"Jehonë Anadrinie"

[Agim Metbala]

[Mik Riza, më vjenë mirë se i vlerësoni poezitë e poetëve rahovecas...B][/B]

Salih BYTYÇI

LUTJE

Të vdekurit lini qetësinë e tyre
Ata s'kanë kurriz që t'u lpdhet
Ata s'kanë bark që të jenë të uritur
Ata s'kanë ëndrra që të ëndërrojnë
Dheun e marrë borgj tokës ia kthyen

Bëni diçka për ata që ende s'kanë lindur

[Agim Metbala]

Hasan KRASNIQI

VARGJEVE

Kur të linni
Udhën e jetës vazhdojeni

Mos upërkulni
Në ndërrime motesh

T'i këndoni tokës
T'i këndoni qiellit
Fëmijëve t'ua tregoni
Amanetin e ruajtur nëpër shekuj

Shpërtheni si rreze drite

[Agim Metbala]

Budim BERISHA

RRUGORE

Renditja në mendime derdhet
Atdheu i gjakut në në enë
Me shkronja zanore erdhët
Zëri në grykë nuk shkelet

Veprojmë me fjalor lehtë
Koha e tashme gjërësisht flet
Nuk mjaftojnë as mijëra fletë
Madje besojmë se jemi betim

1963

[Agim Metbala]

TË KËRKOJ NË BARDHËSITË
Budim Berishës

Dhe ti nuk ka nevojë të flasësh
Shesheve të dehura
Asnjë fjalë goje
Atelieja jote ka romane
Të pashkruara
Që presin lindjen
E brezit në agim...

Dhe ti vetëm hesht
E dora jote e djathtë
Me brushën magjike
Shëndosh zemrat
Spërkat kaltërt – kaltëri horizontit
Duke verbuar terrin
Pa mëshirë...

Dhe ti prapë hesht
Natën dielli ta rrezon ballin
Bardhësitë metaforat
Zbusin pëllumbat e egër
Kukuvajkat trembin
Dora e përgjakur në kapixhik
Çizmja e rëndë digjet
Përjetësisht largohet me terrin...

Në relief lakohet emri yt
Unë të shoh në bardhësitë e qiellit
Atje, atje të kërkoj miku im...

26.09.2003

P.S: Dora e përgjakur në kapixhik... është pikturë e profesorit Budim berisha, e pikturuar në një kapixhik të vjetër, kushtuar luftës së fundit për çlirimin e Kosovës... është një pikturë, për mua e papërsëritshme...

[Agim Metbala]

Visa HOTI

Ç'JE TI

Je dallandyshe që vjen nga larg
Te unë
Ç'kërkoje në mesnatë
Ç'je ti
Vdekje a shpëtim
Më merr trupin
Më digjez shpirti
Mëmbeti hiri
Ku je
Te unë
Ç'je ti
Shpëtim a vdekje

[Agim Metbala]

Sali BYTYÇI

SONTE

Sonte dëshiroj të jem dru polli
Të gurgulloj lumi afër meje
Dhe një zog të më këndoj në degë

Sonte dëshiroj të jem bimë
S'dua të di se ç'thonë gazetat
Se ç'vendim morën zotat
Se ç'ka në panair
Cilat janë autot e modës
Apo ç'fustane preferojnë vajzat

Sonte dëshiroj të jem dru mali
E, nesër ndoshta rrufe shkatërruese
Ose bari derrash...

[Agim Metbala]

Miftar KRYEZIU

PËSHPËRITJE

Nga bizët tona u shkëputën
Tingujt e heshtjes

S'kuptuam asgjë
As unë, as ti
Dritat e syve shkëlqyen
Lulet rreth nesh ulën kokën
Nga qielli u shkund muzgu i viteve

Me krehrin e saj të pastër
Hëna krehu flokët e dashurisë
Dhe ranë shkëndijat e zjarrta
Në shpirt u thye ankthi

Pëshpëritje, sa bukur
Në vesh të botës së zemrës

[Agim Metbala]

Xhevdet BAJRAJ

KUSH E FIKU DRITËN

Një grua lakuriq fle mbi një rrasë guri
Ujku plak me ulurimë e përzë hënën nga qielli
Mjegull është mjegull ka qenë
Gjeli në majë të plehut të atdheut
Paralajmëron ditën e re

Ikën uji ikën jeta
Sall bukë e thatë ka mbetur për njeriu
Sall asht njeriu ka mbetur për qenin
Ore
Kush e fiku dritën

[Agim Metbala]

Besa HOXHA - BEQIRI

MELANKOLI

Vras gabimin e shekuve
Kur këndon nata
Si simfoni e nëntë e Betovenit

Lidh miqësi me Alfonsin

Vallja e vdekur
Çmendet në ritmin e jetës

Hiçi tretet në pikëllim

[Agim Metbala]

Hasan KRASNIQI

EMRI YNË

Nëpër furtuna u kacafyte
Stinët përsëri të ngjallëm
Për ta shenjëzuar ditën e re

Për ty duhet kënduar
Në mbrendinë tënde gjaku vlon
E etërit tanë i kujton

Qëndrove në të gjitha kohët
Edhe kur të ndoqën natën
E ti u ngrite si një kullë e re

Pamjen nuk e ndryshove
Edhe kur ndërroheshin perandorët
E ti e theje heshtjen
Për ta rrëfyer të djeshmen e të sotmen

Emri ynë
Si dielli rreze lëshon