Qeveria dhe vendimet per rimekembjen e zones pas tragjedise

[DYDRINAS]

Gazmend Oketa Ministri i ri i Mbrojtjes

Presidenti i Republikës dekretoi sot zëvendëskryeministrin, Gazmend Oketa, si Minister të ri të Mbrojtjes.
Ardhja e Oketës në këtë post erdhi pas dorëheqjes së Fatmir Mediut, si pasojë e shpërthimit tragjik të municionive në fshatin Gërdec të Vorës. Opozita kërkoi sot veç dorëheqjes së kryeministrit Berisha edhe atë të tre ministrave të tjerë, për të cilët dokumentat e zbuluara së fundi tregojnë se kanë patur dijeni për kushtet në të cilat bëhej çmontimi dhe shkatërrimi i municioneve të vjetra në Gërdec. Një javë pas shpërthimit tragjik të municioneve në Gërdec të Vorës është pastruar pjesa më e madhe e sipërfaqjes prej qindra hektarësh të mbjellë me predha të pashpërthyera. Trupat xheniere kanë gjetur në kraterin e shpërthimit dokumenta që hedhin poshtë alibinë e padijenisë së kryeministrit Berisha dhe autoriteteve të larta të Tiranës.

DW

[DYDRINAS]

Qeveria akordon shumën prej 1.571.898.399 lekë për kompensimin e dëmeve materiale të tragjedisë së Gërdecit


Kryeministri Berisha bëri të ditur sot, në mbledhjen e Këshillit të Ministrave, përfundimin e procesit të vlerësimit të dëmit material në tragjedinë e Gërdecit dhe shumën e akorduar nga qeveria për kompensimin e këtij dëmi.

Kryeministri vlerësoi se ky proces u realizua në një kohë rekord nga ekipet e vlerësimit dhe në marrëveshje të plotë me familjarët, duke përdorur një teknologji të shkallës së lartë. “Në një hark kohor prej katër ditësh, duke përdorur teknologjitë më të mira , u shqyrtuan mbi 4200 banesa, nga të cilat 3615 prej tyre rezultuan me dëme të shkallëve të ndryshme nga rrafshimi i plotë, tek dëme te renda, mesatare dhe te lehta . I gjithë ky material, ose i gjithë ky proces vlerësimi, ne te gjitha rastet, u bë në praninë e kryefamiljarit , ose të familjarëve të autorizuar. Të gjithë formularët e vlerësimit u firmosën jo vetëm nga vlerësuesit, por në marrëveshje të plotë edhe nga të dëmtuarit. Pra, një proces që nisi në me datën 17, pasi 15 dhe 16 ishin nen breshërinë e predhave u finalizua mbrëmë ne mesnate me të gjitha përllogaritjet.”

Kryeministri bëri të ditur se vlerësimi i përfunduar përfshin vetëm objekte private dhe jo ato publike të dëmtuara, të cilat do të trajtohen nga ministri të veçanta.

“Numri i objekteve të dëmtuara në qytetin e Vorës është 1112 objekte. Në Marqinet 365 objekte, ku përshihen shtëpi, klube,etj. Gjokaj 253 objeke, Picar 239 objekte. Kodër Vorë 297 objekte, Gërdec 109 objekte, Sharrë 139 objekte, Mucaj 359 objekte, Marikaj 651 objekte, biznese 32, ferma bujqësore 34, bageti të fermave bujqësore 25.”



Kryeministri informoi se vlera e punimeve ndërtimore në zonën e emergjencës , do të jetë e përjashtuar nga çdo lloj takse. Vlera totale e objekteve private të dëmtuara, e cila përfshin edhe vlerën e orendive shtëpiake dhe pajisjeve elektronike arrin vlerën e 1.571.898.399 lekëve.

Duke bërë të ditur se kjo shume do te behet disponibel menjëherë për te gjithë kryefamiljaret, apo familjarët e autorizuar të 3615 objekteve shtëpi dhe biznese, kryeministri u shpreh se këtu nuk përfshihen shpërblimet e tjera apo shpenzimet e bëra nga kovalishenca , ku ndodhen mbi 600 banore te sistemuar.



Kryeministri kërkoi që bazuar në fotot ajrore, ekipet e vlerësimit të bëjnë vlerësimin e ullinjve dhe të drurëve frutorë, të cilët bëjnë pjesë në pronën e familjeve të dëmtuara.



Në kuadrin e pastrimit dhe vënies nën kontroll të plotë të territorit, Kryeministri vlerësoi të një rëndësie të jashtëzakonshme kontrollin e sipërfaqeve pyjore te cilat janë në funksion të banorëve.



Ndër të tjera, Kryeministri Berisha kërkoi nga Ministria e Financave marrjen e masave për bërjen sa më parë disponibël të fondit dhe përcaktimin e mënyrave të shpërndarjes së tij. Duke kërkuar hapjen e llogarive bankare për familjet sipas listave të hartuara, Kryeministri tha se është i domosdoshëm një proces trajnimi për përdorimin e këtyre llogarive nga ana e qytetarëve.

“Zoti Ministër i Financave është jashtëzakonisht e rëndësishme që jo vetëm të bëhen sa me pare disponibël fondet, por te përcaktohen dhe modalitetet e këtij disponimi Këto para duhet të vendosen në llogaritë bankare të familjeve, sipas listave të hartuara. Ne rast se ka vështirësi ne shfrytëzimin e depozitave bankare, është i domosdoshëm një proces edukimi dhe trajnimi i qytetarëve.”

24/03/2008

[beni67]

Dydrinas, te falenderoj ketu per informacionin qe ke sjelle. Me ishte shpifur kori i bretkocave me gazetat Shekulli, Shqiptare, zp etj etj. Me ishin shpifur klithmat e komunisteve qe therrisnin ne nje ze ik ik ik ....Me ishte shpifur gezimi i tyre djallezor per kete ngjarje te rende.
Me ishin shpifur thirrjet e tyre per destabilizim e per nje 97 te re. Njerezit kane nevoje te shohin te dy anet e medaljes e pastaj te gjykojne. Edhe njehere faleminderit

[KOKASHTA]

Buxhetorët, 10% e rrogës për Gërdecin

Juristët: është shkelje, nuk ka mbështetje ligjore

Qeveria shqiptare ka planifikuar që të vjelë 10 për qind nga rrogat e secilit prej buxhetorëve të saj, në mënyrë që të paguajë dëmin që ka shkaktuar në fshatin Gërdec pas shpërthimit tragjik të një jave më parë. Edhe pse nuk ka asnjë bazë ligjore për këtë "vendim" të pashkruar, por tashmë në ekzekutim e sipër të qeverisë, ata që punojnë në shtet do të kenë 10 për qind më pak nga pagesa e përhershme. Në listën e kontribuuesve do të jenë mësuesit, ushtarakët, policët, mjekët e infermierët, punonjësit e administratës së institucioneve të varësisë etj.

Duke e zhveshur çështjen nga aspekti altruist i saj, juristët mendojnë se kjo nuk është shenjë e mirë për shtetin ligjor. "Kjo është shkelje. Nuk ka asnjë bazë ligjore që buxhetorëve t‘u mbahet nga paga e tyre qoftë edhe një për qind e pagesës për qëllime filantropike apo të tjera". Kështu shprehet një prej juristëve, i cili ndonëse punon në një institucion shtetëror do të duhet që të "vuajë" këtë "altruizëm të detyruar" qeveritar me paratë e punonjësve të saj. Ndërkohë që justifikimi për paratë e munguara të emergjencave civile duket se nuk mungon as këtë herë. Institucionet shtetërore, në mënyrë "të pavarur", kanë vendosur që të kontribuojnë për të ndihmuar ata që u lënduan dhe u dëmtuan pas shpërthimit të fabrikës së çmontimit të municioneve në Gërdec të Vorës.

Por sipas vetë punonjësve, miratimi i tyre nuk është marrë aspak. Madje as që janë pyetur edhe në rast se ndonjëri do të kishte kundërshtime. Kështu ka ndodhur me uniformat blu, apo me një numër të madh pedagogësh, shefat e të cilëve kërkojnë që me këtë rast të manifestojnë "devotshmërinë" e tyre në ditë të vështira për partinë në pushtet. Gjithashtu, juristët bëjnë me dije se për raste të tilla fatkeqësish dhe dëmesh që duhen përballuar nga shteti, në përputhje me ligjin ka fonde të caktuara. Ato janë fondet rezervë që çdo shtet serioz duhet t‘i ketë të garantuara për qytetarët e tij në raste fatkeqësish natyrore apo "babëzish për përfitime të shfrenuara në kurriz të njerëzve", si në rastin e Gërdecit. Fatura e dëmeve po "përtypet" ende në Ministrinë e Financave dhe zyrën e emergjencave civile, që pas raportimeve të pushtetit vendor duhet të përballet me rreth 4 mijë objekte të dëmtuara ose të shkatërruara tërësisht, apo me plot 400 biznese që rrezikojnë falimentimin, nëse shteti nuk ndërhyn për t‘i rikuperuar dëmet. Sipas raportimeve të deritanishme vetëm 200 objekte kanë dëmtime të lehta që nënkupton faktin se shumat e dëmet janë vërtet të mëdha.

Megjithatë, askush nuk mund t‘i detyrojë buxhetorët që të heqin dorë nga 10 për qind e pagës së tyre mujore, për të mbuluar "arkën e rrënuar" të qeverisë, për të cilën ata punojnë. Madje, protesta e tyre nën zë shkon edhe ca më tej. "Vetë i vrasin dhe ne na mbajnë rrogën", shprehet një mësuese, e cila për shkak se duhet të ruajë vendin e punës, nuk mund të dalë dot e vetme përballë kryeministrit, për t‘i treguar atij përgjegjësitë që ka qeveria në rastin e kësaj tragjedie. Po kështu, të tjerë pohojnë se kontributi i tyre financiar për të dëmtuarit e kësaj tragjedie, në mënyrë të lirë ka shkuar dhe po shkon në llogaritë bankare, që tashmë janë bërë publike për këtë çështje. Por kurrsesi ata nuk bien dakord me faktin që qeveritarët t‘ia hedhin edhe këtë herë po në kurriz të qytetarëve, që duhet të paguajnë edhe faturat e gabimeve të krerëve të tyre.


-------------------------------------------------------------------------------------------------


E cjan kto gjera qe ben kryeministri ??? Ku e gjen te drejten tu marre buxhetoreve 10 % te rrogave. Buxhetoret nqf se deshirojne mund ti dhurojne vete ato leke dhe jo tua marre dr. rrumbpalla se ashtu i do qejfi. Ku i ka fondet e shteti ne raste fatkeqsirash? Ka buxhetore qe ai 10% qe i detyron berisha ti japin mbase i le femijet pa buken e gojes...

Ik doktorr rrumpalla ik, se paske qene nje serb i lindur.Me politiken qe ndjek po debon akoma me shume shqiptaret nga vendi i tyre deri sa te ngelesh ti me ate tullacin fatos nano.

O dydrinas, ik kerkoi berishes ndonje post ne Vore se mbase ta jep per mundimin qe po ben, nxjerr vetem lajmet PRO tij.

[KOKASHTA]

Dydrinas, te falenderoj ketu per informacionin qe ke sjelle. Me ishte shpifur kori i bretkocave me gazetat Shekulli, Shqiptare, zp etj etj. Me ishin shpifur klithmat e komunisteve qe therrisnin ne nje ze ik ik ik ....Me ishte shpifur

Epo mire lexo informacionet e sjella nga R.D-ja

[Lioness]

Qeveria shqiptare ka planifikuar që të vjelë 10 për qind nga rrogat e secilit prej buxhetorëve të saj, në mënyrë që të paguajë dëmin që ka shkaktuar në fshatin Gërdec pas shpërthimit tragjik të një jave më parë. Edhe pse nuk ka asnjë bazë ligjore për këtë "vendim" të pashkruar, por tashmë në ekzekutim e sipër të qeverisë, ata që punojnë në shtet do të kenë 10 për qind më pak nga pagesa e përhershme. Në listën e kontribuesve do të jenë mësuesit, ushtarakët, policët, mjekët e infermierët, punonjësit e administratës së institucioneve të varësisë etj.

He???????

Na u be koka lemsh me keto llogje.

[Ina_19]

Qeveritaret perseri mendojne se si te zhvasin ndonje fitim prej tragjedise, nga ndihmat apo fondet qe do te jepen....ne nuk rregullohena kurre.

[DYDRINAS]

Kryeministri Berisha: Të ngrihet një grup pune për verifikimin e çdo ankese të qytetarëve për vlerësimin


Kryeministri Berisha kërkoi sot, gjatë mbledhjes së qeverisë, që Shtabi i Emergjencës Civile të përcaktojë një grup pune për të verifikuar çdo ankesë që mund të kenë qytetarët në lidhje me vlerësimin e dëmit.

“Shtabi i Emergjencës Civile ka bërë një punë jashtëzakonisht intensive. Tashmë, është e domosdoshme që ky shtab të përcaktojë, nëpërmjet kryetarit të bashkisë së Vorës, grupin e punës për çdo ankesë që qytetarët kanë për vlerësimin e dëmit”, u shpreh Kryeministri.

Kryeministri theksoi se nga komunikimi që ka pasur me banorë të kësaj zone, ata janë shprehur të bindur se është kryer një vlerësim objektiv.

“Fatmirësisht, i tërë informacioni është i përpunuar në variantin elektronik, por edhe shkresor. Për këdo që do të ketë pretendimin edhe më të vogël, ekipi do të shkojë me të dhe krahas paraqitjes së dokumentit, do të riverifikojë me përgjegjësi të plotë terrenin”, theksoi Kryeministri.

24/03/2008

[DYDRINAS]

He???????

Na u be koka lemsh me keto llogje.

Jane vetem mashtrime te turpshme dhe nje perpjekje naivesh, per te nxitur konflikte te panevojshme per shqiptaret, por shume te nevojshme per rrugacerine dhe papergjegjshmerine politike te nje pjese te atyre qe pretendojne te bejne opozite!