Parkinsoni (Parkinson’s Disease)

[DI_ANA]

Parkinsoni është një sëmundje neurologjike dhe shenjat e dukshme të saj janë dridhjet, veçanërisht të gjymtyrëve. Me përparimin e sëmundjes, simptomat shtohen. Vështirësitë që shoqërojnë sëmundjen e parkinsonit janë dridhjet, bllokimi i muskujve, ngadalësimi i lëvizjeve, vështirësitë për të ruajtur balancën gjatë ecjes dhe humbja e kujtesës për rreth 20 për qind të pacientëve. Sipas organizatës botërore të shëndetësisë, 4 milionë njerëz vuajnë nga sëmundja e parkinsonit. Por kjo shifër parashikohet të rritet ndërsa shumë vende të zhvilluara vazhdojnë të njoftojnë mbi rritjen e numrit të popullatës së moshuar. Në Shtetet e Bashkuara ka rreth 1 milionë e 500 mijë vetë të diagnostikuar me parkinson. Sëmundja fillon të shfaqet kryesisht tek njerëzit e moshës 60-65 vjeç. Ilaçet duket se bëjnë efekt në vitet e para të prekjes, por më vonë këto efekte dobësohen.
Trajtimi i parkinsonit është treguar i suksesshëm tek 25 për qind e pacientëve, të cilët iu nënshtruan operacionit për stimulimin e thellë të trurit. Elektrodat vendosen në një zonë të trurit të njohur me emrin subthalamic nuckleus që nxit veprimtarinë e tepruar të trurit. Elektrodat lidhen me një aparat të vendosur në gjoks. Në këtë mënyrë, elektrodat dërgojnë një sinjal për qetësimin e dridhjeve dhe zhbllokimin e muskujve.

Simptomat
- Dridhje e duarve
- Dridhje edhe në gjendje qetësie
- Muskujt e dorës dhe të krahut në përgjithësi janë të ngurtë
- Këta pacientë kanë vështirësi në ecje
- Nuk e mbajnë dot ekuilibrin
- Në faza të rënduara të sëmundjes pacientët rrëzohen shpesh

Blerina Kaca, Elberta Spaho

[Dorontina]

Te Premten me 11 Prill ishte dita e Parkinsonit,nji neurologe foli ne Tv ne lajme per ket smundje dhe me quditi qe ajo u prononcu (tha) se parkinsoni vjen nga pesticidet ....
tash e kuptoj qe belgjika veq asht ne rruge per ta shpall zbulimin BIO-cidit asht ne test ...

[DI_ANA]

Parkinsoni

Trajtimi gjenetik i sëmundjes së parkinsonit ka kohë që ka zgjuar shpresat e shumë pacientëve dhe mjekëve. Por sa i efektshëm është ky trajtim dhe a ekzistojnë mënmyra të tjera trajtimi?

Një nga personalitet e njohura, të prekura nga parkinsoni ka qënë edhe Papa Gjon Pali i Dytë. Vitet e fundit sëmundja e parkinsonit e kishte dobësuar dukshëm Papën, i cili gjithashtu vuante edhe nga sëmundje të tjera, përfshi pasojat e atentatit të disa dekadave më parë. Papa Gjon Pali ishte shumë aktiv dhe një nga papët që ka udhëtuar më shumë. Por gjatë viteve të fudnit të jetës së tij, sëmundja e parkinsonit e bëri atë shëndetlig.

Parkinsoni shkaktohet nga humbja e qelizave të trurit që prodhojnë një kimikat që quhet Dopaminë. Pa dopaminë të mjaftueshme, pjesë të trurit bëhen tejmase aktive dhe i sëmuri humbet kontrollin dhe dhe muskujt humbasin elesticitetin. Trajtimi më i efektshëm i parkinsonit është një ilaç i dalë në skenë 30 vjet më parë.

Doktor Mark West i universitetit Rutxhers thotë se ky ilaç është L-Dopa, të cilin truri e shndrron në dopaminë, duke bërë që një pjesë e domaninës së humbur të zëvëndësohet. Por mjekët thonë se L-Dopa është vetëm një lehtësuese e simptomave dhe për disa pacientë efektet e saj janë të përkohëshme.

Ndërsa një trajtim kirugjik i quajtur Stimulimi i Thellë i Trurit mund të trajtojë simptomat tek shumë pacientë. Sinjale të vogla dërgohen nga një stimulues nëpërmjet elektrodave të lidhura me trurin. Ky lloj trajtimi kirurgjik ul veprimtarinë e trurit në nivelin normal, por ka edhe disa të meta.

Doktor Majkëll Kaplit i universitetit Kornell thotë se sa herë që një objekt i huaj, në këtë rast elektrodat, vendoset në trup, ekziston rreziku i infeksionit, gjithashtu një herë në disa vjet nevojitet ndrimi i baterive, si dhe aparati mund të prishet ose të ketë defekt.

Kohët e fundit, 55 vjeçari Nathan Klein i prekur nga Parkinsoni u bë pacienti i parë që iu nënshtrua terapise gjenetike. Kirurgët injektuan miliarda viruse të një gjeni që ndihmon prodhimin e një substance kimike që ndihmon në normalizimin e veprimtarisë së trurit.

Doktor Kaplit thotë se duke injektuar gjenin, qelizat mund të fillojë prodhimin e substancës së nevojëshme. Shkencëtarët shpresojnë se terapia gjenetike do të ofrojë një trajtim më të mirë për personat e prekur nga parkinsoni, duke hapur rrugën për shërimin e tyre të plotë.



"Shekulli"

[sirena_adria]

Ushqimet që duhen konsumuar për të parandaluar përkeqësimin e Parkinsonit

Nga Sadiola Xhelili


Në mbarë botën, afërsisht 10 milionë njerëz janë të prekur nga sëmundja e Parkinsonit.

Incidenca rritet me moshën, por rreth 4 për qind e rasteve shfaqen para moshës 50 vjeçare.

Sëmundja është për shkak të depozitimit të një proteine ​​jonormale që dëmton neuronet e një zone në bazën e trurit të quajtur substantia nigra, shoqëruar me neuroinflamacion.

Shfaqet me dridhje, ngurtësi muskulore dhe lëvizje të ngadalta, të cilat shkaktojnë paaftësi dhe mund të përparojnë duke prekur korteksin cerebral dhe të shkaktojnë demencë.

Edhe pse dihet pak për shkaqet, mund të bëhet shumë për të parandaluar sëmundjen dhe përkeqësimin e saj.

Një rishikim sistematik i 64 studimeve ka zbuluar se dieta mesdhetare është e lidhur me një rrezik më të ulët të sëmundjes së Parkinsonit, ndërsa dieta perëndimore me pak fibra jep një rrezik më të madh dhe shkakton një përkeqësim të simptomave.

Studimi ka ndjekur 706 pjesëmarrës, të moshës 69-97 vjeç pa shenja të sëmundjes gjatë rekrutimit, për 4.6 vjet, duke dokumentuar një rrezik më të ulët të zhvillimit të sëmundjes së Parkinsonit.

Po ashtu është vënë re një përparim më i ngadaltë i simptomave tek ata që kishte një stil të të ushqyerit që ishte afër dietës tradicionale mesdhetare, veçanërisht nëse ishte e pasur me perime dhe fruta.

Sakaq, fermerët e ekspozuar ndaj pesticideve sëmuren më shumë. Sëmundja e Parkinsonit është një sëmundje profesionale e punëtorëve të serrave.

Studime të shumta zbulojnë rrezikun e sëmundjes së Parkinsonit tek ata që konsumojnë produkte të qumështit.

Supozohet se produktet e qumështit reduktojnë përqendrimin plazmatik të acidit urik, i cili është mbrojtës për shkak të fuqisë së tij antioksiduese.

Produktet e qumështit do të pengonin përthithjen e dopaminës në zorrë.

Ndërkaq, diabeti dhe sheqeri i lartë në gjak shoqërohen me rrezik të shtuar të Parkinsonit, i cili konsiderohet një lloj diabeti i tipit III.

Gjithnjë e më shumë studime sugjerojnë se agjërimi me ndërprerje, i cili përmirëson ndjeshmërinë ndaj insulinës, ngadalëson përparimin e sëmundjes.

Po ashtu duhen shmangur ëmbëlsuesit artificialë.

Gjithashtu ushqimet e konservuara pasi ato shoqërohen me disbiozë të zorrëve dhe një gjendje inflamatore kronike që mund të favorizojë sëmundje neurodegjenerative, edhe për shkak të pranisë së aditivëve.

Prania e niveleve të larta të glutamatit në ushqime mund të dëmtojë qelizat nervore.

Kafeja dhe konsumimi i alkoolit shoqërohen me një rrezik të reduktuar për t’u sëmurur. Tymi i duhanit gjithashtu mbron, por nuk është një arsye e mirë për të pirë duhan.

Marrë nga “Corriere della Sera”, përshtatur për “Albanian Post”.


/ Albanianpost.com

https://albanianpost.com/ushqimet-qe...e-parkinsonit/

[ATMAN]

Parkinsoni është një sëmundje neurologjike progressive që ndikon në sistemin e qëndrueshmërisë dhe lëvizjes,një dietë e shëndetshme dhe e balancuar mund të ndihmojë në menaxhimin e simptomave dhe në mbështetjen e shëndetit të përgjithshëm. Këtu janë disa këshilla për ushqimin që mund të ndihmojnë në parandalimin e përkeqësimit të Parkinsonit:

1. Ushqimi i pasur me antioksidantë: Antioksidantët ndihmojnë në luftimin e dëmtimit qelizor nga radikalet e lira. Konsumoni fruta dhe perime të freskëta të pasura me antioksidantë, siç janë boronica, spinaqi, brokoli, luleshtrydhe, mollë, portokallja dhe qepa e kuqe.

2. Acidi yndyrore Omega-3: Disa studime kanë treguar se acidi yndyrore Omega-3, i cili gjendet në peshk, është i dobishëm për shëndetin e trurit dhe sistemin nervor. Konsumoni peshk të yndyrshëm si salmoni, lakri, sardi, apo merrni shtojcë të ushqimit me Omega-3 nëse nuk preferoni të hani peshk.

3. Vitaminat e grupit B: Vitaminat e grupit B kanë rëndësi për funksionimin e sistemit nervor. Përfshini ushqime të pasura me vitamina B në dietën tuaj, siç janë gruri i plotë, orizi i plotë, vezët, lëngjet e frutave të freskëta dhe bimët e gjelbra.

4. Vitamin C: Konsumoni ushqime të pasura me vitaminë C, si portokallja, limoni, grepfruti, qershia, kivi dhe perimet e gjelbra të freskëta. Vitamin C ndihmon në luftimin e dëmtimit oksidativ dhe rrit imunitetin.

5. Kurkuma: Kurkuma përmban një substancë aktive quajtur kurkuminë, e cila ka veti anti-inflamatore dhe antioksidante. Shtoni kurkumë në pjatat tuaja të ushqimit, siç janë karii, supat ose smoothie-t.

6. Kontrolloni konsumin e kafeinës: Disa studime kanë sugjeruar një lidhje midis konsumit të moderuar të kafeinës dhe reduktimit të rrezikut të Parkinsonit. Megjithatë, kafeina nuk është zgjidhja e vetme dhe efektet e saj janë ende të diskutueshme. Është më mirë të kufizoni konsumin e kafeinës dhe të konsultoheni me mjekun tuaj për më shumë informacion.

Është e rëndësishme të theksohet se këto këshilla janë pjesë e një stili jetese të shëndetshëm dhe nuk mund të trajtojnë Parkinsonin vetëm me ushqim. Nëse keni simptoma të dyshimta ose diagnozuar Parkinson, konsultohuni me mjekun tuaj për trajtimin dhe menaxhimin e duhur të sëmundjes.