Hetimet e Kryeprokurorisë për tragjedinë e Gërdecit

[RaPSouL]

E ceku Albo ne nje artikull me lart qe pritet deshmia e Mediut para prokurorise dhe ajo ka ndodhur. Per me shume lexoni artikullin me posht!

Mediu: Fajin e ka MEICO

Ish-ministri i Mbrojtjes dëshmon në Prokurori. Gjykata lë në burg Delijorgjin & Co

Në fshehtësi të plotë, ish-Ministri i Mbrojtjes, Fatmir Mediu, ka dhënë deklarime para grupit hetimor, duke hedhur sadopak dritë mbi tragjedinë e Gërdecit. Rreth orës 08:00 të ditës së djeshme, ministri i dorëhequr është paraqitur në Prokurorinë e Tiranës, duke pranuar ftesën publike të një dite më parë të kryer nga kryeprokurorja Ina Rama. Burime nga grupi hetimor deklarojnë se gjatë marrjes në pyetje Mediu ka deklaruar se ka urdhëruar firmën "Meico" për të kryer kontrolle të imtësishme. Urdhri i ministrit të Mbrojtjes është nxjerrë në bazë të vendimit të Këshillit të Ministrave, nëpërmjet të cilit është ngarkuar "Meico" që të bëjë monitorimin dhe kontrollimin e procesin e demontimit të armëve. Ky urdhër i është dorëzuar grupit hetimor nga vetë ministri. Burime zyrtare nga akuza qendrore thanë se: Në kuadër të hetimeve për ngjarjen e Gërdecit prokurorët e grupit hetimor në këtë çështje morën në pyetje ish-ministrin e Mbrojtjes, Fatmir Mediu. Prokurorët morën fillimisht deklarimet e ish-ministrit Mediu dhe realizuan në vazhdim procesin e pyetjes së tij në cilësinë e deklaruesit që ka dijeni për rrethanat e çështjes.

130 dëshmi

Krahas ish-ministrit Mediu, grupi hetimor i tragjedisë së Gërdecit ka marrë rreth 130 dëshmi, të cilat i janë bashkangjitur dosjeve dhe shkresave të marra nga Ministria e Mbrojtjes. Sipas burimeve, deri më tani janë marrë në pyetje persona të Ministrisë së Mbrojtjes, të Shtabit të Përgjithshëm, si dhe punëtorëve në fabrikë që kanë dijeni për ngjarjen. Nga prokurorët e çështjes është sekuestruar i gjithë dokumentacioni në Ministrinë e Mbrojtjes dhe po punohet për të kërkuar akte të tjera në shërbim të hetimit. Ndërkohë, procesverbalet e marrjes në pyetje të të ndaluarve po verifikohen nga hetuesit e çështjes. Paraprakisht janë konstatuar disa pasaktësi në dëshminë e tyre. Drejtuesit e firmave mohuan kategorikisht para hetuesve që punëtorët që punonin në "fabrikën e vdekjes" të ishin të patrajnuar. Ata kanë hedhur poshtë deklaratat e të mbijetuarve, sipas të cilëve, në fabrikë lejoheshin edhe fëmijë për të punuar me transportin e arkave e barutit të gëzhojave. Sipas drejtuesve të firmave nënkontraktore të gjithë punëtorët kanë qenë të siguruar e të trajnuar për disa javë. Por në procesverbalet e prokurorëve janë shënuar dhjetëra dëshmi të të mbijetuarve, të cilët deklaronin se në firmë kanë punuar edhe persona të patrajnuar si dhe fëmijë. Gjithsesi, hetuesit e çështjes thanë se dëshmitë e drejtuesve të firmave janë ballafaquar me dëshmitë e punëtorëve. Një tjetër provë e organit të akuzës janë pamjet filmike të transmetuara në televizione, ku duken qartë se në fabrikë punonin fëmijë. Pamjet po analizohen dhe do të përdoren gjatë hetimeve të mëtejshme ndaj tre të arrestuarve, Mihal Delijorgji, kunati i tij, Dritan Minxholi, me detyrë drejtor ekzekutiv i kompanisë "Albademil" dhe drejtori i firmës "Meico", Ylli Pinari. Ndërsa në orët e pasdites së djeshme, prokuroria tha se ka bllokuar disa llogari bankare të Mihal Delijorgjit.

Firma qipriote


Armët, Henri Tomei në raportet e "Amnesty Internacional"


Henri Tomei (Heinrich Thomet) që në skenën shqiptare është paraqitur si përfaqësues i firmës EVDIN LTD në bisedat e publikuara mes biznesmenit Kosta Trebicka dhe presidentit të firmës "AEY Inc", është në fakt një personazh mjaft i njohur. I përmendur për tregtinë e dyshimtë edhe nga raportet ndërkombëtare. Ai është përfaqësues i firmës zvicerane "Brugger & Thomet", si dhe firmës AG BG Internacional. EVDIN LTD në Qipro duket fantazmë vetëm për të rritur dyfish çmimin e armatimit veç tregtisë ndërmjet shtetit shqiptar dhe firmës amerikane, ndërmjetësi qipriot EVDIN LTD (përfaqësues i të cilës është prezantuar edhe Delijorgji në takimin me Devirolin) futet në këtë kontratë për të rritur dyfish çmimin e fishekëve. Në një raport të gjendur në internet të "Amnesty Internacional" mbi trafikun e armëve përmendet zoti Thomet në një tregti të tillë nëpërmjet Izraelit së bashku me ish-atasheun ushtarak të Izraelit në Zvicër, i cili tashmë është nën hetim në Izrael. Kësaj radhe armët vinin nga Bosnjë-Hercegovina, Serbia dhe Maqedonia. Vetë Parlamenti Zviceran ka zhvilluar një seancë hetimore në lidhje me këtë çështje, ku emri i Thomet përmendet në raport.





Mediu: Kontrata për shitjen e armëve, brenda ligjeve


Ministri i dorëhequr, Fatmir Mediu, ka sqaruar pozicionin e tij në akuzat publike për trafik armësh nga Ministria e Mbrojtjes. Në një konferencë për shtyp mbrëmjen e djeshme, ai ka deklaruar se është përpara publikut për transparencë dhe për ruajtjen e marrëdhënieve të mira me Shtetet e Bashkuara të Amerikës, pasi ndihma e tyre ka qenë dhe do të ngelet jetike për Shqipërinë. "Kosta Trebickën e kam takuar vetëm, fare shkurt, me kërkesë të dy miqve të mi të opozitës dhe në prani të tyre. Ai më është paraqitur si përfaqësues i ambasadës amerikane dhe se punonte në një kompani që kishte kontratë me Ministrinë e Mbrojtjes dhe kërkonte që të vlerësohej si përfaqësues i kompanisë pranë Ministrisë së Mbrojtjes", ka deklaruar Mediu. Më pas ka deklaruar se takimi ka zgjatur fare pak. "I kam thënë shkurt se procesi do të vlerësohej në rrugë zyrtare. Menjëherë pas këtij takimi të shkurtër, kam kontaktuar në zyrën time për problemet e ngritura me përfaqësuesit më të lartë të ambasadës dhe u kam kërkuar atyre që të procedonim nëse kontrata që ne kishim me kompaninë amerikane ishte e rregullt dhe e vlefshme. Mbas dy ditësh, po në zyrën time, më është komunikuar nga ambasada amerikane zyrtarisht se kanë marrë konfirmimin nga burimet e tyre se kontrata që ne kishim me kompaninë amerikane ishte kontratë e vlefshme", tha ish-ministri i Mbrojtjes. Sipas tij, si ministër nuk ka shkelur asnjë kontratë apo ligj të shtetit shqiptar. "Unë kam tre dokumente. Dokumenti i parë është nga Departamenti i Mbrojtjes, nga zëvendësasistent sekretari për çështje që kanë të bëjnë me probleme të tilla, ku vërtetohet marrëdhënia me kompaninë amerikane. E dyta, është nga një kompani që kryente veprimet ligjore të kësaj kompanie. Dhe e treta, është mbas një shqetësimi të ardhur nga një gazetar i "Nju Jork Tajms" që kishte probleme. I është kërkuar zyrtarisht drejtuesit të firmës që të bëjë vlerësimin e tij për kontratën dhe është shprehur me shkrim se nuk ka pasur asnjë presion apo problem me Ministrinë e Mbrojtjes", përfundoi Mediu.

Mbeten në burg. Të pandehurit:

Po të donim kishim ikur jashtë



Florion Serjani

Shumë i qetë, i veshur me një kostum sportiv blu të markës "Reebok", një bluzë pambuku të kuqe poshtë kostumit dhe shapka në këmbë, administratori i firmës "Alba Demil", Mihal Delijorgji, është përballur dje me togat e zeza me një vetëbesim dhe eufori të tepruar. "Mund edhe të isha larguar jashtë, pasi unë kam një pasaportë greke", i ka thënë ai gjyqtarit të gatshëm, por nuk e ka ndier veten fajtor dhe ndaj nuk i ishte shmangur drejtësisë. Në ndryshim prej tij, të pandehurit e tjerë, 55-vjeçari Ylli Pinari, i veshur me një kostum të errët, por pa rrip mesi dhe lidhëse këpucësh, si dhe Dritan Minxolli janë shfaqur më të drobitur dhe me pamje të vrarë.

Dje, Gjykata e Shkallës së Parë në kryeqytet ka caktuar masën e sigurisë burg pa afat për të tre të pandehurit e dosjes "Gërdeci". Procesi është zhvilluar nën masa të forta sigurie si në ambientet rreth gjykatës, ashtu edhe brenda sallës së gjyqit, ku për çdo të pandehurit kishte të paktën 3 policë. Të parët që e kanë marrë fjalën në seancë kanë qenë prokurorët e çështjes Etien Kapo dhe Arben.


Prokurorët

"Ndërmarrja MeiCo, sipas një urdhri të ministrit të Mbrojtjes, të nxjerrë në bazë të një vendimi të Këshillit të Ministrave, është ngarkuar që të kontrollojë procesin e demontimit të municioneve luftarake, që kryhej në fabrikën e Gërdecit", ka deklaruar prokurori Etien Kapo. Sipas tij, drejtori i MEICO-s mban përgjegjësi për moszbatimin e këtij urdhri, çka e ngarkon atë me përgjegjësi penale sipas nenit 282/2 të Kodit Penal. Prokurori tha se Pinari, duke pasur një pasaportë shërbimi, për shkak të pozicionit të punës, ka rrezikshmëri largimi nga vendi, prandaj duhet mbajtur në burg deri në përfundimin e hetimeve. Ndërsa prokurori Dollapi, i cili kishte hetuar veprimtarinë e dy të pandehurve të tjerë, ka thënë se në fabrikën e Gërdecit "janë shkelur në mënyrë të dukshme rregullat e sigurisë teknike", si dhe është punësuar një personel i patrajnuar, madje deri edhe fëmijë. Ai deklaroi se deri në momentin e nisjes së dosjes për në gjykatë nga kjo ngjarje rezultonin 21 viktima, çka ngarkonte me përgjegjësi administratorin e firmës dhe drejtorin e saj, për të cilët kërkoi masën e sigurisë "burg pa afat". Materialet e dosjes së paraqitur nga akuza janë mbështetur kryesisht në këqyrjen e kufomave që ndodheshin në morg, si dhe në dëshmitë e personave që kanë mundur të mbijetojnë nga tragjedia.


Të pandehurit

Dy nga të pandehurit, Delijorgji dhe Pinari, e kanë mbështetur mbrojtjen e tyre në faktin se ata të dy kishin pasur mundësi për t‘u larguar nga vendi pas tragjedisë, por nuk e kishin bërë një gjë të tillë. Avokati i Pinarit deklaroi se në momentin e ngjarjes ky i fundit ndodhej me shërbim në Nuremberg të Gjermanisë dhe është kthyer menjëherë prej andej sapo ka mësuar për ngjarjen. Gjithashtu, sipas avokatit Pinari, ka një "Green Card" amerikane dhe nëse do të donte mund të kishte ikur, por e kishte ndier si detyrim moral të kthehej.

Delijorgji ka preferuar të flasë më shumë vetë, me gjithë prezencën e avokatit të tij. Ai ka deklaruar se ka qenë administrator i firmës së bashku me shtetasin amerikan Patrick Henry dhe të dy së bashku kanë caktuar një drejtor të përgjithshëm, i cili kishte të gjitha përgjegjësitë teknike dhe administrative. I pyetur nga gjyqtari i çështjes, nëse ai si administrator duhej të kontrollonte zbatimin e ligjit në fabrikë, Delijorgji u përgjigj se ai kishte vetëm përgjegjësi administrative dhe jo teknike.

I fundit që ka folur nga të pandehurit ka qenë drejtori i fabrikës, Dritan Minxolli. 30-vjeçari ka deklaruar se ishte caktuar në këtë detyrë një vit më parë dhe që atëherë ai jetonte në ambientet e brendshme të fabrikës. Sipas tij, në fabrikë ka pasur një rregullore të sigurisë teknike në punë dhe ajo rregullore ishte zbatuar. Duke dashur të tregojë sigurinë që ekzistonte në fabrikë, Minxolli i është drejtuar gjykatësit me këto fjalë: "Përderisa unë jetoja në fabrikë do të thotë se nuk kishte rrezik. Unë nuk i kam mbushur 30 vjeç dhe nuk kisha ndonjë dëshirë të vdisja". Në përfundim të seancës gjykata ka dhënë vendimin e saj, duke i lënë në burg pa afat të tre të pandehurit.





Delijorgji: Në 15 mars kam ndihmuar në Gërdec


"Ditën e tragjedisë unë kam shkuar në Gërdec dhe në momentin e shpërthimit të madh kam qenë 300 metra larg fabrikës", mësohet të ketë thënë dje gjatë seancës gjyqësore Mihal Delijorgji, pronari i "Alba Demil". Ai ka pretenduar se gjatë shpërthimi madje i është dëmtuar edhe makina e tij tip fuoristradë dhe se ai kishte ndihmuar njerëzit e dëmtuar dhe banorët e zonës për t‘u larguar nga zona e rrezikshme. Por, Delijorgji ka theksuar se ka edhe disa kompani të tjera në pronësi. "Unë nuk kam frikë të rri në burg, por kam në pronësi edhe 4-5 kompani të tjera, në të cilat punojnë rreth 400 punëtorë. Nëse do të më lini në burg këta punëtorë mund të mbeten pa punë", ka thënë ai në gjyq.

Qetësia e Delijorgjit, del duke qeshur nga gjykata


Administratori i firmës "Alba Demil" nuk është dukur shumë i dëshpëruar nga ajo që ndodhi në fabrikën e tij ushtarake në fshatin Gërdec, ku mbetën të vdekur më shumë se 20 persona. Dje ai është shfaqur krejt i qetë në dyert e Gjykatës së Tiranës, e madje për çudinë e të gjithëve nuk ka ngurruar të dalë me buzëqeshje prej saj, pasi ishte njohur me masën e sigurisë. Nuk dihet nëse buzëqeshja e tij i dedikohej faktit se po dilte nga një proces, vendimin e të cilit e kishte marrë parasysh që përpara se të hynte, apo për t‘u treguar gazetarëve të shumtë që ishin të pranishëm, se nuk ishte shumë i shqetësuar për fatin e akuzave që ka ngritur drejtësia ndaj tij. Për Delijorgjin nuk është hera e parë që hyn si i pandehur në dyert e gjykatës, por, siç edhe deklaroi vetë dje përpara gjykatësit të gatshëm, ka dalë i pafajshëm prej andej. Dje nisjen e procesit të dytë ndaj tij, bosi i "Alba Demil" e kaloi me buzëqeshje, por mendohet se ky proces do të jetë më i gjatë se i pari.


Shqip

[RaPSouL]

Urdhri mister, u ndryshua ora e pushimit

Punetoret e firmes "Alba Demil" hedhin hije dyshimi per ndryshimin e orarit te pushimit gjate dites se ngjarjes ne repartin e Gerdecit. Ndryshe nga ditet e tjera te punes, te shtunen e 15 marsit, drejtuesit e punimeve ne fabriken e cmontimit kane urdheruar qe ky pushim te behej nje ore me pare se zakonisht. Burime nga grupi hetimor thane dje, per gazeten "KJ", se nga pyetja e disa prej te mbijetuarve te tragjedise se ndodhur ne fabrike, mesohet se atyre u ishte dhene urdher qe te hanin dreken rreth ores 12:00 te se shtunes. Nderkohe qe vetem 10 minuta me vone do te ndodhte edhe shperthimi fatal, qe mori jeten e 19 personave dhe plagosi rreth 300 te tjere. Prokuroret po hetojne si nje nga pistat e tyre edhe sabotimin, apo nje akt te qellimshem, por ende nuk kane gjetur provat e mjaftueshme per te deklaruar zyrtarisht shkakun. Gjithashtu, kete dite dhe specialisti amerikan, i cili kontrollonte punen dhe hidhte firmen per vazhdimin e procesit, nuk ka qene ne pune. Ndryshimi i orarit te pushimit dhe mungesa e ekspertit amerikan, jane siguruar nga deshmite e punetoreve te firmes shqiptare. Zakonisht, sipas tyre, pushimi i drekes behej ne intervalin 13:00-14:00.

Urdhri

"Zakonisht pushimin e drekes e benim rreth ores 13:00, por ate dite na eshte dhene urdher rreth ores 11:55 qe te hanim dreken, pa na u dhene shpjegime", mesohet te jene shprehur disa prej punetoreve ne deshmine e tyre. Grupi hetimor i drejtuar nga tre prokurore te Prokurorise se Tiranes dhe nje i Prokurorise Ushtarake, ka depozituar ne dosje deshmite e te punesuarve, duke ia bashkangjitur rrefimeve te te tjereve. Por, sipas burimeve zyrtare, kjo eshte nje pjese e versionit te servirur gjate investigimit, pasi punetore te tjere kane thene se oraret e pushimit here pas here ndryshoheshin. Gjithsesi, ndryshimi i kohes se drekimit diten e tragjedise eshte bere nje objekt hetimi nga organi i akuzes, duke ngritur hije dyshimi edhe per nje organizim te paramenduar per ngjarjen. Por ky motiv nuk eshte i verifikuar zyrtarisht dhe qendron si nje nga pistat e hetimit qe po kryhet. Sipas prokuroreve, shperthimi ne fabrike ka ndodhur vetem 10-15 minuta pas thirrjes per pushimin e drekes se punetoreve dhe per fat te mire shume prej tyre kane arritur te shpetojne.

Dyshimet

Sipas grupit hetimor, mbetet mister ndryshimi i orarit te pushimit drekes dhe per kete jane marre ne pyetje pronaret e fabrikes, te cilet nuk kane dhene nje version ne lidhje me kete ndryshim orari. Gjithashtu, nje tjeter moment, i cili mbetet te verifikohet gjate hetimeve, eshte mungesa diten e 15 marsit ne fabrike e specialisteve, te cilet pas kontrolleve hidhnin firmen ne bordero qe te fillonte puna. Ate dite sipas rrefimit te deshmitareve, specialistet nuk jane dukur dhe s'kane qene prezent ne momentin e shperthimit fatal ne fabriken e cmontimit te municioneve.

Prokuroria: Kemi pyetur rreth 100 deshmitare

Prokuroria ka arritur te mbledh deri diten e djeshme rreth 100 deshmi te punetoreve dhe banoreve te ndryshem ne fshatin Gerdec. Aktualisht versionet jane nga me te ndryshme dhe sipas eksperteve verifikohet akuza e shkeljes se rregullave ne pune me pasoje vdekjen e nje numri te madh personash. Nder te tjera, banoret kane rrefyer se perdite ne repart hynin makina me armatim. Po keshtu deshmi rreqethese kane qene ato te pjeses me te madhe te te punesuarve, se ne fabrike lejoheshin te punonin edhe femije e gra, per te ndihmuar te afermit qe te arrinin normen e vendosur nga firma per cmontimin e shkarkimin e 1 mije arkave ne dite. Nderkohe qe edhe per kushtet e sigurise, si pirja e cigares apo kontrollet kane lene per te deshiruar gjate procesit, ku mungonin edhe pajisjet. Nderkaq, ne grupin shqiptar te hetimit, ku jane te perfshire prokurore te Tiranes dhe te Durresit, do te perfshihen dhe eksperte te huaj. Per zbardhjen e tragjedise se Gerdecit pritet t'i bashkengjiten edhe agjentet e FBI-se gjate dites se sotme, pas kerkeses se bere nga Kryeprokurorja Ina Rama. Shkak eshte bere mungesa e pajisjeve bashkekohore per analizat e ADN-se se viktimave te paidentifikuara dhe te ekspertizes ne vendin e ngjarjes. Mesohet se ne vendin tone do te mberrije nje skuader e Byrose Federale te Hetimeve, e cila eshte e specializuar ne lidhje me keto ngjarje. Gjithashtu ne Shqiperi, do te mberrijne dhe dy eksperte per identifikimin e viktimave.

K.J

[RaPSouL]

"Nese me lironi, paguaj demet"

Mihal Delijorgji ofron zhdemtim per tragjedine, ne kembim te lirise me kusht. Tre te arrestuarit per tragjedine e Gerdecit, qe dje jane shfaqur te veshur sportiv dhe te qete, mohojne akuzat dhe fajesojne kompanine amerikane per shkaqet e ngjarjes se rende. Megjithese Mihal Delijorgji, presidenti i firmes "Alba Demil", drejtori teknik, Dritan Minxholli dhe drejtori i MEICO-s, Ylli Pinari, pretenduan se kishin kontrata te rregullta dhe ishin perpjekur per te ndihmuar te demtuarit, gjykata i ka lene ne qeli me masen "arrest me burg". Dje, rreth ores 10:00, ne Gjykaten e Tiranes jane shfaqur tre makina, mes te cilave njera e blinduar, nga ku kane dale tre te ndaluarit, pas tragjedise ku kane mbetur 19 te vdekur ne shperthimin e repartit ushtarak ku behej cmontimi i armeve. Megjithese pritej qe seanca te zhvillohej me dyer te hapura, gjyqtari i gatshem ka refuzuar kerkesen e prokurorit, duke kerkuar nxjerrjen e mediave jashte salles.

Masa

Tre te akuzuarit kane hedhur poshte akuzen e ngritur ndaj tyre, per shkelje te rregullave per lendet plasese e radioaktive. Tre te dyshuarit kane pranuar te flasin, duke shpjeguar edhe shkaqet. Delijorgji e ka cilesuar nje tragjedi qe per pak i mori jeten atij dhe drejtorit teknik, sepse ishin prezent ne momentin tragjik. "Une kam kater kompani qe merren me aktivitete te ndryshme dhe nga 100 punetore ne secilen e te gjithe te rregullt. Po keshtu kontrata ka qene e ligjshme dhe e rregullt, ndersa per te tjerat duhet te shikohet aktiviteti i firmes amerikane qe ishte kontraktore dhe jo firma ime", mesohet te jete shprehur drejtori i firmes "Alba Demil". Sikurse dhe i afermi i tij, Dritan Minxholli, Delijorgji eshte shprehur se i eshte gjendur te demtuarve per ndihme dhe se shperthimi e ka hedhur disa metra tej. Masa e sigurise ka zgjatur me se dy ore, nderkohe qe nje nga prokuroret e ceshtjes, Arben Dollapi, ka lexuar disa prej provave e deshmive te punetoreve, se aty mungonin kushtet e sigurise, qe jane bere shkak per tragjedine. Ne perfundim, gjyqtari Asim Vokshi pranoi kerkesen, duke dhene masen "arrest me burg" per tre te dyshuarit. Prezent ne salle kane qene edhe tre inspektore te Keshillit te Larte te Drejtesise per monitorim te procesit.

Gjate mases se sigurise, prokurori Dollapi paraqiti per ta akuzen e "shkeljes se rregullave mbi lendet plasese, djegese dhe radioaktive", qe parashikon rastet e shkaktimit te viktimave dhe demeve te konsiderueshme materiale.

Deshmite

Gjate seances, Mihal Delijorgji, administratori i "Alba-Demil", mesohet te jete shprehur ne gjykate se kontratat kane qene te gjitha te rregullta. "Ne fabrike kishte kushte sigurie dhe gjithe procesi ka qene i monitoruar nga pala amerikane", ka thene pronari i firmes shqiptare. Gjithashtu, ai ka deklaruar ne seance se eshte i gatshem te zhdemtoje financiarisht demet e tragjedise, nese lihej i lire, kerkese qe nuk u pranuar nga trupi gjykues. Kurse drejtori i MEICO, Ylli Pinari, ka thene se, "ne momentin kur ka ndodhur shperthimi, kam qene ne Gjermani, ne Nuremberg dhe sapo mesova cfare kishte ndodhur, jam kthyer ne Shqiperi dhe dorezuar perballe institucioneve kompetente". Nga ana e tij drejtori ekzekutiv, Dritan Minxholli, ka deklaruar se ka qene ne fabrike ne momentin kur ka ndodhur shperthimi dhe eshte munduar te ndihmoje njerezit qe ndodheshin aty, por nuk ka mundur te beje gje.

Masa e sigurise, blindohet Gjykata e Tiranes

Blindohet Gjykata e Tiranes. Qe ne oret e para te mengjesit te djeshem, ndihej levizja e shpeshte e uniformave blu prane ketij institucioni. Nje furgon i policise dhe nje makine e vogel, fuoristrade, ka sjelle tre te prangosurit. Mihal Deliorgji ka qene i pari qe ka zbritur nga makina qe e ka sjelle dhe qe, sipas burimeve te policise, ka qene e blinduar. Ndersa me pas kane zbritur dy te tjeret, te cilet jane shoqeruar per ne brendesi te gjykates, nga dera e pasme dhe me pas ne sallen ku do te zhvillohej masa e sigurise. Dhenia e mases se sigurise eshte bere gjate nje seance me dyer te mbyllura, qe zgjati rreth dy ore. Nderkohe qe nuk kane qene te shumte familjaret, te cilet kane ndjekur te afermit e tyre gjate mases se sigurise. Nderkaq qe dhe informacioni, ne lidhje me vendin ku do te behej masa dhe se kush do te ishte i pranishem gjate kesaj seance, ka qene i rezervuar. Vihej re se Delijorgji e Minxholli ishin te veshur me nje kostum sportiv ngjyre blu, kurse zyrtari Pinari ishte i veshur me kostum.


K.J

[RaPSouL]

Viktimat, analiza ne SHBA per identitetin

Sonila Isaku

Viktimat e karbonizuara te nxjerra nga krateri ku ndodhi shperthimi ne Gerdec dhe qe nuk mund te identifikohen do te analizohen ne Amerike. Meqenese familjaret e viktimave nuk kane mundur qe te njohin trupat e djegur, specialisteve dhe eksperteve mjeko-ligjore u eshte dashur te marrin mostrat nga palca e kockes, ku po punohet ne laboratorin e gjenetikes per te bere identifikimin e ketyre viktimave me ane te ADN-se. Por, deri me sot, kjo ka qene me se e veshtire, dhe per kete arsye ekspertet mjeko-ligjore nese nuk do te arrijne te kryejne vete identifikimin e ketyre kufomave do te kerkojne ndihme nga Instituti Amerikan i Gjenetikes. Per te dhene ne nje kohe sa me te shpejte pergjigje lidhur me rezultatet, tashme ka filluar marrja e mostrave te gjakut te personave te afert, te cilet nuk kane gjetur ende te afermit e tyre. Sipas drejtorit te Institutit te Mjekesise Ligjore, Besim Ymaj, gjate dites se djeshme kane qene edhe dy kufoma te tjera te paidentifikuara. Njera prej tyre mendohet se i perket fadromistit, Ilirian Malci.

Analizat

Kryerja e analizave te ADN-se, sidomos per ato kufoma, te cilat jane te karbonizuara, ka qene nje nga kerkesat dhe procedurat kryesore te mjekesise ligjore. As familjaret nuk kane qene ne gjendje te njohin te afermit e tyre, per vete faktin se jane shperfytyruar. Por, kryerja e analizes se ADN-se duket se do te nxjerre edhe emrat e ketyre viktimave te tragjedise se rende te ndodhur me 15 mars ne fshatin Gerdec. "Per personat e paidentifikuar jane marre mostrat nga palca e kockes dhe po punohet ne laboratorin gjenetik, per te bere identifikimin e ADN-se", eshte shprehur drejtori i Institutit te Mjekesise Ligjore, Besim Ymaj. Sipas tij, jane marre edhe mostra te gjakut te personave te afert, per viktimat qe rezultojne te humbur. Ekspertet mjeko-ligjore mendojne se, nese do te kene nevoje per analiza me te specializuara, ato do te cohen ne Institutin Amerikan te Gjenetikes. Kjo per vete faktin se kufomat jane te karbonizuar dhe ekspertet shqiptare e kane te pamundur te kryejne keto lloje te analizave, per vete faktin edhe te mungeses se eksperiencave te tilla apo edhe te aparaturave.

Kufomat

Qe prej ndodhjes se tragjedise se Gerdecit, edhe deri gjate dites se djeshme ne morgun e Tiranes jane 7 kufoma, te cilat ende nuk jane identifikuar. Kater prej tyre u eshte percaktuar gjinia, kurse tre te tjereve ende nuk u eshte percaktuar seksi. Keshtu, dy prej tyre jane meshkuj dhe dy femra, ndersa mendohet se nje prej tyre i perket Mehmet Azizi dhe nje tjeter, femer Bukurie Cani. Por, vetem kryerja e ketyre analizave te rendesishme do te vertetoje edhe identitetin e kufomave te gjetura gjate kesaj jave ne Gerdec. Gjate dites se djeshme jane gjendur edhe dy viktima te tjera ne afersi te zones se shperthimit ne Gerdec. Ekspertet e Mjekesise Ligjore konfirmojne se trupat jane te karbonizuar, por mendohet se njeri prej tyre mund te jete nje person qe ka qene duke punuar me fadrome aty afer. Trupat ndodhen ne morgun e Tiranes. Ndersa, per sa u perket kufomave te identifikuara gjate ketyre diteve, ato jane terhequr nga familjaret e tyre. Pasditen e se merkures, mesohet se ka mberritur edhe trupi i pajete i Azem Hamollit, qe humbi jeten ne spitalin e Italise. Nderkohe qe gjate dites se djeshme eshte kryer edhe ceremonia e varrimit te tij.

Afatet

Rreth nje jave mendohet se do te zgjasin procedurat per kryerjen e analizave te ADN-se te atyre kufomave, te cilat jane aktualisht ne morgun e kryeqytetit. Sipas te dhenave nga Instituti i Mjekesise Ligjore, pergjigjet e analizave do te dalin diten e diel te kesaj jave. Pavaresisht se kur eshte gjetur kufoma, ekspertet kane menduar te bejne grumbullimin e mostrave dhe me pas kryerjen e procedurave laboratorike per nje kohe te percaktuar. Aparaturat bashkekohore kerkojne vetem tre dite kohe per te nxjerre analizen e specializuar te ADN-se. Por, nese kjo analize nuk arrin qe te nxirret nga ekspertet shqiptare, atehere do te jene ata amerikane te Institutit te Gjenetikes, te cilet do te kryejne analiza me te detajuara.


K.J

[RaPSouL]

Trafiku minave me celular, 4 ne pranga

Agjentet e infiltruar fusin ne kurth grupin e te dyshuarve si trafikante te minave me celulare dhe armeve ne qytetin e Durresit, ndersa dyshohet edhe per ndonje atentat te paramenduar. Nente bomba me telekomande dhe kater persona te arrestuar eshte bilanci i nje operacioni te realizuar nga tre furgone me 25 forca speciale te RENEA-s rreth ores 21:00 te mbremjes se djeshme ne zonen e Rashbullit. Te ndaluarit, sipas burimeve zyrtare te policise, jane Glerian Hyseni, 31 vjec, nga Durresi, Adrian Mocka, 40 vjec, Shkelqim Gjoka, 34 vjec dhe Hysen Hyka, 40 vjec, te tre banues ne Tirane. Behet fjale per nje operacion te fshehte te organizuar nga Prokuroria e Krimeve te Renda, e cila kishte nisur hetimet qe ne muajin shkurt te vitit 2007, per trafikun e armeve nga Shqiperia ne vende te tjera, kryesisht Itali e Greqi. Ne kete operacion mesohet se kane bashkepunuar edhe eksperte te Departamentit te Hetimit ne Policine e Shtetit. Nje zyrtar i larte ne prokurori tha mbreme, per gazeten "KJ", se minat me lende plasese tritol, shpertheheshin nga distance me mekanizmin e celularit, ndersa u kapen edhe nje pushke snajper dhe nje pistolete me silenciator.

Operacioni

Operacioni ka nisur rreth ores 18:00, kur forcat speciale jane vene ne gatishmeri dhe te maskuara kane udhetuar drejt qytetit te Durresit, te drejtuara nga prokurore te Krimeve te Renda. Fillimisht jane mbajtur nen vezhgim dy prej te dyshuarve, ndersa me pare ishte bere pazari per menyren e blerjes dhe trafikut te armeve. Pistat kryesore te hetimit, sipas prokurorise, jane ato te tregtimit te minave me celular drejt Italise dhe perdorimi i tyre per ndonje atentat te mundshem ne vend. Nderkohe, burime nga prokuroria ben me dije gjithashtu se gjithcka eshte zbuluar fale disa informacioneve te marra ne rruge operative dhe se nderhyrja eshte bere rreth ores 21:00 ne afersi te portit. Pas arrestimit te menjehershem, ata jane shoqeruar ne ambientet e Drejtorise se Policise se Durresit, ku dhe jane marre ne pyetje nga specialistet e krimeve dhe me pas jane sjelle me pas ne kryeqytet.

Hetimet

Agjentet kane mbajtur nen vezhgim te dyshuarit, derisa jane siguruar se nje sasi prej nente minash me celulare dhe nje pushke snajper ishte ne duart e tyre, me qellim shitjen kundrejt cmimeve te ndryshme, nga 2 mije euro deri ne 5 mije euro. Madje, drejtuesit e prokurorise kane stimuluar nje blerje te minave dhe armeve, ndersa bene te ditur se hetimet kishin nisur qe prej muajit shkurt te vitit te kaluar dhe eshte nje operacion qe vijon ate te koduar "Mini Blow", te pistoletave, kur deri tani jane kater te ndaluar ne proces hetimor e gjyqesor. Frika e ndonje atentati te mundshem ka sjelle dhe nderhyrjen e menjehershme, ne afersi te portit te Durresit, ku forcat e policise kane ndaluar automjetin, ku leviznin personat e arrestuar. Ne makinen e te dyshuarve jane gjetur nente minat, te cilat ishin bere me tritol dhe me qark celulari, qe aktivizohej ne distance.


K.J

[Ujku'80]

Të mërkurën në mbrëmjen në Kuvend, mbrojtja që kishte zgjedhur kryeministri i vendit përballë akuzave për tragjedinë e Gërdecit ishte fortifikimi mbas një linje të vetme: nuk dija gjë, nuk kisha dëgjuar kurrë më parë ekzistencën e Gërdecit, nuk kam asnjë lidhje ligjore për ngjarjen. Por në epilogun e të njëjtës seancë, kryeministri rrëzoi po vetë alibinë e tij duke e pozuar veten në një dritë krejtësisht të dyshimtë. Zoti Berisha pranoi drejtpërdrejt se në zyrën e tij, që një muaj përpara se të ndodhte tragjedia ndodhej një dosje me përgjimin e dy biznesmenëve, një shqiptar dhe një amerikan. Në atë dosje përmendej ai vetë, i biri, dhe dy të arrestuarit: pronari i Alb Demil dhe drejtori i MEICO-s. Zoti Berisha pohoi se e vetmja lëvizje që ai pa të arsyeshme të bëjë ishte konsultimi me të birin, që sipas tij e bindi atë se ai ishte dorëjashtë nga patatja që po nxehej në furrë. Zoti Berisha pranoi gjithashtu se ishte në dijeni në tentativës për të rekrutuar/ korruptuar një zyrtar të lartë të ministrisë së mbrojtjes, me dollarë amerikanë dhe prostituta. Pranoi se ishte në dijeni që një biznesmen shqiptar, me rekorde negative me drejtësinë, ishte i përfshirë në histori armësh dhe municioni. Ky është dhe momenti që kryeministri humbet përfundimisht alibinë e tij të ngritur me mundim për të shmangur çdo përgjegjësi në zullumin që u shndërrua në tragjedi në Gërdec.
Në ato orë të vona të darkës së të mërkurës, as opozita nuk u tregua e vëmendshme të shënonte se qoftë dhe në mungesë të veprimit të drejtpërdrejtë, kryeministri ishte përgjegjës për mosveprimin. Hapi i tij i parë, dhe ky është detyrim ligjor, duhet të kishte të bënte dhe duhej të bënte me vënien në lëvizje të Shërbimit Informativ për të zbardhur këtë histori dhe kjo është detyrë funksionale e kryeministrit. Nëpërmjet kryeinspektorit të tij të atashuar pranë këtij shërbimi, kryeministri duhej të sqaronte të gjithë këtë situatë, e cila në rastin më të mirë, do të ishte një histori e zakontë shqiptare me të korruptuar. Nëse do të bëhej një gjë e tillë, do të ishte fare e lehtë që mbas historisë me fishekë të blerë me dollarë amerikanë për Afganistanin, të dilte në dritë se të paktën dy nga personazhet e përmendura në përgjim, ishin të përfshirë dhe në një histori tjetër. Kryeministri duhet të sqarojë edhe origjinën e këtij përgjimi duke shpjeguar në Tiranë se histori të tilla me armë nuk janë vetëm “pronë” e Tiranës dhe se për to janë të interesuara dhe shërbime të huaja. “Indiferentizmi” me të cilën kryeministri pretendoi se e e kishte marrë paralajmërimin, është krejtësisht larg të së vërtetës; në një vend ku dhe zogjtë cicërojnë me dijeninë e tij, ku dhe shiu e dielli ndodhin me vullnetin e tij, është e pamundur që parasinjalet e ardhura nga Gërdeci të kalojnë jashtë vëmendjes së tij.
Fatkeqësisht, tentativat e bëra të mërkurën në mbrëmje në sallën e Kuvendit për ta transferuar përgjegjësinë për ngjarjen në drejtime të tjera, për të mos e ngritur stekën e përgjegjësisë, edhe ajo vetëm morale, mbi kokën e ish-ministrit të mbrojtjes, është sa cinike, po aq dhe larg të vërtetës. Së paku, kryeministri kishte në dorë të shmangte presionin mbi zyrtarin e MEICO-s, që paradoksalisht dhe për shkak të detyrës, ishte dhe vihej nën presion.
Në ligjin për Shërbimin Informativ dhe detyrat funksionale të tij përcaktohet qartë se ai është përgjegjës dhe duhet të mbledhë informacione me qëllim parandalimin e çdo lloj aktiviteti antikushtetues, antikombëtar dhe antiligjor dhe të veprojë me shpejtësi kur tendenca është e mprehtë si në rastet e terrorizmit dhe akteve të sabotazhit. Shërbimi duhet t´i kryejë këto detyra edhe në bashkëpunim dhe në koordinim me institucionet e tjera përgjegjëse. Ky ishte dhe momenti, kjo është dhe baza ligjore që e detyronte kryeministrin të vihej i pari në lëvizje. Zoti Berisha duhej të sqaronte rolin e gjithë individëve të përfshirë në këtë histori, duhej të vinte në dijeni Presidentin e Republikës dhe njëkohësisht, të kërkonte përfshirjen e menjëhershme të ministrit të mbrojtjes në zbardhjen e çështjes. Asnjë nga këto hapa nuk u hodh ose të paktën asnjë prej këtyre hapave të munguar nuk hapi një të çarë në murin e heshtjes që vazhdoi për një muaj rresht. Secili nga to, afronte mundësi të qarta që Gërdeci të mos ndodhte dhe të vihej nën kontroll një situatë që dukej se kontrollohej nga interesa shumëmilionëshe.
Momenti i dytë i dijenisë së kryeministrit ka qenë paralajmërimi i bërë nga shërbimet amerikane të sigurisë me rastin e vizitës së Presidentit George W. Bush në Tiranë, kur municionet e bazuara në Gërdecin e fatkeqësisë u evakuuan dhe u rikthyen në të njëjtin vend mbas vizitës. Në këtë rast kryeministri ose duhet të pranojë se e kanë gënjyer vartësit për atë çka po ndodhte, ose, siç nuk ka fare gjasa të ketë ndodhur, ai nuk i ka kushtuar më vëmendje këtij fakti.
Një javë mbas shpërthimit në Gërdec, Shërbimi Informativ është jashtë loje. Detyra e tij për parandalimin e akteve që cënojnë rendin kushtetues apo akte terroriste dhe kështu me rradhë, është e përfunduar dhe me ligj, tashmë hetimi i kalon Prokurorisë dhe strukturave të policisë. SHISH është jashtë loje në të njëjtën mënyrë siç ishte dje jashtë loje edhe Shërbimi Informativ i Ushtrisë apo Policia kriminale pranë Forcave të Armatosura.
Të mërkurën në mbrëmje kryeministri kërkoi të largojë çdo përgjegjësi edhe të Presidentit të Republikës nga tragjedia duke dalë garant për mungesën e dijenisë së tij për atë çka ndodhte në Gërdec. Dhe kjo e ka një arsye. Ndoshta menjeherë mbas samitit të Bukureshtit, ai do të kalojë patjetër në derën e Presidencës me listën e re të qeverisë së tij dhe se në këtë rast, Presidenti me një mandat të sapofilluar, nuk do të jetë thjesht noterizuesi i emrave të rinj të ministrave. Kryeministri e di mirë se e gjithë ngrehina e qeverisjes së tij është varka e drunjtë ku lundrojnë të gjithë dhe se loja i ka dalë nga tryeza e tij. E di mirë se nëse ndez zjarr brenda në varkë, në mos nga zjarri, gjithë ekuipazhi do ta pësojë nga uji i turbullt i këtyre ditëve. Ndaj alibia e kryeministrit, është në fakt alibia e gënjeshtërt e gjithë ngrehinës së shtetit, që nuk është gjë tjetër, veçse një ndërtim gjysëm ilegal i rrethuar me llamarina. Njëlloj si fabrika e vdekjes në Gërdec. Gërdeci nuk mund të harrohet duke u shitur si një histori korrupsioni dhe as duke e shpërthyer përgjegjësinë mbi një grusht njerëzish. Sepse kjo është një histori me mëkatarë dhe mëkati qëndron kryesisht në llamarinat e ndryshkuara të gjithë ngrehinës shtetërore.

[OO7]

Trafiku minave me celular, 4 ne pranga

Agjentet e infiltruar fusin ne kurth grupin e te dyshuarve si trafikante te minave me celulare dhe armeve ne qytetin e Durresit, ndersa dyshohet edhe per ndonje atentat te paramenduar. Nente bomba me telekomande dhe kater persona te arrestuar eshte bilanci i nje operacioni te realizuar nga tre furgone me 25 forca speciale te RENEA-s rreth ores 21:00 te mbremjes se djeshme ne zonen e Rashbullit. Te ndaluarit, sipas burimeve zyrtare te policise, jane Glerian Hyseni, 31 vjec, nga Durresi, Adrian Mocka, 40 vjec, Shkelqim Gjoka, 34 vjec dhe Hysen Hyka, 40 vjec, te tre banues ne Tirane. Behet fjale per nje operacion te fshehte te organizuar nga Prokuroria e Krimeve te Renda, e cila kishte nisur hetimet qe ne muajin shkurt te vitit 2007, per trafikun e armeve nga Shqiperia ne vende te tjera, kryesisht Itali e Greqi. Ne kete operacion mesohet se kane bashkepunuar edhe eksperte te Departamentit te Hetimit ne Policine e Shtetit. Nje zyrtar i larte ne prokurori tha mbreme, per gazeten "KJ", se minat me lende plasese tritol, shpertheheshin nga distance me mekanizmin e celularit, ndersa u kapen edhe nje pushke snajper dhe nje pistolete me silenciator.

Operacioni

Operacioni ka nisur rreth ores 18:00, kur forcat speciale jane vene ne gatishmeri dhe te maskuara kane udhetuar drejt qytetit te Durresit, te drejtuara nga prokurore te Krimeve te Renda. Fillimisht jane mbajtur nen vezhgim dy prej te dyshuarve, ndersa me pare ishte bere pazari per menyren e blerjes dhe trafikut te armeve. Pistat kryesore te hetimit, sipas prokurorise, jane ato te tregtimit te minave me celular drejt Italise dhe perdorimi i tyre per ndonje atentat te mundshem ne vend. Nderkohe, burime nga prokuroria ben me dije gjithashtu se gjithcka eshte zbuluar fale disa informacioneve te marra ne rruge operative dhe se nderhyrja eshte bere rreth ores 21:00 ne afersi te portit. Pas arrestimit te menjehershem, ata jane shoqeruar ne ambientet e Drejtorise se Policise se Durresit, ku dhe jane marre ne pyetje nga specialistet e krimeve dhe me pas jane sjelle me pas ne kryeqytet.

Hetimet

Agjentet kane mbajtur nen vezhgim te dyshuarit, derisa jane siguruar se nje sasi prej nente minash me celulare dhe nje pushke snajper ishte ne duart e tyre, me qellim shitjen kundrejt cmimeve te ndryshme, nga 2 mije euro deri ne 5 mije euro. Madje, drejtuesit e prokurorise kane stimuluar nje blerje te minave dhe armeve, ndersa bene te ditur se hetimet kishin nisur qe prej muajit shkurt te vitit te kaluar dhe eshte nje operacion qe vijon ate te koduar "Mini Blow", te pistoletave, kur deri tani jane kater te ndaluar ne proces hetimor e gjyqesor. Frika e ndonje atentati te mundshem ka sjelle dhe nderhyrjen e menjehershme, ne afersi te portit te Durresit, ku forcat e policise kane ndaluar automjetin, ku leviznin personat e arrestuar. Ne makinen e te dyshuarve jane gjetur nente minat, te cilat ishin bere me tritol dhe me qark celulari, qe aktivizohej ne distance.


K.J

Kjo ska lidhje me tragjedinë e Gërdecit.

[RaPSouL]

Leskaj: S'do te bojkotojme parlamentin, Berisha e Mediu te lene imunitetin

Kryetarja e grupit parlamentar te opozites Valentina Leskaj deklaroi se ne seancen e rradhes Kuvendi do te kete serisht debate per ngjarjen ne Gerdec. “Kuvendi do te kete serisht debate per vrasesit e Gerdecit”, ka shprehur konkretisht Leskaj, ndersa ka kerkuar dorezimin e imunitetit te Mediut dhe Berishes.

Kryetarja e grupit parlamentar te opozites Valentina Leskaj ka deklaruar sot se opozita nuk do te bojkotoje parlamentin dhe zhvillimet e saj. Gjate nje deklarate per shtypin Leskaj deklaroi se ne seancen e rradhes Kuvendi do te kete serisht debate per ngjarjen ne Gerdec. “Kuvendi do te kete serisht debate per vrasesit e Gerdecit”, ka shprehur konkretisht Leskaj. Gjithashtu Leskaj ka vazhduar me kerkesat e opozites per doreheqjen e kryeministrit Berisha duke e quajtur si te vetmen pergjegjese per tragjedine e madhe. Ne kete moment Valentina Leskaj ka deklaruar se eshte e nevojshme qe ish-ministri i Mbrojtjes Fatmir Mediu dhe kryeministri Berisha duhet te lene imunutitetin ne menyre qe te hetohen nga prokuroria. Ne fund te fjales se saj para medias Leskaj deklaroi se nje ngjarje e tille si ajo e Gerdecit duhet te zbardhet plotesisht dhe duhen gjetur autoret pergjegjes ne menyre qe te vendosen perpara pergjegjesise.


(A.S/Balkanweb)

[Dajti]

Simbas Prokurorise:

Ja pasuria (marramendese,fjala marramendese eshte e imja, Dajti)e bllokuar e Delijorgjit


Nje lajm i tille eshte bere publik nga zedhenesja e prokurorise se Pergjithshme e cila ka thene se “deri tani nga verifikimet e bera ne bankat e ndryshme ne vend rezulton se ne llogari bankare ne emer te Delijorgjit ka 900 mije euro”.

Hetimet e prokurorise kane cuar ne zbulimin e pasurive te Mihal Delijorgjit i cili eshte lene ne masen e sigurise “arrest me burg”. Pas kesaj prokuroret e grupit hetimor qe po ndjekin çeshtjen e Gerdecit i kane derguar sot gjykates kompetente kerkesen per sekuestrimin e pasurive te patundshme te administratorit te firmes ALBA DEMIL, Mihal Delijorgji. Nje lajm i tille eshte bere publik nga zedhenesja e prokurorise se Pergjithshme e cila ka thene se “deri tani nga verifikimet e bera ne bankat e ndryshme ne vend rezulton se ne llogari bankare ne emer te Delijorgjit ka 900 mije euro”. Gjithashtu burimet zyrtaret kane saktesuar se “perveç parave ne fjale prokuroria ka kerkuar edhe sekuestrimin e 18 mije metrave katrore truall perfshi edhe ndertimet mbi te ne Shkozet ne afersi te Durresit, si dhe rreth 11 mije metra katore siperfaqe te tjera toke dhe pallate banimi ne zonen e ish-uzines Enver ne Tirane”.
Gjithashtu mesohet se “ne lidhje me akuzat per trafik armesh per te cilat eshte folur se fundi ne media, grupi hetimor po vazhdon hetimet dhe per te ndihmuar ato do te shfrytezoje – pas verfikimit te autenticitetit te informacionit – edhe materialet e perdorura prej mediave sic mund te jene kaseta filmike apo regjistrime”.
Tashme grupi i hetimit eshte ne pritje te eksperteve te huaj nisur nga kerkesa drejtuar para dy ditesh ne lidhje me kete çeshtje ambasades se SHBA-ve ne Tirane.
(Arjona Sinanaj/Balkanweb)

[SNIPER 79]

bravo prokuroria qe ka arrestuar mashat e krimit.por ka harruar me arrestuar doren qe leviz mashen se ne pushtet esht akoma