Reforma Zgjedhore, zbardhet pakti: PD merr kreun e KQZ, PS fiton hapjen e kutive

[Ingenuous]

Ambasadorja amerikane e ka vënë theksin te konsensusi politik si një kusht që e kërkojnë ndërkombëtarët në procesin e integrimit të Shqipërisë

Ambasadorja amerikane, Marcie Ris mbështeti dje pasdite iniciativën e fundit parlamentare për të ngritur një komision të posaçëm për reformën zgjedhore. Sipas saj, fillimi i konsensusit për zgjedhjet do të jetë një shenjë e mirë për të gjitha proceset e mëtejshme në Shqipëri. Marcie Ris e ka vlerësuar angazhimin e palëve që ky komision të realizoj reformën e re zgjedhore si dhe në të, të marrin pjesë të gjitha partitë politike shqiptare. “Vlerësoj propozimin për krijimin e një komisioni parlamentar me përfaqësues nga të gjitha palët. Kjo do t’i bënte gjërat më të thjeshta”, - tha Ris, në takimin e parë zyrtar që zhvilloi dje me ministren e Integrimit, Majlinda Bregu. Ambasadorja amerikane e ka vënë theksin te konsensusi politik, pikërisht në takimin me ministren e Integrimit, pasi konsensusi për reformat në Shqipëri është një kusht që e kërkojnë ndërkombëtarët në procesin e integrimit të Shqipërisë në organizma të ndryshme evropiane dhe euroatlantikë. Sipas saj, nëse konsensusi do të funksionojë në këtë komision, atëherë do të bëhet më e lehtë zgjedhja e Presidentit të Republikës që do të bëhet në qershor të këtij viti. “Konsensusi vlen edhe për zgjedhjen e Presidentit, që ngjan më shumë me një reaksion kimik, ku duhet të jenë të gjithë elementët, në mënyrë që ai të realizohet”, - deklaroi ajo më tej në këtë takim. Ris lë të kuptohet, që i njëjti angazhim për konsensus kërkohet nga të gjitha palët e politikës, të cilat do të jenë pjesë, si të hartimit të reformës zgjedhore, ashtu dhe të zgjedhjes së Presidentit të Republikës. Gjatë bisedës me Bregun, ambasadorja amerikane e siguroi ministren se do të ketë mbështetjen e SHBA-së në proceset integruese të Shqipërisë. Sipas saj, edhe pse SHBA-ja nuk është pjesë e Bashkimit Evropian, është e gatshme ta ndihmojnë vendin tonë për të përmbushur të gjitha detyrimet që rrjedhin nga proceset e integrimit. Një nga këto detyrime janë edhe arritja e standardeve evropiane në mbajtjen dhe administrimin e zgjedhjeve. Ditën e hënë, në mbledhjen e grupit parlamentar të PD-së, Kryeministri Berisha u kërkoi deputetëve të partisë së tij, që gjatë kësaj jave të mbështesnin idenë e Topit për krijimin e komisionit parlamentar të reformës zgjedhore. Sipas tij, PD-ja mbetet e hapur për konsensus për reformën zgjedhore, prandaj duhet që palët të angazhohen në këtë komision. Kryetari i grupit parlamentar të PD-së, Topi e ka konsideruar si tepër të rëndësishëm funksionimin e këtij komisioni, i cili do të arrijë që me konsensusin e të gjitha palëve, të bëjë të mundur ndryshimet që kërkohen edhe në Kushtetutën e Shqipërisë.

BalkanWeb.

[King_Arthur]

Marcie Ris kjo te shikoje te japi me shume viza ne ambasaden e saj se sa te merret me politiken shqiptare . se e kane bere ambasaden si zyre te FBI .
si japin njerze viza .

[Ingenuous]

Nje shtet i qendrueshem ngrihet vetem mbi voten e lire dhe demokratike dhe kjo eshte jo vetem nje e vertete kushtetuese, por dhe e provuar ne te gjithe vendet e zhvilluara qe nuk quhen Shqiperi.

Per kete arsye kaq te thjeshte, reforma zgjedhore dhe procesi zgjedhor qe vjen prej tij jane jetike per qendrueshmerine dhe jetegjatesine e nje shteti. Shqiperia qe mbas viteve '90 e deri me sot ka qene nje kavie e aplikimeve te te gjitha sistemeve zgjedhore, por paperjashtimisht te gjitha kane qene te deformuara dhe te keqzbatuara nga ne shqipfolesit. Pasi mbi te gjitha per ne qendron perfitimi i menjehershem dhe per me keq si ekskluzivitet i nje grupi te caktuar njerezish qe quhen politikane.

Prej 15 vjetesh Shqiperia mbetet peng i miopise se shtetareve dhe politikes.

Mirulexofshim.

[Brari]

sepse sa do te ndryshojne format e votimit ps-ja koburen ka mjetin e saje kryesor..

ne 3 korrik e vrate nje komisioner me guerilsin kull .. tani e vrate tjetrin me bedelin nerjak..

pse igen goxha djale hipokrizine e ps e ke ven ne balle si prozhektor e don te na ndricosh ketu..

sa keq..

[Ingenuous]

Je i papare , ku e gjete PS apo PD tek shkrimi im i meparshem!? Po mjaft se na lodhe me "nerjakun", pa pa pa, ne cdo shkrim po se permende ma merr mendja se te del gjumi naten!

Ti kthehemi temes:

Jemi i vetmi shtet ne Evrope qe nuk kemi karta identiteti, nuk kemi sistem adresor, ende shteti shqiptar nuk di ku i ka shtetasit si brenda dhe jashte vendit. Shqiperia nuk ka regjister civil, nga i cili dhe mbi te cilin do te ngriheshin te gjitha te dhenat qe i duhen shtetit per rendin publik, sigurimet shoqerore, sherbimin shendetesor, sherbimin arsimor, sherbimet publike (uje drita, telefon etj) derivat i ketij regjistri do ishte dhe regjistri i zgjedhesve dhe regjistri i emigranteve.

Por qe te realizohet ky regjister, ose thene me konkretisht regjistrimi real i popullsise, perveç procedurave tashme te konsumuara dhe te mirefunksionuara ne vendet e tjera, duhet vullnet dhe vizion politik.

Mirulexofshim

[MaDaBeR]

Ka disa kohe qe po behet shume zhurme rreth Reformes Zgjedhore. Ka disa muaj qe eshte ngritur nje komision i posaçem per kete reforme me dy bashkekryetare nga dy partite e medha. Por, deri me tani asgje nuk eshte bere, asnje hap i rendesishem nuk eshte marre ende. Ky komision ka tejkaluar dy mandate dhe eshte ne fundin e te tretit. Kjo reforme eshte nje nga kushtet qe i eshte vene Shqiperise per antaresimin ne NATO.

Nqs reforma ne Drejtesi ka ecur me hapa te kenaqshme dhe jane miratuar disa ligje te rendesishme te saj, ne reformen zgjedhore akoma nuk eshte vendosur se çfare sistemi do te perdoret. Partia Demokratike dhe ajo Socialiste jane parimisht dakort per nje sistem elektoral "Proporcional Rajonal". Por, kundra ketij sistemi jane te gjitha partite e vogla, te cilat demtohen shume nga ky lloj sistemi. Ata propozojne nje sistem elektoral "Proporcional te Personalizuar" ose nje sistem elektoral nga ku 70 deputete te dalin nga listat e mazhoritarit ndersa 70 te tjere nga listat shumeemerore te partive. Gjithashtu partite e vogla, perjashto ketu LSI jane totalisht kundra rritjes se pragut elektoral. Ata shprehen gjithashtu, se nese zgjidhet qe ne zgjedhjet e ardshme me nje sistem elektoral "Proporcional", listat te jene te hapura e jo te mbyllura ashtu siç deshirojne dy partite e medha.

Per te kundershtuar nismen e dy partive te medha, te voglat kane deklaruar se do te ndjekin çdo hap kushtetues per te mos miratuar propozimin e dy partive te medha, duke filluar qe nga bllokimi ne parlament. Por, duke patur friken se mund te kete rrjedhje votash ne parlament, te voglat jane te gatshme te ndermarrin dhe nismen per nje referendum popullor e te vendose vete populli per sistemin elektoral.

1- A mendoni se do te kete nje konsesus te gjere midis te gjitha forcave per kete reforme?
2- Çfare sistemi elektoral propozoni ju anetaret e forumit?
3- A mendoni se reforma do te miratohet perpara javes se pare te Prillit, kohe ne te cilen do te shqyrtohet dhe Pranimi ose Mospranimi i Shqiperise ne NATO?

[RaPSouL]

Pas kritikave të ndërkombëtarëve, mazhoranca i lutet opozitës për konsensus. Rrezikohen "zgjedhjet" dhe "drejtësia". Afati i fundit, muaji shtator

Partia Demokratike do ta ketë të vështirë për të marrë konsensusin e opozitës për reformën në drejtësi dhe atë zgjedhore. Kritikat e fundit të ndërkombëtarëve ndaj qeverisë "Berisha" kanë trembur demokratët, duke kërkuar 20 ditë përpara "OK"-in e opozitës për reformat që nuk i realizoi dot gjatë sesionit të kaluar parlamentar. Afati limit që Partia Demokratike ofron për mbylljen e këtyre reformave është fundi i muajit shtator. Megjithëse të gjithë deputetët kanë ikur me pushime, madje edhe krerët e shtetit vazhdojnë turin e tyre jashtë Shqipërisë, zëdhënësi i grupit kuvendor të PD-së, Aldo Bumçi, në krye të detyrës edhe në mesin e muajit gusht ka dalë për t`i lypur konsensusin opozitës. Bumçi shprehet se në rastin e reformave nuk duhet shtruar çështja e votave, por sipas tij e rëndësishme është arritja e konsensusit mes mazhorancës dhe opozitës për këto dy reforma të rëndësishme për demokracinë në vend. Qëndrimi i fundit i opozitës në mbledhjen e fundit të Parlamentit është lënë i qartë: gjithçka do të varet në dorë të konsensusit që do të ofrojë mazhoranca. Për fatin e keq, kjo e fundit, sipas ndërkombëtarëve, ka kryer hapa mbrapa në kryerjen e reformave dhe me mungesën e bashkëpunimit me partitë e tjera, çka rrezikon edhe integrimin e vendit në strukturat euro-atlantike.

Reforma zgjedhore

Kodi i ri elektoral pritet të sjellë trazira të mëdha në të gjithë spektrin politik. PD dhe PS janë më të fituarat nga ky kod, nga ku pritet t`i japin shkelmin e madh ekzistencës së partive të vogla. Komisioni i Reformës Zgjedhore i rimandatuar sërish nga Kuvendi pritet të përgatisë brenda shtatorit draftin përfundimtar. PD është në pritje të një përgjigjeje nga kampi rozë, ndërkohë që premton me çdo kusht që drafti për reformën do të përfundojë në shtator.

Reforma në drejtësi

Bumçi thotë se për sa i përket reformës në drejtësi dhe më konkretisht debatit për varësinë nga Ekzekutivi apo jo të prokurorisë, kjo është një çështje e mbyllur dhe e sanksionuar qartë në Kushtetutë. Dy ditë më parë, partitë e vogla kanë cilësuar si të dështuar misionin e Parlamentit për kryerjen e reformave, ndërkohë që zhvillime të rëndësishme politike pritet të vijnë në skenën politike në 20 ditët e ardhshme.

Bashkëpunimi me opozitën

Mazhoranca prej kohësh ka shprehur hapur vendosmërinë për të bashkëpunuar me opozitën për reformën zgjedhore dhe atë në drejtësi. Deputeti Bumçi pohon se reformat janë të lidhura drejtpërdrejt me formimin e shtetit. Sipas Bumçit, bashkëpunimi nuk do të jetë për hir të votave të kartonëve, por për shkak se reformat janë të lidhura drejtpërdrejt me formimin e shtetit. "Reformat zgjedhore nuk mund të bëhen pa opozitën, sepse zgjedhjet janë themeli i demokracisë dhe stabilitetit politik të vendit", tha Bumçi. Ai shtoi se pjesa thelbësore e reformës që ka të bëjë me ndryshimet kushtetuese u krye. "Ky është një themel shumë i rëndësishëm i reformave në vend, që nuk mund të bëhen pa opozitën, jo thjesht për numër votash, por për hir të çështjeve që mund të preken". Ish-ministri i Drejtësisë, Aldo Bumçi, shtoi gjithashtu se reforma në drejtësi është një bosht i rëndësishëm i qeverisjes së vendit. "Ne kemi kaluar bashkërisht me opozitën në Parlament ligjin për pushtetin gjyqësor, që është një nga ligjet kryesore të sistemit të drejtësisë". Bumçi shpreson sërish në bashkëpunimin me opozitën për miratimin edhe të ligjeve të tjera që kanë të bëjnë me reformën në drejtësi, si një pjesë që konsiderohet shtyllë e shtetit dhe që s‘ka lidhje as me PD-në dhe as me PS-në.

Opozita:

PD-ja të ndryshojë qëndrim


Opozita ka shprehur qartë vendimin e saj: në rast se mazhoranca do të vazhdojë të mbajë të njëjtin qëndrim, nuk do të ketë bashkëpunimin që pret me opozitën për reformat. Qëndrimi i PS-së është bërë i qartë pas përfundimit të mbledhjes së fundit të Komisionit të Ligjeve nga bashkëkryetari Fatmir Xhafa. Reagimi i mazhorancës për anëtarët e rinj të Gjykatës së Lartë ka ashpërsuar socialistët në deklaratat e tyre, që premtuan edhe bojkotimin e reformës në drejtësi. Megjithëse kapitulli i kësaj loje për gjyqtarët e lartë u mbyll, çështje të tjera që kërkojnë konsensusin e partisë më të madhe opozitare do të shfaqen në horizontin e politikës në muajin shtator.


Sesioni i ri parlamentar nis me reformën në drejtësi dhe atë zgjedhore


Konsensusi PD-PS, në rrezik pas kritikave të ndërkombëtarëve



Reformat që njohin vetëm shtyrje nga ana e parlamentarëve janë në prag të dështimit. Me nisjen e sesionit të ri parlamentar pritet që reforma në sistemin e drejtësisë, së bashku me reformat e tjera, sidomos ajo zgjedhore, të zënë pjesën më të madhe të diskutimit dhe të debatit parlamentar. Por, ndryshe nga sesioni i shkuar, ku vlen për t‘u theksuar se disa ndryshime të rëndësishme, siç ishin ato të Kushtetutës së Shqipërisë dhe të Rregullores së Kuvendit, që u miratuan me konsensus, reforma në drejtësi duket se nuk do ta ketë fat. Opozita është acaruar mjaft pas votimit të fundit në Kuvend të anëtarit të ri të KLD-së. Kjo, pasi Kryetarja e Kuvendit, Topalli, i injoroi një pjesë të mirë të firmave të deputetëve, të cilët kishin firmosur për futjen në garë edhe të dy emrave të tjerë, të cilët nuk u paraqitën fare në tryezën e punës së Komisionit të Ligjeve. Pikërisht refuzimi dhe mungesa e argumenteve nga mazhoranca solli qëndrimin e opozitës, duke theksuar se nuk do të pranonte të ishte palë në lojën e uzurpimit të institucioneve. Ndaj, nëse do të vazhdohej kjo, ata nuk do të uleshin në tryezën e përbashkët për të diskutuar mbi realizmin e kësaj reforme. Por, sesi do t‘i shkojë fati reformës në drejtësi, nëse do të realizohet brenda këtij mandati të Kuvendit apo jo, kjo mbetet për t‘u parë në sesionin e ri që do të hapet në shtator. Acarimi i frymës së bashkëpunimit mes mazhorancës dhe opozitës, që u karakterizua këta gjashtë muajt e fundit, duket se do të ndikojë në realizmin e reformave në vend. Kjo u duk më së miri që në fund të këtij sesioni, ku PD-ja dhe PS-ja nuk arritën të realizojnë një nga reformat kryesore dhe të domosdoshme për vendin, siç është ajo zgjedhore, duke pasur parasysh se po futemi në vitin elektoral. Të njëjtin fat me reformën zgjedhore duket se do të ketë edhe reforma në sistemin e drejtësisë, e cila prej disa muajsh ka provuar shijen e keqe të shtyrjes pa fund. Në mbledhjen e fundit të Komisionit të Ligjeve, bashkëkryetari i këtij komisioni, deputeti i PS-së, Fatmir Xhafa, në mënyrë indirekte bëri të ditur para mediave se nuk kishte më një marrëveshje mes PD-së dhe PS-së për reformën në drejtësi, nëse mazhoranca do të vazhdonte të mbante të njëjtin qëndrim, sidomos për zgjedhjen e anëtarëve të rinj në institucionet kushtetuese, ku nuk është marrë fare parasysh mendimi i opozitës. Nëse do të vazhdojë kjo "lojë" e demokratëve, tha Xhafa, PS-ja do të bojkotojë reformën në drejtësi. Aktualisht reforma në sistemin e drejtësisë sapo ka nisur. Me konsensus mes tyre, PD-ja dhe PS-ja arritën të mbyllin vetëm kapitullin e parë të reformimit të këtij sistemi, funksionimin e sistemit gjyqësor të Shkallës së Parë. Ndërkohë që kanë mbetur pa u prekur fare pjesët e tjera të këtij kapitulli mjaft të rëndësishëm, siç është reformimi i ligjit për organizimin dhe funksionimin e organit të prokurorisë, organizimi dhe funksionimi i Këshillit të Lartë të Drejtësisë, si dhe organizmi dhe funksionimi i Ministrisë së Drejtësisë, por edhe i gjykatave të tjera, siç është Gjykata e Lartë dhe Gjykata e Apelit.



Sesioni i ri


Spiunët, PD-ja dështon me dosjet


Ndodhi ajo që pritej nga premtimi i PD-së për hapjen e dosjeve brenda këtij sesioni parlamentar. Partia Demokratike ka dështuar me misionin e hapjes së dosjeve të spiunëve, duke e lënë këtë çështje për muajin shtator, që gjithashtu si destinacion ka dështimin. Pavarësisht premtimeve për hapjen e dosjeve brenda muajit korrik, PD ndryshon qëndrim, duke e lënë këtë çështje për muajin shtator. Megjithatë vazhdon të jetë skeptik qëndrimi i një grupi të konsiderueshëm deputetësh, se dosjet do të hapen një ditë, duke deklaruar se ato po përdoren si mjet shantazhi politik.

Zhurmat e mëdha politike do të rikthejnë në lojë çështjen e hapjes së dosjeve. Kështu ndodhi edhe dy muajt e fundit, ku PD-ja u përplas fuqishëm me Presidentin Topi për dekretet e Gjykatës së Lartë, çka bëri që Partia Demokratike të rihapë me vrull debatin e spiunëve. Pesë dekretet e Topit për emërimet në Gjykatën e Lartë, pa pyetur PD-në, kanë alarmuar Kryeministrin Berisha dhe Jozefina Topallin gjithashtu. Frustrimi preku edhe shumë deputetë të tjerë të PD-së, çka e detyroi Berishën të rihedhë në skenë çështjen e dosjeve me premtimin se ato do të hapen brenda këtij sesioni parlamentar.



Albania

[Deni_Boy]

TIRANE- Gjatë mbledhjes së sotme të grupit Parlamentar të Partisë Demokratike, kryeministri i vendit Sali Berisha u ndal në reformat e thella të realizuara gjatë qeverisjes 3 vjecare. Berisha falenderoi deputetët e mazhorancës për kontributin e tyre, duke u shprehur se kjo është mazhoranca që shkëputi burokracinë shqiptare nga praktikat e komunizmit.

“Është për mua një rast i vecantë t’ju shpreh juve dhe gjithë deputetëve të mazhorancës por edhe aleatëve mirënjohjen më të thellë, për punën dhe përkushtimin. Nga shtatori i vitit 2009 deri në korrik 2011 ju keni shqyrtuar, diskutuar, miratuar 454 akte, të cilat qendrojnë në themelin e atij universi reformash që po ndryshon cdo ditë Shqipërinë. Në këtë hark kohor ju keni miratuar 308 ligje, 111 vendime, 35 rezoluta, bazë këto e një tërësie reformash transformuese. Ju jeni mazhoranca që shkëputët burokracinë shqiptare nga praktikat e komunizmit, duke zëvendësuar atë praktikë me standartet e vendeve të lira”, tha Berisha.

Kryeministri renditi një sërë reformash që bënë të mundur zhvillimin e mëtejshëm, ndërsa e ndali vëmendjen e tij tek ngecja e reformës zgjedhore dhe mos miratimi i ligjit për gjykatën administrative. Kryeministri tha se këto reforma u penguan nga politika bllokuese që ndoqi lideri i PS-së Edi Rama.

“Për fat të keq nuk u kopletua reforma zgjedhore në bazë të rekomandimeve të OSBE. Nuk u miratua në parlament ligji për gjykatën Administrative. Nuk u miratua dot kodi për transportin ajror, ndonëse tek këto nuk ka asgjë partiake, disa nga reformat ngecën për shkak të vendimit të zotit Rama për të përdorur fuqinë e tij, pushtetitn që sovrani i ka dhënë për të bllokuar dhe jo votuar”, tha Berisha.

Kreu i ekzekutivit u shpreh se qendrimet e opozitës për të bllokuar këto reforma kaq të rëndësishme ndeshën në kundërshtimin e qytetarëve, të cilët në 8 maj rrëzuan Ramën, pasi ishin të lodhur nga thirrjet për bojkot. Berisha u shpreh i gatshëm dhe i hapur të bashkëpunojë me opozitën.

“Kemi të bëjmë me një qendrim fashist. Ky ishte pengu i fundit i një fjalori që ka mërzitur aq shumë shqiptarët të cilët ditën të qendrojnë ndaj tij në 8 maj. Ne vazhdojmë të jemi të hapur. Cdo forcë politikë mund të zgjedhë qendrimin e saj, Rama beson se bojkoti ishte strategji e sukseshme por po të lexojë mesazhet e shqiptarëve mund të nxjerrë një konkluzion tjetër. Rama dontë ti bënte referendum kundër qeverisë në 8 Maj, por rezultati ishte i kundërt me pritshmëritë e tij”, tha Berisha.

Në kuadër të bashkëpunimit Berisha përmendi edhe letrën e hapur që kreu i grupit të PD-së Astrit Patozi i dërgoi homologut të tij Ruci, për nisjen e hartimit të reformës zgjedhore, letër kjo që ende nuk ka marrë një përgjigje.

"Pak ditë më parë zoti Patozi iu drejtua me një letër zotit Ruci, që të nisin punën edhe gjatë këtij sesioni për të dërguar sinjalet më positive për plotësimin e rekomandimeve të OSBE-ODIHR, por pa marrë asnjë përgjigje. Sigurisht që do protet raporti i këtyre zgjedhjeve, për të njohur me rekomandime të reja. Ne jemi të hapur për bashkëpunim me opozitën”, tha më tej kryeministri.

BERISHA: KAMPIN E SPAÇIT DO TA SHNDËRROJMË NË MUZE KOMBËTAR
Kryeministri Berisha, ndwr tw tjera se qeveria do të vendosë për shndërrimin në muze kombëtar të ish-kampit të përqëndrimit në Spaç. Duke informuar deputetët demokratë për një takim të sotëm të tij, me një përfaqësi të ish-të përndjekurve politikë të regjimit komunist, ai tha se ata i paraqitën një sërë kërkesash, të bazuara në rezolutën e parlamentit shqiptar të vitit 2006.

"Të përndjekurit kërkojnë një riskedulim në përputhje me disbursimet për dëmshpërblimet e tyre", tha Berisha, ndërsa premtoi se qeveria do t'i trajtojë me përparësi këto kërkesa, duke iu dhënë atyre përgjigjen më të drejtë.

Ai përsëriti para deputetëve demokratë se shtresa e ish-të përndjekurve do të mbetet në vëmendjen e qeverisë me qëllim kthimin e dinjitet të çdo ish-të dënuari politik.
(m.a/BalkanWeb)

[Albo]

Ligji i zgjedhjeve, Katër aleatë kundër Ramës: Na tradhtoi

Gjinushi, Milo, Ndoka e Koçi: Po përsërit gabimet e 2009, Kreu i PS: Reagim në tym, sistemin s’e kemi ne në dorë.

Aleatët kryesorë të Partisë Socialiste kanë lëshuar dje një apel të fortë ndaj liderit të opozitës, Edi Rama, për të pranuar kërkesën e ndryshimit të sistemit zgjedhor. Në të kundërt, ata paralajmërojnë “divorcin” nga koalicioni. Kryetari i PSD-së, Skënder Gjinushi, kreu i PDS-së, Paskal Milo, Nard Ndoka i PDK-së dhe Petro Koçi i PSV91, kanë fajësuar dje kryesocialistin Rama se ka tradhtuar marrëveshjen me aleatët duke ripërsëritur skenarin e vitit 2009. Të “vegjlit” në opozitë kërcënojnë liderin e Partisë Socialiste se në zgjedhjet e 2013-s, nëse sistemi nuk ndryshon, atëherë ata do të garojnë në një pol të ri. Për Skënder Gjinushin reagimi i partive të vogla është një kambanë për Partinë Socialiste që, sipas tij, po shkon drejt humbjes së radhës nëse nuk forcon aleancat. “Këto taktika të gabuara, ky mentalitet i gabuar, këto lëvizje të njëllojta apo pazare si të vitit 2009, dëmtojnë fitoren e përbashkët. Kështu që ne do të ndërmarrim të gjitha veprimet e nevojshme jo thjesht për mbijetesën e partive tona, por për të evituar një humbje për shkak të gabimeve të megalomanisë apo të miopisë së lidershipit të Partisë Socialiste”, deklaroi Gjinushi. Më i ashpër në reagim ishte dhe Paskal Milo, i cili i cilësoi si çmenduri propozimet e bëra nga disa eksponentë të së majtës, të cilët propozojnë që aleatët të përfshihen në listën për deputetë të Partisë Socialiste. Për Milon, partitë e vogla të opozitës kërkojnë që votat e elektoratit të shndërrohen në mandate, dhe jo të konsideron si lëmoshë. “Ne kërkojmë që atë mbështetje që na ka dhënë dhe na jep elektorati ynë të legjitimohet në mandate, dhe këto mandate nuk i kërkojmë as si lëmoshë, nuk kërkojmë as të përfshihemi në listat zgjedhore të Partisë Socialiste, siç mund të deklarojë ndonjë i luajtur mendsh brenda radhëve të Partisë Socialiste”, deklaroi Milo. Ndërkohë, për demokristianin Nard Ndoka, përfaqësimi i partive të vogla mund të bëhet dhe larg Partisë Socialiste, që sipas tij, e ka shkelur marrëveshjen me aleatët. Ndoka nuk përjashton një rikthim të mundshëm në “krahët” e maxhorancës.

Reagimi i Ramës
Kreu i Partisë Socialiste ka reaguar dje lidhur me deklaratat kërcënuese të aleatëve të opozitës. “Keqardhje për reagimin në tym të aleatëve ndaj Partisë Socialiste! PS-ja mbron të njëjtën bindje me ta, por s’ka në dorë ta përmirësojë pa konsensus sistemin”, deklaroi Rama në Twiter. Kryetari i PS-së është takuar gjatë kësaj jave në zyrën e tij me aleatët, duke zhvilluar takime kokë më kokë. Rama ka sqaruar pozicionin e PS-së, se ndryshimi i sistemit nuk varet plotësisht nga PS-ja. Ndërsa Partia Demokratike dhe ndërkombëtarët nuk pranojnë korrektimin e sistemit.

Skënder Gjinushi
Kryetar i PSD-së, Skendër Gjinushi, deklaroi dje se dështimi i radhës i opozitës është i mundur nëse nuk dëgjohet zëri i partive aleate nga kryetari i PS-së, Edi Rama. Gjinushi theksoi se lideri i PS-së po bën gabimet e vitit 2009, çka do t’i sjellë së majtës mbetjen në opozitë. ”E majta ndodhet në opozitë jo për faj të mungesës së votave, por për gabimet e lidershipit të PS-së dhe veçanërisht në mentalitetin që ka për aleatët. Dua të lëshoj paralajmërimin që po të vazhdojë në këtë rrugë, atëherë përsëri do të kemi rezultate si të 2009-s apo të 2005-s. Kështu që ne do të ndërmarrim të gjitha veprimet e nevojshme jo thjesht për mbijetesën e partive tona, por për të evituar një humbje për shkak të gabimeve të megalomanisë apo të miopisë së lidershipit të PS-së”, tha Gjinushi.

Paskal Milo
Paskal Milo, kreu i Partisë Demokracia Sociale, deklaroi dje se nuk do të pranohet dalja në zgjedhje me një listë të përbashkët kandidatësh me PS-në. Për Milon, qëndrimi i Edi Ramës vjen si rrjedhojë e sondazheve të kryera nga kjo forcë politike dhe bindjen se mund t’i fitojë zgjedhjet e vetme. “Ne shprehim keqardhje që PS-ja, aleatja jonë, po bën të njëjtat gabime. Nëse PS deri tani na ka konsideruar aleat dhe këndej e tutje nuk do të na konsiderojë si të tillë, atëherë kjo do të jetë përgjegjësi e saj. Është vetë PS që dëshiron të shkëputet nga ne për vetë faktin se ka bërë disa llogari dhe disa sondazhe që i fiton zgjedhjet edhe vetëm. Nuk i kërkojmë as të përfshihemi në listat zgjedhore të Partisë Socialiste, siç mund të deklarojë ndonjë i luajtur mendsh brenda radhëve të PS”, deklaroi Milo.

Nard Ndoka
Kryetari i Partisë Demokristiane, Nard Ndoka, u shpreh dje i zhgënjyer nga qëndrimi i kryetarit të opozitës, i cili, sipas tij, nuk mbajti premtimin për korrektimin e sistemit zgjedhor. Ndoka deklaroi se mundësi e hapur është dhe ribashkimi me Partinë Demokratike. “Do të shohim mundësitë tona për t’u përfaqësuar politikisht në zgjedhjet e ardhshme parlamentare duke synuar, në fund të fundit, pasi ka dhe ekzistojnë hapësira të ndryshme politike që nëpërmjet koalicioneve, qofshin këto dhe jashtë Partisë Socialiste, partitë tona të përfaqësohen. Partia Socialiste po hap një hendek të madh me aleatët e vet. PS-ja e prishi marrëveshjen me aleatët. PDK-ja nuk e ka përjashtuar asnjëherë bashkëpunimin me çdo parti politike, përfshirë dhe Partinë Demokratike”, tha Ndoka.

Petro Koçi
Kodi i ri Zgjedhor që po përgatitet nga Partia Demokratike dhe ajo Socialiste në Parlament, sipas Petro Koçit, kryetari i PSV91, po përgatitet me frymën e përjashtimit. Koçi deklaroi se partitë e vogla të opozitës nuk do të qëndrojnë pa bërë asgjë, por do të luftojnë kundër sistemit elektoral përjashtues. Kryetari i PSV91 theksoi se interesi i Partisë Socialiste është shtimi i aleancave, dhe jo tradhtia ndaj aleatëve. “Kodi Zgjedhor, për të cilin mban përgjegjësi edhe Partia Socialiste, përmban një frymë përjashtuese dhe një frymë të krijimit të monopoleve, krizësjellës dhe pazarxhinjsh në Parlament. Është e nevojshme që taktika elektorale e së majtës t’i shtojë dhe jo t’i pakësojë aleatët. Ne jemi të vendosur të luftojmë kundër këtij sistemi përjashtues”, theksoi Koçi.

Dule: Nuk kemi marrëveshje me PS
Partia Bashkimi për të Drejtat e Njeriut do të shohë mundësinë e bashkëpunimit me parti të polit të qendrës nëse sistemi zgjedhor nuk ndryshon. Pak ditë më parë, Dule u shpreh gjatë një interviste televizive se nuk ka aktualisht një marrëveshje me PS. “Ne kishim një marrëveshje bashkëpunimi para dhe pas zgjedhjeve të 2011-s me Partinë Socialiste, ku kishim përputhje idesh dhe programesh. Ajo marrëveshje nuk ekziston më. Ne do të shohim të gjitha mundësitë e bashkëpunimeve të PBDNj-së për të kontribuuar në proceset integruese të vendit”, është shprehur Dule.

FATION BINJAKU
Panorama

[Albo]

Reforma zgjedhore, numërim elektronik në zgjedhjet e 2013

Komisioni i Reformës Zgjedhore ka miratuar dje me konsensus aplikimin për herë të parë të numërimit elektronik të votave në zgjedhjet e ardhshme të vitit 2013. Komisioni ka miratuar gjithashtu me vota unanime edhe kapitullin e zonave të qendrave të votimit. Në mbledhjen e djeshme dy kapitujt e rëndësishëm, përveç miratimit të PD-së dhe PS-së, kanë marrë dhe “bekimin” e partive të vogla, Lëvizjes Socialiste për Integrim dhe Partisë Bashkimi për të Drejtat e Njeriut. Në draftin e miratuar adresohen një sërë kërkesash ndaj kompanisë që do të marrë përsipër aplikimin e sistemit elektronik të numërimit të votave në 2013-n. “Sistemi elektronik i numërimit përbëhet nga tërësia e pajisjeve elektronike, kompjuterike dhe e programeve të ndryshme informatike, nëpërmjet të cilave në mënyrë automatike e të pavarur realizohet numërimi dhe vlerësimi i fletëve të votimit, si dhe nxjerrja e rezultatit zgjedhor”, thuhet në draftin e miratuar me konsensus nga maxhoranca dhe opozita. Komisioni kërkon që sistemi elektronik të provohet 60 ditë para zgjedhjeve dhe të shihet mundësia që kompania të kontraktohet edhe për zgjedhjet në vijim. Një tjetër klauzolë e rëndësishme është dhe numërimi manual i fletëve të votimit, në rastet kur nuk është i mundur numërimi elektronik. Një vendim i tillë duhet të merret nga Komisioni Qendror i Zgjedhjeve me një shumicë të cilësuar votash. “Numërim i çdo flete të votimit në mënyrë të njëpasnjëshme dhe pa i dëmtuar ato; proces përpunimi të fletës nga pajisja, të mund të vëzhgohet me sy të lirë; nxjerrje e rezultatit të zgjedhjeve për qendrën e caktuar të votimit dhe ZAZsë; ruajtje e imazhit të çdo flete të votimit të skanuar; ndarje fizike e fletëve të vlefshme dhe të pavlerësuara; shfaqje e imazhit të fletës së pavlerësuar që kërkon vlerësim manual; prodhim i tabelës së rezultatit për çdo QV, ZAZ dhe rekordet e vendimmarrjes, të hedhura në sistemin elektronik të numërimit”, thuhet në draftin e miratuar nga palët.

QENDRAT E VOTIMIT
Në zgjedhjet e ardhshme nuk do të lejohet votimi në qendrat që kërkohet të vendosen në banesa private. Anëtarët e Komisionit të Reformës kanë specifikuar se votimi në qendrat private do të aplikohet vetëm në rastet kur në zonën zgjedhore mungojnë ambiente publike, si shkolla apo palestra. Vetëm në mungesë të këtyre ambienteve, do të caktohen ambientet private të cilat më parë do të inspektohen nga Komisioni Qendror i Zgjedhjeve dhe të miratohen me dakordësinë e partive politike.

KOMISIONI I REFORMËS ZGJEDHORE
Fundi i muajit prill është afati i fundit që të përfundohet reforma zgjedhore. Deri më tani, Komisioni i Reformës ka miratuar rreth 7 kapituj, të cilët janë konsideruar si problematikë në zgjedhjet e 2009-s dhe 2011-s. Komisioni i Reformës ka ende për diskutim disa pika të “nxehta”, që kanë të bëjnë me rikompozimin e KQZ-së, caktimin e zonave zgjedhore dhe sistemin zgjedhor.

NDRYSHIMET NË KODIN ZGJEDHOR

Numërimi elektronik i votave
- Numërimit i çdo flete të votimit në mënyrë të njëpasnjëshme dhe pa i dëmtuar ato;
- Procesi i përpunimit të fletës nga pajisja, të mund të vëzhgohet me sy të lirë;
- Nxjerrja e rezultatit të zgjedhjeve për qendrën e caktuar të votimit dhe ZAZ-së;
- Ruajtjen e imazhit të çdo flete të votimit të skanuar;
- Ndarjen fizike të fletëve të vlefshme dhe të pavlerësuara;
- Shfaqjen e imazhit të fletës së pavlerësuar që kërkon vlerësim manual;
- Prodhimin e tabelës së rezultatit për çdo QV, ZAZ dhe rekordet e vendimmarrjes, të hedhura në sistemin elektronik të numërimit;
- Prova e numërimit zhvillohet 60 ditë para zgjedhjeve, në prani të publikut;
- Numërimi manual, në raste përjashtimore me vendim të KQZ, kur nuk përdoret sistemi elektronik;

Qendrat e votimit .
Qendrat e votimit, selitë e KZAZ-ve dhe vendi i numërimit të votave, për aq sa është e mundur, krijohen në ndërtesa publike me hyrje të lirë. . Qendrat e votimit, selitë e KZAZ-ve dhe vendi i numërimit të votave nuk mund të krijohen:
a) në ndërtesa private, pa vendim të KQZ-së. Në çdo rast qendra e votimit nuk mund caktohet në banesa private;
b) në ndërtesa që përdoren nga administrata publike, me përjashtim të institucioneve arsimore, kulturore dhe shëndetësore; ose:
c) në ndërtesa që përdoren apo janë në pronësi, pjesërisht ose tërësisht, të një partie politike, kandidati, të afërmve të tij, ose kanë shërbyer si zyra elektorale gjatë fushatës zgjedhore.
- KQZ mund të caktojë qendra votimi në ndërtesa private kur nuk ka mundësi objektive për të përdorur një ndërtesë publike në zonën e qendrës së votimit ose në një zonë qendre votimi fqinje. Propozimi për caktimin e tyre paraqitet me dy objekte alternative, planimetrinë përkatëse ose fotografi të ambientit, një përshkrim për lehtësirat që ofron objekti për zhvillimin normal të zgjedhjeve dhe që plotëson kriteret e përcaktuara në këtë nen. Bëjnë përjashtim rastet kur nuk është e mundur gjetja e një objekti alternativ.
- Me kërkesë të një anëtari të KQZ-së, administrata e KQZ-së kryen verifikimin përkatës në terren dhe paraqet një raport për plotësimin e kushteve të parashikuara në këtë Kod apo në akte të tjera. Vendimi merret në konsultim me përfaqësuesit e akredituar të subjekteve në KQZ. Një kopje e vendimit të KQZ-së afishohet qartë në hyrjen e QV-së apo VNV-së përkatëse në ditën e votimit.

Panorama