"Jehonë Anadrinie"

[Agim Metbala]

Bajram Kryeziu

Të buzëqeshja
Më buzëqeshe
Në bebëza hijeshi
Ta fala Zemrën
Forcën ma dhe
Në ndjenjat e mia
Dhuratë m'i le
Gjërat që s'preken
Dhuratë m'i le
Aty murosa fjalën
Të patundshme
Me besën e dhënë
I pashuar qoftë
Dritëdhënëse ky pasion
Si kaltërsi qielli
Zë vend me ty
I but i bukur paqësor
I larë me rreze dielli
I dehur i qeshur
Me bukuri peizazhi hënor...

[Agim Metbala]

Dy poezi të profesor Mr. Budim Berishës, nga libri i tij me poezi "Hieroglife kosovare".

MOA E FIK DRITËN

(Shukran'ës)

Shpalojmë në mes nxitjen me atë
"Fik se fik një bakllavë"
Shpërndajmë shikimet e përvluara
Jo në terr, bëhet, bëhemi llavë

Paloj vështrimin e ërbuar
Më ndez në mes të mirësisë
Habitshëm do dridhma femërore
Megjithatë i përvluari nuk sëndis

Premtimi domozdo kërkon përgjegjësi
Nëse je ashtu si the, prit
Je midis, burbuqet janë rreth
Frymëzimi im trup e shpirt

RECENSOJ

Zbritje-ngritje, dëbuese-tërheqëse
Mirë e keq, ngatërresë e mjerë
Për mendësi janë mendimet
Herë pa e herë me vlerë

Frenon-shfrenon, fryer shfryer
Shkruar e shlyer, fiton a fërkat
Turp është pikëpamje me përbuzje
Herë pahiri, herë mëkat

Djathtë- majtë, kënaqje-dhembje
Haramëtpatetikë s'janë nder
Shkatërro zilinë mu në vehte
Urrejtja bie në humnerë

[Agim Metbala]

Hazir LUTA

SJEKULLI IM

Njerëz
Që urrejnë njerëzit

Të buzëqeshur
Që vrasin buzëqeshjen

Fatlumë
Që s'njohin lumturi

Ahpirtbardhë
Që s'duan bardhësi

Ka shekulli im

[Agim Metbala]

Dritan KËRÇAGU

SHPALOSJE KOHRASH

Kue shpalosen kohërat
Çudirat ndodhen
Malet lëshojnë zërin
Shkëmbinjt digjen më vete
Duke lëshuar djersë
Oqeanët vlojnë
Në qiell Perënditë fluturojnë
Me qilimat magjik
E nga retë e zeza
Bijnë femrat lakuriq
Kur pikon uji i shekujve të urisë
Turbullirat ndodhin...

[Agim Metbala]

Hazir LUTA

HIJA E SHPIRTIT

Eci
Më ndjek pas
Ndalem
Ndalet edhe ajo
E shoh
Kthen kokën
Dua ta largoj
Ajo më afrohet
E godas
Ajo s'lëndohet
Lëndohet
Shpirti im

[Agim Metbala]

Hazir LUTA

DIKUSH TRADHTON

Nata ditën
A dita natën

Dielli hënën
A hëna diellin

Sofra bukën
A buka sofrën

Unë ty
A ti mua

Dikush tradhton...

[Agim Metbala]

Budim BERISHA

PA NËNKUPTIM

Shpirtërisht e dua natën
Dukem se po zbardhem
Nëse nuk e zhveshi ditën
Mos të kuptohet se po tallem

Zatën mëngjesi si burim
Dita e zakonshme si lumë
Diçka mbrëmjes i pëshpërita
As më pak, as më shumë

[Agim Metbala]

Budim BERISHA

NË PYLL

Mëndafshi i çupërisë në dridhje
Havale me të gjelbërtën e dendur
Hapi në pyll kërkon zgjidhje

Unë princi kalorës për mbretëreshë
Ngazëllim i frymëmarrjes pak a shumë
Ajo borëbardha magjepëse si hyjneshë

Degët lartë i kalojnë mjegullat
Ma shtrëngon brrylin si shtizë
Ah shtrigë me mollë ku je, sa për rregullat

Që Zeusi, kryesuesi i zotërave më ra në mend
Fati im që kodoshi jetoi një tjetër kohë
Hyjneshën time e kishte kap për shtatë gazmende

[Agim Metbala]

Në vijim, po i postoj dy poezi të Besmira BYTYQI, nxënësee klasës së X-të të shkollës së mesme "Xhelal Hajda - Toni" e cila edhe pse në moshë kaq e re, para pak kohësh, boroi përmbledhjen e parë me poezi, "Nyjet zgjidhen".

NYJET ZGJIDHEN

Koha
Na përplasi në fytyrë
Përbuzjen e dashurisë
E dhembjet lidheshin me nyje
Por një ditë kuptuam
Se nyjet zgjidhen
Me hir e me pahir
Ëndrrat tona
prore lidheshin për kohën
E ti thoshe
Për dashuri
Ia vlenë barra qiranë
E dashuria
Dashuria na mallkoi
Në rini...


DYLUFTIMI

Buzëqeshjet u venitën
Loti u nis

Bukuria u zhduk
Shëmtia në shesh

Jeta kundër vdekjes
Vdekja me jetën

I vdekuri kundër të gjallit
I gjalli me të vdekurin

Unë kundër vetmisë
Vetmia me mua

[Agim Metbala]

Hasan KRASNIQI

VAJZËS SË ANADRINISË

Me bardhësinë tënde,
Shtigjeve të ashpra
Besnike qëndron;
Lulet hapin sytë -
Anadrininë shikojnë!

I bashkove dëshirat,
Kalove në fshat;
Në shpirt valët e gëzimit -
Në dorë fletore e lapës!

Për rrjelle t’ vërtetës,
Trokite në derë -
Drugëzave të vekut,
Lamtumirë përherë;
Me laps e fletore -
I zëvendësove prore!