PD pas Gerdecit..

[Duaje Siveten]

sipas logjikes dragutiane, duhet patjeter te jesh dora e dikuj qe te maresh pjese ne forum ... dhe nga sa merret vesh, perkatesia e dragut-it do te jete dosmosdoshmerisht i klanit kapo-gjoni-kondi, te ciles me aq besnikeri te shkelqyer i sherben laboranti i urines se hysniut ...

sigurisht jam komplet per mendimin se ekstremet puqen edhe kozmopolitisht, nisur nga foto qe aq vendosmerisht ka postuar vetull ngrysuri poshte emrit ... ne papershtatshmeri qe te vendose nje her per nje here fotografine e enverit ose te hysniut ...

ndjehem pakufizimisht mirenjohes qe draguti nuk eshte moderator, se ndryshe do te merrte masa historiko-herkuliane, jo vetem duke fshire postime, por edhe duke me ndjekur nje here e pergjithmone nga forumi ...

kam bindjen e patundur, eshte ne misionin tim etik qe te mos besoj se draguti eshte alias i ndonje administratori ...

[Duaje Siveten]

Shekulli Thu, 29 May 2008

Revansh hakmarrës

Nga Arben Rrozhani

Lidershipi i PD-së prej mëse shtatë javësh është futur në një betejë mediatike, me të gjithë zërat kundër, duke i shndërruar ato në sulme të egra dhe që të kujtojnë frymën e qeverisjes së parë të saj në mesin e viteve ’90. Në qendër të sulmeve është vënë media vendase, e cila pas tragjedisë së Gërdecit, përpos pasqyrimit të ngjarjes, ka ngulmuar edhe ndëshkimin e fajtorëve të krimit qeveritar.

Sulmet nuk kanë përjashtuar as shoqërinë civile, e cila i është bashkuar pushtetit të katërt, duke kërkuar edhe sensibilizimin e komunitetit ndërkombëtar për pasojat që do të ketë vijimi i kësaj mënyre qeverisjeje në Shqipëri, për të sotmen dhe të ardhmen e vendit, që sheh drejt anëtarësimit në NATO dhe marrjes së ftesës si vend kandidat për në Bashkimin Europian.

Retorika agresive dhe jonjerëzore që PD-ja e drejtuar nga z.Berisha përdori tre ditët e fundit për mediat, vetëm mori shkas nga vdekja aksidentale e manjatit të medias, Dritan Hoxha. Por në thelb, është shprehje e vrerit të akumuluar shtatë javët e fundit, kur mediat kritike ndaj qeverisjes, po venë në dukje kancerin që po gërryen qeverisjen vertikale të PD-së, e cila zbaton verbërisht direktivat politike të një individi të paaftë për të prodhuar sukses dhe të vënë poshtë nga pesha e dhjetëra mashtrimeve elektorale, që do mjaftonin për t’i hequr vizën në çdo vend normal të planetit.

Më 19 mars 2008, vetëm 4 ditë pas tragjedisë së përgatitur nën kujdesin e autoriteteve shtetërore në Gërdec, Kryeministri i quajti mercenarë reporterët që raportonin nga zona e shpërthimit, që mblidhnin qindra dëshmi që vinin me shpatulla për muri kabinetin qeverisës dhe të gjitha ministritë e linjës apo agjencitë e tij.

Në fakt media, duke u bazuar në sjelljen e pastragjedisë, pa dashje kishte bërë edhe parashikimin që nuk kishte mundur ta bënte as më vizionari në PD: se ashtu si beteja më e mirë është sulmi, qeveria e z.Berisha do të përdorte kartën e marrjes së ftesës për anëtarësim në NATO, për të nxjerrë dhëmbët si qeverisje që punon për integrimin e vendit në strukturat Euroatlantike; se pas angazhimit fillestar, ashtu siç bën krimineli për të rregulluar vendin ku ka kryer krimin, qeveria do të linte viktimat e Gërdecit jetime në tragjedinë që u kish ardhur nga qeveria; se pësimi nga masakra e Gërdecit nuk do të bëhej mësim për autoritetet shtetërore, që të bënin kthesë në keqqeverisjen e ofruar për shqiptarët para 15 marsit 2008 dhe, së fundi, se qeveria do të jepte shembuj konkretë për seriozitetin që duhet të ketë në marrëdhëniet me vendet që i kanë ndenjur afër Shqipërisë.

Për fatin e keq të qeverisë së z.Berisha, hamendësimet e medias shqiptare pak javë më parë, sot janë realiteti që i errëson sytë piramidës qeverisëse. Ditët e fundit, kryeministri është sulur të presë shirita përurimesh në disa vepra publike, që janë investime të pushtetit vendor, për të ngritur lart vizonin e kabinetit qeverisës.

Por krateri i Gërdecit, vepra më antipublike që një qeveri mund t’u bëjë shtetasve të vet, është ende në gjendjen e 15 marsit. Në mënyrë ironike, Shqipëria ka dërguar një kompani demontimi municionesh në Bosnje, por nuk ka një plan shqiptar për pastrimin e zonës së kthyer në një rrezik vdekjeje. Mijëra të pastrehë janë në mëshirë të ndihmave qeveritare, pa të cilat nuk mund të nisin rindërtimin e banesave. Qindra biznese të shkatërruara presin gjithashtu lëmoshën qeverisëse për të dalë nga kolapsi.

Por fakti më domethënës që ka denoncuar media që sulmohet sot, është shmangia e objektit të diskutimit që nuk mund të mbyllet: vonesa me sa është e mundur e çuarjes para drejtësisë të atyre që gatitën krimin në Gërdec. Në pararojë është Kryeministri, i cili edhe shtatë javë pas krimit qeveritar ende nuk i është përgjigjur kërkesës së deputetëve të opozitës dhe opinionit publik pas tyre, se cili ishte roli i tij në biznesin qeveritar të municioneve.

Kryetarja e Kuvendit prej shumë ditësh po zgjat vizitën në Bruksel, në një tentativë që përkthehet në Tiranë si lodhje in extremis të atyre që ngulmojnë në heqjen e mandatit të deputetit Mediu, ministër Mbrojtjeje në kohën e Gërdecit, duke sfiduar hapur autoritetin e Prokurorisë së Përgjithshme.

Aspekti tjetër dëshpërues që vetëdenoncon qeverinë është status-quoja në mënyrën e bërjes së qeverisjes në vend, me të njëjtën frymë dhe me të njëjtën mënyrë si prej shtatorit 2005 kur u mandatua kabineti qeverisës. Është më e madhe rrumpalla mes aleatëve në qeverisje që kontrollojnë dikastere të rëndësishme, falë formulës së votave në Kuvend që përbëjnë shumicën e brishtë parlamentare, se sa zbatimi në praktikë i premtimeve elektorale të dhëna tre vite më parë.

Mediat vijojnë të denoncojnë gërdecizimin e ekonomisë dhe të shoqërisë shqiptare, pasojat e të cilës do të ishin shumë më të rënda dhe me pasoja të pariparueshme për vendin. Pikërisht, nxjerrja lakuriq e “mbretit” aktual të pushteteve në Shqipëri, reflektohet në kundërsulmin e javëve të fundit, i cili nuk e shpëton qeverisjen nga llumi ku është zhytur, por vetëm e fundos atë edhe më thellë.

Dhe ky nuk është faji i pushtetit të katër, por i pushtetit të papërgjegjshëm që është ulur këmbëkryq në lidershipin e PD-së.

[juanito02]

PD para dhe pas Gerdecit qe edhe eshte nje bande kusaresh te pacipe e te paskrupullt qe beri e qe po ben namin. Ska sipas mendimit tim perkufizim tjeter per kete organizem qe as parti smund te quhet.
Edhe ata pak burra te mire qe ka o jane lene jashte loje o si ndihet zeri fare.