Coco Chanel

[YaSmiN]

C & C

(Coco Chanel ka qenë dhe mbetet një nga simbolet më të njohura të Francës. Grua e guximshme, rebele dhe e pasionuar, e ushqyer me një vullnet të flaktë emancipimi dhe lirie, ajo i imponoi shoqërisë një stil të ri veshje. Tregim për një grua të jashtëzakonshme dhe me një karriere tepër të rrallë )


GABRIELA BEHET KOKO ...

C & C - Dy iniciale të njohura në mbarë botën. Sinonime të elegancës dhe veshjeve të modës ( haute-couture ). C - ja e parë shënon germën e parë të mbiemrit të saj Chanel dhe, C – ja e dytë, atë të emrit - Coco. Lindur në Francë më 1883, Jeanne Gabrielle Chanel, në moshën 12 vjeç u shtrëngua të hyjë në jetimoren e qytetit Brive e, ishte aty, ku do të qëndronte gjersa mbushi 19 vjeç. Më pas, ajo do të fliste shpesh për jetimoren në fjalë, jo vetëm si një vend ku mësoi se ç'do të thoshte vetmi, por po ashtu sepse ishte aty që përftoi forcën e imagjinatës dhe të vullnetit në punë. Ishte vetëm 20 vjeç, kur ajo hyri në punë në një dyqan ku bëheshin kapele për gra e, ishte pikërisht aty që ajo nisi të krijojë plot pasion modelet e saj të para. E, përveç kësaj Gabriele kishte edhe një pasion tjetër : këngën. Këndonte, si zë i dorës së dytë, në një kafe koncertesh për ushtarakët e garnizonit në qytet. E, një ndër këngët që i dha ‘famë’ ishte ajo me titull: ‘Kush e ka parë Kokonë në Trokadero’ ( Qui a vu Coco dans le Trocadéro) - këngë e cila fliste për aventurat e një femre, e cila kishte humbur qenin e saj në rrugë. Dhe, shikuesit, sa herë që ajo dilte në skenë, thërrisnin në kor : Co - Co ! Co - Co ! Ishin pikërisht, këto dy rrokje që i mbeten pastaj si nofkë, duke zëvendësuar kështu, vetë emrin e saj të vërtetë Gabriele.

... Prej kohësh, Coco mbante një ide fikse në kokë e cila, shpejt, ju kthye në një obsesion të vërtetë ! Nuk donte kurrë që të varej e as t'i detyrohej askujt ! Profesioni si këngëtare ? As mund të behej fjalë për të! Ajo nuk i sillte aspak atë lloj pavarësie që donte dhe, ajo, vendosi të bënte një zgjedhje tjetër: Të bëhej modeliste ! Të krijonte veshje për gra, të vizatonte, të qepte. Coco mendonte se moda e asaj kohe, ish shumë e ngarkuar dhe komplekse e, ajo do të dëshironte të bënte diçka, pikërisht ta thjeshtonte atë. Por që të punoje në atë fushë, pra në krijimin e modeleve për veshje, duhej të instaloheshe patjetër në Paris. Por, Parisi, ishte tepër i shtrenjtë e vrasës, me plot konkurrencë të egër ! E, ndërkohë, rrugë tjetër skish !

Fillimisht, Coco Chanel banoi te apartamenti i një miku. Te Etienne Balsan, në 160 boulevard Malesherbes. Duke kërkuar që të çante me çdo kusht, Coco arriti të bindë Lucienne Rabaté, një modelist të ri mjaft të talentuar i cili punonte tek ‘Lewis’ që të bashkoheshin e të punonin si ortakë. Më 1908, ajo u njoh me një anglez të quajtur Arthur Capel, me të cilin jetoi edhe dashurinë më të madhe të jetës. Dhe, ishte pikërisht, Arthur Capel që në vjeshtën e vitit 1910, i dha asaj një kredi me anë të së cilës, ajo arriti të merrte me qira një apartament të madh në 21, rue Cambon. Pas një viti Coco, ndjeu se ishte e domosdoshme që të hapte një dyqan me emrin e saj. Pikërisht, në një rrugë të njohur të Parisit, aty ku ndodheshin modelistet e krijuesit më me emër të kryeqytetit francez. Dhe vendosi të hapë dyqanin e saj, mes Rrugës Mbretërore dhe asaj të Operës. Në të djathtë të portës, ajo vendosi një pllakë me mbishkrimin e thjeshtë "Chanel modes".



Kështu, të dy, bashkë me Etienne Balsan, filluan punën si të çmendur e, pak nga pak, klientela nisi të krijohej. Fillimisht ishin të njohurat e saj, mikesha e shoqe, të cilat vinin tek ajo për të porositur kapele. E më pas, vesh më vesh, fjala morri dhenë e porositë nisën të shtohen aq shumë sa që Coco, do t'i duhej të merrte disa punëtore për t'i përballuar ato. Kureshtja dhe interesimi ndaj punës se modelistes së re rritet me tej e, për të behet fjalë edhe në qarqe të njohura të Parisit. Dhe, ajo vazhdonte punën me porosi të tjera, të cilat shtoheshin e shtoheshin, gjersa ajo merr si të thuash shpërblimin e parë të ‘famës’. Gazeta e njohur MODA botoi një artikull të gjatë, ku ngrinte në qiell talentin e modelistes se re Gabrielle Chanel. Shkrimi shoqërohej edhe me një seri fotografish me femra që mbanin modelet e kapeleve të saj. Por, megjithatë, do të duheshin edhe 5 vjet të tjera që ajo të dallohej në mënyrë të padiskutueshme, në rrethin e ngushtë të modelisteve të kryeqytetit francez.

KOKO BEHET ‘MODHISTËR’

Gjatë verës së vitit 1913, zonjusha Chanel dhe i dashuri i saj Arthur Capel, shkuan në Deauville, qytet turistik në zonën e Calvados. Arthur, djalosh me sens tepër të hollë e të ndieshëm prej krijuesi modelist, mendoi se kish ardhur momenti që ata të hidheshin në ‘sulm’. Coco bleu një ‘boutique’ dhe nisi nga puna. Shpejt, arriti të tërheqë një klientelë mjaft ‘chic’. Përveç kapelave, ajo vendosi në vitrinën e dyqanit edhe objekte e prodhime kozmetike, të cilat ishin krijime të saj si edhe rroba e veshje, të cilat Coco i pat qepur për vete, vite më parë. Por, metoda e saj krijuese ishte para se gjithash, eksperimentale. Ajo bënte fustane e funde sipas fizikut të saj, duke krijuar një modë sipas nevojave të saj specifike.

Coco, kish trup të vockël e krijoi fustane të lehta, pak të gjëra e të lirshme, në mënyrë që të maskonte ato anë të fizikut të saj, të cilat s'i pëlqente. Duke qenë kundër stofrave të renda, ajo preferonte copat e trikotuara. Të buta e të lehta, ato shkonin mjaft me stinën e verës si edhe me qëndrimin shpenguar gjatë pushimeve. Coco mendonte se s'ishte normale që gratë të mos mbanin rrobe të tilla të përshtatshme, si për kohen lirë e po ashtu edhe gjatë argëtimeve. Ajo dëshironte ta ndryshonte mentalitetin në fjalë e, për atë qellim, nisi të ekspozonte në ‘boutique’ - ën e saj modelet që kish sajuar: fustane, funde, bluza, pallto të lehta etj. Kështu, nga idetë, modelet dhe qepjet e kapelave, ajo kaloi në qepjen e veshjeve, në përgjithësi.

Gjatë verës në vijim, ajo shkoi përsëri nga Parisi në Deauville. Por, në gusht nisi lufta e I -rë botërore e qyteti u boshatis. Megjithatë, miku i saj Arthur Capel e këshilloi që të mos ta mbyllte ‘boutique’-ën e saj, por të priste e të shihte se si do të venin punët. Ndërkohë, pushtimi i një pjese të territorit francez, i shtrëngoi mjaft familje parisiene që të instalohen në Deauville, për arsye se aty e ndjenin veten më të sigurtë se sa në kryeqytet. Pjesa më e madhe e të ardhurve, ishin borgjezë e aristokratë, të cilët kishin aty edhe vilat e tyre për verim. Dhe, ishte pikërisht në atë kontekst ngjarjesh që Coco Chanel, filloi të bëjë famë e para të madhe. Siç tregonte ajo vetë: ‘Shume gra ishin të detyruara që jo vetëm të jetonin, por edhe të kalonin jetën aty e, ato kishin nevojë që jo vetëm të bënin flokët, por edhe të visheshin’. Dhe Coco ishte aty, pikërisht për atë gjë !


‘REVOLUCIONI’ KOKO

Coco Chanel, bëri një revolucion të vërtetë në mënyrën e veshjes, i cili nuk mjaftoi vetëm në përzgjedhjen e materialeve ( trikotazhe leshi e xhersej ), por ju kundërvu dhe modës së epokës, pra veshjeve femërore të renduara nga ornamentet e shumta. Ajo mendonte se tek femra, ajo që kish rendësi të veçantë, ishte silueta e saj e përgjithshme, e cila duhej te vinte ne dukje linjat e saj. Kish ardhur koha të hiqej dorë prej teprimeve, pra ajo duhej që të zhvishej prej tyre. Për me tepër, kish edhe diçka tjetër që e shtynte atë që të behej nismëtarja e lirisë fizike të gruas, të lëvizshmërisë së trupit të saj.

Qysh nga nisja e luftës dhe shkuarjes në front të miliona burrave, gratë ishin të shtrënguara të bënin një jete më aktive e tu përshtateshin kushteve të jetës, gjithmonë në ndryshim. Dhe Coco pat idenë, vullnetin e talentin të dinte t'i përshtatej asaj epoke të re, të krijonte veshje për një grua tashmë në evolucion kohor dhe shoqëror. Rrobat e lehta që ajo krijoi, mungesa në to e prerjes sipas masës, ishin në përshtatje të plotë me lirinë e trupit femëror. ‘Unë i ktheva trupit të femrës lirinë - do të shprehej ajo - Ai trup jetonte në rroba parade, nenë dantella, korsé, këmisha e plot gjëra të tjera të panevojshme’.

Më 1926, Coco ‘shpiku’ fustanin e thjeshtë e të zi që zuri vend shpejt në të gjithë gardërobat e, ajo shkoi edhe më tej duke i hequr asaj zymtësinë e ngjyrës e duke e shoqëruar atë, me stoli te ndryshme plot fantazi. Ajo krijoi kështu një seri modelesh, ku përziheshin forma te sofistikuara e njëkohësisht të thjeshta. Pas krizës së vitit 1929, ajo krijoi rrobe edhe më femërore. Frymëzimi i saj merrte udhë edhe nga sugjerimet e miqve të saj artistë, të cilët aso kohe, mendonin për një veshje më avangradiste. Coco, ndërkohë krijoi mjaft edhe për boten e teatrit e kinemasë, duke dhënë kontributin e saj në pjesët ‘Treni blu’ (Le Train Bleu), 1924, ‘Sonte ose kurrë ‘ (Tonight or Never), 1931, si edhe në shumë filma të Jean Renoir, të tillë si ‘Rregulla e Lojës’ ( La Règle du Jeu), 1939.

... Por, për shkak të luftës së II-të botërore, ajo e mbylli atelienë e saj të modës e për shumë vite, nuk doli asnjë prodhim që të mbante emrin e saj. Ajo doli përsëri në ‘skenë’ më 1954, ndërkohë që ishte 71 vjeç. Ishte, pikërisht në atë moshë që ajo krijoi koleksionin e saj të quajtur Chanel, në të cilin bënte pjesë edhe i famshmi kostum (tailleur) femëror.

Influenca Chanel në botën e veshjeve, u bë aq e madhe sa që ajo skish frikë se mos kopjohej. Ajo qe e para ‘diseiner’ e cila kuptoi se riprodhimi i modeleve të saj, nuk ishte veçse një shans më tepër për të, edhe pse s'i sillte asnjë përfitim financiar. Coco Chanel, jetonte qysh prej vitit 1934 në Hôtel Ritz, në ‘Place Vendôme’. Ky ishte hoteli - pallat, i cili do të behej më pas vendbanimi i përhershëm i saj, për më se 30 vjet me radhë. Zonjusha Coco Chanel, vdiq po në atë rezidencë, pikërisht më 11 janar 1971 në moshën 88 vjeç. Vdiq, duke lenë pas fjalët e saj të njohura: E shihni, mund të vdesësh edhe kështu si unë ! E, ajo vdiq duke lenë pas një ‘perandori’ të tërë. Ceremonia e varrimit u bë në Kishën ‘La Madeleine’ e, pastaj, trupi u çua në Lausanne (Zvicër) ku, sipas vullnetit të saj të fundit, ajo u varros.

PARFUMET SHANEL

... Por, le të kthehemi përsëri mbrapa në kohë. Chanel nuk pat krijuar vetëm modele, veshje e rroba por edhe parfume. Dhe, ja lista e parfumet qe ajo ka krijuar vetë:

• 1921: Chanel n°5
• 1922: Chanel n°22
• 1925: Gardénia
• 1926: Cuir de Russie et Bois des îles
• 1955: Pour Monsieur
• 1970: Chanel n°19
• 1974: Cristalle
• 1981: Antaeus
• 1984: Coco
• 1990: Égoïste et Égoïste Platinium
• 1996: Allure


... Ishte në vitin 1921 që Coco Chanel hodhi në treg markën e parfumit të saj të parë. Ai do të quhej Chanel N°5 dhe do t'i besohej Ernest Beaux, krijues parfumesh pranë oborrit të carëve të Rusisë. Ernest Beaux do t'i paraqiste zonjushës Coco Chanel dy mostra të ndryshme, ose më mirë të themi dy seri "kampionesh", të cilët mbanin numrat nga 1 deri 5 e nga 20 gjer në 24. Coco Chanel zgjodhi "kampionin" N° 5. Kur, atë e pyetën se si do ta quante atë lloj parfumi, ajo u përgjigj : "Unë do ta hedh atë në treg më 5 maj, pra në muajin e pestë të vitit e për më tepër kjo epruvete ka edhe numrin pesë. Atëherë le të quhet parfumi N°5 e uroj që ky emër t"i sjellë atij shumë fat".

Pastaj, Coco, vizatoi formën e shishes që do të mbante parfumin e saj të ri e që ishte mjaft i thjeshtë. Ajo u shpreh se ajo që ish brenda saj, qe tepër më e rëndësishme se shishja e vockël ku do të vendosej parfumi. ( Më 1954, në një intervistë, një gazetar pyeti Marilyn Monroe se çfarë përdorte për të bërë gjumë të qetë e të mirë. Aktorja e njohur u përgjigj plot naivitet : Dy-tri pika Chanel 5 ). Dhe pse thënë në mënyrë naive, ajo frazë u bë një slogan i shquar publicitar për atë parfum. Dhe çfarë shansi për Coco Chanel, për atë shprehje të Marilyn e cila e bëri parfumin N°5 prodhimin më të shquar të saj.

Coco Chanel ja besoi fabrikimin dhe shpërndarjen e Chanel N°5, Pierre Wertheimer, aso kohe tregtar i njohur, pronar i "Société Bourjois". Pastaj, mes viteve '20 dhe '30, Coco Chanel hodhi ne qarkullim shume parfume te tjera te njohura, mes të cilëve Chanel N° 22 më 1922, "Cuir de Russie" më 1924, "Gardenia" më 1925, "Bois des iles" më 1926. Chanel N°19 (Cuir de Russie) e mori emrin me rastin e përvjetorit të lindjes së Coco Chanel. Parfumi Chanel, nuk e ndërpreu kurrë "karrierën" e tij.




Më 1974, Henri Robert krijoi parfumin "Cristalle". Më pas, më 1984, ishte Karl Lagerfeld, i cili morri përsipër shpërndarjen dhe menaxhimin e parfumit Chanel nëpër botë. Pastaj, drejtimin e Chanel - Parfums e morri Jacques Polge, një specialist i shquar ne parfumeri. Ai do të prodhonte parfumin COCO, në homazh të Mademoiselle Chanel. Ndërkohë, më 1990 u hodh në treg parfumi "Egoiste" e, në vitin 2002 u krijua një variant i ri parfumi i quajtur "Chance" i cili fillimisht u shpërnda në Shtetet e Bashkuara dhe Kanada e më pas edhe në Europe.

Me 1993 u paraqit një tjetër parfum : "Egoiste Platinum" i pasuar pastaj me 1996 nga parfumi "Allure". Pastaj do të dalë, në vitin 2002, parfumi i njohur në mbarë botën "Mademoiselle Coco". Sot, është familja Wertheimer e cila ka edhe pjesën më të madhe në shoqërinë Chanel e cila, vetëm në France ka të punësuar mbi 3 000 vetë. Përsa i preket publicitetit, shtëpia Chanel do të përdorë për shumë kohë portretin e Catherine Deneuve, në mënyrë të veçante për reklamën e Chanel N°5 e, më pas, artisten e shquar të kinemasë franceze Carole Bouquet, e cila mishëron imazhin e francezes së epokës sonë.

[INFINITY©]

Une perdor "Coco Mademoiselle" per ne darke kur dal dhe eshte vertet shume i mire. Mos perdor shume por vertet ndihesh mire.

Nice article YASMIN

[YaSmiN]

DeaDa Faleminderit thjesht nuk me merrte fotot nga disa parfume.

[INFINITY©]

Ja nje pic dhe nje video

pucccccccc yvi

[baby_bù]

Une perdor nje version tjeter te linjes COCO MADEMOISELLE

Eshte fragrance e lehte dhe e kendeshme qe perdoret per cdo dite dhe te ben te ndihesh mire me vetveten....

[[Perla]]

Për shekuj me rradhë shtëpia e modës së Chanel-it ka kontribuar shumë në fushën e modës dhe kozmetikës. Koleksioni I ri I pranverës së Chanel-it duket se ka rrethuar cdo prirje kryesore të modës botërore të ditëve të sotme, duke kombinuar kështu përbërje të kundërta të bezhës dhe hije të zbehta me të kuqe të ndezur dhe ngjyra vere duke rikrijuar kështu një stil krejt të vecantë.

Një prej gjërave më madhështorë në këtë koleksion të ri është shkëlyqesi Aqualumiere Sheer që vjen nga Chanel në dy ngjyra: Malta ( ngjyrë e ndezur vezulluese bronxi) dhe Positano ( ngjyrë bezhë perfekte e cila thekson ngjyrën natyrale të buzëve dhe I jep atyre një pamje të lëngshme dhe të shndrritshme)

E kombinuar me shkëlqyesin, koleksioni Chanel-it nxjerr buzëkuqin me hidrabazë, me ngjyra kontrasti si e kuqe e errët, pink, pjeshkë dhe e kuqe e ndezur.

Toni I syve Ombre Essentielle Soft Touch me shkëlqim metalik u shton shprehinë syve tuaj, Magic Night blue (e errët me shkëlqim të artë) dhe Liberti (me shkëlqim bezhe të ndritur.)




Beauty.al

[D&G Feminine]

Nga Chanel perdor Chance Parfum (jo Eau de parfum ). Ma bene dhurate dhe kisha pershtypjen se duke qene Chanel dhe parfum kushedi sa i rende do jete. Ne fakt eshte really fresh and fruity.

[Prudence]

Kush eshte me e mire Coco Chanel apo Coco Mademoiselle???/

[abu]

Unë preferoj Coco Mademoiselle , classic . Gjithmonë kam atë në shtëpi.
është aromë më të qëndrueshme që unë e di.

P.S . Edhe une perdor vetem per ne darke ...

[☆Angie☆]

Ja dhe filmi mbi jeten e Chanel. Ka qene pak arrogante kjo teta, por ka revolucionuar boten e modes