Carla Del Ponte: Shqiptaret trafik organesh serbe në 1999

[RTP]

Transplantet, padi Karla del Pontes

Abdulla Katuçi kërkon ndihmën e shtetit për t‘u përballur me ish-kryeprokuroren e Hagës


"Shteti", thotë 74-vjeçari Katuçi, "duhet të më ndihmojë për të hapur padi penale ndaj Del Pontes, jo vetëm thjesht për dëmin e madh moral që i është shkaktuar familjes sime nga kjo akuzë krejt e pavërtetë, por edhe për dëmin e madh që i sjell imazhit të vendit tonë një akuzë e tillë krejt absurde dhe e pabazuar në fakte e prova.

Gazeta Shqip

I lumte.
Po pra,duhet shteti te ndihmoj e te kerkoj nga Carla Del Ponte te kuptoj PSE dhe KU QENDRON POENTA E GJITHE KETYRE PALLAVRAVE?
Pse Carla?

[DYDRINAS]

Takimi Rama-Vukceviç mbi trafikun e organeve njerëzore

Zëri i Amerikës
27-10-2008


Kryeprokurori serb për krimet e luftës, Vladimir Vukçeviç, zhvilloi sot në Shqipëri bisedime me Kryeprokuroren Ina Rama mbi pretendimet që të burgosur serbë të kapur gjatë konfliktit të Kosovës, ishin transferuar në Shqipëri, ku sipas disa njoftimeve u janë marrë dhe shitur organet.

Prokurorja e Përgjithëshme, Rama, bëri prezente gjatë takimit rezultatet e një procesi inspektimi dhe verifikimi të përbashkët nga hetues të ardhur nga Haga dhe nga prokurorët e rrethit të Matit në disa ambiente në zonën e Burrelit. Hetuesit e Hagës së bashku me prokurorët e Matit arritën në konkluzionin se të dhënat që posedonin hetuesit e Hagës për atë që pretendohej se kishte ndodhur në Burrel nuk rezultuan të vërteta.

Gjatë takimit të zhvilluar sot në prokurorinë shqiptare, palës Serbe i është sqaruar pozicioni dhe të drejtat procedurale të prokurorisë Shqiptare në lidhje me veprimet e kërkuara për t'u kryer nga autoritetet serbe në lidhje me këtë çështje.

Hetimi që u hap para disa muajsh, pason pretendimet e ish-kryeprokurores së Gjykatës së Hagës, Karla del Ponte, sipas së cilave mbi 300 të burgosur serbë ishin transferuar në Shqipëri. Zonja Del Ponte shkruan në librin e saj, se të burgosurve iu hoqën organet për t'iu shitur klinikave të huaja, para se të vriteshin. Zyrtarë të gjykatës për krime lufte thanë në prill se një hetim paraprak nuk nxorri ndonjë të dhënë që të mbështeste pretendimet e zonjës del Ponte. (ze)

[Brari]

Vladimir Vukçeviç: "Trafiku i organeve? Shqipëria refuzoi hetimin për arsye politike"
» Dërguar më: 19/11/2008 - 11:17


Lajme te ngjashme
Media, Shqipëria e fundit në Ballkan
• Datë: Oct 23, 2008


Elira Çanga

Shqipëria na ndaloi hetimin për trafikun e organeve të 300 serbëve që u zhdukën gjatë luftës së Kosovës dhe e gjithë kjo ka motive politike". Akuzat vijnë nga prokurori serb për krime lufte, Vladimir Vukçeviç, që vizitoi disa javë më parë Shqipërinë ku mori edhe "Jo"-në zyrtare ndaj kërkesës për hetim. "Përgjigja e Ministrisë së Drejtësisë ishte një pamflet politik, nuk kuptoj pse Tirana refuzon hetimin për zgjidhjen e një çështjeje kaq delikate", thekson ai. Në një intervistë ekskluzive për "Gazetën Shqiptare", Vukçeviç zbulon detajet e dosjes serbe për trafikun e organeve dhe akuzon Tiranën zyrtare për dhënien e urdhrave për zhdukje të dokumentacionit. Ai deklaron se Beogradi do të vijojë hetimin e çështjes dhe se do ta paraqesë atë edhe në institucionet ndërkombëtare të drejtësisë.

Z.Vukçeviç, çfarë biseduat me Prokuroren e Përgjithshme të Shqipërisë, Ina Rama, gjatë vizitës suaj në Tiranë?
Takimi ynë u zhvillua si rezultat i përpjekjeve për të vendosur bashkëpunimin dypalësh dhe rajonal mes zyrave të prokurorisë, në përputhje me marrëveshjen e nënshkruar nga autoritetet e prokurorisë shqiptare dhe asaj serbe në vitin 2005. Ne diskutuam për mënyrat e mundshme të bashkëpunimit në lidhje me dosjen në 33/08, "Trafikimi i organeve të serbëve gjatë luftës së Kosovës". Përshtypja ime ishte pozitive, pasi unë e konsideroj zonjën Rama një profesioniste.
Media njoftoi se ju nuk arritët të siguronit bashkëpunimin e plotë të Shqipërisë në lidhje me hetimin e trafikut të organeve. Çfarë kërkuat konkretisht?
Ne jemi në kërkim të 300 serbëve të zhdukur dhe individëve të tjerë jo shqiptarë, që sipas informative tona, janë zhdukur në veri të Shqipërisë pas konfliktit të armatosur mes NATO-s dhe Serbisë e Malit të Zi. Një pjesë e tyre përfundoi në qendrat mjekësore ilegale dhe ka dyshime se këta persona u janë nënshtruar ndërhyrjeve kirurgjikale të paligjshme dhe të detyruara.
Sipas mendimit tuaj, pse zonja Rama e refuzoi hetimin tuaj për këtë çështje?
Ajo tha se hetimi kishte përfunduar në vitin 2005, pa i marrë parasysh dokumentet që ne i paraqitëm asaj me këtë rast. Ajo paraqiti përgjigjen e ministrisë përkatëse, që datonte më 13 tetor 2008, që ende nuk ka mbërritur në Ministrinë tonë të Drejtësisë. Ky dokument përcakton se Shqipëria nuk ka asnjë qëllim që të bashkëpunojë me hetuesit apo autoritetet tona.
Çfarë informacioni keni në dosjen tuaj lidhur me trafikun e organeve?
Kemi material të mjaftueshëm për të kryer një hetim serioz.
Çfarë lloj provash zotëroni? Është e vërtetë se provat tuaja vijnë nga informatat e siguruara nga media?
Nuk është e vërtetë; duhet të kemi parasysh se hetimi ynë ka nisur në maj 2008. Unë jam prokuror që prej 33 vitesh, ndaj më besoni, mund ta bëj diferencën mes provave dhe raporteve që vijnë nga media.
Çfarë informatash keni atëherë në lidhje me "shtëpinë e verdhë" në Burrel, vendi ku mendohet se janë kryer transplantet e organeve?
Ne kemi dokumente nga terreni. Nëse e krahasoni raportin mjekoligjor të lëshuar nga UNMIK-u dhe deklaratat e bëra nga prokuroria shqiptare, do ta shihni se ka diçka që nuk shkon. Nëse i shtoni atyre edhe deklaratat e banorëve të zonës lidhur me të ashtuquajturën "shtëpia e verdhë", atëherë do ta kuptoni se diçka e rëndë ka ndodhur atje - diçka domethënëse për sa i përket procedurave kriminale. Nuk shoh asnjë arsye pse kolegët nga Shqipëria nuk duhet të nisin një hetim dhe mendoj se e vërteta për krimet e luftës është e nevojshme për të dyja palët.
A mendoni se refuzimi i autoriteteve shqiptare për të bashkëpunuar ka motive politike?
Fatkeqësisht mendoj kështu - përgjigja e Ministrisë shqiptare të Drejtësisë është një pamflet politik.
Sipas mendimit tuaj, si do të ndikojë kjo çështje në marrëdhëniet mes Beogradit dhe Tiranës?
Jam një njeri që dua të vendos bashkëpunim dhe urat e miqësisë dhe jo të krijoj armiq. Ne u detyrohemi familjeve të viktimave për përgjigjet. Mendoj se dy vende demokratike si Shqipëria dhe Serbia, do të duhet të bashkëpunojnë për rastet kriminale nëpërmjet institucioneve të tyre, pavarësisht nga qëndrimet politike.
Unë nuk shoh vend për përfshirje politike, vetëm nevojën për të mësuar të vërtetën dhe për të vendosur drejtësinë në vend.
Pavarësisht nga refuzimi i bashkëpunimit nga Shqipëria, a do të nisni hetimet tuaja?
Hetimi zgjat pak, po ashtu si dhe transferimi në institucionet ndërkombëtare që janë të interesuara për këtë çështje. Unë mendoja se në fillim ishte më mirë t'i drejtoheshim prokurorisë shqiptare për këtë. Hetimi është i mundur vetëm me marrëveshjen e kolegëve nga Shqipëria. Por ne kemi mënyra të tjera në dispozicion, që janë më pak të këndshme dhe më të ndërlikuara si për Shqipërinë ashtu dhe për ne. Unë do të doja të vija në dukje një fakt: zyra e Prokurorisë së Krimeve të Luftës në Beograd, në krye të së cilës unë jam ka paraqitur akuza ndaj kriminelëve serbë të luftës që kanë kryer krime kundër civilëve shqiptarë të pafajshëm në vitin 1999. Deri tani kemi ngritur akuza ndaj 17 policëve serbë, mes të cilëve edhe atyre të rangut të lartë. Kjo është arsyeja pse ne shpesh jemi vënë në shënjestrën e politikanëve nacionalistë dhe fraksioneve radikale.
Ju keni akuzuar direkt Kryeministrin shqiptar për dhënien e urdhrave për zhdukjen e dokumentacionin lidhur me çështjen, nën ndikimin e ish-kryeministrit të Kosovës, Ramush Haradinaj. Ku bazohen akuzat tuaja?
Ne bazohemi te transkriptet e takimeve të zhvilluara në Tiranë më 15 shtator 2008, kur Ramush Haradinaj erdhi vetëm në Shqipëri për të takuar zyrtarët shqiptarë dhe princin Leka, me të cilin bashkëshortja e tij ka një lidhje familjare. Vizita e tij erdhi menjëherë pas lajmit se prokurori serb për Krime Lufte do të vizitonte Shqipërinë. Bazohemi edhe të llogaritë bankare në disa vende të huaja, që janë shumë interesante, dhe kishin si qëllim kryerjen e pagesave në lidhje me këtë çështje. FBI-ja amerikane zbuloi llogarinë e parë bankare që është e lidhur direkt me Haradinajn, ndërsa ata po kërkonin personat e lidhur me financimin e akteve terroriste. Llogaria ndodhet në bankën Dardania në Tiranë. Ne kemi edhe informata për veprime "spastrimi" në zonën e Shqipërisë veriore.
Si e shihni vijimësinë e hetimit? A do t'i drejtoheni për këtë Gjykatës Ndërkombëtare të Drejtësisë?
Unë mendoj se subjektet më të rëndësishme ndërkombëtare do të merren me këtë çështje në periudhën që do të vijojë. Në zemër të Europës, pas luftës, zhduken rreth 500 persona. Mendoni se kjo duhet të mbetet një çështje e pazgjidhur?

gazeta shqiptare

[Brari]

moderator.. po e gjete temen per kte teme.. bashkoja asaj teme e fshije kte si tem te re..


BalkanWeb.com

URL: http://www.balkanweb.com/index.php?id=31546

Mat, protesta ndaj akuzave te Del Pontes


(Dërguar më: 27/12/08) Protesta në Gurre te Matit kunder akuzave te Karla Del Pontes per transplante te supozuara organesh ne nje shtepi te fshatit Rripe. Megjithe temperaturat e uleta dhe deboren, qindra banore nga fshatra te ndryshem jane mbledhur perpara shtepise se familjes Katuci duke i konsideruar akuzat e ish- kryeprokurores se Hages nje fyerje per gjithe zonen e tyre. Ne proteste ka marre pjese deputeti i zones Qemal Minxhozi nderkohe qe jane hedhur parrulla kunder Del Pontes e Milloshevicit duke kerkuar drejtesi per shpifjet.

MAT- Qindra matjane kane vendosur te mblidhen e te protestojne publikisht ndaj akuzave te hedhura prej ish kryeprokurores se Hages Karla Del Ponte e qe jane perseritur kohet e fundit nga media e zyrtare serbe, se ne nje shtepi te fshatit Rripe ne komunen e Gures jane mbajtur rober serbe gjate kohes se konfliktit te Kosoves e mbi ta jane kryer tortura deri dhe transplante organesh. Mbi 300 banore nga zona te ndryshme te Matit jane mbledhur perpara shtepise se Abdulla Katucit, pikerisht shtepia e perfolur ne librin e kujtimeve te Del Pontes. Ne proteste ka marre pjese deputeti i zones Qemal Minxhozi nderkohe qe jane hedhur parrulla kunder Del Pontes e Milloshevicit duke kerkuar drejtesi per shpifjet.
Ne hetimet e zhvilluara deri tani ne lidhje me akuzat e Del Pontes, asnjehere nuk eshte konfirmuar ndonje nga dyshimet qe ngriti teza e ish-kryeprokurores.
Reshjet e vazhduara te debores ne prefekturen e Dibres po mbajne te angazhuar shtabin e emergjencave civile. Trashesia e debores ne zonat malore i ka kaluar 25 cm, por siaps prefektit Xhaferr Seiti deri nuk ka fshatra te bllokuar. Megjithate probleme serioze paraqiten ne rrugen nacionale, sidomos ne segmentin qe pershkon rrethin e bulqizes ku levizja pa zinxhire ehste e pamundur. Ne komunat e thella si Lure, Kala e Dodes, Ostren, Macukull, Xiber etj gjendja paraqitet gjithashtu e renduar si pasoje e motit.

(a.r/news24/balkanweb)