Qeveria dhe vendimet per rimekembjen e zones pas tragjedise

[DYDRINAS]

Kryeministri Berisha: Bizneset e dëmtuara nga tragjedia e Gërdecit, do të rimbursohen për dëmet e pësuara


Kryeministri Berisha tha sot, gjatë mbledhjes së Këshillit të Ministrave, se bizneset e dëmtuara nga shpërthimi në Gërdec do të rimbursohen për dëmet e pësuara. “Një problem të veçantë përbëjnë bizneset që duhet të rindërtohen me shpejtësinë më të madhe,” u shpreh kryeministri.



Kryeministri Berisha bëri të ditur se Ministria e Financave dhe organet tatimore kanë përpunuar skemën e përllogaritjes së dëmit për biznesit, duke u bazuar në investimet e deklaruara prej tyre.



“Organet tatimore dhe Ministria e Financave kanë përpunuar dje skemën e përllogaritjes së dëmit për biznesit, duke u bazuar në investimet e deklaruara të tyre dhe do t’u disbursohet shuma e humbur për ngritjen sa më shpejt të bizneseve të tyre. Disa prej tyre kanë qenë të siguruar dhe kompanitë e sigurimeve kanë dëshmuar gatishmëri të plotë për t’iu përgjigjur detyrimeve që rrjedhin nga sigurimi,” tha Kryeministri, duke siguruar se qeveria do të bëjë çdo përpjekje për rindërtimin sa më të shpejtë të kësaj zone thellësisht të traumatizuar.

19/03/2008

[DYDRINAS]

Qeveria do t'u lidhë pension familjeve të viktimave të tragjedisë së Gërdecit


- Familjeve me shtëpi të pabanuara do t’u jepen 50 mijë lekë për frymë



Këshilli i Ministrave do t'u akordojë dhënien e pensionit familjeve të viktimave nga tragjedia në Gërdec. Vendimi, i propozuar nga Kryeministri Berisha, synon t’u vijë në ndihmë dhe lehtësojë jetën këtyre familjeve, pas humbjes së familjarëve të tyre në këtë tragjedi.



“Sot, i propozoj qeverisë që familjeve të viktimave t’u lidhet pension për të humburit e tyre njëlloj si për ata që bien në detyrë. Kjo është e domosdoshme në mënyrë që, të paktën materialisht, të mund t’u lehtësojmë atyre jetën.”



Gjithashtu, Këshilli i Ministrave vendosi t’u japë familjeve me shtëpi të pabanuara një shumë prej 50 mijë lekë (të reja) për frymë. Kryeministri Berisha tha se kjo shumë do të shkojë për familjet që gjenden në kushte të veçanta.



“I kam kërkuar Ministrisë së Financave të miratojmë sot një vendim, me të cilin t’u japim familjeve me shtëpi të pabanuara një shumë prej 50 mijë lekë (të reja) për frymë, sepse ata, duke mos qenë në shtëpitë e tyre, kanë probleme dhe janë në kushte të veçanta. Në tërësi, si mesatare kjo përbën rreth 2 milion lekë (të vjetra) për familje. Kjo masë merret për të lehtësuar situatën e veçantë, në të cilën ata ndodhen,” u shpreh Kryeministri.



Dy ditë më parë, Këshilli i Ministrave, për t’i ardhur në ndihmë familjeve të viktimave, miratoi vendimin për akordimin e një ndihme financiare prej 2 milion lekë (të reja) këtyre familjeve.

19/03/2008

[DYDRINAS]

Kryeministri Berisha: Shumë shpejt do të nisë rimbursimi financiar për dëmet e pësuara


Kryeministri Berisha tha se, pas përfundimit të procesit të vlerësimit të dëmeve, do të nisë rimbursimi financiar i familjeve për dëmet e pësuara.



“Ne do t’i rimbursojmë kryefamiljarët e familjeve të dëmtuara për të gjitha dëmet. Sapo të përfundoi vlerësimi, Ministria e Financave po bën gati vendimin dhe skemën e disbursimit të shumave për çdo familje, në përputhje me dëmin që ka pësuar”.



Kryeministri tha se në komunikim të autoriteteve vendore të bashkisë Vorë me banorët, si mënyra më e mirë e rimbursimit shihet akordimi direkt i fondit të lekëve familjeve për ndërtimin e shtëpive të tyre.



“Kryetari i bashkisë Vorë, së bashku me kryepleqtë e fshatrave të zonës, - tha Kryeministri - kanë bërë takime të gjëra komunitare dhe po predominon mendimi se mënyra më e mirë për të riparuar është akordimi direkt i fondeve të lekëve familjeve për të ndërtuar shtëpinë e tyre. Kjo mund të jetë edhe mënyra më e shpejtë.”



Kryeministri falënderoi firmat ndërtuese, të cilat kanë shprehur gatishmërinë për të kontribuar në ndërtimin e shtëpive, duke i ftuar që këtë ndihmë t’ua ofrojnë direkt banorëve të kësaj zone.



“Kompani ndërtimi kanë treguar gatishmëri për të dhënë kontributin e tyre, për të ndërtuar vetëm me lekët e kostos. Unë i falënderoj për ofertat që kanë bërë, por i ftoj që këto oferta t’ua bëjnë, nëpërmjet përfaqësuesve të komunitetit, banorëve të zonës, të cilët sipas rastit mund t’i pranojnë ose jo.”



Duke informuar mbi ecurinë e procesit të vlerësimit të dëmeve, Kryeministri bëri të ditur se dje kanë operuar 40 grupe vlerësimi, të cilët kanë bërë vlerësimin e 1300 banesave dhe pritet që ky proces të përfundojë shumë shpejt.



“Ekipet, me të gjitha mjetet e domosdoshme për vlerësimin më të saktë, kanë bërë vetëm dje vlerësimin e 1300 banesave, deri tani kryesisht me punonjës të prefekturës dhe të bashkisë. Ata kanë bërë vlerësimin, së bashku me të zotët e shtëpive, të cilët në fund të vlerësimit nuk kanë shprehur asnjë vërejtje dhe kanë firmosur të gjithë dokumentin që identifikonte dëmin material në banesën e tyre. Sot ose nesër përfundon vlerësimi i plotë i dëmit.”



Kryeministri falënderoi dhe përgëzoi të gjithë punonjësit dhe ekspertët e përfshirë në këtë proces, për punën e shkëlqyer që kanë bërë deri tani.



19/03/2008

[DYDRINAS]

Kryeministri Berisha viziton familjen Deliu të prekur nga tragjedia e Gërdecit


Kryeministri Berisha vizitoi sot paradite familjen Deliu, e cila humbi tre pjesëtarë në tragjedinë e Gërdecit. Kryeministri u shprehu familjarëve ngushëllimet më të sinqerta, për humbjen e rëndë të njerëzve më të dashur, shtëpia e të cilëve ndodhej shume pranë vendit të shpërthimit.

Kryeministri siguroi se qeveria ashtu siç ka informuar gjatë këtyre ditëve, do të ndërmarrë të gjitha masat për dëmshpërblimin deri në imtësi të të gjitha dëmeve të shkaktuara. Deri tani, u shpreh Kryeministri grupet e punës kanë bërë vlerësimin e shumë objekteve dhe pas këtij vlerësimi, do të shpërndahen fondet që do të përcaktohen për çdo familje, sipas dëmeve të pësuara.

Gjithashtu, Kryeministri u shpreh se janë të shumta kompanitë e ndërtimit që kanë shfaqur dëshirën për kontribuar në ndihmë të këtyre banorëve, nëpërmjet ndërtimit të shtëpive vetëm me vlerën e kostos. Por, kryeministri garantoi se qeveria do të shohë mundësinë më të mirë për dëmshpërblim, në interes të qytetarëve.



Ndër të tjera, kryeministri siguroi se qeveria është e vendosur për zbardhjen deri në fund të kësaj çështjeje dhe nxjerrjen në dritë të përgjegjësive, nëpërmjet një procesi të drejtë dhe transparent.



Duke shprehur dhimbjen e thellë për humbjen e njerëzve më të dashur, familjarët falënderuan Kryeministrin për vizitën dhe për angazhimin e tij personal dhe të qeverisë në përballimin dhe lehtësimin e fatkeqësisë së tyre. Ata shprehën besimin se qeveria do të mbajë premtimet e dhëna, lidhur me ndërtimin e shtëpive dhe kompensimin e të gjitha dëmeve të shkaktuara nga shpërthimet.

19/03/2008

[DYDRINAS]

Kryeministri kërkon masa energjike për kujdesin ndaj fëmijëve dhe stabilizimin e shkollave


Gjatë mbledhjes së sotme të Këshillit të Ministrave, Kryeministri Berisha kërkoi nga Ministria e Punës dhe Çështjeve Sociale të marrë masa energjike për të siguruar përkujdesjen më të madhe për fëmijët dhe të moshuarit e familjeve të prekura nga tragjedia e Gërdecit.



“Ministria e Punës dhe Çështjeve Sociale, në rast se është e nevojshme, të improvizojë kopshte ditore apo javore, si të jetë më e mirë për banoret, fëmijët e tjerë, të cilët për shkak të humbjes së familjarëve kanë mbetur të vetmuar apo gjysmë të vetmuar, të merren në qendrën e kujdesit të fëmijëve. Të moshuarit, të cilët kanë humbur mbështetjen, të sistemohen në shtëpitë e kujdesit për të moshuar. Veprimi duhet të jetë energjik,” u shpreh Kryeministri.



Ndërkohë, Ministria e Arsimit duhet të fillojë planin e masave për stabilizimin e shkollave. Për këtë, tha Kryeministri, do të përdoren fonde nga buxheti dhe donacione të huaja.

19/03/2008

[DYDRINAS]

Kryeministri Berisha: Solidaritet dhe menaxhim si asnjëherë më parë në raste fatkeqësish


Në mbledhjen e sotme të këshillit të Ministrave, Kryeministri Berisha bëri një bilanc të gjendjes së deritanishme pas tragjedisë së Gërdecit, si dhe të masave emergjente që po ndërmerren në vazhdimësi nga qeveria për përballimin e situatës.

“Qeveria ka funksionuar 'non stop', ka marrë disa vendime me qarkullim dhe ka ndjekur në mënyrë të përminutshme situatën. Në operacione kërkim-shpëtimi, në operacione ndihme emergjence, në operacione vlerësime të dëmit, janë mobilizuar mijëra e mijëra qytetarë, specialistë, mjekë infermierë, ushtarakë, forca të ndërhyrjes së shpejtë, oficerë policie, ekspertë të kërkimit- shpëtimit të minierave.” u shpreh Kryeministri.



Duke falënderuar ekipet e punës, të cilat po punojnë me kurajë dhe përkushtim për pastrimin e territorit dhe bërjen e tij sa më të sigurtë, Kryeministri theksoi se kjo fatkeqësi nxori në pah solidaritetin më të madh kombëtar dhe shënoi menaxhimin më të përgjegjshëm të çdo krize apo fatkeqësie të ndodhur më parë.

“Dua të falënderoj të gjithë ata, të cilët me përkushtim të madh punuan dhe vazhdojnë të punojnë, sepse sot, kishin shkuar larg e ishin përhapura në fshatra rreth 130 predha topi të pa eksploduar dhe mund të ketë e të tjera. Në këto kushte, nuk u mor parasysh asnjë rrezik, por u tejkaluan të gjitha me përkushtim e guxim për t'u vendosur situata nën kontroll e për t'u dominuar. “Kjo javë shënoi solidaritetin më të madh dhe menaxhimin më të përgjegjshëm të çdo krize a fatkeqësie tjetër më parë.” tha kryeministri.



Kryeministri theksoi se një solidaritet i jashtëzakonshëm u dëshmua tek qytetarët brenda dhe jashtë vendit, të cilët ofruan kontributin e tyre, në dhurimin e gjakut si dhe kontribute të tjera materiale për tu ardhur në ndihmë të prekurve nga fatkeqësia. Gjithashtu, kryeministri shprehu mirënjohjen për ndihmën dhe mbështetjen e dhënë nga vendet mike dhe fqinje. “Qytetarë nga të gjitha zonat e vendit, nga Kosova e Maqedonia, zyrtarë e qytetarë, dëshmuan në këtë periudhë përkushtimin maksimal, sesi të mund të kontribuonin duke dhuruar gjak apo në mënyrë materiale dhe t'u shprehnin solidaritetin banorëve të bashkisë së Vorës dhe shqiptarëve në tërësi. Solidaritet të jashtëzakonshëm kanë dëshmuar edhe vendet mike, fqinj, të cilave u jemi shumë mirënjohës.” Tha kryeministri.



Kryeministri informoi se një punë intensive po kryhet nga ekspertët shqiptarë në bashkëpunim edhe me ata amerikanë për identifikimin e viktimave të karbonizuara, nëpërmjet analizave të AND-së.



Ndër të tjera, Kryeministri vlerësoi qëndrimin dinjitoz të qytetarëve dhe qeveritarëve të Vorës, të cilët dëshmuan fisnikëri , përkushtim dhe përgjegjësi të lartë qytetare në përballimin e situatës së krijuar. “Qytetarët dhe qeveritarët, me gjithë dramën e thellë që kanë përjetuar, kanë dëshmuar fisnikëri, përkushtim, përgjegjësi të lartë qytetare dhe kanë dhënë një kontribut të madh në zvogëlimin e kapërcimin e pasojave të kësaj fatkeqësie.”



Duke e cilësuar gjendjen e krijuar një situatë lufte për institucionet shëndetësore, Kryeministri vlerësoi mobilizimin e punonjësve të shëndetësisë në spitalet e Tiranës, Durrësit dhe Krujës, të cilët demonstruan përkushtim dhe gatishmëri të plotë në shërbimin ndaj të lënduarve.





19/03/2008

[Brari]

Prokuroria e Tiranes i kërkoi SHBA-ve bashkëpunim për të kryer një hetim të plotë ndaj kompanisë amerikane Southern Ammunition Company, (SAC) e cila nënshkroi vitin e kaluar me Ministrinë e Mbrojtjes, një kontrastë prej 2 milion 200 mijë dollarë për çmontimin dhe shkatërrimin e municioneve të vjetra , të grumbulluara në Gërdec të Vorës.


..thoshte nje lajm aty diku ne temat gerdec-ore..

..


cpaskan qene te zote per tenderzime keta.. qeratallaret e saliut..
skan turp..

ka nja 20 vjet qe leh i ngrati besnik alibali a si e ka ai ushtaraku shkodran i cminimeve..
pa lek fare ka punuar ai e shoket e tij per cminimin e vendeve me rreziqe..

ki m.uti kollarexhiu i saliut medi matrapazi.. ben kontrata me miljona dallers..e qe kuptohet tani.. per ti futur gjismat neper xhepat e tyre..

ju dha vota nga fukarenjte qe te ndryshojne .. keta pisa ca gjera.. pra ti bejne punet ndryshe nga hamshoret e ps-se.. mirpo ja cna del..

hajdute te paskrupiullt po na dalin nga te kater anet..

tallen me lekun e popullit si te qe zhavor lumi.. e leshterik deti..

te gjithe zyrtaret qe nga 1990 e ketej duhen kaluar ne bir te gjylperes..pa perjashtim..

deri per kollaret tu kerkohet hesap.. ku e bleve..ku e ke faturen.. sa e bleve..si te dolli rroga se..aq her je par ne sheraton..aq here ne llogara.. ku ke ngren ke pir aq e kaq shishe vere e aq e kaq sahana me berxolla e karkaleca te pjekur..
ku e gjeti x familjar i yti mercedesin.. po shpin si e bere..po armanin ku e bleve..pa na sill faturen..
vetem keshtu do tu a fuse ki popull k.oqet ne bige ketyre hijenave.. majtas e djathtas..

e votuam saliun me mendimin se do te dije.. dhe 1 lekshin e popullit ta hedhe me pergjegjsi e dhimbsuri..
jo keshtu jo keshtu..

te ike saliu.. e mir ti behet.. se ska gje ne terezi..

ne se eshte e vertete se ki shkelzeni i saliut eshte pare sheratonave sic thote kastro zisua me deliun jorgj e mediun matrapaz.. athere.. ben muuuuuuuuuuuuu.. qe .. berisha smund te pastroje shqiperine nga mafia se e paska mafien ne familje..

ska me iluzione per keta pisa qe.. dezarmojne predhat me katundare..

ky fakt flet shume..

aq shum sa ska ku shkon me..

[DYDRINAS]

Zevendës ministri i financave z. Sherefedin Shehu shpjegon masat per mbeshtetjen financiare te qeverise per ngjarjen e Gerdecit

Zëvëndës ministri i Financave z. Sherefedin Shehu i shpjegoi sot medias masat për mbështetjen financiare që po ndërmerrr qeveria për ngjarjen e Gërdecit. Sipas zv ministrit shpenzimet e përkohshme të akomodimit të familjeve të prekura po përballohen nga fondet e emergjencës civile që kanë qenë të miratuara në buxhetin e shtetit dhe administrohen nga Ministria e Brendshme.

“Ndërkohë ministria e Financave po përgatitet për të gjetur burimet e nevojshme financiare që do të përdoren për kompensimin e të prekurve nga tragjedia. Përvec fondit të emergjecës do të përdoret fondi rezervë i Këshillit të Ministrave dhe fondi i kontigjencës i cili në buxhetin e shtetit është për të përballuar risqe të ndryshme në procesin e zbatimit të tij. Në total është një shumë prej 6 miliard lekësh, që nga vlerësimet paraprake mendojmë se do të mjaftojnë për të përballuar situatën” – ka thënë z. Shehu.

Megjithatë zëvendësministri tha se kësaj shume pritet t’i shtohen dhe donacione të shteteve të ndryshme dhe organizmave të rëndësishme financiare me të cilat Shqipëria ka marrëdhënie dhe u ka kërkuar ndihmë. Qeveria ka bërë sensibilizimin e tyre dhe ka marrë përgjigje pozitive – ka njoftuar zëvendësministri.

Një tjetër element i rëndësishëm është ndihma që do japin qytetarët dhe biznese të ndryshme në numrat e llogarive të qeverisë që nga sot janë të hapura në të gjitha bankat e nivelit të dytë. “Kjo do të thotë që të gjithë individët kudo që janë mund të derdhin kontributin e tyre në cdo rreth të Shqipërisë apo dhe jashtë vendit. Të gjithë kontributet që do të derdhen në këto llogari do të menaxhohen nga sistemi i thesarit në një llogari të përqendruar në Bankën e Shqipërisë. Përsa i përket përdorimit të kontributeve, ndihmat do të bashkohen me fondet e qeverisë shqiptare dhe përdorimi i tyre do të bazohet në procedura të shkruara, do të jetë transparent, i hapur dhe do të përfshijë edhe përfaqësues të palës së dëmtuar.”

Ndërkohë zv.ministri ka bërë thirrje që në këtë proces të jenë të bashkuar qeveria dhe grupet e biznesit që kanë shprehur ndjeshmërinë e tyre për këtë ngjarje “Qeveria po hap numra llogarie në të gjitha bankat dhe ne do të ftonim cdo biznes apo grup biznesesh që t’i kanalizojë ndihmat nëpërmejt qeverisë me qëllim që të përfshihen në një program unik, sepse qeveria pavarësisht nga fajet dhe fajtorët ka marrë përsipër kompensimin 100 % të dëmeve në këtë zonë”. Ndërkohë zëvendësministri ka ritheksuar se cdo informacion do të jetë lehtësisht i kontrollueshëm dhe tërësisht transparent dhe pjesmarrje të përfaqësuesve të donatorëve dhe të dëmtuarve në procesin e vendimarrrjes për kompensimin.

I pyetur nga media për kompensimin e biznesit, z. Shehu ka siguruar se “Bizneset do të kenë prioriet pasi në konceptin tonë, bizneset do të ndihmojnë në zbutjen e situatës sidomos të punësimit në këto zona. Por hapi i parë do të jetë vlerësimi i dëmeve, i cili do të bëhet me përparësi tek biznesi i dëmtuar.”

Nga ana tjetër zv ministri ka ftuar të gjithë median elektronike dhe atë të shkruar që të ndihmojë në procesin e publikimit të numrave të llogarisë që qeveria ka hapur si “"NDIHMA PER TE PREKURIT, NGJARJA NE GERDEC"”.



Nurmat e llogarisë që qeveria ka hapur në bankat e nivelit të dytë i gjeni të publikuara në faqen e internetit të Ministrisë së financave në adresën www.minfin.gov.al

[DYDRINAS]

Kryeministri Berisha: Qeveria do të kompensojë të gjithë dëmin e shkaktuar nga fatkeqësia në Gërdec




Kryeministri Berisha zhvilloi sot pasdite një takim me Shtabin e Emergjencës pranë Bashkisë së Vorës. Kryeministri u interesua për ecurinë e operacionit të kërkim shpëtimit dhe të pastrimit të terrenit nga predhat, si dhe për sigurinë atje.



Kryeministri kërkoi shpejtimin e punës nga forcat e angazhuara për kërkimin e viktimave të mundshme, si dhe për pastrimin e zonës nga predhat, në mënyrë që të procedohet më tej me sistemimin dhe rindërtimin e banesave dhe të gjithë infrastrukturës së zonës. Kryeministri theksoi gjithashtu se çdo hap i punës duhet të ndërmerret në koordinim dhe mirëkuptim me banorët e zonës.



“Dua t’ju falënderoj të gjithëve ju, të falënderoj kryetarin e bashkisë së Vorës, për punën me përkushtim që po bën, sikundër kam ardhur sërish të siguroj qytetarët e bashkisë së Vorës se qeveria do të kompensojë një për një të gjithë dëmin e shkaktuar nga kjo fatkeqësi”, u shpreh kryeministri.



Duke theksuar se problemet janë të shumta, Kryeministri kërkoi që një grup pune të verifikojë fëmijët të cilët nuk kanë kushte për të jetuar në familjet e tyre, të bëhet një listë e tyre, në mënyrë që ata të sistemojmë në qendrat për kujdesin e fëmijëve. Kjo është e domosdoshme.



Gjithashtu, Kryeministri shprehu angazhimin e plotë të qeverisë në gjetjen e trupave të tjerë të humbur. “Duhet të bëjmë çdo përpjekje që na takon për t’u gjetur viktimat atyre që ende nuk i kanë. Ata e kanë të hapur varrin në mes të shtëpisë. Unë i mirëkuptoj rreziqet aty, por kam besim edhe tek profesionalizmi dhe përkushtimi i forcave tona. Duhet të gjejmë mënyrat më efikase që të mund të gjejmë viktimat, të marrim vesh nëse në ato gërmadha ka apo jo të tjerë njerëz, sepse ende na mungojnë 5 qytetarë”, tha Kryeministri.



Një tjetër çështje e rëndësishme e theksuar nga kryeministri ishte vendimi marrë për dhënien e një pensioni të veçantë për viktimat, duke i trajtuar ata si të rënë në detyrë. “Zoti kryetar i Bashkisë, duhet të informosh familjet e viktimave, se atyre do t’u lidhet pension i përshtatshëm. Ne nuk mund t’ua kthejmë dot familjarët e tyre të dashur, por nga ana materiale mundet që ata t’i trajtojmë si të rënë në detyrë, me pension të veçantë, ashtu siç ata e meritojnë”, theksoi Kryeministri.



Gjithashtu, Kryeministri kërkoi që të vazhdohen konsultimet me banorët e Gërdecit, Vorës, Marqinetit, Marikaj, për mënyrën e kompensimit të tyre. “Ne na duket më i saktë shpërblimi direkt i tyre në para dhe krahas kësaj, të përpiqemi t’i ndihmojmë me ato mundësi të tjera që kemi. Ne do të kompensojmë shtëpitë dhe gjithçka që ata kanë humbur”, vijoi Kryeministri, ndërsa nënvizoi se edhe infrastruktura e fshatit duhet të rindërtohet. Grupet e inxhinierëve duhet të angazhohen e të bëjnë projektet përkatëse.



Kryeministri bëri të ditur se ministri i Financave, së bashku me një grup ekspertësh, po përcaktojnë skemat e ndihmës më të shpejtë për biznesin e dëmtuar, pasi edhe ato duhet të ripërtërihen sa më shpejtë, në mënyrë që banorët të ripunësohen.



Kryeministri vlerësoi punën e bërë deri tani nga shtabi i emergjencës. “Puna e përgjegjshme e grupeve të punës në këtë terren ka një rëndësi të jashtëzakonshme. Unë ju përgëzoj për punën që keni bërë sot, ku keni realizuar 1300 vlerësime. Me një preventiv korrekt, mund të përcaktohen më pas çmimet e çdo hap tjetër i nevojshëm, në mënyrë që të procedojmë me shpejtësi”, tha Kryeministri.



Për sa i përket çështjes së minave dhe municioneve, Kryeministri u interesua se kur do të nisë eksplodimi i tyre. Ekspertët theksuan se këto municione janë lokalizuar dhe identifikuar, por për efekte psikologjike më lehtësuese, eksplodimi i tyre është mirë të bëhet i grupuar dhe jo në çdo vend dhe çdo ditë. Ky proces do të bëhet menjëherë sapo të përfundojë operacioni i kërkimit të njerëzve.



Kryeministri theksoi se nëse është e domosdoshme për mbarëvajtjen e këtij procesi, qeveria është e gatshme t’u kërkojë ndihmë edhe vendeve mike, KFOR-it që ka shprehur gatishmërinë, etj, në mënyrë që të finalizohet ky proces sa më shpejtë. Banorët me të drejtë kanë dëshirë të qëndrojnë pranë shtëpive të tyre, por edhe jetesa e tyre në çadra është e vështirë, theksoi ai.



Kryeministri tha se çdo hap i tillë duhet të ndërmerret në bashkëpunim dhe mirëkuptim me banorët. Ai sugjeroi që në çadra të sistemoheshin vetëm djem e burra, kryefamiljarë, ndërsa gratë dhe fëmijët te vazhdonin të ndihmoheshin në qendrat e konvaleshencës. Ai tha se këto qendra po përshtaten si shtëpi banimi dhe qeveria po bën çdo përpjekje për të krijuar kushte sa më optimale për ta.



Kryeministri Berisha falënderoi mediat për rolin e tyre në trajtimin e kësaj ngjarjeje të rëndë. “Mediat në tërësi kanë luajtur një rol shumë pozitiv. Ka prej tyre që po gëzojnë dhe kjo është gjëja më makabër. Por diversiteti është pjesë e një shoqërie”, u shpreh Kryeministri.



18/03/2008

[DYDRINAS]

ALUIZNI angazhohet të ndihmojë në përllogaritjen e dëmeve


ALUIZNI ka organizuar 40 grupe pune me 200 specialistë, të cilët që nga dita e hënë kanë nisur verifikimin në terren të të gjitha ndërtimeve dhe objekteve të dëmtuara në zonën e Gërdecit. Drejtori i Përgjithshëm i ALUIZNI-t, Shaban Memia, ka bërë të ditur se grupet e punës në zonën e Gërdecit dhe në fshatrat përreth po bëjnë vlerësimet në bazë të programit 3-dimensional që disponon agjencia për çdo sipërfaqe ndërtimi në çdo banesë dhe objekt tjetër. "Vetëm dje specialistët tanë kanë kontrolluar 400 ndërtesa dhe sot specialistët e agjencisë do të përfundojnë azhornimin në 1500 objekte, si banesa, apo biznese, për të parë në vend dhe për të llogaritur çdo dëmtim të shkaktuar nga shpërthimi i municionit", - ka deklaruar kreu i ALUIZNI-t, Memia. Grupet e punës po përcaktojnë pas kontrolleve individuale në çdo ndërtesë volumet financiare dhe ndërtuese të nevojshme për të kryer përllogaritjet paraprake. “I rëndësishëm është identifikimi i të gjitha objekteve të dëmtuara si dhe atyre të padëmtuara (rreth 4500) në Bashkinë e Vorës, përfshirë dhe ato të bizneseve për të realizuar sa më saktë përllogaritjet e dëmtimeve", - tha Memia. Dje u ngrit edhe një grup tjetër pune i përbashkët me përfaqësues të disa institucioneve pranë Entit Kombëtar të Banesave, i cili pritet të kryejë përpunimin individual dhe tërësor të banesave të dëmtuara. "Qëllimi i këtij grupi është dalja e një shifre konkrete e përllogaritur sa më saktë për dëmin financiar të shkaktuar nga shpërthimi", - tha Memia. Gjithashtu, ai shtoi se, "një pjesë e bizneseve të siguruara në shoqëritë private të sigurimeve, kanë nisur të kryejnë procedurat për të bërë vlerësimin e dëmeve të shkaktuara para pak ditësh".

19 Mars 2008

Gazeta Albania