Reforma Zgjedhore, zbardhet pakti: PD merr kreun e KQZ, PS fiton hapjen e kutive

[Albo]

PD-PS, pranë numërimit elektronik

Sot, mbledhja e Komisionit të posaçëm për Reformën Zgjedhore, gati drafti konsensual.
Sistemi do të jetë gati 60 ditë para datës së zgjedhjeve.
Partia Socialiste dhe Partia Demokratike janë shumë pranë miratimit të numërimit elektronik të votave. Komisioni i Reformës Zgjedhore, i cili do të mblidhet sot, ka gati një draft diskutimi rreth parimeve, por dhe kërkesave që do t’i drejtojnë kompanisë që do të marrë përsipër aplikimin e sistemit elektronik të numërimit të votave në 2013-n.
“Sistemi elektronik i numërimit përbëhet nga tërësia e pajisjeve elektronike, kompjuterike dhe e programeve të ndryshme informatike, nëpërmjet të cilave në mënyrë automatike e të pavarur realizohet numërimi dhe vlerësimi fletëve të votimit, si dhe nxjerrja e rezultatit zgjedhor”, thuhet në draftin e përgatitur nga maxhoranca dhe opozita, i cili do të hidhet sot për diskutim. Por, duket se palët kanë pranuar në parim se në zgjedhjet e 2013-s numërimi i votave do të bëhet në mënyrë elektronike dhe jo manuale. Pak ditë më parë, një projekt i OSBE-së solli në Tiranë disa përvoja nga kompani prestigjioze ndërkombëtare të numërimit elektronik. Një nga ekspertët e ODHIR-it ishte në Tiranë, i cili u njoh me kapacitetet e aplikimit në Shqipëri të numërimit elektronik. Ndërsa dy bashkëkryetarët e Komisionit të Reformës Zgjedhore, Rusmali dhe Gjiknuri, ishin para disa javësh në Londër për t’u njohur me teknologjinë. Nisur nga kjo përvojë, Komisioni i Reformës ka përcaktuar kërkesa specifike ndaj kompanisë për numërimin elektronik të votave. Komisioni kërkon që sistemi elektronik të provohet 60 ditë para zgjedhjeve dhe të shihet mundësia që kompania të kontraktohet edhe për zgjedhjet në vijim. “Numërim i çdo flete të votimit në mënyrë të njëpasnjëshme dhe pa i dëmtuar ato; proces përpunimi të fletës nga pajisja, të mund të vëzhgohet me sy të lirë; nxjerrje e rezultatit të zgjedhjeve për qendrën e caktuar të votimit dhe ZAZ-së; ruajtje e imazhit të çdo flete të votimit të skanuar; ndarje fizike e fletëve të vlefshme dhe të pavlerësuara; shfaqje e imazhit të fletës së pavlerësuar që kërkon vlerësim manual; prodhim i tabelës së rezultatit për çdo QV, ZAZ dhe rekordet e vendimmarrjes, të hedhura në sistemin elektronik të numërimit”, janë disa nga kërkesat që Komisioni i Reformës Zgjedhore i drejton KQZ-së që t’i përmbushë në realizimin e numërimit elektronik të votave.

Numërimi elektronik i votave
. Numërimit i çdo flete të votimit në mënyrë të njëpasnjëshme dhe pa i dëmtuar ato;
. Procesi i përpunimit të fletës nga pajisja të mund të vëzhgohet me sy të lirë;
. Nxjerrja e rezultatit të zgjedhjeve për qendrën e caktuar të votimit dhe ZAZ-së;
. Ruajtjen e imazhit të çdo flete të votimit të skanuar;
. Ndarjen fizike të fletëve të vlefshme dhe të pavlerësuara;
. Shfaqjen e imazhit të fletës së pavlerësuar që kërkon vlerësim manual;
. Prodhimin e tabelës së rezultatit për çdo QV, ZAZ dhe rekordet e vendimmarrjes, të hedhura në sistemin elektronik të numërimit;
. Prova e numërimit zhvillohet 60 ditë para zgjedhjeve, në prani të publikut;
. Numërimi manual, në raste përjashtimore me vendim të KQZ, kur nuk përdoret sistemi elektronik;

ARISTIR LUMEZI
Panorama

[Albo]

“Të mbyllet kapitulli i zgjedhjeve të deformuara”

Kreu i Partisë Socialiste, Edi Rama i është përgjigjur radios Evropa e Lirë në një intervistë, ku ka folur për reformën zgjedhore, marrëdhëniet me aleatët, veçanërisht me LSI-në, zgjedhjen e presidentit dhe tema të tjera të aktualitetit. Një prej çështjeve që ka marrë vëmendjen e Ramës ka qenë reforma zgjedhore, dhe vullneti për të përmbyllur një reforme të plotë elektorale, që sipas tij, Shqipëria me ketë do të përmbyllë kapitullin e zgjedhjeve të deformuara, e të kontestuara dhe do të hapë një kapitull të ri.
Më poshtë intervista e plote e marre nga Radio Evropa e Lirë
Reforma elektorale është një nga parakushtet e vendit për t’u integruar në Bashkimin Evropian. Si e shihni ecurinë e procesit deri tani?
Reforma elektorale është prioriteti i prioriteteve ndër 12 prioritetet/ rekomandimet që Bashkimi Evropian ka vendosur për Shqipërinë, sepse pa zgjedhje të lira dhe të ndershme, është e kotë që të pretendojmë të bashkohemi me familjen evropiane me të drejta të plota.
Ky fakt, kjo e vërtetë është një e vërtetë, të cilën vetë Komisioni Evropian e mbron, duke konstatuar në vijimësi probleme të rënda me zgjedhjet dhe duke kërkuar që përmes një reforme të plotë elektorale, Shqipëria të përmbyllë kapitullin e zgjedhjeve të deformuara, e të kontestuara dhe të hapë një kapitull të ri.
Po shihni mjaftueshëm konsensus në mënyrën se si po vepron Komisioni i Reformës Zgjedhore – herë pas here duket sikur ka ngecje dhe të dyja forcat e mëdha politike fajësojnë njëra-tjetrën për këto ngecje. A ka konsensus të mjaftueshëm ky komision?
E vërteta është që kemi një mosdakordësi të plotë lidhur me qëndrimin ndaj sistemit zgjedhor. Ne duam një përmirësim të sistemit zgjedhor në funksion të rritjes së transparencës dhe të përfaqësimit të të gjithë votuesve përmes të gjitha subjekteve elektorale. Ndërsa, pala tjetër është krejtësisht e mbyllur në këtë pikë.
Sa i përket aspektit tjetër të reformës që ka të bëjë me rregullat e lojës, që ka të bëjë me të gjitha ato deformime dhe probleme të konstatuara nga misioni i OSBE/ODIHR-it, dhe me rekomandimet e këtij misioni, ka një ecuri, të cilën unë nuk do të doja ta gjykoja negativisht apo ta paragjykoja në këtë fazë.
Ecet, dhe shpresoj që të mos jetë e nevojshme në asnjë mënyrë një shtyrje tjetër e afatit, pasi ka një rëndësi themelore që reforma të mbyllet në kohë për t’i dhënë mundësi implementimit të të gjitha atyre masave që ne synojmë të përfshihen në ligj dhe që kërkojnë edhe futjen e teknologjisë së re në procesin zgjedhor në Shqipëri, siç është fjala për identifikimin apo për numërimin elektronik.
A ju vjen keq që, ndoshta, për shkak të mosndryshimit të sistemit, apo të paktën, korrektimit të tij, gjë që e ka kërkuar Partia Socialiste, mund të humbisni disa nga aleatët tuaj, p.sh PPDNJ-ja ka thënë që nëse sistemi nuk ndryshon, do të kalojë në polin e qendrës?
Nuk është çështje keqardhjeje, është çështje parimi dhe siç e kemi thënë, ashtu kemi bërë. Në Komisionin e Reformës Elektorale jemi zëdhënës edhe të të gjitha partive tjera që nuk janë të përfaqësuara në këtë komision, pasi ndajmë mendimin se përmirësimi i sistemit në funksion të rritjes së proporcionalitetit, do të ishte hap i duhur për një të mirë të përbashkët dhe për interesin publik.
Nuk është çështje e interesit të Pasrtisë Socialiste, është më gjerë se kaq dhe ne jemi të vendosur të bëjmë gjithë çka mundemi për të gjetur dakordësi në këtë pikë.
Para pak ditësh thatë se moszëvendësimi i mandatit të deputetes Rudina Seseri, mund të prishë marrëveshjen politike. A nuk ju duket e arsyeshme logjika që ka dhënë mazhoranca se ka nevojë për një interpretim kushtetues në këtë rast?
Në aspektin e demokracisë, është një aspekt i programit tonë të ri për një rilindje shqiptare bashkë me ekonominë, shoqërinë dhe Evropën. Shqipëria jeton, pa asnjë ekzagjerim, në një grusht-shteti permanent me një zinxhir që vazhdon të zgjatet hallkash, që realisht përbëjnë akte antikushtetuese, antiligjore dhe antidemokratike. I tillë është edhe ky i fundit me mandatin e një deputeti opozitar, për të cilin në asnjë mënyrë dhe për asnjë arsye opozita nuk ka çfarë kërkon në asnjë lloj gjykate, sepse është detyrim kushtetues dhe ligjor që në rast dorëheqjeje të një deputeti, të një tjetri e të një tjetri, zëvendësimi të bëhet në mënyrë automatike.
Ai është një mandat që Partia Socialiste ia ka dhënë populli dhe nuk mund t’ia marrë as Qeveria e as Gjykata.
…sa do të prisni për këtë?
Më lejoni të them se nuk kam thënë rrezikohet prishja e një marrëveshjeje – ne nuk kemi asnjë marrëveshje me Qeverinë. Ne kemi marrëveshje me publikun, me Bashkimin Evropian në kuptimin që në rast se ne jemi në rrugën e një politike, e cila kërkon medoemos konsensus për çështje të mëdha që lidhen me prioritetet e integrimit dhe me statusin e kandidatit – kjo është absolutisht bindje dhe vullnet politik i yni.
Thënë kjo dua të nënvizoj se çka kam deklaruar ka qenë se nuk e dëshirojmë, do të bëjmë çmos për ta shmangur një krizë të re politike.
A është i vërtetë konstatimi i disa analistëve se ka një shtendosje mes marrëdhënieve të Partisë Socialiste dhe Lëvizjes Socialiste për Integrim – çfarë ka hedhur dyshime ndoshta dhe për një aleancë të mundshme ndërmjet jush më 2013?
LSI-ja është pjesë e koalicionit qeveritar dhe ne nuk shohim asnjë dallim që të na bëjë të mendojmë çfarëdo skenari tjetër, përveç skenarit të marrjes së të gjitha votave të popullit shqiptar përmes zgjedhjeve të lira dhe të ndershme dhe të më shumë se 71 mandateve për të qeverisur Shqipërinë, si alternativë e këtij koalicioni me një ofertë shumë të qartë – ose një rilindje shqiptare ose një rrënim i mëtejshëm me këtë koalicion, ku edhe LSI-ja është pjesë integrale.
RADIO EVROPA E LIRË
Së shpejti do të jenë zgjedhjet presidenciale, ju keni këmbëngulur për një president konsensual, ndërkohë që mazhoranca thotë që do ta zgjedhë presidentin sipas variantit kushtetues. A do të jetë e vështirë të gjendet një president konsensual nën këtë frymë?
EDI RAMA
Ne kemi kërkuar një president sipas Kushtetutës, që do të thotë një president që të plotësojë atë kriter themelor që ka Kushtetuta për figurën e presidentit të Republikës, qenien mbi palët dhe përfaqësues i unitetit kombëtar.
Besoj se një proces, nga ku një president i pranuar nga palët dhe mbi palët është një proces që lidhet domosdoshmërisht jo vetëm me garantimin e të gjitha atyre institucioneve që presidenti supozohet kushtetushmërisht se garanton, por edhe me dhënien e një shansi të madh të statusit të kandidatit, sepse zgjedhje e presidentit të Republikës dhe mënyra se si ai do të zgjidhet, pranueshmëria që ai ose ajo do të kenë nga palët, përbën një test përballë procesit dhe përballë Komisionit Evropian.
RADIO EVROPA E LIRË
…sa të vështirë e shihni?
EDI RAMA
Asgjë nuk është e lehtë në Shqipëri, asgjë nuk është e lehtë, edhe më shumë, në politikën shqiptare dhe për më tepër, kjo është një sfidë për gjithë politikën shqiptare. Si e tillë, sigurisht është e vështirë si çdo sfidë e madhe. Por, ama rëndësi ka që të ketë vullnet politik dhe me vullnet politik kapërcehet çdo vështirësi e kësaj natyre.

Panorama

[Albo]

Gjiknuri: Reforma zgjedhore, brenda muajit

TIRANE- “Reforma zgjedhore mund te mbyllet brenda ketij muaji”. Keshtu ka thene sot bashkekryetari socalist në Komisionin e Reformës Zgjedhrore, Damian Gjiknuri.
Deklarata eshte bere pas përfundimit të mbledhjes me dyer të mbyllura, gjate nje prononcimi te shkurter per mediat.
Sipas tij, disa pika do te diskutohen ne nivel teknik, nderkohe qe punohet intensivisht që në zgjedhjet e 2013 të përdoret sistemi elektronik i votave, miratuar me konsensus nga palet ne kete komison.

Panorama

[MaDaBeR]

Reforma, të vegjlit ftojnë Ramën dhe Berishën në një tryezë

TIRANË - Kur mbetet edhe pak kohë në përfundimin e kohës limit (fundi i muajit) për reformën zgjedhore, partitë e vogla do të ndërmarrin përpjekjen e tyre të fundit me qëllim ndryshimin e sistemit zgjedhor. Kryetari i PR-së, Fatmir Mediu, aleati i kryeministrit Berisha në qeverisje dhe kryetari i PDS-së, Paskal Milo, në aleancë me kryetarin e PS-së, Edi Rama, kanë ndërmarrë një iniciativë të përbashkët për të mbledhur të gjitha partitë politike në nivel kryetarësh me qëllim rrahjen e mendimeve, por edhe marrjen e një përgjigjeje përfundimtare nga dy partitë PD e PS lidhur me sistemin zgjedhor, pika që të vegjlit në një zë kanë kontestuar më shumë se asgjë tjetër në përmbajtjen e reformës zgjedhore që po hartohet nga ekspertë të partive të mëdha. Mësohet se Milo dhe Mediu kanë propozuar mbajtjen e një tryeze pikërisht në fillim të javës, ditën e hënë, nga ku do të paraqesin edhe propozimet e tyre për ndryshimin e sistemit aktual zgjedhor. Iniciatorët e kësaj tryeze do të tentojnë mbledhjen e opinioneve, hartimin dhe miratimin e përbashkët të ndryshimeve që duhen përfshirë në Kodin Zgjedhor. Propozimet do të vijnë nga të gjitha partitë e ftuara në tryezë (23 të tilla). Ftesa u është drejtuar kryetarëve të partive, në përpjekje që ditën e hënë të vegjlit të ulin në një tryezë kryeministrin Sali Berisha dhe kryetarin e PS-së, Edi Rama. Në materialin për diskutim (të shpërndarë edhe dy partive të mëdha) janë renditur tri propozime nga organizatorët. Propozimi i parë ka të bëjë me llogaritjen dhe shpërndarjen e mandateve me qëllim korrektimin proporcionalisht të votave për çdo subjekt zgjedhor; propozimi i dytë lidhet me korrektimin për ndarjen e mandateve në nivel kombëtar, ndërsa propozimi i tretë lidhet me uljen e pragut elektoral në 2% partive që konkurrojnë më vete dhe 4% për koalicionet. Pak ditë më parë, në një takim elektoral kryetari i Partisë Republikane, Fatmir Mediu u deklarua kundër dy partive të mëdha, PD e PS për reformën zgjedhore. Mediu u shpreh se qëllimi i dy partive të mëdha është asgjësimi i partive të vogla, veprim që sipas tij cenon barazinë elektorale. “Ka një tendencë të asgjësimit të forcave politike, që do të thotë, të vullnetit tuaj politik për t’u organizuar si individë apo si grupe. Kjo do të thotë që karriera juaj dhe e ardhmja juaj të mos përcaktohen nga meritat, por si rrjedhojë e servilizmit politik”, – deklaroi Mediu gjatë një takimi të zhvilluar me elektoratin republikan. Sipas Mediut, ndryshimet e fundit në Kodin Zgjedhor do të sjellin fuqizimin e mëtejshëm të dy partive të mëdha në dëm të atyre të vogla.

Mapo

[MaDaBeR]

Qe ne nentorin e vitit te kaluar, kur dy partite kryesore zbuten tonet mes tyre dhe filluan bashkepunimin per reformat e vendit, per te plotesuar 12 pikat e rekomnadimeve te OSBE-ODHIR, nje nga reformat qe po diskutohej ishte dhe ajo Parlamentare.

Pati shume diskutime, perplasje mendimesh, afrime, kundershtime, pajtime, miratime te dyanshme por dhe pika diametralisht te kunderta mes paleve. Shumica e amendamenteve te propozuara nga te dy palet u pranuan pa shume probleme. Por ka disa dite qe kjo reforme ka ngecur per shkak se Partia Demokratike dhe ajo Socialiste nuk kane arritur dakortesine mes tyre per dy propozime qe ka bere opozita per reformen parlamentare.

A mendoni se partite jane te perfshira realisht ne keto reforma, apo keto reforma po behen vetem se keshtu po na thone te huajt?

A mendoni se dy partite e medha do te arrijne ta çojne deri ne fund me konsensus Reformen Parlamentare, apo do te deshtoje konsensusi?

Le te shpresojme qe palet te jene angazhuar pa kulisa e prapaskena te shmetuara politike ne reformat e vendit dhe me ne fund te kene pak pergjegjesi politike per ta çuar perpara kete vend. Shpresoj qe te pakten te kete filluar ndergjegjesimi nder politikanet Shqiptar per te bere mire punen e tyre.

[MaDaBeR]

Kriset pakti PD-PS, dështon reforma parlamentare

Fejzi Braushi

Dështon puna për realizimin e reformës parlamentare. Edhe pse në tejkalim të afateve të miratuara nga Konferenca e Kryetarëve, grupi i punës i ngritur për këtë qëllim nuk ka mundur dot të ezaurojë të gjitha çështjet e shtruara për diskutim, ndaj ka mbyllur dje pa konsensus punën, duke lënë pezull, pa mundur t’i jap një zgjidhje, tashmë jo dy, por tri çështjeve për të cilat palët kanë mbajtur qëndrime krejt të ndryshme parimore. Bëhet fjalë për kërkesën e socialistëve që kreut të opozitës në Kuvend t’i jepet e drejta të flasë sa herë që flet Kryeministri. Kërkesa tjetër ka të bëjë me rikthimin në Kuvend të votimit të fshehtë për dekretet e Presidentit për emërimet në gjykata. Ndërkohë që konsensusi nuk është gjetur dhe për një kërkesë të re të socialistëve, e dalë së fundmi, si pasojë e seancës së fundit që lidhet me sanksionimin në rregullore të një dispozite që përcakton në mënyrë të qartë se sa herë që ka votim të fshehtë për persona, ai bëhet me kuti dhe fletët e votimit nuk firmosen.

Demokratët

Grupi i punës i ngritur për të realizuar reformën parlamentare, i përbërë nga Jemin Gjana dhe Viktor Gumi, si përfaqësues të PD dhe Namik Dokle dhe Ditmir Bushati, si përfaqësues të PS, kanë bërë dje dhe një përpjekje të fundit për të gjetur konsensusin për disa nga çështjet për të cilat nuk ishte bërë e mundur gjetja e mirëkuptimit deri më tani: koha e kreut të opozitës dhe votimi i dekreteve. Por më kot. As dje nuk është bërë e mundur përafrimi i qëndrimeve të palëve për këto dy çështje dhe kjo për shkak se demokratët i konsiderojnë ato jashtë kompetencave të këtij grupi pune për arsye se, sipas tyre, ato vijnë në kundërshtim me përcaktimet kushtetuese. Por sikur të mos mjaftonin këto dy pika të nxehta, dje socialistët kanë paraqitur në tryezë dhe një kërkesë të re, dhe që ka të bëjë me përcaktimin në mënyrë të qartë në rregullore të mënyrës sesi votohet me kuti për të cilën duket se demokratët nuk kanë qenë shumë të gatshëm të japin pëlqimin e tyre. Mbylljen e punës së grupit të punës e ka konfirmuar dje dhe Jemin Gjana, i cili ndërmjet të tjerave ka sqaruar dhe pozicionin e PD-së lidhur me dy çështjet e para; për kohën e kryetarit të opozitës në Parlament dhe votimin e dekreteve. “Janë 2 çështje jo në përputhje me mandatin që ka ky grup pune, sepse të dyja këto çështje prekin çështjet e interpretimit të dispozitave kushtetuese, si ajo që ka të bëjë me votimin e dekreteve të Presidentit dhe ajo që ka të bëjë me fjalën e Kryeministrit në seancë plenare. Të gjitha çështjet e tjera janë adresuar dhe janë pranuar dhe unë e konsideroj të mbyllur përfundimisht aktivitetin e këtij grupi pune. Nuk ka nevojë për shtyrje afati”, – tha Gjana.

Socialistët

Por nuk kanë qenë në të njëjtën linjë socialistët, të cilët dje e kanë quajtur të paplotë dhe të papranueshme një reformë të tillë, në rast se mazhoranca nuk pranon këto tri çështje që kanë të bëjnë me çështje parimore të demokracisë në Parlament. “Një fund i papërfunduar. Reforma nuk mund të quhet e përfunduar për sa kohë mazhoranca dhe Sali Berisha nuk kanë vullnet të pranojnë tri çështjet që kanë të bëjnë me demokracinë në Parlament. Aq më shumë që për dy çështjet e para, pra për kohën e fjalës së kreut të opozitës në Parlament dhe votimin e dekreteve dhe ekspertët e huaj kanë mbështetur propozimet e bëra nga PS”, – tha nënkryetari i Kuvendit, Namik Dokle, për MAPO-n. Ai më tej, duke iu referuar asaj që është arritur deri më tani, ka theksuar se ato janë fare të parëndësishme po t’i krahasosh me këto tri çështjet për të cilat nuk është gjetur konsensusi. Ndaj socialistët vlerësojnë se në rast se mazhoranca nuk do japë konsensus për këto tri çështje, atëherë dhe votimi i tyre i draftit me çështjet për të cilat është rënë dakord është i pamundur të bëhet me konsensus. Në total paketa e ndryshimeve në rregullore përbëhet nga 10 amendamente për statusin e deputetit dhe 27 amendamente të tjera për rregulloren e Kuvendit.

Mapo

[Ingenuous]

Nga: DARINA TANUSHI

TIRANE - Rreth 23 parti të vogla, të majta dhe të djathta, priten që ditën e hënë t’u parashtrojnë dy partive të mëdha PD-së dhe PS-së propozimet e tyre më të fundit për reformën zgjedhore.
Në tryezën e së hënës në mesditë janë të ftuar edhe dy kryetarët e partive të mëdha, Edi Rama dhe Sali Berisha. PS ka konfirmuar pjesëmarrjen, por ende nuk dihet nëse aty do të jetë vetë Rama apo ndonjë nga përfaqësuesit e tij në tryezën e reformës zgjedhore.

Nëse edhe këtë herë, të vegjëlit nuk dëgjohen nga të mëdhenjtë, aleatët e PS-së paralajmërojnë se do të ndahen nga koalicioni me të. Korrektimi i sistemit, ndryshimi i pragut elektoral dhe lejimi i grupimeve të partive brenda koalicionit, përbëjnë thelbin e kërkesave të të vegjëlve. “Është ajo që ne kemi kërkuar prej kohësh. Jo ndryshimin e sistemit, por korrektimin e sistemit. Propozojmë që të ketë një prag elektoral prej 2 % për forcat politike që garojnë vetëm dhe 4 % për koalicionet”, - deklaroi dje për median, kreu i PDS Paskal Milo. Në tryezë do të jenë edhe kreu i LSI-së dhe ai i PBDNJ-së, Vangjel Dule. “Ne mendojmë që, është shumë e rëndësishme që në fund të muajit prill gjithçka të ketë përfunduar”, - tha dje Meta. “Ne jemi për korrektimin e këtij sistemi aktual për të evituar diskriminimin dhe për të barazuar sa më shumë të jetë e mundur votën e shqiptarëve ashtu sikurse e kërkon dhe e garanton edhe Kushtetuta”, - u shpreh Meta.

BalkanWeb

[Ingenuous]

TIRANE- Transparenca, gjithëpërfshirja dhe barazia e votave janë kërkesat thelbësore që 23 parti të vogla i kërkojnë partive të mëdha për reformën zgjedhore. Thelbësore për partitë e vogla mbetet korrektimi kombëtari i kodit zgjedhor, si një mënyrë për të mos lejuar më deformimin e votave, sic thanë ata. Sipas tyre vota duhet të përkthehet sa më drejt në mandate.Partitë e vogla gjithashtu kanë kërkuar që të hiqet pragu 2 apo 3% për partitë e vogla. Ata e kanë përcaktur vendosjen e pragut për partitë e vogla si një mënyrë artificiale të vendosur nga partitë e mëdha.

PDS, Milo: Garë të barabarte
Kreu i PDS, Paskal Milo në hapje të tryezës së partive të vogla për reformën zgjedhore deklaroi se gara e ardhshme elektorale duhet të jetë e barabartë dhe të plotësojë standartet europiane.

“Gara e ardhshme të jetë e barabartë dhe të plotësojnë ashtu si na kërkohet nga faktorët ndëkombëtar të gjitha standartet e duhura për të plotësuar kriteret e nevojshme për integrimin e Shqipërisë. Shqetësimi ynë ka qenë që së bashku të realizojmë atë që kemi menduar që në nisje, tranparenca dhe gjithëpërfshirja. Ne kemi shpresë që faktorët politikë do dëgjojnë me vemëndje shqetësimet tona që vijnë nga ideja që ne të kontribuojmë të gjithë së bashku, të hartojmë një kod zgjedhor për zgjedhje të lira dhe të ndershme”,- deklaroi Milo, njëri nga monitoruesit e tryezës.

PR, Madhi: Gjithëpërfshirja rëndësi të veçantë
Kreu i grupit parlamentar të PR-së Arian Madhi gjatë fjalës së tij nënvizoi se barazia e votës është një nga parimet themelore për standaarte demokratike.
“Reformat janë kush i anëtarësimit . Kjo nuk është hera e parë dhe as e fundit që zgjidhim problemet me tranparencë dhe konsensus dhe kompromis. Nëse ne do bëjmë gabime disa ditë, do të paguajmë për shumë gjatë. Ne nuk do lejojmë luksin te kemi që kodi zgjedhor të kalojë parimet Kushtetuese. Parimi themelor është barazia e votes ose zgjedhje të barabarta”,- deklaroi Madhi, njëkohësisht bashkëmonitorues i tryezës.

Replika e Ngjelës: Mos vendosni kushte në tryezë
Spartak Ngjela duke replikuar me Arian Madhin, një nga monitoruesit e tryezës i kërkoi që të mos vendoset ksuhte në tryezë.
“Kemi ardhur për debat nuk mund të më vendosësh kushte. Kemi bërë gabim që kemi ardhur nuk ishte gjë kaq e rëndësishme. Jeni në vetë apo jo, këtu flet njeriu si të dojë. Hajde të bisedojmë na jepni projekte. E vetmja gjë është se na janë vjedhur votat. Kutë kam ardhur të rregulloj kryeministrin që vjedh votat. Jam për mazhoritar të pastër, jo për këtë lojë. Manipuluesin e votave e kemi, por nuk do e lëmë këtë radhë. Ju nuk ju ka ardhur kryesori. Jua jap unë zgjidhjen, republikanët, LSI dhe tre katër parti rrëzoni kryeministrin dhe shpëtoni gjendjen. Nëse na kini për të tallur”,- theksoi Ngjela.
Paskal Milo si përgjgje tha se tryeza është mbledhur për të diskutuar për praimet dhe ksuhdo ka të drejtë të flasë.

Petro Koci: Korrektimi i pamjaftueshëm për të shëruar sistemin
Kreu i PSV 91, Petro Koci e cilësoi kërkesën për korrektim kombëtar si një hap të vogël për ta korigjuar kodin zgjedhor.
Sipas tij, “Sistemi aktual është i sëmurë, pasi kodi elektoral legalizon vjedhjen me ligj, qindëra qytetarë mbeten të papërfaqësuar. Drafti i sotëm propozon një korrigjim brenda koalicioneve, që bëhet në kushtet e dëshpërimit, është një hap i vogël për të korrigjur një pjesë të defekteve. Në parim jam dakort por është e pamjaftueshme për ta shëruar sistemin”, tha ai.

Koci nënvizoi se, “çështja ka lidhje me demokracinë, me qyetarët që mbeten jashtë përfaqësimit. E ardhmja të kërkojë përpjekje të tjera më të pastra, më thelbësore”.

Partia Socialiste 91: Korrektim kombëtar pa prag
Gjergj Koja, në emër të partisë më të re opozitare, “Partia Socialiste 91” i dretjoi dy pyetje partive më të mëdha në vend.
“Nëse bëhet fjalë për propozime që ndikojnë hyrjen në Kushtetutë kot flasim. Ka paqartësi në draft. Nuk është e qartë që mandatet ndahen mes koalicioneve apo partia hyn në zgjedhje nëse është pjesë ose jo. Së dyti po e ndërlikojmë kot cështjen. Sistem korrektim kombëtar, korrektim kombëtar pa prag se po vendosëm pragje tjetër gjë”,- theksoi Koja duke shtuar se mbetet për tu parë cështja e minigrupeve dhe koalicioneve.

LSI, Haxhinasto: Barazi vote dhe korrektim kombëtar
Edmond Haxhinasto, në emër të LSI nënvizoi se dy parimet kryesorë të kësaj partie janë barazia në konkurim dhe barazia e votës.
“Ne do dëshironim që vullnetet politike të tranferoheshin në komisionin përkatës parlamentar. Pasi detyrimet tona ndaj sistemit demokratik duhen përfunduar sa më parë. LSI ka qenë e qartë që në fillim të saj, që nga hyrja e saj në skenën politike shqiptare, parimet janë: Barazia në konkurim, që të gjitha partitë politike të kenë mundësi të barabarta për të konkuruar. Parimi tjetër themelor është barazia e votës, që vota të ketë vlerën e saj të njëjtë, që zgjedhësit të kenë peshë të njëjtë pavarësisht ku e hedh votën. Ky parim përkthehet kontretisht dhe me skenëm që mund të ralizohet”,- deklaroi Haxhinasto.

Haxhinasto nënvizoi se sipas LSI zgjidhja e problemit është korrektimit kombëtar dhe zvogëlimi i zonave zgjedhore.
“E para duke amenduar sistemin zgjedhor. Mendoj që mundt të përfshihen në diskutimin e sotëm. Në rast se do ruhet sitemi aktual shohim rrugët për zgjidhje. Për ne me rëndësi që të zvogëlohet numri i zonave zgjedhore në 6, si dhe të kenë numër të barabartë zgjedhësish, dhe e dyta korrrektimi kombëtar”,- theksoi Haxhinasto.

Spartak Ngjela: Zgjidhje vjedhjes së votave
Kreu i Partisë ‘Ligj dhe Drejtësi’ Spartak Ngjela vuri në ukje mungesën e një formule e për për mospërsëritjen e precedentit të vjedhjes dhe manipulimit të votave.
“Këtu nuk shoh një formulë. Unë s’kam ardhur për të lupyr. Këtu voton populli, deri tani janë manipuluar zgjedhjet. Keni gjë për manipulimin dhe vjedhjen. Nëse s’keni gjë ai që ka vjedhur do vjedhë prap. E dyta është të dimë sa mandate do rrinë pezull dhe sa do kalojnë. Këtu ka një kontraditë ndaj nuk kuptoj pse jemi mbledhur”,- deklaroi Ngjela.

Gjinushi: Korrektimi kombëtar heq deformimin e votave
Kreu i Partisë Social Demokrate, Skënder Gjinushi gjatë tryezës së partive të vogla, e vuri theksin edhe njëherë tek korrektimi kombëtar i kodit zgjedhor.
Sipas tij, duke u adoptuar ky propozim nuk do të mund të deformohet më vota.
“Problemi që ngrihet është problemi i deformimit të votës, Realisht ne kemi adoptuar sistemin spanjoll dhe mund të them që është shumë e rrallë të gjesh një sistem spanjoll që deformon votat si në Shqipëri. Ne kërkojmë që të hiqet deformimi i votave, duke futur një metodë të korrektimit kombëtar”, tha ai.

Sipas Gjinushit, propozimet e të vegjëlve do zbusin deformimin e votës, do i krijojnë parlamentit më pak polarizim, si dhe do rrisin stabilitetin e qeverisë.

Reforma zgjedhore, sot tryeza e 23 partive, mungon Meta-Berisha
23 parti parlamentare ose jo, do të mblidhen sot në një tryezë të përbashkët për reformën zgjedhore. Nisma për zhvillimin e kësaj tryeze është marrë nga aleatët e vegjël të socialistëve, të cilët më shumë se sa aleatët e PD-së janë të shqetësuar në lidhje me qëndrimin jo shumë të vendosur të PS-së për të çuar deri në fund porositë e tyre për korrigjim të sistemit zgjedhor.

Në tryezë janë ftuar edhe kryetarët e dy partive të mëdha. Kryetari socialist, Edi Rama mësohet se do të jetë i pranishëm. Ndërsa kryeministri Berisha bëri dje të ditur se do të mungojë për shkak se do të marrë pjesë në inagurimin e fillimit të punimeve të autostradës Tiranës-Elbasan. Ndërkohë burime zyrtare të Lëvizjes Socialiste për Integrim konfirmuan dje për “Gazeta Shqiptare” se në kësaj tryeze do t’i mungojë edhe kreu i LSI-së, Ilir Meta.

LAJMI VIJON

BalkanWeb

[Ingenuous]

TIRANE- Dështon tryeza e partive për reformën zgjedhore. Ndryshimet në kodin zgjedhor duhet të nisin me korrektimin kombëtar të këtij sistemi, pasi ai aktual spanjoll është adaptuar me deformime. Ka qenë kjo kërkesa e 23 partive të vogla, të mbledhura sot në tryezen që zhvillohet për reformën në sistemin zgjedhor. Duke bërë propozimet e tyre përkatëse, përfaqesues të këtyre partive kanë bërë thirrje për një proces gjithëpërfshirës ku të garantohet parimi themelor, ai i barazisë së votës.

Kreu i PDS-së, Paskal Milo dhe bashkëmonitoruesi i kësaj tryeze Arian Madhi (i PR), në hapje të tryezës së partive të vogla për reformën zgjedhore, deklaruan se gara e ardhshme elektorale duhet të jetë e barabartë dhe të plotësojë standardet europiane. Ndërkohë, diskutimet kanë degjeneruar në debate dhe akuza të ndërsjellta mes kryesocialistit Edi Rama, përfaqësuesve të Ballit Kombëtar dhe Partisë Republikane.

Rusmajli: Zbatojmë me përpikmëri rekomandimet e OSBE
Përfaqësuesi i Partisë Demokratike në këtë tryezë, Ilir Rusmajli deklaroi se forca politike që ai përfaqëson është e gatshme të zbatojë në përmirësim të kodit zgjedhor të gjitha rekomandimet e OSBE/ODIHR-it.
“Erdhëm këtu për të dëgjuar shqetësimet e partive të vogla, pamë që pikëpamjet e partive janë të larmishme, dhe duhet që të paraqesim vizionet, na duhet të përballim argumentet për cështjen", tha ai më tej.
Rusmajli deklaroi se PD është e gatshme të pranojë propozimet e partive të vogla.

Rama: S’ka sistem antidemokratik, pro përmirësimit
Kreu i PS Edi Rama gjatë fjalës së tij theksoi se partia e tij do tu përmbahet rekomandimeve dhe standradeve të kërkuara nga ndërkombëtaret për sistemin zgjedhor, ndërkohë nënvizoi se PS nuk kushtëzon reformën zgjedhore për përmirësimin e sistemit.

“Është rast unikal që kërkohet mbështetja e partive të mëdha me të shara. Unë i konsideroj të shara dhe jo kritika. E përsëris kjo nuk ndryshon qëndrimin tonë në parim jemi të fokusuar tek standardet. Në radhë të parë besojmë se sistemi aktual. Dhe konsideroj se deri në momentin që flasim nuk ka asnjë arsye për të mos bërë progres në procesin e reformës zgjedhore. Nuk jemi në përfundmim për të thënë fjalën e fundit por jemi të bindur se me lista zgjedhore transparente dhe të auditueshme para dhe pas zgjedhjeve dhe me identifikim të votuesve me kartën e identiteti dhe përmes teknologjisë së re, me numërim të shpejtë dhe transparent e të ndershëm, gjëra këto që janë diskutuar dhe mbeteten për tu artikuluar ligjërisht, dhe me KQZ të rifomatuar besoj se parimisht kemi një reformë, e cila nuk i jep të drejtë askujt që të thotë na i vodhët, na i morët.”,- deklaroi Rama.

Lideri i PS-së, duke iu drejtuar përfaqësuesve të partive të vogla, ka nënvizuar se PS është e hapur të diskutojë në lidhje me propozimet e tyre, por sic tha ai, nuk duhet folur për një sistem antidemokratik.
“Ju keni kërkuar nga ne një qendrim për korrektimin kombëtar, nuk besoj që mund të na korrektoni opinionet. Për korrektimin hajdeni diskutojmë, nuk mund të shani sistemin nuk është e denjë. E përsëris, nëse ky sistem funksionoka demokratikisht diku tjetër, të flasim për faktin se cfarë e bën të mos funksionojë këtu. Pra e bën procesi i deformuar, tek listat, identifikimi, administrimi, numërimi. Nuk ka sistem demokratik dhe antidemokratik njëkohësisht. Nuk mendoj që PS apo PD kur keni votuar për këtë sistem kemi bërë një votim jo demokratik. I qendroj zgjedhjes, nuk ka lidhje me antidemokratik”, nënvizoi ai.

Rama replika dhe batuta me ‘ballistët’
Tryeza e politike për reformën zgjedhore ka degjeneruar në akuza dhe batuta mes kryesocialistit Edi Rama me përfaqësuesit e Ballit Kombëtar dhe Partisë Republikane.
Rama-Spahiut
Ekrem ti e the dhe vetë se në burg të ka fuksionuar partia. Ti mos u qaj dhe mos më ndërprit. Po të ishe kaq i fortë ndërprisje Enver Hoxhën jo mua. Kështu erdhi puna se edhe Balli Kombëtar kërkoi ndihmë nga parti të majta.
Roshi:
Mos trego përralla, keni marë vota me Kushtetute apo jo?
Milo:
Ju lutem mos replikoni
Rama:
Unë nuk ndërpreva njeri. Zakonisht ju hanit pula, lepuri ju ka mbetur në bark.
Roshi:
Me këto pseudo batuta nuk funksionon
Alimadhi:
Ju Rama keni nxjerrë njerëzit zvarrë në burgje. Ty nuk të shkon të shprehesh kështu, lëri pulat. Se ju keni ngrënë koka njerëzisht. Këtu e gjete ti të flasësh për ballistët.
Rama:
E kam pikë të dobit Ballin Kombëtar.
Alimadhi-Rames:
Pse zgërdhihesh.
Rama – Milos:
A mund t’i mbash në rresht ti këta? Se asaj pune s’keni çfarë t’i bëni.
Alimadhi:
Mos u shpreh më kështu se është hera e dyte që merreni me pulat dhe ballistët.
Rama: I paske shënuar?

Replika e Ngjelës: Mos vendosni kushte në tryezë
Spartak Ngjela duke replikuar me Arian Madhin, një nga monitoruesit e tryezës i kërkoi që të mos vendoset kushte në tryezë.
“Kemi ardhur për debat nuk mund të më vendosësh kushte. Kemi bërë gabim që kemi ardhur nuk ishte gjë kaq e rëndësishme. Jeni në vetë apo jo, këtu flet njeriu si të dojë. Hajde të bisedojmë na jepni projekte. E vetmja gjë është se na janë vjedhur votat. Këtu kam ardhur të rregulloj kryeministrin që vjedh votat. Jam për mazhoritar të pastër, jo për këtë lojë. Manipuluesin e votave e kemi, por nuk do e lëmë këtë radhë. Ju nuk ju ka ardhur kryesori. Jua jap unë zgjidhjen, republikanët, LSI dhe tre katër parti rrëzoni kryeministrin dhe shpëtoni gjendjen. Nëse na kini për të tallur”,- theksoi Ngjela.
Paskal Milo si përgjigje tha se tryeza është mbledhur për të diskutuar për parimet dhe kushdo ka të drejtë të flasë.

Petro Koci: Korrektimi i pamjaftueshëm për të shëruar sistemin
Kreu i PSV 91, Petro Koci e cilësoi kërkesën për korrektim kombëtar si një hap të vogël për ta korigjuar kodin zgjedhor.
Sipas tij, “Sistemi aktual është i sëmurë, pasi kodi elektoral legalizon vjedhjen me ligj, qindëra qytetarë mbeten të papërfaqësuar. Drafti i sotëm propozon një korrigjim brenda koalicioneve, që bëhet në kushtet e dëshpërimit, është një hap i vogël për të korrigjur një pjesë të defekteve. Në parim jam dakort por është e pamjaftueshme për ta shëruar sistemin”, tha ai.

Koci nënvizoi se, “çështja ka lidhje me demokracinë, me qyetarët që mbeten jashtë përfaqësimit. E ardhmja të kërkojë përpjekje të tjera më të pastra, më thelbësore”.

Partia Socialiste e Moderuar: Korrektim kombëtar pa prag
Gjergj Koja, në emër të partisë më të re opozitare, “Partia Socialiste e Moderuar” i drejtoi dy pyetje partive më të mëdha në vend.
“Nëse bëhet fjalë për propozime që ndikojnë hyrjen në Kushtetutë kot flasim. Ka paqartësi në draft. Nuk është e qartë që mandatet ndahen mes koalicioneve apo partia hyn në zgjedhje nëse është pjesë ose jo. Së dyti po e ndërlikojmë kot cështjen. Sistem korrektim kombëtar, korrektim kombëtar pa prag se po vendosëm pragje tjetër gjë”,- theksoi Koja duke shtuar se mbetet për t'u parë cështja e minigrupeve dhe koalicioneve.

LSI, Haxhinasto: Barazi vote dhe korrektim kombëtar
Edmond Haxhinasto, në emër të LSI nënvizoi se dy parimet kryesorë të kësaj partie janë barazia në konkurim dhe barazia e votës.
“Ne do dëshironim që vullnetet politike të tranferoheshin në komisionin përkatës parlamentar. Pasi detyrimet tona ndaj sistemit demokratik duhen përfunduar sa më parë. LSI ka qenë e qartë që në fillim të saj, që nga hyrja e saj në skenën politike shqiptare, parimet janë: Barazia në konkurim, që të gjitha partitë politike të kenë mundësi të barabarta për të konkuruar. Parimi tjetër themelor është barazia e votës, që vota të ketë vlerën e saj të njëjtë, që zgjedhësit të kenë peshë të njëjtë pavarësisht ku e hedh votën. Ky parim përkthehet kontretisht dhe me skenëm që mund të ralizohet”,- deklaroi Haxhinasto.

Haxhinasto nënvizoi se sipas LSI zgjidhja e problemit është korrektimit kombëtar dhe zvogëlimi i zonave zgjedhore.
“E para duke amenduar sistemin zgjedhor. Mendoj që mundt të përfshihen në diskutimin e sotëm. Në rast se do ruhet sitemi aktual shohim rrugët për zgjidhje. Për ne me rëndësi që të zvogëlohet numri i zonave zgjedhore në 6, si dhe të kenë numër të barabartë zgjedhësish, dhe e dyta korrrektimi kombëtar”,- theksoi Haxhinasto.

Spartak Ngjela: Zgjidhje vjedhjes së votave
Kreu i Partisë ‘Ligj dhe Drejtësi’ Spartak Ngjela vuri në ukje mungesën e një formule e për për mospërsëritjen e precedentit të vjedhjes dhe manipulimit të votave.
“Këtu nuk shoh një formulë. Unë s’kam ardhur për të lupyr. Këtu voton populli, deri tani janë manipuluar zgjedhjet. Keni gjë për manipulimin dhe vjedhjen. Nëse s’keni gjë ai që ka vjedhur do vjedhë prap. E dyta është të dimë sa mandate do rrinë pezull dhe sa do kalojnë. Këtu ka një kontraditë ndaj nuk kuptoj pse jemi mbledhur”,- deklaroi Ngjela.

Gjinushi: Korrektimi kombëtar heq deformimin e votave
Kreu i Partisë Social Demokrate, Skënder Gjinushi gjatë tryezës së partive të vogla, e vuri theksin edhe njëherë tek korrektimi kombëtar i kodit zgjedhor.
Sipas tij, duke u adoptuar ky propozim nuk do të mund të deformohet më vota.
“Problemi që ngrihet është problemi i deformimit të votës, Realisht ne kemi adoptuar sistemin spanjoll dhe mund të them që është shumë e rrallë të gjesh një sistem spanjoll që deformon votat si në Shqipëri. Ne kërkojmë që të hiqet deformimi i votave, duke futur një metodë të korrektimit kombëtar”, tha ai.

Sipas Gjinushit, propozimet e të vegjëlve do zbusin deformimin e votës, do i krijojnë parlamentit më pak polarizim, si dhe do rrisin stabilitetin e qeverisë.

PDS, Milo: Garë të barabarte
Kreu i PDS, Paskal Milo në hapje të tryezës së partive të vogla për reformën zgjedhore deklaroi se gara e ardhshme elektorale duhet të jetë e barabartë dhe të plotësojë standartet europiane.

“Gara e ardhshme të jetë e barabartë dhe të plotësojnë ashtu si na kërkohet nga faktorët ndëkombëtar të gjitha standartet e duhura për të plotësuar kriteret e nevojshme për integrimin e Shqipërisë. Shqetësimi ynë ka qenë që së bashku të realizojmë atë që kemi menduar që në nisje, tranparenca dhe gjithëpërfshirja. Ne kemi shpresë që faktorët politikë do dëgjojnë me vemëndje shqetësimet tona që vijnë nga ideja që ne të kontribuojmë të gjithë së bashku, të hartojmë një kod zgjedhor për zgjedhje të lira dhe të ndershme”,- deklaroi Milo, njëri nga monitoruesit e tryezës.

PR, Madhi: Gjithëpërfshirja rëndësi të veçantë
Kreu i grupit parlamentar të PR-së Arian Madhi gjatë fjalës së tij nënvizoi se barazia e votës është një nga parimet themelore për standaarte demokratike.
“Reformat janë kush i anëtarësimit . Kjo nuk është hera e parë dhe as e fundit që zgjidhim problemet me tranparencë dhe konsensus dhe kompromis. Nëse ne do bëjmë gabime disa ditë, do të paguajmë për shumë gjatë. Ne nuk do lejojmë luksin te kemi që kodi zgjedhor të kalojë parimet Kushtetuese. Parimi themelor është barazia e votes ose zgjedhje të barabarta”,- deklaroi Madhi, njëkohësisht bashkëmonitorues i tryezës.

Reforma zgjedhore, sot tryeza e 23 partive, mungon Meta-Berisha
23 parti parlamentare ose jo, do të mblidhen sot në një tryezë të përbashkët për reformën zgjedhore. Nisma për zhvillimin e kësaj tryeze është marrë nga aleatët e vegjël të socialistëve, të cilët më shumë se sa aleatët e PD-së janë të shqetësuar në lidhje me qëndrimin jo shumë të vendosur të PS-së për të çuar deri në fund porositë e tyre për korrigjim të sistemit zgjedhor.

Në tryezë janë ftuar edhe kryetarët e dy partive të mëdha. Kryetari socialist, Edi Rama mësohet se do të jetë i pranishëm. Ndërsa kryeministri Berisha bëri dje të ditur se do të mungojë për shkak se do të marrë pjesë në inagurimin e fillimit të punimeve të autostradës Tiranës-Elbasan. Ndërkohë burime zyrtare të Lëvizjes Socialiste për Integrim konfirmuan dje për “Gazeta Shqiptare” se në kësaj tryeze do t’i mungojë edhe kreu i LSI-së, Ilir Meta.

(el.me/ma.ar/BalkanWeb)

[Ingenuous]

TIRANË-
Partia Socialiste ashtu sic edhe kishte paralajmëruar ka firmosur deklaratën e partive të vogla, të cilat kërkojnë që ndryshimet në kodin zgjedhor të nisin me korrektimin kombëtar të këtij sistemi, pasi ai aktual spanjoll sipas tyre është adaptuar me deformime.

Tashmë pritet një përgjigje përfundimtare nga ana mazhorancës, pasi vetëm firma e tyre mungon, duke qënë se LSI ka dhënë konfirmimin e saj pro për këtë cështje.

Kreu i Partisë Socialiste, Edi Rama ka mbledhur mesditën e sotme në selinë rozë krerët e partive pjesë të koalicionit opozitar, pas tryezës së djeshme të partive të vogla për reformën zgjedhore, e cila dështoi. PS ka dhënë konsensusin e saj për pretendimin e partive të vogla sa i takon korrektimit të sistemit dhe barazisë së votave, pas debateve të forta mes kryesocialistit Rama me aleatët e saj, por edhe të mazhorancës.

“Të vegjlit” nuk mundën dje t’iu impononin propozimet e tyre dy partive të mëdha, PD e PS. Këtë përgjigje ata e morën nga kryesocialisti, Edi Rama si dhe përfaqësuesi i selisë blu, Ilir Rusmali, të cilët ishin të pranishëm në këtë takim. Kreu i PS-së, Edi Rama deklaroi se sistemi është demokratik. Rama tha se nuk do ta kushtëzojë hartimin e ligjit të ri zgjedhor me ndryshimin e sistemit, duke lënë të kuptohet se mund të mbështesë PD-në në rast kundërshtimi. Diskutimet degjeneruan në debate dhe akuza të ndërsjellta mes kryesocialistit Edi Rama, përfaqësuesve të Ballit Kombëtar dhe Partisë Republikane.
(el.me/BalkanWeb)