Gjykata e Fierit thërret dy të vdekur për të dëshmuar

[AlbaneZ]

Fletëthirrje për Tabene dhe Muharrem Hysenajn, të vdekur më 1971 dhe 1999

Një ngjarje e rrallë ka ndodhur dje në Gjykatën e Fierit. Dy të vdekur janë thirrur të dëshmojnë në një gjyq për çështje pronësie. Të vdekurit u thirrën gjatë një seance gjyqësore të zhvilluar paraditen e djeshme në Gjykatën e Shkallës së Parë në Fier. Gjyqi ka për palë të paditur shtetasin Pasho Hysenaj, banor i fshatit Çyçen të Komunës Aranitas të Rrethit Mallakastër. Ky shtetas, në bazë të dokumenteve, ka fituar një gjyq që i njeh trashëgiminë për 57 hektarë toke dhe 58 hektarë pyll. Këtë sipërfaqe të madhe toke ai e ka fituar edhe nga Komisioni i Kthimit e Kompensimit të Pronave me dokumente të rregullta. Sipas Pashos dhe kushëririt të tij, Sefedin Hysenaj, në kohën që është bërë gjyqi në qytetin e Ballshit, dëshmitar në favor të pronarëve ka qenë edhe shtetasi Bajram Saliaj.

Por tani, Bajram Saliaj ka hedhur në gjyq Pasho Hysenajn dhe pretendon se edhe ai duhet të përfitojë pjesë nga toka. Saliaj e ka çuar çështjen në gjykatë. Avokati mbrojtës i tij, Andon Beta, pasi është konsultuar, ka marrë edhe emrat e dëshmitarëve që ankuesi mendon se janë të dobishëm për procesin.

Ndër shtatë personat e thirrur në gjykatë, figurojnë edhe emrat e shtetasit Muharrem Hysenaj dhe Tabene Hysenaj, vëllai dhe motra e poseduesit të tokës Pasho Hysenaj.

Me kërkesë të avokatit të palës paditëse, Gjykata e Fierit ka dërguar fletëthirrjet për gjyq në adresat e dhëna për Muharrem dhe Tabene Hysenajn, pa u munduar të verifikojë nëse këta persona janë gjallë apo jo. Në certifikatat e vëna në dispozicion nga Pasho Hysenaj, konfirmohet se një prej të thërriturve në gjykatë, Tabene Hysenaj ka vdekur më 12 korrik të vitit 1971, kurse vëllai i saj, Muharrem Hysenaj, ka vdekur më 27 dhjetor 1999.

Gjatë seancës gjyqësore, paraditen e djeshme, gjyqtari i kësaj çështjeje, Ergys Selami, ka thirrur të dëshmojnë dy të vdekurit Muharrem dhe Tabene Hysenaj. Poseduesi i tokës, Pasho Hysenaj, i ka thënë gjyqtarit të çështjes se: "Kur të ngjallen, do të vijnë që të dëshmojnë". Kaq është dashur dhe në sallë kanë plasur të qeshurat, duke e bërë të pamundur vijimin e seancës gjyqësore.


G.Shqip

[AlbaneZ]

Nuk kane te mbaruar cudite dhe absurditetet ne shtetin tone.

Lum si ne per ata qe na perfaqesojne si shtet.

[DI_ANA]

Zgjuarsia e trupit gjykues kjo....
Nuk mundej te verifikonte me pare se te behej gjygji a ekzistonin deshmimtaret apo jo!
Kjo tregon se ne shume proçese nuk ka hetuesi para gjygjit,por thjesht debat dhe marrje vendimi direkt nga salla.Keta nuk njohin dosjet qe paraqisin...
Mjere populli ne duart e kujt ka rene!Rofte magjistratura shqiptare.

[IL__SANTO]

Shqiperia vendi i cudirave.

Po si perfundim deshmuan ata apo jo????

[alda09]

Kjo do te thote qe ua kane lene drejtesin ne dore atyre nen dhe(u prehshin ne paqe) se ata qe jane lart na ndriten.

[INFINITY©]

Shqiperia vendi i cudirave.

Po si perfundim deshmuan ata apo jo????

IL_SANTO deshmuan por ishte njesoj sikur nuk deshmuan Po edhe keta ne Fier e gjeten t'i bejne keto pjese teatrale E zeza na turperuan...lol

[FierAkja143]

lol kushedi ka ndodhur me ndo nje qytet tjeter se ska mundesi

[artful dodger]

ndodhi qe nuk meriton fare vemendje per arsye se eshte produkt i elementit njerezor edhe publiku nuk di si ti interpretoj kto ndodhi edhe i interpreton ne menyre banale duke i'a kontribuar kto gafa shtetit ose institucioneve, thua se publiku eshte i vetedishem per gjithcka qe ndodh ne planet edhe situata si kjo nuk dnodhin ne asnje vend tjeter pervecse ne Shqiperi, ose sikurse ka ndonje fare 'pattern' ne kto ndodhi.

para ca muajsh po ne fier po leviznin tregun nga nje vend ne nje vend tjeter, edhe u kishin dhene afat ltyre qe shisnin te leviznin tek tregu i ri. diten e fndit kta i kishin ven flake vendit ku kishin punuar gjate 5-10 vjeteve te fundit, kot per qejf, edhe flaka pastaj kishte dal jashte kontrollit e kishte djegur edhe nje pallat, lol, kjo po qe eshte humor.

[Hyj-Njeriu]

Gjatë seancës gjyqësore, paraditen e djeshme, gjyqtari i kësaj çështjeje, Ergys Selami,

Bobo akoma ky banditi Ergys gjykoka...