Qeveria dhe vendimet per rimekembjen e zones pas tragjedise

[Patrioti]

Shume Gabim!

Kush eshte Berisha qe ben si plaku vitit te ri me parate e taksapaguseve shqiptare?

A KA SHTETI SHQIPTAR LIGJE PER SIGURIMIN E BISNEZEVE, SIDOMOS TE BIZNEZEVE ME REZIKSHMERI TE LARTE PER JETEN DHE AMBIENTIN?

A ISHTE E SIGURUAR KOMPANIA E DELIJORGJIT?

Atehere shoqerite e siguracioneve jane te parat qe duhet te paguajne dhe jo qeveria. Ose qeveria tia prezantoje faturen e shpenzimeve ketyre te fundit.
Kujtoj ketu qe ne menyre te tille jane perballuar shpenzimet e tragjedive shume here me te medha. 11 shtatori ne Amerike, tragjedia natyrore qe ndodhi ne Alaske (Exxon Mobile vazhdon e po paguan akoma) etj etj.

Nese shoqeria e Delijorgjit nuk e kishte te siguruar aktivitetin per demet potenciale qe mund te shkaktonte, atehere le ti shtohet nje nen me shume ne aktakuze dhe ti konsifikohet pasuria. Per ortakun e tij ne USA te shikohet mundesia per ta paditur ate atje se demshperblimet jane akoma dhe me te majme.

Nese nje ligj i tille nuk egziston nje minus me shume per Berishen dhe gjithe atyre ko-qeve ne parlament me ato komisione dhe nenkomisione qe kane.

Besoj se ne kete rast eshte e udhes ti konsifikohet pasuria parlamentareve. Besoj se vetem makina e Josefines dhe makinat e Nanos, Finos do i mbulonin shpenzimet. LOL

[Brari]

si eshte ceshtja e makines se jozefines..?

kush na sqaron me kopetence..?

cdo pune e qeverise qe ben muuu qe eshte per mire duhet pershendetur..
cdo shkop nen rrota ne keto situata eshte tregues se dikush akoma vazhdon festen e gerdecit..
pra per disa gerdeci eshte feste..
mafia e ka gerdecin nje dhurat nga qielli (deri sa sdime akoma komplikime te saja ne tragjedine gerdecore) ose si thon kosovaret..shi ne kallamoq te tyrin..
arta dadot e edvin braco velite aldo baret e altin arapet ben blushet e arben malot jan mprehur mire..
endrra me thase me dallers po shikojn cdo nate.. te pa ngopurit me nick socialist..
97-tshit jan ne ekstaze.. kanibalet po temperojne hanxharet..

dhe populli duket krejt i pa fuqishem.. per te ndalur marshimin e xhelatve enveriste per marrjen e pushtetit ne 100 vjetorin e dulles..

thx berish qe na cove perseri nen satërrin e polpotistave miljardare.. te armanizuar..


..

[Duaje Siveten]

cituar prej postimit me siper:

thx berish qe na cove perseri nen satërrin e polpotistave miljardare.. te armanizuar..

jo vetem faljuni nderes, sali rri, mos ik!

ku do te gjejne nomenklaturistet e pasuruar nje marionete me te mire se ti!

ku e mbajne shpresen me shume se ti ish-et e kthyer ne blu, roze e gjelber!

kush mund te flase pa pergjegjesi si ti?

kush mund te shperfytyrohet me shume se ti!

kush mund ti njohe me mire se ti rivalet e tu te se njejtes race parazitare!

kush mund te genjeje me teper se ti diten per diell?

kush mund ti trimeroje me shume se ti sigurim-punistet?

sale rri, mos ik!


PS: edhe sikur te duash ti, nuk te lejne ty ata, se nuk mund te gjejne me hajvan e me shkarravine se ti - shihni tv e zgerboquni o trashegimtare e mbeturina te sigurim-punizmit, qe tragjedia e Gerdecit (mallkimi do te bjere realisht mbi ju) jua hoqi petat e lakrorit!

[DYDRINAS]

Përfundon vlerësimi i dëmeve nga tragjedia e Gërdecit dhe sot nis vlerësimi financiar i tyre


Departamenti Informacionit në Këshillin e Ministrave njofton se, sipas Komisionit Ndërministror të Emergjencave Civile, përfundoi procesi i vlerësimit të dëmeve materiale të shkaktuar nga tragjedia e Gërdecit. Ky vlerësim, i bërë nga grupet e ekspertëve të ALUIZNI-t, prefekturës dhe bashkisë së Vorës arriti në përfundimin se janë dëmtuar 4200 banesa, nga të cilat 412 banesa janë shkatërruar plotësisht dhe 3800 të tjera paraqesin dëmtime të mesme apo të lehta.



Komisioni informon se dje në mbrëmje përfundoi vlerësimi material i dëmeve dhe sot fillon vlerësimi financiar, në bazë të dosjeve të përpiluara nga grupet e ekspertëve dhe të firmosura nga të gjithë kryetarët e familjeve, pronarë të objekteve të dëmtuara. Grupet e vlerësimit financiar do të përbëhen nga një numër i madh ekspertësh të specializuar nga ALUIZNI, Enti Banesave dhe prefektura e Tiranës.

21/03/2008

[DYDRINAS]

Kryeministri Berisha viziton të plagosurit e Gërdecit në Spitalin Ushtarak


Pas takimit të zhvilluar në Bashkinë e Vorës, Kryeministri Berisha vizitoi sot të plagosurit e shpërthimit të Gërdecit, ne Spitalin Ushtarak dhe u interesua për ecurinë e mjekimit të tyre. Kryeministri bisedoi me mjekët dhe u njoh nga afër me gjendjen e deritanishme të të lënduarve, e cila sipas ekipit mjekësor është drejt përmirësimit të sigurt.

Kryeministri falënderoi personelin shëndetësor për përkujdesjen e treguar ditë pas dite dhe për trajtimin me sukses të plotë të shumë rasteve të ndërlikuara.



Më pas, kryeministri Berisha iu përgjigj interesimit të medieve të pranishme, duke i njohur ata me situatën aktuale. Kryeministri informoi se në ditën e sotme janë gjetur edhe dy viktima të tjera , për të cilat po punohet intensivisht për identifikimin e tyre nëpërmjet analizës së ADN.

Në Bashkinë Vorës, u shpreh kryeministri, ushtria ka shpërndarë të gjitha ndihmat e akorduara nga emergjenca civile dhe bashkia për të gjitha familjet e zonës.



Gjithashtu, Kryeministri informoi se sot bashkia e Vorës ka shpërndarë ndihmat për familjet e viktimave, si dhe ka nisur shpërndarja e ndihmave të për të gjitha familjet që kanë humbur shtëpinë, si dhe për ata, shtëpitë e të cilëve janë të rrënuara apo të dëmtuara rëndë. Kryeministri u shpreh se kësaj kategorie të dëmtuarish, i shtohen me një vendim të veçantë, të Këshillit të Ministrave edhe punonjësit të cilët ishin në punë dhe mbijetuan.



Kryeministri vlerësoi punën e shkëlqyer dhe tërësisht profesionale, të njësive ushtarake për pastrimin në kohë dhe me shpejtësi të territorit. “Deri tani, këto njësi, kanë mbledhur rreth 490 predha të pa eksploduara, jashtë të gjitha kushteve normale, i kanë grumbulluar ato vetëm e vetëm, që të mund të hapin hapësirën për lëvizjen e lirë të qytetarëve. Gjithashtu ata kanë mbledhur mbi 1400 predha të eksploduara, duke punuar me vetëmohim ditë e natë.”, u shpreh kryeministri.



Duke vlerësuar ndjeshmërinë e medieve ndaj qytetarëve të lënduar, Kryeministri i ftoi gazetarët ti paraqesin këto operacione në tërë kompleksitetin e tyre, për tu dhënë në këtë mënyrë një informacion të vlefshëm të gjithë banorëve të zonës. “Unë vlerësoj shumë ndjeshmërinë tuaj ndaj qytetarëve të lënduar, por ju bëj thirrje që ta paraqisni të gjithë operacionin në kompleksitet, pasi ky është edhe një informacion i vlefshëm për banorët e asaj zone.” tha Kryeministri



Ndër të tjera , kryeministri informoi se ka përfunduar tërësisht përllogaritja materiale e dëmit, me pranimin e plotë të banorëve dhe grupeve të vlerësimit. Po sot, u shpreh kryeministri duhet të përfundojë edhe dixhitalizmi i plotë i këtij procesi.



Kryeministri tha se ditën e sotme nisin nga puna me një vendim të veçantë, 20 grupe të vlerësimit financiar, të përbërë nga ekspertë të qarkut, sipas ligjit, të ALUIZNI-t dhe të Entit të Banesave. Kryeministri u shpreh se çdo njësi dëmi do të zhdëmtohet siç duhet, me çmimin dhe jo me koston.



Kryeministri bëri të ditur se ka kërkuar nga Kryetari i Bashkisë së Vorës dhe autoritete të tjera vendore ndërmarrjen e një dialogu me qytetarët, për ndërtimin e fshatrave të reja sipas një plani urban.



Nëse banorët do të ishin dakord, u shpreh kryeministri, t’u ndërtonim fshatra të reja, sipas një plani urban, atëherë me shpejtësi duhet të angazhojmë të gjitha institucionet për hartimin e planit, regjistrimin e tokës dhe kryerjen sa më shpejt të të gjitha procedurave. Në këtë rast, vijoi Kryeministri, paratë do t’u jepeshin në dorë atyre, por ne do të bënim shërbimet e urbanizimit dhe shërbimet e tjera të domosdoshme. Në rast të kundërt, tha më tej ai, shumë shpejt do të marrim aksionin e evadimit të rrënojave, në mënyrë që të fillojë ndërtimi në të katër anët e këtij fshati.



Më pas, Kryeministri iu përgjigj pyetjeve të gazetarëve të pranishëm:



Pyetje: Zoti Kryeministër, ju në Vorë keni lënë të kuptohet se ka një pistë shumë serioze dhe është pista e terrorizmit.



Kryeministri: Unë e kam krahasuar me 11 shtatorin, jo si pistë terroriste. E kam krahasuar me 11 shtatorin sepse dëmi është jashtëzakonisht i madh. Ne nuk kemi kulla binjake, nuk ka një dëm në njerëz sa ç’kishte aty, por ju them të vërtetën nëse shkollat do të kishin qenë plot, dëmi do të kishte qenë shumë herë më i lartë. E kam quajtur edhe për një arsye tjetër, sepse për këtë fabrikë vdekjeje, ta quajmë ashtu siç është, nuk ka ekzistuar asnjë informacion, po flas për veten si kryeministër, apo për Presidentin e Republikës, as për rrezikun e saj, as për masat që janë marrë aty, as se çfarë bëhej aty, as edhe se ekzistonte. Nuk kam asnjë të dhënë se kemi të bëjmë me pistë terroriste, por aspekte të tjera janë një apel shumë i fuqishëm për të ndërmarrë reforma më të thella. Me gjithë këtë sistem të këtij shteti, që ka shumë e shumë ligje dhe nuk dua ta justifikoj në mënyrë absolute, kjo nuk ka ardhur nga mungesa e ligjeve, por nga mosrespektimi dhe zbatimi i ligjeve. Sistemi duhet të funksionojë edhe mbi bazën e bashkëpunimit dhe të kontrolleve të dyfishta e të shumëfishta. Sistemi duhet të funksionojë në një mënyrë të atillë që kjo situatë të mos përsëritet më. Kësaj here erdhi, le të themi nga një gabim njerëzor, nuk kam të dhëna, është prokuroria që heton, por një herë tjetër mund të vijë edhe nga një shkak i qëllimtë, një herë tjetër mund të vijë nga shumë shkaqe. Çështjet e sigurisë janë çështjet e para për çdo njeri, për çdo qytetar e çdo jetë. Atëherë, gjykoj se janë vetëm reformat shumë të thella të bashkëveprimit, bashkërendimit e koordinimit të veprimtarisë së institucioneve, ato të cilat do të garantojnë integritet të plotë të sistemit të sigurimit të vendit.



Pyetje: Por që t’i bëni këto reforma, zoti Berisha, besoj se do t’ju duhet bashkëpunimi i opozitës, e cila e ka humbur besimin tej ju dhe ju kërkon dorëheqjen, madje sot ka edhe një homazh paqësor.



Kryeministri: Unë mbetem totalisht i përkushtuar për këto reforma. Duke kërkuar nxjerrjen e çdo përgjegjësie personale të cilitdo, duke i shprehur besim e mbështetje prokurorisë për punën e saj të pavarur, do të përkushtohem tërësisht për një sistem reformash të thella që të mos lejojmë më kurrë përsëritjen e dramave të tilla. Do të mbetem i hapur të bashkëpunoj ngushtësisht me opozitën, sikundër ne jemi një vend i lirë dhe opozita të bëjë përzgjedhjen e saj. Në qoftë se opozita do të vendoste një kontakt të ngushtë me zonën dhe ju jeni në kontakt të ngushtë me banorët e saj, do të kuptonit se kërkesa absolute e tyre është rindërtimi i zonës së tyre, është kontributi i gjithanshëm që të shërohen sa më shpjet. Kjo nuk mjafton, janë të domosdoshme reforma të thella që këto të mos ndodhin. Opozita të bëjë zgjedhjen e saj, unë do ta respektoj e do të udhëheq e drejtoj reformat e një proces të thellë reformash që shqiptarët të bëhen gjithnjë e më të sigurtë.



Pyetje: Zoti Kryeministër, këto reforma me të njëjtin kabinet qeveritar?



Kryeministri: Unë marr për bazë dy gjëra. Nuk them kush e ndezi zjarrin, por disa gjëra i them, se ka patur një dështim të fortë, të një numri të konsiderueshëm institucionesh. Parandalimi i këtij dështimi kërkon reforma shumë të thella, për ndryshe, ju siguroj, do të mund të na rikthehen dhe kjo është më e keqja.



Pyetje: Kë mendoni se kanë dështuar?



Kryeministri: Dështim është në Ministrinë e Mbrojtjes, në Shtabin e Përgjithshëm, në dy shërbimet, në institucionet e tjera të tatimeve, të inspektimit, në shtrimin e informacionit, në sistemin e prokurorisë, sepse ju e keni të qartë se Delijorgji kishte procese, por nuk i hynte ferra në këmbë. Këtu është një problem shumë madhor. Unë ju ndjek ju në të gjitha analizat tuaja dhe janë të drejta, por problemi është se këto parandalohen, para së gjithash e mbi të gjitha, nëpërmjet reformave të thella, që garantojnë se këto ngjarje nuk mund të përsëriten. E them edhe një herë asgjë nuk ka ardhur nga mungesa e ligjit.



Pyetje: A është ky rasti që të uleni me zotin Rama në një tavolinë dhe jo në distancë?



Kryeministri: Deri më datën 16-17 mars, me zotin Rama mendoj se kam qenë në një valë për reformat. Atë që e quajnë marrëveshje të fshehtë, ishte absurditet, se ne po diskutonim secili me aleatët tanë për t’i shtyrë. Duke qenë se ishim në një valë, ne kaluam edhe ligjin për drejtësinë dhe po diskutohej për projekte të tjera. Pas datë 17 mars, opozita i shtroi pyetjen vetes: ne jemi në opozitë. Edhe unë nëse do të isha në opozitë, do të mendoja: jam në opozitë dhe të tjerët mund të kujtojnë se opozita është shuar dhe kjo është normale. Opozita bëri një debat në parlament dhe dështuan, unë iu përgjigja çdo çështjeje që ngriti. U tregua një përgjegjësi e dyanshme. Opozita kritikoi dhe jo pa të drejtë. Por nëse opozita thotë se mund të fitojë politikisht prej situatës, unë mendoj se opozita dhe Shqipëria mund të përfitojë nëpërmjet reformave. Politikisht nuk mund të nxjerrësh shumë në këtë situatë.

21/03/2008

[Brari]

dujsiv..

edhe para gerdecit i njejti ishe..
edhe para gerdecit tu luta dhjetra here.. ke do deshe ti.. kryeminister te vendit..
ti nuk flet..

pse..

thuaj mor djal ca emra..
pse ruhesh ..
apo altin arapet ke parasysh.. e nuku do ti cfaqesh..

[DYDRINAS]

Kryeministri Berisha takohet me Shtabin e Emergjencës në bashkinë e Vorës


Kryeministri Berisha zhvilloi sot një takim me Shtabin e Emergjencës në bashkinë e Vorës, ku u informua mbi situatën e ditës së sotme në zonën e tragjedisë në Gërdec dhe për të siguruar qytetarët e kësaj bashkie se qeveria dhe shteti janë tërësisht të mobilizuar e të angazhuar për të kapërcyer sa më shpejt pasojat e kësaj tragjedie. Kryeministri i konsideroi pasojat e tragjedisë së 15 marsit të ngjashëm me atë të 11 shtatorit në Shtetet e Bashkuara të Amerikës.



“Erdha t’ju takoj sërish e të përshëndes të gjithë qytetarët e bashkisë suaj dhe t’ju siguroj se qeveria dhe mbarë shteti janë totalisht të mobilizuar e të angazhuar për të kapërcyer sa më shpejt pasojat e kësaj tragjedie që, dua ta theksoj, për përmasat e Shqipërisë ishte një 11 shtator, jo i shkaktuar nga terrorizmi islamik, por ishte në shumë aspekte, përveç shkakut, i ngjashëm me këtë tragjedi. Ne jemi një vend i vogël, vërtet patëm humbje të thella, por për shkak të kësaj mund të ishin edhe shumë më të thella,” u shpreh Kryeministri.



Duke u ndalur në masat e marra për lehtësimin e banorëve të prekur nga kjo tragjedi, Kryeministri informoi se, pas përfundimit të vlerësimit material të dëmeve, fillojnë nga puna grupet që do të përcaktojnë vlerën financiare të dëmit, duke bërë përllogaritjen e çmimit të çdo njësie të dëmtimit.



“Dua t’ju njoftoj se, pasi është bërë vlerësimi material i dëmeve, me teknikën më të mirë e më transparente e totalisht konsensuale, tani fillojnë punën 20 grupe, të përbëra, sipas ligjit, nga ekspertë të qarkut, ekspertë të ALUIZNI-t, të Entit të Banesave, të cilët do të përllogarisin çmimin e çdo njësie të dëmtimit, do të përcaktojnë vlerën financiare. Qeveria disponon çdo gjë për të filluar me shpejtësi disbursimin e parave.”



Kryeministri kërkoi nga kryetari i bashkisë së Vorës të zhvillojë takime të gjëra me banorët e zonës së dëmtuar për të vendosur së bashku me ta për rindërtimin e shtëpive të tyre.



“Ashtu siç ratë dakord me qytetarët e zonës së dëmtuar, - tha Kryeministri - do të kërkoja nga ju një konsultë sa më të shpejtë e sa më të gjerë me ta, për të ditur nëse ata dëshirojnë të ndërtojnë fshatra të reja, në përputhje me një plan urbanistik, paratë do t’u jepen banorëve në dorë, ndërsa ne do të bëjmë planin dhe projektin për fshatra të reja, apo dëshirojnë që t’i ndërtojnë shtëpitë e tyre aty ku i kanë të shembura. Në rast se komuniteti vendos të ketë fshatra të reja mbi bazën e një plani urban, atëherë duhet me shpejtësi të angazhojmë, së bashku me ju specialistët e urbanistikës, të ndërtimit, të zyrës së regjistrimit të pasurive, të ujësjellësit, KESH-it, etj. Kjo duhet të bëhet sa më shpejt që të jetë e mundur, sepse duhet të fillojë rindërtimi i shtëpive. Në rast se banorët dëshirojnë t’i ndërtojnë shtëpitë aty ku i kanë pasur, ne jemi të hapur, sipas dëshirës së tyre të veprojmë. Por duhet ta zgjidhim sa më shpejt këtë problem.”



Kryeministri bëri të ditur se qeveria do t’i akordojë ndihmë financiare edhe punonjësve të fabrikës, njësoj si për familjet që kanë humbur strehën.



“Sot vijnë këtu shumat e përcaktuara si ndihmë për familjet që kanë humbur strehën, përveç ndihmave ushqimore dhe veshje, një ndihmë nga 50 mijë deri në 200 mijë lekë, sipas familjeve. Deputeti i zonës më informoi se janë edhe një grup punëtorësh të kësaj fabrike vdekjeje që kanë mbijetuar dhe që nuk kanë asgjë. Kam urdhëruar përgatitjen e një vendimi të ri, ku do të përfshihen të gjithë në këtë trajtim që kemi parashikuar. Ne kemi listën prej 120 punëtorësh, ashtu siç na e ka dorëzuar ndërmarrja, dhe, sipas saj, ne jemi të gatshëm t’u përgjigjemi edhe këtyre punëtorëve. Ne do t’i ndihmojmë dhe lehtësojmë traumën që pësuan,” u shpreh Kryeministri.



Kryeministri, duke falënderuar banorët për përgjegjësinë, solidaritetin dhe kurajën e lartë që kanë dëshmuar në qëndrimet e tyre, i siguroi ata se qeveria do të bëjë gjithçka për t’i rikthyer fshatrat e tyre dhe bizneset e kësaj zone në normalitet.



“Dua të falënderoj banorët për përgjegjësinë e lartë, solidaritetin dhe kurajën që kanë dëshmuar në të gjitha qëndrimet e tyre. Ne do të bëjmë gjithçka që fshatrat e tyre t’i bëjmë më mirë se sa ishin dhe këtë do ta faktojmë, do të bëjmë gjithçka që bizneset e zonës të ngrihen me shpejtësinë më të madhe.”



Kryeministri nënvizoi se vazhdon identifikimi i disa viktimave, që janë ende të paidentifikuara. “Më e dhimbshme sot është mungesa e identifikimit të disa viktimave, të cilat ndodhen ende në morg. E kam ndjekur këtë çështje në mënyrë të vazhdueshme dhe sipas mjekëve po bëhet analiza e ADN-së dhe sot pasdite mund ta përfundojnë.”



Ne duhet të punojmë me dy e tre turne, 24 orë në mënyrë që ta rindërtojmë zonën dhe të kthejmë tek qytetarë besimin tek vetja, fshati i tyre, tek familja dhe shoqëria shqiptare.



Kryeministri theksoi se do të ndërmerren reforma të thella për të parandaluar përsëritjen e ngjarjeve të tilla rënda.



“Ne do të bëjmë çdo gjë, - vijoi Kryeministri - që 15 marse të tillë të mos kemi më. Presidenti thirri mbledhjen e Këshillit të Sigurimit Kombëtar dhe unë aty theksova se për ne ky ishte një 11 shtator. Nuk u shembën kulla, por ne këto shtëpi kemi. Kjo ndodhi në mesditë, pa pasur asnjë informacion. Kjo dëshmon se në këtë vend janë të domosdoshme reforma shumë të thella e të gjithanshme për t’i parandaluar. Pavarësisht nga agresiviteti i lartë i terrorizmit ndërkombëtar, nuk u ndërmor dot as një hap tjetër ndaj Shteteve të Bashkuara, sepse u ndërmorën reforma të fuqishme të institucioneve. E theksoj se nuk kam asnjë të dhënë se është akt terrorist, por fakt është se ndodhi ditën për drekë, në një kohë kur institucionet nuk kishin asnjë informacion mbi rrezikshmërinë apo çfarë ndodhte në fabrikën e vdekjes, gjë e cila nuk mund e nuk do të përsëritet më. Janë shumë depo e magazina, por më e rënda nga të gjitha është mungesa e informacionit për rregullat, për sigurinë nga të gjitha institucionet që duhet ta trajtonin këtë problem. Prokuroria po heton me shumë angazhim dhe po ndihmohet, siç e di unë, nga të gjitha institucionet.”





21/03/2008

[DYDRINAS]

Presidenti Topi i kërkon prokurorisë të gjejë fajtorët e ngjarjes së Gërdecit

Ilirian Agolli
21-03-2008



Presidenti i Shqipërisë, Bamir Topi, i kërkoi sot prokurorisë që të kryejë hetime të hollësishme për aksidentin e Gërdecit , ku nga shpërthimi i armatimeve në një qendër të shkatërrimit të tyre humbën jetën të paktën 20 persona, dhe u plagosën mbi 200 të tjerë.

Zoti Topi mblodhi Këshillin e Sigurimit Kombëtar, ku u shqyrtua ngjarja e Gërdecit. “Tragjedia e Gërdecit nuk mund të mbetet jetime. Ajo ka fajtorë dhe përgjegjës me emra dhe mbiemra. Nevojitet një hetim serioz, rigoroz, transparent për zbardhjen e kësaj ngjarje të paprecedent. Kërkohet që institucionet e pavarura të hetimit të bashkëpunojnë ngushtë me të gjitha institucionet e tjera të shtetit, për nxjerrjen e fajtorëve para ligjit dhe ndëshkimin e tyre. Institucioni i Prokurorisë duhet të vazhdojë të punojë në mënyrë shumë të pavarur dhe profesionale” - tha zoti Topi.


Presidenti tha se shprehte zhgënjimin e tij të madh për punësimin e njerëzve të patrajnuar në punime ushtarake, dhe për mungesën e informacionit mbi veprimtarinë e carmatimit në Gërdec, për të cilin “asnjë institucion shtetëror nuk kishte raportuar asnjë rresht në letër” mbi atë repart. “Është e pafalshme, askush nuk ka thënë asgjë, mbi një punishte të paligjshme dhe shumë të rrezikshme pranë aeroportit të vetëm ndërkombëtar në vend dhe të autostradës kryesore të vendit. Nuk e besoj se askujt nuk i kishte rënë në sy kjo situatë, ndaj kërkoj që me transparencë të nxjerrim përfundimet e duhura në lidhje me punën që institucionet dhe agjencitë e specializuara në vend nuk e kanë kryer” - tha zoti Topi. Ai kërkoi nga ekspertët e ushtrisë që të gjejnë zgjidhje për shkatërrimin e armëve të tepërta.

Zoti Topi tha se Shqipëria duhet t’I dëshmojë NATO-s aftësitë e strukturave të saj. “Ne nuk mund të harrojmë se jemi shumë pranë anëtarësimit në NATO. Do të ishte e pafalshme për ne të lejonim që proçesi historik i Integrimit Euro-Atlantik të vendit tonë, të kompromentohej nga papërgjegjshmëria apo nga veprimtaria e paligjshme e ndonjë individi cilido qoftë ai, të ndonjë zyrtari të korruptuar dhe të cilitdo që i është kundërvënë interesave kombëtare të Shqipërisë dhe shqiptarëve. Ne duhet t’i dëshmojmë opinionit ndërkombëtar se Shqipëria e meriton NATO-n dhe integrimin Euro-Atlantik” - tha zoti Topi. Duke kërkuar të bëhet gjithçka për të gjetur të humburit dhe për të dëmshpërblyer viktimat, zoti Topi tha se puna në të zezë duhet të marrë fund dhe u bëri thirrje nga zyrtarët që të sekuestrojnë pasuritë e paligjshme të kujtdo firme që abuzon me regullat dhe ligjet. “Nuk mund të ketë më tolerancë mbi ata që duan të pasurohen mbi kurrizin e fëmijëve. Zero tolerancë, për cilindo që mendon se mund të rikthejë marrëdhëniet poshtëruese të punës në Shqipëri. Pres nga Shërbimet Informative, nga Policia dhe nga Inspektoriatet e ndryshme shtetërore, të godasin pa mëshirë këdo që shfrytëzon një njeri tjetër, për të pasuruar veten. Duhet të zhdëmtojmë ekonomikisht viktimat e tragjedisë dhe familjet e tyre. Gjithashtu duhet të punohet për sekuestrimin e çdo pasurie të paligjshme të vënë nga aventurierë, të cilët mendojnë se janë më të fortë nga ligji dhe shteti” - tha zoti Topi.

Mbledhja e Këshillit të Sigurisë Kombëtare u mbajt sot një javë pas aksidentit me municionet në repartin e Gërdecit, ku nga shpërthimet humbën jetën të paktën 20 persona, u plagosën mbi 200 të tjerë dhe u shkatërruan mbi 400 shtëpi.

VOA

[keshtjella]

Mire mo Brari meqe dashke nje pergjigje qe Duaje si veten nuk mund te ta jape po te jap une ca emra politikanesh me te ndershem e me te afte se Berisha!
Neritan Ceka, Gaqo Apostoli, Sabri Godo,

[DYDRINAS]

Kryeministri Berisha: Drejtësia duhet të nxjerrë përgjegjësitë dhe personat përgjegjës për tragjedinë e Gërdecit



Kryeministri Berisha u shpreh sot se drejtësia duhet të nxjerrë të gjitha përgjegjësitë dhe personat përgjegjës për tragjedinë e Gërdecit, dhe t`i vendosë ata para ligjit, si kushti më i domosdoshëm për t`i dhënë përgjigjen ligjore asaj që ndodhi.

“Së pari dua të them se tre janë problemet më madhore të asaj që ndodhi. E para qeveria dhe institucionet duhet të bëjnë çdo gjë për rindërtimin sa më të shpejtë të zonës. Së dyti drejtësia duhet të nxjerrë të gjitha përgjegjësitë personat përgjegjës dhe t`i vendosë para ligjit si kushti më i domosdoshëm për t`i dhënë përgjigjen ligjore asaj që ndodhi. Së treti përveç përgjegjësive personale ekzistojnë përgjegjësitë institucionale, të cilat ju siguroj ju se si këtu dhe në çdo vend tjetër kanë vetëm një përgjigje reformimin dhe vetëm reformimin”, u shpreh Kryeministri Berisha.

E them këtë, vijoi më tej Kryeministri Berisha, jo për të shmangur përgjegjësitë personale e individuale, por problemi është se duhet të parandalohen situata të tilla dhe në qoftë se ne duam që sistemi ynë i sigurisë të jetë tjetër, të gjitha institucionet e sigurisë kombëtare duhet t`i nënshtrohen një reforme të thellë, e cila do të synojë bashkërendimin, koordinimin dhe bashkëveprimin e tyre në një sintoni dhe harmoni të plotë në mënyrë që të parandalohen.

“Ky është sensi i reformave dhe unë mbetem shumë i vendosur të bëj çdo përpjekje në këtë drejtim. Institucionet e sigurisë së shtetit kanë nevojë për një reformim të thellë. Institucionet duhet të funksionojnë dhe secili duhet të mbajë përgjegjësinë e tij. Por, nuk u ndërmorën këto reforma situata të tilla mund të përsëriten në mënyrë periodike”, u shpreh Kryeministri Berisha duke nënvizuar se janë reeformat ato që duhet t`i japin përgjigjen më të shpejtë dhe të sigurtë problemeve të sigurisë.

“I bëj thirrje prokurorisë, e cila po punon intensivisht të nxjerrë çdo përgjegjësi ligjore dhe individuale me vendosmërinë më të madhe, por krahas kësaj duhen reforma”, u shpreeh Kryeministri Berisha.

Lidhur me procesin e shpërndarjes së ndihmave, Kryeministri Berisha tha se po ecet me shpejtësi shumë të madhe në vlerësimin financiar të dëmit material.

“Janë vlerësuar deri tani 1400 banesa dhe kam shumë shpresë që vlerësimi përfundimtar të bëhet brenda fundjavës. Qeveria është e gatshme të mblidhet në çdo kohë për të bërë rialokimin e buxhetit për të rregulluar fondin e nevojshëm për disbursim, i cili do të fillojë shumë shpejt”, nënvizoi Kryeministri Berisha.



22/03/2008