Siguria e jetës së qytetarit

[oliver55]

Sot në mëngjes, një punonjës i një policie private u aksidentua teksa shkonte në punë. Sipas disa standarteve ndërkombëtare të vendosura që prej vitit 1949, edhe rruga nga shtëpia për tek vendi i punës (e kthim) është pranuar si ria në rrugëmjedis i punës.
Këtë vit kanë ndodhur çdo muaj aksidente në punë me pasojë vdekjen. Në më të shumtën e rasteve, zyrtarisht, fajtorë kanë qënë viktimat e aksidenteve. Por çfarë është bërë apo bëhet për sigurinë në punë? Cilat janë investimet që bëhen për sigurinë e vendit të punës? A u jepen punëtorëve, sidomos atyre rishtaz, njohuritë bazë elementare të sigurisë në punë? Nuk ekziston asnjë statistikë apo burim informacioni zyrtar që të tregojë se ka përpjekje për rritur sigurinë në punë. E vetmja gjë e sigurtë që mund të themi është se Inspektoriati Shtetëror i Punës si institucioni përgjegjës për sigurinë në punë në Shqipëri nuk ka sjellë asnjë element pozitiv në pakësimin e rreziqeve në mjediset e punës. Me sa duket mënyra më e sigurtë në Shqipërinë e sotme që të kesh një vend punë të parrezkishëm është të mos punosh.


Siguria në banesë
, kish rënë zjarr në një banesë. Shtëpia u dogj si pasojë e zjarrit të shkaktuar nga flaka e një qiriu. Kanë qënë të shumta raportimet për djegie të shtëpive në të katër anët e Shqipërisë në tre muaj e fundit. Ekspertiza në më të shumtën e rasteve ka nxjerrë si shkak anomali të instalimeve apo rrjetit elektrik. Para disa ditësh një shtëpi u dogj e tëra. E tëra e tëra. U dogjën edhe njerëzit që i japin jetë çdo shtëpie. Ata për të cilët shtëpia ekziston. U tha që kishin lënë në prizë një ngrohës elektrik. Në të njëjtën ditë në pjesën më qëndrore të Tiranës ra zjarr. U dogj pjesa e një bari me emër. Flakët hypën deri në katin e tretë duke djegur tendat e ballkoneve. U raportua që origjina e zjarrit ishin letrat mbi një gjenerator dhe fajin e kishte pema aty pranë. Pema mori flakë dhe gjuhët e flakëve u ngjitën lart. Askush nuk jep garanci që anomalitë e sistemit elektrik, ardhjet e ndërprerjet e energjisë elektrike, tensioni jokonstant nuk do të provokojë zjarre të tjerë, nuk do të shuajë të tjera jetë njerëzish apo nuk do të shkrumbojë të tjera vatra familjare. Jemi katandisur që të mos përdorim energji elektrike për ndriçim apo ngrohje sepse vetëm kështu do të jemi 100 % të sigurtë që nuk rrezikohemi nga zjarri. Edhe pemët që janë burim jete po na kthehen në elementë të "rrezikshëm" për ekzistencën tonë.

[oliver55]

PA SIGURI NE RRUGE.



Edhe java që kaloi shënoi viktima me pasojë vdekjen nga aksidentet në rrugë. Jemi në javën e fundit të vitit dhe fatkeqësisht asnjë javë e këtij viti të vështirë 2007 nuk ka kaluar pa një aksident vdekjeprurës. Edhe në raportet e të derguarve në vendet e konflikteve botërore nuk rapotohen kaq shumë humbje jetësh. Në të gjitha rastet autoritetet kanë raportuar gabime të drejtuesve të automjeteve, sens i gabuar, shpejtësi jashtë kufijve e të ngjajshme si këto. Asnjëherë nuk është folur për cilësi të dobët të infrastrukturës rrugës, për mungesë sinjalistike apo sinjalistikë të pamjaftueshme, për shërbime të mangëta të autoriteteve të transportit rrugor, të mirëmbjatjes së rrugëve, etj. Numri i të aksidentuarve me pasojë vdekjen sa vjen e rritet çdo vit dhe aktualisht në rrugët e Shqipërisë vdes një njeri cdo tri ditë. Edhe pse shpenzimet e sigurisë rrugore janë miliona dollarë në vit, vit pas viti rrugët sa vjen ë bëhen mjedisi më i pasigurtë në Shqipëri. Me sa duket mbrojtja më e mirë në Shqipërinë e sotme nga rreziqet e rrjetit rrugor është të vendosësh të mos udhëtosh.

[oliver55]

PA Siguria e përfaqësimit shtetëror


Në këtë prag festash njerëzit nxitojnë edhe të dergojnë kartolina me urime. Në fakt dërgimi i kartolinave është një mënyrë le të themi tradicionale e këmbimit të urimeve. 10 vjetët e fundit janë shtuar edhe urimet me SMS, edhe ato me email. Kjo jo vetëm nga të rinjtë, por edhe nga ata që jetojnë në emigracion e u përshtaten zakoneve të vendeve ku jetojnë. Por me çfarë ballafaqohen shqiptarët që duan të dërgojnë kartolina. Pasi kanë zgjedhur me kujdes kartolinën, kanë shkruar urimin shkojnë në postë e para se të hedhin kartolinën në kutinë postare blejnë pullën. Pulla postare bashkë me stemën e vendit (në rastin tonë të Republikës) dhe kartmonedhën janë shenjat dalluese të çdo shteti. Me to përfaqësohet e dallohet shteti ynë e çdo shtet. Por çfarë sigurie ka qytetari ynë me pullat që blen. Mund të blejë një pullë ku i madhi profesor Aleks Buda paraqitet si artist i shquar! Mund të blejë një pullë ku është një grua me veshje karakteristike, por shënimi është veshje burri nga Hoti. Mund të blejë një pullë për kampionatin e mëparshëm botëror që u zhvillua në ERMAN (Gjermani)! A mund të përdorë një shqiptar dinjitoz këto pulla? Padyshim që jo. Çfarë mund të bëjë? A ka siguri që pulla të tjera janë të sakta? Për fat të keq jo. E vetmja mënyrë e sigurtë këmbimi urimi është që të harrojë elementët e shtetit të tij e të përdorë mënyrat moderne si SMS e email.
Ju solla (pa)siguri me të cilat ndeshemi rëndom në jetën e përditshme këtë fundviti Le të shpresojmë që të ketë mbetur vetëm edhe një vit që shqiptarët të mos shpresojnë për më shumë siguri.

[Kreksi]

Po ku ka sot siguri qytaetari ne europ ore ?
Ketej njeriut i prehet fyti njeriut per njezet euro...