"Jehonë Anadrinie"

[Agim Metbala]

Milazim BAJRAJ

DËSHIRË

Sa do të doja
Të belbëzoja
Me rrokjet e para
Ani pse të tjerët
Do të qeshnin me mua
Sa do të doja
Të ecja zbathur si dikur
E guralecat e luginës
Të m'i bëjnë gjak gishtat e njomë
Ah, sa do të doja
Të mblidhja sheqerka në katund
Do të doja ta dëgjoj sërish
Këngën e zogjve shtegëtarë në ato lugina
Atje ku edhe qyqja këndonte përmallshëm
Këngën e vëllait të varrosur

[Agim Metbala]

Xhevdet BAJRAJ

NËN HIJEN E KAKTUSIT

Mariaçët këndojnë në rrugë
Një këngë të bukur dashurie
Kosova si hënë e përgjakur
Shëndrit në kujtimet e mia

Fusha të gjera me lule mbi varre
Lisa të gjatë të pullazeve të djegura
Normalisht
Vjelli liria Naim
Në këngën tënde

Dhembja ime është dritare e amshueshme
Që hedh shikimin mbi Pranverën e Përgjakur
Me varreza masive
Pa dallandyshe
Pa dashuri të reja
Pa...
Në këngën time

Nën hijen e kaktusit mexikan
Me hajmali indiane në qafë
Ushqej zogun e bardhë të pranverës kosovare
Me trosha të bukës shqiptare

[Agim Metbala]

Hazir LUTA

HIJA E SHPIRTIT

Eci
Më ndjek pas
Ndalem
Ndalet edhe ajo
E shoh
Kthen kokën
Dua ta largoj
Ajo më afrohet
E godas
Ajo s'ëndohet
Lëndohet
Shpirti im

[Agim Metbala]

Bajram KRYEZIU

E BUKURA

Të buzëqesha
Më buzëqeshe
Në bebëza hijeshie
Të vështrova
Më vështrove
Me sy bukurie
Ta fala Zemrën
Forcën ma dhe
Nën ndjenjat e mia
Dhuratë m'i le
Gjërat që s'preken
Dhuratë m'i le
Aty murosa fjalën
Të patundshme
Me besën e dhënë
I pashuar qoftë
Dritëdhënëse ky pasion
Si kaltërsi qielli
Zë vend me ty
I butë, i bukur, paqësor
I larë me rreze dielli
I dehur, i qeshur
Me bukuri peizazhi hënor

[Agim Metbala]

Ali DULA

ENIGMË

Në dhomë i strukur
Pafund i menduar
Ps lotë as fjalë

Një hije e valëvitur
Enigmë e përdredhur
Gjurmë e mbuluar

Me hapin e lehtë
Si përbindësh vjen
Syrin ma mashtron

Kërkoja prej saj diçka
Ajo asgjë s’tha
Pos heshtjes dyshuese

[Agim Metbala]

Ali DULA


POETI I BARDHË

Ndërmjet vargjet e poezisë
E vijave të pentagramit
Dergjet një yll i molisur

Plot shpirt brilatie
Me fjalët vjershërie
Në zenit ai gjen hije

Ngjyrat i vë në radhë
Cilën ta lë, cilën ta marrë
Përzgjedhë atë të bardhë

[Agim Metbala]

Milazim BAJRAJ


CA KORE BUKË
(4 shtator 98 - Kaznik)

As ditë as natë
Ku shkojmë
E shtëpitë ku i lëmë?

Jemi nisur
Në rrugë pa krye
Pa busull mbesëm
Ngelëm në mesrrugë

Po ecim kah bishti
Dy hapa para e katër mbrapa
Unë dhe nata u gjetëm
Me ca kore bukë në krah

Ata kërkonin
Lindjen e ditës së re
Në shuplakat e mia
Gjaku i tyre valë
Gjaku e vaji i fëmijëve
Të asaj nate shponte bjeshkët

Zjarri dhe krisma
Vritnin fëmijët e posalindur
Vdekja dhe lindja
U bënë një

Populli im i shtrenjtë
Kërkonte ca kore bukë
Në rrugën e re
Atë natë
Pastaj u lëshuan
rrebeshet e karpateve
Si dikur më 1956...

[Agim Metbala]

Sali BYTYÇI

KORI I QENVE

Fjalën e kanë qentë
Njerëz, heshtni
Qentë zgjohen nga gjumi
E mund t'ju kafshojnë

Nëpër salla të mëdha të ndritshme
Tëpajisur me megafona e altoparlantë
Kori i qenve po leh
Qeni i biri Qenit

Po zgjidhe Korife

Njerëz, heshtni
Se po e prishni rregullimin e qenve
Qentë mund t'ju kafshojnë
Të fort i kanë dhëmbët
Sa edhe eshtra thyejn

Heshtni, njerëz
Qentëpo lehin
Kokat e veta hëngshin


'87

[Agim Metbala]

Ali DULA


FRIKA E HIJES

Në dhomën e vjetër
Qëndron një kapak guri
Mbi të rrijnë varur
Qirinj stallaktitësh

Kur u bie drita
E vatrës së ndezur
Trajtat mahnitëse
Shkëlqejnë si kristale

Pamje rrenqethese
Reflektime tronditëse
Që kujtojnë gogolët
E përrallave mistike

[Agim Metbala]

Milazim BAJRAJ

SHPIRTIT TË POPULLIT
(Hafiz Ali Korçës)

Tokës i dëgjoje gjëmën
Ujite tokën tënde
Rapsodit i dhe zemër
Bilbilit i dhe këngën
Për atdheun
E dhembjen e gurëzove
Në shkronjat e vargmaleve
Të larta shqiptare

Të pabesët i mallkove
Në gjuhën e nënës
Me besën e gjyshërve
Me reliktet e tokës
Qëndruat mbi ylber
Si shpirti i popullit
Mbete në zemër