Centrali atomik, nis projekti

[ajzberg]

E Brar ,edhe mua me trishton kjo gjendje ,ti flet per piramiden qe saliu e ka nen hunde ,por dil e te shikosh neper Shqiperi cfare fukaralleku e mizerabiliteti eshte ,Mehmeti e dinte se c kishte veshur ,por Saliu eshte lakuriq dhe akoma nuk po e merr vesh.

[brooklyn2007]

Irani: Centrali,Shqipëria të trajtohet si ne

Ambasadori i Iranit në Tiranë flet për çështjen e centralit bërthamor

TIRANË- Gatishmëria e qeverisë shqiptare për ndërtimin e një centrali bërthamor për prodhimin e energjisë elektrike, ka ngjallur një lloj xhelozie tek shteti islamik i Iranit. Shteti i madh aziatik kërkon nga faktori ndërkombëtar, që të zbatojë standarde të njëjta për të gjitha vendet që kërkojnë ose pretendojnë që të kenë programe të tilla bërthamore. Ambasadori i Iranit në Tiranë, Alibeman Eghbali Zarch, shprehet se Evropa dhe komuniteti ndërkombëtar nuk duhet të përdorin dy standarde lidhur me shtetet që kërkojnë të aplikojnë programeve të energjisë nukleare. Gjatë një konference për shtyp, duke iu referuar deklaratave të kryeministrit shqiptar Sali Berisha, për ndërtimin e një centrali bërthamor, ka theksuar se për të gjitha vendet e botës duhet të respektohen të njëjtat rregulla sa i përket prodhimit të kësaj lloj energjie, pavarësisht se ka vlerësuar si të drejtë të çdo vendi, për të prodhuar energji të kësaj natyre.



"Nuk mund të kuptohet që disa të thonë, për shembull, që Irani ta përdorë energjinë bërthamore për të prodhuar energjinë elektrike, ndërsa Shqipëria jo, ose një vend tjetër jo", - ka deklaruar ambasadori Zarch. Duke pretenduar se përpjekjet e faktorit ndërkombëtar për të ndaluar Iranin që të shfrytëzojë uraniumin për prodhim energjie janë të padrejta, diplomati iranian ka deklaruar se sot shumica e vendeve që bëjnë pjesë në këtë grup kanë centrale bërthamore, nga të cilat prodhojnë energji elektrike. Për këtë, ai ka sjellë në vëmendjen e opinionit publik shtete si Franca, Anglia, Bullgaria, Rumania apo dhe Serbia, të cilët sot i mbështesin nevojat e tyre për energji kryesisht tek centralet bërthamore. "Vetë vendet evropiane, francezët, anglezët, rumunët, Serbia, Bullgaria kanë centrale bërthamore dhe vende si Turqia, Italia kanë në plan që të kenë centrale bërthamore, për të prodhuar energji elektrike. Në qoftë se nuk do të bëhet një gjë e tillë, atëherë vendet e tjera nuk mund të sigurojnë energjinë e duhur", - theksoi ambasadori Zarch. Vetëm pak ditë më parë kryeministri Sali Berisha deklaroi se Shqipëria sheh si variant optimal për t'i dhënë fund krizës energjetike, ndërtimin e një centrali bërthamor.


http://www.shekulli.com.al/news/49/A...007-11-17.html

[Brari]

nje pyetje per ata qe din te marrin informata te sakta per centralet berthamore..

a ka greqia central berthamor?
Po turqia?
Po italia..
Italia ne se ka..ku i ka ne cilen rajon?

[RaPSouL]

Irani: Nuklearet, dhe ne si Shqiperia

Irani reagon ndaj idese me te fundit te Kryeministrit Sali Berisha per ndertimin e nje centrali berthamor ne Shqiperi per te siguruar energji elektrike. Ambasadori i Iranit ne Shqiperi, Alibeman Eghbali Zarch, tha dje se Evropa dhe bota nuk duhet te kene dy standarde te ndryshme, per sa i perket lejimit ose jo te centraleve berthamore si burime energjetike. Duke marre shkas nga deklaratat e Kryeministrit Berisha dite me pare, se tashme dhe Shqiperia e ka nje projekt te tille, diplomati kerkoi qe per te gjitha vendet te zbatohen standarde te njejta dhe jo te dyfishta, perfshire ketu edhe vendin tone. “Vendet evropiane si Franca, Anglia, Rumania, Cekia, Bullgaria, kane centrale berthamore, ndersa Turqia dhe Italia kane ne plan te kene centrale berthamore per te prodhuar energji elektrike. Nese nuk do te behet nje gje e tille, atehere vendet e tjera nuk mund te sigurojne energjine e duhur. Nuk mund qe disa te thone se Irani mund ta perdore energjine berthamore per energji elektrike, ndersa Shqiperia jo, ose nje vend tjeter jo”, u shpreh ambasadori iranian ne vendin tone. Diplomati theksoi se standardet duhet te jene te njejta per te gjitha vendet, per sa i perket projekteve per ndertimin e centraleve berthamore. Konkretisht per Shqiperine, diplomati theksoi se “te njejtat standarde qe ju kerkuan Iranit per kete ceshtje duhet te respektohen dhe nga vendet e tjera”.

Reagimi i ambasadorit Alibeman Eghbali Zarch erdhi pak dite pasi Kryeministri Sali Berisha zbuloi interesimin e qeverise per nisjen e nje projekti per ngritjen e nje centrali berthamor per sigurimin e energjise elektrike. Madje, kreu i qeverise beri te ditur se shume shpejt do te nise dhe hartimi i nje ligjit te ri per energjine berthamore, qe ne Shqiperi mungon. “Per te realizuar kete projekt, do te negociohet me Agjencine Boterore te Energjise Berthamore ne Vjene, si dhe me vendet fqinje Maqedoni, Mali i Zi dhe Kosove”, vijoi kreu i ekzekutivit, pavaresisht kundershtimeve te ashpra nga kampi i majte se ide te tilla jane qesharake. Ne bllok, opozita e majte u shpreh kunder ndertimit te nje centrali berthamor ne Shqiperi, duke e quajtur te parealizueshme. Deputeti socialist, Andis Harasani, deklaroi se vendi yne nuk ka fonde dhe mundesi per ngritjen e nje centrali te tille dhe deklaratat e Kryeministrit, sipas tij, jane absurde. Perplasjet me opoziten nuk kane sjelle aspak terheqjen e Kryeministrit, i cili shprehet se qeveria eshte e hapur per futjen e energjise berthamore.


Koha

[xfiles]

nje pyetje per ata qe din te marrin informata te sakta per centralet berthamore..

a ka greqia central berthamor?
Po turqia?
Po italia..
Italia ne se ka..ku i ka ne cilen rajon?

jo nuk kane, sepse e dine sa rrezik perben nje central i tille.
Aq me teper qe ne nuk kemi hapesire, nje aksident, dhe shqiperia do harrohet ne histori.

[JestersWorld]

Duhet te kemi parasysh se nevojat per energji elektrike ne 10-vjecarin e fundit jane rriturr ndjeshem ne te gjithe evropen.boten-ballkanin.
Deri me pare nuk ka pasur ngushtime me energjine elektrike dhe ne saje te reaktoreve bullgar.
Kriza per energji elektrike ne evrope sot ka dy shkaqe themelore:

Bullgarise ju desh te mbylle reaktoret per te hyre ne BE
Gjermania ka mbyllur 7 centrale deri me sot, 4 te tjere mbyllen ne 2 vitet e ardhshme dhe mbetet gjermania me 9 centrale gjithsej.
Shkurt muhabetit Gjermania nga eksportues eshte kthyer ne importuesin me te madh te energjise elektrike ne europe.


Nderkohe po ndertohen centrale atomike ne:
France ( 4 cope n kufi me gjermanine ) Norvegji (1) Rusi (3+ keshtu i ka planet putinua)

[Korcar-L1]

Shume rendesi i jepni dhe ju, genjeshtres se radhes..... Qeverite shqiptare, akoma nuk kane ndertuar ndonje TEC e jo me te kalojne bombastik...
Perpara se te enderrojne me sy hapur, le te zevendesojne ne fillim rrjeten shperndares te energjise elektrike, te vjelin leket e faturave etj si keto. Kur tek ne nuk funksionon ligji, si mund te kalohet tek ndertimet e centraleve atomike?! Apo jemi ne nga ata qe nuk vjedhim?:P Do fillojme te vjedhim qe nga betoni deri.... do ngaterohemi dhe do vjedhim dhe skorjet:P

[Lioness]

Duhet te kemi parasysh se nevojat per energji elektrike ne 10-vjecarin e fundit jane rriturr ndjeshem ne te gjithe evropen.boten-ballkanin.
Deri me pare nuk ka pasur ngushtime me energjine elektrike dhe ne saje te reaktoreve bullgar.
Kriza per energji elektrike ne evrope sot ka dy shkaqe themelore:

Bullgarise ju desh te mbylle reaktoret per te hyre ne BE
Gjermania ka mbyllur 7 centrale deri me sot, 4 te tjere mbyllen ne 2 vitet e ardhshme dhe mbetet gjermania me 9 centrale gjithsej.
Shkurt muhabetit Gjermania nga eksportues eshte kthyer ne importuesin me te madh te energjise elektrike ne europe.

Po diskutojme seriozisht apo po bejme muhabet te tipit: "Amstel, se keshtu me pelqen" lol.
E para, Italia eshte importuesja me e madhe e energjise ne Europe, jo Gjermania.
E dyta, kur flasim per "krize te energjise" ne Europe flasim per "krize cmimesh" (jo se mbeten pa drita se u mbyllen reaktoret e Bullgarise .) Dhe shkaqet jane globale. Europa eshte importuesja me e madhe e naftes dhe gazit natyral ne bote, por ne dekaten e fundit, si pasoje e shume arsyeve gjeopolitike ne rajon, por sidomos e rritjeve te larta te ekonomise ne Kine e ne Indi, ka pasur rritje kerkesash, dhe si rrjedhoje rritje cmimesh. Europa importon 82% te naftes dhe 60% te gazit natyral dhe bile jo drejtperdrejte por nga "third party states."
Per kete arsye, dhe sidomos duke pasur parasysh politiken europiane per mjedisin per te luftuar ngrohjen globale, po behen perpjekje per te rritur konsumimin e energjise nga burime te rinovueshme. Kuptohet, ne nje periudhe "afatshkurter" plani ekonomik europian per "karbon te ulet" do jete i kushtueshem.
Por gjithesesi, per momentin faktori kryesor i "krizes" eshte ai qe permenda me lart.

Sa per reaktoret bullgare dhe kriza ne Shqiperi, nuk mbaj mend te "mbyteshim" ne drita para 2006.

[ClaY_MorE]

Berisha, kokë më kokë me Prodin për centralin nuklear.

Marrëveshja Prodi-Berisha për ekstradimet dhe për energjetikën

Vizita e Kryeministrit Romano Prodi në Tiranë ishte në qendër të vëmendjes së shtypit italian që prej një muaji. Nënshkrimi i një sërë marrëveshjesh mes Italisë dhe Shqipërisë, ajo çka është veçuar nga shtypi ndërkombëtar, është ndërtimi i një centrali bërthamor. Mediat italiane kanë veçuar se Shqipëria do të investojë tre miliardë në fushën e energjetikës dhe Kryeministri Prodi do të jetë i pranishëm në Tiranë më 3 dhjetor. Berisha dhe Prodi do të qëndrojnë për disa minuta kokë më kokë në Kryeministri, ku më shumë sesa çështja e ekstradimeve, një vend të veçantë do të zërë ndërtimi i një centrali nuklear në afërsi të Durrësit. Kryeministri Berisha ka deklaruar publikisht se Shqipëria do të bëhet një superfuqi e vogël energjetike e krejt rajonit ballkanik. Me gjithë kundërshtinë e ambasadës iraniane në Tiranë, qeveria shqiptare është e vendosur në ndërtimin e këtij centrali nuklear, që do të bëjë të mundur furnizimin me energji jo vetëm të Shqipërisë, por të të gjithë rajonit. Në axhendën e Kryeministrit italian është përcaktuar edhe nënshkrimi i një marrëveshjeje midis Ministrisë së Energjetikës dhe kompanisë italiane ENEL për energjinë. Vlen të theksohet se pika më e dobët e investimeve të huaja mbetet energjia. Kjo ka detyruar edhe Kryeministrin të sigurojë një plan investimesh për ta zgjidhur këtë problem. Deklarata e Kryeministrit Berisha është bërë përpara 30 investitorëve italianë një muaj më parë dhe pritet sot që t‘i prezantohet Kryeministrit Prodi. Shqipëria ka zgjedhur dy kompani të huaja, njërën amerikane dhe tjetrën italiane për të realizuar projektin e saj. "Ëestinghouse" dhe "Camuzzi" janë dy kompanitë që duket se kanë shanset më të mëdha për të bashkëpunuar nga qeveria shqiptare mbi ndërtimin e këtij centrali elektrik bërthamor. Gazeta italiane "La Stampa" ka theksuar se në Shqipëri ka grupe të mëdha interesi për të bashkëpunuar dhe ka cituar veçanërisht kompaninë ENEL, e cila do të ngrejë një termocentral të madh në bregdet. Lidhur me marrëveshjen e ekstradimeve mes Italisë dhe Shqipërisë, në mbledhjen e fundit të Këshillit të Ministrave, Kryeministri Berisha theksoi të një rëndësie të veçantë marrëveshjen e ekstradimit midis Shqipërisë dhe Italisë, që do të nënshkruhet sot gjatë vizitës së Kryeministrit italian, Romano Prodi, në vendin tonë. Kjo marrëveshje do të krijojë lehtësira të mëdha në luftën e përbashkët kundër kriminalitetit dhe qeveria shqiptare është treguar e gatshme t‘ua ofrojë të gjitha vendeve anëtare të BE-së dhe NATO-s, për ta rritur në një nivel më të lartë shkallën e sigurisë. Projektmarrëveshja e miratuar në mbledhjen e qeverisë ka si synim të forcojë bashkëpunimin juridik midis shteteve fqinje në lidhje me asistencën e ndërsjellët në çështjet penale, si edhe siguron gjithashtu edhe dy elemente bazë, atë të ekstradimit të shtetasve respektivë dhe rregullon juridikisht transferimin e çështjeve penale. Në pothuajse të gjitha raportet ndërkombëtare për performancën e Shqipërisë në luftën ndaj krimit të organizuar dhe korrupsionit, Shqipëria është etiketuar si një strehë e mirë për eksponentët e krimit. Kritika të ashpra i janë dërguar shtetit shqiptar nga autoritetet e huaja, duke kushtëzuar dukshëm anëtarësimin e Shqipërisë me ndryshimin e kësaj gjendjeje të kriminalitetit në Shqipëri, duke i dhënë fund strehimit të këtyre personave dhe dërgimin në vendet kërkuese.

Axhenda e Kryeministrit Prodi në Tiranë

Ora 10.30
Ceremonia e mirëseardhjes së Kryeministrit Prodi

Ora 10.40
Takim kokë më kokë me Kryeministrin Berisha

Ora 11.00
Takimi zyrtar mes dy delegacioneve

Ora 12.00
Nënshkrimi i marrëveshjeve

Ora 12.05
Konferencë e përbashkët shtypi Berisha-Prodi

Ora 12.30
Takim me Kryetaren e Kuvendit

Ora 12.40
Fjala e Kryeministrit Prodi në Parlament

Ora 13.15
Prodi drekon me Kryeministrin Berisha

Ora 14.30
Takim me kryetarin e Bashkisë së Tiranës, Edi Rama

Ora 15.00
Takim me Presidentin Bamir Topi

Ora 15.45
Pjesëmarrja në 95-vjetorin e krijimit të Forcave të Armatosura


Gazeta Shqip

[Glamorous]

Ndertimin e ketij hidrocentrali e ka thene fillimisht F.Nano, dhe u kundershtua pikerisht nga S.Berisha ndertimi i tij, pasi do sillte shume deme ekologjike, dhe shnderrime gjetenike te njerezit qe do banonin ne zonat perreth tij.
Me vjen cudi qe po i njejti person qe e kundershtoj aq hapur dhe bujshem tani po vepron kundra fjaleve te tij.