Kush mban përgjegjësi për tragjedinë e Gërdecit?

[artur]

Ej... po si se tha nje fjale ky Stefani,,,,,,,,,,,Qe Edi Rama me kete Delijorgjin kishte bere maksimumin e kontratave. Qe i kishte dhene ky Edi Rama atij Delijorgjit 10-mije metra katror toke tek uzina Enver. Qe Petro Koçit fill DITEN QE PLASI GERDECI I HOQEN TE DREJTEN TE FLISTE NE PARLAMENT sepse dihej qe do thonte qe Delijorgji kishte blere si Ramen per toka e ndertime e Saliun per armatime (sejcili sipas mundesive ishte shitur, kishte shitur gjerat tona)


Sa e kercenuan Saliun sapo erdhi ne pozite ne 2005-en qe mund te bente ç'te donte, PO KRYETARIN E OPOZITES DHE AFERAT E TIJ S'DUHEJ TI DEMASKONTE.....

Ka ndonje ketu ne forum qe e hedh poshte faktin qe Delijorgji kishte blere edhe Edi Ramen.....??????

[Ujku'80]

TIRANË- "Gërdecin e kam dëgjuar për herë të parë më 15 mars",-pati thënë kryeministri Sali Berisha, në një prej daljeve të tij të shpeshta publike, pas tragjedisë që u mori jetën 24 personave dhe plagosi 300 të tjerë. Por shkresat zyrtare, edhe këtë herë e nxjerrin zbuluar kryeministrin, në raport me vërtetësinë e deklaratave të tij për tragjedinë në Gërdec. Grupi hetimor pranë Prokurorisë së Përgjithshme ka sekuestruar ditët e fundit disa kopje të raporteve të Shtabit të Përgjithshëm të Forcave të Armatosura të Shqipërisë, ku shkruhet e zezë mbi të bardhë se Kryeministri i Shqipërisë është njoftuar për gjendjen e sigurisë në vend, por edhe për transportimet ditore të armëve dhe municioneve drejt fabrikës së Gërdecit. Raporti i fundit për Gërdecin ka mbërritur në zyrën e Berishës më 13 mars, dy ditë para shpërthimeve në fabrikën e vdekjes.



***

Gazeta "Shekulli" ka mundur të sigurojë kopjet e këtyre raporteve ditore, ku Shtabi i Përgjithshëm, me anë të korrierit ushtarak ka dorëzuar pranë kryeministrisë raportin për veprimtarinë e Forcave të Armatosura. Sipas këtij raporti të klasifikuar, njoftohet zyra e kryeministrit për veprimtarinë e Forcave të Armatosura, ku një pjesë të rëndësishme zë edhe transporti i municionit nga depot e ushtrisë drejt Gërdecit. "Ky raport, bashkë me regjistrin e postës së letrave të klasifikuara është sekuestruar dhe ndodhet në fashikullin e dosjes hetimore. Në këtë raport evidentohet veprimtaria e Forcave të Armatosura, ku njoftohet edhe për lëvizjen e sasive të mëdha të municioneve në drejtim të fshatit Gërdec, ku ishte vendosur fabrika e çmontimit të këtyre municioneve",-thuhet nga burimet pranë organit qendror të akuzës. Në dokumentet e sekuestruara gjendet edhe raporti i fundit që i ka mbërritur kryeministrit për Gërdecin. "Në raportin e dërguar në kryeministri, në datën 13 shkurt 2008 dhe me numër protokolli 90 njoftohet kryeministri për lëvizjet e municioneve nga depot e ndryshme të ushtrisë drejt Gërdecit",-pohojnë burimet e mësipërme.


***

Sipas hetuesve të çështjes, kjo shkresë figuron e pranuar edhe në regjistrin e dorëzimeve të letrave të klasifikuara në Kryeministri, ku letra është pranuar nga oficeri roje me inicialet D.B. Gjithashtu, mësohet se në këtë raport, përveç njoftimit për lëvizjet e municioneve të mëdha drejt Gërdecit, Shtabi i Përgjithshëm ka njoftuar kryeministrin për gjendjen e sigurisë në vend në nivel kombëtar, gjendjen e sigurisë së kufijve, gjendjen e gatishmërisë së forcave të armatosura etj. Ndërkohë, mësohet se këto raporte ndodhen në fashikullin e dosjes hetimore, falë dorëzimit të kopjes së tyre nga vetë shefi i Shtabit të Përgjithshëm, Luan Hoxha. Të njëjtat burime konfirmuan për "Shekullin" se po të njëjtat raporte janë dorëzuar në kryeministri me datë 7 mars, 10 mars, 11 mars dhe shkresa e fundit që mban datën 13 mars, e cila njofton për lëvizjet e këtyre municioneve drejt Gërdecit. Sipas këtyre shkresave që tashmë ndodhen në fashikullin e hetimit kuptohetqartë se kryeministri i vendit, Sali Berisha, jo vetëm që kishte dijeni për fabrikën e demontimit në Gërdec, por madje njoftohej për të gjithë sasinë e municionit që merrej çdo ditë në 26 depot e armatimeve në vend dhe shkarkohej në "perandorinë" e Mihal Delijorgjit.


Ish-drejtori i MEICO-s ka pohuar në gjyq se nuk kishte përgjegjësi për kushtet e sigurisë. Mbetet në qeli


Pinari kundër Mediut: MEICO s'ruan municionet



TIRANË- Gjykata e Apelit në kryeqytet vendosi të lërë në fuqi vendimin e dhënë nga togat e zeza të Shkallës së Parë, ku i pandehuri Ylli Pinari me detyrë ish-drejtor në kompaninë shtetërore të "MEICO", mbeti në qeli me masën e sigurisë "arrest me burg" deri në përfundim të hetimeve. Akuzë e vetme për tre të pandehurit e këtij procesi vazhdon të mbetet ajo e "shkeljes së rregullave të sigurisë mbi lëndët plasëse, djegëse dhe radioaktive". Gjatë paradites së djeshme, me kërkesë të avokatëve mbrojtës, treshja gjykuese e Gjykatës së Apelit, e kryesuar nga gjyqtari Edmond Islamaj mori në shqyrtim ankimin e vendimit të Shkallës së Parë, që vetëm dy javë më parë i dha me kërkesë të prokurorisë masën e sigurisë "arrest me burg". Gjatë seancës së djeshme gjyqësore, i pandehuri Pinari nuk u paraqit vetë në Gjykatë, duke u përfaqësuar nga mbrojtësit Ardian Leka dhe Artan Zeneli, të cilët pretenduan se masa e ndalimit dhe e sigurisë për klientin e tyre nuk është e ligjshme.

***


Sipas avokatëve, i pandehuri Pinari nuk paraqet rrezikshmëri shoqërore dhe ndikim në zbardhjen e tragjedisë, ndaj dhe kërkuan një masë më të lehtë sigurie. Mbrojtja argumentoi se klienti i tyre ishte jashtë Shqipërisë, kur ndodhi ngjarja në Gërdec dhe se më pas ai u paraqit vetë në organin e akuzës, duke u kthyer nga Gjermania. Ndërkaq, sa i përket veprës penale për të cilën akuzohet Pinari, mbrojtja pretendoi se kompania "MEICO" ka në fokus të veprimtarisë së saj tregtinë e municioneve luftarake, pra blerjen dhe shitjen e mallit dhe jo sigurimin dhe ruajtjen e municioneve luftarake. Me këtë pretendim, Pinari ka pasur si qëllim të fajësojë drejtuesit e Ministrisë së Mbrojtjes, që i kanë kaluar kompanisë që ai drejtonte përgjegjësinë e kontrollit të procesit të demontimit. Nisur nga këto pretendime, mbrojtja vlerësoi të padrejtë si masën e ndalimit, ashtu edhe masën e sigurisë ndaj Ylli Pinarit.

***


Megjithatë, kërkesa e avokatëve mbrojtës u kundërshtua nga përfaqësuesja e prokurorisë së Apelit, Thëllëza Alko, e cila e vlerësoi të ligjshëm ndalimin e të pandehurit Pinari. Gjithashtu ajo pretendoi semasa e ndalimit është marrë në kuadër edhe të sigurimit të provave për çështjen nën hetim. Togat e zeza, pasi dëgjuan pretendimet e palëve vendosën të lënë në fuqi masën e sigurisë "arrest me burg", dhënë pak ditë më parë nga Gjykata e Shkallës së Parë në Tiranë. "Këtë vendim do ta çojmë në Gjykatën e Lartë, ku do të kërkojmë ndryshimin e masës së sigurisë nga ajo e "arrestit në burg" në një masë më të butë",-kanë pohuar avokatët e Pinarit. Sipas akuzës, Ylli Pinari, me detyrë deri pak javë më parë drejtor i kompanisë "MEICO", e cila është në varësi të Ministrisë së Mbrojtjes, u ndalua me akuzën e "shkeljes së rregullave mbi lëndët plasëse, djegëse dhe radioaktive". Bashkë me Pinarin për këtë çështje, prokuroria arrestoi edhe administratorin e firmës "Albademil", Mihal Deliorgji dhe drejtorin teknik të saj, Dritan Minxolli, të cilët kishin fituar tenderin e çmontimit të municioneve luftarake.


VENDIMI


Qeveria shton 8 milinë lekë për Gërdecin

Qeveria ka shtuar edhe me 8 milionë lekë, fondet e saj për tragjedinë e Gërdecit. Një shtesë e tillë mbetet e papërfillshme kur një pjesë e madhe e banorëve janë në protestë për një vlerësim të padrejtë të dëmeve. Qeveria ka vlerësuar me 25 mijë lekë të reja cdo metër katror të shtëpive të dëmtuara tërësisht, ndërsa Berisha ka deklaruar gjatë ditëve të fundit se për të gjithë ata banorë që nuk pranojnë këtë vlerësim shtëpitë do të ndërtohen ngastruktura shtetërore.

Më shumë se 1 mijë banorë të Gërdecit kundërshtojnë vlerësimin e dëmeve të shkaktuara nga shpërthimi i fabrikës së vdekjes, më 15 mars. Gjatë javës të fundit, pranë shtabit të emergjencës së ngritur në bashkinë e Vorës ka patur një fluks të madh banorësh, që kundërshtojnë komisionet e vlerësimit për dëmshpërblimin e banesave të tyre. Sipas banorëve, nëpër dokumente rezulton që pjesa më e madhe e materialeve të shkatërruara nuk janë përfshirë në listën e dëmshpërblimit. Ndërkohë që nuk mungojnë akuzat për korrupsion për komisionet e vlerësimit. E ndërsa banorët hedhin akuza, burimet zyrtare thonë se janë ngritur 5 grupe pune për të shqyrtuar të gjitha ankesat që kanë banorët për dëmet e pësuara nga tragjedia e ndodhur në Gërdec. Qeveria tashmë ka mbyllur të gjitha llogaritë për këtë tragjedi që sipas fondeve të miratuara për dëmshpërblim arrijnë në 20 milionë dollarë. Por kategori të tjera të të dëmtuarve nga kjo tragjedi ndihen të diskriminuar dhe të pavlerësuar nga qeveria. Në disa nga fshatrat e Durrësit që kanë qenë afër në largësi ajrore nga vendi i tragjedisë, ka patur dëme të shumta që ende nuk janë marrë parasysh nga ana e qeverisë.



Nga Gjegjani i Kukësit në depot e Voskopojës, tonelatat e municionit që shkaktuan tragjedinë


Raporti, 26 depot që furnizuan Gërdecin

Pas shpërthimeve që u morën jetën 24 personave dhe plagosën qindra të tjerë, opinioni publik u përball me "ngritje supesh" nga zyrtarët e Ushtrisë Shqiptare, Shërbimeve Informative e deri tek ministrat apo kryeministri. Por procesi i furnizimit të fabrikës së Gërdecit nuk linte hapësirë për mungesë informacioni."Shekulli" ka publikuar pak ditë më parë raportin e transportit të municioneve nga depot e ushtrisë drejt fabrikës së Gërdecit, nga data 5 janar deri më 14 mars, një ditë para tragjedisë, raporte këto që kanë shkuar edhe në zyrën e kryeministrit Berisha.Sinanaj-Gërdec, Krujë-Gërdec, Vërtop-Gërdec... Itinerari i kamionëve të ushtrisë, në ditët e para të janarit ka qenë disi më i shkurtër.Javën e parë të janarit, kur administratori i fabrikës, Mihal Delijorgji sapo kishte marrë miratimin e dytë nga Ministria e Mbrojtjes për të vazhduar punën, në Gërdec janë shkarkuar deri në 100 ton municion në ditë, që vinin nga depot ushtarake në Fier, Berat dhe Krujë. Pas kësaj jave, harta e depove që morën urdhër të furnizonin me municion fabrikën e demontimit në Gërdec u zgjerua.

Gjatë dy muajve të tjerë, drejt Gërdecit do të shkarkoheshin tonelata të tëra municioni, që vinin nga depot e ushtrisë së Kukësit, Matit, Shkodrës, Tiranës, Elbasanit, Korçës, Përmetit, Skraparit. Municioni u sigurua prej ndërmarrjes MEICO në më shumë se 26 depo, të shpërndara në fshatra të rretheve të ndryshme në vend. Ushtarakë të këtyre depove dhe eprorët e tyre u vunë në dispozicion të fabrikës së Mihal Delijorgjit dhe kamionët e ushtrisë bënin po me karburantin e ushtrisë qindra kilometra rrugë, për të çuar municionet në destinacion. Lëvizjet e qindra kamionëve me municion, ditën për diell, drejt fabrikës së Gërdecit e kanë kthyer këtë zonë tashmë të shkretuar, për disa muaj me radhë në epiqendrën e ushtrisë shqiptare. Urdhrat e furnizimit të kamionëve, njësoj si edhe raportet për transportimin e municioneve ishin të detyrueshme të kalonin në disa tavolina ushtarakësh të lartë, e parashikuar kjo me ligj. Megjithatë, Gërdecin, këtë fshat kaq pranë Tiranës askush nuk e njihte, deri para shpërthimit që i tronditi të gjithë....


DEPOT QË FURNIZUAN GËRDECIN


Sinanaj, në Fier

Depoja e Krujës

Vërtop, në Berat

Dhëmblan, në Tepelenë

Shmil, në Elbasan

Labinot, në Elbasan

Melgush, në Shkodër

Macukull, në Mat

Lozhan, në Korçë

Bigaz, në Skrapar

Depoja e Ndroqit

Gjegjan, në Kukës

Qafë-Shtamë, në Burrel

Qafë-Mollë, në Tiranë

Bratil, në Gramsh

Mirakë, në Elbasan

Mbrezhdan, në Përmet

Bushat, në Shkodër

Zall-Herr, në Tiranë

Depoja e Laçit

KMR e Korçës

Depoja e Voskopojës

[Duaje Siveten]

Shekulli, 9 Prill 2008

Drejtësi "Gërdecit", vonesat pjellin tragjedi

Nga Zyhdi Kroj, kolonel ne pension

Ngjarja e Gërdecit, është më e rënda e 60 viteve
të fundit në ushtrinë shqiptare. Dozën e
tragjedisë e shton fakti që u përgatit nga
strukturat më të larta të shtetit. Berisha dhe
Mediu, mund të vazhdojnë të bëjnë herë të
paditurin, e herë të pafajshmin, por për këdo
është e qartë: përgjegjësia e parë politike,
shtetërore dhe ligjore është e këtyre të dyve.

Si ushtarak i lartë, me një karrierë të gjatë në
Forcat e Armatosura, mendoj se në këndvështrimet
shumëplanëshe të kësaj tragjedie, më duket se po
kalohen disa shkelje flagrante e të qëllimshme, që
janë thelbësore për analizën e shkaqeve dhe të
përgjegjësive.

Shkeljet që çuan në këtë tragjedi, mendoj se janë problem kushtetues, ligjor, teknik, ekonomik e natyrisht politik.

Është problem kushtetues, sepse aktualisht Forcat
e Armatosura nuk janë ndërtuar sipas përcaktimit
të nenit 168, pika 1 e Kushtetutës. Ato nuk
përbëhen më nga Forcat Tokësore, Forcat Ajrore e
Forcat Detare. Këto në vitin 2006 u shkrinë dhe u
krijua Komanda e Forcës. Të paktën deri në fund të
vitit 2007 nuk u ndërhy në Kushtetutë. Fjala është
që, derisa institucionet (qeveria e kryeministri
të parët) nuk respektojnë Kushtetutën, kuptohet se
ç'bëhet me problemet e tjera në vijimësi.

Është problem ligjor, sepse dokumenti "Strategjia
ushtarake e RSH" e miratuar në vitin 2002 dhe që
është në fuqi, nuk është ndryshuar ende; në të nuk
përmendet struktura aktuale ushtarake, përbërja,
misioni, detyrat e përgjegjësit.

Të dy këto probleme janë të lidhura. Ndryshimet në
strategjinë ushtarake ishin të nevojshme, por
çështja shtrohet: Përse ndryshimet në Forcat e
Armatosura nuk u shoqëruan me ndryshimin e ligjit
përkatës? Natyrisht, këtu përgjegjësia është
institucionale, pra e Ministrisë së Mbrojtjes dhe
e Parlamentit, por edhe e Shefit të Shtabit të
Përgjithshëm.

Është problem teknik, sepse ka shkelje të rënda
teknike si zgjedhja e vendit, përcaktimi i sasisë
së municionit që do të përpunohej, i rrezes së
veprimit në rast aksidenti, i personelit që do të
punonte, trajnimi i tyre dhe monitorimi i tërë
procesit. Këto e të tjera janë verifikuar apo ende
po verifikohen, por del se në ushtrinë shqiptare
nuk ka rregullore, por punohet me VKM, urdhra e
udhëzime, të cilat shpesh rrinë në dosje e nuk
njihen nga zbatuesit.

Është problem politik, sepse në këto 17 vjet janë
kryer reforma në FA, por siç rezulton ato kanë
pasur më tepër karakter politik, me ndërrim emrash
në etiketë dhe nuk është hyrë në brendi të saj.

Ja disa shembuj:

- Dihet që FA u transformuan, pra u ndryshua
struktura, sasia, misioni etj. Në sektorin e
armatimeve dhe municioneve ka pasur një numër
specialistësh, ata u hoqën nga puna, u spostuan e
shkurtuan, por armët e municionet mbetën ato që
ishin para 1992.
- Aktualisht, drejtorët e drejtorive në MM,
drejtorët e Shtëpive Ushtarake, drejtorët e
uzinave ushtarake janë militantë partiakë, që nuk
i lidh gjë me ushtrinë.
- Janë hequr nga puna disa qindra oficerë të
specializuar në vendet perëndimore vetëm për
bindje politike apo për t'u hapur rrugë
militantëve të partisë që i përkiste ministrit.
Është problem ekonomik, sepse lidhet më interesa
të larta përfitimi që i kanë rrënjët në piramidën
shtetërore. Ja disa shembuj:
- M.Delijorgji megjithëse njihej si i akuzuar nga
drejtësia për evazion fiskal, u fut në këtë
biznes. Ky person duhet të merret i pandehur qoftë
edhe vetëm pse ka shitur çelnikun special të
armëve si kullat e tankeve e grykat e zjarrit, për
skrap, me çmimin e llamarinës.
- Drejtori i MEICO-s, nga viti 1991 e këtej është
pushuar dhe rimarrë në punë disa herë. Pyetja që
bëjnë sot të gjithë ushtarakët është: Pse? Vetëm
se i njihte në perfeksion marifetet që mbushnin
xhepat e ministrave?

***
Problemi i çmontimit të municioneve është një
problem tjetër. Ç'duhet bërë? Thuhet se janë mbi
100 mijë ton municione që duhen çmontuar,
shqetësimi është, por edhe alarmi nuk duhet dhënë.

Mendoj se është urgjente:

1- largimin e municioneve të grumbulluara pranë qendrave të banuara dhe ruajtja e tyre rreptësisht;
2- nxjerrjen e kapaciteteve përpunuese të tre uzinave ushtarake;
3- nëse duhet ndërtuar një qendër e re çmontimi, duhet të zgjidhet me kujdes nga specialistët, të dalin aktet e reja ligjore e nënligjore, të zgjidhet e trajnohet personale, të monitorohet procesi dhe të ketë transparencë;
4- të rishikohet e plotësohet ligji "Mbi autoritetin e drejtimit e komandimit në FA" për të përcaktuar më mirë marrëdhëniet midis Ministrisë së Mbrojtjes dhe Shtabit të Përgjithshëm;
5- të rishikohen reformat e kryera në FA e Shërbimin Informativ, të dalin defektet, përgjegjësia dhe të bëhen korrigjimet e nevojshme;
6- të bëhet kontrolli shtetëror mbi shitjen e armëve e municioneve, të dalin shkeljet dhe përgjegjësia për to.


Tragjedia e Gërdecit ka një kryefjalë për
përgjegjës, binomin Berisha-Mediu. Jemi para
faktit të kryer që shteti ka bërë një krim të
përmasave të mëdha, dorëheqjet dhe shkarkimet janë
çështje që lidhen me moralin dhe përgjegjësitë
politike, ndërsa hetimi për të nxjerrë shkaqet,
përgjegjësit e ndëshkimi i fajtorëve është detyrim
i organeve të drejtësisë.

Tendencat për ta minimizuar këtë tragjedi, apo për
të "fshehur" përgjegjësit, veçse i shton dhimbjet
tek të dëmtuarit, dhe mëkatet tek përgjegjësit. Se
vonesa "pjell" tragjedi të tjera apo ngjarje të
rënda, si ajo e arratisjeve masive (pjesërisht në
tentativë) në Burgun e Burrelit. Aksioma e njohur
në botë se "Shiko burgjet, shiko fytyrën e
shtetit", si shumë kërkesa të tjera, nuk
funksionon në Shqipëri. Shteti i "Gërdecit" hoqi
nga burgjet specialistët dhe vendosi militantët,
që i pollën tjetër ngjarje të rëndë.

Një gjë është e qartë: Ndoshta, tragjedia e
Gërdecit do jetë e vetmja ngjarje e rëndë që do të
zbardhet. Për t'u mbyllur, kurrsesi!

[Greta Ziu]

E para-eshte gjynah per njerzit e vrare dhe kjo eshte vrasje masive . Duhet te jete shkaktuar nga njerez te paguar nga serbet ... nga konkurente te atij biznesi.... nga pushtetar te korruptuar (te djeshem ose te sotem)..pakujdesi?-nuk perjashtohet..A kane pergjegjsi qeverite?Te gjitha.Nuk besoj te zbardhet ndonjehere.Ashtu si me `97...megjithse fajtoret e pandeshkuar tashme dihen....e me e keqja jane krere partish dhe parlamentar te ``dushkut``e qe i ze gjumi edhe nen peshen e vrasjeve.Berisha?-duke qene ne komande i dogjen policin ne Vlore dhe tash nuk parandaloi Gerdecin.Nuk mjafton te jesh i ndershem-fajtor mund te jesh edhe po qe i ndershem.Kane shume maraze kto ndodhi.TUNG-FORUM

[Duaje Siveten]

Sot, 17 Prill 2008

Geri Kokalari: Ina Rama duhet të shkojë te Berisha për ta prangosur e jo për kokteje

Geri Kokalari ka dhënë një intervistë për agjencinë e lajmeve në Amerikë “Lidhja Shqiptaro-Kanadeze mbi Shërbimet e Informacionit”. I cili është marrë në pyetje nga gazetarja Marjana Lulushi. Ne kemi kontaktuar me z.Kokaliri dhe na dha të drejtën ekskluzive për botimin e kësaj intervistë në gazetën “Sot”. Ai është marrë në pyetje në lidhje me tragjedinë e Gërdecit dhe për qeveritarët tanë të përfshirë në ngjarjen e 15 marsit.

Geri Kokalari është shqiptaro-amerikani që mban titullin e presidentit në fondacionin “Trashëgimia Shqiptare”, një organizatë avokatie që merret me çështjet shqiptare.Ai ka qenë themeluesi, financieri dhe ish-drejtor i Këshillit Kombëtar Shqiptaro-Amerikan, dhe ishte njeriu i përgjegjës për krijimin e zyrës së parë lobiste për shqiptarët në Washington DC. Z. Kokalari ka qenë gjithashtu themeluesi dhe drejtuesi i “Fondi i Lehtësimit Shqiptar” me zyra në NewYork dhe Tiranë, organizëm i cili i siguroi Shqipërisë mbi 10 milion $ në formën e ndihmave humanitare. Ai ka shërbyer dhe si drejtor në “Fondin e Lehtësimit Kosovar” ku ndër projektet e organizuara prej tij, ishin dhe ndihmat humanitare të dhuruara nga kryebashkiaku Giuliani dhe qyteti i New Yorkut, të cilat z. Kokalari ia shpërndau me pas kosovarëve në kampet e refugjatëve në Maqedoni gjatë luftës së 1999. Me kërkesën e ambasadës amerikane ai siguroi fonde për një ekip që do të pastronte nga minat kufirin Shqiptaro-Kosovar. Z. Kokalari ka publikuar disa artikuj mbi krizat në Shqipëri dhe Kosove dhe është shfaqur në disa programe televizive amerikane për të diskutuar mbi heshtjet shqiptare. I ati i Geri Kokalarit, Lemi Kokalari emigroi nga Gjirokastra, Shqipëri që në moshë të re. Ai shërbeu në trupat aviatore të ushtrisë amerikane gjatë luftës së II botërore, dhe ishte një drejtues aktiv i komunitetit Shqiptaro-Amerikan. Ai ka qenë president i Qendrës Shqiptare në Neë York, një ndër organizatat shqiptaro-amerikane më të vjetra, dhe gjithashtu lider i “Vatra”. Drita Kokalari, e ëma e Gerit, ka lindur në Amerikë dhe aktualisht është presidente e Qendrës Shqiptare. I ati i Dritës, Shazuvan Pashun ka qenë president i shoqatës mbarëshqiptare Vatra. Profesionalisht, z. Kokalari është këshilltari financiar i një kompanie shërbimesh financiare me qendër në Manhatan. Ka marrë masterin për administrim biznesi në financë në shkollën Ëharton të universitetit të Pensilvanise dhe një diplomë për administrim biznesi nga Universiteti i Bostonit.

Intervistë me Geri Kokalarin

Ka zëra në Shqipëri, që ju jeni pas artikullit të botuar në faqen e parë të NYT mbi kompaninë amerikane AEY dhe marrëveshjen e saj për blerjen e municioneve nga qeveria shqiptare. Është thënë gjithashtu se ju i dhatë NYT dhe qeverisë amerikane incizimet e bisedave mes presidentit të AEY, Efraim Diveroli dhe Kosta Trebickës. A janë të vërteta këto?

-Le të themi se jam në dijeni për origjinën e kësaj historie. Por është më e rëndësishme vetë historia sesa burimi i saj. Në rastin më të mirë, kjo histori na tregon paaftësi dhe neglizhence nga qeveria “Berisha”, ndërsa rasti më i keq është ai i korrupsionit, mashtrimit dhe gënjeshtrave nga ana e qeverisë Berisha.
Të dy këta skenarë anojnë drejt të njëjtës zgjidhje: Berisha Ik !!!

Në këto rrethana, mund të na tregoni se çfarë po ndodh?

Kam arsye të besoj se kjo histori mbart më shumë nga çfarë është raportuar në gazetën NYT, dhe me kohën do të dalin në shesh. Gjithashtu, disa degë të ndryshme të qeverisë amerikane po hetojnë mbi këtë çështje, dhe në përpjekje për të ushtruar presion mbi hetimin e çështjes, kam patur biseda dhe me zyrat e Kongresit Amerikan. Dhe jam i bindur se kjo çështje ka ngritur dyshime mbi qeverinë Berisha në Washington. Hetimet po vazhdojnë dhe nuk mund të jap më shume detaje momentalisht.

Cili është pozicioni i qeverisë Amerikane?

Nuk di të këtë një qëndrim ose pozicionim zyrtar nga ana e Washingtonit mbi këtë çështje. Ajo që duhet thënë, është se Washingtoni nuk mund të çuditet nga Berisha. Kjo sepse i kam vënë në dijeni zyrtarët amerikanë prej një kohe të gjatë rreth AEY dhe Meico dhe që korrupsioni dhe paaftësia ndërmjet zyrtarëve të qeverisë shqiptare është në përmasa epidemike, pavarësisht komenteve mashtruese të dhëna nga Berisha gjatë intervistës së tij në BBC. Kështu që zyrtarët amerikanë nuk mund të justifikohen. Që prej 8 muajsh më parë kam paralajmëruar agjenci të ndryshme përfshirë dhe qeverinë amerikane rreth marrëveshjes së AEY, gjithashtu përmenda dhe emrat e personave të përfshirë Mediu, Delijorgji dhe Pinari. Kështu që qeveria amerikane kishte kohe të mjaftueshme ti jepte fund kësaj farse. Nëse do të kishin reaguar më shpejt dhe të kuptonin që shumë nga personat e përfshirë në marrëveshjen e dyshimtë të AEY, si Delijorgji dhe Pinari, ishin gjithashtu të përfshirë në projektin e Gërdecit, atëherë do të bëhej i mundur evitimi i tragjedisë së Gërdecit. Si rrjedhoje, qeveria amerikane duhet të paguajë një pjesë të konsiderueshme të kostos së pastrimit nga kjo fatkeqësi njerëzore dhe të dëmshpërbleje viktimat. Ata zyrtarë shqiptarë që kishin dorë në këtë marrëveshje te piste dhe neglizhenca e të cilëve solli këtë katastrofe duhet të burgosen sepse shkaktuan vdekjen e shumë njerëzve të pafajshëm.

Ç’mund të na thoni mbi kontaktimet tuaja me Ina Ramën dhe situatën e AEY?

Si fillim, dua të vë në dukje faktin që i kam dërguar një letër Theodhori Sollakut tetorin e kaluar, gjatë kohës që ai ishte Prokuror i Përgjithshëm, dhe ai shprehu interes lidhur me këtë çështje, por më pas ai u pezullua si rezultat i sulmeve të Berishës, kështuqë nuk do ta mësojmë kurrë nëse ai do të kishte hetuar seriozisht këtë çështje. Unë gjithashtu i dërgova një letër Ina Ramës, me datë 09 Mars, duke i kërkuar të niste hetimet 6 dite përpara tragjedisë së tmerrshme të Gërdecit. Nuk pres përgjigje nga Ina Rama sepse emaili im është i tejmbushur. Përkundrazi, do të dëshiroja që ajo të bënte punën e saj dhe të ndiqte penalisht të gjithë ata që janë përgjegjës për korrupsion dhe krime të tjera, pavarësisht se sa thellë ose lart shkojnë ato në qeverinë Berisha. Do të doja ti kujtoja asaj që janë dhe dosjet e qeverisë Nano që ja vlejnë të hetohen, dhe i sugjeroj që tia nise nga maja e këtij pirgu mbeturinash shqiptare. Mund të them se kam marrë një mesazh nga ana e zyrës së presidentit Topi, ku premtohet se do të bëhen hetime të plota. E kam dëgjuar dhe më parë këtë nga liderë shqiptarë, dhe ajo ç’ka mund ti them Topit është se veprimet tregojnë më shumë se fjalët.

Ç’kuptim ka historia e AEY për shqiptarët?

Së pari, kjo evidenton në mënyrë të padiskutueshme nivelin e lartë të korrupsionit në qeverinë Berisha. Është e frikshme kur mendon që fushata e Berishës u bazua në moton “luftë kundër korrupsionit” dhe vetë Fatmir Mediu dëshmoi para kongresit amerikan në korrik 2004, duke denoncuar qeverinë Nano si të korruptuar. Në të vërtetë, ata i kanë provuar vetes se janë hipokritë ekstremë. Kjo histori gjithashtu nxjerr në pah ajsbergun e mashtrimeve në qeverinë amerikane. Lufta e SHBA kundër terrorizmit, po konsumon qindra miliona dollarë materiale dhe pajisje që dërgohen në vatrat e luftës, duke parë kërkesat e panumërta, u krijua një situate perfekte për ata që donin të shfrytëzonin situatën, si 22 vjeçari gojëshkathet në Majemi dhe qeveritarët e korruptuar shqiptarë, që panë një mundësi të vyer për të vjelur para nga stivat e amortizuara të municioneve të vjetra Kineze.

Çfarë mendoni se duhet bërë?

Qeveria amerikane duhet ta marrë seriozisht këtë çështje, veçanërisht tani që është ekspozuar në faqen e parë të NYT. Nuk është ndonjë histori e këndshme sepse përfshin korrupsion, abuzim me pushtetin, abuzim të taksapaguesve amerikanë dhe mundësinë që armatime jo cilësore janë dërguar në zonat e luftës të cilat mund të vënë në rrezik sigurinë e trupave tona. Kam mbajtur kontakt me pjesëtarë të ndryshëm të kongresit amerikan në përpjekje për të çuar hetimet përpara. Pas kësaj, Ina Rama duhet të reshte së sjelluri si struci, dhe të tregojë se ka kurajo dhe intelekt për të bërë punën për të cilën është caktuar në vend që të shkojë në festa me Sali Berishën e Fatmir Mediun. Nëse nuk e bën, kjo do të tregojë pa pikën e dyshimit se ajo nuk është asgjë më shumë se një personazh në një teatër kukullash, i cili tregon se si koncepti mbi ligjin në Shqipëri nuk është asgjë më shumë se një shaka e keqe.

Z.Kokalari, familja juaj njihet mirë në Shqipëri, mund të na përshkruash origjinën e familjes tënde? A i përket familja jote klasës së disidentëve?

Unë kam shumë të afërm. Disa, si shumica e shqiptarëve, nuk kishin zgjedhje tjetër por ti bashkoheshin rrymës dhe të përpiqeshin të mbijetonin në shtetin e çuditshëm të krijuar nga Enver Hoxha dhe injorantët e tij, sorogatot me vesë. Por shumë nga të afërmit e mi që konsideroheshin nga regjimi i Hoxhës si persona me “biografi të keqe” ndërkohë që realisht, disa prej tyre kishin biografinë më të mirë në Shqipëri. Të paktën 5 pjesëtarë të familjes Kokalari, përfshirë dhe vëllanë e gjyshit tim, u morën nga familjet e tyre pa paralajmërim dhe u ekzekutuan me gjakftohtësi pa kurrfarë gjykimi. Një pjesë tjetër e të afërmve u persekutuan në mënyrë të ashpër. Më e njohura ndërmjet tyre ishte Musine Kokalari që së fundmi iu dha titulli “Nderi i Kombit” për intelektin dhe trimerinë që tregoi duke i bërë qëndrese diktaturës komuniste. Musinë konsiderohet shkrimtarja e parë femër në Shqipëri dhe ka shumë mundësi e para grua shqiptare e edukuar në një universitet të huaj. Një nga ngjarjet më shikuese rreth Musinës u zbulua kur më në fund të afërmeve iu lejua ta zhvarrosnin nga varri i saj dhe ta vendosnin pranë eshtrave të nënës së saj. Pasi hapin arkivolin, ata u tmerruan kur panë që i kish duart të lidhura me tel. Me ç’duket, komunistët nuk ishin të kënaqur që e kishin torturuar gjatë tërë jetës, por donin ta torturonin edhe të vdekur. Por në fund, Musinë është e vetmja që nderohet si heroinë shqiptare ndërsa Enver Hoxha dhe ndjekësit e tij komunistë u cilësuan ashtu siç ishin- imorale, injorante, egoiste, shkatërrues te djallëzuar të ndjenjave humane dhe shtypës të lirisë.

Si ndiheni ndaj të qenit shqiptar duke ditur që keni lindur në SHBA? Jeni krenar që jeni shqiptar? Përse e keni këtë sens krenarie?

Jam aq krenar që jam shqiptar sa jam dhe që jam amerikan. Por besoj se gjithëkush duhet të jetë krenar për origjinën. Nëse një individ nuk është krenar për origjinën, atëherë si mund të ketë krenari në vetvete? Një tjetër arsye e rëndësishme është se prindërit e mi më bënë të vetëdijshëm për origjinën time shqiptare, dhe ata ishin vërtet krenarë për rrënjet e tyre. Lë të themi se kjo më bëri përshtypje.

Cili është profesioni juaj në SHBA?

Jam këshilltari financiar i një kompanie globale shërbimesh financiare.

Keni të afërm në Shqipëri? Nëse po, në cilin qytet jetojnë?

Janë shumë për tu numëruar. Origjinën nga ana e babait e kam nga Gjirokastra ndërsa nga ana e nënës nga Nivica, një fshat i vogël në malet e Labërisë. Kohët e fundit e kam vizituar Nivicën sëbashku me mamanë dhe ishte thjesht e mrekullueshme. Akoma kam të afërm në Gjirokastër, Tiranë, Vlorë dhe në qytete të tjera shqiptare. Kam një pemë gjenealogjike më shumë dege dhe një familje të madhe. Por të gjithë kushërinjtë e mi të parë dhe mamaja ime kanë lindur dhe jetojnë në SHBA.

Çfarë mendoni se ka ndodhur me familjen tuaj gjatë regjimit komunist?

Njihet mjaft mirë në Shqipëri se disa nga kushërinjtë e mi janë ekzekutuar pa gjyq nga regjimi i Hoxhës. Pjesa më ironike e kësaj është se këta njerëz u rritën bashkë me Enver Hoxhen, e njihnin mirë dhe ishin të lidhur me të. Dhe babai më ka thënë që kur ishte fëmijë dhe jetonte në Gjirokastër, përpara se të emigronte në Amerikë e mbante mend Enverin. Ndoshta kjo është dhe origjina e problemit. Ndryshe nga shumë sorogato komunistë të Enverit, familja Kokalari ishte e mirë edukuar dhe respektohej. Kjo mund të ketë kontribuar në rënien e tyre. Ka mundësi, që tek çdokush në të cilin Enveri dallonte zgjuarsi, mund të mos bashkëpunonte , diçka që nuk mund të tolerohej. Sistemi komunist i Enverit u ndërtua mbi bazën e gënjeshtrave prej të cilave populli jetoi në injorancë të plotë. Ndoshta, disa nga familja Kokalari perceptohej se ishin rrezik potencial për shqetësime. Musinë Kokalari ishte një nga yjet ndriçues të Shqipërisë dhe liderë e lëvizjes së parë demokratike në Shqipëri, por ajo e denoncoi haptazi komunizmin dhe i pagoi shtrenjtë idealet, duke kaluar jetën në burg dhe persekutim.

Fatkeqësisht, ka mundësi mos ta mësojmë kurrë historinë e plotë, dhe nuk pres që të bëhet e ditur nga të ashtuquajturit ish komuniste si Sali Berisha ose Fatos Nano. Në mënyrë të veçante, duke parë që janë akoma bijtë e regjimit të Hoxhës ata që i kanë shtrirë tentakulat në jetën e shqiptarëve, Nano dhe Berisha janë pjesë e këtij kanceri që vazhdon të pllakosë Shqipërinë.

A po kërkoni hakmarrje ose drejtësi mbi drejtuesit komuniste që persekutuan familjen tuaj?

Do të doja të kishte drejtësi për të gjithë shqiptarët e persekutuar nga regjimi komunist dhe vazhdojnë të shtypen nga dishepujt e regjimit komunist. Më shqetëson fakti që të ashtuquajturit ish komuniste si Nano dhe Berisha kanë përdorur lidhjet e tyre të fshehta për të vënë në jetë një sistem jo funksional, nepotik e të korruptuar në emër të demokracisë. Komunistët shqiptarë janë si kacabunjtë, ata operojnë në errësirë dhe janë të vështirë për tu eliminuar. Merrni shembull ambasadën amerikane në Shqipëri. Ka punësuar persona të ndryshëm që mbanin teserën e partisë, të cilët me sa duket kanë gënjyer në aplikimet për punësim rreth backgroundit të tyre komunist. Ata kanë lidhje të forta dhe ishin të aftë t’ia hidhnin burokratëve amerikanë të cilët njihen për pranimin e atyre që u buzëqeshin dhe u përulën. Duke jetuar jetët e tyre me lajka ndaj Hoxhës dhe regjimit të tij diktatorial, ata ishin të përshtatur mirë duke u lëpirë këmbët padronëve të tyre të rinj në ambasadë. I shkruajta ambasadores Marci Rice rreth çështjes së punësimit të ish komunistëve dhe mu tha se do të hetohej mbi këtë. Jam akoma në pritje të një shpjegimi. Nëse diplomatet amerikanë shpresojnë që unë të kem harruar rreth kësaj, u them atyre se nuk do të ndryshoj mendim deri sa të marr një përgjigje te kënaqshme.

Sa jeni i lidhur me Shqipërinë dhe Kosovën?

Unë nuk kam një familje në Kosovë, por kam miq me të cilët kontaktoj herë pas here. Unë kam bërë lobin për çështjen e Kosovës për më shumë se 20 vjet dhe kam qenë anëtar i bordit të drejtorëve të Fondit të Lehtësimit për Kosovën. Natyrisht, shumica e kontakteve të mija janë me Shqipërinë ku janë edhe “rrënjët” me mija, kështu unë ndjej më shumë se lidhje. Sot aktivitetet e mija mbeten produkt i përpjekjeve të mija për ti siguruar Shqipërisë ndihmë humanitare, që kur vendi u “hap” pas rënies së komunizmit ne fillim të viteve ’90. Unë kam qenë një nga pjesëtarët e Fondacionit Shqiptar për Lehtësim me zyra në Nju Jork dhe Tiranë, e cila i dërgoi si ndihmë Shqipërisë mbi 10 milion dollarë. Nëpërmjet këtij aktiviteti unë kam mësuar shumë për Shqipërinë, kam takuar personalitete të ndryshme të jetës politike shqiptare dhe kam bërë udhëtimin tim të parë në Shqipëri në 1994. Objektivi im i tanishëm mbetet i njëjtë si ai i atëhershmi: të ndihmoj Shqipërinë të vazhdojë përpara me demokracinë.

A i ndiqni pjesën më të madhe ngjarjeve në Shqipëri ?

Pjesën më të madhe? Jo, nuk kam shumë kohë për këtë, por përpiqem të jem koherent me historitë më kryesore, dhe herë pas here përpiqem të ndihmoj në krijimin e këtyre historive.

A mendoni ju se Sali Berisha është promovuesi kryesor i demokracisë shqiptare?

Nocioni që Berisha është promovues i demokracisë nuk është asgjë tjetër përveçse shaka bajte. Berisha është më tepër i aftë të flasë për demokracinë sesa për ti vënë në jetë parimet demokratike. Ai është pak më shumë se një mini Enver Hoxha, prandaj unë i thërras arrij Enver Berisha.

Me aq sa ju jeni në dijeni, cili është misioni i tij?

Për mendimin tim, Berisha është një autokrat dhe misioni i tij është të uzurpojë sa me shumë pushtet që të jetë e mundur dhe për aq kohë sa është e mundur dhe gjithashtu të pasurohet bashkë me familjen e tij. Në Tiranë ka histori shqetësuese për bizneset, të cilat në vend që të kryejnë aktivitete tregtare me qeverinë, i kryejnë aktivitetet tregtare me pjesëtarët e familjes Berisha. Kjo gjë e bën Berishën me të neveritshëm se Nano. Dhe e them këtë sepse kur ishte Nano, askush nuk habitej me korrupsionin. Por me Berishën është ndryshe sepse ai e zhvilloi fushatën me premtime për luftë ndaj korrupsionit, por qeveria e tij është akoma më tepër e korruptuar dhe më tepër nepotike se ajo e Nanos.

Ju jeni një nga kritikët më të dëgjuar të Berishës. Cilat janë arsyet kryesore?

Duke nisur mendimin tim, bazuar në veprimet e tij dhe përvojën time që kam me të, Berisha personi më mashtrues dhe një diktraor. Vetë kjo gjë është e mjaftueshme për ta bërë atë shënjestër të kritikave të mija, por siç e kam thënë edhe më parë dhe për të qenë më tepër specifik, ai bëri fushatë me premtime për të ndjekur penalisht qeveritarët e korruptuar, por sapo ai morri pushtetin ai i harroi premtimet e tij. Berisha e sulmoi Nanon në mënyrë të pamëshirshme mbi akuzat për korrupsion, por nuk ka bërë asgjë. Bëri fushatë me premtimin se do ta pastronte sektorin e telekomunikacioneve dhe ta anullonte marrëveshjen e Albtelekomit, por nuk ka bërë asgjë. Dhe siç e pamë edhe me tragjedinë e Gërdecit, qeveria e tij tregoi neglizhencë të madhe, gjë që shkaktoi vdekjen e 27 vetave, plagosjen e qindra të tjerëve dhe dëmtimin e qindra pronave. Berisha ka ende guxim të thotë që Gërdeci (ku municioni pronë e qeverisë po shkatërrohej) nuk ishte projekt i qeverisë, dhe se ai nuk dinte asgjë për të, edhe pse kunati i tij, duke punuar për Milhal Delijorgjin, vdiq gjatë shpërthimit. Por ama ai pranon që Fatmir Mediu devijoi nga projekti, megjithëse Berisha do që ne të besojmë që Mediu nuk dinte se çfarë po firmoste. Përderisa këto pyetje duken të vështira për Berishën që tu përgjigjet, unë do të doja ti bëja atij një pyetje të thjeshtë: Në cilin planet jeton ti Sali? Nëse ne marrim një përgjigje të ndershme për këtë pyetje, atëherë do të jemi në gjendje të dimë nëse Sali Berisha është sadopak në kontakt me realitetin. Unë mund të vazhdoj, por në thelb, ai u ka dhënë shqiptarëve besën, dhe me pas e shkeli. Vetëm për këtë ai duhet të largohet.

A mendoni ju se Berisha do të procedohet penalisht për abuzim me pushtetin apo për korrupsion?

Shpresoj që të ndodhë kështu sepse ai e meriton të paktën sa Fatos Nano. Nëse të thuash gënjeshtra apo të thyesh premtimet do të konsiderohen krime, Berisha do të dërgohej në burg ku nuk do ta shihte më dritën e diellit. Por nuk është kaq e thjeshtë të nxjerrësh para drejtësisë kreun e qeverisë që është akoma në detyre, qoftë për krime të bujshme, siç janë përfshirja e të afërmve të tij në trafikun ilegal të armëve dhe shpërthimin e Gërdecit, dhe ai është i vetëdijshëm për këtë. Ja pse ai është kaq i pacipë dhe haptazi i vendos miqtë dhe familjarët e tij në pozicione nga ku ata mund të përfitojnë financiarisht. Mënyra më praktike për ta ndëshkuar Berishën është ta largosh atë nga pushteti, sepse kjo është si ti heqësh ushqimin me gjak një vampiri.

Ç’mund të na thoni për rolin e SHBA-ve në punët e Shqipërisë?

Lidhur me marrëdhëniet Shqiptaro-Amerikane, me Berishën, do të shohim një përsëritje të asaj ç’ka ndodhi me Nanon, diçka që unë do ta quaja diplomaci finoke. SHBA-të kanë 2 prioritete porsa i përket Shqipërisë: mbajtja e stabilitetit rajonal dhe bashkëpunimi në luftën kundër terrorit. Nano dhe Berisha kanë qenë të kujdesshëm dhe janë përkulur gjithmonë para SHBA-ve duke bërë ç’ka ato kanë kërkuar për këtë çështje. Për shkak të këtij bashkëpunimi, SHBA-të kanë preferuar të mos “fërkohen” më çështjet të tjera. Kështu është vendosur një tendencë moskokëçarëse dhe një standard i dyfishtë i pamoralshëm. E vetmja arsye c’ka e bën akoma më problematike vazhdimin e kësaj politike devijuese të SHBA-ve në lidhje me Nanon e Berishën është respekti i madh që kanë shqiptarët për Amerikën. Nëse shqiptarët nuk do ta kishin këtë respekt për Amerikën, atëherë do të ishte e pamundur që Nano e Berisha të përfitonin nga kjo situatë për qëllime personale. Gjërat duhen thënë ashtu siç janë: abuzim me popullin e një kombi të tërë vetëm për të favorizuar objektivat e disa zyrtarëve të pamoralshëm shqiptarë e amerikanë. Fatkeqësisht, duket sikur kjo formë abuzimi ka kontribuuar në vdekjet dhe shkatërrimin e Gërdecit. Personalisht e kam paralajmëruar Ambasadën Amerikane për ata lloj njerëzish që ishin përfshirë në çështjen e Gërdecit, si Fatmir Mediu, Ylli Pinari dhe Mihal Delijorgji. Ishte qeveria amerikane që ka bërë presion mbi atë shqiptare për të shkatërruar municionet (kryesisht për çështje që kanë vlerë publike), por ata me vetëdije lejuar njerëz jo kompetentë të merren me këtë punë. Për shkak të kësaj neglizhence, qeverisë amerikane do ti kërkohet të paguajë një pjesë të madhe të faturës së kostos së pastrimit të zonës dhe kompensimit të dëmeve.

Cila është situata me “krahun e djathtë” dhe nacionalistët e Shqipërisë? A mendoni ju se do të ketë ngjitje për këtë “krahun e djathtë”?

Nëse ka ndonjë krah të djathtë, ata janë të dobët dhe janë mashtruar duke i shërbyer budallenjve të Berishës. Sepse nëse ata do të ishin të fortë dhe nëse do të kishin mendim praktik, ata nuk do ti toleronin abuzimet e Berishës dhe besnikëve të tij. Për shembull, Bersha tha që ky” krah i djathtë” do ta ndiqte pas Fatos Nanon. Çfarë bëri? Asgjë. Ai u tha shqiptarëve që do ta anulonte marrëveshjen e Albtelekomit. Çfarë bëri? Asgjë. Shovinistët grekë të udhëhequr nga Kolonel Janullatos vazhdojnë ta zgjerojnë influencën e tyre në shqipëri dhe i kanë fyer shqiptarët në kaq shumë mënyra. Dhe çfarë bëri Berisha? Asgjë.

Kemi dëgjuar që ju i përkisni një familje shqiptare të pasur e me tradita. Ç’vlera ka familja juaj? Ç’mendoni ju se po ndodh me problemin e këtyre vlerave në Shqipëri? Tradicionale?

Pa dyshim. E pasur? Ndoshta, nëse ju quani të pasurin e disa deleve më shumë dhe disa prona të vogla pasuri. Por nëse ata do të ishin të pasur, unë do të dëshiroja që dikush të më thonte se ku janë paratë, në mënyrë që unë të përdor disa para extra. Sa për çështjes së pronave, do të vazhdojë të mbetet ende problem për sa kohë Berisha do të vazhdojë të bëjë politikë ashtu siç ka bërë edhe më parë. Gjithmonë kam menduar që është e mundur ta zgjidhësh këtë problem. Por kjo kërkon vendosmëri, ndjenjë morali, zgjuarsi, angazhim dhe vizion. Fatkeqësisht, Berisha nuk ka asnjë nga këto.

Vijon...

[Reschen]

Politika shqiptare nuk eshte e sinqerte dhe as e ndergjegjshme dhe e gatshme per tu bere pjese e Evropes se zhvilluar per te cilen kemi enderruar jo pak nje enderr qe e kemi trashegim nga paraardhesit tane.
Ne Gerdec u vrane shume veta, fajtori nuk u gjend por u sajuan lloj arsyetimesh si te mbulohej kjo ngjarje tragjike. Fatmir Mediu ne nje speciale ne televizionin ALSAT para disa muajsh tha qe eshte vene mine me sahat dhe mund te disponoje prova per kete. Shume kohe me pas e mohoi dhe vazhdon te jete ne qeverisjes e partise demokratike duke i shtuar papergjegjshmeri aleances per ndryshim qe qeveris si dhe besimin qe kancelarite evropiane kane per partine demokratike dhe Sali Berishen si kryetar te saj por edhe si kryeminister.

Para disa ditesh shperthyen digat dhe u permbyt e gjithe Shkodra dhe Lezha. Kush eshte fajtori per kete permbytje tragjike dhe kete dem qe i behet nje populli demokrat me shpirt qe u ngrit ne kembe i pari per renien e nje diktature sic ishte ajo qe perjetuam ne e qe eshte Shkodra qe ja vlen te jesh ti thuash disa llafe e te merzitesh me shume se kur te vdes nje i afert? Neqoftese do te lexojme deklaratat e Dritan Priftit qe tha per televizonet dhe median e shkruar pak kohe mbas zgjedhjeve, mund te dyshojme edhe tek ky njeri.
Ja se ctha Dritan Prifti: "ai po lë përsëri Berishën në pushtet vetëm për shkak të një idiotizmi të tij, donte të zhdukte të gjithë faktorët brenda së majtës". "Si të kem respekt për këtë njeri, po lë përsëri të gjithë të majtën në opozitë".
E ka fjalen per Edi Ramen

Fatmir Mediu e mbylli gojen duke i bere shqiptaret e etur per demokraci, me mashtrues, me egoista, me te pandergjegjshem per veten dhe demokracine aq te brishte qe po jetojne shqiptaret
Dritan Prifti cfare ka per te thene kesaj rradhe per ate cfare ndodhi ne Shkoder dhe Lezhe? Patjeter si Fatmir Mediu do thote dicka dhe me pas nuk do te ndihet
Per ta pesuar e peson politika shqiptare, demokraci dhe populli qe pret prej tyre

[BEHARI]

Politika shqiptare nuk eshte e sinqerte dhe as e ndergjegjshme dhe e gatshme per tu bere pjese e Evropes se zhvilluar per te cilen kemi enderruar jo pak nje enderr qe e kemi trashegim nga paraardhesit tane.
Ne Gerdec u vrane shume veta, fajtori nuk u gjend por u sajuan lloj arsyetimesh si te mbulohej kjo ngjarje tragjike. Fatmir Mediu ne nje speciale ne televizionin ALSAT para disa muajsh tha qe eshte vene mine me sahat dhe mund te disponoje prova per kete. Shume kohe me pas e mohoi dhe vazhdon te jete ne qeverisjes e partise demokratike duke i shtuar papergjegjshmeri aleances per ndryshim qe qeveris si dhe besimin qe kancelarite evropiane kane per partine demokratike dhe Sali Berishen si kryetar te saj por edhe si kryeminister.

Para disa ditesh shperthyen digat dhe u permbyt e gjithe Shkodra dhe Lezha. Kush eshte fajtori per kete permbytje tragjike dhe kete dem qe i behet nje populli demokrat me shpirt qe u ngrit ne kembe i pari per renien e nje diktature sic ishte ajo qe perjetuam ne e qe eshte Shkodra qe ja vlen te jesh ti thuash disa llafe e te merzitesh me shume se kur te vdes nje i afert? Neqoftese do te lexojme deklaratat e Dritan Priftit qe tha per televizonet dhe median e shkruar pak kohe mbas zgjedhjeve, mund te dyshojme edhe tek ky njeri.
Ja se ctha Dritan Prifti: "ai po lë përsëri Berishën në pushtet vetëm për shkak të një idiotizmi të tij, donte të zhdukte të gjithë faktorët brenda së majtës". "Si të kem respekt për këtë njeri, po lë përsëri të gjithë të majtën në opozitë".
E ka fjalen per Edi Ramen

Fatmir Mediu e mbylli gojen duke i bere shqiptaret e etur per demokraci, me mashtrues, me egoista, me te pandergjegjshem per veten dhe demokracine aq te brishte qe po jetojne shqiptaret
Dritan Prifti cfare ka per te thene kesaj rradhe per ate cfare ndodhi ne Shkoder dhe Lezhe? Patjeter si Fatmir Mediu do thote dicka dhe me pas nuk do te ndihet
Per ta pesuar e peson politika shqiptare, demokraci dhe populli qe pret prej tyre

mjaft mire e ke pershkruar problemin ne fjale!
po hajde thuaj,cfar ka per te bere i shkreti popull..??
i thojn nje fjale,kur nuk ke pulen,duhet te hash Sorren,qe dmth
se keta qe jan sot ne pushtet,jan me te miret nder te keqite!
pa lere me te mendosh qe fatkeqsisht shqipria nuk ka fare fare nje opozite, qe
te pakten te shpresonim per te ardhmen,kjo eshte gjeja me e keqe!