Ministria e jashtme greke Bakojanis viziton Tiranën

[Duaje Siveten]

Ministrja e Jashtme Greke vjen ne Shqiperi per vizite ...

vjen me iniciativen e vet apo e kane ftuar ...

çfare mesazhi sjell ...

cilat jane porosite ...

kujt i duhet mbeshtetja greke ne keto dhe ato çaste ...

çfare infuzioni do te kryeje ...

kush e perse e pret ...

[qafezezi]

Mua me duket arritje e qeverrise Berisha. Ne keto momente kemi nevoje per miqesi me Greqine.

[alpost]

camet duhet te protestojne ne emer te tokave te tyre te pushtuara

[Davius]

E kapi Luli kete...



Bakojani: Pa zgjidhje për emrin, Maqedonia JO në NATO

Pa zgjidhje për emrin, Maqedonia nuk do të marrë ftesën për NATO në Samitin e Bukureshtit ka deklaruar shefja e diplomacisë greke, Dora Bakojani në Tiranë. Ajo edhe njëherë ka përsëritur fjalinë shumë herë të përsëritur kohëve të fundit, PO për anëtarësimin e Shqipërisë dhe Kroacisë në NATO por JO edhe për siç deklaroi, FYROM-in nëse nuk gjendet zgjidhje për emrin.

“Ne përkrahim anëtarësimin e Shqipërisë në NATO, përkrahim anëtarësimin e Kroacisë, por nuk do të pranojmë IRJM të bëhet anëtare e Aleancës Veriatlantike nëse nuk gjendet zgjidhje për emrin”, tha ministrja e Jashtme e Greqëisë, Dora Bakojani.
Ndërkohë, pas angazhimit të theksuar të administratës amerikane për kapërcimin e kontestit rreth emrit, zëdhënësja e Shtëpisë së Bardhë, Dejna Perino në pyetjen se a është i shqetësuar presidenti amerikan Xhorxh Bush për shkak të mos zgjidhjes së çështjes së emrit, para Samitit të NATO-s, deklaroi se ai shpreson se do të ketë zgjidhje deri në Bukuresht.
“Gjithsesi. Presidenti shpreson se dyja palët do të arrijnë marrëveshje para Samitit të NATO-s pasi që ai konsideron se kjo është çështje e cila mund të zgjidhet dhe çështje që duhet zgjidhur para se të shkojmë në Bukuresht, para përfundimit të këtij muaji”, tha Dejna Periono, zëdhënëse e Shtëpisë së Bardhë.
Me iniciativë të SHBA-së, të cilët konsiderohen si përkrahësit më të mëdhenjë të anëtarësimit të Maqedonisë në NATO, nesër në Bruksel do të zhvillohet takimi i ministrave të jashtëm të Maqedonisë dhe Greqisë, Antonio Milloshoski dhe Dora Bakojani. Uashingtonin në këtë takim do ta përfaqësoj zv.nënsekretari amerikan i shtetit, Daniel Frid. Ky takim paralajmërohet si vazhdimësi e negociatave intensive rreth propozimeve të fundit të ndërmjetësit, Metju Nimic.

INA-ONLINE

[beni67]

Pamvaresisht nga historia jo e kendshme, ne na duhet nje greqi mike. Fakti qe greqia eshte ne europe, ne nato tregon qe ne kemi nevoje per mbeshtetjen e saj. Nga ana tjeter ne ndajme nje pjese te kufirit me te si dhe 500 000 shqiptare jetojne ne greqi. Por komunistet e forumit jane xheloze ndaj cfaredo suksesi i qeverise aktuale packa se keto i sherbejne te gjithe shqipetareve. Per komunistet ka rendesi vetem te jene ata ne pushtet cdo gje tjeter eshte e pavlere. Fakti qe sa here ata jane ne opozite do e ndezin vendin tym e flake eshte shume domethenes

[Bizantin]

Bakojani: Greqia po bën ende analizë për Kosovën


Ministria e Jashtme Dora Bakojani është sot në Tiranë për një vizitë miqësore. Ajo ka vizituar fillimisht të plagosurit e tragjedisë së Gërdecit në spital, ndërkohë që më vonë ajo ka dalë në një konferencë shtypi sëbashku me ministrin tonë të Jashtëm, Lulëzim Basha.
Një nga pyetjet e Gazetarëve ishte:

Pse Greqia nuk e ka njohur ende pavarsinë e Kosovës?

Ministria Dora Bakojanis dha këtë përgjigje: “Përpara se të marrim vendimin për njohjen e Kosovës, Greqia po bën një analizë të theksuar të situatës. Siç e dini Greqia ka ushtarë në Kosovë, që janë pjesë e KFORI-t. Ne besojmë se misioni i BE-së duhet të jetë atje. Por vendimi për njohjen e pavarsisë nuk është marrë.
Sa i përket marrëveshjes së Stabilizim Asocimit ne do tja paraqesim parlamentit për shqyrtim”.

Ndërkohë një përgjigje lidhur me këtë pyetje ka dhënë edhe ministri Basha:

“Situtata në Kosovë është e një rëndësie të madhe për rajonin. Ne e ndjekim atë hap pas hapi. Ne dënojmë dhunën e cila përfundoi me vrasjen e një ushtari të UNMIK-ut. Implementimi total i planit të Ahtisarit ëhstë mënyra më e mirë për paqen atje.
Ne besojmë se pavarësia e Kosovës stabilizon përfundimisht rajonin.
Ne besojmë në perspektivën evropiane dhe euroatlantike të Kosovës dhe Serbisë.
Ne shprehim besimin tonë se duke vepruar me qetësi, me vetëbesim forcat e BE-së do të realizojnë një mision të rëndësishëm në gjithë rajonin”.


Fjala e ministrit Basha

Kam kënaqësinë të pres në Tiranë, ministren e jashtme greke, Dora Bakojani, një mike e vjetër dhe e mirë e Shqipërisë.
Kjo vizitë vjen në një moment të rëndësishëm të Shqipërisë në integrimin euroatlantik.
Bakojani ka ofruar ndihmën më të mirë, të mundshme si me medikamente dhe me asistencën e saj.
Disa orë pas tragjedisë, Bakojani më ka kontaktuar mua në telefon, për të shprehur keqardhjen e saj për viktimat dhe për të ofruar ndihmë nga Greqia për këtë ngjarje të rëndë.
Disa orë pas kësaj bisede një ekip mjekësh grekë fluturoi në Tiranë dhe ndihmuan skuadrën tonë të mjekëve për të plagosurit në këtë ngjarje të rëndë. Ndërkohë 6 prej të plagosurve po marrin mjekimin e tyre në spitalet greke.
Falënderoj Bakojanin për ndihmën që na dha në këtë ngjarje.
Marrëdhëniet politike midis Shqipërisë dhe Greqisë janë shumë të mira.
Greqia ka dhënë mbështetjen e saj në
Një komunitet i madh shqiptarësh jeton dhe punon në Shqipëri që jep kontribute të çmuara.
Greqia është një partner i zhvillimit në Shqipëri, si për projekte energjetike dhe të infrastrukturës.
Ne sot kemi diskutuar mbi një numër hapash që do të ndërmarrim. Kemi diskutuar për ekonominë dhe për kooperimin për futjen e investitorëve grekë në Shqipëri.

Kemi folur gjithashtu për situatën rajonale, dhe vizioni jonë kooperon në një vijë të vetme, që është stabiliteti për Ballkanin.
Kemi diskutuar edhe për çështje të tjera të bashkëpunimit bilateral.


Fjala e ministres së jashtme greke Dora Bakojanis

Zonja dhe zotërinj në radhë të parë më lejoni tu shpreh familjeve të viktimave si dhe qeverisë dhe kombit shqiptarë ngushëllimet më të mira më të thella në këto momente të vështira. Ne jemi këtu dhe është detyra jonë tu ndodhemi pranë në këto momente të vështira. Shpresoj të mos lindi më nevoja për një bashkëpunim të tillë.
Unë dëshiroj të falënderoj Z.Basha për mikpritjen që rezervoi këtu.
Takimi ynë i sotëm ka mjaft rëndësi pasi ne diskutojmë për shumë gjëra që kanë të bëjnë me bashkëpunimin e dyanshëm.
Takimi na jep mundësi për zgjidhjen e shumë çështjeve të përbashkëta që ne kemi.
Në muajin prill do të mblidhet komisioni për të diskutuar për çështjet e dyanshme.
Sot diskutuam edhe për një detyrë humanitare për varrosjen e ushtarëve grekë të rënë gjatë luftës së dytë botërore.
Marrëdhëniet tona si politike dhe ekonomike janë shumë të mira, por unë jam e sigurt se ato mund të ecin edhe më përpara.
Greqia e ka bërë zgjedhjen e saj sa i përket rajonit.
Shqipëria meriton futjen në NATO dhe do të keni mbështetjen tonë.
Sa i përket prespektivës evropiane ajo është e qarta por ajo kërkon nga të gjithë kujdes, devotshmëri dhe zbatim të traditave të vlerave, që ka të bëjë dhe me rolin e të drejtave të njeriut dhe të pakicave.
Sa i përket pakicës greke në Shqipëri është një faktor i lirë që forcon edhe më tej marrëdhëniet tona.
Një urë tjetër e madhe që lidh dy popujt është nr i madh i shqiptarëve që jetojnë e punojnë në Greqi duke kontribuar edhe për vendin e tyre.
Forcimi i bashkëpunimit është mënyra më e mirë për të përballuar sfidat tona në të ardhmen.



Bakojani: Mbështesim futjen e Shqipërisë në NATO

Lidhur me futjen e Shqipërisë në NATO, ministria e jashtme greke, Dora Bakojanis, e cila ndodhet për një vizitë në Tiranë, është shprehur se mbështet fuqishëm futjen e shqipërisë në NATO.

“Shqipëria meriton futjen në NATO dhe do të keni mbështetjen tonë” – tha Bakojanis.

Sa i përket prespektivës evropiane ajo është e qartë por ajo kërkon nga të gjithë kujdes, devotshmëri dhe zbatim të traditave të vlerave, që ka të bëjë dhe me rolin e të drejtave të njeriut dhe të pakicave.

Sa i përket pakicës greke në Shqipëri është një faktor i lirë që forcon edhe më tej marrëdhëniet tona.

Një urë tjetër e madhe që lidh dy popujt është nr i madh i shqiptarëve që jetojnë e punojnë në Greqi duke kontribuar edhe për vendin e tyre.

Forcimi i bashkëpunimit është mënyra më e mirë për të përballuar sfidat tona në të ardhmen.



Shekulli

[Hyj-Njeriu]

Pamvaresisht nga historia jo e kendshme, ne na duhet nje greqi mike. Fakti qe greqia eshte ne europe, ne nato tregon qe ne kemi nevoje per mbeshtetjen e saj. Nga ana tjeter ne ndajme nje pjese te kufirit me te si dhe 500 000 shqiptare jetojne ne greqi. Por komunistet e forumit jane xheloze ndaj cfaredo suksesi i qeverise aktuale packa se keto i sherbejne te gjithe shqipetareve. Per komunistet ka rendesi vetem te jene ata ne pushtet cdo gje tjeter eshte e pavlere. Fakti qe sa here ata jane ne opozite do e ndezin vendin tym e flake eshte shume domethenes

Greqi mike? po deri dje u akuzua nano me te drejte si grekofil,tani na duhet te adhurojme berishen per grekofilizmin e tij?
Ca jane keto idiotizma ,je edhe 40 vjec burre,si i lejon vetes te flasesh ne kete menyre?

[Bizantin]

Bakojanis: Shqipëria në NATO, njohja e Kosovës, në një moment të mëvonshëm


EKSKLUZIVE / Kosova, NATO dhe marrëdhëniet Tiranë-Athinë. Ministrja e Jashtme e Greqisë, sot në Tiranë



“Urojmë që në Bukuresht të ulemi në të njëjtën tryezë, jo vetëm si miq, por edhe si aleatë”

Ministrja e Jashtme e qeverisë greke do të jetë sot në Tiranë. Një ditë para mbërritjes në kryeqytetin shqiptar, ajo iu përgjigj disa pyetjeve të redaksisë së “Shekullit”, lidhur me qëndrimet e Athinës, për hyrjen e Shqipërisë në NATO, njohjen e Kosovës dhe nivelin e marrëdhënieve mes dy vendeve.

Greqia është një nga vendet e para që ka shprehur solidaritet dhe ka dërguar ndihma pas ngjarjes së Gërdecit. A do të vijojnë ndihmat, dhe në gjykimin tuaj, a kanë ndikim ngjarje të tilla na hapat e Shqipërisë drejt anëtarësimit në NATO?

Greqia shprehu solidaritetin dhe përkrahjen e vet në çastet e vështira për Shqipërinë mike dhe fqinje. Komunikova me homologun tim z.Basha dhe e informova për predispozicionin dhe gatishmërinë tonë për ndihmë të menjëhershme. Pak orë pas incidentit tragjik, Greqia dërgoi në Tiranë një avion C-130 me medikamente dhe material mjekësor. Ditën tjetër, pesë të plagosur së bashku me shoqëruesit e tyre, u transportuan me avion dhe po kurohen në spitale të Selanikut. Një i plagosur tjetër u transportua dhe po kurohet në spital në Janinë. Ditën e hënë, një avion i dytë C-130 mbërriti në Tiranë, duke sjellë gjithashtu material mjekësore dhe pajisje mbrojtëse kundër lëndëve plasëse. Jemi në kontakt për çdo gjë tjetër për të cilin mund të këtë nevojë.

Për ne, marrëdhëniet e miqësisë, të fqinjësisë së mirë dhe të bashkëpunimit , dalin veçanërisht në pah dhe praktikisht, në kohë emergjencash.

Sa për pjesën e dytë të pyetjes suaj, ne, siç jini në dijeni, vlerësojmë pozitivisht dhe mbështesim në mënyrë të qëndrueshme përpjekjet e Shqipërisë për përmbushjen e kritereve të NATO-s, në mënyrë që vendi të sigurojë ftesën në Aleancë. Në këtë kuadër, përshëndesim intensifikimin e mëtejshëm të përpjekjeve në pritje të Samitit të Bukureshtit. Me rastin e vizitës sime, do të dëshiroja t’i përcillja një mesazh popullit mik shqiptar: Greqia mbështet me gjithë forcat e veta, perspektiven Euro-Atlantike të Shqipërisë. Urojme që në Bukuresht të ulemi në të njëjtën tryeze, jo vetëm si miq, por edhe si aleatë”.

Meqë jemi këtu, lidhur me vendet e A3, Athina ka kërkesat e veta të njohura për FYROM / Maqedonia si dhe ka përsëritur që “Tirana të jetë e vëmendshme ndaj problematikës së pakicave”… Jeni për trajtim të njëhershëm të tre vendeve të A3, çka do të thotë që mund të sakrifikonit Shqipërinë për shkak të rezervave mbi FYROM / Maqedoninë, apo do të pranonit edhe një trajtim një për një të këtyre vendeve? Nëse po, çfarë modeli do t’i sugjeronit Shqipërisë në trajtimin e pakicave?

Në mënyrë të përsëritur kam shprehur qëndrimin e Greqisë për këtë çështje. I japim rëndësi të madhe integrimit të vendeve të Ballkanit Perëndimor në institucionet Euro-Atlantike dhe mbështesim perspektivën euro-atlantike të tyre.

Por secili prej tre vendeve të programit paraintegrues MAP, domethënë Shqipëria, Kroacia dhe FYROM, vlerësohet veças, në bazë të rezultateve të veta në përmbushjen e kritereve të NATO-s. Në këto kritere përfshihen përshtatja e vendit standardeve të NATO-s, përsa u përket reformave në fushën politike dhe në fushën e mbrojtjes dhe sigurisht, respektimi dhe kontributi i tij në marrëdhëniet e fqinjësisë së mirë.

Për Kroacinë gjykojmë se ka përmbushur në një masë të madhe kriteret integruese dhe për këtë arsye ne mbështesim dërgimin e ftesës.


Përkundrazi, e kuptoni se për FYROM ne nuk mund të biem dakord për dërgimin e ftesës, nëse nuk gjendet një zgjidhje reciprokisht e pranueshme për çështjen e emrit. Dhe e theksoj se çështja e emrit, është çështje respekti ndaj parimit të NATO-s për fqinjësi të mirë. Për fat të keq, politika e intransigjencës dhe e veprimeve të një logjike nacionaliste dhe irredentiste të Qeverisë së Shkupit, politikë që lidhet pazgjidhshmërisht me çështjen e emrit, nuk na lejojnë të mbajmë një qëndrim tjetër. Ekziston akoma dhe një farë kohe para Samitit të Bukureshtit, që të arrihet një zgjidhje reciprokisht e pranueshme, praktike dhe menjëherë e zbatueshme, në kuadrin e përpjekjeve të të dërguarit personal të Sekretarit të Përgjithshëm të OKB, z.Nimetz, përpjekje të cilat ne i mbështesim.

Për Shqipërinë, ashtu siç deklarova dhe gjatë Samitit informal të Ministrave të Jashtëm të NATO-s në Bruksel (06.03.2008), Greqia mbështet dërgimin e ftesës gjatë Samitit të Bukureshtit. Në të njëjtën kohë, sigurisht, siç jini në dijeni, nënvizojmë nevojën që të bëhen hapa të mëtejshme të rëndësishme përparimi në çështjen e mbrojtjes së të drejtave të njeriut dhe të drejtave të minoriteteve.

Mbetemi tek rajoni… Greqia ka deklaruar se do të vendosë në momentin e duhur për njohjen e Pavarësisë së Kosovës. Pritet shpejt një vendim i tillë?

Nuk mund të ndjekim logjikën e diagrameve të ngushta kohore dhe të afateve. Qëndrimet tona janë të qarta dhe janë shprehur në mënyrë të përsëritur. Vendimet tona në lidhje me çështjen e njohjes, do të merren në një moment të mëvonshëm, pasi të shqyrtojmë më parë me hollësi të gjitha parametrat e çështjes, pasi të marrim parasysh zhvillimet, si dhe pasojat që këto zhvillime do të kenë për stabilitetin rajonal dhe, medoemos, për interesat tona kombëtare”.

Znj.Bakojanis, gjatë vizitës së fundit të Kryeministrit shqiptar në Athine, dy ministrat e linjës së Energjetikës, Ruli dhe Sioufas, firmosën një marrëveshje, ku sipas njoftimeve zyrtare të qeverisë së Tiranës, Greqia do të ndihmojë në krizën energjetike shqiptare. A mund të na thoni diçka më të hollësishme rreth kësaj?

Me të vërtetë, në tetor të 2006, nga Ministrat e Energjisë të Shqipërisë dhe i Zhvillimit të Greqisë, z.Ruli dhe Sioufas, u nënshkrua Marrëveshja për bashkëpunimin e dy vendeve në sektorët e naftës, të energjisë elektrike dhe të gazit natyror, për të cilën gjykoj se përbën një bazë shumë pozitive për zhvillimin e bashkëpunimit tonë në këtë fushë. Bile për rastin e gazit natyror, parashikohet dhe mundësia e shitjes dhe transportit me gazsjellës nga Greqia për në Shqipëri dhe anasjelltas. Do të duhet të theksoj në këtë pikë se kjo Marrëveshje u ratifikua nga Parlamenti Grek dhe përbën ligj të Greqisë.

Dëshiroj të besoj se zhvillimet në sektorin energjetik dhe në veçanti në rajonin e Europës Juglindore, si dhe dëshira jonë për të kontribuar në avancimin e përpjekjeve për furnizim dhe tranzitim nga rajoni jonë të burimeve energjetike, përbëjnë një shtysë për forcim të mëtejshëm të marrëdhënieve, si dhe për një komunikim më të ngushtë të të dy vendeve tona në fushën energjetike.

Greqia është partneri nr.2 në ekonominë shqiptare dhe në disa fusha, partneri numër një. A e gjykoni të mjaftueshëm dhe reciprok, nivelin e marrëdhënieve ekonomike mes dy fqinjëve dhe çfarë mund të bëhet më shumë?

“Niveli i bashkëpunimit ekonomik të dy vendeve është i lartë. Sigurisht që ekzistojnë hapësira të rëndësishme përmirësimi të mëtejshëm. Tregtia e përbashkët ndjek gjatë viteve të fundit një kurbë ngjitëse, me një vëllim të përgjithshëm që gjatë vitit 2007 arriti vlerën e 714,5 milionë USD.

Por duhet t’i kushtohet rëndësi bashkëpunimit të dy vendeve në fushën e investimeve. Greqia është investitori i parë në ekonominë shqiptare, me investime që vlerësohen se e kapërcejnë shumën prej 1 miliardë Eurosh në sektorë të rëndësishëm si bankat, telekomunikacionet, tregtimi i naftës dhe nënprodukteve, ndërtimet, industria ushqimore, informatika dhe metalurgjia. Kompanitë greke me investimet që kanë bërë, kanë kontribuar në modernizimin e sektorëve të lartpërmendur të ekonomisë shqiptare dhe në krijimin e mijëra vendeve të reja të punës.

Besoj se prezenca investuese greke forcon përpjekjet e Shqipërisë për një bashkëpunim të mëtejshëm me komunitetin ekonomik ndërkombëtar. Padyshim që sigurimi i një kuadri ligjor më të qëndrueshëm dhe mbrojtja e bizneseve nga problemet e natyrës burokratike, do të kontribuonte në forcimin e mëtejshëm të marrëdhënieve ekonomike dypalëshe në mënyrë reciprokisht të dobishme. Për këtë arsye gjendemi në bashkëpunim të vazhdueshëm me qeverinë shqiptare, për zgjidhjen e çdo problemi që shfaqet dhe për përmirësimin e klimës investuese në vend”.

Cili do të ishte sipas znj.Bakojanis, përcaktimi më i saktë për nivelin e marrëdhënieve të sotme mes dy vendeve?



Marrëdhëniet tona gjenden sot në një nivel shumë të mirë. Greqia ka vullnetin dhe gatishmërinë të zhvillojë akoma më tepër, të gjitha fushat e marrëdhënieve tona dypalëshe. Vizita ime e sotme, pasqyron në mënyrë plotësisht të qartë këtë predispozicion tonin.




Shekulli

[Bizantin]

Topi- Bokojanis: Shpresë për ratifikimin e Shqipërisë nga Greqia.


Takimi i radhës i ministres së jashtme Greke, Dora Bakojanis, ishte ai me presidentin Bamir Topi. Në këtë bashkëbisedim Topi dhe Bakojanis vunë në dukje rëndësinë e ratifikimit të Marveshjes së associm-stabilizimit të vendit tonë nga të gjitha parlamentet e vendeve anëtare të BE-së, duke shpresuar edhe në ratifikimin e saj nga shteti grek. Ndërsa ministrja greke është shprehur se Greqia e mbështet plotësisht përmbushjen e aspiratave integruese të Shqipërisë në NATO dhe BE. Bakojanis theksoi edhe rolin e rëndësishëm të pakicave respektive, të cilat shërbejnë si ura të vërteta komunikimi dhe forcimi të miqësisë mes dy vendeve. Ndër të tjera në këtë takim presidenti Topi vuri në dukje edhe rolin e rëndësishëm dhe moderues të Shqipërisë dhe faktorit shqiptar në Ballkan. Ai tha : " Pas shpalljes së pavarësisë së Kosovës dhe krijimit të shtetit të ri, rajoni ka hyrë në një fazë të re bashkëpunimi, qëndrueshmërie dhe sigurie afatgjatë, duke projektuar të ardhmën e të tëra vendeve të tij, në familjen e madhe evropiane dhe strukturat euro-atlantike."



Shekulli

[iliria e para]

E puthi Berisha kete zonjen ne te dy faqet...
Interesante se kjo nuk tha qe Greqia nuk do te njohe Kosoven!!!