cituar prej TemA lart,
e di mediu i shkrete se do te sakrifikohet kundrejt salliut ... ia njeh deri diku pabesite ndraghetiste, ndaj reziston ...Megjithëse është një lojë e pasinqertë dhe parimisht Berisha dhe Mediu nuk kanë interes të shesin njëri-tjetrin, shihet qartë që Mediu po bën në njëfarë mënyre një përbaltje publike të Berishës jo në emër të tij, por përmes medias që të shkojnë të dy bashkëfajtorë dhe bashkëvuajtës para procesit.
te shohim deri sa, deri ku, e deri kur ...
Gërdeci, Berisha e kishte të detyrueshëm informimin
VKM Nr.584 kushtëzon dijeninë e detyrueshme të kryeministrit për çdo akt që miraton qeveria. Vendimi nuk legjitimon “këshillimin” e këshilltarëve nga ana e Alibeajt.
Historia e vjetër
Kjo është një rrëfenjë artistike. Në vitin e largët 1993, shtatë të rinj shqiptarë u thirrën nga ekspertë të antiterrorit të Shërbimit Informativ Kombëtar, SHIK, që atëherë drejtohej nga i ndjeri Bashkim Gazidede. Ata u akuzuan se, duke punuar në një nga fondacionet e shumta të sapohapura në atë kohë, kishin botuar dy libra me përmbajtje të dyshimtë. Në këto libra u bëhej thirrje “vëllezërve myslimanë që, me ndihmë nga lart, të vrisnin kaurët e poshtër”. As më pak dhe as më shumë, kjo ishte një vepër e pastër penale. I gjashti në këtë listë, atëherë vetëm 20 vjeç, i shenjës së virgjëreshës në horoskop, e dinte më mirë se të tjerët – ngaqë studionte për jurisprudencë – se kishte konsumuar pikërisht një vepër të dënueshme penale. Për arsye të ndryshme, por edhe për shkak të moshës së tyre të re dhe faktit që nuk ishin kontigjent kriminal, të rinjtë nuk u përcollën në gjykatë. U mbajt shënim pendesa e tyre dhe u lanë të lirë, kurse librat u asgjësuan. Megjithatë, për një rast të tillë u vunë në dijeni edhe struktura të shërbimeve partnere jashtë vendit. I gjashti në listë, duke u thelluar paralelisht me studimet juridike, edhe në ato teologjike, në përpjekje për të shlyer gjynahun e vjetër, mundi të shkojë edhe në Mekë duke marrë titullin Haxhi. Sot, zyrtarisht, nuk e përdor këtë emër, në mes të emrit të tij dhe mbiemrit. Nesër, në kuptimin - në të ardhmen - që kjo fjalë ka në shqip, nëse nuk konsiderohet sekret, lista edhe mund të publikohet.
Historia e re
Tani, të rikthehemi te ministri i Drejtësisë, Enkelejd Alibeaj. Prej një muaji, revista MAPO dhe media të ndryshme të shkruara dhe elektronike në Shqipëri e kanë konsideruar atë si të përfshirë në procesin e shkrimit dhe hartimit të akteve ligjore që paraprinë tragjedinë e Gërdecit. Duke qenë në postin e drejtuesit të Departamentit të Kontrollit të Brendshëm Administrativ... ai ka shkelur rregulloren e këtij institucioni, që në asnjë nen të tij nuk i jepte këtë të drejtë. Vetë ministri, në mbrojtjen e tij publike, pranoi përfshirjen e tij në këtë proces, por këmbënguli se në këtë rast – dhe në raste të tjerë të ngjashëm – ai kishte kryer me përpikmëri detyrën e tij, të sanksionuar nga e njëjta rregullore. “Bashkangjitur ke një relacion mbi situatën juridike dhe mundësitë ligjore për implementimin e një marrëdhënieje kontraktore të d.p.d. për rastin konkret”, - shkruhet në një nga e-mailet që Alibeaj i dërgonte këshiltarit Juridik të ish-ministrit Mediu. Rasti konkret ishte hapja rrugë e çmontimit të materialeve ushtarake nga firma private.
Megjithatë, ekziston një rregullore e Këshillit të Ministrave, e miratuar me Vendimin 584, datë 28 gusht 2003 dhe firmosur nga Fatos Nano (ndryshuar), e cila përcakton në detaje, ndër të tjera, edhe mënyrën e hartimit të projektakteve, përgatitjen e tyre, bashkërendimin, paraqitjen për shqyrtim, futjen e tyre në rendin e ditës, diskutimin, botimin dhe shpërndarjen e akteve. Në hierarkinë e ligjeve, ky vendim – edhe nëse bie në kundërshtim me rregulloren e departamentit të dikurshëm të zotit Alibeaj – ka epërsi zbatimi. Po kështu ekziston dhe Ligji Nr. 9000, datë 30 janar 2003, firmosur nga ish-Presidenti i Republikës Alfred Moisiu “Për organizimin dhe funksionimin e Këshillit të Ministrave” që saktëson sesi funksionon ekzekutivi.
Përfshirja e kryeministrit
Vetë kryeministri Berisha ka mohuar publikisht të kishte pasur dijeni për gjithçka që kishte të bënte me Gërdecin dhe çfarë kishte paraprirë atë. Ka mohuar gjithashtu dhe përfshirjen e njerëzve të tij të afërm në tragjedinë që shkaktoi 26 të vrarë dhe qindra të plagosur më 15 mars 2008. Edhe pse deri tani nuk e ka përmendur kurrë në lidhje me këtë çështje ministrin e tij aktual të Drejtësisë, është e qartë se ai e përjashton bashkëpunëtorin e tij të ngushtë prej saj. Dhe ka gjasa që kjo të jetë e vërtetë, veç nëse kihet parasysh roli i vetë kryeministrit në përgatitjen e akteve që miraton Këshilli i Ministrave. “Kryeministri bashkërendon procesin e përgatitjes së programit analitik të projektakteve dhe e propozon për miratim në mbledhjen e Këshillit të Ministrave”, - thuhet në pikën 9, të Vendimit 584. Ky nen kushtëzon pikërisht rolin e kryeministrit në të gjitha procedurat e ngjashme dhe natyrisht edhe për atë të ndjekur në rastin e realizimit të shtratit ligjor të Gërdecit. E gjithë kjo shkon ndesh me mohimin e dijenisë që kryeministri ka shprehur.
Si përgatitet projektakti
Vendimi i mësipërm i Këshillit të Ministrave shpjegon dhe detajon në mënyrë të hollësishme se si realizohet ky proces. Neni 13 saktëson se ministri “Mbështetur në vlerësimin paraprak të projektaktit cakton me urdhër të veçantë çështjet që duhen rregulluar, format e pjesëmarrjes dhe hapat kryesorë të realizimit dhe bashkërendimit të procesit legjislativ, afatet përkatëse të zbatimit të tyre, strukturat përgjegjëse, si dhe burimet njerëzore dhe materiale që ngarkohen të punojnë me strukturën juridike për hartimin e çdo projektakti”. Pra, në rastin e projektakteve që lidhen me atë çka ndodhi më pas në Gërdec, këto detyra që ngarkon ligji duhet të ishin realizuar nga ish-ministri Mediu. Urdhri përkatës i zotit Mediu për këtë rast nuk është bërë publik. Më tej, neni 14, saktëson se projektakti “hartohet nën përgjegjësinë e strukturës juridike...” dhe kjo gjë legjitimon pjesëmarrjen në proces të këshilltarit juridik të Mediut, gjysma e segmentit që mbaronte me Alibeajn. Neni 15 i jep të drejtë digasterit të mbrojtjes që të “...kërkojë mendimin e ekspertëve të tjerë, brenda dhe jashtë ministrisë”. Në pamje të parë duket se kështu legjitimohet dhe eksperti jashtë Ministrisë së Mbrojtjes, Alibeaj, por nuk është plotësisht kështu. Në tërësi, vendimi sipas nenit 9, të sipërcituar, ngarkon kryeministrin ta urdhërojë një gjë të tillë për Alibeajn. Pra, duhet një urdhër i kryeministrit ndaj tij që ta legjitimonte atë në këtë pozicion. Në këtë rast, ose kryeministri e ka firmosur një urdhër të tillë dhe ka pasur dijeni për atë çka po përgatitej të ndodhte në Gërdec, ose Alibeaj është sërish tërësisht jolegjitim në rolin e “këshilltarit” të këshilltarit.
Dhënia mendim për projektaktin
“Të gjitha projektaktet pa përjashtim i dërgohen për mendim ministrit të Drejtësisë, i cili duhet të shprehet lidhur me ligjshmërinë e formës dhe përmbajtjes, për çështjet e zbatimit të unifikuar të teknikës legjislative...”, thuhet në Nenin 22 të Vendimit 584. Në rastin konkret, ish-ministri i drejtësisë Bumçi e ka bërë një gjë të tillë në datën 9 mars 2007, me shkresën me numër 1594/1. Po kështu, mendim duhet të shprehë ministri i Financave kur ka efekte financiare apo dhe, sipas rastit, edhe ministri i Ekonomisë. Bode besohet se ka qenë kundër vendimit të 14 marsit 2007, por publikisht ende nuk dihet se cili ka qenë qëndrimi i tij në mbledhje. Kjo gjë pritet të mësohet në përfundim të hetimeve të nisura nga Prokuroria e Përgjithshme. Varësisht llojit dhe natyrës së projektaktit, në të mund të përfshihen dhe anëtarë të tjerë të kabinetit qeveritar.
Neni 40 i këtij vendimi parashikon dhe përfshirjen në procesin e miratimit të projektaktit të sekretarit të Përgjithshëm të Këshillit të Ministrave. “Nëse është e nevojshme, sipas urdhërimeve të kryeministrit, sekretari i Përgjithshëm kujdeset për reflektimin teknik të zgjidhjeve të arritura, me pjesëmarrjen, sipas çmimit të tij të Departamentit Juridik dhe atij të Koordinimit në KM...”, thuhet në këtë nen. Neni 47 i jep të drejtë këtij nëpunësi civil, më të lartit në KM, edhe për të kthyer mbrapsht një projektakt të caktuar. Ai përpilon dhe rendin e ditës së mbledhjes së qeverisë që e miraton kryeministri.
Diskutimi i projektakteve
Produkti i bashkëpunimit Alibeaj-këshilltari juridik i ministrit të Mbrojtjes, i shndërruar në projektakt, do të duhej, siç dhe ndodhi, të miratohej në mbledhjen e qeverisë. Ai mori formë ligjore më 14 mars 2007.
Të gjitha hapat e përshkruara nga Vendimi 584, që kushtëzojnë miratimin e projektaktit, dëshmojnë së paku tre momente: dijeninë e plotë e të detyrueshme ligjore të kryeministrit për projektaktin që u miratua më 14 mars, fiks një vit përpara se të hidhej në erë Gërdeci, rolin e ministrit të linjës, zotit Mediu, në përplimin dhe hartimin e tij dhe delegjitimimin e pjesëmarrjes së zotit Alibeaj në këtë proces. Raportin mes tyre, natyrisht nuk është detyrë e medias që ta sqarojë. Ashtu siç është detyrim i saj që të publikojë në të ardhmen një pjesë të listës së vjetër me shtatë emra “gjynahqarësh” që kanë pasur një problem me SHIK-un e Gazidedes në vitin 1993.
Albania
Sui generis
kush na e sqaron fjaline e fundit te artikullit me lart..?
nuk e kuptova albanien e rakipit..
Me sa kuptoj une o Brar, ajo fjali ishte "Fatura e Gjobes" qe Yli i Rakipllarëve i preu nja 7 vetave, te cilet ndodhen ne ndonje liste dhe qe Ylli e ka siguruar ne ato koherat kur i lepinte bytheen Salos 6 here ne dite (para dhe mbas buke).Postuar më parë nga Brari
ligja denon dike per berje te nje faji por denon dhe dike per mos kallzim te nje faji.. apo indiference..
kur nje femije luan ne rruge me top ka faj cdo kalimtar qe nuk i thote.. ik o cun nga rruga se te shtip makina..
ligji ndoshta nuk e kap sejcilin kalimtar ne kte rast.. por polici lagjes ka faj.. mesuesi i femijes ne shkollen e drejtoria shkolles pran ka faj.. prindi po ashtu.. por moralisht dhe kalimtaret qe kaluan aty rastesisht jan fajtor pse nuk nderhyne..
dhe gerdeci i ka ca tipare poliedrike.. pra nje faj shum faqesh..
sipas atyre cka un lexoj.. ne artikujt qe sjell tashme gerdeco-logu yne rapsol.. del se gerdeci ska qene nje "femije i pa pare se po luan ne rruge.."..
pamvaresisht se kush do denohet nga ligja.. moralisht un shoh shum fajtore..
pra un kuptoj se ne gerdecin para shperthimit.. kishte shkuar aty syri e veshi i opozites dhe i medias pran saje..
per kete te bindin emisionet e meros ne tv por dhe dhjetra shkrime te gazetave vegla te opozites sikurse gazetat e televizionet bollino albmalltezoiste e anil basho iste.. ill rakipoiste e topo chanello tano hoxhiste.. sokol balloiste.. edviniste.. e sigurisht dhe te zellshmit mero baziste.. te cilet nga mungesa e durimit.. derdhen dinin cdinin per gerdec ne ditet pas shperthimit deri me sot..
cfar kam kuptuar..
se ne gerdec shum kohe para shperthimit.. shkonin kamerat e fshehta te mafies anti-berish..
se ne tirane pergjohej nga kjo mafie cdo levizje e mediut e pinareve e delijorgjave dhe e xen berishave..
mafia dinte cdo gje.. se cbehej ne gerdec.. se kush punonte aty.. cbehekj aty.. nga vinin e ku shkonin malli ushtarak.. e mbi te gjitha dhe se aty punoin gra e kalamaj e fshatar te pa specializuar ne ceshtje ushtarake..
mafia dinte dhe cöuhej ne sirtaret e minisrive e ne fakso innternetet qeveritare..
dihet aftesia e tyre ne tartabiqoizem.. me rastin gaz dibra e sander moisi hoxh e pastaj me takun ngjel..
pra mafia e dinte se "beni i vogel po luan ne rruge me top" dhe se nga casti ne cast.. mund te shtypej nga makina te rastit..
kjo perben nje fushe ku prokuroria po te ish prokurori shteti e jo vegel e mafies anti-berish.. do zbulonte minerale me vlere qe ti shkonte ceshtjes me themel..
nje media e ndershme po te dinte mbi gerdec shum kohe para shperthimit.. do kish bere alarm me kohe..
pra do kish bombarduar shum kohe para shperthimit qeverrine..
o sali si ske turp..ne nje punishte predhash po te punojne grate e femijet.. po benet korrupsion me mall ushtarak te popullit.. po behen ne nje zone jo te pershtatshme per ato pune..etjetj..
e natyrisht kur te benej gurguleja ne media.. do behej gurgule dhe ne politik.. e do shkundej shteti e qeverria.. shkurt hesapi mundesia e parandalimit te hiroshimes do ishte 99,99%..
mirpo kjo nuk ndodhi..
deri ne minuten e fundit.. asnje medie nuk permendi pun gerdeci.. pra.. dhe se e dinin ata nuk u ndjene.. pra leverdia politike.. e vene ne kandar me humanizmin.. qe qe benin e vogel te mos e shtyp makina.. fitoj.. mbi kte te fundit..
pra madia mafioze.. nuk kishte interes te paralajmeronte rrezikun e nje shperthimi.. por perkundrazi i leverdiste shperthimi sepse nga nje gerdec i paralajmeruar te mos shpertheje dhe nje gerdeci qe shperthen.. ajo pa ndryshim te madh ne perfitime..
pra me nje gerdec pa u shperthyer.. nuk fitohet shume mbi armikun sali.. se po te flitej para shperthimit saliu merr masa e shpetojn mileti por.. llogjika e mafies kjo .. keshtu nuk fitojne aq shume edvin veli metot.. e mediamafia .. prandaj me mir heshtje.. dhe pastaj plasje.. e pastaj korrje fitoresh mbi saliun..
mirpo mes heshtjes..dhe plasjes.. a eshte rastesia..
hm..
mos i eshte thene turit shoferit qaflesh te lagjes.. bej nje berdaf o tur me makine.. se je i zoti.. dhe turi ben viuu ne rruge e shtyp benin.. e vogel.. dhe o burra pushim nga puna drejtorit te shkolles qe nxensin ben e la ne rruge e nuk e mbajti ne klase.. dhe nazifi qe enderron te benej drejtor..ka rrugen e hapur..
ki eshte skenari i gerdecit..
pra ka pritur thua mafia qe te vije rastesisht shperthmi ne gerdecin te cilin e njihte mire.. e qe pastaj te kerkonte saliun ne litar e karriken e tij..per mullaqe te edvinit..
apo.. pse me prit.. tenente gurabardhi le te pergatis zanatalisht e sekretisht shperthimin.. e pastaj njesitet tona ne aksion e pastaj ne gati nga maj e kodrave me kamere.. e pastaj.. hm sali ik.. e pastaj sokoli i ballajve te nexhmijes.. merot e zemeruar me elvanat e saliut e bollinot me misione misterioze.. ne kto brigje.. e enverizmi ne prag 100 vjetori.. te ngadhenjejne fitimtare..
pra gerdeci ka shum faqe.. faqen e zeze te medi pinar deli m.utave ..e xenve.. pisa.. por dhe faqen e neveritshme te pales tjater qe hamendesova.. jo bash pa fakte..
pra dhe prokuroria ka dy linja qe duhet ti ndjeke..
mirpo qarte shihet se.. ajo pra prokuroria vishinskoiste.. ndjek linjen.. qe i duhet 100 vjetorit te enverizmit..qe te gdhije ne pushtet me 2008 me kelishet e saje ne zyrat e qeverrise..se te bashkive i ka me kohe..
keshtu e shoh gerdecin une..
salija po thoka se shperthimi i gerdecit paska ardhur prej pakujdesise njerezore ...
i kllonuari i tij kanibalesk, sozija sali-forumistike - alias brari, shkruan te tjera qarqafe, si ai me la ...
s'di ke te besoje i gjori njeri ... cilen ta haje me pare ...
i dum patatet e zime, paten than dikur lurianet, ndrysh kthejeni kamionin ...
rapsoul..
ne se mundesh.. na sill nga gazeta shqiptare kujtimet e alfred moisiut qe po i boton kjo gazete..
e postoji tek historia..
do jen interesante..
Me sill linkun e rubrikës dhe do të mundohem regullisht ta publikoj atë tek historia, nënkuptohet nëse ka të bëjë me atë rubrik.
Sui generis
Familjarët e viktimave të Gërdecit kërkojnë në Gjykatë kopje të dosjes hetimore
Tiranë- Familjarët e viktimave të Gërdecit dhe avokatët e tyre kanë kërkuar sot kopjet e akteve të dosjes hetimore për të ashtuquajturën “Tragjedia e Gërdecit”.
Nëpërmjet avokatëve të tyre, ata u ankuan sot në Gjykatën e Rrethit Gjyqësor Tiranë, në mënyrë që ta detyrojnë Prokurorinë e Përgjithshme për sa sipër.
“Familjarët e viktimave të Gërdecit janë më të vendosur se kurrë që të ushtrojnë plotësisht të drejtat e tyre procedurale, duke kërkuar procedimin e fajtorëve dhe shpërblimin e dëmit”- thanë avokatët.
Ata janë të vendosur, që të mos tolerojnë zvarritjen e hetimeve nga ana e Prokurorisë së Përgjithshme, si dhe pengimin nga kjo e fundit, të avokatëve të tyre për të luajtur rolin procedural që u takon në këtë procedim penal.
“Këta familjarë ftojnë edhe njëherë Prokuroren e Përgjithshme, që t’i lejojë avokatët e tyre, sa më parë të jetë e mundur, pa e detyruar atë gjyqësisht, të njihen me aktet e dosjes dhe të marrin kopjet përkatëse, në mënyrë që ata të përpilojnë padinë civile në procesin penal, si dhe varësisht nga hetimet të paraqesin kërkesa për të marrë prova të tjera në këtë proces”- thanë të njëjtat burime.
Familjarët e viktimave të Gërdecit dëshirojnë që kjo çështje të hetohet dhe të gjykohet shpejt, duke evituar përdorimin elektoral të dhimbjes së tyre. Ata shprehen të sigurt, që hetimit dhe gjykimit të kësaj çështjeje do t’i shkojnë deri në fund.
Shekulli
Sui generis
“Pastërtia e figurës” tenton të godasë prokurorët e “Gërdecit”
Tiranë - Drafti “Për pastërtinë e figurës”, i propozuar nga Partia Demokratike, sjell një “goditje” të drejtpërdrejtë në ekipin e hetuesve të dosjes “Gërdeci”. Ky draft, i cili aktualisht po diskutohet në Komisionin Parlamentar të Ligjeve, eliminon në mënyrë radikale aktivitetin e cilitdo prokurori apo gjykatësi që ka punuar si hetues apo gjyqtar përpara viteve ‘90. Vetëm në rastin e dosjes “Gërdeci” evidentohen lehtësisht të paktën dy prokurorë që kanë hetuar dhe para viteve ‘90. E, ç’është më e rëndësishmja, bëhet fjalë pikërisht për dy prej hetuesve më kryesorë të kësaj dosjeje, të cilët janë thuajse dirigjuesit e hetimit që aktualisht është përqendruar në pistën e trafikimit të armëve. Sipas këtij drafti, cilido prokuror apo gjykatës përjashtohet automatikisht nga ky funksion mjaft që të ketë punuar në të njëjtin pozicion para vitit 1990. Me shumë gjasa ky draft do të kalojë për votim në Kuvend dhe do të hyjë në fuqi, ndërsa një kriter i tillë është i paprecedent nëse krahasohet me praktikat e zbatuara në të gjitha vendet ish-komuniste, të cilat e kanë kryer këtë proces një dekadë më parë.
Drafti
“Anëtarët e Këshillit të Lartë të Drejtësisë dhe gjyqtarët e prokurorët e të gjitha niveleve të gjykatave dhe prokurorive. Funksionarë të lartë të Presidencës, administratës së Kuvendit, të Këshillit të Lartë të Drejtësisë, të Gjykatës së Lartë, të Gjykatës Kushtetuese, të Prokurorisë së Përgjithshme”, - shkruhet ndër të tjera në këtë draft, i cili detajon të gjitha kategoritë e funksionarëve publikë që do t’i nënshtrohen kontrollit. Por nëse përfshirja e këtyre kategorive është një akt krejt normal, “kushtet e filtrimit” që parashikon ky projektligj duket se cenojnë disa nga prokurorët dhe gjykatësit që sot janë duke hetuar apo gjykuar “dosje të rënda”, që në thelbin e tyre prezumojnë implikimin e funksionarëve më të lartë të qeverisë dhe maxhorancës (e cila ka hartuar projektligjin) në krime dhe trafiqe që kanë shokuar dy vitet e fundit opinionin publik.
Janë më së paku dy prokurorë të dosjes “Gërdeci” që mund të “skualifikohen” porsa ky ligj të shpallet në Fletoren Zyrtare (në rast se votohet në Kuvend) dhe e humbin menjëherë vendin e punë. Por duket se nga ky ligj preket dhe prokurori që rizgjoi hetimin e dosjes “Remzi Hoxha”, e cila është gjithashtu një dosje që lidh emra të fuqishëm të maxhorancës me një krim shtetëror të mirorganizuar.
Goditje
Së fundi, sikurse është publikuar në të gjitha mediat, dosja “Rrëshen-Kalimash” i është drejtuar Gjykatës së Lartë. Pikërisht dhe në këtë institucion mund të preken dy gjyqtarë, të cilët edhe kur u votuan në Parlament (me dekret të presidentit), për pak sa nuk u “dogjën” nga mungesa e votave të një pjese të maxhorancës. Por ç’është më e rëndësishmja lidhet me faktin se drafti i maxhorancës po shënon një “rast unikal dhe të paprecedentë” në lëmin e të drejtave të njeriut. Kjo mund të thuhet lehtësisht në kushtet kur të gjithë këta zyrtarë që kanë punuar para viteve ’90, në thelb kanë qenë “shërbëtorë të ligjit”, e pikërisht për këtë arsye, në të gjitha vendet ish-komuniste, trajtimi i statusit të tyre u është nënshtruar analizave dhe projektligjeve të ardhura si propozime shkencore dhe jo si propozime të ngutshme politike apo partiake. Madje, në rrethanat aktuale, kjo nismë kaq “radikale” e maxhorancës duket se vë në pikëpyetje serioze qëllimet e saj, pasi nga ky draft preken prokurorë që po drejtojnë hetime kundrejt pushtetarëve të rëndësishëm, madje dhe ndaj familjarëve të tyre për implikime kriminale. E, ky ligj i ardhur në këtë kontekst duket se po kërkon që në emër të padrejtësive të bëra para viteve ‘90 të mbulojë padrejtësitë dhe implikimet kriminale të viteve 2000.
Funksionarët që janë objekt verifikimi:
... d) Anëtarët e Këshillit të Lartë të Drejtësisë si dhe gjyqtarët e prokurorët e të gjitha niveleve të gjykatave dhe prokurorive;
e) Funksionarë të lartë të Presidencës, administratës së Kuvendit, të Këshillit të Lartë të Drejtësisë, të Gjykatës së Lartë, të Gjykatës Kushtetuese, të Prokurorisë së Përgjithshme, sipas rangjeve të caktuara në pikën “c”.
”Gërdeci”, amerikanët ndërhynë për të ndalur presionet mbi Prokurorinë
Që pas shpërthimit vdekjeprurës më 15 mars në Gërdec, hetimi i kësaj çështjeje është shoqëruar vazhdimisht me dritëhijet e “luftës” së ftohtë për bllokimin e hetimeve. Pas dy muajsh hetimi paraprak dhe intensiv nga Prokuroria, më 3 qershor të këtij viti, nga ambasadori amerikan do të vinte një deklaratë e fortë, e cila komprometoi publikisht rolin e qeverisë në raport me hetimet. Strumbullari ishte kërkesa e Prokurorisë për heqjen e imunitetit të ish-ministrit të Mbrojtjes, Mediu. Pas mbërritjes së kësaj kërkese, kryeparlamentarja Topalli i dërgoi një përgjigje Prokurorisë, të cilën zyrtarë amerikan të Departamentit të Shtetit e quajtën si një “letër-horror”. Dukej sikur kryeparlamentarja ishte kthyer në gjykatëse duke i sugjeruar madje Prokurorisë se si duhej hetuar zoti Mediu. Ndërkohë që pas një takimi me kryeprokuroren Ina Rama, ambasadori Uidhers ka shprehur zhgënjimin e tij dhe të qeverisë amerikane për përpjekjet që janë bërë për të bllokuar hetimet për çështjen e Gërdecit. “Qeveria amerikane do të shihte e zhgënjyer dhe e alarmuar çdo lloj përpjekjeje për t’ia nënshtruar këtë hetim çfarëdo ndikimi të jashtëm. Është detyra kushtetuese e prokurores së Përgjithshme, dhe jo e ndonjë organi tjetër të qeverisjes, që të kryejë punën e saj pa pasur ndërhyrje. Që të ndodhë kjo është e domosdoshme që Parlamenti të trajtojë në mënyrë të menjëhershme çështjen e imunitetit parlamentar”, - deklaroi asokohe Uidhers.
Fazlliç, Berisha e nxori “të jashtëligjshme” Prokurorinë shqiptare
Fill pasi Prokuroria nisi hetimin ndaj mikut të kryeministrit Damir Fazlliç, ky i fundit doli publikisht dhe deklaroi se do të kërkonte hetim ndërkombëtar, duke nxjerrë thuajse “jashtë loje” kushtetutshmërinë e institucionit të Prokurorisë shqiptare. Kryeministri u shpreh se do të nxirrte një dekret, nëpërmjet të cilit do të kërkonte hetimin ndërkombëtar të Fazlliçit, hetim i cili do të zbardhë nëse ky biznesmen ka përfituar ose jo nga fondet publike të qeverisë shqiptare. Berisha gjithashtu bëri të ditur se do të kishte edhe një hetim parlamentar ndaj Fazlliçit, pasi do të miratohet së shpejti ngritja e një komisioni të posaçëm hetimor. Gjatë fjalës së mbajtur përpara mediave, Berisha akuzoi prokurorët Shtylla dhe Mazreku se kanë shkelur Kushtetutën ndërsa kanë kërkuar nëpërmjet një bisede telefonike që të ndalohet nga policia Damir Fazlliç, gjatë vizitës së zhvilluar ditë më parë në Tiranë. Po kështu, kreu i qeverisë shqiptare e cilësoi të padrejtë ngrirjen e aseteve të kompanive të biznesmenit Fazlliç. Rasti Fazlliçit u paraqit shumë interesant, pasi këtij biznesmeni iu provua në media shitja antiligjore e një firme ku u dyshua për pastrim parash. Fazlliç në biznesin e tij implikoi studion ligjore të vajzës së kryeministrit, kunatin e ministrit të Jashtëm Lulzim Basha, por edhe pronarin e kompanisë amerikane “BG&R” (e cila mbështeti PD-në në zgjedhjet e vitit 2005) Ed Roxhers. Fill pas kësaj deklarate “të frikshme” të Berishës, ambasadori amerikan shprehu publikisht mbështetjen maksimale për Prokurorinë shqiptare, ndërsa amerikanët ofruan dhe ekspertizën e tyre pranë Prokurorisë në hetimin e komplikuar të pastrimit të parave dhe krimit ndërkombëtar. Ndonëse Berisha premtoi publikisht “hetim ndërkombëtar” dhe “komision hetimor parlamentar” për Prokurorinë (referuar kërkesës për marrjen në pyetje të Fazlliçit), sot askush nga maxhoranca nuk flet më për një gjë të tillë, ndonëse dy apo tre figura të maxhorancës dolën për tri javë me radhë nëpër media duke mbrojtur idenë dhe nismën e këtyre hapave të paralajmëruar nga vetë Berisha. Por deri tani hetimi i Prokurorisë ka vazhduar normalisht, madje duke u asistuar dhe duke pasur interesimin dhe të hetuesve ndërkombëtarë. Pak kohë më parë, disa hetues të huaj kanë mbërritur në Tiranë dhe kanë marrë kontakte me zyrtarë të lartë të Prokurorisë së Përgjithshme për këtë çështje. “Albania” ka mundur të mësojë se hetuesit e huaj kanë qenë seriozisht të interesuar për të ngelur në kontakt dhe për të mos nënvleftësuar asnjë të dhënë që do të dalë nga hetimi shqiptar për Fazlliçin lidhur me aktivitetin e tij në Shqipëri.
Albania
Sui generis
Regullat e Postimit
Përgjigju Duke Cituar
Krijoni Kontakt