"Jehonë Anadrinie"

[Agim Metbala]

Xheladin HAMZA

NETËT M'I VJEDHIN

Derisa në ëndrrat e mija
Në netët e gjata ëndrroj
Ëndrrat e jetës sime
Egërsirat pamëshirshëm
Në terrin e natës
Netët m'i vjedhin...

[Agim Metbala]

Milazim BAJRAJ

REBELIMI

Kur natyra zhvilet
Unë rebelohem
Kur dallandyshes i prishet foleja
Unë rebelohem
Edhe kur mbetem në terr
Dhe rrugën humb
Unë rebelohem
Edhe kur s'kam
Ëmbëlsira për festa
T'ua shtroj fëmijëve
Unë rebelohem
Rebeloghem...
Të hiqen marimangat
Nën lëkurën time
Brezi le të marrë frymë

[Agim Metbala]

Adem BERISHA

GARA JOPARIMORE

Në një kohë të pakohë,
S'e them bash për mahi;
"njerëzit" bënin gara -
Kush mund të jetë më thi.

Kush do të bëhej ujk,
E jush do të bëhej derr;
Kush më shumë të tjerëve -
Jetën t'ua bëj berr...

Kush do ta mposht tjetrin,
Në mënyrë më mizore;
Kujt më shumë e keqja -
Do t'i shkoj për dore.

Në këtë garë të ndyrë,
Prijnë ca faqezi;
Që mish njeriu do të hanin -
Po të kishin mundësi.

Këtyre sytë 'u janë verbuar,
Nga urrejtja e nga lakmia;
Mish e gjak i kanë të helmuar -
Kush s'ua shkon në punë të këqija...

[Adem Berisha]

I nderuari mik i përmotshëm zotëri Agim Metbala, ti e di se ç'mendoj unë për ty, por le ta them hapur qe ta dijnë edhe të tjerët, se vetëm shpirtbardhët e zemërgjërët arijnë të mposhtin xhelozinë, mëninë dhe urrejtjen duke qëndruar përkrah vlerave të vërëteta njerëzore, etike dhe artistike te të tjerëve.
Ti këtë arrin të bësh si më së miri duke afirmuar këto vlera, në ç'mëmyrë ti edhe arrin të ngritesh për një stad më lartë të kulturës dhe humanizmit.
Falemnderit edhe për afirmimin e shkrimeve të mia modeste.

[Agim Metbala]

I nderuari mik i përmotshëm zotëri Agim Metbala, ti e di se ç'mendoj unë për ty, por le ta them hapur qe ta dijnë edhe të tjerët, se vetëm shpirtbardhët e zemërgjërët arijnë të mposhtin xhelozinë, mëninë dhe urrejtjen duke qëndruar përkrah vlerave të vërëteta njerëzore, etike dhe artistike te të tjerëve.
Ti këtë arrin të bësh si më së miri duke afirmuar këto vlera, në ç'mëmyrë ti edhe arrin të ngritesh për një stad më lartë të kulturës dhe humanizmit.
Falemnderit edhe për afirmimin e shkrimeve të mia modeste.

Përshëndetje mik Adem, janë fjalët, epitafet... shumë të mëdha drejtuar punës sime modeste...
Të them sinqerisht se më mikluan butas, por... ama edhe një barrë që më bëjnë me dilema në i meritoj ato vlerësime, dhe në anën tjetër, angazhim shtesë në misionin tim, kuptohet në kuadër të aftësive të mija personale...

Përshëndetje të ngrohta!

[Agim Metbala]

Besmire BYTYQI
(nxënëse e klasës së 9-të)

LAMTUMIRË

Muret hashtën
Dhoma ra përgjumur
Errësira si errësira
Xhalati i përhershëm

Ti s'ishe aty
Ike me një fjalë
Dhe një mijë e një kujtime
Që mbetën rreth nesh

Ike
Mendove që bëje mirë
Veç një fjalë kishe mësuar
Lamtumirë!

[Agim Metbala]

Dr. Fahredin HOTI
(I vrarë nga ana e forcave serbe)

PSE

Pse
Para se të vdes
Ëndrrat më shfaqen në shpirt?
Pse
Shpresat e mia këmbët m'i lidhin
E gjakun ma pengon në damarë?
Pse
Kënga e zogjve është kaq e zbehtë
E dielli ka aq pak ngrohtësi?
Pse
Lumenjt janë kaq të qetë
Edhe kur ushujzat pijnë lëngun e tyre?
Pse
Nuk ndjej tingullimën e vdekjes
Edhe kur laku sillet rreth qafës?

[Agim Metbala]

Xhevdet BAJRAJ

ME GJERDANIN E MORTIT

Kosova ngjyrosi flokët në të bardhë
Me gjerdanin e mortit në qafë
Krihet mbi shtërngatën e fjetur

Frutat e vjela nga pemët e jetës sonë
I vari nga lind dielli
Për ta ruajtur kuptimin e vrarë të ditës

Ulur në këmbëkryqin e jetës
Me kujtime në prehër

Shpuploj zogjtë e kë,bëve
Dhe i hedh andej nga rrjedh dhembja
Para se ca klithma kujtimi
T ë ma vrasin mendjen
Të ma plasinin zemrën

[Agim Metbala]

Xheladin HAMZA

ËNDRRAT E MIA

Të thella si luginat biblika
Të gjëra si shkretëtirëa pa mbarim
Të zbehta si fytyra para vdekjes
Të zbrazura si sytë e shtjerrur

Lëri në qetësinë e shpirtit tim
Se janë vetëm ëndrrat e mia
Pjesë e jetës sime

[Agim Metbala]

Ali DULA


KËNGA IME

Duke ta kënduar këngën
fytyra buzëqeshjet m`i shkund
bardhësi në zemër
ndiej

Këngën duke ta kënduar
nisem lartësive t’kaltërta
por çdo gjë çuditërisht
më shembet

Duke ta kënduar këngën
ndër puthje frenetike reshur
mjerim e shëmtim
harroj

Këngën duke ta kënduar
çelësin e domethënies gjej
e të gjithëve ju them;
- Ju dua, si këngën time
ju dua