Himare, Bollano e turmat sulmojnë policinë me thirrje antishqiptare
• Ndalimi i dy te rinjve ne polici shkaktoi kaos ne Himare. Turma njerëzish nga Himara, së bashku me kryebashkiakun Bollano, nen thirrjet antishqiptare janë grumbulluar në sheshin kryesor dhe më pas kanë shkuar drejt postës së policisë, të cilën e kanë qëlluar me gurë. Por Bollano reagon duke justifikuar ngjarjen
HIMARE-Shoqërimi i dy të rinjve nga policia, ka rindezur gjakrat në Himarë. Madje, kaq kanë dashur minoritarët dhe menjëherë janë mbledhur e kanë filluar hedhjen e parrullave antishqiptare. Madje, në krye të tyre nuk ka munguar as kryebashkiaku Vasil Bollano, i cili tani është edhe kryetar i organizatës OMONIA. "Larg shqiptarët", "Larg turqit", "Duam polici greke", kanë qenë thirrjet e himarjotëve me origjinë greke. Madje, sipas bluve, është sulmuar me gurë edhe posta e policisë në qytetin e tyre.
Gjithçka ka nisur mesnatën e së mërkurës duke u gdhirë dita e enjte, kur policia ka shoqëruar 2 të rinj nga Himara, Erjon Rrapon dhe Edmond Voton. Pas 3 orësh këta janë liruar, ndërkohë që kanë denoncuar në mëngjes se ishin keqtrajtuar. Menjëherë, nga Drejtoria e Policisë së Vlorës kanë shkuar oficerët e SHKB-së, për të verifikuar pretendimin e tyre, si dhe përfaqësues të Prokurorisë së rrethit. Por, sapo policët kanë marrë denoncimin e dy të rinjve dhe u kanë dhënë letrën që të kryenin ekzaminim mjekoligjor, ata janë qëlluar. Kaq është dashur dhe gjakrat janë nxehur. Sipas policisë, turma njerëzish nga Himara, së bashku me kryebashkiakun Bollano, janë grumbulluar në sheshin kryesor dhe më pas kanë shkuar drejt postës së policisë, të cilën e kanë qëlluar me gurë. Megjithëse situata deri në orët e vona të mbrëmjes ka qenë nën kontroll, turma e njerëzve bashkë me "shefin" në krye, ka qëndruar rrugëve të Himarës. Ndërkohë, në Himarë ka zbarkuar dje Drejtori i Policisë, Vehbi Bushati, nëndrejtori, drejtuesit e Prokurorisë së rrethit dhe prefekti i Qarkut.
Me gjithë bisedimet me turmën dhe me vetë Bollanon, i cili ishte në krye të saj, deri në mesnatë ajo nuk është qetësuar. Madje, gjatë gjithë kohës kanë munguar thirrjet antishqiptare.
Bollano: S'kam dëgjuar thirrje antishqiptare
"Policia ka provokuar mbrëmë banorët e Himarës, duke qëlluar me armë në mes të qytetit. Në momentin që më njoftuan, shkova në vendin ku ishin mbledhur banorët e irrituar. Nuk është e vërtetë se ata kanë goditur me gurë mbi punonjësit e Rendit". Kështu ka deklaruar kryetari i Bashkisë së Himarës, Vasil Bollano. I pyetur në linjë telefonike nga "Gazeta Shqiptare", kreu i OMONIA-s ka thënë se pas keqtrajtimit pa asnjë shkak të dy të rinjve mbrëmjen e së mërkurës, pasditen e djeshme, policia ka provokuar sërish babain e njërit prej tyre. Kjo sipas tij ka pasuar me indinjimin e disa banorëve, të cilët janë mbledhur para postës së policisë në këtë qytet. "Rreth orës 20:10, më njoftuan se dy policë po qëllonin me armë. Shkova menjëherë dhe i pashë me sytë e mi teksa ata (policët) po mbushnin armët. Për këtë incident të rëndë njoftova Ministrinë e Brendshme", - është shprehur Bollano. I pyetur për thirrjet antishqiptare të turmës së protestuesve, kryebashkiaku pohoi se nuk kishte dëgjuar gjë".
(d.b/GazetaShqiptare)
Përgjigju Duke Cituar
Krijoni Kontakt