Hetimet e Kryeprokurorisë për tragjedinë e Gërdecit

[RaPSouL]

KE: Shqipëria të zbardhë tragjedinë e Gërdecit

Tragjedia e Gërdecit dhe transparenca e financimit të partive poltike, janë dy cështjet kryesore për të cilat Komisioni Europian i kërkon Shqipërisë të hetojë në mënyrë të gjithanshme. Raporti i cili do të publikohet më 5 nëntor kritikon Shqipërinë se nuk po lufton në mënyrë të gjithanshme korrupsionin.

BRUKSEL- Komisioni Europian i bën thirrje Shqipërisë të hetojë në mënyrë të gjithanshme tragjedinë e Gërdecit, ku në mesditën e 15 marsit mbetën të vrarë 26 persona dhe u plagosën mbi 300 vetë.

Raporti i cili do të publikohet i plotë më 5 nëntor në Bruksel thekson se Shqipëria nuk ka bërë aq sa duhet në luftën kundër korrupsionit dhe krimit të organizuar. “Përvec disa progreseve, lufta kundër korrupsionit dhe krimit të organizuar mbetet sfida më e madhe” thuhet në raport. Komisioni Europian thekson se një strategji e gjithanshme e luftës kundër korrupsionit nuk ka filluar dhe shton se korrupsioni mbetet një nga problemet më serioze dhe më i zgjeruari”

Raporti shton se “Lufta e korrupsionit në sistemin e gjyqësorit mbetet një nga cështjet kyce”, dhe i bën thirrje për një investigim të gjithanshëm të tragjedisë së Gërdecit.

“Duhet më shumë punë në të gjithë aspektet e cështjes, duke përfshirë përgjegjëshmërinë e gjyqësorit dhe transparencës së financimit të partive poltike” thekson raporti.

Raporti vëren vetëm një progres të limituar në parandalimin e pastrimit të parave, si dhe në luftën kundër trafikut të drogës i cili “mbetet një problem serioz”. Shqipëria ka mungesë të një infrastrukture gjyqësore, thotë raporti duke theksuar se “mungon një reformë strategjike për sistemin e drejtësisë”
Sipas raportit Shqipëria ka nevojë të ndërmarrë përpjekje të mëdha për të vendosur një njëshërbim civil të pavarur dhe eficent.

Shqipëria ka bërë progres në legjislacion, në polici me standardet europiane dhe në implementinin e marrëveshjes interim, sidoqoftë në fushën e drejtësisë, lirisë dhe sigurisë vendi ka bërë një progress “jo të barabartë” prandaj Komisioni Europian e konsideron se është e nevojshme përmirësim tërësor.

Megjithëse Shqipëria po merr pjesë në dialogun mbi liberalizimin e regjimit të vizave, raporti thotë se Shqipëria ende nuk ka arritur standardet e Bashkimit Europian përsa I përket regjimit te vizave. Në këtë kuadër Be rekomandon Shqipërinë të fillojë shpërndarjen e pasaportave biometrike .

Komisioni Europian pranon se Shqipëria ka vazhduar të bëjë progres për të cuar përpara demokratizimin dhe shtetin e së drejtës, sidoqoftë kritikohet për mungesën e dialogut mes partive politike. Gjithashtu kërkohet konsolidimi i fuksionimit të institucioneve shtetërore.


(Balkaninsight/BalkanWeb)

[Duaje Siveten]

Cituar prej Shekull

...
kush mund të thotë se fenomeni “Gërdec” nuk është ilustrim i Korrupsionit shtetëror, atëherë ai ose është delirant patologjik dhe i pandreqshëm, ose arkitekti i vetë dukurisë që vret, ose nuk flet shqip.

[RaPSouL]

Komisioni Europian, kritika qeverisë shqiptare për Gërdecin dhe korrupsionin

Zbardhet pjesa e raportit që do të prezantojë kryekomisioneri Rehn. Kritika edhe për mungesën e transparencës për financimet e partive


Projekt-raporti i Komisionit Europian për Zgjerimin pritet të shfaqë kritika të ashpra në drejtim të qeverisë shqiptare. Pjesë e këtij projekt-raporti, i cili pritet të prezantohet në datën 5 nëntor nga kryekomisioneri Oli Rehn, është publikuar ekskluzivisht nga agjencia e lajmeve “Balkaninsight”. Tragjedia e Gërdecit dhe zbardhja e saj duket se do të jetë pika kryesore e dobët e qeverisë shqiptare që do t’i kërkohet nga Komisioni Europian për Zgjerimin. Por kritikat duket se nuk do të kursehen edhe përsa i përket luftës së korrupsionit, ku rezultatet e qeverisë shqiptare vlerësohen modeste në këtë drejtim.

Raporti


Komisioni Europian konstaton se Shqipëria ka bërë progres të vazhdueshëm për të forcuar demokracinë dhe shtetin ligjor. Megjithatë, ajo kritikohet për mungesën e dialogut politik midis partive politike. “Përveç disa rezultateve, lufta kundër korrupsionit dhe krimit të organizuar vazhdon të mbetet sfida kryesore. Strategjia antikorrupsion ende nuk është zbatuar dhe përhapja e korrupsionit vazhdon të jetë një problem serioz.
Lufta kundër korrupsionit në sistemin e drejtësisë vazhdon të jetë një çështje kyçe, ndërsa duhen çuar deri në fund hetimet për shpërthimin e Gërdecit. Kritikat duket se do të përqendrohen edhe përsa i përket transparencës së financimeve të partive politike. “Duhet bërë shumë punë për transparencën e financimit të partive”, - nënvizohet më tej. Raporti i Komisionit Europian për Zgjerimin thekson gjithashtu se ka pasur arritje shumë të pakta në luftën kundër pastrimit të parave si dhe kundër trafikut të drogës (që vazhdon të përbëjë një shqetësim serioz”.

Sistemi i Drejtësisë


Shqipëria ka bërë shumë pak përsa i përket sistemit të Drejtësisë. Reforma në Drejtësi ende nuk është realizuar. Sipas raportit, Shqipëria duhet të marrë masa për të forcuar gjithashtu pavarësinë, eficencën në shërbimin civil. Shqipëria ka bërë progres përsa i përket legjislacionit, politikave dhe kapaciteteve me standardet europiane, duke implementuar marrëveshjen e integrimit. Megjithatë, në fushën e drejtësisë, lirisë dhe sigurisë, Shqipëria ka bërë një progres të ulët dhe për këtë arsye Komisioni mendon se duhet një përmirësimin edhe më i madh në këtë drejtim. Gjithashtu, pavarësisht se Shqipëria po merr pjesë në dialogun për regjimin e liberalizimit të vizave, ajo ende nuk ka arritur standardet e Bashkimit Europian për të përfituar regjimin e vizave. Në këtë drejtim, raporti i rekomandon Shqipërisë që të fillojë menjëherë shpërndarjen e pasaportave biometrike.

Pikat kryesore të kontratës së qeverisë shqiptare me Komisionin Europian

- Promovimi i dialogut konstruktiv mes partive politike dhe grupeve të interesit mbi realizimin e reformave.

- Rritja e pavarësisë, llogaridhënies dhe transparencës në sistemin gjyqësor, ku përfshihet mbrojtja kushtetuese e gjyqtarëve, emërimi i gjyqtarëve dhe prokurorëve në bazë të konkurrencës së ndershme, vlerësimi i tyre në bazë të meritave.

- Zbatimi i strategjisë antikorrupsion 2007-2013 dhe rekomandimeve të bëra në raportin e 2005-s nga ana e Këshillit të Europës kundër korrupsionit si dhe hetimi dhe ndjekja penale e rasteve të korrupsionit në Polici dhe Prokurori.

- Zbatimi i rekomandimeve nga zyra e OSBE-së për institucionet demokratike dhe të drejtat e njeriut gjatë zhvillimit të zgjedhjeve, veçanërisht duke përmirësuar listat e votuesve, amenduar në kohë Kodin Zgjedhor në të njëjtën linjë me rekomandimet e Komisionit të Venecias për zgjedhjet e ardhshme parlamentare.


- Forcimi i mëtejshëm i qeverisjes në sektorin publik duke përmirësuar cilësinë dhe paanshmërinë e administratës publike.


- Arritja e rezultateve konkrete në luftën kundër krimit të organizuar.

- Përmirësimi i regjistrit civil dhe sistemit të adresave, futja e kartave elektronike të identitetit dhe pasaportave biometrike. Përsa i përket administratës publike, kërkohet forcimi i ligjit për shërbimin civil dhe rregullat e lidhura me administratën publike.


Kritikat për qeverinë shqiptare në raport

- Zbardhja e tragjedisë së Gërdecit
- Rezultate modeste në luftën kundër korrupsionit
- Mungesa e transparencës për financimin e partive
- Mungesa e rezultateve në luftën kundër pastrimit të parave
- Mungesa e rezultateve në luftën kundër drogës
- Mungesa e realizimit të reformës në Drejtësi




Kroacia merr vlerësime, Maqedonia jo

Raporti i Komisionit Europian për Zgjerimin duket se do të ketë vlerësime mjaft pozitive për Kroacinë, ndërkohë që krejt e kundërta do të ndodhë për Maqedoninë. Në raport theksohet se Kroacia ka arritur të përparojë me hapa të sigurt drejt stabilitetit. “Kroacia ka arritur të përmirësojë aftësitë e saj për të marrë obligimet e anëtarësimit. Përgatitjet për anëtarësimin në BE kanë pasur progres të jashtëzakonshëm”, - thuhet në raport. Komisioni Europian nuk rekomandon hapjen e negociatave me Maqedoninë për hyrjen e saj në BE. Sipas raportit, Maqedonisë i mungojnë kriteret politike. Raporti thekson se mangësitë e Maqedonisë janë të lidhura me dhunën në zgjedhjet e fundit dhe mungesa e një dialogu politik konstruktiv midis palëve. Për Malin e Zi, Komisioni Europian për Zgjerimin vlerëson se në këtë vend kërkohen më shumë masa për zbatimin e reformave, veçanërisht në sistemin e drejtësisë. Progres-raporti thekson se Mali i Zi duhet të përmirësojë qeverisjen dhe rolin e Gjyqësorit, si dhe të tregojë një vullnet të madh politik për të arritur rezultatet në luftën kundër korrupsionit. “Pavarësisht disa arritjeve, lufta kundër korrupsionit dhe krimit të organizuar mbeten sfidat kryesore për Malin e Zi”, - thuhet në Projekt-raport.
Kritikat priten të jenë të shumta edhe për Kosovën, për shkak të nivelit të lartë të trafiqeve dhe mungesës së rregullit ligjor. Ndërkohë, çështja e Kosovës dhe pretendimet ndaj saj përbëjnë problemin kryesor që ndan Serbinë nga integrimi i saj në BE.


Albania

[RaPSouL]

Ina Rama shet dosjen e Gerdecit

Ashtu si edhe ne disa ceshtje te tjera te rendesishme, edhe ne kete te Gerdecit, prokuroria vazhdon avazin e vjeter te saj: Shitjen e dosjes hetimore. Keshtu ka ndodhur edhe me shitjen ne tregun mediatik te disa e-maileve te Ministrit te Drejtesise Enkelejd Alibeaj te derguara ne nje adrese te Ministrise se Mbrojtjes kur ai ka qene keshilltar. Prokuroria politike e Ina Rames eshte aq trime dhe e pavarur sa te shkele ligjin edhe kunder Ministrit te Drejtesise. Nxjerrja ne treg, e materialeve te administruara ne nje dosje hetimore eshte nxjerrje e sekretit hetimor. Keto e-maile nuk jane siguruar nga gazetat, te cilat kane te drejte t'i sigurojne ne rruge te ndryshme dhe t'i botojne. Keto e-maile jane nxjerre nga kompjuteret e zyrtareve te Ministrise se Mbrojtjes te detyruar nga ligji dhe jane vene ne sherbim te hetimit per shkak te se drejtes qe prokuroreve u jep ligji. Por nese prokuroret kane te drejte te germojne ne cdo veprimtari, te hetojne dhe te arrijne ne konkluzione ligjore, ne asnje rast nuk kane te drejte te hetojne dhe te perdorin ligjin per llogari te gazetave. Por, shkelja e ligjit nga prokuroret nuk behet per te ndihmuar gazetat te shesin ndonje kopje. Prokuroria e ka bere kete veprim ne te gjitha rastet e ceshtjeve me ndjeshmeri politike. Nuk ka shqiptar te mos e kuptoje se prokuroria furnizon gazetat me te dhena sekrete te dosjeve hetimore ne te gjitha rastet kur kerkon te perbalte politikane apo personalitete qe mendojne ndryshe nga keta bandite qe marrin rrogen e shtetit dhe shkelin ligjet e shtetit edhe kunder zyrtareve te shtetit. Kur kete banditizem ia bejne Ministrit te tyre, mendoni se cfare i bejne nje qytetari te pambrojtur. Por Ministrit mire ia bejne, se kur u shkel ligjet ne urdhrin me telefon per te arrestuar nje qytetar te huaj ne aeroport, Ministri deklaroi se pergjegjesit do te paditen penalisht, por vetem kaq. Ai e harroi te nesermen ta ndjeke kete shkelje ne rruge ligjore. Tani, banditet e prokurorise, te mesuar t'u vene gjoba qytetareve, arrijne t'i vene gjobe edhe Ministrit te tyre dhe Ministri hesht. Mire t'i behet. Une nuk shqetesohem fare se keta prokurore te Ina Rames, ose Ina Rama vete personalisht i vune gjobe duke nxjerre ne treg nje komunikim konfidencial te Ministrit te tyre, por kjo metode komuniste dhe tipike e sigurimit te shtetit perdoret ndaj cdokujt qe do prokuroria. Jane nxjerre me dhjetera dokumente sekrete nga dosjet e prokuroreve, deri edhe video intime private, numra llogarish ne banka, deshmitare sekrete qe kane vene koken ne rrezik etj., dhe asnje prokuror nuk eshte pergjigjur para ligjit

per shkeljet e bera. Perkundrazi, Ina Rama, nje prej te akuzuarve te denoncuar ne prokurori per nxjerrje te sekretit hetimor, prokurorin Olsian Cela, nga te akuzuar e ngriti ne detyre duke e vene Kryeprokuror te Prokurorise se Krimeve te Renda. Dhe kur Kryeprokurorja jep shembullin personal te ngritjes ne detyre te nje prokurori qe vidhte materialet e dosjes hetimore dhe ia jepte nje gazete, pse nuk duhet ta bejne kete

veprim kriminal edhe prokuroret e tjere. Dhe e bejne edhe kunder Ministrit Alibeaj, sepse ky po ben nje ligj qe u heq imunitetin ketyre prokuroreve. Shitja e materialeve te dosjes hetimore te nje prej ceshtjeve me te rendesishme sic eshte ajo e Gerdecit, do te thote se Ina Rama po vazhdon punen per ta shkaterruar hetimin e kesaj ceshtjeje. Furnizimi i gazetave me lajme per e-maile te Alibeajt me Ministrine e Mbrojtjes do te thote te implikosh publikisht nje Minister me pergjegjesi ne nje ceshtje me ndjeshmeri politike. Askush nuk di se c'kane keto e-maile, por ajo qe mbetet tek ata qe lexojne gazetat, eshte se edhe Alibeaj eshte i implikuar me Gerdecin. Ky eshte edhe qellimi i Ina Rames. Ketu do te jemi dhe do te shohim se c'kane ato e-maile, ose ne rastin me te mire nuk do t'i permend njeri, por balten e hodhen ndaj Ministrit. Te gjithe ata qe lexuan palacollekun e gatuar nga Ina Rama kunder Alibeajt, tani mbajne ne kujtese se edhe Ministri i Drejtesise eshte i implikuar me Gerdecin. Por Alibeajt mire ia bejne. Te gjithe dje e komentonin si nje arritje te pavaresise se prokurorise. Aq e pavarur eshte prokuroria politike e Ina Rames sa nuk perdoret vetem kunder njerezve pa imunitet, por edhe kunder Ministrit

te vet. Analistet antiqeveritare arrinin deri aty sa ta mbronin kete veprim antiligjor te

kryeprokurores me argumentin se: keshtu ndodh edhe ne Amerike. Enkeled Alibeaj duhet te kerkoje hetim per nxjerrje te sekretit te dosjes hetimore te ceshtjes me te rendesishme aktualisht ne Shqiperi. Jo se u nxoren ne gazeta e-mailet e tij, por qe prokuroret te mos guxojne te perdorin ligjin dhe detyren e tyre per te sulmuar askend, asnje qytetar te lire. Nese Alibeaj nuk e ben kete ndjekje penale, le te jape doreheqjen, sepse kur nuk eshte ne gjendje te mbroje veten e tij, nuk eshte ne gjendje te mbroje as edhe nje qytetar te ketij vendi. Askush nuk ka me besim tek ai. Te gjithe do t'i japin te drejte Ina Rames dhe banditeve te prokurorise. Edhe ambasadoret.

K.J

[Brari]

mirmir o kj-ja..
ina rama do vazhdoj linjen e sallakut te rrapi minos e te aranit celo hysnive te enverit.. ndryshe.. altini me imellden aty jane..gati me kobure ne dore.. vijne brenda nates..bejne ate qe i bene sallakut dhe ikin po brenda nates ne seli te eu-se..
nuk mundet nje grua.. te guxoje.. se sguxuan burrat.. te dorzoje nje nga kalate e djallezise enveriste..sic eshte prokuroria.. tek demokracia e liria dhe e drejta..

partia e punes ka investuar 50 vjet qe te kete vishinsko aranitet e saje ne gjyqe prokurorira e kudo..
jo vetem kaq..por dhe 99 , 9999 % e avokateve jan ne sherbim te kesaj mafieje..

shikoni cbehet me gjyqin ndaj kriminelit indrit dokle..
shikoni si alarmohet brukseli ne mbrotje te mafies enveroiste miljardere..
aty i ka serial killerat altin arap.. dhe i mban me azil politik..

le te retushoje bamiri top gjykatat e prokurorite me emra kinse te rinj..
ato .. gjykatat e prokurorite me falangat e avokateve ish kanibal enveriste.. do mbesin bastione te fuqishme te ppsh-se.. dhe fabrika te sofistikuara te demagogjise e dizinformimit.. shpifjes e intriges.. qe ushqejne cdo dite media mafien edvinoiste.. me mall te fresket..
keto bastione e kan perdhunuar e cvleresuar voten e 3 korrikut.. dhe pun ditesh a javesh do shohim neper biruca.. partine demokratike .. dhe shtyllat e saja..

bamiri sigurisht dhe pasketaje do mbreteroje me celsa kashte ne presidence.. sikur plaku moisi sikur mejdani e ramizi.. duke u bere cdo dite me i pranushem si kukull ne dore te ruco gjinusho meto nexho edvino brace veli- mafise..

nuk ha bar ppsh-ja .. sot me nicka ..si ps..psd pds e me nickat..prokurori..e pamvarur.. gjykat e pamvarur etj..
ajo punon nat e dite.. me te njejten piksynim si ne 50 vitet e dikurshme..
te vrase lirine e demokracine.. e te sundoje si athere e si tani..

nuku vajti kot merua ne ate gjiriz..
e ndjeu nga anon forca..

mafia.. enveroiste miljardere kanibale.. o e fut pd-ne ne burg.. o do bej 97 te..

ata nuk te falin..

pd ja nuk vuri ment.. si ahere..



..

[Duaje Siveten]

mirmir o kj-ja..
ina rama do vazhdoj linjen e sallakut te rrapi minos e te aranit celo hysnive te enverit.. ndryshe.. altini me imellden aty jane..gati me kobure ne dore.. vijne brenda nates..bejne ate qe i bene sallakut dhe ikin po brenda nates ne seli te eu-se..


..

prognoza e brarishes eshte qe e njejta loje me "prokurora" kanibala, vampira, gjiriza, sadista, etj do te vijoje ...

ashtu si kiqua i blushit, perse nuk paska pasur levizje "sal ik" ...

orkestra makabre e ketyre oshetimave qe vijne ere e eger punisto-sigurimse duan te tregojne me kembengulje se saliu eshte alternativa me e mire dhe me e pershtatshme per meduzen qe te qendroje ne krye te ekzekutivit, per te perfunduar "detirat" qe u ka ngarkuar ramiz-partia per tranzicionin post-komunist ...

perse perhere meraku per prokurorine? Verba volant, scripta manent - thote latini i vjeter; brarishat bejne kujdes qe saliut te mos i ngrihet dhe afrohet asnje akuze, dhe te mos perseritet ai shoqerimi ne polici qe u be ne '98 - nuk i dihet me vone se kujt i mbushet mendja dhe ri-hap ndonje proces - saliu eshte i paster ...

garniturat ina, top e sorollop jane vetem per te tretur vemendjet nga groposja qe po i bejne demokracise e lirise nomenklaturisto-sigurimsat ...

problematika fonde, protokoll, "divergjencat" hipotetike, showt mediatike jane gatuar ne agjit-propin punist - i ka parashikuar partia ato gjera ...

por dardha e ka bishtin prapa ...

[RaPSouL]

“Ligji i Gërdecit”, Alibeaj pranon se është njëri ndër hartuesit

Tiranë - Pas e-maileve të botuara në media, ka reaguar për herë të parë publikisht duke pranuar gjithçka ministri i Drejtësisë Enkelejd Alibeaj. I lakuar së fundi në media për “kontributin” që kishte dhënë në hartimin e ligjit që i hapi rrugë demontimit që solli masakrën njerëzore të Gërdecit, Alibeaj ka pranuar se gjatë kohës që ishte drejtor i Zyrës Antikorrupsion në Kryeministri është angazhuar në hartimin dhe “kolaudimin” e këtij ligji. Madje, së bashku me deklaratën e ministrit në konferencë, zyra e shtypit të Alibeajt ka dërguar dhe vendimin e qeverisë që përcaktonte funksionet e Zyrës Antikorrupsion që Alibeaj drejtonte në kohën kur hartohej ligji i Gërdecit. Në fakt, ky vendim i jepte të gjitha akseset Alibeajt (në kohën që ishte drejtor antikorrupsioni) që jo vetëm të njihej me projektligjet që vinin nga ministritë, por edhe të ndërhynte për aspekte të dyshimta të këtyre të fundit. Deri këtu gjithçka është krejt normale, por duket se konteksti i ndërhyrjes së Alibeajt për hartimin e ligjit të Gërdecit (nr. 138, datë 14.3.2007 “Për procedurën e trajtimit të armëve, teknikës dhe pajisjeve të forcave të armatosura, të hequra nga armatimi dhe përdorim”) tregon të kundërtën. Alibeaj kishte për detyrë të investigonte hapësirat korruptive që mund të sillte ligji i propozuar, por në mënyrë “të habitshme” në rekomandimet që Alibeaj ka dhënë asokohe duket se është kujdesur që pikërisht elementët më të dyshimtë të këtij ligji (demontimi dhe tregtimi nga firmat private, në kushtet kur vetëm Delijorgji kishte bërë kërkesë për demontim) të mos prekeshin.
“Kam alibi”
“Në pozicionin tim, në atë kohë si drejtor i Departamentit të Kontrollit të Brendshëm Administrativ dhe Antikorrupsion, sqaroj se ky departament, i cili është një strukturë e krijuar me vendim të Këshillit të Ministrave, e mbështet funksionin e tij në Vendimin Nr. 94, datë 15.2.2006. Ky vendim parashikon dy komponentë kryesorë të punës së këtij institucioni. Komponenti i parë është ai operacional, investigativ në aspektin administrativ që kishte dhe ka ende; dhe komponenti tjetër është ai i dhënies së këshillimit për përgatitjen e akteve ligjore dhe nënligjore të brendshme dhe të jashtme”, - ka deklaruar dje Alibeaj. Por ministri dje, pa tentuar të shpjegojë motivet e mënyrës se si ndikoi në hartimin e ligjit që “mbolli” 26 kufoma, ka preferuar të përqendrohet në “legjendën urbane” se si këto e-maile dolën në dritë të diellit dhe se si mund të ekzistonte ndonjë konspiracion kundër tij, paçka se dje Alibeaj deklaroi se ai vetë nuk donte ta besonte “me gjithë shpirt” opsionin e një konspiracioni kundër tij.
“Nuk besoj...”
“Nuk do të doja të besoja që një skenar i tillë është i vërtetë. Unë i referohem asaj që mediat thjesht kanë shkruar. Ta kenë siguruar këtë lloj informacioni nga organi i ndjekjes penale, do të ishte vërtet trishtuese. Do të ishte vërtet trishtuese në qoftë se do të kishte edhe ndonjë lidhje, jo të drejtpërdrejtë”, - tha Alibeaj dje kur komentoi faktin se si ky informacion kishte dalë në dritë, duke neglizhuar faktin se informacioni nuk ekzistonte vetëm në prokurori, por edhe në zyra të tjera shtetërore. “Me modesti mund të pranoj që jam një jurist, i cili nuk pranon të ketë dhënë mendime të gabuara në këtë rast. Sepse në këtë rast puna që është bërë është serioze. Më kujtohet legjislacioni në atë rast ka pasur mangësi, ka pasur vakuume që duhej të plotësoheshin. Veprimtaria e një shtetit duhet të ndërtohet mbi baza ligjore. Jo nuk besoj se kam gabuar, do të jepja sërish të njëjtën këshillë”.


Alibeaj: “Nuk diskutohet që do të shkoj në prokurori nëse më thërrasin”



“Jam i çuditur që më bën një pyetje të tillë, se a do të shkoj unë ose jo në prokurori! Kjo është një çështje që nuk duhet të diskutohet as për një qytetar të thjeshtë e aq më tepër për një qytetar, i cili është në detyrën e ministrit të Drejtësisë. Çdokush në këtë shtet, i cili pretendon të jetë nën mbretërinë e ligjit, është jo vetëm i detyruar, por duhet të ofrohet për të dhënë sqarime ndaj çdo lloj procedure hetimore që mund të bëhej. Është kjo mënyra më e mirë për t’i dhënë, jo vetëm për të kuptuar por edhe për të krijuar marrëdhënien e besimit që prokuroria duhet të gëzojë ndaj publikut dhe kjo është çështje që është jashtë çdo lloj diskutimi. Kjo është fryma inspiruese që të gjithë qytetarët, jo vetëm ata që nuk kanë ngarkesa politike dhe publike ,por edhe ata që janë ngarkuar, prokurorët apo zyrtarët dhe çdo lloj kategorie e niveli, do të duhen të sillen ndaj ligjit. Mbi të gjitha ndaj ligjit dhe jo ndaj prokurorëve dhe prokurorisë. Kjo është edhe fryma mbi të cilën është bërë edhe ndryshimi në ligjin për prokurorisë”.

Albania

[RaPSouL]

Prokuroria kërkon autorin e ligjit për "Gërdecin"

Sekuestrohen korrespondencat e ish-ministrit Bumçi dhe praktikat e hartimit të draftit për demontimin

Hetuesit e dosjes "Gërdeci" nuk ndalen, në përpjekje për të zbardhur tragjedinë e 15 marsit, e cila i mori jetën 26 personave, ndërsa qindra të tjerë u plagosën. Pas kërkesës së heqjes së imunitetit për deputetin Fatmir Mediu, sekuestrojnë bazën ligjore që ngriti "fabrikën e vdekjes". Në "sy" të ministrit aktual të Drejtësisë, Enkelejd Alibeaj, grupi hetimor ka marrë praktikën ligjore, e cila i hapi rrugë përfshirjes së kompanive private në biznesin e demontimit të municioneve dhe tregtisë së armëve, nga arkiva. Gjithçka është përfshirë më së fundi në dosjen hetimore voluminoze. Burime nga akuza thanë dje se oficerët e policisë gjyqësore kanë sekuestruar në Ministrinë e Drejtësisë edhe komunikimin zyrtar dhe jozyrtar të ish-ministrit të Drejtësisë, Aldo Bumçi, për këtë çështje. Fakti u konfirmua edhe nga ministri Alibeaj, gjatë një konference shtypi. "Mund t‘ju them që oficerë të policisë gjyqësore janë pritur në Ministrinë e Drejtësisë në kryerje të detyrës së tyre. Atyre u janë krijuar kushtet për të kontrolluar praktikën, arkivin e Ministrisë së Drejtësisë dhe më lejoni që të mos jap asnjë lloj të dhëne më tepër, se është punë e Prokurorisë dhe Prokuroria duhet lënë e qetë të ushtrojë funksionin e vet", u shpreh ministri. Deklarata e shefit të Ministrisë së Drejtësisë vjen disa ditë pasi opozita akuzoi ish-ministrin Bumçi se ka pasur komunikime informale me djalin e Kryeministrit, të cilin e kishte vënë në dijeni për fazën dhe detaje të hartimit të projektligjit. Por Alibeaj, duke i cilësuar këto "çështje të hetimit", nuk pranoi të komentojë, duke saktësuar se do të jetë i gatshëm të shkojë në prokurori, nëse hetuesit do të kenë nevojë për dëshminë e tij gjatë hetimit.


Roli i Bumçit

Ish-ministri i Drejtësisë, Aldo Bumçi, ka qenë ligjërisht i detyruar të shprehej dhe për vendimin e Këshillit të Ministrave me numër 138, datë 14 mars 2007, "Për procedurën e trajtimit të armëve, teknikës dhe pajisjeve të Forcave të Armatosura të hequra nga armatimi dhe përdorimi". Ky vendim përcaktonte që liberalizonte tregun e armatimeve në vend. Pika 3 e vendimit përcaktonte se arsenali i Forcave të Armatosura, pas negocimeve, "...i shitej kërkuesit më të parë...". Dhe i pari dhe i vetmi kërkues ishte SAC i Henrit me derivatin shqiptaro-amerikan, "Albademil". Më datën 9 mars 2007, me një shkresë me numër protokolli 1594/1, ish-ministri Bumçi firmos mendimin pozitiv dhe "votën" e tij pro, në mbledhjen e pesë ditëve më vonë në Këshillin e Ministrave, duke sugjeruar, veç të tjerash, edhe ndryshimin e një fraze në të: shprehja në anglisht "End User", të përkthehej në shqip në trajtën "përdoruesi i fundit", siç dhe është pasqyruar në tekst në pikën 4 të vendim, germa b. Një firmë ministrore që megjithatë nuk mjaftoi që Bumçi të qëndronte më gjatë ministër, pavarësisht shpresës që i kishte krijuar pikërisht kjo firmë.


Sekuestrimi i e-maileve

Disa ditë më parë, grupi hetimor i tragjedisë së Gërdecit sekuestroi letërkëmbimet e ministrit të Drejtësisë, Enkelejd Alibeaj, me këshilltarin e Mediut, Plarent Ruka. Sipas burimeve nga akuza janë sekuestruar të gjitha shkresat dhe korrespodencat e mbajtura mes këtyre dy institucioneve nga dhjetori 2006 deri në fillim të marsit 2007. Gjithashtu, u thirr dhe u mor në pyetje ish-këshilltari i Fatmir Mediut, shtetasi Plarent Ruko, të cilit, gjatë kohës që po merrej në pyetje, i është komunikuar urdhri për sekuestrimin e letërkëmbimit me Alibeajn. Ish-këshilltari Ruko ka dhënë shpjegime edhe në lidhje me takimet e bëra mes tij dhe ish-drejtuesit të auditit në Kryeministri, Alibeaj. "Takimet janë zhvilluar brenda në Kryeministri, në Ministrinë e Drejtësisë dhe në lokalet e qendrës së kryeqytetit, ndërsa sa i përket letërkëmbimeve, ato kanë filluar nga dhjetori i vitit 2006 dhe janë shpeshtuar jashtëzakonisht në muajt e parë të vitit 2007", thanë burimet nga prokuroria. Sipas akuzës, këto e-maile, të cilat tashmë janë sekuestruar dhe administruar në dosjen voluminoze të çështjes së Gërdecit, ku rezulton se Alibeaj me detyrën e drejtuesit të auditit të Kryeministrisë, ofronte asistencë juridike dhe zgjidhje të problemit se çfarë duhej bërë me armët, teknikën dhe pajisjet që dilnin nga përdorimi dhe që ishin pronë e Forcave të Armatosura të Republikës së Shqipërisë.

Këto biseda, mësohet se janë kryer në kohën kur kompania amerikane "Southern Ammunition Company" (SAC) kishte hyrë në negociata dhe kërkonte kryerjen e demontimit të municioneve të lehta, ku Ministria e Mbrojtjes ishte gati t‘i ofronte këtë punë me prokurim të drejtpërdrejtë.


Baza ligjore

Mungesa e bazës ligjore për të kryer këtë punë të kërkuar nga SAC-i, bëri që Ministria e Mbrojtjes të kërkojë asistencë apo ndihmë juridike nga drejtuesi i auditit në Kryeministri, Enkelejd Alibeaj. Sipas prokurorisë, në letërkëmbimet mes tyre bëhet fjalë për mënyrën se si Ministria e Mbrojtjes, si pjesë e qeverisë shqiptare, duhej të lejonte nisjen e aktivitetit të SAC-it për demontim, që më pas do të niste bashkëpunimin me kompaninë shqiptare "Albademil" e drejtuar nga Mihal Delijorgji, biznesmeni tashmë i pandehur për tragjedinë e Gërdecit. Sipas referimit të Alibeajt, dërguar ish-këshilltarit juridik të Ministrisë së Mbrojtjes, Ruko, që më pas rezultoi në pikën tre të Vendimit të Këshillit të Ministrave me nr. 138, të datës 14 mars 2007, ku autorizohej Ministria e Mbrojtjes që "të nxjerrë udhëzimin e hollësishëm përkatës, për kriteret teknike dhe procedurat e asgjësimit ose çmontimit a tjetërsimit të armëve e të teknikës së Forcave të Armatosura, të hequra nga armatimi dhe përdorimi", që realisht nga ish-ministri Mediu nuk u nxorën udhëzimet e hollësishme dhe të detajuara në lidhje me llojin e municioneve që duhej të çmontoheshin.





PJESË TË VENDIMIT


"2. Shitja e armëve, teknikës, pajisjeve, municioneve dhe lëndëve eksplozive të Forcave të Armatosura realizohet nëpërmjet ndërmarrjes MEICO, e cila zbaton çmimet e miratuara në pikën 1 të këtij vendimi.


3. Armët, teknika, pajisjet, municionet dhe lëndët eksplozive, të kërkuara për përdorim ushtarak, pas negocimeve i shiten kërkuesit më të parë, duke realizuar një çmim sa më të lartë, por jo më të ulët se çmimi i miratuar në pikën 1 të këtij vendimi.


4. Blerësi duhet të plotësojë këto kushte:


a) Të jetë i licencuar në këtë fushë në vendin e origjinës;


b) Të paraqesë deklarimin e përdoruesit të fundit ose një dokument tjetër lejues për import, nga autoriteti i vendit importues".




Alibeaj: Unë autor i e-maileve për

Gërdecin, sepse kishte vakum ligjor


Ministri i Drejtësisë, Enkelejd Alibeaj, pranoi dje publikisht se ka nisur e-maile në drejtim të Ministrisë së Mbrojtjes për Gërdecin, në kohën kur ai ishte në zyrën e antikorrupsionit në Kryeministri. Alibeaj, gjatë një komunikimi me mediat, sqaroi se korrespondenca e shkëmbyer mes internetit ka qenë në kuadër të këshillimeve, pasi legjislacioni ka pasur vakume dhe duhej të plotësohej. "Kam nisur e-maile në drejtim të Ministrisë së Mbrojtjes, pasi kam dhënë asistencë juridike për ligjin që po bëhej për Gërdecin. Nuk kam gabuar, pse kam nisur e-mailet, pasi nuk kam bërë asnjë veprim antiligjor. Këshillimet kanë qenë puna jonë" ka thënë ai, duke deklaruar prerë se nuk beson të ketë gabuar. "Modestisht mund të pranoj se jam jurist që s‘pranon të ketë gabuar, sidomos në këtë rast. Puna është bërë në mënyrë serioze dhe sot do të jepja një këshillë", ka thënë më tej Alibeaj. Kreu i Drejtësisë, është shprehur i gatshëm të japë sqarime, që mund të jenë të nevojshme në prokurori, lidhur me këtë çështje. Pyetjes se, nëse është i hapur për të qenë pjesë e sqarimeve në Prokurori për tragjedinë e ndodhur, Alibeaj i është përgjigjur pa hezitim: Po. "Nuk duhet të diskutohen të tilla pyetje. Çdokush në këtë shtet që është nën mbretërinë e ligjit, duhet të ofrohet për të dhënë sqarime ndaj çdo procedure hetimore që mund të bëhet. Kjo do të rrisë marrëdhënien e besimit që prokuroria duhet të gëzojë ndaj publikut" ka shtuar ai, duke folur edhe për marrëdhënien me kreun e Prokurorisë së Përgjithshme, Ina Rama. Marrëdhënie që ai i ka quajtur normale dhe korrekte si me të gjitha institucionet.


Shqip

[Brari]

faksi nuk ndez predhat.. as emaili.. as shenimet mbi letra..o prokuroria e edvin braces..

bukur po e luni lojen.. por po ju del loja doret..

nji dit do kerkohen patjeter predha-ndezesit..

hmmm..

thx rapsol per shkrimet qe sjell..

mos e vet se kallxon vet..

cdo dite konturohet skema dhe autoret e skemes se shperthimit.. ne gerdec..

jan grup i madh..

selia roz eshte brenda.. nje grup ofceresh enveriste dhe kapot e media mafies.. etj.. njesite guerile speciale.. anti 3 korrik..

[RaPSouL]

PS: Berisha të ikë, gënjeu për Gërdecin

Tiranë- Partia Socialiste ka rikëruar sot, dorëheqjen e kryeministrit, Sali Berisha, duke e cilësuar atë të padenjë për të qëndruar ende në krye të qeverisë. Kryetari i Komisionit të Ligjeve në PS, Ylli Manjani duke iu refruar deklaratës së dy ditëve më parë të ministrit të Drejtësisë, Alibeaj, ka theksuar se tashmë e vërteta ka dalë në dritë.

“Ministri i drejtësisë zbuloi një të vërtetë të madhe edhepër dijeninë e Kryeministrit të vendit. Të gjithë e mbajmë mend se si Kryeministri përbetohej se “as që e dinte se ekzistonte Gërdeci”. Ish drejtori i tij i anti korrupsionit na konfirmoi se kryeministri, jo vetëm që ka pasur dijeni të plotë për Gërdecin, por ka drejtuar gjithcka nga zyra e tij”- tha ai sot gjatë një konference për shtyp, duke shtuar se Alibeaj pranoi se është autori i ligjeve të tragjedisë së Gërdecit.

Në kryerjen e detyrës së Drejtorit të Antikorrupsionit, sipas Manjanit, ministri konfirmoi me paturpësi se na paskësh qenë detyrë e tij të jepte ndihmë ligjore për të shkruar ligjet e vrasjes dhe plagosjes masive të njerëzve dhe shkatërrimit të pasurisë së tyre.

“Me pak fjalë, zoti Ministër rrëfeu se si drejtori i anti korrupsionit na i paska shërbyer korrupsionit shtetëror, të trafikut të municioneve me pasojë vdekjen masive të shqiparëve, plagosjen e tyre dhe shkatërrimin e pasurisë së tyre”- tha ai.

Manjani e ka cilësuar të turpshme gjitha sa ndodhi, duke kujtuar se ministri paguhet me taksat e shqiptarëve për t’u mbrojtur nga krimi, ndërkohë që ai i ka shërbyer krimit, duke i shkruar liget që legalizojnë këtë veprimtari.

Tragjedia jo natyrore e Gërdecit, sipas Manjanit, vazhdon të na servirë prova të pakontestueshme për përfshirjen e Sali Berishës në aferën e trafikut dhe të korrupsionit.

Kjo, ka vijuar më tej ai, është arsyeja që Sali Berisha ka marrë peng shtetin për të mos lejuar drejtësinë të hetojë mbi aferat e familjes së tij. Për këtë, Manjani në emër të PS-së, i ka kërkuar Sali Berishës të japë dorëheqje, si të vetmen zgjidhje që i ka mbetur për të cliruar shtetin nga pengmarrja, si dhe drejtësinë nga presioni.

Ka shumë arsye për këtë kërkesë, por mes të tjerash, Manjani ka theksuar 3

1- gënjeu me patrupësi shqiptarët për mosdijeni për Gërdecin.

2- ka marrë peng shtetin duke e vënë atë në shërbim të interesave të tij personale.

3- duhet lejuar drejtësia të bëjë punën e saj.


Shekulli