"Jehonë Anadrinie"

[Agim Metbala]

Xhevdet BAJRAJ

JETA E ZEZË

Aq e vogël dita në emër të lules së egër
Mbiu para këmbëve të mia të zbathura
Ç'të bëj
Ta këpus ta fotografoj të ikë me të në harresë
Ç'më duhet zjarri i njohjes
Kur çdo gjë që ekziston jeton në të zezë me vdekjen
Se ne jemi të martuar me jetën sall në letra
E ti që zbulove për të qindtën herë fundin e botës
Mund të dehesh me verë të zezë rrushi
Të çosh dashuri nën dirtë hëne
Të vrasësh zotin në dyluftim
Ama varrit dot s'i ikë
Pa zbuluar njeriu si ta ndal kohën
Pastaj
Të gjithë do të vritemi mes veti nga monotonia
Si diçka e trashëguar nga lindja

[riza2008]

Xhevdet BAJRAJ

JETA E ZEZË

Aq e vogël dita në emër të lules së egër
Mbiu para këmbëve të mia të zbathura
Ç'të bëj
Ta këpus ta fotografoj të ikë me të në harresë
Ç'më duhet zjarri i njohjes
Kur çdo gjë që ekziston jeton në të zezë me vdekjen
Se ne jemi të martuar me jetën sall në letra
E ti që zbulove për të qindtën herë fundin e botës
Mund të dehesh me verë të zezë rrushi
Të çosh dashuri nën dirtë hëne
Të vrasësh zotin në dyluftim
Ama varrit dot s'i ikë
Pa zbuluar njeriu si ta ndal kohën
Pastaj
Të gjithë do të vritemi mes veti nga monotonia
Si diçka e trashëguar nga lindja

Inderuari Agim! Këtë temë ti e ke rritur si fëmijën nëna.I ke përkushtuar gjithmonë një vëmëndje të veçantë dhe freskia kësaj teme nuk i ka munguar as njëherë. Krahas punës patriotike që bën duke pasqyruar në të katërta anët e globit krijimet e poetve rahoveciarë nxjerr në pah dhe cilësitë e tua njerëzore që shum pak i kanë të tjerët këto cilësi.Qofsh gjithmonë i pa lodhur dhe kështu i shërbefsh gjithmonë komunës tënde.Të respektofshin siç po i respekton.Me tepër respekt Rizai

[Agim Metbala]

Inderuari Agim! Këtë temë ti e ke rritur si fëmijën nëna.I ke përkushtuar gjithmonë një vëmëndje të veçantë dhe freskia kësaj teme nuk i ka munguar as njëherë. Krahas punës patriotike që bën duke pasqyruar në të katërta anët e globit krijimet e poetve rahoveciarë nxjerr në pah dhe cilësitë e tua njerëzore që shum pak i kanë të tjerët këto cilësi.Qofsh gjithmonë i pa lodhur dhe kështu i shërbefsh gjithmonë komunës tënde.Të respektofshin siç po i respekton.Me tepër respekt Rizai

I nderuar Riza ÇATO, jam përpjekur maksimalisht t'i prezentoj denjësisht krijuesit rahovecas (sigurisht me vlera që posedojnë), duke shpresuar se do të jap një kontribut modest letërisë shqiptare e në anën tjetër, opinioni gjithëshqiptarë, të njohtohet me këta krijues që premtojnë të bëhen emra të njour të shkrimeve shqiptare (disa prej tyre tanimë veç janë afirmuar)...

Do të ndjehem krenar dhe shumë i kënaqur, nëse sado pak kam arijtur këtij misioni...

[Agim Metbala]

Xhevdet BAJRAJ

DIKUSH KËNDONTE NË SHI

Mbi liqenin e Lasgushit bie shi i vakët
Zog i posaveshur me pupla të të buta
Fshihet nën gjethet e dendura të ftonit
Buzë vdekjes jeta pi ujë
Ombrella të zeza kalonin në rrugë njerëzit nuk i shihja
Derisa për të dhe për veten pija birrë në stilin
Birra e parë më do e dyta s'm[ do e treta...
E kështu me rradhë
Një ombrellë e kuqe u ndal pranë vitrinës së kafiterisë
Ishte ajo o Zot
Vasha me emrin e lules së egër
Tërë natën në banesë nën dritë qirinjësh
Pimë verë të zezë çuam dashuri marrëzisht
Ishte natë e qetë
Okupatori dhe prostitutat tona flinin si engjë
Derisa e përcillja të dashurën në shtëpi
Dikush këndonte në shi
Dikush jetën e mallkuar e kishte shndërruar në poezi

[Agim Metbala]

Besa HOXHA - BEQIRI

RITMI

Të pres nëntëmbëdhjetë rrahje zemre
të ndjej ritmin e çrregulluar

Kulmi i nënqiellit të prëbashkët
Na këndonte ninullën e ndjenjave
Unë flisja vetëm me unin e fshehur

(Isha njeri i shkelur nga koha)
Ti nuk ma fale as emrin
Kur e vizatoje vijën e jetës
Në pëllëmbën e dorës sime
Falltorja e fatit
(Filxhani mbeti i kthyer
Më kafenë e papirë)

Sytë tu
Nuk lotojnë si gjethet
Pas çdo tri pikave
Mbyllin shkëlqimin e vet

Në këtë ditëlindjen përrallore
Kur ndjej ritmin e çrregulluar

[Agim Metbala]

Xhevdet BAJRAJ

Dhembja mbolli lot në mua
Vrapoj kah ti e dashur
T'i sjell lulet e këputura në fëmijëri
Të shkriva në vargje që i ruajta për ty
Unë s'kam faj që toka sillet
Si fëmijë i lazdruar me lodër të re në duar pas shpine
Unë s'kam faj nëse individët blejnë fatin me kredi
E s'dinë se kamata në kistin e fundit
Do t'i shpjerë në pjesën e errët
Të historisë së njerëzimit
Unë s'kam faj për Sabra e Shatila
Unë s'kam faj për vrasjet në Kinë
Unë s'kam faj për vrasjet në njëmijë e një Kinë
Unë s'kam faj që poezia i ha kokën krijuesit
Unë s'kam faj që antipoezia i ha kokën lexuesit
Unë s'kam faj e dashur nëse jam
Aty ku çmenduria e shpalli veten mbret
E njeriu nuk e di
A rri ai mbi tokë
A rruzulli tokësor mbahet për këmbët e tij

[Agim Metbala]

Besa HOXHA - BEQIRI

RINGJALLJA

Më vranë 999 herë
Për të rilindur 1000 herë
Më e fortë se më parë

Ma grisën Librin e Jetës
I thyen lotët e shpresës
Humbën eshtrat e varreve të pahapura
Pështynë Abetaren time
Përsëri linda nga farë e hedhuzr

Shkrova librin me shkronjat e padukshme
Fola me gjuhën e shurdhër
Ia fala këngën bilbilit
Dhe guximin e fsheha në qelizat e shpresës

Më theu frika 999 herë
Dhe përsëri u ringjalla

Përshtyva fytyrën e bishës
Kur çjerra maskën e aktorit
Dhe për të 1000 herë
Bëra hapat fëmijërorë

U rrita
Që të rritet trashëgimtari im

[Agim Metbala]

Xhevdet BAJRAJ

S'KAM FRIKË

Ky qytet është i vogël për urrejtjen tënde të madhe
Dhomën e kujtimeve të mia varr për miza e bëre
Për zemrën tënde të vogël
Më detyron që në delirium tremers
Të kërkoj vrimat e zeza në qiell
Në derën e njohjes ku hyhet e kurrë s'dilet
Mua
Që çdo ditë i hedh natës nga një poezi në fytyrë
Si dorezë që thërret në dyluftim në agim
Po unë nuk ia kam frikën vdekjes
Sall jeta më tremb shumë

[Agim Metbala]

Hazir LUTA

NATË E BARDHË

Zgjohem
Me diellin
Shkëlqen fytyra ime
Ishte natë e bardhë
Ëndrra kishte ngjyra

E bardhë
E bardhë
E bardhë
Do të jetë ajo natë
Kur ti të flesh
Në krahët e mi

[Agim Metbala]

Xhevdet BAJRAJ

DIELL I MONTUAR NË QIELL

Erërat bartin puthjet kah deti i harresës
Majë kanjoni rri zogi i zi mbi vezëtg e tijh
Gjarpri neërron lëkurën mbi shtratin e dashurisë
Një grua veshur me të zeza çan muret e jetës
Foshnjat e lidhura për djep
Presin mjegullën e mëngjesit
Për t'i fshehur hapat e parë
Mallkimit t'i bëjnë bisht
Laviret e historisë abortojnë kombet e vogla
Dita zvogëlohet sa për shuplakë njeriu
Lumi i vdekjes shekuj të tërë udhëton
Po s'mund të zbrasë nga maja e dhembjes
Gjysmëhëna e varur në qiell natë e ditë
Kryqi i ngulur në dhe ditë e natë
Vijnë pas vdekjes
Të ushqehen me atë çka mbet nga jeta
E ëndrra e kafshëve plotësohet
Me diellin e montuar në qiell