Centrali atomik, nis projekti

[ClaY_MorE]

Kryeministri: Shqipëria, superfuqi energjetike.

Në kulmin e krizës së dritave Berisha çudit sërish opinionin publik!

Kryeministri Sali Berisha ka vazhduar të çudisë opinionin teksa ka deklaruar se ka për qëllim që ta kthejë Shqipërinë në superfuqi elektrike. Këtë deklaratë Kryeministri e ka bërë ditën e djeshme, kur u është përgjigjur pyetjeve të gazetarëve italianë për hapat që ka ndërmarrë Shqipëria në përballimin e krizës energjetike.

"Qëllimi ynë është që Shqipëria të bëhet superfuqi energjetike në rajon", - tha Kryeministri Berisha.

Kriza "Shqipëria po përballet me vështirësi në problemet e energjisë, por biznesit i kemi ofruar lehtësi dhe këtë vit ai ka konsumuar 12.6% energji më shumë për nevojat e veta". Për kapërcimin e situatës energjetike, Kryeministri Berisha shpjegoi se po lëvizet në drejtime të ndryshme strategjike. "Ne do të shohim ofertat e ndryshme të ardhura nga kompani kanadeze, italiane, për prodhues të lëvizshëm dhe do të vendosim për to", tha ai. Berisha tha se në vitin 2008 Shqipëria do të ketë 300 MW më shumë energji elektrike nga prodhues termikë, pasi po synohet në balancimin e prodhimit të energjisë elektrike, për t‘u shkëputur nga vartësia hidrike. Duke vazhduar për këtë situatë, e cila lidhet me faktin se prodhimi në vend i energjisë është hidroenergjetik, Kryeministri Berisha theksoi se qeveria po punon për të favorizuar sektorin privat që të investojë në sektorin e prodhimit të energjisë në vend. Ëndrra me central bërthamor Kryeministri Sali Berisha u ndal edhe në propozimin e fundit të mbërritur nga një kompani për ndërtimin e centralit bërthamor në Shqipëri. "Ne do të nisim hartimin e një ligji të ri për energjinë bërthamore, pasi nuk e kemi ende. Do të negociojmë me Agjencinë Botërore të Energjisë Bërthamore me qendër në Vjenë, do të negociojmë me vendet fqinje, si me Maqedoninë, Malin e Zi dhe Kosovën për këtë projekt", tha Kryeministri Berisha. Një central bërthamor kushton mesatarisht 5 miliardë dollarë, shifër kjo e barabartë me gjysmën e Prodhimit Kombëtar Bruto. Në fakt, qeveria është përpjekur në më shumë se një rast që të kontraktojë kompani të huaja për të dhënë me koncesion ndërtimin e burimeve të reja energjetike, por deri më tani asnjëra prej këtyre kompanive nuk ka filluar të ndërtojë, ndonëse disa prej tyre i kanë marrë lejet që prej dy vitesh. Shuma të tilla, të rendit të 5 miliardë dollarëve, janë shumë të larta edhe për kompanitë më të fuqishme. Shqipëria ka dhënë disa koncesione për projekte ambicioze energjetike, të cilat deri më tani kanë mbetur vetëm në letër dhe një nga shkaqet kryesore për këtë ka qenë pamundësia e shoqërive koncesionare për të siguruar burimet e financimit. Të tilla kanë qenë projekt-propozimet që kanë mbërritur nga kompania "Enel" për një projekt të madh energjetik, nga konsorciumi ASG, një tjetër projekt energjetik në Seman, ndërtimin e linjave nënujore energjetike që do të lidhen me Italinë e Jugut dhe shumë nga këto.

Gazeta Shqip

[ClaY_MorE]

Kryeministri Berisha i ka bërë deklaratat për ndërtimin e një centrali bërthamor në punimet e forumit ekonomik me temë "Të investosh në Shqipëri, avantazhe dhe mundësi". Pasi ka prezantuar situatën energjetike, u ka bërë me dije përfaqësuesve të kompanive të huaja se qeveria është e hapur për futjen e energjisë bërthamore në Shqipëri. "Pasi të vlerësohet dhe të studiohet në mënyrë të gjithanshme problemi, në kuadrin e përfshirjes së të gjitha alternativave për të siguruar energjinë elektrike në vend, do të konsiderohet edhe ndërtimi i një centrali bërthamor në Shqipëri", tha Berisha. Sipas tij, qeveria do të përgatisë ligjin atomik sipas standardeve ndërkombëtare, do të ngrejë strukturat e kërkuara dhe procedurat e duhura. Për këtë qëllim, qeveria do të konsultohet dhe bashkëpunojë ngushtë me Agjencinë Bërthamore të Vjenës.


Gazeta Shqip

[ClaY_MorE]

Opozita, kundër projektit të Kryeministrit për ndërtimin e një centrali bërthamor për energjinë!

Deklaratat e Kryeministrit Berisha për ndërtimin e një centrali bërthamor si rrugëdalje nga kriza energjetike, është ironizuar nga opozita, duke u vlerësuar si qesharake. Si kryetari i LSI-së, Ilir Meta, ashtu edhe deputeti i PS-së Andis Harasani, janë shprehur kundër një deklarate të tillë, duke theksuar se praktikisht është e pamundur. LSI-ja është shprehur Meta, sinqerisht është e shokuar nga paqëndrueshmëria e jashtëzakonshme, që po tregon qeveria aktuale për sa i takon strategjisë së zgjidhjes së krizës energjetike në vend që po rëndohet ditë pas dite. "Jemi të habitur nga ai lajm i papritur nga ana e Kryeministrit tonë, i cili kishte vendosur që TEC-in e madh të Fierit që ka deklaruar para disa muajsh, apo projektet e tjera që ka hedhur kohë më parë, t‘i linte mënjanë dhe t‘u kthehej centraleve nukleare apo bërthamore. Kjo deklaratë na bën të qartë se përmirësimi i kësaj krize energjetike është krejt i pashpresë në këtë vend dhe me këtë qeveri", ka deklaruar kryetari i LSI-së. Sipas tij ishte ky Kryeministër që vjet premtoi se këtë vit Shqipëria do të kishte 24 orë drita pa ndërprerje, por dhe do të eksportonte energji. Ishte ky Kryeministër që ka premtuar se do të ndërtoheshin disa termocentrale në vend, si rruga kryesore për të zgjidhur problemin e krizës së energjisë. Berisha duhet ta dijë, tha Meta, se për të marrë aprovimin për të ndërtuar një central nuklear do të duheshin vite të tëra negociatash dhe garancish që duheshin afruar për sigurinë në vend, për efektivitetin për të ndërtuar një vepër të tillë. Duke sjellë ndërmend deklaratën e ministrit të Financave dy ditë më parë, i cili ishte kundër TEC-it në Vlorë, Meta ka deklaruar se është vërtet i rëndë fakti që tjetër strategji shpall qeveria dhe tjetër ministri i Financave dhe të gjitha këto i hedh poshtë Kryeministri me shpikje të tilla. Kjo gjë tha Meta tregon, që jo vetëm nuk jemi seriozë me çështjen e zgjidhjes së krizës energjetike, por po bëhemi qesharakë në opinionin ndërkombëtar se kjo situatë energjetike vlerësohet nga Bashkimi Evropian, por dhe nga FMN-ja e nga Banka Botërore si një pengesë për zhvillimin dhe qëndrueshmërinë e vendit. Ndërsa deputeti i PS-së Andis Harasani, duke e kundërshtuar këtë ide, ka theksuar se në buxhetin e shtetit për vitin 2008 nuk është parashikuar asnjë fond për ndërtimin e ndonjë HEC-i apo TEC-i për prodhimin e energjisë, ashtu si edhe ishte premtuar nga qeveria. Për Harasanin, kjo nismë nuk mund të realizohet pasi Shqipëria nuk i ka kapacitetet e duhura. Duke sjellë në vëmendje rastin e Italisë, deputeti i PS-së tha se në shtetin fqinj, në vitin 1990 u vendos me referendum për të ndërtuar centrale nukleare dhe ndërkohë ka 13 vjet që punohet për të ngritur stafin për të menaxhuar këto centrale nukleare.


Gazeta Shqip

[ClaY_MorE]

Deklarata e Kryeministrit Berisha për ndërtimin e një centrali bërthamor që do të zgjidhte përfundimisht problemin e krizës energjetike në Shqipëri, të cilësuara si qesharake nga opozita duket se nuk po shihen në të njëjtën mënyrë dhe nga Roma zyrtare. Njëri nga politikanët më në zë të së djathtës italiane, njëkohësisht dhe kandidati më i mundshëm për të zënë vendin e Silvio Berluskonit si lider i të djathtës në vendin fqinj, Pier Ferdinando Casini, ka deklaruar për të përditshmen "La Stampa" se "nuk duhet ta lëmë që ky rast të na shpëtojë nga duart." Ndërkaq, edhe vet Kryeministri italian, Romando Prodi, ka konfirmuar vizitën e tij në Tiranë më datën 3 të muajit dhjetor. Gazeta prestigjioze angleze "The Guardian", e lidh këtë vizitë pikërisht me idenë e Kryeministrit shqiptar për ndërtimin e një centrali nuklear që jo vetëm do të plotësonte nevojat e vendit tonë me energji, por do të krijonte edhe mundësinë e eksportit të saj drejt Italisë me një çmim tepër të lirë, pasi kostoja e prodhimit të energjisë nga këto vepra është pak më shumë se dy lekë për kilovat/orë.


Italianët, jo nuklearit

Italia s‘mund të ndërtojë central bërthamor, sepse në vitin ‘87 një ide e tillë hasi në rezistencën e fortë të qytetarëve

Kjo mbështetje kaq e fortë e Italisë përidenë e ndërtimin të një centrali bërthamor në Shqipëri, sipas prestigjiozes angleze "The Guardian", vjen për një arsye të thjeshtë. Ashtu si Shqipëria edhe Italia duket se nuk ndodhet në një situatë të mirë energjetike dhe për të plotësuar nevojat e saj i duhet t‘i drejtohet importit. Industrializimi i vendit dhe kërkesa në rritje për energji në Itali e detyroi qeverinë e vendit fqinj që në 1987-ën të hedhë idenë e ndërtimit të një centrali bërthamor. Por pasi u hodh në referendum popullor ideja në atë kohë u rrëzua nga populli italian, që e kundërshtoi fortë atë. Që nga ajo kohë asnjë qeveri italiane nuk ka guxuar më të hedhë sërish idenë e ndërtimit të një centrali bërthamor në shtetin fqinj, pasi kjo do të kishte kosto të lartë politike.


Tremben grekët

Por ndryshe nga Italia, fqinji jugor i vendit tonë, Greqia duket se është alarmuar nga propozimi i Kryeministrit Berisha për ndërtimin e centralit nuklear. Athina zyrtare është shprehur kundër një projekti të tillë me idenë se Shqipëria nuk mund të garantojë dot sigurinë e nevojshme, për të zotëruar një fuqi kaq të madhe bërthamore. E ndërsa propozimi i Kryeministrit nuk është asgjë më shumë se një ide, tashmë debati në lidhje me këtë çështje po merr përmasa ndërkombëtare. Në fakt, ndërtimi i një vepre të tillë duhet të shoqërohet me masa të forta sigurie, pasi në të kundërtën mund të rrezikohet një katastrofë që do të fshinte të gjithë rajonin e Ballkanit.


Gazeta Shqip

[Duaje Siveten]

Nuk ka per tu ndertuar central atomik, jo.

Kjo eshte vetem nje shashke e mardhenieve publike te Enel e Co, qe e kane paguar saliun te thote ato brroçkulla, qe i vijne per shtat si zakonisht saliut, per te folur per parqe, eksporte, superfuqi, nukleare ... nderkohe vendi eshte ne erresire te ftohte .. dhe ushqehet me kesisoj perrallash prej zuzaresh te paafte te qeverisin ...

[Lioness]

Clay, a ka mundesi te bashkohet me temen tjeter qe ka hapur DyDrinas? Sepse po flitet per te njejten ceshtje.

[brooklyn2007]

Votova PO. Me duket ide e madhe, ambicioze dhe patriotike. Edhe pse te gjitheve fjala "Central Berthamor" na kujton ne rradhe te pare Cernobilin apo aksidente te tjera, prape mendoj se teknologjia me te cilen do te ndertohet i perket asaj te pas viteve 2000. Besoj se ka shume me teper siguri teknike dhe do te siguronte energji te mjaftueshme per Shqiperine per te pakten nja 60-70 vjet. Pastaj mendoni per stabilitetin politik dhe ekonomik qe do te krijonte automatikisht per vendin tone. Askush nuk do hidhte miliarda $ ne Shqiperi dhe te injoronte me pas situaten politike te vendit. Pra e ben vendin tone me nje objekt te nje rendesie te vecante dhe shume strategjik. Vendet e punes qe do hapeshin ne sektorin energjitik, teknik dhe menaxhues ne 10 vitet e ndertimit dhe pas tyre, jane komplet nje tjeter aspekt pozitiv i kesaj ceshtjeje. Si perfundim dhe njehere i shpreh urimet e perzemerta kryeministrit shqiptar per kete iniciative.

Marre nga http://www.forumishqiptar.com/showthread.php?t=87235

[Albo]

Nje nga levizjet me akrobatike dhe me mbreselenese ne karrieren qeverisese se Berishes, te pakten per mua!

Shqiperia ka nje problem madhor, furnizimin dhe shperndarjen e energjise elektrike, nje problem qe eshte sa akut per popullsine shqiptare edhe pa zgjidhje imediate. Kryeministri e ka te qarte qe cdo alternative per te lehtesuar krizen apo zgjidhur perfundimisht kete problem madhor do te kerkoje te dyja:

1. Investime kolosale nga vete shteti shqiptar.
2. Investime kolosale nga investitore te huaj qe kane nje emer ne kete fushe.

Disa prej ketyre investitoreve, kane shprehur interes dhe kane gjetur deren e kryeministrit. Mirepo nje apo 2 oferta nuk mjaftojne per te zgjidhur nje problem ne rang kombetar qe mbulon gjithe territorin e vendit e shtrihet me gjere pertej kufijve te Shqiperise. Cfare ben kryeministri shqiptar? Ai del perpara kamerave televizive ne vend dhe para nje publiku nderkombetar investitoresh te huaj dhe ben nje deklarate bombastike ne planin e jashtem por shume efikase ne ate qe kerkon te arrije:

Shqiperia eshte gati te ndertoje edhe nje central berthamor per te zgjidhur krizen e vete energjitike!

Shume shqiptare qe jetojne ne Shqiperi apo ne bote, mund tu duket e ekzagjerur dhe tepruar pretendimi i kryeministrit kur teknologjia berthamore eshte e huaj per ne shqiptaret ne cdo aspekt. Dhe ca me shume, vete kryeministri ze ne goje faktin qe shteti shqiptar as nuk ka nje ligj per energjine berthamore. Atehere ku qendron risia ne nje deklarate te tille?

- Kriza e energjise elektrike ne vend nuk eshte me vetem nje krize shqiptare, ajo eshte kthyer ne nje objekt interesi dhe shqetesime per vendet fqinje dhe per vete Bashkimin Evropian qe ka nje tolerance shume te ulet ndaj prodhimit nuklear te energjise. Nese deri dje vetem kryeministri shqiptar dhe kabineti i tij duhet te gjenin zgjidhje, sot me hir e pahir edhe keto vende duhet te japin kontributin e tyre ne gjetjen e nje zgjidhje optimale.

- Zgjon interesin e korporatave gjigande nderkombetare te energjise qe te vijne e shqyrtojne mundesite e investimit ne Shqiperi: Shqiperia eshte nje vend i vogel ne harte por qe eshte gati te investoje miliarda dollare nga buxheti i vete ne nje shtrirje kohore disa vjecare nese kjo do te thote zgjidhje te problemit te energjise. Dhe me kete akt kryeministri rrit interesin dhe numrin e ofertave, qe mund te ulin edhe koston reale te projekteve.

- Dhe ajo me e bukura, lezeti i gjithe deklarates se kryeministrit, eshte fakti se menyra se si ai e ka artikuluar deklaraten nuk ben fjale vetem per "nje zgjidhje per problemin e energjise ne Shqiperi" por nje "zgjidhje e problemit rajonal te furnizimit me energji". Jo pa dashur, kryeminstri ze ne goje Malin e Zi, Kosoven dhe Maqedonine si shtete qe do te ishin po aq te interesuara sa Shqiperia qe te investonin ne fushen e energjise ne projekte me kosto teper te larte por qe do te zgjidhnin nje problem te perbashket.

Do te jete interesante te shohim se sa efikas do te kete qene ky truk i kryeministrit dhe sa veta do te nxitojne te trokasin ne deren e tij ne ditet e javet ne vazhdim.

Albo

[Korcar-L1]

Si ide, eshte ngacmuese . Fakti qe energjia elektrike ne Shqiperi eshte akoma me tallon dhe ne dore te perendise, na ben qe te mos mendojme shume por te kenaqemi me nje shprese qe ne te ardhmen te mos mendojme me "kur do vine , e kur do ikin dritat".
Jam shume dyshues, se si do ta ndertoje Berisha kete central?! Me ke do ta ndertoje? Kush do ta mirmbaje? Kemi njerez te kualifikuar per kete gje? Po mbetjet radioaktive?
Po reagimi i popullit (po te kete) ?
Ne nje ambient te tille pune, duhet te kesh njohurite perkatese, disipline , frike dhe respekt..... i kemi ne shqipetaret keto cilesi?

[Zarathustra.]

Kjo oferte apo ide tashme ishte mese e pritshme. Nje central berthamor do ta zgjidhte njehere e mire problemin e energjise ne Shqiperi. Ne fakt problemi i energjise ne SHhqiperi do te zgjidhej edhe me TEC-in e shumefolur te Semanit, me gas qe do ishte sa 3 Koman. Plus pak kohe me pare filloi ndertimi i TECit te Vlores, TEC-i i Fierit do lihet me koncesion dhe do ti neshtrohet nje rindertimi te plote, po ashtu edhe disa oferta per TEC-e te tjere po aq te fuqishem sa Komani jane pare pak jave me pare. Me tej planifikohet te ndertohen disa TEC-e te fuqishme ne Kosove (ku ka edhe shume qymyr) prodhimi i te cileve do ta kaloje dyfish nevojen e projektuar te Kosoves edhe pas 10 vjetesh. Ketu nuk po llogariten HEC-et e vegjel e te medhenj qe kemi degjuar disa here.

Pra ne fakt ky eshte projekti me teorik qe shqiperia ka degjuar ndonjehere. Jo vetem per arsyet e mesiperme por edhe per faktin se per te kaluar ne zbatimin e tij duhet nje legjislacion i tere, duhet bere nje referendum, duhet ber nje studim fizibiliteti per impaktin qe do kete ky central mbi turizmin, pasi ky cenral do ndertohet ne buz te detit, duhet siguruar vendi ku do depozitohen mbetjet radioaktive, gjetja e specialisteve qe do punojne atje etj etj.

Ky Central Berthamor behet ne fakt per te siguruar energji per Italine me shume sesa per te zgjidhur problemin e energjise ne Shqiperi. Personalisht nuk jam aspak kunder nqs eshte i leverdisshem per ne, por tani per tani eshte nje ender akoma e larget per te qene realitet.