FC Juventus

[Flori]

Kampionati italian i afrohet fundit, me Interin që marshon drejt edhe një titulli dhe Romën që ende ka shpresa. Pozita e tretë, e palëkundur i takon Juventusit, që është një sukses, duke marrë parasysh goditjen që ky klub pësoi pas skandalit Cialciopoli, dy sezone më parë. Për këtë sukses, pa dyshim kanë kontribuar shumë lojtarë, por në këtë artikull do të veçojmë pesë nga ta, duke shtruar edhe pyetjen se cili sipas mendimit tuaj, ishte më i miri?

1. Gianluigi Buffon


Supozohet se portierët më të mirë janë ata që realizojnë mbrojtjet më të mira. Gabim. Portierë më mirë janë ata që dinë të pozicionohen, komunikojnë, organizojnë mbrojtjen dhe kuptojnë lojën e kundërshtarit, dhe nuk janë të detyruar të bëjnë shumë mbrojtje. Kjo gjë edhe i dallon Buffonin dhe portierin e Realit, Iker Casillas. Portieri italian edhe këtë sezon dëshmoi se është ndër më të mirët në botë.

2. Giorgio Chiellini


Tashmë është e pamendueshme se pse drejtori sportiv i bardhezinjve, Alessio Secco, tentoi ta shesë Chiellinin tek Manchester City në fillim të sezonit. 23-vjeçari ka qenë shtyllë e mbrojtjes, duke u kombinuar mirë me Nicola Legrottaglie, i cili po ashtu meriton të jetë në mesin e lojtarëve më të mirë të Juventusit. Ai fitoi zemrat dhe mendjet e tifozëve kur theu disa tentime të ashpra të Zlatan Ibrahimoviq dhe e zotëroi suedezin në të dyja ndeshjen e ligës kundër Interit.

3. Mauro Camoranesi


Anësori i lindur në Argjentinë, por me nënshtetësi italiane, edhe pse ka luajtur vetëm 20 ndeshje në Serie A, për shkak të lëndimit, është treguar mjaft i rëndësishëm në secilën prej këtyre paraqitjeve. Në pesë ndeshjet të fundit, 31-vjeçari ka bërë nëntë asistime, përfshirë edhe tre gjatë fitores 3-2 ndaj Milanit. Camoranesi ofron një kreativitet mjaft të nevojshëm në mesfushë dhe po të kishte qenë në formë gjatë gjithë sezonit, mbase Juve mund të kishte qenë në konkurrencë edhe për titull. Ai ka shënuar po ashtu edhe pesë gola, rrjedhimisht një në katër ndeshje dhe shumica prej tyre kanë qenë vendimtar, përfshirë edhe golat kundër Interit si në shtëpi po ashtu edhe në udhëtim, si dhe golin e barazimit gjatë fitores rikthyese në Udinese.

[Flori]

4. Alessandro Del Piero


Del Piero pa dyshim është në formën më të mirë e tij fizike të viteve të fundit dhe, si rezultat i kësaj, ai ka treguar sezonin më të mirë që nga ai 1997/98. Sulmuesi 33-vjeçar edhe pse pati ca lëkundje në fillim të sezonit, që nga nëntori ka qenë vazhdimisht në formë të shkëlqyeshme. Ai është ndër golashënuesit më të mirë në Serie A, me 18 gola (një më pak se dy kryesuesit Marco Borriello dhe David Trezeguet), dhe gjatë disa muajve të fundit ka pasur paraqitjet më të mira se cilido sulmues tjetër në ligën e italiane. Edhe vendimi i Roberto Donadonit, për të marrë Del Pieron në Euro 2008 duket i merituar.

5. David Trezeguet


Derisa Del Piero do të jetë në Austri dhe Zvicër, golashënuesi më i mirë i Serie A (së bashku me Marco Borriellon), David Trezeguet, duket se do të kalojë pushimet me familjen e tij. Ende është e pabesueshme se si Raymond Domenech mund të jetë aq fëmijërorë dhe të injorojë një sulmues të klasit të tij. 30-vjeçari ka prekur 19 herë portën në 36 ndeshje në Serie A. Është e qartë se Henry dhe Trezeguet nuk mund të luajnë në të njëjtin ekip së bashku, por nuk mund të mendohet as edhe të mbeten anash. Nëse kemi parasysh që Italia është në grup me Francën, Trezeguet do të duhej të ishte i zgjedhuri.

[RaPSouL]

Sienes iu dhane ca pik qe te mbijetoje edhe ajo

Radhen e ka Catania si nikoqir, do e shkaterrojme.



Forca Juvee Goo.

[bucky.h]

Juventusi , qysh ne krijimitarin e tij emrin e ka pas dhe e ka ( champion ) ...... e per disa ekipe si : Milan , Inter , Real Madrid , Roma etj etj , ma pershtat do t'na ishte emrin Penicilinë !!!!!

[Flori]

Siç ka shkruar Corriere dello Sport, Juventus mund të mposhtë Interin në luftë për të nënshkruar me Amantino Mancini, duke ia ofruar Vincenzo Iaquintan si shkëmbin ekipit të Romës.



Mancini ka qenë lojtar kyç i Romës gjatë viteve të kaluara, sidoqoftë kontrata e tij skadon në vitin 2009 dhe është po thuajse i sigurt se do të largohet nga klubi gjatë kësaj vere, pasi që ka refuzuar të nënshkruajë marrëveshje të re.

Edhe Juventus edhe Inter janë përfolur për një transferim të brazilianit, në kërkim të zëvendësimit për Pavel Nedved, respektivisht Luis Figos. Sipas Corriere, biankonerët janë më afër për ta fituar këtë garë, duke ofruar sulmuesin Iaquinta.

28-vjeçari erdhi në Juventus nga Udinese gjatë verës së kaluar, dhe pavarësisht sezonit të mirë, ka qenë vazhdimisht zëvendësues i David Trezeguet dhe Alessandro Del Pieros.

[Hyj-Njeriu]

Gjithe skuadra ka meritat e veta e ndonje lojtar ne vecanti veshtire se mund te nxjerresh. Meqe dobesia ime quhet Del Piero do vecoja ate. Eshte vertet per tu admiruar nje lojtar 33-34 vjec qe arrin te beje nje sezon te tille e te shenoje kaq gola.
Del Piero gola me aksion 16
Ibrahimovic ------------- 7

[RaPSouL]

Gjithe skuadra ka meritat e veta e ndonje lojtar ne vecanti veshtire se mund te nxjerresh. Meqe dobesia ime quhet Del Piero do vecoja ate. Eshte vertet per tu admiruar nje lojtar 33-34 vjec qe arrin te beje nje sezon te tille e te shenoje kaq gola.
Del Piero gola me aksion 16
Ibrahimovic ------------- 7

Del Piero momentalish ka 18 gola

[RaPSouL]

Po luhet ndeshja mes Sampdorias dhe Juves, eshte minuta e 10 dhe Juventus ka avantazh si mysafir me rezultat 1-0, golin e ka shenuar A. Del Piero.

[RaPSouL]

Korigjim, Juventus avanszon 2-0 si mysafir ndaj Sampdorias, golashenues eshte Trezeguet, te dy bashk me Del Pieron momentalisht jane golashenuesit me te mire te sezonit me nga 20 gola.

[ShocK]

Sampdoria 0-2 Juventus

Min-7. Alessandro Del Piero
Min-16. David Trezeguet (Penallti)

Deri tani jane te dy njesoj me gola , te shikojme kush do shenoje perseri se nuk besoj se kane per te ndaluar me kaq .