Fqinjesia dhe 2500 hektaret e kufirit*

[Llapi]

pa pa sa patrioti me baterija po na paraqiten tash more shif keta patriot kur ishte lufta disa benin sehire ne perendim e disa me dimija te grave hop e ne qegran e tani kur u fitue liria e shteti kishe patriota haaaaa

[Llapi]

Përcaktimi i kufirit Kosovë-Maqedoni, proces i vështirë



29.03.2008
Albana Isufi

Zyrtarë të Qeverisë së Kosovës thonë se javën e ardhshme mund të mbahet takimi i parë i komisioneve për demarkacionin e kufirit Kosovë-Maqedoni. Qeveria kosovare thotë se qëndrim i saj do të mbetet mbrojtja e interesave të shtetasve të saj, përderisa ajo maqedonase këmbëngul që të respektohet marrëveshja e vitit 2001.


Puna në shënimin e vijës kufitare mes Kosovës e Maqedonisë mund të fillojë javën e ardhshme nga komisionet teknike të të dyja vendeve. Por, zyrtarët e të dyja palëve sinjalizojnë se procesi i demarkacionit nuk do të jetë i lehtë. Bekim Çollaku, nga Komisioni kosovar i demarkacionit thotë se qëndrimi i palës kosovare do të jetë në përputhje me dispozitat e pakos së Ahtisaarit.

“Ekziston vullneti politik ndërmjet dy shteteve përkatëse, që këtë kontest ta zgjidhin në mënyrën e duhur. Se si do të rrjedhë dinamika e punës është herët të paragjykohet, pasi nuk ka ndodhur ende takimi i parë. Në takimin e parë pritet të qartësohet edhe dinamika e punës edhe mënyra se si do t’i qasemi kësaj problematike”, tha Çollaku.

Pakoja e Ahtisaarit parasheh themelimin e një komisioni të përbashkët teknik nga Kosova dhe Maqedonia për përkufizimin e vijës fizike të kufirit dhe për trajtimin e çështjeve tjera që dalin nga zbatimi i marrëveshjes së vitit 2001 në mes të ish-Republikës Federale të Jugosllavisë dhe Maqedonisë. Kjo marrëveshje e nënshkruar nga ish-presidenti maqedonas, Boris Trajkovski, dhe ai jugosllav, Vojisllav Koshtunica, sipas palës kosovare, ka dëmtuar Kosovën për 2500 hektarë, kryesisht tokë private e pronarëve shqiptarë.

Zëdhënësi i Qeverisë së Maqedonisë, Ivica Boçevski, shpreh gatishmërinë e palës maqedonase që të fillojë menjëherë punën në shënimin e vijës kufitare. Por, ai nuk saktëson nëse pala maqedonase do të heqë dorë nga marrëveshja e vitit 2001.

“Kjo ka qenë marrëveshje ndërkombëtare dhe tani ky komision i përbashkët ka për të punuar në përputhje me ligjet ndërkombëtare dhe ne konsiderojmë se kjo punë do të jetë teknike dhe do të lëvizim përpara sa më shpejt që të jetë e mundur”, thotë Boçevski.

Bekim Çollaku sinjalizon se e tërë marrëveshja e vitit 2001 mund të vihet në pikëpyetje. Megjithatë, në propozimin e Ahtisaarit rikujtohet një deklaratë e Këshillit të Sigurimit, ku bëhet thirrje për nevojën e respektimit të sovranitetit dhe integritetit territorial të ish-Republikës Jugosllave të Maqedonisë. Në këtë kontekst theksohet se marrëveshja mbi demarkacionin e kufirit, e nënshkruar në Shkup më 23 shkurt 2001, duhet të respektohet nga të gjithë. Çollaku thotë se qëndrim i palëkundur i palës kosovare mbetet mbrojtja e interesave të shtetasve të Kosovës.

“Ky nuk është vetëm problem i Kosovës, por edhe i Maqedonisë dhe i komunitetit ndërkombëtar, të cilët në një mënyrë e kanë pranuar një marrëveshje të tillë që është arritur më 2001. Tash, nga ana jonë, ne obligohemi që ta trajtojmë këtë çështje edhe një herë. A do të vihet e tërë marrëveshja në pikëpyetje, apo do të gjenden modalitetet që e rregullojnë këtë problematikë, mbetet të shihet në ditët e ardhshme. Por, qëndrimi përfundimtar është që të mbrohen interesat e qytetarëve të shtetit të Kosovës deri në maksimum”, thotë Çollaku.

Banorët e Debëlldesë, fshat ky në kufi me Maqedoninë, vazhdojnë t’i kenë tokat e tyre në territorin e Maqedonisë. Pala kosovare synon, që edhe nëse këto toka mbeten përtej kufirit, pronari i tyre të mos ndërrohet. Ivica Boçevski nuk komenton këtë mundësi.

”Nuk i di detajet teknike për këtë çështje, por mendoj se komisioni do të përmbushë mandatin e tij në përputhje me normat dhe standardet rreth çështjes së demarkacionit”, tha Boçevski.

Ndryshe, në marrëveshjen e vitit 2001 mes ish-RFJ-së dhe Maqedonisë, ndër të tjera, parashihet që nëse banorët ankohen për padrejtësi, atëherë kufijtë mund të ndryshohen deri në 300 metra thellësi nga secila anë. Atëbotë, kjo marrëveshje qe cilësuar nga pala kosovare si shumë e dëmshme për Kosovën dhe Kuvendi e pati kundërshtuar atë përmes një rezolute në maj të vitit 2001, por rezoluta qe anuluar menjëherë nga ana e UINMIK-ut.

Tani, problemi i demarkacionit, sipas planit të Ahtisaarit, duhet të zgjidhet brenda një viti, që nga koha e themelimit të komisionit të përbashkët teknik. Ndërkaq, ka zëra që thonë se Maqedonia është duke kushtëzuar njohjen e Kosovës me zgjidhjen e problemit të demarkacionit.

europa e lire

[dardani8]

PO mir a shume me rendesi qenka per ne ma ne njoft Maqedonija a.

Ne vend se ti bejme Maqedonise presion qe ta realizoj marreveshjen e ohrit dhe te drejat e shqiptarve te cilat dalin nga ajo marreveshje ne vrapojme dhe e lusim te na pranaojn si shtet edhe ua dhurojme nja 2500 hektar toke.
Shqiptaret ne maqedoni te ndare ne interesa partiake dhe inate vetijake ne vend se te bejn presion ndaj bashkesise nderkombetare per mosrealizimin e mareveshjes se ohrit ata luftojne se cila parti do te beje me shpejt nje koalicion me maqedonte te cilet ne tjetren ane i vrajne dhe masakrojne, kjo eshte turp edhe te vjen per te vjellur.

Ajo amrreveshje nuk ka kurrefar legjitimiteti ne baze te te drejtes nderkombetare ajo marreveshje eshte bere me 1999 ne ate kohe kure dihet se qfare njerzish kishte ne pushtet ne Serbi ku e krejt bota i ka denuar genocidin edhe masakrat e asaj kohe qe serbia ka bere kurse kjo amrreveshje e piste e serbise me maqedonin pranohet si legjitime ku pazaret e tyre per territoret e kishave te tyre kyhen ne kurriz te kosoves.
Duá te them se nuk kemi nevoje te gjunjezohemi para askujt se askush nuk eshte duke na dhurur diqka por na takon e sa na takon, aq sa e meritojme dhe jemi te gatshem te luftojme per nej gjesend me te gjitha mjetet si me diplomaci politike e ashtu edhe me lufte

qka na obligon neve qe ta pranojme kete marreveshje, asgje, mos harrojme se te gjitha vendet ne fillim e shpallen uck terroriste se ashtu e quajti edhe rugova por kure e tere bota e pa se populli i jepte asaj perkrahje u shendrruan ne rebel.
Pra populli eshte ajo force e cila i nderron te gjitha gjerat se ne cilin drejtim shkojne, e askush nuk mundet qe nej popull te tere ta shendrrojn ne terrorist apo tu merret diqka per te cilen ata nuk jepin pelqimin.
Nuk kemi nevoje te behemi servil dhe ti lepijme te gjitha pjatat qe na servohen por duhet ditur se kur duhet thene po e kur jo.
Kjo vlen si per kryeministrin thaqi ashtu edhe per presidentin te ciet jane duke e genjyer popullin dhe duke ju hedhur pluhur syve.
Per qfar arsye vetem neve qenekemi te obliguar ti permabahemi marreveshjeve te cilat ne as qe ei kemi nenshkruar, kurse ata maqedonet edhe pse e kane nenshkruar marreveshjen e ohrit per ta nuk qenka obligim permbushja e saj, kurse per ne qenka obligim nje marreveshje ne te cilen ne as qe kemi marre pjese as qe na ka pyteur kush diqka.

Kosova i ka dikun 10 mije km katrore nese tash edhe Serbise i jipet veriu maqedonise 2500 hetar edhe mali i zi neser i bjen ndermend se edhe atyre u kemi borgje athere qka po an jete neve perveq prishtines.
andaj ksaj marrveshjes duhet thene jo.

E sa per Popullin po them se populli e merr ate udheheqje te cilen e meriton eshte koha e fundit per popullin tu thuhet edhe udheheqesve edhe te hujve stop me servilizem dhe nenqmime.
asnje milimter Toke askujte ata vetem se na kane neve borgje toke sa tri here Kosova.

[Sabriu]

Grupi negociator i Kosoves e ka pranuar planin e Ahtisarit ndersa ne deklaraten e varesise"pavaresise" e kane konfirmuar edhe nje here besnikerin e plote per zbatimin e keti plani ogurzi per Kosoven, ku ne vende se Kosoven nga Serbia te shkeput ajo (plani) Serbin e Maqedonine ne teritorin e saj (Kosoves) e fute.

Bekim Çollaku sinjalizon se e tërë marrëveshja e vitit 2001 mund të vihet në pikëpyetje. Megjithatë, në propozimin e Ahtisaarit rikujtohet një deklaratë e Këshillit të Sigurimit, ku bëhet thirrje për nevojën e respektimit të sovranitetit dhe integritetit territorial të ish-Republikës Jugosllave të Maqedonisë. Në këtë kontekst theksohet se marrëveshja mbi demarkacionin e kufirit, e nënshkruar në Shkup më 23 shkurt 2001, duhet të respektohet nga të gjithë. Çollaku thotë se qëndrim i palëkundur i palës kosovare mbetet mbrojtja e interesave të shtetasve të Kosovës.

[gjilan55]

kufijt e kosoves nuk mundet ti ndryshoj nje marrveshje serbo maqedone pa pranin e pales kosovare.bashksia nderkomtare me te madhe deklarohet per mosndryshimin e kufijve e kjo duhet te vlej edhe per kufijt e 1999 te kosoves.grupi i bisedimeve i kosoves kete duhet ta mbroj me forc deri ne fund.

[Sabriu]

Kufiri, Prishtina e Shkupi nisin takimet e anes teknike

Dërguar më: 01/04/08)

Ne Prishtine eshte mbajtur takimi i pare i komisioneve teknike te Prishtines dhe Shkupit per shenimin e vijes kufitare me Maqedonine, i cili eshte drejtuar nga Zyra Civile Nderkombetare dhe ka qene i mbyllur per mediat. "Dy delegacionet, te perbera nga 5 anetare, kane diskutuar rrugen per te vazhduar perpara. Komisioni i perbashket teknik do te mbaje takimin e rradhes ne ditet ne vijim", thuhet ne nje njoftim te shkurter te Zyres Civile Nderkombetare. Mirepo, kryetari i komisionit te Prishtines, Bekim Çollaku, para fillimit te takimit ka thene se "pala kosovare eshte e interesuar qe prona e qytetarit te Kosoves te mos behet prone e dikujt tjeter". Ai tha se bisedimet me Shkupin do te jene te gjata dhe nuk do te jene te lehta, por shfaqi bindjen se do te gjendet nje marreveshje. Çollaku tha se nese komisioni teknik nuk arrin ndonje marreveshje, atehere do te kerkohet ndihme nga nivelet me te larta politike. Keto komisione do te bejne shenimin e kufirit midis dy vendeve dhe kjo çeshtje eshte parashikuar edhe me planin e Ahtisarit. Bisedimet teknike mes Prishtine dhe Shkupit jane cilesuar si teknike dhe pritet te zgjasin me shume se nje vit. Bisedimet me teper kane te bejne per nje siperfaqe prej rreth 2.500 hektaresh, te cilat jane shnderruar ne kontest midis Kosoves dhe Maqedonise, si pasoje e nje marreveshjeje te Beogradit dhe Shkupit, te vitit 2001. Ceshtja e shenimit te kufirit u aktualizua nga ana e Shkupit ne kohen kur Maqedonia do te duhej t'u bashkohej vendeve qe kane njohur pavaresine e Kosoves. Takimi i ardhshem i dy komisioneve do te mbahet ne Shkup.

[Llapi]

Debëlldeasve ua shton
shpresën takimi i fundit

Përfaqësuesi i fshatit Debëllde,
Zymri Ilazi, i cili në
takimin e së premtes në
Shkup ishte në cilësinë e
vëzhguesit, tha të dielën për
"Lajm" se qëndrimi i banorëve
të fshatit është se nuk do të
lejojnë që tokat e tyre t'i jepen
një shteti tjetër, në këtë rast
Maqedonisë. "Në të
kundërtën, do të ketë destabilizim
të gjendjes. Do të detyrohemi
që të ndërmarrim masa
që tokat tona t'i mbrojmë me
çdo kusht, qoftë edhe me
armë. Jo se ne po duam, por po
duket se do të na imponohet".
Por, Ilazi shpreson se me nënshkrimin
e protokollit për
demarkacionin ndërmjet dy
komisioneve, atij të Prishtinës
dhe Shkupit, çdo gjë do të
shkojë ashtu siç është më së
miri. Edhe pse në cilësinë e
vëzhguesit, Ilazi thotë se nënshkrimi
i atij protokolli e ka
hedhur poshtë marrëveshjen e
vitit 2001 ndërmjet Serbisë
dhe Maqedonisë për 2 500
hektarë tokë.

gazetalajm

[Sabriu]

FSHATARËT TË RREZIKUAR NGA PAZARLLËQET E „INSTITUCIONEVE"

KASHTLA TË KOSOVËS DHE KUÇEDRËS SLLAVOMAQEDONASE DUHET JO VETËM TË MBROJNË PA ASNJË LËSHIM TOKAT DHE PASURITË TË VETA, POR EDHE TË PËRFORCOHEN PËR ÇLIRIMIN E VËLLEZËRVE TË TYRE NËN SUNDIM TË DREJTPËRDREJTË TË IRJM-SË!

Në vitin 2001, shtriga serbe dhe kuçedra sllavomaqedonase u kuptuan mes tyre për të grisur e copëtuar trevën shqiptare të Kosovës, duke nënshkruar një fare lloj "marrëveshje" për përcaktimin e kufirit midis Serbisë dhe IRJM-së, ku 2500 km2 të trojeve të fshatrave Dëbëllde, Mjak, Zlakuçanë e Epërm, etj. do t'i dorëzonin Shkupit, pra do të kalonin nën pushtimin dhe kolonizimin e drejtpërdrejtë të „Maqedonisë".
Më vonë, „parlamenti" i Kosovës nxori një Rezolutë ku deklarohej se kjo „marrëveshje" është pa vlerë juridike dhe efekte reale detyruese për Prishtinën. Mirëpo, i „plotfuqishmi" administrator i UNMIK-oviçit, M. Shtejner hodhi poshtë këtë Rezolutë, duke dalë ashtu (për të satën herë?) në mbrojtje të Serbisë-IRJM-së.


Edhe „i famshmi" Ahtisari, në Pakon e tij, i bën këtë padrejtësi popullit shqiptar, ndër padrejtësitë të tjera shumë të rënda duke përcaktuar se:
„Territori i Kosovës do të përkufizohet nga vija kufitare e Krahinës Socialiste Autonome e Kosovës brenda Republikës Socialiste Federative të Jugosllavisë ashtu siç kanë qenë këto vija kufitare më 31 dhjetor 1988, përveç ndryshimit të vijës kufitare nga marrëveshja e demarkacionit në mes të Republikës Federative të Jugosllavisë dhe ish Republikës Jugosllave të Maqedonisë më 23 shkurt 2001." (Aneksi VIII, neni 3.2)
Në bazë të kësaj urdhëresë teorike dhe të urdhrit të vazhdueshëm ("Kosova do të angazhohet me ish Republikën Jugosllave të Maqedonisë për themelimin e një komisioni të përbashkët teknik brenda 120 ditëve nga hyrja në fuqi e kësaj zgjidhjeje, për të përkufizuar vijën fizike të kufirit dhe për trajtimin e çështjeve tjera që dalin nga zbatimi i marrëveshjes së vitit 2001 në mes të Republikë Federative të Jugosllavisë dhe ish-Republikës Jugosllave të Maqedonisë."- Aneksi VIII, neni 3.3) „institucionet" kashte servile dhe besnike presidentit të Kosovës, Marti Ahtisari, nënshkruan pardje, më 18 prill, marrëveshjen e bashkëpunimit me IRJM-në për ngritjen një komisioni të përbashkët. Atyre nuk u intereson se populli shqiptar të atyre anëve se do të hyjnë me dhunë e mashtrime nën pushtimin dhe kolonizimin sllavomaqedonas, sepse nëse po u tha Ahtisari se duhet të hidhen në një greminë (shyqyr të thotë ndonjëherë këtë gjë!), ata verbërisht do të zbatojnë këtë kërkesë, ashtu siç më parë kanë bërë negociata me Serbinë, e ka gjasa të bëjnë më, për thellimin e copëtimit të Kosovës dhe për krijimin e një lloj Republikë Srbska brenda saj.
Përballë moskokëçarjes së politikuajve për fatin e banorëve shqiptarë të rrezikuar nga pazarllëqet me përbindëshin sllavomaqedonas, përballë kërcënimit të okupimit dhe kolonizimit të këtyre anëve, populli nuk mbeti indiferent. Ia ka mjaftuar 80 vite të terrorit shtetëror sllav! Kapja e armëve dhe krijimi i grupeve të armatosura të mbrojtjes popullore lokale është një akt i duhur, një akt që iu tregon edhe padronëve, edhe të hipnotizuarve shqipfolës prej „institucioneve vendore" se nuk do të tolerojnë më asnjë veprim që do t'i hedh nën zgjedhë robëruese sllavomaqedonase.
Ata, nuk duhet të thyhen prej kërcënimeve të Zëdhënësit të SHPK-së, Veton Elshani që, në pyetjen e reporterit të RTK-së nëse mund të përballet policia me grupet e tilla të armatosura", përgjigjet: „Ne jemi të obliguar sipas ligjit që të veprojmë ndaj personave që janë të armatosur dhe ata të cilët nuk kanë lejë për armë […] ne e kuptojmë brengat e tyre dhe ne do të kërkojmë nga ana e tyre që të adresojnë ato tek institucionet përkatëse, tek institucionet që i kanë zgjedhur vet", sepse zotëri Elshani është një nga ato „shqiptarë të ndershëm" që dëshiron që populli të rri i qetë si lopët e të pret që pazarllëqet të pista me pushtuesin të përmbushin, duke u „qarë" te klika antikombëtare e të sëmurëve për pushtet e privilegje, si në kohën e „epokës së arit" titist.
Populli nuk duhet ta dëgjojë!
Populli, duhet të vazhdojë të mbrohet në tokat e veta duke u kundërshtuar cilësdo lloj „marrëveshjeje", gjithashtu të përforcojnë rezistencën për të çliruar të gjithë fshatrat shqiptare që janë brenda „shtetit" artificial dhe kolonial sllavomaqedonas. Duhet bërë këtë, sepse Serbia dhe IRJM-ja u kuptuan mes veti të „hanë" më shumë tokë shqiptare, vetëm sipas parimit „SULMI ËSHTË MBROJTJA MË E MIRË!".
Dihet shumë mirë cili është kufiri i vërtetë të Shqipërisë Natyrale dhe cilat janë pushtimet sllavo-greke, ndaj nuk duhet që të rrimë në defanzivë dhe të presim sulmin e ardhshëm politiko-diplomatik zvogëlues të trojeve shqiptare, por duhet të marrim atë që na takon.
Në këtë kontekst, edhe llomotitjet e „komandant Hoxha" se „ definicioni i kufirit midis Kosovës dhe Serbisë të vitit 1974 do të mund të rregullojë këtë problem" (RTK – edicioni i lajmeve të orës 19:30, 19 prill 2008) tregojnë qyqarllëk dhe pranim të kolonizimit sllavo-maqedonas të trojeve shqiptare që iu shkëputën Kosovës në vitin 1945 prej xhelatit Tito dhe iu dhanë „Republikës së Maqedonisë".
Nuk është hera e parë kur ky personazhe i mjerë, po apelojnë n për veprime jokorrekte politikisht e kombëtarisht e duhet të përmendim faktin se ai është zbuluesi i „referendumeve për fshatra" në vjeshtën e kaluar, kur bëri thirrje për referendum të fshatit Tanushë për bashkim të tij me Kosovën, gjë të pakuptimtë për të gjithë ata që njohin të drejtën ndërkombëtare dhe dinë se parimi i vetëvendosjes nuk zbatohet as për fshatra, as për lagje, as për pallate …. por për popuj e kombe të tëra të pushtuara dhe të kolonizuara!
Këtyre broçkullave politike të analfabetëve injorantë shqipfolës, duhet sa më parë t´ju vijë fundi...
Fjalën e vet do të duhet dhe do ta thotë populli; pa qoftë edhe me grykën pushkës; i cili siç thoshte atdhetari i madh Avni Rustemi "populli që nuk ka çifligje, por i dhemb zemra për çdo pëllëmbë të tokës shqiptare"!

ALBANIA TODAY/SHQIPËRIA SOT
Teuta Gjika-anëtare
Mitrovicë, 20 Prill 2008

[Sabriu]

Paraqet,Sabri Selmani


E Premte, 14 Mars 2008


Ende per pa u mbushur nje muaj nga shpallja dhe me pas njohja e shtetit te Kosoves nga vendet kryesore, shtetet fqinje ende nuk e kane bere te njejten gje. Perjashto Serbine, shtetet tjera kufitare me Kosoven, pervec Shqiperise, po hezitojne ta bejne njohjen. Mali i Zi tashme eshte deklaruar se do te veproje ne perputhje me interesat kombetare te shtetit, duke dhene sinjale te qarta se njohja do te ndodhe. Ndersa Maqedonia, shteti tjeter fqinje perkunder faktit se aty jetojne mbi 30% e popullsise me etni shqiptare, po kushtezon padrejtesisht dhe perkunder parimeve te fqinjesise se mire, njohjen e pavaresise se Kosoves me percaktimin e vijes kufitare ne mes shtetit te Kosoves dhe Maqedonise.

Pengesa paraprake per fillimin e caktimit te vijes kufitare eshte qasja e ndryshme e qeverive perkatese.

Kosova kerkon fillimisht njohjen e shtetit te Kosoves pastaj ne frymen e planit Ahtisari te zgjidhet problemi i kufirit, si subjekte te barabarta. Kurse, Maqedonia kerkon te kunderten. Sipas planit Ahtisari: "Territori i Kosoves do te definohet nga vija kufitare e Krahines Socialiste Autonome te Kosoves brenda Republikes Socialiste Federative te Jugosllavise ashtu sic kane qene keto vija kufitare me 31 dhjetor 1988, pervec ndryshimit te vijes kufitare nga marreveshja e demarkacionit ne mes te Republikes Federative te Jugosllavise dhe ish Republikes Jugosllave te Maqedonise me 23 shkurt 2001.

Duke respektuar kerkesat dhe frymen e planit nderkombetar, Kosova ka marre pergjegjesite, perkunder mos kalimit ne KS te OKB-se te pakos per status. Ndersa, pervec pjeseve tjera te planit Ahtisari, edhe per vijen kufitare jane deklaruar te gatshem per bisedime. Se fundi edhe Presidenti i Maqedonise eshte deklaruar per kete problem, duke kritikuar autoritetet e Kosoves "per fillim jo te mire te marredhenieve ne mes dy vendeve".

Po te shikohet problemi ne retrospektive dhe veprimet e tashme te Maqedonise, realiteti eshte i kundert me ate qe ka deklaruar presidenti. Sepse, edhe pse formalisht Rezoluta 1244 e njeh sovranitetin formal te Serbise mbi Kosoven, Maqedonia, perkunder realitetit te ri te krijuar jo vetem ne Kosove, por edhe ne Maqedoni, nuk ka deshiruar dhe si duket ende nuk deshiron ta kuptoj, duke vepruar me logjiken e mehershme. Kjo mosperfillje e realiteteve ka ndodhur edhe kur ne vitin 2001 ne menyre arbitrare, pa interes afatgjate edhe per vete ata dhe konfiguracionin e brendshem politike, nenshkruan marreveshje me Serbine, e cila qe nga qershori 1999 faktikisht e ka humbur sovranitetin mbi Kosoven. Ndersa formalisht ka arritur ta mbaj si rezultat i kompromisit ne leter te arritur ne mes te forcave te Keshillit te Sigurimit. Me kete veprim eshte bere cedimi i nje pjese te territorit te Kosoves nen administrimin nderkombetar dhe kunder vullnetit te popullit te saj, si Sovran i territorit te Kosoves, nga dy shtete te cilat nuk e shtrijne sovranitetin real mbi ate pjese.

Nder tjerash, ne planin Ahtisari parashihet deklarata e kryesuesit te Keshillit te Sigurimit te 7 marsit 2001, ku permendet se "Keshilli i Sigurimit ben thirrje per nevojen e respektimit te sovranitetit dhe integritetit territorial te ish-Republikes Jugosllave te Maqedonise. Ne kete kontekst thekson se marreveshja mbi demarkacionin e kufirit, e nenshkruar ne Shkup me 23 shkurt 2001… duhet te respektohet nga te gjithe." Bazuar ne kete deklarate krijohet bindja se gjithcka eshte e perfunduar,n por nder tjerash aty parashihet se: "Kosova do te angazhohet me ish-Republiken Jugosllave te Maqedonise per themelimin e nje komisioni te perbashket teknik brenda 120 diteve nga hyrja ne fuqi e kesaj marreveshjeje, per te perkufizuar vijen fizike te kufirit dhe per adresimin e ceshtjeve tjera qe dalin nga zbatimi i marreveshjes se vitit 2001 ne mes te Republikes Federative te Jugosllavise dhe ish Republikes Jugosllave te Maqedonise. Puna e komisionit teknik do te perfundoje brenda nje viti nga data e themelimit te tij. PCN dhe PUN do te perfaqesohen ne kete komision per te lehtesuar diskutimet ne mes te dy paleve, ata mund te marrin pjese ne procesin e demarkacionit te kufirit me kerkese te cilesdo pale." Ne baze te kesaj eshte e qarte gjithcka ku nder tjerash kerkohet adresimi i problemit te kufirit gjate bisedimeve. Kurse, nuk eshte e rastesishme shtyrja e definimit te vijes kufitare pas statusit, sidomos pas kerkeses se pales kosovare me qellimin qe ne frymen mirekuptuese dhe te fqinjesise se mire, si subjekte te barabarta, te qartesohet gjithcka, duke marre parasysh edhe pronesine private te atij territori, fakt te cilin pala maqedonase deshiron ta anashkaloj.

Sjelljet e autoriteteve maqedonase nuk sherben aspak ne ofrimin dhe forcimin e marredhenieve ne nivel ndershteteror, duke vepruar me logjiken e raporteve jo te barabarta. Kjo pengon, jo vetem krijimin e raporteve te reja ne nivel shteterore te fqinjesise se mire, por anashkalohet edhe faktori shqiptare atje, shume i rendesishem per stabilitetin e brendshem te Maqedonise.

Ne gjithe kete proces, pa pergjegjesi nuk mbetet edhe partia ne pushtet e shqiptareve PDSH, e cila duhet ta luaj rolin e vete me ndikues dhe lobues, ne perputhje me interesat e shqiptareve, jo vetem ne Maqedoni, por edhe me gjere, perkunder politikes se partive maqedonase, veprimet e te cileve shpesh here behen ne perputhje fatkeqesisht me kerkesat te cilat rrisin popullaritetin tek maqedonasit, duke injoruar interesin rajonal dhe mbietnik, ne sherbim te marredhenieve bilaterale te fqinjesise se mire.

Ahmeti: Demarkacioni vonon vendimin për njohjen e Kosovës
(Dërguar më: 23/08/08)

SHKUP- Kryetari i Bashkimit Demokratik për Integrim, Ali Ahmeti thotë se vendimi për njohjen e Kosovës është vetëm çështje teknike.

"Mendoj që kjo është një cështje teknike, besoj që brenda një periudhe edhe do të bëhet njohja e pavarsisës së Kosovës. Një hap jashtëzakonisht i rëndësishëm në këtë drejtim edhe u bë me njohjen e pasaportave të Republikës së Kosovës, që do të thotë që kjo njohje që u bë e pasaportave na afron një hap afër vendimit tanimë për njohjen e pavarsisë së Kosovës, është cështje kohe", theksoi Ahmeti, bëhet e ditur në web faqen e kësaj partie.
Sipas kryetari të BDI-së Ali Ahmeti, demarkacioni i kufirit me Kosovën mund të zgjasë me muaj të tërë.
"Janë disa probleme teknike thash edhe në fillim, dy tre raste sa i takon Maqedonisë veriore. Me mbylljen e këtyre cështjeve do të bëhet edhe njohja e Pavarsisë së Kosovës", tha Ahmeti. (a.r/ina/balkanweb)

[Llapi]

Fillon shënimi i vijës kufitare mes Kosovës e Maqedonisë

Komisioni i qeverisë së Republikës së Kosovës për demarkacionin e kufirit si dhe ai i Maqedonisë, kanë filluar sot me shënjimin e vijës kufitare në zonën e Debelldeut, si zona më e ndjeshme, pasi që marrëveshja mes Shkupit dhe Beogradit e vitit 2001, i cenon të drejtën e pronës banorëve të këtij fshati në një sipërfaqe prej 420 hektarësh.
Në territorin e Maqedonisë kanë filluar sot punimet teknike mes komisioneve ndërshtetërore të Kosovës dhe Maqedonisë për demarkacionin e kufirit.

Nën përcjellje të pjesëtarëve të Shërbimit Policor të Kosovës dhe policisë kufitare maqedonase, komisionet kanë filluar me vendosjen e shenjave ku parashihet të vendoset kufiri mes Kosovës dhe Maqedonisë në këtë zonë e cila është më e ndjeshme për faktin se ka të bëjë edhe me prona private të banorëve të Debelldeut.

Prof.dr. Murat Meha zv . kryetar i komisionit për demarkacionin e kufirit, tha se të gjitha përgatitjet për shënjimin e vijës kufitare janë bërë në nivelin më të lartë dhe në bashkëpunim edhe me banorët e Debelldeut.

“Ne si komision jemi të interesuar që gjërat t’i zgjidhim dhe të kemi sukses, sepse është sukses edhe i qeverisë edhe i të dy shteteve që ky problem të zgjidhet“, tha Meha i cili theksoi se nuk është shënuar asnjë pengesë që nga fillimi i punës së dy komisioneve në shënjimin e vijës kufitare, ndërkohë shpreson se do të gjendet një zgjidhje e mirë, ngase gjithçka po shkon në frymën e bashkëpunimit.

Kryetari i këshillit të fshatit Debellde Zymri Ilazi, tha se shënjimi i pikave kufitare po bëhet në përputhje me kërkesat e banorëve të Debelldeut që i kthen në pronësi banorëve tokat e tyre të uzurpuara 7 vite më parë.

“Kufiri po vendoset në bazë të vijës së vjetër kufitare dhe në bazë të pikave të cilat po vendosen për gjatë kësaj zone, është një dëshmi e mirë se banorëve po u kthehen pronat të cilat i janë marrë me marrëveshjen Shkup-Beograd në vitin 2001”,tha Ilazi

Sipas anëtarëve të komisionit për demarkacionit të kufirit, punët rreth shënjimit të vijës kufitare Kosovë – Maqedoni duhet të përfundojnë në mars të vitit 2009.

RTK 01 shtator 2008 - 12:59:59