Vipat me te mire ne Bote

[YaSmiN]

[100 vip-at më me ndikim në botë





Të pasurit dhe të famshmit kanë pasur një vit të mrekullueshëm dhe të tmerrshëm njëkohësisht. Ndjekja e filmave ka rënë me 8 për qind vitin e kaluar, pasi njerëzit kanë filluar t’i ndjekin filmat nga shtëpitë e tyre duke u ankuar mbi të gjitha për çmimin e lartë të biletave në kinema. Ndarjet, bebet dhe tradhtitë kanë monopolizuar dhe pothuajse eklipsuar karrierat e disa aktorëve siç është Jennifer Aniston dhe Angelina Jolie. Por shfaqja në kopertina nuk është e mjaftueshme për të pasur një pozicion solid në Hollivud. Një çek me shumë shifra nuk është i mjaftueshëm gjithashtu. Vetëm një kombinim i fitimeve dhe prezencës në media mund t’i japë mundësinë një aktori apo personaliteti tjetër të njohur nga biznesi i argëtimit që të jetë pjesë e listës me 100 emra të revistës amerikane “Forbes”. Për të kompozuar listën revista “Forbes” ka llogaritur fitimet nga qershori i vitit 2005 deri në qershor të këtij viti. Këto fitime përfshijnë paratë që vijnë nga “showbiz-i”. Renditja është bërë duke kombinuar fitimet me faktorë të tjerë siç është numri i klikimeve në Google, prania në shtyp, numri i herëve të përmendura nga televizionet dhe radiot si dhe numri i herëve që një prej këtyre personazheve të famshme është shfaqur në revistat më të shitura.

Tom Cruise

Tom Cruise është kthyer në vendin e parë të listës së “Forbes 100”, post të cilin e ka mbajtur para pesë vitesh. Ky rikthim i tij ka ardhur falë kombinimit të të ardhurave marramendëse nga “War of the Worlds” (Lufta e Botëve) dhe furisë së mediave që kanë ndjekur në çdo hap lidhjen e tij me aktoren Katie Holmes. Ai gjithashtu është kthyer në objekt vëmendjeje dhe shkrimesh të pafundme me shfaqjen e tij të çuditshme në “Oprah Show”, kritikat e tij të hapura ndaj industrisë farmaceutike dhe padyshim me vajzën e tij të lindur para pak kohësh nga Katie Holmes, Surie.

Roling Stones

Banda e madhe e rokut, Rolling Stones, kishte nxjerrë 162 milionë dollarë në fund të vitit 2005 prej turneut “A Bigger Bang” duke tejkaluar kështu rekordin e mëparshëm prej 120 milionë dollarësh nga turneu i vitit 1994 “Voodoo Lounge”. Në shkurt, banda muzikore u shfaq përpara një publiku prej 1.5 milionë personash në Rio, Brazil, audienca më e madhe që ka ndjekur këtë grup ndonjëherë. Tre muaj më vonë grupi performoi për herë të parë në Kinë, ku zyrtarët e ndaluan të luante klasikët provokativë si “Brown Sugar” dhe “Beast of Burden”.

Oprah Winfrey

Afrikano – amerikania më e pasur e Amerikës vazhdon të zgjerojë perandorinë e saj të multimedias. Produksioni i saj në Broadway “The Color Purple” mblodhi 11 nominime Tony. Oprah Winfrey gjithashtu po zhvillon një show për yllin e Rrjetit të Ushqimit Rachael Ray në lidhje me një program javor radiofonik “Oprah and Friends”. Njëkohësisht zëri i Oprah do të shfaqet në variantin e animuar të filmit “Charlotte’s Web” që do të dalë në Krishtlindjet e ardhshme. Oprah pësoi mjaft kritika vitin e kaluar kur u zbulua që libri i promovuar në emisionin e saj “A milion little peces” nga James Frey ishte falsifikuar.

U2

Këngëtarët irlandezë të rokut në vitin 2005 kanë fituar më shumë para se çdo muzikant tjetër në planet. Albumi i tyre “How to Dismantel an Atomic Bomb” u klasifikua si numri një në renditjet amerikane dhe britanike vitin e kaluar duke fituar dhe pesë çmime “Grammy” duke përfshirë këtu një për “Albumi i Vitit”. Por pozicioni i spikatur i U2 në këtë listë ka ardhur si pasojë e ekspozimit mediatik të liderit të grupit, Bono-s, i cili është kthyer në një aktivist me mjaft influencë për ndërgjegjësimin ndaj AIDS dhe lehtësimit të borxhit ndaj Afrikës. Bono është nominuar edhe për çmimin “Nobel” për paqe.

Tiger Woods

Woods, i cili është tek të 30-at ka fituar nga turnetë e golfit 58 milionë dollarë, rreth 12 milionë dollarë më shumë se konkurrenti i tij më i fortë. Duke i shtuar kësaj shume edhe marrëveshjet fitimprurëse me Nike, Accenture, General Motors dhe American Express nuk është çudi që princi i golfit mund t’i lejojë vetes mjaft të mira materiale siç është dhe blerja e fundme e një jahti prej 47 metrash dhe një prone prej katër hektarësh pranë oqeanit në ishullin Jupiter Island në Florida. Shkolla e porsahapur prej tij “Tiger Woods Learning Center” në Kaliforni është një qendër edukimi dhe praktike golfi për fëmijë.

Steven Spielberg

Fituesi i vendit të parë të listës të 100 “vip”-ave më të pasur e të spikatur i ka nxjerrë të ardhurat e tij prej shitjes së biznesit të DreamWorks SKG tek Paramound. Kësaj i shtohen edhe përfitimet prej “War of Worlds”, filmi i katër me fitimet më të larta vitin e kaluar. Ndërsa “Munich” i Spielberg pavarësisht se fitoi lëvdatat e kritikëve, u shmang nga spektatorët. Ky zhgënjim mund të shpjegojë se pse Spielberg ka vendosur t’u kthehet filmave që zbavitin turmën, duke përgatitur të preferuarit e kinemasë “Indiana Jones” dhe “Jurassic Park”.

Howard Stern

Një vit jashtëzakonisht fitues për personalitetin radiofonik dhe televiziv amerikan Howard Stern, i cili përfiton 100 milionë dollarë në vit nga kontrata me Sirius Satelite Radio. Kompania gjithashtu i ka dhënë atij një bonus prej 225 milionë dollarësh për arritjen e etapave të abonimit. Kjo shkaktoi dhe thyerjen e një kontrate me radion CBS, punëdhënësja e tij e vjetër e cila e akuzoi atë se e kishte përdorur për t’i bërë reklamë Sirius. I vetëquajtur “Mbreti i të gjitha mediave” prezentatori renditet kështu në vendin e shtatë të listës së VIP-ave më të pasur dhe më të rëndësishëm.

50 Cent

Shitjet e albumit të tij debutues të vitit 2003 “Get Rich or Die Tryin” dhe ai i vitit të kaluar “Massacre” kanë arritur në 20 milionë kopje në mbarë botën . Por 50 Cent gjithashtu zotëron dhe G-unit, një perandori e gjerë multimedia që përfshin veshje, videogames, ringtones. Pavarësisht një performance modeste në filmin “Get Rich” vitin e kaluar ish-përdoruesi i drogës i kthyer tashmë në një reper të famshëm, 50 cent-it i është propozuar të shfaqet dhe në dy filma të tjerë duke përfshirë këtu filmin që do të dalë së shpejti mbi Irakun “Home of the Brave”.

“Sopranot”

Familja kriminale që shfaqet në serialin televiz “Sopranot” është kthyer pas një mungese të stërzgjatur për sezonin final. James Gandolfini, i cili sipas raportimeve ka në dispozicion 1 milion dollarë për episod po ecën përpara me projekte më të mëdha televizive dhe kinematografike duke përfshirë këtu “Lonely Hearts” një film me një vrasje misterioze ku është protagonist John Travolta. Vitin e kaluar protagonistët e serialit “Sopranot” janë shfaqur dhe në impenjime të tjera televizive. Michael Imperioli u shfaq në shumë episode të serialit “Law and Order”.

Dan Brown

Adaptimi i filmit të kritikuar “Kodi i Da Vinçit” ka korrur 77 milionë dollarë në SHBA, duke qëndruar duke u renditur kështu në filmat rekordmenë. (Filmi mendohet se mund t’ia kalojë dhe filmit “Pasioni i Krishtit”). Dan Brown, romani i të cilit me të njëjtin titull është shitur në 61 milionë kopje në gjithë botën dhe padyshim ka korrur fitime të jashtëzakonshme, së fundmi fitoi një çështje gjyqësore ku e kishin akuzuar për plagjiaturë. Sipas zërave në Hollivud, shtëpia diskografike “Sony” po planifikon që të kthejë në film edhe librin e mëparshëm të Dan Brown, “Engjëj dhe Djaj”.

100 EMRAT

1. Tom Cruise - aktor
2. Rolling Stones - bandë muzikore
3. Oprah Winfrey - prezantuese e famshme
4. U2 - bandë muzikore
5. Tiger Woods - kampion golfi
6. Steven Spielberg - regjisor
7. Howard Stern - prezantues radiofonik dhe televiziv
8. 50 Cent - këngëtar rrepi
9. Sopranot - trupa e serialit televiziv
10. Dan Brown - shkrimtari i “Kodi i Da Vinçit”
11. Bruce Springsteen - këngëtar
12. Donald Trump - biznesmen
13. Muhammad Ali - ish-boksier
14. Paul Mcartney - ish pjesëtar i “Beatles”
15. George Lucas - regjisor
16. Elton John - këngëtar
17. David Letterman - prezantues i famshëm
18. Phil Mickelson - lojtar i famshëm golfi
19. J.K. Rowling - shkrimtarja e “Harry Potter”
20. Brad Pitt - aktor
21. Peter Jackson - regjisori i “Lord of the Rings”
22. Dr. Phil McGraw - prezantues televiziv
23. Jay Leno – prezantues televiziv
24. Celine Dion - këngëtare
25. Kobe Bryant - basketbollist
26. Michael Jordan - basketbollist
27. Johnny Depp - aktor
28. Jerry Seinfeld - prezantues, komedian
29. Simon Cowell - personazh televiziv
30. Michael Schumacher - pilot i “Formula 1”
31. Tom Hanks - aktor
32. Rush Limbaugh - prezantues radiofonik
33. Denzel Washington - aktore
34. “Shtëpiake të dëshpëruara” - serial televiziv
35. Jennifer Aniston - aktore
36. Angelina Jolie - aktore
37. Binjaket Olsen - aktore
38. Nicole Kidman - aktore
39. The Eagles - grup muzikor
40. Rod Stewart - këngëtar
41. Shaquille O’Neal - basketbollist
42. Jerry Bruckheimer - producent
43. David Beckham - futbollist
44. Jessica Simpson - këngëtare
45. Andrew Lloyd Webber - njeri i spektakleve
46. LeBron James - basketbollist
47. Neil Diamond - këngëtar
48. Alex Rodriguez - atlet
49. Will Smith - aktor, këngëtar
50. Dick Wolf - regjisor dhe producent
51. Dave Matthews Band - bandë muzikore
52. Tom Brady - sportist
53. Ronaldinho - futbollist
54. Jodie Foster - aktore
55. Ray Romano - komedian
56. Paris Hilton – trashëgimtare e dinastisë Hilton
57. Adam Sandler - aktor
58. Derek Jeter – lojtar bejsbolli
59. Jennifer Lopez – këngëtar, aktore
60. Rick Warren – shkrimtar
61. Scarlett Johansson - aktore
62. Katie Couric – personazh televiziv
63. Maria Sharapova - atlete
64. Valentino Rossi – çiklist
65. Halle Berry - aktore
66. James Patterson - shkrimtar
67. Leonardo DiCaprio - aktore
68. Kiefer Sutherland - aktor
69. Jim Carrey - aktor
70. Cameron Diaz - aktore
71. Gisele Bundchen - modele
72. Renee Zellweger - aktore
73. Carson Palmer - futbollist
74. Michelle Wie - atlete
75. Reese Witherspoon - aktore
76. Bill O’Reilly – personazh televiziv
77. Kate Moss - modele
78. Diane Sawyer – personazh televiziv
79. Sean (Diddy) Combs - këngëtar
80. John Grisham - shkrimtar
81. Rachael Ray – shefe kuzhine
82. Dave Chappelle - komedian
83. Larry the Cable Guy - komedian
84. Tyra Banks – modele
85. George Lopez - aktor
86. Regis Philbin – personazh televiziv
87. Serena Williams – teniste
88. Ryan Seacrest – trashëgimtar dhe personazh
89. Wolfgang Puck – shef kuzhine
90. Venus Williams – teniste
91. Annika Sorenstam - atlete
92. Matthew Broderick/Nathan Lane - aktorë
93. Mel Brooks – producent, regjisor
94. Emeril Lagasse - shef kuzhine
95. Nicole Richie – personazh
96. Heidi Klum - modele
97. Mario Batali – shef kuzhine
98. Eric Idle/ Mike Nichols – regjisorë, producentë
99. Adriana Lima - modele
100. Ty Pennington - personazh

Marrë nga revista amerikane “FORBES”

[MI CORAZON]

Bravo, se me djerse e me fat i kane ato pare.

[benseven11]

Rolling Stones eshte perandori ne muzike,legjendar,sic eshte mikrosofti per kompjuterat.
Jenifer Aniston,artiste koti,komplet mediokre,aktorja pa talent,me e dobeta ne Hollivud.
E kane hallall dhe e meritojne komplet Spielbergu dhe Xhorxh Lukas.
50 cent eshte nje alabak.
Me Tom Hanks ja kane fut kot.Artist koti.Vetem nje film ka luajtur bukur ai,ate filmin me punonjesin e postes ku bie avioni ne oqean dhe oqeani e hedh Tomin ne nje ishull te pabanuar.
Paris Hilton ja kane fut kot,nje cope adoleshente qe nuk e arrin as 1% te bukurise se Pamela Anderson.hajt mo varja poteret e revistave tabloid.