"Jehonë Anadrinie"

[Agim Metbala]

Xhevdet BAJRAJA


RRUGËS SË SHTRUAR ME DHEMBJE

Në Kosovë ra borë
I mbuloi varret po s'e mbuloi dhembjen
Një plak në bregun e vdekjes
Një fëmijë në bregun e jetës
Ngrohen a digjen në zjarrin e kujtimeve në mes

Në sytë e tyre
Të lagur nga vesë e mëngjesit të lirisë
Politikucët shilojnë
Kuptimin e ditës së lidhur si kafshë
Rrugës së shtruar me dhe dhembje

Me zemraën që ka formën e këpucës së shqyer
I mbështetur në atë që mbet nga jeta
Me fotografitë e të dashurve në xhepa
Që të mos mërdhihem
Do t'ia qepi ditës që vjen
Ca arna kujtimesh
Prej lëkurës së diellit
Që na vrau
Që e vramë
Këtë pranverë

[Agim Metbala]

Besa HOXHA - BEQIRI


FURTUNË JETE

Ha mishin e kokës së një kafshe
Sa pak që ka

E truri i njeriut peshon më tepër

Pse i akuzojnë kanibalistët
Kur kanë qenë më të kuryes

[Adem Berisha]

Nuk e them së koti se zotëriu Agim Metbala është njëri ndër promotorët e forumit. Ai sa me shkrimet e tija, poaq edhe me publikimin e krijimeve të krijuesve të mirënjohur si Xh. Bajraj, z Bersa e tj, mban gjallë dhe afirmon vlerat si të FSH, poashtu edhe të autorëve tjerë të trevës.

"Të vlerësosh të tjerët, ke vlerësuar veten
ngrihesh lartë në maje të madhështisë. . .

[Agim Metbala]

Hazir LUTA

URA E PUTHJEVE

Prore
Prore
Prore
Ndërtonim ura
Natën
Na i rrënonin ujërat
Të nesërmen
Ndërtonim të tjera
Ura të hekurta
Unë një këmbë
Ti një këmbë
Ura e puthjeve
Bëhej shkëmb

[Agim Metbala]

Hazir LUTA

TI DHE DIELLI

Dielli përflaket
Shihem në sytë e tu lazdrakë
Sa shumë koha më ka mplak
Ende prek atë buzë në heshtje
Që ka shije pjeshke
Sa ngjall dielli vapë
Sa ngjall ti në mua fresk
Prapë shihem në sytë e tu
Sikur notoj në zemrën tënde si peshk

[Agim Metbala]

Ali DULA

Dashuria


Çdo gjë u nis me
fjalën
E fjalë – fjalë
vepra
Dikur që s’e dinin
fjalën
As gjuhë për vepër jo nuk
dinin
Dikush kërkoi fillin
prej nga nisi
njerëzia
Atëherë Hyu tha;
nga vetë Unë
që të ndjellë
dashuria

[feneri]

Nuk e them së koti se zotëriu Agim Metbala është njëri ndër promotorët e forumit. Ai sa me shkrimet e tija, poaq edhe me publikimin e krijimeve të krijuesve të mirënjohur si Xh. Bajraj, z Bersa e tj, mban gjallë dhe afirmon vlerat si të FSH, poashtu edhe të autorëve tjerë të trevës.

"Të vlerësosh të tjerët, ke vlerësuar veten
ngrihesh lartë në maje të madhështisë. . .

Do te kisha shtuar te nderuarin Adem vizavi me Agimin! Te dy jane zeri i kushtrimit te permasave per te krijuar ne kohen kur edhe zogjtë nuk benin cicerrima!

[Agim Metbala]

Xhevdet BAJRAJ

DIELLI PREJ SHEQERI

Ç'të bëjë njeriu në këto orë të imëta
Që kafshojnë si pleshta të uritur
Kudo q është natë
Nga një pjesë timen bartë me vete si fatin
Toka e rrumbullakët si kokë debili si kokë mize
Fishkëëlon në vetmi hyjnore
Një njeri më i vogël se muti i tij
Planifikon vrasjen e njerëzimit
Nëse ky është fundi
Nëse fundi është ky
Tim biri që të mos qajë tërë ditën
Me paratë e fundit do t'ia blej një lodër të re
Një diell të vogëlth prej sheqeri

[Agim Metbala]

Xhevdet BAJRAJ

KËNGË PËR DRININ

Shekuj të tërë ia shpalon tokës kujtimet
Prejardhje të njëjtë kalon
Sall burimi ta ndërron shtetësinë
Njerëzit kërcejnë nga kanjonet tuaja nga urat
Kur zgjohen në zonat absurde të jetë së përdalë
Hedhin grepa në mitrën tënde
Duan peshkun e artë për vete
Pa a të kujtohem unë para okupimit të fundit
Ishte natë e qetë në çadrat tjera flinin
Nën dritë bëne nën dritën e fenerit në breg
Në ujin tënd të ëmbël e të ftohtë
Puthja vashën më të bukur në botë
(Punë e madhe e puth a derth lot dikush në ty)
Ti nuk jeton për çastin e këputur nga vdekja e përditshme
A di ti se ka lule që çelë veç një herë në jetë
E lulja e çelur sall një ditë rron
Se ka zog që vetëm një herë këndon në jetë
Dhe atë para vdekjes
A e di ti se
Po të ishte më i thellë më i pasur do të ishte
Apo të ishe më i thellë më i pasur do të ishe
Apo të ishe më i cekët për një kokë njeriu
Për shembull të ishe deri në fyt
Sa njeriu kishte shpëtuar pa u mbytë

[Agim Metbala]

Hazir LUTA

SHPIRTVIRGJËRESHA

Ç'u shporitën djajtë
Vdisnin për një pikë gjak
Hajnat e Virgjërisë

S'ka ëndësi
Në pikon kuq bardh a zi
Që të trija ngjyra janë

Një ditë plasi klithja
U zu princesha
Shpirtvirgëresha