Ministri serb Samarxhiç propozon zyrtarisht ndarjen e Kosovës

[DYDRINAS]

Ministri serb Samarxhiç propozon zyrtarisht ndarjen e Kosovës

22-03-2008


Ministri serb për Kosovën tha se Beogradi ka propozuar zyrtarisht ndarjen e serbëve dhe të shqiptarëve në Kosovë.

Gazeta serbe Politika citon sot ministrin Slobodan Samarxhiç të ketë thënë se propozimi, i cili i është dërguar Misionit të Kombeve të Bashkuara në Prishtinë, do të krijonte ndarjen funksionale të serbëve dhe shqiptarëve në Kosovë.

Ai tha se Beogradi njeh juridiksionin e policisë, gjyqësorit dhe doganave të UNMIK-ut në territorin e Kosovës. Por ai shtoi se që nga shpallja e pavarësisë së Kosovës vetëm serbët me ndihmën e Serbisë mund të realizojnë autoritetin e Kombeve të Bashkuara.

Zoti Samarxhiç tha se nëse administratorët e OKB_së dëshirojnë paqe dhe stabilitet, atëhere ata duhet të arrijnë një marrëveshje të qendrueshme. Zëvendës shefi i UNMIK-ut, Larry Rossin tha se dokumenti është dërguar në selinë e Kombeve të Bashkuara në Nju Jork.

VOA

[gjilan55]

shum shtete te ballkanit jan duke prit ndrrimin e kufijve, nese qfardo e drejte per ndarje i pranohet serbve asnje shtet i ballkanit nuk do te mbetet brenda kufijve te sotem.Preshev ulqin kumanov...........

[Llapi]

SERBIA ZBULON QELLIMET



Projekti Serb

PROPOZIM:

Marrëveshje mes UNMIK'ut dhe Republikës së
Serbisë për Implementimin e Përbashkët të
Rezolutës 1244 të KS të OKB, pas shpalljes ilegale
të pavarësisë nga IPVQ'të.
Pas shpalljes së paligjshme të pavarësisë nga
Serbia, nga institucionet e përkohshme të vetëqeverisjes
më 17 shkurt 2008 dhe vendimit të
Bashkimit Europian për të dërguar një mision në
Kosovë bazë legale adekuate, që krijon nevojën
për një përgjigje të përbashkët në këtë situatë,
Duke vërtetuar faktin se populli serb në Kosovë
nuk i pranon këto vendime ilegale dhe e konsiderojnë
vetën si qytetarë të Serbisë, sikurse edhe të
drejtën e tyre të patjetërsueshme për të qeverisur
çështjet e tyre,
Duke pasur parasysh vendimin e Qeverisë dhe
të Kuvendit Kombëtar të Republikës së Serbisë që
anulon aktet ilegale të IPVQ've dhe BE'së,
UNMIK, i përfaqësuar nga Përfaqësuesi Special i
Sekretarit të Përgjithshëm të Kombeve të
Bashkuara për Kosovën z. Joachim Ruecker, dhe
Republika e Serbisë, e përfaqësuar nga Ministri i
saj për Kosovën dhe Metohinë, Dr. Slobodan
Samardzic:

1Rikonfirmon validitetin e Rezolutës 1244 (1999)
të Këshillit të Sigurimit të Kombeve të
Bashkuara dhe bindjen e njëjtë se Rezoluta mund
të implementohet me sukses vetëm me përpjekje
të përbashkëta të UNMIK'ut dhe Republikës së
Serbisë.

2Riafirmon autoritetin e pasfiduar të UNMIK'ut
për të implementuar Rezolutën 1244 të KS të
OKB dhe nevojën për prezencën e vazhdueshme
të mandatit të saj që i ishte dhënë me Rezolutën
1244 të KS të OKB.

3Riafirmon përkushtimin për të gjitha marrëveshjet
e mëparshme mes UNMIK'ut dhe
Republikës së Serbisë, përfshirë marrëveshjet mes
UNMIK'ut dhe Republikës Federale të Jugosllavisë,
trashëgimtari ligjor i së cilës është Republika e
Serbisë.

4Rikonfirmon përkushtimin për bashkëpunim
mes UNMIK'ut, në njërën anë, dhe Republikës
së Serbisë, në anën tjetër.

5Njeh Zyrën e Ministrisë së Republikës Serbisë
për Kosovën dhe Metohinë në Mitrovicë si trashëgimtare
të Zyrës së Qendrës Koordinuese për
Kosovën dhe Metohinë. Zyra është ngritur me qëllim
të lehtësimit të implementimit të ndihmës dhe
programeve të zhvillimit të Republikës së Serbisë
në Kosovë, sikurse edhe bashkëpunimin mes
UNMIK'un dhe KFOR'in.
Prandaj, UNMIK'u dhe
Republika e Serbisë pajtohen:
�� Të intensifikojnë bashkëpunimin në fushat e
mëposhtme:

1. Politikat Policore
UNMIK dhe Republika e Serbisë me vendosmëri
përsërisin përkushtimin për vazhdimin e zhvillimit
dhe përforcimit të sigurisë dhe parrezikshmërisë
për komunitetet. Oficerët policorë serbë të
Kosovës janë llogaridhënës tek autoritetet lokale
serbe dhe nën komandën ekzekutive të policisë së
UNMIK'ut.

2. Gjyqësori
UNMIK dhe Republika e Serbisë riafirmojnë
gatishmërinë e tyre për të zhvilluar sundimin e ligjit
dhe të mundësojnë qasje të barabartë në gjyqësor
për të gjithë. Serbët e Kosovës kanë të drejtën
të qeverisin çështjet e tyre gjyqësore. Gjyqtarët
ndërkombëtarë të UNMIK'ut janë përgjegjës për
procedime gjyqësore, ku palët janë nga komunitete
të ndryshme etnike.

3. Doganat
UNMIK dhe Republika e Serbisë shprehin përkushtimin
e tyre për zhvillimin dhe mbarëvajtjen e
tregtisë së lirë mes Kosovës dhe pjesës tjetër të
Republikës së Serbisë. Asnjë barrierë tjetër tregtare
nuk do të imponohet në të. Nëse një palë e
tretë imponon barriera tarifore ose jotarifore, serbët
e Kosovës kanë të drejtë të vendosin autoritetin
e tyre doganor.

4. Transporti
UNMIK dhe Republika e Serbisë janë plotësisht
të dhëna pas lirisë së pakufizuar të njerëzve dhe të
mirave. Serbët e Kosovës mbajnë lehtësitë e tyre
të transportit dhe infrastrukturës të cilat mundësojnë
lëvizje të sigurt, të pacenuar, të lirë dhe të
pakufizuar të njerëzve dhe mallrave në tërë
Kosovës dhe mes Kosovës dhe pjesë tjetër të
Republikës së Serbisë.

5. Kontrolli i vijës kufitare administrative mes
Kosovës dhe pjesës tjetër të Republikës së Serbisë
UNMIK dhe Republika e Serbisë e përkushtojnë
veten në lëvizshmërinë dhe qarkullimin e lirë e të
pakufizuar të personave dhe të mirave mes
Kosovës dhe pjesës tjetër të Republikës së Serbisë.
UNMIK dhe autoritetet legjitime të Kosovës ndajnë
përgjegjësinë e administrimit për lëvizje të tillë të
pavështirësuar të lëvizjes.

6. Trashëgimia fetare, historike dhe kulturore
UNMIK dhe Republika e Serbisë vendosmërisht
përkrahin lirinë e religjionit dhe mospengimin e të
drejtave të njeriut të secilit individ dhe komunitet,
për t'iu gëzuar dhe mbajtur trashëgiminë fetare
dhe kulturore. Republika e Serbisë ka të drejtën e
veçantë për të mbrojtur dhe rindërtuar objektet e
rëndësisë fetare, historike ose kulturore për komunitetin
serb. Në realizimin e këtij qëllimi, Republika
e Serbisë do të bashkëpunojë me UNMIK'un,
UNESCO'n dhe Këshillin e Europës. KFOR'i ka mandatin
dhe përgjegjësinë për të mbrojtur objektet e
trashëgimisë fetare, historike dhe kulturore serbe.
�� Se mbikëqyrja e implementimit të politikave
në këto hapësira do të ushtrohet në bashkëpunim
të trupave të UNMIK'ut dhe
Republikës së Serbisë. Këta trupa do të vendosen
në një periudhë sa më të shkurtër, me
qëllim që të jenë plotësisht në funksionim
prej 1 Majit 2008

gazetaexpress

[Sabriu]

Per Llapin ,

Faliminderit per postim sepse per mendimin tim ky dokument ka nje domethenje tejet te rendesishme per te ardhmen laboratorike te aspekteve politike e sosiopolitike jo vetem per Kosoven e Serbine por edhe te rajoneve tjera.

[Sturmgewehr]

Ministri serb Samarxhiç propozon zyrtarisht ndarjen e Kosovës

22-03-2008


Ministri serb për Kosovën tha se Beogradi ka propozuar zyrtarisht ndarjen e serbëve dhe të shqiptarëve në Kosovë.

Gazeta serbe Politika citon sot ministrin Slobodan Samarxhiç të ketë thënë se propozimi, i cili i është dërguar Misionit të Kombeve të Bashkuara në Prishtinë, do të krijonte ndarjen funksionale të serbëve dhe shqiptarëve në Kosovë.

Ai tha se Beogradi njeh juridiksionin e policisë, gjyqësorit dhe doganave të UNMIK-ut në territorin e Kosovës. Por ai shtoi se që nga shpallja e pavarësisë së Kosovës vetëm serbët me ndihmën e Serbisë mund të realizojnë autoritetin e Kombeve të Bashkuara.

Zoti Samarxhiç tha se nëse administratorët e OKB_së dëshirojnë paqe dhe stabilitet, atëhere ata duhet të arrijnë një marrëveshje të qendrueshme. Zëvendës shefi i UNMIK-ut, Larry Rossin tha se dokumenti është dërguar në selinë e Kombeve të Bashkuara në Nju Jork.

VOA

le te fantazojn edhe pak kto se skan pun tjeter do e bokan ndfarjen e Kosoves, Plani i Ahtisarit eshte i qart Kosova eshte nje e Pavarur dhe Serbia nuk mer asje nuk mun keta tja ndajn Kosoves Mitrovicen ajo nuk eshte ne planine Ahtisarit.

[Llapi]

Edhe une mendoi se serbet e ruset le te bejn plane sa te doin se nuk do te ket ndarje te kosoves ndarja nuk eshte ne planin e Ahtisarit edhe grupi i kontaktit e ka ber te qart ket kunder ndarjes jan edhe Amerikanet.

_____________________________________________

Nuk do të lejojmë ndarjen e Kosovës, thotë Frid

Pragë, 21 mars 2008 (Kosovapress) Koha 11:16
Nuk do të lejojmë ndarjen e Kosovës, thotë Frid

Ne e hedhim poshtë ndarjen e Kosovës. Ne e kemi njohur pavarësinë e Kosovës dhe atë tërë Kosovën, dhe në të njëjtën kohë, kemi insistuar, ndërsa Qeveria e Kosovës është pajtuar se duhet të respektohen të drejtat e komunitetit serb, ka thënë ndihmës-sekretari i Shtetit, Daniel Frid.

------------------------------------------------------------------------------
Voker: Në Samitin e NATO konkuzione të reja për Kosovën

• Nënsekretari amerikan për çështje evropiane dhe evroaziatike deklaroi se SHBA-të janë kundër ndarjes së Kosovës, sepse sipas tij kjo nxit jostabilitet dhe dhunë në Ballkan

Administrate amerikane do të mbështes kalimin e kompetencave të UNMIK-ut në duart e misionit të ri evropian EULEX. Keshtu ka deklaruar nënsekretari amerikan për çështje evropiane dhe evroaziatike, Kurt Voker. Sikurse citon agjencia e lajmeve INA sipas Voker NATO në koordinim me misionin e ri EULEX të BE-së është plotësisht e gatshme që të sigurojë qëndrueshmëri, lëvizjen e lirë dhe funksionimin e institucioneve të Kosovës. Diplomati amerikan eshte shprehur se në Samitin e NATO-s në fillim të prillit në Bukuresht do të miratohen konkluzione të posaçme për Kosovën.
Voker theksoi se SHBA-të janë kundër ndarjes së Kosovës, sepse siç nënvizoi ai kjo nxit jostabilitet dhe dhunë në Ballkan. Kurt Voker ka qenë analist i CIA dhe këshilltar i kandidatit presidencial Xhon Mekejn.
----------------------------------------------------------------------------

Casey: SHBA-të janë absolutisht kundër ndarjes së Kosovës

Kosova ishte sërish një nga temat në brifingun e Departmenti të Shtetit, me çrast zëdhënësi Tom Casey tha se besonte se Kosova do të vazhdojë me zbatimin e planit Ahtisaari i cili është i qartë me garancionet për të drejtat e pakicave, ndërsa ritheksoi qëndrimin kundër ndarjes së veriut.
Ai i bëri thirrje pjesëtarëve të komunitetit serb dhe grupeve të tjera që të angazhohen në procesin politik në institucionet e Kosovës për realizimin e të drejtave të tyre. "Ne jemi absolutisht kundër ndarjes", tha Casey. /S.gashi/
rtk 20 mars 2008 - 10:36:39

[Llapi]

Çmenduria serbe

Prof. Dr. AGIM ZOGAJ
Serbia, udhëheqja e saj shtetërore, qeveritare,
thuajse i tërë populli serb, në raport me çështjen
e Kosovës vazhdon të jetë peng e ideologjisë serbomadhe,
e ideologjisë ekspansioniste, si dikur
në kohërat e Pashiqit dhe kështu me radhë. Politika
shtetërore serbe, në veçanti ajo qeveritare
po e mban të njëjtin kurs politike ndaj Republikës
së Kosovës, shtet i pavarur dhe sovran, si dikur
në epokën e Milosheviqit, dhe, madje nuk nguron
të hedhë bombë dore edhe në territorin e shtetit
sovran të Kosovës, të vrasë policë ndërkombëtarë,
dhe me çdo kusht të nxisë situata konfl iktuoze.
Është kjo e njëjta politikë, tradicionalisht e
njohur serbe, e cila në vend të fqinjësisë së mirë
me shqiptarët, me shtetin e Kosovës, ne na ofron
dhunë, gjak, varre, pse jo edhe kërcënim me luftë.
Thënë me gjuhën diplomatike, veprimet e këtilla
të qeverisë serbe, dëshmojnë se, në fakt Serbia
ka bërë agresion të armatosur ndaj shtetit sovran
të Kosovës, pra e ka prekur direkt integritetin dhe
sovranitetin territorial të Kosovës. Dhe, gjithnjë
në kontekst të agresionit më të ri të armatosur
serb ndaj shtetit të Kosovës, udhëheqja serbe
nuk mund të fshihet pas deklaratave të rreme
sikur sulmet e armatosura në veriun e shtetit të
Kosovës i kanë bërë huliganët serbë. Jo, në fundament
të kësaj politike dhe të akteve vandale
të armatosura të serbëve kosovarë, por edhe të
shtetasve serbë që ia mësynin kufi rit të Kosovës,
qëndron politika zyrtare serbe, politika shtetërore!
Është pra kjo e njëjta Serbi si para një shekulli, e
cila politikat e saj shtetërore i ngrit mbi mitologjitë
më ekstreme serbe siç ishte dhe vazhdon të jetë
edhe miti i rrejshëm serb për Kosovën. Prandaj,
pjesë dhe refl ektim i kësaj çmendurie ishte edhe
akti barbar anticivilizues i sportistit serb i cili, në
garë sportive nuk mundi ta fshehë ideologjinë e
fashizmit serb dhe të promovojë paturpshëm, politikat
e miteve serbe në lidhje me Kosovën.
Nuk ka dyshim, nuk ka dilemë se politikisht Serbia,
në veçanti në lidhje me qëndrimin ndaj çështjes
së Republikës së Kosovës, ndaj lirisë së popullit
të Kosovës, ndaj fqinjësisë në raport me shtetin
tonë, vazhdon të jetë thellësisht e verbuar nga
mitologjia serbe, mitologji kjo e ndërtuar jo vetëm
nga doktrinat e politikave shtetërore serbe, por
edhe nga ideologët e doktrinave kishtare serbe,
pra të Kishës Ortodokse Serbe. Prandaj, serbet,
jo vetëm në Serbi, por kudo qo ndodhen edhe me
fuqishëm vazhdojnë t’i besojnë mitit, gënjeshtrës,
mashtrimit, tanimë të shndërruar ne ideologji
shtetërore serbe, sikur ata vërtetë na qenkan
“popull qiellor”. Dhe, derisa populli serb vazhdon
të jetë rob i politikave të tilla, që në fakt shpijnë në
ideologjitë më ekstreme të fashizmit modern, krejt
deri atëherë populli serb, politika shtetërore, qeveritare
serbe nuk do të arrijë të lirohet nga doktrinat
pushtuese, nga etjet për pushtime, agresione
dhe luftëra. Nga ana tjetër, Serbia, jo që nuk u
ndëshkua ndërkombëtarisht për luftërat në ish-
Jugosllavi, për gjenocidin mbi popujt, pra edhe
mbi popullin shqiptar, por vazhdon të joshet me
favoret më të mundshmet nga Brukseli zyrtar. Kjo,
rrethanë, ky fakt, mosndëshkimi ndërkombëtar
Serbisë duket se nuk i shërben urtimit të politikës
shtetërore serbe, por, përkundrazi ashpërsimit
deri në deilirum të çmendurisë politike serbe.
(Autori është shef i Departamentit të
Shkencave Politike në Universitetin e Prishtinës)

[Llapi]

Volker: NATO do të jetë e gatshme të sigurojë stabilitetin dhe funksionimin e institucioneve të Kosovës

Zëdhënësi i Departamentit amerikan të Shtetit për çështjet evropiane dhe evroaziatike, Kurt Voker, ka përsëritur mbështetjen e administratës së kryetarit Bush ndaj transferimit të kompetencave nga UNMIK-u në misionin e BE-së EULEX. Shtetet e Bashkuara të Amerikës do të mbështesin këtë marrëveshje të Brukselit, meqë transferimi i kompetencave është në proces. Me koordinimin e transferimit të kompetencave në EULEX, NATO do të jetë tërësisht e gatshme që të sigurojë stabilitetin, funksionimin e institucioneve të Kosovës dhe lirinë e lëvizjes, për të cilën gjë do të miratohen konkluzionet të veçanta në Samitin e NATO-s, i cili mbahet në fillim të muajit prill në Bukuresht. Volker përsëriti me këtë rast Amerika nuk e pranon opsionin e ndarjes së Kosovës, sepse në një rast të tillë destabilizohen shumë shtete në Ballkan.

[Sabriu]

Volker: NATO do të jetë e gatshme të sigurojë stabilitetin dhe funksionimin e institucioneve të Kosovës

Zëdhënësi i Departamentit amerikan të Shtetit për çështjet evropiane dhe evroaziatike, Kurt Voker, ka përsëritur mbështetjen e administratës së kryetarit Bush ndaj transferimit të kompetencave nga UNMIK-u në misionin e BE-së EULEX. Shtetet e Bashkuara të Amerikës do të mbështesin këtë marrëveshje të Brukselit, meqë transferimi i kompetencave është në proces. Me koordinimin e transferimit të kompetencave në EULEX, NATO do të jetë tërësisht e gatshme që të sigurojë stabilitetin, funksionimin e institucioneve të Kosovës dhe lirinë e lëvizjes, për të cilën gjë do të miratohen konkluzionet të veçanta në Samitin e NATO-s, i cili mbahet në fillim të muajit prill në Bukuresht. Volker përsëriti me këtë rast Amerika nuk e pranon opsionin e ndarjes së Kosovës, sepse në një rast të tillë destabilizohen shumë shtete në Ballkan.

Kjo tregon se sa e "pavarur dhe sovrane" eshte Kosova.

[Llapi]

Kjo tregon se sa e "pavarur dhe sovrane" eshte Kosova.

gabim me doli dy here