të përkushtuar në punë- jo vetëm për ndërrimorët.

Tetë postimet e mia të fundit i kam bërë me qëllim në këtë formë. Unë, jo tetë, por edhe më shumë ndërrimorë do të kisha mundësi t’i postoja, por meqë propozimi ishte që loja të përfundonte në faqen e 200-të, atëherë unë bëra postime që nuk kërkonin përgjigje, që lë të nënkuptohet se pikërisht të përfundohej në këtë faqe. Dhe sipas temës ”Enigma” nuk do të thoshte që gjëza të ishte vetëm ndërrimor. Besoj ju kujtohet gjatë rrugëtimit tonë kemi pasur edhe gjëza të tjera.

Në këtë forum kam kaluar çastet më të mira, andaj përzemërsisht dua të përshëndes: Dianën, Çaushin, Mondishallin, Riza Bërbatovcin, Tevelizorin, Beharin, E panjohura, isLand, Bilogoa, Besoja, Jul_linda, Arbeni 30, Warning, Zombi, Kujtim Cami... ( le të më fal ndonjë nëse kam harruar ta përmend). Amosfera ka qenë kaq e ngrohtë e kaq miqësore sa unë e kam ndier veten si në një shoqëri që njihemi prej vitesh.

P.S. Deri sa të hapet ndonjë temë tjetër mund të takohemi te tema: LOJË ME TELEFONA. Direkt mund të hyni këtu nëse klikoni në këtë tufëz ( link ): http://www.forumishqiptar.com/showthread.php?t=101593

Mirupafshim në ndonjë temë tjetër!
Juaji, Adem Gashi, Danimarkë