Mitrovicë: Serbët hyjnë dhunshëm në gjykatë

[Kreksi]

Njehere ishte tentimi i marrjes se hekurudhes se kosoves, tani marrja e gjykates, po neser ?
Me te vertete kur i pash ato imazhe ne tv ku pjestaret serbe kishin vene maska ne kosoven e lire kam frike se mos po na tradhtojne keta trupat eurombrojtesit...

[dodoni]

Sipas fjaleve te Rykerit, tani do arrestohen te gjithe keta qe u futen sot ne Gjykate me dhune.

Jo vetem policia por edhe trupat e KFOR-it duhet te sigurojne institucionet qeveritare ne pjesen e veriut te banuar me serbe dhe bashke me to, edhe rendin e qetesine publike, e te arrestoj te gjithe kriminelet e asaj ane.

[geezer]

o veq me luft se tjeter qysh ska shanc mi hjek shkijet prej mitrovices harrone ne mitrovic jom gjdo dit

[Sabriu]

Mitrovice, ende protestues ne gjykaten. Forcat e UNMIK ne gatishmeri
(Dërguar më: 15/03/08)

Një ditë më parë rreth 300 serbë hynë në ndërtesën e gjykatës në veri të qytetit dhe hoqën prej andej flamurin e OKB duke vendosur atë të Serbisë.

Situata në veri të Mitrovicës është në dukje e qetë, megjithatë ndihen tensione të larta, dhe sipas të dhënave dhuna mund të shpërthejë nga momenti në moment. Dhjetra serbë kanë vazhduar të qëndrojnë para oborrit të gjykatës së pushtuar një ditë më parë per te mbeshtetur disa protestues qe ndodhen ende brenda.

Ndërsa rreth ndërtesës janë vendosur forca speciale të UNMIK-ut, të cilat nuk kanë tentuar të nxjerrin askënd nga ndërtesa. Ekziston frika se përdorimi i dhunës për të nxjerë protestuesit do ta acaronte edhe më shumë situatën. Mbrojtja e objekteve është komptetencë e UNMIK dhe jo KFOR-it. Por zyrtarët e UNMIK vazhdojntë të negociojnë me sërbët lokalë për këtë konflikt. Lideret e Kosovës i kanë kërkuar kreut të UNMIK, Joakim Ryker të nxjerrë menjëherë nga ndërtesa huliganët.

Një ditë më parë rreth 300 serbë hynë në ndërtesën e gjykatës në veri të qytetit dhe hoqën prej andej flamurin e OKB duke vendosur atë të Serbisë. Ky sulm ishte pjesë e planit serb që ka nisur që pas shpalljes së pavarësisë së kosovës më 17 shkurt për të ndarë Mitrovicën nga trungu i Kosovës. (news24/balkanweb)

[Llapi]

Serbët vazhdojnë të qëndrojnë në oborrin e gjykatës në veri

Mitrovicë, 15 mars 2008 (Kosovapress) Koha 13:14

Rreth 30-40 serbë po vazhdojnë të qëndrojnë në oborrin e gjykatës në veri të Mitrovicës, thanë të shtunën për Kosovapress zyrtarë të policisë rajonale në Mitrovicë.

[gjilan55]

o shkavi veq forcen e njeh se pisa jan po unmiku gjithmon kur jan npytje shkijet perdor tjera metoda ne krahasim me protestat e shqiptarve.

[Sabriu]

Gjykatat në Mitrovicë vazhdojnë të mbahen nga serbët
enlarge

Njësitet speciale të policisë para gjykatës në Mitrovicë
16.03.2008
Arton Konushevci

Situata në veri të Mitrovicës, konkretisht në Gjykatën e Qarkut dhe në atë Komunale, vazhdon të jetë e njëjtë. Protestuesit serbë kanë qëndruar edhe gjatë natës së mbrëmshme dhe vazhdojnë të jenë prezentë në oborrin e këtij institucioni.


Protestues serbë dhe ish-punonjës të Gjykatës së Qarkut në veri të Mitrovicës po vazhdojnë të qëndrojnë në oborrin e këtij institucioni, duke tentuar ta mbajnë nën kontroll atë. Protestuesit edhe gjatë natës së mbrëmshme kanë qëndruar në oborrin e gjykatës.

Zëdhënësi i Shërbimit Policor të Kosovës për rajonin e Mitrovicës, Besim Hoti, thotë se numri i protestuesve aktualisht është 20-30 persona.

“Situata, që nga dita e djeshme, në orët e pasdites, nuk ka ndryshuar fare në atë aspektin e lirimit të objektit, përkatësisht të oborrit të gjykatave. Kemi përafërsisht një numër të njëjtë, diku rreth 30-40, të personave që vazhdojnë të qëndrojnë në oborrin e kësaj gjykate”, tha Hoti.

Ai shtoi se pas takimit të djeshëm në mes të përfaqësuesve rajonalë të Policisë së UNMIK-ut dhe përfaqësuesve serbë të protestuesve, i cili nuk ka rezultuar me ndonjë marrëveshje, mundësisë e intervenimit janë pjesë e planit, por nuk ka saktësuar se kur mund të ndodhë një gjë e tillë.

“Nuk mund të flas për çështje të intervenimit, mbase një intervenim i tillë është pritur që nga dita e djeshme, por një gjë e tillë nuk ka ndodhur. Për intervenim gjatë ditës së sotme, nuk kam informacion nëse do të ndodhë apo jo, por të shohim”, u shpreh Hoti.

Mënyrën e komunikimit në mes të protestuesve dhe autoriteteve të policisë, kryetari i Kuvendit Komunal të Mitrovicës, Bajram Rexhepi, e ka kritikuar, duke thënë se me njerëzit që kryejnë akte të dhunshme, nuk duhet të bisedohet.

“Kjo nuk është forma e duhur, sepse po bisedojnë pikërisht me ata që i kanë organizuar këto akte të dhunshme. Prandaj, mendoj se nuk është mënyra e duhur. Duhet të ndërhyhet, duhet t’i qesin jashtë dhe organizatorët eventualisht të arrestohen. Duhet të vendoset rendi dhe ligji dhe nuk mund të ketë anarki”, tha Rexhepi.

Mosintervenimin e Policisë se UNMIK-ut për largimin e protestuesve serbë nga gjykata, zoti Rexhepi e konsideron si kundër-produktive, duke shtuar se institucionet e Kosovës janë duke bërë presion te autoritetet e rendit që sa më parë të intervenojnë për largimin e protestuesve nga gjykata.

“Jemi duke bërë presione. Mirëpo, ky është obligim i tyre; ata e kanë gjetur një vijë, ku nuk duan të shkaktojnë tensionime, kinse iritime, por kjo është kundër-produktive, sepse sa më shumë i tolerojnë, ata më shumë veprojnë në mënyrë të njëjtë. Duhet t’u tregohet që funksionon rendi dhe ligji”, tha Bajram Rexhepi.

Ne ketë çështje përveç policisë rajonale të UNMIK_ut në Mitovicë janë inkuadruar edhe policia e UNMIK-ut nga komanda kryesore e Prishtinës, bëjnë të ditur zyrtarët e SHPK-së.