E marta e parë e Shën Antonit

[Athleta_Christi]

Sivjet e marta e parë e Shën Antonit ka ra pikërisht të Martën e Madhe, më 18 mars. Atë ditë në Gjakovë kemi organizuar rrëfimin e madh për Pashkë.
Kanë ardhur shumë besimtarë, të cilët kishin në disponim për rrëfim 14 meshtarë. Rrëfimet zgjatën më shumë se dy orë – para meshe dhe gjatë meshës, deri te kungimi.

Koha në mëngjes ishte e bukur, por rreth orës 9 filloi të binte shi i lehtë, që shpejt edhe u ndal, kështu që nuk na e pengoi shumë meshën.

Meshën në orën 10 e kremtoi don Lush Gjergji, famullitar i Prizrenit.

Don Lushi foli për veprën e shëlbimit, që e bëri Jezu Krishti për shëlbimin tonë – dhe për sakramentet, që janë mjetet e shëlbimit, me anë të cilave besimtarët bëhen pjesëtarë të fryteve të mundimit, vdekjes dhe të ringjalljes së Krishtit.

[Athleta_Christi]

Ata besimtarë, që para dite ishin në shkollë apo në punë, patën mundësi të rrefehen pas dite. Rrëfimi ishte në sallën e madhe të Kuvendit françeskan, e menjëherë pastaj mesha në kishën e shën Antonit.

Çfarë fati patëm të martën e parë! Ja si ishte koha të mërkurën më 19 mars...