Centrali atomik, nis projekti

[brooklyn2007]

Berisha, i vendosur për centralin bërthamor

• Genc Kondi

Pavarësisht nga ngjarja e Gërdecit, kryeministri Berisha deklaroi dje se qeveria e tij po avancon me idenë e ndërtimit të një centrali bërthamor në vendin tonë. Por këtë herë, duke ndryshuar termat e realizimit. Ai tha në forumin e Krans Montanës se, në kushtet e një kërkese shumë të madhe për fonde për ndërtimin e një objekti të prodhimit të energjisë nukleare - llogaritet që një central mesatar të kërkojë 4-5 miliardë dollarë amerikanë për ndërtim, veç lëndës së parë! - qeveria shqiptare do të bashkëpunojë me Malin e Zi dhe me Maqedoninë, edhe ato, sipas tij, të interesuara për një objekt të tillë energjetik. Por, duke paracaktuar territorin shqiptar si vendin, ku do të ngrihet ky central. Ndërkohë, ka vënë në dukje se përpjekjet për burime tradicionale energjetike janë përqendruar në TEC-in e Vlorës dhe HEC-in e Kalivaçit, që duan vite të mbarojnë.
Ky projekt, sikurse kanë theksuar ekspertët e sektorit energjetik, është orientuar dukshëm drejt eksportit të energjisë. Kostoja e investimit për ndërtimin e një centrali bërthamor është e konsiderueshme. Për një megavat fuqi të instaluar, gjatë ndërtimit të një TEC-i kërkohen 1 milion USD. Shifër që dyfishohet për ndërtimin e një hidrocentrali. Por, një central bërthamor kërkon 5 milionë dollarë për çdo megavat fuqi të instaluar. Kuptohet që vepra e ndërtuar me koncesion, nuk do të ishte në dispozicion të shtetit shqiptar, por të kompanive investitore. Pasi ato janë të interesuara të nxjerrin sa më parë shpenzimet e tyre, të cilat mund t'i sigurojnë më shpejt, jo duke e shitur energjinë në tregun e brendshëm, ku ajo është me çmim tepër të lirë, por në drejtim të Perëndimit, ku shitet shumë më shtrenjtë. Problemet më të mëdha vendit, ku ndërtohet një central bërthamor, i përkasin sigurisë. Në dy drejtime kryesore: ato që lidhen me terrorizmin ndërkombëtar dhe ato që lidhen me aksidente të mundshme. Për sa u përket këtyre të fundit, sado masa sigurie të ndërmerren, asnjëherë nuk mund të shmangen aksidente, me pasoja shumë të rënda, çka ka ndodhur në shumë vende më të zhvilluara se Shqipëria. Por, prania e lëndës së parë për prodhimin e bombave bërthamore në vendin tonë, mund të përbënte një joshje edhe për terrorizmin ndërkombëtar, që do të gjente një kontroll të dobët nga shteti dhe korrupsion të përhapur. Këto janë rreziqe potenciale, por që nuk mund të përjashtohen thjesht me euforinë karakteristike të kryeministrit shqiptar. Ndërkohë, do të kërkonte një kohë shumë të gjatë miratimi i lejes nga ana e Agjencisë Atomike të Vjenës, që arrin edhe deri në 10 vjet, deri sa të ofrohen garanci sigurie të mjaftueshme. Ndërkohë, një problem tepër të mprehtë do të përbënte çështja e mbetjeve radioaktive nga procesi i prodhimit të energjisë nga uraniumi. Ka vende si Rusia apo Gjermania që ofrojnë vende për stokimin e këtyre mbetjeve, por kostoja është tepër e lartë dhe ekziston mundësia që këto mbetje të qëndrojnë në vend, duke krijuar probleme shumë të mëdha për mjedisin, shëndetin e njerëzve dhe natyrën.
Është ankuar dje kryeministri Berisha se ende nga donatorët e fuqishëm nuk ka asnjë projekt për një arterie të madhe infrastrukturore në Ballkan, duke aluduar për investimin e munguar në Korridorin 8, që ka mbetur në letër. Ndërkohë, ai shpalli përfundimin e rrugëve nga Durrësi në Vlorë për pak muaj, në një kohë, kur rruga nga Fieri në Vlorë ende nuk ka nisur dhe ajo nga Lushnja në Fier ndodhet përballë vonesave të konsiderueshme.

Gazeta Shqiptare

[RaPSouL]

“E duam Shqipërinë me central bërthamor”. Berisha i shpreh dëshirën Kerim-it të OKB-së

OKB mbështet idenë e Berishës për një central bërthamor në Shqipëri.Mbështetja u dha nga Kryetari i Asamblesë së Përgjithshme të OKB, Srgjan Kerim gjatë takimit që zhvilloi sot me kryeministrin Berisha i cili tha se: “Nëse nuk kam bashkëpunimin me qeveritë e tjera atëherë do ti hapë dritë jeshile sektorit privat”

TIRANE- Organizata e Kombeve të Bashkuara u njoh me idenë e kryeministrit Berisha për ta kthyer Shqipërinë një fuqi energjetike bërthamore buzë Adriatikut. Kryetari i Asamblesë së Përgjithshme të OKB, Srgjan Kerim i tha kryeministrit Berisha se “E drejta për zhvillimin energjetik është një e drejtë e vendeve në zhvillim sic është Shqipëria. Ne duhet ta mbështesim dhe jo ta luftojmët”. Ai ka theksuar se ndërtime të tilla duhen të bëhen duke respektuar mbrojtjen e mjedisit nga ndotja “Shqipërisë i duhet të zhvillojë cdo lloj burimi energjie, qoftë kjo solare, bimore apo nukleare, por sigurisht po të bëjmë dhe llogaritë për faktorin e ndryshimeve klimaterike”.

Kryeministri Berisha tha se “Qeveria shqiptare është e gatshme të marrë pjesë me buxhetin e saj, për ndërtimin e centralit bërthamor në rast se bashkëpunon me vendet fqinje.” – por shtoi ai: “Në rast se qeveritë fqinje nuk janë të interesuara, atëherë nuk mendoj se qeveria shqiptarë do ta ndërmarrë këtë iniciativë që me buxhetin e saj të ndërtojë e vetme një central bërthamor, por do ti hapë dritë jeshile sektorit privat- përfundoi kryeministri Berisha


(Balkanweb)

[Qyfyre]

Te shkojmë të vizitojmë Shqipërinë dhe ca herë sa nuk është bërë çentrali bërthamor akoma, se pastaj s'duhet ti afrohemi me mesdheut. Futet ndonj mi apo mace te telat e çentralit dhe ikim për lesh.

[*Anxhi*]

Edhe centrali berthamor i mungon Shqiperise. Nga cmontimi i disa predhave e bene shkretetire Gerdeci & co., imagjino ca mund te beje nje central i tille me njerez te papergjegjshem si jane ata aty.

[FTN_2004]

Dikur thoja qe Shqiperia do nji bombe atomike qe te fillohet dhe njehere nga fillimi.
Me duket se na i degjoi dikush lutjet.

Hajde budallallik hajde, ku i co mushka kta iher ? Po W (Bushit) i kane marre leje keta te qeverise se mos vije te bjere demokracine edhe ne Shqiperi Amerika?

[zoomen15]

Kam frike se me ndertimin e centralit atomik ne Shqiperi,do te kemi nje Cernobil te dyte!

[Ujku'80]

Grupi mafioz B&B po perpiqet te zgjidh hallin e italise ne kurriz te shqiperise. Berisha e berluskoni me kto plane te Cmendura duan tia din vetem per xhepat e tyre, dhe jo per fatin e shqiperis dhe shqiptareve.

[RaPSouL]

Italia: Jo central bërthamor në Shqipëri


Komiteti për Rigjallërimin e Energjisë Bërthamore në Itali është kundër ndërtimit të një centrali bërthamor në Shqipëri. "Përpara se të mendojmë për Shqipërinë, duhet të shohim në shtëpinë tonë."- thotë drejtori i këtij komiteti Paolo Fornaciari.

Eshtë shprehur dje krejtësisht kundër gatishmërisë së kryeministrit shqiptar, Sali Berisha, për pranimin e një centrali elektrik bërthamor italian në territorin e vendit tonë, drejtori i Komitetit për Rigjallërimin e Energjisë Bërthamore në Itali, Paolo Fornaciari. Në një intervistë për të përditshmen e djathtë të moderuar "L'Opinione delle Liberta", pranë qeverisë Berluskoni, ai është shprehur se "përpara se të mendojmë për Shqipërinë, duhet të shohim në shtëpinë tonë. Dhe, të rivendosim në funksionim centralet në Kaorso dhe Trino Verçeleze". Sipas tij, ideja e mbështetur nga ministri i Ekonomisë, Xhulio Tremonti, për të ndërtuar impiante bërthamore përtej Adriatikut, i ngjall dyshime, përballë mundësisë së "rrezikut se mund të shtetëzohen", ndërkohë që "do të prodhonin energji elektrike me një kosto më të lartë". Sipas Fornaciarit, "brenda 10-12 muajve, dy centralet e mbyllura bërthamore në Itali mund të prodhonin tetë miliardë kilovatorë energji elektrike me kosto shumë të ulët". Ai shton se "ideja e Tremontit për të ndërtuar centrale në Shqipëri, rrjedh nga fakti se jashtë Italisë ekziston ajo që mund të quhet, "një pranim më i madh nga ana e shoqërisë".
Ideja
Në forumin e Krans Montanës në Tiranë, kryeministri Berisha tha se, në kushtet e një kërkese shumë të madhe për fonde për ndërtimin e një objekti të prodhimit të energjisë bërthamore - llogaritet që një central mesatar të kërkojë 4-5 miliardë dollarë amerikanë për ndërtim, veç lëndës së parë! - qeveria shqiptare do të bashkëpunojë me Malin e Zi dhe me Maqedoninë, edhe ato, sipas tij, të interesuara për një objekt të tillë energjetik. Por, duke paracaktuar territorin shqiptar si vendin ku do të ngrihet ky central. Më parë, më 7 nëntor të vitit të kaluar, ai kishte deklaruar, në takimin me përfaqësues të "Westinghouse" dhe "Camozzi Holding spa", se këto kompani mund të investonin në Shqipëri për centrale bërthamore. Por, ideja e kryeministri u rigjallërua shumë shpejt, menjëherë pas ardhjes në pushtet të qeverisë Berluskoni në Itali. Kjo e fundit, me sa duket, synon të caktojë Slloveninë dhe Shqipërinë si dy vende, ku mund të pranohet ndërtimi i centraleve elektrike që funksionojnë me energji bërthamore, në një kohë kur në Itali është ndërprerë ky proces, pas një referendumi të viteve '80.



bw

[THE_TIGER]

une besoj se nje gje e tille do te realizohet edhe shpresoj te realizohet sepse eshte me shume rendesi per shqiperine, ndoshta keshtu do ti japim funde krizes energjitike qe shqiperia ka prej 10 vitesh

[Zëu_s]

Pse te ia hudhesh ndonje shteti bomben atomike nga larg, kur ekziston mundesia ta instalosh ate ne mes te atije shteti, e kur te vije koha e duhur BUUUMMMM (ne rast te ndonje lufte me dikend, sot kemi paqe, eshte shum e mundur qe neser te kemi luft, sepse ne ballkan nuk i dihet kurre). Pastaj pse ta ndoti abientin ne shtetin tim kur ekziston mundesia ta ndotim ambientin ne Shqiperi dhe po ashtu ne Kosove (qe po flitet te ndertohet nje termocentral gjigant), apo jo.

Neser mund te ndodhe qe ta roberoj Greqia Shqiperine jugore dhe te thot: "Ta kam vere nje bombe ne Centralin Berthamore, dhe po levize nje milimeter ta luaj t'emen me atom tendin". Te njejten gje munden ta bejne edhe serbet ne veri, ose me mire te them te gjith munden ta bejne kete me neve. Kesaj i thone me ta vene pistoleten ne balle ose bomben ner bothe, dhe leviz pastaj nese ta mban.

Budallalleku i politikanve tane nuk paska kufi.