Majko: Me hetoni dhe mua

[alpost]

Majko: Me hetoni dhe mua
Oli Xhilaga
E Enjte, 27 Mars 2008


Ish-ministri i Mbrojtjes, Pandeli Majko, depozitoi dje nje kerkese zyrtare Prokurorise se Pergjithshme, ku shprehet i hapur per hetim. Nje reagim i tille, sipas ish-ministrit socialist erdhi si pasoje e publikimeve te disa fakteve ne shtypin shqiptar, ne te cilat flitej qe biznesi me armet kish nisur qe ne kohen e qeverisjes socialiste. Posacerisht, ne kohen kur deputeti socialist, Pandeli Majko, ishte ne postin e ministrit te Mbrojtjes. Marre shkas nga qendrime te tilla, deputeti Majko preferoi qe t'i drejtohej organit te prokurorise per te treguar zyrtarisht gatishmerine e tij per hetim, madje duke kerkuar dhe verifikimin e aludimeve te tilla.

Letra

Ish-ministri Majko ne letren e tij theksoi se "kohet e fundit, ne nje pjese te shtypit, lidhur me shitblerjen e armatimeve, jane bere aludime ndaj veprimtarise se Ministrise se Mbrojtjes edhe per periudhen kur ky institucion drejtohej nga une". Per kete arsye, socialisti Majko kerkoi nga Prokurorja e Pergjithshme, Ina Rama, qe "ne keto kushte, kur nuk e shoh te nevojshem vetem nje pergenjeshtrim formal te tyre, ne perseritje edhe te disa kerkesave te mia te meparshme drejtuar Prokurorise se Pergjithshme per te verifikuar cdo lloj aludimi te bere kur une kam qene minister i Mbrojtjes, ju drejtohem serish juve, qe nga ana e institucionit tuaj te verifikohet cdolloj aludimi i bere si me pare ashtu edhe sot per periudhen qe une kam drejtuar Ministrine e Mbrojtjes. Per sa me siper, shprehem i gatshem t'ju informoj dhe t'ju ve ne dispozicion cdo informacion te nevojshem".

Qendrimi

Pak dite me pare, ish-ministri i Mbrojtjes, pati pohuar se edhe ne vitin 2003, Delijorgji "Albdemil" ishte nenkontraktore e nje firme te fuqishme, e cila lidhi kontrate me Ministrine e Mbrojtjes me vendimin numer 232, date 10/04/2003. Por, duke shpjeguar arsye se perse erdhi nje kontrate e tille, Majko vuri ne dukje se "ky ka qene nje kontraktor qe ne beme me "Mercedes Benz" per te prere armatime te renda qe ne nuk i montonim dot. I ofruam cmimin ne nje kontrate, e cila kaloi me vendim qeverie. Pergjithesisht, ajo ka qene korrekte. Ka pasur zera, por ne ecem me ngadale dhe une vete kam cuar ne prokurori nje dosje" . Por, me 24 prill 2004, nenkontraktuesi, pronari i firmes qe ne ate kohe quhej "Perparimi", Delijorgji shoqerohet ne polici, i akuzuar per evazion fiskal, dhe me pas gjykohet i lire pasi pagoi 1,2 milione USD si garanci bankare. Sipas Majkos, ka pasur nje ndjekje penale per te, por kontrata ishte me "Mercedes Benz". "Ne realizuam me shume se gjysmen dhe kontrata ka vazhduar normalisht edhe ne periudhen e qeverisjes qe erdhi me pas. Por municionet, ne kohen e socialisteve cmontoheshin vetem ne uzinat ushtarake ne Polican, Mjekes dhe Gramsh. Demontimi i municioneve ne Shqiperi eshte bere vetem ne uzina", theksoi Majko.

Majko, 3 vjet minister

Deputeti socialist, Pandeli Majko, ka drejtuar postin e ministrit te Mbrojtjes gjate qeverisjes socialiste, duke filluar qe nga shtatori i vitit 2002 deri ne shtator te vitit 2005. Por kjo periudhe nuk ka qene e qete per te, pasi here-here ka pasur akuza per ceshtjen e shitblerjes se armeve. Per kete arsye, ne letren derguar dje Prokurores se Pergjithshme, Ina Rama, kerkoi te verifikohet cdolloj aludimi i bere si me pare ashtu edhe sot per periudhen qe une kam drejtuar Ministrine e Mbrojtjes

[alpost]

Pse ka frike Majko nga hetime

[alpost]

Pandeli Majko, “truri” që organizoi dhe shfrytëzoi trafikun e armëve


Thursday, 27 March 2008

Pandeli Majko, ish-ministri i Mbrojtjes përpara vitit 2005, është i përfshirë në aferën e trafikut të armëve, me kompaninë që e kishte ngritur bazën e përpunimit dhe organzimit të këtij trafiku që kishte në përbërje tregti armësh, fishekësh, predhash e madje raketash. Këtë trafik, që kishte nisur me ish-ministrin Pandeli Majko dhe po vazhdonte qetësisht dhe madje më me intensitet prej ministrit të “duarve të pastra” Fatmir Mediu e zbuloi tragjedia që ndodhi në Gërdec, pra në fshatin ku ishte ngritur kjo qendër trafiku, të cilën kryeministri Berisha fillimisht e mohoi se kishte dijeni për të, por që më pas e quajti punishte dhe së fundi qendër krimi. Sipas dokumenteve, të cilat kryeministri berisha pas ardhjes në pushtet i mbuloi qëllimisht, dëshmojnë dhe konfirmjnë, se ish-ministri Mbrojtjes Pandeli Majko, ka qënë “truri” që ka organizuar këtë trafik me pasojë tragjedinë e rëndë, që shkatërroi jetë njerëzish dhe prona e banesa të shumta. Këtu duhet ta nis hetimin kryeprokurorja e Përgjithëshme Ina Rama, duke vënë përpara ligjit pjesën aktive dhe firmosëse të këtij trafiku, i cili tash është dekonspiruar dhe vërtetuar se ka qënë një aferë e ndyrë jo vetëm financiare, por edhe në kundërvenie të objeksioneve të NATO, duke ther embargo, duke falsifikuar matrikuj dhe data prodhimi municionesh dhe armatimesh ushtarake. Nuk mund të anashkalohet ky fakt dhe ky zyrtar politik dhe me mandat ligjëvenësi, përballë fakteve që na servir dosja e zezë e skandalit, që “orën” e fundit të veprimtarisë së tij e pati në qeverisjen dhe kabinetin “Berisha”. Majko është pjesë bazë e këtij trafiku dhe për këtë flasin faktet, disa nga të cilat po i publikojmë: Emri i Mihal Delijorgjit, është i lidhur ngushtë me ish-ministrin socialist të mbrojtjes Pandeli Majko. Ka qenë firma e Delijorgjit, që u aktivizua me çmontimin e tankeve, avionëve dhe mjeteve të ndryshme të ushtrisë, të cilat u shitën për një copë bukë në Qipro. Pas Delijorgjit, qëndron biznesmeni i madh grek Evangellos Mytilineos. Evangellos Mytileneos, i cili është president i kompanisë «Mytilineos SA- Business Group», që operon në metalurgji dhe miniera, ndërtim, energjetikë, industrinë e makinave, dhe mbrojtjes. Kjo kompani është krijuar në vitin 1990, si një konsorcium dhe ka një xhiro prej gjysmë miliardi euro dhe mbi 4000 punëtorë. Mund të vërtetohet që Delijorgji është njeriu i Evangellos Mytilineos. Në vitin 2003, Mihal Delijorgji lidhi një kontratë me Ministrinë e Mbrojtjes të Shqipërisë, ku atëherë ministër ishte Pandeli Majko, sipas së cilës Delijorgji do të merrte për skrap tanket e ushtrisë shqiptare dhe në këmbim do ta furnizonte ushtrinë shqiptare me një numër automjetesh, që ai do t' i merrte nga kompania greke «Hellenic Vehicle Industry», që në greqisht e ka akronimin ELVO-AVE. Por «Hellenic Vehicle Industry» është pikërisht Evangellos Mytilineos. irma e ish-ministrit Majko, ka qenë prezente në shkatërrimin përfundimtar të tankeve, të cilat shiteshin me 60 USD për ton, ku vlera totale e tyre shkonte afërsisht 1800 deri 1900 USD një tank. Nëpërmjet një kontrate skandaloze, me një firmë greke, të cilën Pandeli Majko u mundua ta paraqesë para disa ditësh, si kompania e Benz Mercdesit, pikërisht me kompaninë “Hellenic Vehicle Industry S.A”, ministri Majko, bashkëpunoi me Evangellos Mytilineos që të merrte tanket e ushtrisë shqiptare për skrap, për impiantet e veta metalurgjike, me një çmim katër herë më të lirë se ai i bursës, dhe po paguante me automjete të prodhimit të vitit 1975, që ishin nxjerrë nga përdorimi prej ushtrisë së Qipros greke, që po shiteshin me 70 mijë USD copa. Me të vërtetë një aferë me shumë leverdi, për të cilën Pandeli Majko futi në xhep një ryshfet të majmë. Biri i ushtarakut, që i «dhimbset» ushtria, siç ka thënë vetë Pandeli Majko, i vuri oficerët të sharrojnë tytat e tankeve, që të quheshin të demilitarizuara dhe t' i transportonte Delijorgji për tek shkritoret e Mytilineosit në Greqi. Gjithashtu, nga aeroporti i Rinasit ngriheshin avionë të rëndë, me materiale ushtarake, të cilat kanë thyer edhe embargo, ashtu siç ka qenë edhe rasti i Ruandës. Tjetër skandal i Majkos është edhe tregtia raketave të tipit “Stainer-2” dhe “Stainer-3”. Rreth 85 raketa u blenë në Pakistan në vitin 1995 dhe pesë copë nga këto, u asgjësuan në Bizë të Martaneshit, ndërkohë që 16 copë nga këto, iu shitën një firme izraelite, nëpërmjet firmës “MEICO” me vlerën 25 mijë USD copa. Vlera totale e shitjes të këtyre raketave ishte 400 mijë USD në total. Kjo shitje është bërë në datën 10 tetor 2004, në drejtim të firmës blerëse “Panorama LTD”. Kjo shitje, hyn në një nga skandalet e ministrit Majko, pasi vlera e një rakete është rreth 60 mijë usd. Gjithë justifikimi i kësaj shitje është bërë nën arsyetimin e testit që i duhej bërë këtyre raketave. Ndërkohë që shteti shqiptar e dispononte pajisjen, për të bërë testin e raketës, kjo pajisje ishte blerë me vlerën 300 mijë USD nga shteti shqiptar. Kjo shitje është bërë në formën “cash” dhe paratë janë derdhur pranë një banke të njohur shqiptare, në prezencën e drejtorit të MEICO dhe drejtorit të SHIU, të asaj kohe. Kryeministri Berisha, pas tragjedisë, është detyruar të deklarojë (pas mohimit), se kompania amerikane e kontraktuar për asgjësimin e municioneve ushtarake në Gërdec e ka rinovuar kontratën. Sipas tij, “Kompania ka paraqitur një kërkesë me shkrim dhe ministria e Mbrojtjes, disponon kontratën e re, për çmontimin e municioneve.
SHBA, denoncoi trafiqet shqiptare, pesë ditë përpara tragjedisë
Në raportin e Departamentit të Shtetit të SHBA, thuhet se korrupsioni mbetet një problem me rrënjë të thella në Shqipëri. Pagat e ulëta, rryshfetet dhe rrjetet e lidhje të ngushta sociale në Shqipëri e vështirësojnë luftën ndaj korrupsionit në polici, gjykata dhe dogana. Në kuadër të përpjekjeve anti-korrupsion, Shqipëria ratifikoi Konventën e OKB-së kundër korrupsionit. Në vitin 2007 policia dhe gjyqësori u bënë më aktive në hetimin e zyrtarëve të qeverisë dhe personelit të rendit për korrupsion. Në raport përmenden shifrat e dhëna nga Prokuroria e Përgjithshme në bazë të së cilave nga rritja 13 për qind e rasteve që arritën të paraqiten në gjykata, shumica kishte të bënte me korrupsionin, veprimtaritë e paligjshme të zyrtarëve të qeverisë dhe trafikimin. Grupet e krimit të organzuar, thekson më tej raporti, vazhdojnë ta përdorin Shqipërinë si pikë tranziti për drogat dhe kontrabanda të tjera, për shkak të pozitës strategjike gjeografike të vendit, dobësisë së shtetit ligjor dhe sistemit të pareformuar gjyqësor, si edhe kufijve lehtësisht të depërtueshëm. Shqipëria është pikë tranziti për heroinën që vjen nga Afganistani, përmes rrugës së Ballkanit Turqi-Bullgari-Maqedoni-Shqipëri pastaj në Itali, Mal të Zi, Greqi dhe pjesën tjetër të Evropës Perëndimore. Një sasi e kufizuar por që sa vjen e rritet e kokainës kontrabandohet nga Amerika Jugore në Shqipëri, si për konsum të brendshëm dhe për eksport. Përveç kësaj rrjetet kriminale po përdorin gjithnjë e më shumë shqiptarët për të transportuar koakinë dhe heroinë nga vendet e tjera në Shqipëri, Itali dhe Greqi.
Trafiqet e Delijorgjit, dosje në SHIK
Për SHIK të asaj kohe, duke u ditur lidhjet e Delijorgjit me Evangellos Mytileneos, Delijorgji u bë një person veçanërisht i dyshimtë, kur në dhjetor 1995, vetëm pak ditë pas heqjes së sanksioneve ekonomike ndërkombëtare ndaj Jugosllavisë(Serbi- Mali i Zi) së Millosheviçit, Mytileneos Holdings SA, lidhi një kontratë me regjimin e Millosheviçit për të bërë shitjen e mineraleve që nxirreshin nga Minierat e Trepçës, posaçërisht të plumbit dhe zinkut, që ishin shumë të kërkuara në tregun ndërkombëtar. Në vitin 1996, kjo kontratë do të zgjatej për shtatë vjet.
Ministria e Mbrojtjes: “Kemi bërë eksport armësh” Ministria e Mbrojtjes ka pranuar ditën e martë, se eksporti i armëve është kryer në kushtet e një ligji që ky dikaster e cilëson të pazbatueshëm. Drejtori i Drejtorisë Juridike në Ministrinë e Mbrojtjes, Rezart Tërshana, sqaroi se “Ligji për kontrollin shtetëror të veprimtarisë së import-eksportit të mallrave ushtarake dhe mallrave e teknologjive me përdorim të dyfishtë", nuk është i zbatueshëm, pasi ende po punohet për ngritjen e strukturës së Autoritetit të Kontrollit Shtetëror të Eksporteve. Ligji për eksportin e armëve, ka hyrë në fuqi në 1 qershor të 2007, ndërsa ngritja e autoritetit, duhej të përfundonte në 1 janar të këtij viti. Ndërkohë, lidhur me procesin e hartimit të këtij ligji, zoti Tërshana sqaroi se ai ka nisur që prej vitit 2004, në bashkëpunim të ngushtë me OSBE-në, PNUD-in, Departamentin e Tregtisë të SHBA-së, zyrën Federale të Ekonomisë dhe Kontrollit të Eksporteve të Gjermanisë (BAFA), dhe me institucione të tjera ndërkombëtare".

[Brari]

gerdeci i nxorri te palarat te gjithve..

deliu i jorgjise qenka b.ith e brek me edvinin.. po dhe me mediun e berishes..
pra mediu paska qene matrapaz..

dhe berisha del.. bashkjetus i mire me matrapazet..

[Duaje Siveten]

lexoni ene i her akrobacite e paskrupullta me gjasme "opoziten" simas qefit:

“Ato fleta qe fabrikon ti me Erionet e tu. Histerizmi i turpshem politik qe po e shfrytezoni tragjedine si cakej, deshmon se s’keni qellim tjeter, vec karriges. Mos bini viktime per te demtuar integrimin e vendit. Nuk jane gje tjeter ato shkrime vec trillime e shpifje. Jam i gatshem t’ju ve ne dispozicion cdo lloj dokumenti. Kompania qe fitoi tenderin per blerjen e municioneve u certifikua nga Pentagoni. Eshte plotesisht i rregullt. Mos sulmoni me trillime e genjeshtra. Keni qellim ju qe te rrezonin Sali Berishen? Por me genjeshtra Sali Berisha jeton edhe nje shekull ne politike. Por nuk e beni dot ju ate”.

he he he, lejtnanta e lejfena, bre qfar burri ...